Nuus – Bladsy 5 – praag.co.za

Wallonië word gesog by Franse

Enkele dae voor die Belgiese algemene verkiesing het ‘n peiling aan die lig gebring dat 66 persent van die Franse Wallonië by Frankryk wil inlyf, sou België ná die komende verkiesing uitmekaar spat. De Standaard haal syfers van ‘n peiling aan wat in die koerant, France-Soir gepubliseer is.

In 2007 was nog net iets meer as die helfte van die Franse ten gunste van so ‘n inlywing. Die steun het hierna egter jaarliks toegeneem. Die peiling rep nie ‘n woord oor die toekoms van Brussel nie. Hoewel grootliks Franssprekend, val die hoofstad in Vlaamse gebied.

на 100

CDP geskok oor aanval op Portugese mediakontingent

“Ons is geskok en met afgryse vervul met die nuus dat ‘n Portugese mediaspan in hul vier ster gastehuis naby Fourways beroof is,” sê ds. Theunis Botha, leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA).

“Nog voor die Fifa-toernooi se amptelike opening, word toeriste aan die land verwelkom asof dit die land van geleenthede – vir die misdadigers – is. Die Sentrale Dwelmagenskap verwag 40 000 prostitute net in die Johannesburg-omgewing alleen, meestal uit Zimbabwe. (Agtergrondberig hieronder). Dit noop ‘n mens om te sê die land wat eens die land van melk en heuning was, is nou die land van misdaad en prostitusie.

“Drie joernaliste van Portugal wat in ‘n gastehuis by Magalliesburg ‘tuis’ was is van hul kameras, skootrekenaars, paspoorte ens beroof. Die een moes in die loop van ‘n vuurwapen vaskyk, terwyl die ander twee tydens die voorval geslaap het.

“Die CDP maak van die geleentheid gebruik om namens die Suid-Afrikaners wat by hul volle positiewe is, die slagoffers om verskoning te vra en besoekers vooraf te waarsku wat moontlik op hulle wag.

“Moontlik sal die polisie nou ‘n slag daad by die woord voeg en die misdadigers aankeer en die gesteelde goedere terugvind.

“As die negatiewe publisiteit waaronder Suid-Afrika nou oorsee deurloop as maatstaf geneem word, en wat meestal verband hou met prostitute, Zuma se sekslewe en Malema se manewales, is hierdie nuus dit waarsonder die land goed kan klaarkom.

“Ons vertrou dat die regering nou sal besef dat misdaad, en nie die Afrikaner of Christene of enige groep wat vir diskriminerende praktyke uitgesonder word nie, die land se werklike vyande is.

отзывы хорватия прокурор Фильчаков

ANC-jeug vaar uit teen ‘mal Afrikaner’

Die ANC-jeugliga is gewalg deur die “kranksinnigheid” van “‘n sekere” Afrikanerboer wat na bewering ‘n klag van volksmoord teen sy leier Julius Malema by die internasionale geregshof gelê het.

“Die ANC-jeugliga is gewalg deur die aandagsoekende sentimente en kranksinnigheid van ‘n sekere Afrikanerboer van Rustenburg wat na bewering ‘n klag by die internasionale geregshof gelê het oor die sing van vryheidsliedere in Suid-Afrika deur Suid-Afrika se bevrydingsbeweging wat deur die ANC gelei word,” het die liga in ‘n verklaring gesê.

Die ANC-jeugliga het gesê die lê van die klag is ‘n poging deur “regse elemente” om hom van sy vernaamste politieke programme te laat afwyk.

“Die kwessie van vryheidsliedere is tans voor die Suid-Afrikaanse howe, wat ‘n tussentydse bevel gelewer het oor die sing van sekere vryheidsliedere tot tyd en wyl die ANC suksesvol sy stryd- en bevrydingsliederfenis gaan verdedig.”

Die liga het gesê dat hy nog nooit in misdaadaktiwiteit betrokke was nie omdat hy daarvan bewus is dat sodanige aktiwiteit die “vryheid” sou ondermyn waarvoor sy “voorgangers” met hul lewens geveg het.

