Dan Roodt, Author at praag.co.za

‘Net ‘n tydelike terugslag vir Bafana’- minister

Die Bafana Bafana verkeer op die punt om geskiedenis te maak deur die eerste span van ‘n gasheerheerland te word wat in die eerste rondte van ‘n wêreldsokkertoernooi uitgeskakel word. Maar volgens die minister van sport, Makhenkise Stofile, is dit net ‘n “tydelike terugslag” en moet “Suid-Afrikaners” nie “opgee oor Bafana Bafana” nie.

Tydens die swart Suid-Afrikaanse span se verpletterende neerlaag van 3-0 teen Uruguay het die doelwagter Itumeleng Khune insgelyks die geskiedenisboeke herskryf deur slegs die tweede doelwagter ooit te word wat ‘n rooi kaart tydens die toernooi ontvang.

Met Meksiko en Uruguay wat teen mekaar speel in die laaste wedstryd in die huidige rondte, hoef enigeen van dié twee spanne net gelykop te speel om tot die sestiende finaal deur te dring. Suid-Afrika speel teen Frankryk, maar selfs ‘n wen deur enigeen van dié spanne sal nie genoeg wees om sy uitskakeling op dié vroeë stadium te verhoed nie.

Frankryk het ‘n besonder vrot vertoning teen Meksiko gelewer, wat die voormalige wêreldkampioen met 0-2 laat verloor het.

Die plaasvervanger Javier Hernandez, wat aanstaande seisoen vir die Britse Manchester United sal speel, het Meksiko in in die 64ste minuut laat voorloop met ‘n doelskop.

Agterna het die Franse speler Eric Abidal Dablo Barrera naby die doelhok gepootjie, waarna Cuahtemoc Blanco die strafskop sekuur in die hoek van die net ingeskop het om Meksiko te laat wen.

Sowel die ANC-bewind as die plaaslike reëlingskomitee het “Suid-Afrikaners” aangemoedig om die wêreldsokkerbeker aan te hou ondersteun al gaan die Bafana binnekort van die toneel verdwyn.

casino game Фильчаков прокурор

As howe die regering tot verantwoording moet roep

Twee parallelle gebeurtenisse speel hulle nou af. In die Vrystaat is ‘n skikking tussen Vrystaat Landbou en die regering verkry wat daarop neerkom dat die regering nou sy grondwetlike plig teenoor Vrystaatse grensboere met Lesotho gaan nakom. Die staat – oftewel – die belastingbetalers – gaan die regskoste betaal.

Die staat het na drie jaar kopgegee en uiteindelik besluit om sy verweerskrif te onttrek, en nou uiteindelik ‘n probleemgrens te beveilig.

Terselfdertyd spreek Afriforum sy regspan, nadat die Suid-Afrikaanse regering weer versuim het om Suid-Afrikaanse boere in Zimbabwe te beskerm wat deur grondbesetters bedreig word. Die regering het teen die spertyd nie op Afriforum se kommunikasie hieroor reageer nie. Die aanloop is ook dat die regering op die laaste nippertjie geskik het toe hy van plan was om boere uit ‘n bilaterale ooreenkoms met Zimbabwe te sluit. Nou staar die regering waarskynlik weer regsoptrede in die gesig.

Terwyl die regering met die mond kliphard nasiebou predik, faal dit en sy tentakels as dit by die daad kom. Veral sommige lede van die nasie is skynbaar bestem om tweedeklas-lede te wees, en volgens huidige uitsprake, onbepaald so te bly. Die strategie van voetskietery maak nie sin gegewe die bekpraatjies nie.

Die tweede aspek wat onder die loep kom, is dat die howe nie net ‘n waghondfunksie oor die regering moet vervul nie, maar gereeld regeringsfunksies moet oorneem. Ook in die Vrystaat moes die hof byvoorbeeld ingryp en nie net tenders tersyde stel nie, maar hertoeken.

Terwyl dit goed is dat die howe hierdie soort funksies kan vervul, en bereid is om dit te vervul, sleep dit ook die howe by die politiek in, wat al hoe meer grondwetkenners maan die howe se aansien kan benadeel. Veral as dit tot die partypolitieke vlak begin daal, soos waar die howe by herhaling in die Cope-sage moes ingryp.

Die howe moes terselfdertyd ingryp in die Julius Malema-sage. In lande soos Australië is ‘n debat aan die gang oor hoe ver die oppergesag van die grondwet, en daardeur die howe, moet strek. Uiteindelik, so word geargumenteer, word die kiesers hul demokratiese reg om hulself te regeer deur ‘n onverkose liggaam ontneem.

Die debat neem trek egter ‘n geheel ander baadjie aan as dit om ‘n heterogene land handel met ‘n grondwet wat vir ‘n homogene land ontwerp is. Dan kan daar geen twyfel wees dat die howe se rol onontbeerlik sal wees nie, soos nou in Suid-Afrika by herhaling bewys word. Om nou die howe se sogenaamde inmengery te bevraagteken is ‘n erkenning dat die grondwet nie aan sy demokratiese aard voldoen nie, en ook nie kan voldoen nie.

