islam – Bladsy 6 – praag.co.za

Konflik dreig weer in SAR

Sporadiese geweervuur het Sondagnag in Bangui, die hoofstad van die Sentraal-Afrikaanse Republiek, weerklink ondanks ‘n aandklokreël wat afgekondig is ná ‘n naweek van geweldpleging waarin minstens 20 mense dood is.

Geweervuur isnaby die polisiekantoor in Bangui gehoor. Verskeie winkels en huise is ook geplunder terwyl die aandklokreël van krag was.

Volgens mediese bronne is meer as 20 mense dood en ongeveer 100 gewond in Saterdag se geweldpleging wat ontketen is deur die moord op ‘n motorfiets-taxibestuurder in die Moslem-meerderheid PK-5-woonbuurt van Bangui.

Die gebied was ook die sentrum van ongeëwenaarde doodslag tussen Christene en Moslems in die stad in laat 2013 en vroeë 2014.

Franse soldate en vredesmagte van die Verenigde Nasies bly aan in die voormalige Franse kolonie waar duisende mense in geweldpleging dood is en honderdduisende haweloos gelaat is.

Die bloedvergieting het begin ná die 2013-staatsgreep waarin die langdienende leier, Francois Bozize, uit die kussings gelig is. Die spanning duur voort tussen Moslem Seleka-rebelle en Christen milisies, bekend as “anti-balaka” of “anti-kapmesse”.

Al het die geweldpleging redelik afgeneem, is gewapende groepe steeds in sommige dele van die land aktief.

Verkiesings vir ‘n president en lede van die wetgewende vergadering word vir die einde van die jaar beplan. Die verkiesings is egter reeds herhaaldelik uitgestel terwyl die land met die geweldkrisis worstel.

Intussen het Burkina Faso teruggekeer na normaal nadat die presidentswag ’n staatsgreep uitgevoer het. Regeringsmagte, wat lojaal gebly het teenoor die regering, het uit die stad onttrek.

Die waarnemende staatshoofde, president Michel Kafando en premier Yacouba Isaac Zida, sal die land regeer totdat demokratiese verkiesings gehou word.

Die verkiesings sou oorspronklik op 11 Oktober plaasgevind het, maar dit is nou heel moontlik deur die staatsgreep vertraag.

’n Latere datum van 22 November is reeds deur ECOWAS voorgestel. Daar is ook voorgestel dat die ondersteuners van die voormalige president Blaise Compaoré, wat uit die kussings gelig is, ook toegelaat moet word om kandidate vir die verkiesing te nomineer.

Moslems vertrap mekaar by pelgrimsbyeenkoms

Dit is steeds nie duidelik of Suid-Afrikaners dood of beseer is tydens ‘n stormloop by ‘n Moslembyeenkoms in Mekka nie.

Meer as 700 mense is dood en sowat 800 is beseer in die stormloop tydens die Hajj-pelgrimstog in Saoedi-Arabië.

Dit is die ergste ramp tydens die pelgrimstog in 25 jaar, ten spyte van miljarde dollar wat die regering van Saoedi-Arabië bestee het om die jaarlikse pelgrimstog veiliger te maak.

Die Suid-Afrikaanse regering het vroeër in ‘n verklaring gesê hy wag nog vir inligting oor die status van Suid-Afrikaanse pelgrims in Mekka.

Die Suid-Afrikaanse Moslem-reisvereniging het ook gesê dat hy nie bewus is van enige Suid-Afrikaners wat in die stormloop dood of beseer is nie.

Franse eer aan helde wat terreuraanval stuit

Frankryk se president, Francois Hollande, het Dinsdag die Legioen van Eer-medalje, Frankryk se hoogste eerbetoon, aan drie Amerikaners en ’n oud-Suid-Afrikaner toegeken.

Die vier mans het Vrydag ’n swaar gewapende man oorrompel en ontwapen wat gereed was om los te brand op passasiers op ’n hoëspoedtrein wat van Amsterdam na Parys onderweg was.

Hollande sê die twee Amerikaners wat die gewapende man eerste te lyf gegaan het, was soldate “maar Vrydag was julle net passasiers. Julle het egter soos soldate, maar ook verantwoordelike mans opgetree,” het Hollande gesê.