Dit word vererger deur die disfunksionele en / of partydige grondwetlike beskermingsliggame, soos die Menseregtekommissie en Openbare Beskermer. So lank die howe soos onafhanklike howe handel, so lank verdien hul bereidheid om reg te maak waar sake skeefloop, nie om onder verdenking geplaas te word nie.

So lank die regering ook nie leer om self sy burgers ewehandig te hanteer nie, moet hy ook nie verbaas wees as die wat hy minder gelyk as ander behandel, hulle tot die howe wend nie. En solank dit gebeur is nasiebou deur euforie soos om Tik teen armoede in te span. So lank moet die bou van die land se beeld deur die prisma van ‘n patetiese regering geskied.

Terwyl die Nederlandse regering se energie deur koalisiegesprekke opgeneem word, sorg daardie regering nog vir sy oranje rokdraende burgers. Hierdie regering moet deur die howe tot orde geroep word om dieselfde te doen.

topcargo развод

U rekening, meneer

Die kostes om die sokkerpartytjie te befonds en die toernooi aan te bied is reeds aangegaan. Finale kostes is nog nie bekend nie, maar strek tussen R40 miljard (40,000,000,000) en R52 miljard (52,000,000,000). Kom ons werk op R40 miljard en ons kyk hoe die rekening daarna uitsien. (2009 SAID-jaarverslagdata verwys.)

– Die R40 miljard kostes is ongeveer 6,40% van die hele land se belastinginvorderings in 2009 (R625 miljard) wat indiwidue en besighede insluit.

– Jan Publiek, die salaristrekkende belastingbetaler, betaal ongeveer 56% van die hele land se belasting (R196 miljard Inkomstebelasting en R157 miljard BTW = R353 miljard uit die total poel van R625 miljard)

– Tussen die Jan Publiek-private-indiwidue is daar ‘n groep van ongeveer 5,7 miljoen indiwidue wat die grootste deel van die inkomstebelasting betaal (R190 miljard van die R196 miljard is jou rekening). Dan is daar nog so 5,6 miljoen mense wat die ander R6 miljard van die R196 miljard dra.

Die ander 33,7 miljoen in die land betaal niks inkomstebelasting (IB) nie; Zero, zilch, geen. Dit volg natuurlik dat almal in die land wat iets koop BTW betaal, ook die 33,7 miljoen wat nie IB betaal nie. Maar per afleiding betaal die gemiddelde ou in die 5,7-miljoengroepie egter baie meer BTW op sy internet, selfoon, kruideniersware, ADT-beskerming, Discovery Health-plan en BMW-paaiemente as die ander ouens wat net BTW op pap en sy BMW-paaiement het. (Terloops, daar is nie eers BTW op pap nie).

Ek stel dit dan aan u, dat die gemiddelde private belasting betaler, d.m.v. BTW en IB, die meerderheid van die kostes in Mzansi moet dra. Nou as jy dit kan erken, insien en besef, kom ons kyk wat jou 56% van die 40,000,000,000 vir jou gekoop het.

– Opgegradeerde en nuwe stadions

– Opgegradeerde lughawens

– Opgegradeerde infrastruktuur deur die land

Jy as private indiwidu het egter geen beheer oor hierdie bates en hulle voordele nie. Dit is in beheer van die staat en sy amptenare (wat gewoonlik hulle gades insluit).

– Hulle sal besluit waarvoor die stadions verder aan gebruik gaan word.

– Die staat sal besluit wie kan vergaderings by die stadions hou.

– Die staat sal besluit wat hierdie infrastruktuur gedoop gaan word.

– Die staat sal die doeanebelastings van die nuwe lughawens ontvang.

– Die staat sal die meerderheid van die voordele vanuit hierdie nuwe infrastruktuur ontvang. Jy gaan nie nou gratis op Loftus kan sit vir die volgende twee jaar omdat jy hom help betaal het nie.

– Dink jy ANC-lede moet toegangsfooie betaal vir ‘n sitplek as hulle ‘n Peter Mokaba-viering in Peter Mokaba-stadion in “Polokwane” bywoon?

Nee man, sê jy dalk vir my. Moenie bekommer nie, die land gaan ‘n klomp geld inkry vanaf buitelanse toeriste. Praat ons dalk van die 300,000 van hulle?

Ok, ok, ok sê die afleweraar van die rekening. Ten minste gaan die land se internasionale beeld gepoets en gevryf word. Dink net aan die ontasbare waarde van die beeld wat uitgedra word. Gaan vertel dit vir die 13 lande wie se spanne, mediaspanne en toeriste reeds beroof is. En ons is nog nie eers halfpad nie. Gaan vertel dit vir die internasionale kykers wat hulle TV’s afsit om die klank van die versoeningstrompet uit hulle ore te kry.

As daar landsburgers is wat gelukkig is met die uitgawes en die aangeskafte bates: “Wonderlik vir julle!” Maar as dit ‘n vrywillige betaling geverg het, twyfel ek sterk of die volle R40 miljard bymekaar gemaak sou kon word. Die klomp hêppie hêppie trompletblasende mense sou maar gesukkel het om die R40 miljard sonder die ander se bydraes bymekaar te maak. So as jy nie vrywillig bygedra het nie, hoe is die geld uit jou uit gekry? Jy is gedwing en subtiel gedreig deur die staat, wat ‘n monopolie op gewapende mag het, om dit te doen. Die skrywers van liefdesbriefies aan juffrou Mandela en meneer Bafana in Naspers se koerante en hulle 33,7 miljoen maatjies het die ander belastingbetalers mooi gewys waar Dawid die wortels gegrawe het.

Izak du Plessis is ‘n teologies verdwaalde gees

Ds Izak du Plessis het onlangs uit die NGK Valleisig as predikant bedank en wye publisiteit geniet. So gee Neels Jackson volbladpublisiteit aan Du Plessis se afskeidspreek in die Beeld van 8 Junie 2010.

Du Plessis is nie drukbaar in ‘n blik nie. Toe Du Plessis hom as predikant laat oplei het en as sodanig gelegitimeer is, moes hy geweet het dat hy ‘n ampsdraer van ‘n kerk word met ‘n bepaalde belydenis en dogma. Du Plessis se preek adem ‘n rewolusionêre gees van ‘n selfvergoddelikende mens.

Izak is ‘n biersuiper, vandaar sy behoefte om die plaaslike kroeg te besoek. Let daarop dat hy nie mense daar wil bekeer nie. Om ‘n kroegmeisie in nood te help is beter as om in die kerk te wees. Die kerk kan by die kroeg gaan leer om “om te gee”. As die kerk relevant wil wees moet hy soos ‘n kroeg word. Daarmee demonstreer Du Plessis sy onkunde, want die kerk is daardie plek waar ‘n gemeenskap van gelowiges in ‘n biddende houding voor God te staan kom. Dit is ‘n geloofsgemeenskap waar ‘n sekere styl gehandhaaf word en ‘n liturgie geld. Wie in God se teenwoordigheid is, is nie ‘n biersuiper en losprater nie, maar ‘n beskeie mens wat sy beperktheid en aardsheid ken.

Du Plessis erken nou dat die klagtes oor leerdwalinge wat teen hom ingebring is, en waarvan hy oor 19 onskuldig bevind is, wel geldig was. Die vraag is of hy toe die klagtes in behandeling geneem is, die guts en die juridiese
weg gevolg het om skuld te erken … of het dit vir hom toe oor oorlewing gegaan?
Hy sien sy dwaling as sy eie persoonlike saak. Daarmee verraai Du Plessis sy liberale individualisme. In die sentrum van sy lewens- en wêreldbeskouing staan hyself. God, verklaar hy, het die gevangene geword van menslik uitgedinkte stelsels. In Du Plessis se alternatiewe godsdiens doen hy presies dít wat hy teen waarsku: God word in menslike terme deur hom ingekleur. Daarmee maak Du Plessis vir God los van Sy selfopenbaring aan honderde skrywers oor baie jare. God is nie so lief vir Sy kinders as wat hy, Du Plessis vir sy biologiese kinders is nie. Du Plessis moes iewers in die teologie geleer het dat die wetenskap van die liefde die etiek is.

Etiek is ‘n intermenslike verhouding. Die mens staan nie in ‘n fundamenteel etiese verhouding tot God nie, maar ‘n religieuse grondverhouding. Du Plessis soek “compassion” by die mens. Dit is juis God wat in ‘n verhouding van “compassion” tot die mens staan.

Du Plessis soek “compassion” vir en teenoor die swanger meisie en die seksuele gaymens, by wyse van spreke, en legitimeer in die proses menslike dade wat in die godsdiens as sonde te tipeer is. Sonde, bedoelende daarmee dat wanneer die sosiale norme van God vir ‘n geordende en ordelike lewe gebreek word, die geloofsverhouding tussen mens en God versteur word.

Wat Du Plessis dus doen is om God te vermenslik en af te bring tot die vlak van intermenslike liefde. God, daar en teen, is Almagtig, is ‘n God van geregtigheid en wil reg laat geskied, by gebreke waarvan hy die sonde straf. God is ‘n God van die verbond wat kontrakte met die mens sluit. God is ook meelewend en genadevol. God word deur Du Plessis verskraal tot die misterieuse, terwyl God Homself duidelik kenbaar maak in die Skrifte.

‘n Ander dwaling is dat Du Plessis verklaar dat hy in God leef. Die teendeel is waar: die Gees van God lê beslag op die hart van die mens. Dit is in die hart van die mens waar die uitgange van die lewe is en wat in konkrete dade omgesit moet word.

Du Plessis is ongemaklik met konsepte soos hemel en hel. Die implikasie is duidelik: omdat God nie buite die mens bestaan nie, daarom kan God nie op ‘n plek wees waar Sy troon is en waar Hy omring is van hemelwesens wat die lof van God besing nie.