Hollande het die medalje tydens ’n seremonie by die Elysee-paleis aan dié Amerikaners, Spencer Stone, Alek Skarlatos, en hul vriend Anthony Sadler asook Chris Norman – deesdae ‘n Brit wat vroeër in Suid-Afrika gewoon het – oorhandig.

Norman is in Uganda gebore, maar het lank in Suid-Afrika gewoon voordat hy na die VK verhuis het,

Die gewapende man is as die 26-jarige Marokkaan, Ayoub El-Khazzani, geïdentifiseer. Hy word aangehou en deur Franse teenterroriste-polisie buite Parys ondervra.

Met sy arm in ’n verband het die 23-jarige Stone vertel dat hy uit ’n diep slaap wakker geword het toe die gewapende man te voorskyn gekom het.

Die 22-jarige Skarlatos, wat onlangs uit Afganistan teruggekeer het, het hom op die skouer geklop en gesê “kom ons gaan”.

Hollande sê ’n grootskaalse menseslagting is deur die dapper optrede van die vier mans verhoed.

“Sedert Vrydag bewonder die hele wêreld jul dapperheid, jul gees van solidariteit. Dit is wat julle in staat gestel het om ’n gewapende man met jul kaal hande te oorrompel. Dit is ’n voorbeeld vir almal en ’n bron van inspirasie,” het Hollande gesê.

ISIS aanvaar aanspreeklikheid vir Kaïro-bom

Die Islamitiese Staat-groep (ISIS) se filiaal in Egipte het binne ure aanspreeklikheid vir ‘n bomaanval aanvaar en gesê dit is uit weerwraak vir die teregstelling van ses veroordeelde militante in Mei gedoen.

‘n Muur voor ‘n regeringsgebou is Donderdag afgeruk toe die reusemotorbom in Kaïro se middestad ontplof het.

Geen berigte is ontvang dat iemand in die ontploffing dood is nie, maar ses polisiebeamptes is wel beseer.

Die glas van vensters wat in die ontploffing uitgeruk is, het in die strate in die gewilde Shubra el-Kheima-woonbuurt gesaai gelê. Die voorkante van nabygeleë geboue is in die ontploffing afgeruk.

Die ses beseerdes is na nabygeleë hospitale afgevoer. Motorwrakke het om die gebou gestaan en veiligheidsmagte het die strate gepatrolleer en padblokkades opgerig.

Die verklaring lui voorts dat die “soldate van die kalifaat” die nasionale veiligheidsgebou met ‘n bom in geparkeerde motor geteiken het.

Egipte beleef sedert die militêre omverwerping van die Islamitiese president, Mohammed Morsi, in 2013 ‘n reeks gewelddadige aanvalle.

Suid-Afrikaner dood in Mali-aanval

Die Suid-Afrikaanse regering het die aanval op burgerlikes by ‘n hotel in Mali veroordeel.

‘n Suid-Afrikaner, Roelof Janse van Rensburg, is in die aanval dood nadat die hotel waar hy as gyselaar aangehou is, deur Franse spesmagte bestorm is.

Hy het kort voor sy dood nog met sy vrou gepraat. Janse van Rensburg was die pa van vier kinders.

Die regering sê dit is tragies dat Janse van Rensburg gesterf het terwyl hy gehelp het om bestendigheid in Mali te probeer bring.

Hy het as paramedikus vir ‘n Russiese lugvaartmaatskappy gewerk wat deel van die VN-vredesending in die sentrale deel van Mali is.

Twaalf mense is in die aanval op ‘n hotel in die dorp Sevare dood.

Gewapende aanvallers het die hotel Vrydag bestorm en ‘n groep mense as gyselaars aangehou. Die beleg het sowat 24 uur geduur voordat die gyselaars ontset is.

Die politieke onbestendigheid in Mali is vererger deur ‘n invloei van wapens in 2011 met die Amerikaans-geleide inval in hul buurland Libië.