Die ergste van Du Plessis se onkunde is dat hy nie weet wat geloof is nie. Geloof is ‘n vermoë waaroor alles mense beskik om met die transendente God in kommunikasie te kan tree. Diep ingebed in die menswees van die mens is sy hunkering om met sy Skepper verenig te word. Godsdiens, daar en teen, is die konteks waarin die gesprek plaasvind. So verklaar Paulus voor die Romeinse Keiser dat hy God, na die voorbeeld van Jesus aanbid. Waarteen Du Plessis dit eintlik het, is nie oor en teen geloof nie, maar oor en teen die geykte godsdiens waarbinne hy as predikant gefunksioneer het.

As predikant was hy in ‘n besondere verhouding om nuwe inhoud aan die godsdiens, as konteks vir die waarmaking van die geloof, te gee. Die feit dat Du Plessis bedank het, dui daarop dat hy ook op hierdie kardinale punt gedwaal het.

no deposit

Viva Oranje!

Met dié dat Fifa en die polisie so teë is op jong Nederlandse dames in skrapse oranje rokke, kan ek, as Vrystater, straksies raad gee.

Want sien, oranje het ‘n lang geskiedenis in die Vrystaat.

Die republiek en latere provinsie het lank as die Oranje-Vrystaat bekend gestaan.

Hoewel ‘n Vrystaatse president, vermoedelik om ‘n paar Rijksdaalders te probeer bekom, by die Nederlandse regering gesmous het dat die “oranje” met die Huis van Oranje verband hou, is die werklike geskiedenis dalk nie heeltemal so eenvoudig nie.

Die man wat die Oranjerivier sy naam gegee het, het dit volgens die mees betroubare inligting ter ere van die Hertog van Orange vernoem. Dié deel val vandag in Frankryk.

Die misverstande het nogal verder getrek, sodat die Oranje-Vrystaat se wapen ‘n heel gepaste olienboom op het, maar met die mooiste ryp lemoene aan.

En so ver ek kan agterkom, aard lemoene nie juis in die Vrystaat nie. Die Ore het wel ‘n lemoenboom, gekoester tussen twee suurlemoenbome met ook lemmetjie-takke, maar kom dit by die proeslag is dit ‘n rijksdaalder werp om te bepaal wat is die suurste.

Toe die Vrystaat in die nuwe Suid-Afrika ‘n nuwe naam moes kry, was die mees gepaste voorgestelde naam waarskynlik “Potholes” maar uiteindelik het die “oranje” weggeval.

Toe begin die Cheetahs weer by geleentheid ordentlik rugby speel, en die Vrystaters verf die provinsie behoorlik oranje. Voor die een eindstryd het selfs ‘n paar minnibustaksies in skel-oranje vere gepronk.

En toe kom die Vrystaatse LUR vir Sport en verbied oranje.

Wat rugby betref, het omtrent net die Cheetah-rugbybase gehoor gegee, en is oranje nou maar skraps op Cheetahtruie. Die ondersteuners – kom dit sulke tyd – verf egter die provinsie gereeld oranje.

Nou is Fifa en die polisie so rof op oranje. Die sonde is dat ‘n biermaatskappy wat nié een van Fifa se borge is nie, se kleur oranje is. Dit is ook Nederland se kleur, en die sokkerspan staan as Oranje bekend. Die koningshuios terloops ook, maar ek dink daaraan om vir Geert Wilders in die oor te fluister om tog die kongingshuis af te skaf oor die prins so vuvuzela blaas.

Ons Vrystaters het nou al ‘n paar lesse geleer oor hoe om met ‘n verbod op oranje saam te leef. Dus ‘n paar wenke.

Wanneer die dames aangekeer word, trek die gewraakte rokkies uit, en skree kliphard die polisie wil hulle molesteer. Dié advies is nou wel nie oorspronklik Vrystaats nie. Dit kom van die jong man en sy vrou van Onrus wat onwettig gaan perlemoen duik het. Die man is in sy duikpak onder die water in, en die vrou sit op die rubberbootjie, naby die strand, en kywie hou. Skielik, asof uit die niet, pyl ‘n boot van Operasie Neptune op haar af. Sy het nie tyd om haar man te waarsku nie, en maak ‘n plan B. Sy slinger die perlemoen oorboord, en pluk haar bikini uit, en begin luidkeels ten aanhore van die mense op die strand gil oor die klomp perverte polisiemanne wat op haar afpyl.

Operasie Neptune pluk hul boot om en jaag weg.

Dié dames hoef ook nie ander moeilikheid as die koue te vrees nie. Hulle kan bloot aanvoer dat hulle meegevoer is met die Afrika-karakter van die toernooi. Die kleertjies wat oorbly, selfs as daar niks bo is nie, pas mooi by die Zoeloe-kultuur in.

Maar eintlik is ek meer gesout met pawiljoen-advies vir die manne.

Moenie lemoene (met of sonder brandewyn ingespuit) op die pawiljoen probeer neem nie. Dis oranje, en gaan gekonfiskeer word as jy gelukkig is, of jou in die hof laat verskyn en op R10 000 borgtog vrygelaat laat word as jy minder gelukkig is.

En moenie nartjies op die pawiljoen bring nie. Hulle is ook oranje. Boonop proe biltong veel lekkerder sonder nartjiesous.

En selfs al word die nartjies op die pawiljoene gebring om daggarokers en vuvuzela-blasers mee te pot, moenie. Die oranje tel as verswarende omstandighede. Nee, kom kry by die Ore se huis suurlemoene en lemmetjies. Hulle is geel.

Die suurlemoene is effe sagter as die lemmetjies, wat kliphard is. As ‘n daggaroker die eerste keer sy dampie stook, gooi hom dan nou maar as eerste oortreder met ‘n suurlemoen. As hy nie wil luister nie, span die lemmetjie in. Dis gewaarborg om die gewenste uitwerking te hê. Vir die vuvuzelablasers, gebruik maar uit die staanspoor ‘n lemmetjie.

Viva oranje! Viva Oranje!

автодиагностика

Kenmekaarkonferensie vir PRAAG

Uitnodiging na Kenmekaarkonferensie oor vorme van selfbeskikking en strukture

Die Afrikaner maak homself bekend in ‘n groot aantal sosiaal-maatskaplike strukture en organisasies. Die strukture verskil van mekaar betreffende die religieuse rigtingvraag, asook ‘n spesifieke etos wat onderliggend is aan elke struktuur.

Daar is vier oorhoofse groeperinge wat weinig indien enige kontak met mekaar het. Dit is:

* Die Afrikanerfront (Andries Breytenbach), waarby ingesluit word die Tussentydse Afrikanerberaad (Jaap Kelder)
* Die Afrikaanse Belangegroep, waarby ingesluit is die Afrikanerbond (Jan Bosman), die FAK (Danie Goosen) en waarmee assosieer ook Solidariteit (Flip Buys) en Afriforum (Kallie Kriel).
* Die Boerevolk Verteenwoordigende Raad (Lets Pretorius), waarby ingesluit is die Boere Vryheidsinisiatief.
* Organisasies met ‘n religieuse verootmoedigingsmotief soos die Afrikaner Alliansie (Anton Knoetzé), die Geloftevolkkomitee (Flip Swanepoel) asook die Teokratiese Komitee (Jann Schlebusch).

Dit is met ‘n voorbehoud goed so! Die voorbehoud is dat as daar aansluitende samewerking is en kruisbestuiwende kommunikasie tussen die organisasies plaasvind, dan is dit in orde. ‘n Moderne beskaafde gemeenskap onderskei homself juis van primitiewe gemeenskappe deur die diversiteit midde die eenheid. Die keersy van die voorbehou is dat as daar geen kontak tussen die organisasies is nie, en die organisasies mekaar bestry, dit selfvernietigend kan wees. Om aansluitende samewerking te bewerkstellig het ‘n aantal persone ‘n tyd gelede besluit om bg. organisasies te nooi vir ‘n kenmekaarkonferensie. Die sameroepers was: Steyn van Ronge (AWB), Johann Wingard (Veteraan), Dan Roodt (Praag), Christo Landman (Afrikaner Alliansie) en Kas Bakkes (Veteraan). ‘n Geslaagde konferensie is op 7 Junie 2010 in Pretoria gehou, waar verteenwoordigers van sowat twintig organisasies hulle instellinge aan mekaar bekend gestel het. Uit die Afrikaanse Belangegroepering het net die Afrikanerbond (Jan Bosman) meegedoen en het organisasies soos Solidariteit nie eers op die uitnodiging reageer nie.

By genoemde konferensie is eenparig besluit om die kenmekaargesprek na ander uit te brei. Christo Landman (082 854 75 16) is met die organisatoriese reelings belas. Daar is op twee opvolgkonferensies besluit: op 7 Augustus 2010 in Pretoria en op 10 Oktober 2010 te Bothaville. Die Geloftevolk en Teokratiese Komitees sal as gashere tydens die Oktober-byeenkoms optree.

Wat die 7 Augustus-konferensie betref, wat in die Ryndalgebou (adres: The Hillside 318, Lynnwood) gaan plaasvind, word die volgende temas aan die orde gestel:

* ‘n Analise van selfbeskikking m.b.t. grondwetlike artikels 185 en 235 asook die bevindinge van die Volkstaatsraad (referent dr. Johann Wingard, voormalige voorsitter van die Volkstaatsraad)
* Die Funksies van ‘n burgerlike owerheid vir etniese Boere-Afrikaners (dr. Anton Knoetze, Kommissaris van die grondwetlike Kommissie vir Gemeenskapsregte)
* Die vraagstuk in die samestelling van ‘n burgerlike organisasie vir etniese Afrikaners. Die demokratiese verkiesingsmetode (mnr. Paul Kruger van die VVK). Die Konsosiatiewe model van Arend Lijphart toegepas (dr. Christo Landman.)Die metodiek van die Boerevolk Verteenwoordigende Raad (dr. Lets Pretorius)
* ‘n Alternatiewe politieke model tot liberalisme en kollektivisme. Die Teokrasie as Christelike staatsmodel (dr. Jann Schlebusch). Die Christen-demokratiese regstaat (mnr. Francois van Zyl).
* Alternatiewe modelle vir aansluitende samewerking (mnr. Richard Botha, Stadsraadlid van die CDP)

Praaglesers wat belangstel om hierdie konferensie mee te maak, word vriendelik uitgenooi om die Sekretaris by clandman@netactive.co.za van u voorneme in te lig en om R100 per persoon op die volgende Afrikaner Alliansie se Absarekeningnommer nommer 909 134 80 30 oor te betaal. Dit sluit in Saalhuur en etes.