Die teenwoordigheid van islamiste in die noorde het in Maart 2012 tot ‘n militêre staatsgreep gelei in Mali en die vestiging die Islamitiese sjariawet.

Ecowas het ingestem om ‘n gekoördineerde militêre ekspedisie te loods op ‘n vergadering in Nigerië in November vanm dieselfde jaar, met die VN se steun.

Die regering in Bamako het Frankryk intussen versoek om militêr in te gryp. Franse troepe het Islamitiese vestings in die noorde skoongemaak, en die grootste deel van die opstand beëindig, maar die toestand bly steeds gespanne.

Vegvliegtuig stort neer op Siriese mark

Ten minste 27 mense is Maandag dood en talle beseer toe ’n vegvliegtuig van die Siriese weermag in ’n besige mark in die rebellevesting in die noordwestelike dorp, Arihe, neergestort het.

Die meeste oorledenes was burgerlikes. Die dorp in die Idlib-provinsie is in Mei deur ’n koalisie van Islamitiese insurgente ingeneem.

Die militêre vliegtuig het ’n bom in die hart van die sentrale stad afgegooi waar winkeleienaars besig was om vroegoggend hul winkels te open. Kort daarna het die vliegtuig in die middel van die markgebied neergestort.

Sondag het ’n missiel wat deur Siriese regeringsmagte afgevuur is, ’n burgerlike woonbuurt in die Sheikh Khodr-woonbuurt van Aleppo getref. Die stad was eens op ’n tyd Sirië se ekonomiese kern. Sedertdien is die stad byna in puin gelê deur gevegte en tussen regeringsbeheer in die weste en rebellebeheer in die ooste verdeel.

Gevegte tussen regeringsmagte en insurgente van die groep Jaish al Fateh, (weermag van verowering), wat Sirië se Al-Kaïda beweging, die Nusra Front insluit, het die afgelope tyd in intensiteit in die landelike Idlib-provinsie toegeneem.

Die val van Ariha het insurgente in beheer gelaat van die grootste deel van die Idlib-provinsie, wat aan Turkye grens.

Die meeste van die ryk landbougebied is egter sedertdien swaar deur die magte van pres. Bashar al-Assad gebombardeer in ’n teenoffensief om die gebied te herower.

Swaar lugaanvalle word ingespan om die insurgente se opmars in die berge van die Latakia-provinsie te stuit. Die insurgente beweeg al nader aan die kusgebied noord van die hoofstad, Damaskus, wat in regeringshande is.

Sirië se westelike flank, wat aan sowel die Middellandse See as Libanon grens, huisves Sirië se belangrikste stede, insluitend Damaskus.

Oostenrykse hof stuur Tsjetsjniër tronk toe

’n Oostenrykse hof het ’n Tsjetsjniese burger tronkstraf van vyf jaar opgelê op klagte van terrorisme nadat hy in 2013 na Sirië gereis het.

Dit word as een van die strafste vonnisse beskou in ’n reeks van vonnisopleggings in sake wat met die Islamitiese Staat verband hou.

Die 30-jarige Tsjetsjniër, bekend as Magomed Z., is aan terrorisme en die besit van kinderpornografie skuldig bevind, maar vrygespreek op die klag dat hy militêre opleiding in Sirië gekry het.

Hy het skuld op al die aanklagte ontken en gesê hy is na Sirië om vlugtelinge te help en om na die seun van ’n familielid te gaan soek.

Sy regsverteenwoordiger het aangedui dat hy teen die vonnis gaan appelleer.

Turkye verskerp veiligheid na ISIS-aanval

Turkye het Woensdag veiligheidsmaatreëls op die grens met Sirië verskerp nadat ’n selfmoordbomaanval, waarvoor ekstremiste van die Islamitiese Staat (ISIS) groep die skuld kry, die lewe van 31 mense geëis het en die vrees laat ontstaan het dat die Siriese konflik oor die grens na Turkye kan versprei.

Maandag se aanval in die dorp Suruc was een van die dodelikste aanvalle in Turkye in etlike jare en die eerste keer dat die regering IS regstreeks van ’n aanval op Turkse grondgebied beskuldig het.

Pro-Koerdiese aktiviste wat by ’n Turkse kultuursentrum met voorbereidings besig was vir ’n humanitêre sending na die dorp Kubane in Sirië, se verminkte lyke het ná die aanval op die toneel gelê. Altesaam 31 van die nagenoeg 300 sosialistiese jeugaktiviste wat in die sentrum was, is dood en ongeveer 100 beseer.

Honderde pro-Koerdiese aktiviste het Maandagnag in Turkse stede teen die aanval en die regering se beleid jeens Sirië betoog en in Istanboel het die polisie waterkanonne op betogers gerig om hulle uiteen te jaag.

Dosyne mense is in Oktober verlede jaar in landwye betogings dood toe betoog is teen die regering se vermeende gebrek aan steun vir Koerde wat teen die djihadiste van ISIS veg.

Die weste beskuldig Turkye daarvan dat nie genoeg gedoen word om die opkoms van IS te stuit nie en dat selfs met die groep saamgewerk word, beskuldigings wat ten sterkste deur Turkye ontken word.

In die afgelope weke het Ankara strenger teen die groep begin optree en dosyne vermeende ISIS-lede in Istanboel en ander stede aangekeer.

Nigerië gaan gebuk onder vlaag van bomaanvalle

Nigerië se nasionale noodbestuursagentskap het Maandag bekendgemaak dat minstens 44 mense dood en 47 beseer is toe twee bomme by onderskeidelik ‘n inkopiesentrum en gewilde moskee in die stad, Jos ontplof het.

Niemand het onmiddellik aanspreeklikheid vir die voorvalle aanvaar nie, maar die godsdiens-verdeelde stad, Jos, is voorheen ook deur Islamitiese militante geteiken, het AFP berig.

Die Plateau-staat, waarvan Jos die hoofstad is, lê op die skeidslyn van Nigerië se hoofsaaklik Christelike suide en Moslem noorde, en het die afgelope dekade golwe van sektariese geweld ervaar wat duisende menselewens geëis het.

Boko Haram het sy aanvalle in die noorde van Nigerië sedert die inhuldiging van pres. Muhammadu Buhari op 29 Mei verskerp met verskeie aanvalle, ontploffings en selfmoordbomaanvalle wat uitgevoer is.

Met die jongste sterftes staan die dodetal nou reeds op meer as 500 mense.

Sondag het ‘n selfmoordbomaanvaller haar binne ‘n kerk in die stad, Potiskum, in die Yobe-staat in die noordooste van Nigerië opgeblaas en vyf kerkgangers is in die aanval dood.

Verlede week het Islamitiese vegters ‘n aantal nedersettings in die omgewing van die Tsjad-meer aangeval en meer as 150 vermoor wat in moskees met gebede besig was.

‘n Jong vrou het haarself Woensdagnag naby ‘n moskee in Kano in Nigerië opgeblaas.

Die polisie sê haar teiken was vermoedelik die Umar al-Khattab-moskee. Niemand anders is dood of beseer nie.

Die militante groep Boko Haram het die afgelope ruk ‘n vlaag aanvalle in die gebied uitgevoer met minstens 250 mense wat omgekom het.

Al Sjabaab verantwoordelik vir aanval in Kenia

Gewapende lede van Al Sjabaab het Dinsdag in die vroeë oggendure 14 mense, meestal gruisgroefwerkers, vermoor.

Die meeste mense is in hul slaap vermoor, het Kenia se Rooikruis gesê. Die aanval op die dorp, Mandera is soortgelyk aan ’n aanval in Desember toe 36 gruisgroefwerkers dood is, het AP berig.

Somalië se al Sjabaab Islamitiese groep het gesê die groep is verantwoordelik vir die aanval in die noordoostelike Keniaanse dorp, Mandera en dat dit deel van sy veldtog teen Kenia is.

“Ons is verantwoordelik vir die Mandera-aanval. Ons het meer as tien Keniaanse Christene doodgemaak,” het Sheikh Abdiasis Abu Musab, die groep se militêre operasionele woordvoerder aan Reuters gesê.