типы парусных судов

Afrikaners moet begin sokker speel

Ek is nou nie ‘n groot kenner van sokker nie, omdat ek dié spel heel vervelig vind al van kleintyd af. Daar was byvoorbeeld ‘n hele paar van die 2010-toernooi se wedstryde wat geen doele opgelewer het nie, of gelykop geëindig het. Miskien is ek ‘n Filistyn, maar jy kan ook net so lank kyk hoe gee hulle met die voet vir mekaar die bal voor jy begin wonder of daar nie interessanter dinge is om met jou tyd te maak nie.

Ek gaan ook die versoeking weerstaan om te sê “I told you so” oor gisteraand se nederlaag. Dit was voorspelbaar gewees. Dit was eweneens nie die skeidsregter se skuld nie. Ek kan nie dink hoekom enige realistiese sokkergeesdriftige, veral diegene met die onderbroekvlaggie op hul motors, sou verwag dat ‘n span wat rondom nommer tagtig in die ranglys teen spanne wat op nommer 8, 16 en 17 is, sou wen nie. Al is ek nie ‘n sokkkerkenner nie, is dit so dat sokker, hokkie, rugby en soortgelyke sporte gaan oor balbesit en afronding. Dis weliswaar ‘n cliché, maar jy kan nie die wedstryd wen as jy nie die bal het nie. Wat gisteraand opgeval het, is die gemak waarmee Uruguay se spelers die bal by die tengerige Bafana-spelers kon afneem. Dit het met groot ironie op Loftus, die tuiste van die Blou Bulle, gebeur. Laasgenoemde span, tesame met John Wayne Bobbitt, sou ook vir die Bafana ‘n ding of twee kon leer oor balretensie.

Alhoewel fisieke grootte minder belangrik in sokker as in rugby is, het dit tog sy voordele. Uruguay kon die pieperige Bafana-spelers van die bal af boelie. Dis ook goed om lank te wees as jy ‘n kopskoot voor die doel wil maak vanaf ‘n hoë hoekskop. Die Hollanders is statisties-gesproke die langste mense op aarde. Die Oranje is nie ‘n slegte sokkerspan nie. So ook nie die spanne van ons ander stamlande, Duitsland en Frankryk, nie te vrot nie, alhoewel die sogenaamde Franse sokkerspan deesdae meer lyk na die Ivoorkus s’n. Duitsers is ook langerige mense.

Ek wonder dus hoe ‘n Afrikanerspan met spelers met die fisieke attribute van ‘n Pierre Spies daarin sou gevaar het? As ‘n 105 kg, sesvoet-vier gevaarte blitsig op jou afstorm met die bal voor sy voete, gaan jy hom maklik gestuit kry? Daar is meer geld in sokker as in rugby, dus is ek van mening dat dit glad nie ‘n slegte idee sou wees om ‘n Afrikanerspan te stig nie. Die vraag is uiteraard waar stig jy hom? Hierdie is hoeka ‘n land met ‘n vreemde sin vir geregtigheid. Die meerderheid Azaniese sokkerspanne het geen enkele blanke in hul geledere nie, maar geen voëltjie fluit daaroor nie en die regime se obsessie met demografiese verteenwoordiging is op misterieuse wyse nie ‘n faktor in sokker nie. Dis egter ondenkbaar dat Dinamo Pretoria toegelaat sal word om ‘n span wat selfs net ‘n meerderheid blankes in sy geledere het, in die veld te stoot, veral as só ‘n span begin wen teen die beroerde Azaniese spanne. Miskien kan die Afrikanerspan in Londen of selfs in een van ons buurlande gestig word.

In teenstelling met die vergane en onrealistiese droom van “steal it, they are here” wat gisteraand op uiters ironiese wyse deur ‘n blonde, blou-oog Ariër by name Diego Forlán verpletter is, sou dit nie ‘n droomsituasie wees as daar eendag ook ‘n Afrikanerspan, wat ‘n onafhanklike Afrikanerrepubliek verteenwoordig, aan die SWB kon deelneem nie?

Lees ook: Watter 2010-span behoort Afrikaners te ondersteun?

ігри для дітей 3 роки Фільчаков прокурор

Vyf swartes verkrag vrou voor haar seuntjie

‘n Blanke vrou van Port Elizabeth is deur vyf swart gewapende rowers in haar huis verkrag terwyl haar vierjarige seuntjie moes toekyk. Volgens ‘n plaaslike koerant in die Baai is dit “die eerste gewelddadige huisaanval waar verkragting betrokke is” sedert die aanvang van die wêreldsokkerbekertoernooi.