“Dit is deel van ons voortgesette operasies teen Kenia.” Op die foto word ‘n lyk van ‘n slagoffer van die aanval deur polisiemanne weggedra.

Britse premier sê stryd teen ISIS nie teen Islam

Die Islamitiese Staat het volgens berigte in die afgelope jaar meer as 3000 mense in Sirië tereggestel.

Die Britse Eerste Minister, David Cameron het in ‘n parlementêre toespraak die versekering gegee dat hy “ekstremisme” sal verslaan, maar bygevoeg dat nie ‘n stryd teen Islam is nie.

Cameron sê dit is nie ‘n oorlog tussen Islam en die Weste nie, alhoewel ISIS mense daarvan wil oortuig.

‘n Britse menseregte-waarnemersgroep sê net meer as 3000 teregstellings is sedert 29 Junie 2014 gedokumenteer.

Onder hulle is byna 1800 burgerlikes, waaronder 74 kinders.

Die Ministers van Binnelandse Sake van Brittanje, Frankryk, Duitsland en België het intussen by hul Tunisiese eweknie in Sousse aangesluit om ‘n verenigde front voor te hou teen die bedreiging wat die Islamitiese Staat inhou.

Agt-en-dertig mense, onder wie minstens 30 Britte, is verlede Vrydag deur ‘n gewapende aanvaller in Sousse doodgeskiet. Die Islamitiese Staat het aanspreeklikheid vir die aanval aanvaar.

Die Britse minister van Binnelandse Sake, Theresa May sê die ministers het ingestem om hul kennis te deel om die ISIS te beveg.

Die polisie in Tunisië het intussen ‘n groep verdagtes in hegtenis geneem in verband met die skietery.

Die verdagtes het almal bande met die aanvaller wat deur die polisie doodgeskiet is.

Duisende buitelandse toeriste het intussen die land verlaat.

‘Het einde van Nederland is nabij’

De linkse elite is nu net zo blind voor de islam als ze destijds voor het communisme was. Ook in zijn tweede boek, over Zuid-Afrika, draagt PVV-Kamerlid Martin Bosma dit credo uit.

Tegenwerpingen dat een moslimmeerderheid zich in Nederland echt niet aftekent, ziet Bosma als het bewijs van een ‘linkse tunnelvisie’.

Alles werd goedgepraat om het ANC in Zuid-Afrika maar te laten triomferen, schrijft PVV-Kamerlid Martin Bosma (50) in zijn boek ‘Minderheid in eigen land’. Een kloek werk, met ruim 2000 voetnoten, over links Nederland dat 25 jaar lang de strijd van het ANC ongeclausuleerd en enthousiast steunde.

Bosma telt allerlei wandaden op van de toenmalige verzetsorganisatie – martelkampen, autobandmoorden – en de huidige regeringspartij ANC. Hij trekt conclusies die buiten de kring van Afrikaner nationalisten weinig weerklank vinden.

Volgens Bosma troffen de blanken in de zestiende eeuw een ‘leeg’ land aan. En het ANC voerde niet zozeer een strijd tegen de blanke machthebbers alswel een vuile oorlog tegen de ‘veel grotere’ ‘anti-apartheidspartij’ Inkatha – waarbij hij onbesproken laat dat deze organisatie bestond bij de gratie van het thuislandbeleid, dat hun door de Zuid-Afrikaanse veiligheidspolitie getrainde militie een vuile oorlog voerde tegen het ANC, en dat ze in tegenstelling tot het ANC niet verboden was, wat de hogere ledentallen kan verklaren. En omdat onder het huidige ANC-regime blanke boerengezinnen worden gemarteld en vermoord en blanken moeilijk aan werk komen, heerst volgens Bosma in het land nu apartheid, sterker: er vindt genocide plaats.

Aan het eind van zijn boek stelt Bosma de vraag: moeten oorspronkelijke Nederlanders hetzelfde lot ondergaan als de Afrikaners, en maar toestaan dat ze een minderheid worden?

De moordaanslag die Bosma zich nog elke dag herinnert, is die op Theo van Gogh in 2004. De plek, ‘half op het fietspad, half op de parkeerplek’, staat op zijn netvlies gegrift. Hij is rustig, onderhoudend, bezorgd.