‘n Woordvoerder vir die polisie, adjudant-offisier Precious Timla, het gesê dat die rowers omstreeks 3-uur vm. deur ‘n venster van die kothuis in ‘n tuin toegang verkry het.

Die vrou van Pekingstraat, Morningside is deur die geluid van stemme in die kothuis wakker gemaak. “Die volgende oomblik het die (swart) mans haar op die bed vasgedruk,” het Timla gesê. “Hulle het ‘n pistool teen haar kop gehou en haar bankkaarte en pinnommer geëis voordat hulle beurte geneem het om haar te verkrag terwyl haar seun dit in die vertrek moes aanskou.”

Blykbaar is ‘n mes ook teen die vierjarige seuntjie se keel gehou om sy ma te dwing om saam te werk.

Die geweldenaars het gedreig om haar seun as gyselaar aan te hou terwyl hulle bank toe gaan om die geld te trek, maar die vrou kon hulle oorreed om hom agter te laat.

“Ons is nie seker wat tussen haar en die rowers gebeur het nie, maar hulle het uiteindelik die kind agtergelaat,” het Timla gesê.

Hoewel daar geen tekens van ‘n inbraak is nie, het ‘n polisiebron gesê dat die vensters oud is en nie behoorlik toemaak nie, dus kon die rowers maklik deur een van hulle ingekom het.

Sommige aanvallers het weer deur die venster uitgeklim terwyl ander deur die agterdeur vertrek het. Die vensterskarniere is los en het geklap toe die rowers uitgeklim het, wat die huiseienaar op dieselfde perseel wakker gemaak het.

Hy het opgestaan om ondersoek in te stel en het die vlugtende swartes skrams gesien. “By die kothuis gekom, het hy die vrou huilende op die bed gevind,” het die bron gesê.

Die polisie is onmiddellik ontbied.

Volgens Timla is “drie van die mans met pistole gewapen, terwyl ‘n vierde blykbaar ‘n speelgoedpistool by hom het”.

Die erg geskokte vrou is na die hospitaal geneem en later ontslaan. “Die vrou is hoogs emosioneel en erg getroumatiseer,” het die polisieman gesê. “Haar seuntjie is ook baie ontsteld oor die voorval.”

Данильченко Харьков

Jagtog op die Knersvlakte

Toentertyd, het pa Jan vertel, het ‘n klomp Amerikaanse studente as aspirant-jagters op die Knersvlakte beland.

Hoewel die storie oor hoe hulle hier gekom het, ‘n storie op sy eie is, handel hierdie verhaal veel eerder oor hul “Namakwalandse ervaring.” Dus maar net so vluggies oor die aanloop drawwe.

Die drie, Thomas Bains, Richard Brightstone en Herman Gowalski was die telge van skatryk Wall Street-makelaars. Kort voor hulle klaar maak met skool, gaan kyk hulle ‘n swart-en-wit Tarzanprent.

Toe kon dit nie hoër of laer nie, hulle wil ook na die “hunting grounds” in Donker Afrika gaan.

Uiteindelik is ‘n kompromis met die ouers aangegaan. Hulle kan ‘n jaar “in Africa” gaan studeer, en dan hulle make gemaak kry. Uiteindelik beland hulle by Ikeys, waar hulle terstond die byname “Tom, Dick en Harry” kry. Hier spandeer hulle, tot groot vermaak van die ander Ikeys en met baie van die wal-in-die-sloot-advies, die meeste van hul eerste kwartaal vir hul groot safari “up North”.

Maar die Vrydagmiddag breek uiteindelik aan dat hul Jeep gepak is. Alle belangrike toerusting is ingepak. Dit sluit voldoende drank, slaapsakke, vuurwater, tente, voggies, kos, likiede bates, gewere, skoplafenis, baie ammunisie, drank en ander minder belangrike bykomstighede in.

O ja, ek moenie van die drank vergeet nie, want dié het ‘n baie belangrike rol in dié verhaal gespeel.

So juig die spannetjie die Vrydagaand na donker die Paarl in. Hulle bemerk ‘n man wat vier rye spore loop, ‘n algemene Bolandse verskynsel teen sononder op ‘n Vrydag. Hulle is op soek na ‘n gids wat hulle “up North” sal kan neem – na die “hunting grounds” toe.

Ou Jacob word genader. Fout.

Jacob stem in. Hy mag sleg gesuip wees, maar sy paar breinselle is darem nog nie doodgesuip nie. Hy gewaar in die skemerte die Bachussop in die Jeep, en hy het familie in Vanrynsdorp wat hy graag wil besoek. Hy klim terstond op, en beduie in ‘n koers. Skaars het die wiele begin draai, of Jacob is in droomland.

Net buite Vanrynsdorp word “kamp” opgeslaan. Dis egter al amper sonsopkoms, en met al die voggies wat deur die nag gevloei het, kry Tom, Dick en Harry hul lê in die oopte. Die tente is gans te ingewikkeld om opgeslaan te kry.

Die sonbesies raas al oorverdowend toe Tom, Dick en Harry met die vreeslikste koppe wakker word. Van Jacob en ‘n taamlike deel van die vog is daar geen teken nie.