Bron: Trouw

Swart Amsterdamse skole soek naarstiglik na wittes

Negen op de tien leerlingen hebben er een kleurtje: de St. Catharinaschool en de Avonturijnschool in Amsterdam-Zuid zijn ‘zwarte’ scholen in gekleurde wijken waarin ook veel autochtone Nederlanders wonen.

Dat wit ondervertegenwoordigd is, vindt directeur Roger Baggen van de Catharinaschool “treurig”. En dat zullen bewoners van de Rivierenbuurt en de Pijp vandaag te weten komen. Leerlingen van de twee scholen gingen namelijk vanochtend de straat op en probeerden met provocerende T-shirts blanke klasgenoten te werven.

“Is dit wit genoeg voor u”, staat op voorkant van de shirts. En op de rug: “Elk kind heeft recht op integratie”. De kinderen uit de hoogste klassen en begeleiders willen op die manier de discussie over zwarte scholen aanzwengelen. De kleintjes blijven op school.

“We hebben dit met de leerlingen besproken en ze staan er helemaal achter”, zegt Baggen. Hij vindt dat de scholen een afspiegeling van de wijk moeten zijn, zodat de leerlingen in aanraking komen met andere culturen.

“Veel witte mensen zien dat hier veel allochtone kinderen op school zijn en dat willen ze niet. Dus kiezen ze voor een andere school, ook al moeten de kinderen dan verder lopen of fietsen.”

Deze situatie is volgens Baggen de afgelopen jaren geleidelijk gegroeid. Het probleem is nu zo groot, dat de scholen te klein dreigen te worden. Als zich geen witte kinderen melden, is het voortbestaan onzeker, want in de omgeving wonen niet genoeg gekleurde kinderen.

Femke Halsema, de fractievoorzitter van GroenLinks, heeft haar kinderen in 2010 van de zwarte school afgehaald in de Transvaalbuurt in Amsterdam-Oost. De tweeling zat op school met een groot aantal islamitische kinderen.

“Ze zijn naar een andere buurtschool. Dat is beter voor hun welzijn. Kinderen zijn geen sociaal experiment. Over de reden wil ik niets zeggen, het gaat over de privacy van mijn kinderen,” aldus Halsema in de Telegraaf.

Bron: nos.nl/ad.nl

PAP in Midrand byeen vir Burundi-krisis

Die huidige politieke krisis in Burundi sal na verwagting die samesprekings van die Pan-Afrika Parlement oorheers wat vandag in Midrand in Gauteng begin.

Die PAP is die wetgewende gesag van die Afrika-Unie wat eers in Addis Abeba gesetel was.

Verteenwoordigers bespreek kwessies van Afrikalande wat die vasteland raak.

Die president van Kenia, Uhuru Kenyatta, sal na verwagting die openingsrede lewer.

Burundi het die afgelope ruk onder gewelddadige onluste deurgeloop omdat daar nie duidelikheid is oor die termyne van president Pierre Nkurunziza nie. Die Weste beskuldig hom daarvan dat hy vir ‘n derde termyn wil regeer, maar die president hou vol dat hy nie vir ‘n eerste termyn verkies is nie en dus nie in stryd met die grondwet optree nie.

Die president van die PAP, Bethel Amadi, sê die boodskap wat hulle aan staatshoofde en regerings wil oordra, is dat beperkings op ‘n ampstermyn gerespekteer moet word.

Die Al Sjabaab-groep het intussen ‘n aantyging deur president Pierre Nkurunziza van Burundi verwerp dat die Somaliese militante ‘n bedreiging vir sy land inhou.

Die President het in sy eerste openbare verskyning sedert verlede week se mislukte staatsgreep gepraat oor ‘n beweerde militante bedreiging.

Talle ontleder sê dat dit bloot ‘n rookskerm is vir die veiligheidsdienste om streng te kan optree teen onluste wat vir Maandag beplan word.

Owerhede verwag opnuut protes teen Nkurunziza se planne om vir ‘n derde termyn te staan. Burundi is nog nie voorheen deur Al Sjabaab geteiken nie.