Die situasie word ontleed. In plaas van om in ‘n tropiese woud wakker te word, is hulle op ‘n kaal haai vlakte. Hulle onthou egter Jacob het hulle met die kamp-opslanery verseker hulle het in die “hunting grounds” gearriveer.

Hulle kry koers die vlakte in. Destyds was die Knersvlakte nog nie so van drade toegespan nie.

Nie lank nie, brand die woedende Namakwalandse son van reg van bo af. Hul watersakke is lankal leeg, maar die ander vog hou nog. Hulle soek iets om te skiet, maar al wat beweeg, is die dansende hitteduiwels.

Uiteindelik gewaar hulle iets. Aan die agterna-verduidelikings kon dit enigiets van ‘n meerkat tot ‘n kangaroe of selfs dalk ‘n boerbok gewees het. Hulle lê aan en skiet, tot die “slagoffer” maar naderhand verkas.

‘n Ruk later gewaar hulle weer iets roer. Gelukkig, voor hulle losbrand, merk hulle dis ‘n man te voet. Hulle ry nader, en kom by ‘n trens aan.

Dis nou die manne wat so van plaas tot plaas geswerf het en in ruil vir kos, onderdak en ‘n ietsie allerlei herstelwerkies gedoen het soos skoene regmaak.

“A, ‘n potensiële gids,” meen die manne.

En ja, die trens sal saamry. Maar skaars het die Jeep weggetrek, of die trens het al ‘n bottel vuurwater teen die mond, wat nou ook al vuurwarm is. So ry hulle, terwyl die trens – wat nie ‘n woord Engels verstaan nie, net kort-kort in ‘n rigting beduie.

En toe, net voor hulle wil handdoek ingooi, sien hulle ‘n volstruis op die horison.

Hulle besluit om op dié gedierte los te brand tot dit ook verkas. Die volstruis bekyk die geraas met sy plat bakkies, en toe iets naby sy kop verbyvlieg, druk hy sy kop in ‘n gat. ‘n Ruk later bekyk hy weer die raserige gedoente my sy plat bakkies. Dit klink soos ‘n jong oorloggie, en in die proses wek hulle die “gids” wat ondertussen ook aan die slaap geraak het.

Hy strompel regop, en beduie dat hy ook ‘n skoot wil hê. Tom, Dick en Harry besluit dit kan dalk net sports wees. Hulle maak die trens slinger-slinger staan op die Jeep se neus, en stop hom ‘n baster olifantgeweer in die hande.

Die trens druk die loop in die rigting van die volstruis, en terwyl die loop sulke groot sirkels in die lug trek, trek hy die skoot af.

Die slag lig die trens uit sy verslete skoene en slinger hom op die plat Knersvlakte neer dat hy skoon tussen die bossies deur op die gruis skuif.

Tom, Dick en Harry wil hulle breeklag, maar die trens strompel regop, klap die ergste stofwolke uit sy gelapte klere, en beduie in die rigting van die volstruis: “Lets ghou fets hôm” beduie hy.

Tom, Dick en Harry sy koppe ruk soos hulle omkyk, en jou waarlik, daar lê die volstruis bene in die lug!

Dis ‘n flink ent se ry om by die gevalle voël te kom.

Verbaas roep Harry uit: “ He’s shot the thing through the head!”

лобановский политик

Proteas blom met besige tydjie wat voorlê

Die Proteas het die eerste toets teen Wes-Indië op die vierde dag van die wedstryd wat in Trinidad gespeel is, in die sakkie toegeknoop. Die Wes-Indiërs is met 163 lopies met die kous oor die kop huis toe gestuur.

Dale Steyn, wat met sy vyf paaltjies in die eerste beurt sy 200ste toetspaaltjie platgetrek het, is met ‘n wedstrydontleding van agt vir 94 as die man van die wedstryd aangewys.

Iemand wat egter self in aanmerking moes kom, is die tuisspan se Sullieman Benn, wat self agt paaltjies platgetrek het, maar ‘n honderd lopies meer as Steyn afgestaan het. Benn het ook ‘n rekord agste paaltjie vennootskap van 66 lopies teen Suid-Afrika met Shane Shillingford gedeel.

Die Wes-Indiërs het die wedstryd sonder verskeie van sy topspelers aangepak.

Intussen het Krieket SA ‘n besige program vir die Proteas aangekondig. Drie toetse word teen Indië gespeel, onder andere een in die nuwe Moses Mabhidastadion in Durban om die 15oste herdenkingsjaar van die aankoms van Indiërs in Suid-Afrika te vier. Indië word ook in vyf eendagwedstryde die stryd aangesê, Zimbabwe in drie, en dan word Pakistan in vyf eendagwedstryde in die Verenigde Arabiese Emirate die stryd aangesê.

By die wedstryd in die Moses Mabhidastadion word die nuwe kompetisie om die Krish Mackerdujtrofee geloods, en die grootste skare verwag wat nog ‘n krieketwedstryd in Suid-Afrika bygewoon het.

to win