“As daar mense bestaan wat volksmoord teen ons mense gepleeg het, is dit die Afrikaners wat vele vryheidsvegters en onskuldige Suid-Afrikaners geslag het om die rassistiese apartheidsbewind vir baie jare te beskerm en ons het hulle daarvoor vergewe.

“Die beweerde klag by die internasionale geregshof het vanuit mediaberigte onder ons aandag gekom en geen kommunikasie is aan ons deur die internasionale strafhof gestuur nie.

“Ons is meer as seker dat die internasionale strafhof hom nooit aan ‘n sekere Afrikaner se onnoselheid en onsekerheid steur nie en behoort eerder te fokus op die vervolging van oorloë wat deur imperialiste geborg word en wat steeds in die wêreld plaasvind.”

Die liga het gesê dat hy as ‘n beginselsaak alle Suid-Afrikaners aanmoedig om te waak teen regse agents provocateurs, “waarvan die meeste begunstigdes van ‘n rassistiese moorddadige apartheidsbewind is”.

Malema “Hulle maak herhaaldelik misbruik van die regte waarvoor die bevrydingsbeweging geveg het ten einde ons aandag van ernstige kwessies rondom die ekonomiese emansipering van die swart meerderheid en Afrikane in die besonder af te lei. Ons word nooit geskud nie.

Volgens ‘n berig gister in Beeld, het ‘n onbekende boer van Rustenburg en gesin Suid-Afrika verlede week verlaat uit vrees vir hul veiligheid nadat hy besluit het om die klag teen Malema te lê.

Hul prokureur, Fanie van der Walt, het gesê dat die beskuldigings teen Malema Maandag op skrif aan die internasionale strafhof in Den Haag, Nederland, gestuur is.

Die klagtes hou verband met Malema se singery van “skiet die Boer”, wat deur die Rustenburgse boer geïnterpreteer word as aanhitsing van jeugliga-ondersteuners om volksmoord teen Afrikanerboere te pleeg.

Kort nadat Malema deur die ANC betig is, het die woorde van die liedjie verander na “soen die Boer”.

липецк жгуты Лобановский

Aristide ry lekker op SA soustrein

“Dit is totaal onaanvaarbaar dat die Suid-Afrikaanse belastingbetalers steeds jaarliks bykans R3 miljoen moet spandeer om mnr. Jean-Bertrand Aristide, voormalige president van Haiti, asook sy familie en gevolg in die land te onderhou,” sê Dr. Pieter Mulder, leier van die VF Plus. Mnr. Aristide woon sedert Februarie 2004 reeds langer as ses jaar in Suid-Afrika terwyl ’n nuwe president reeds in Mei 2006 in Haiti ingehuldig is.

Die Suid-Afrikaanse regering spandeer tans maandeliks dieselfde bedrag geld wat ’n Suid-Afrikaanse kabinetsminister kos op mnr. Aristide. Die koste sluit in behuising, vervoer, kantoorpersoneel en veiligheidspersoneel. Hierdie inligting blyk uit ’n antwoord van die Minister van Buitelandse Sake, me. Maite Nkoana-Mashabane, op ’n vraag wat dr. Mulder aan haar in die Parlement gestel het.

Die Minister weier egter, soos haar voorganger, me. Nkosazana Dlamini-Zuma, om openlik te verklaar wat die totale koste vir Aristide se verblyf in die land sedert sy aankoms in Februarie 2004 beloop. ‘n Los beraming van die bedrag kan moontlik soveel as R15 miljoen wees.

“Terwyl Suid-Afrikaanse burgers ‘n sukkel-bestaan voer leef Aristide en sy familie in luuksheid. Hy lewer geen bydra tot die ontwikkeling van die land nie, maar leef op die geld van belastingbetalers wat eerder vir ons eie burgers aangewend kon word,” meen dr. Mulder.

Aanvanklik is deur die Suid-Afrikaanse regering gesê dat mnr. Aristide net tydelik in Suid-Afrika geakkommodeer word tot na die verkiesing in Haiti . Haiti het op 7 Februarie 2006 ‘n verkiesing gehou waar mnr. Rene Preval as nuwe president verkies is. Mnr. Preval is in Mei 2006 ingehuldig as president van Haiti en het toe reeds in die openbaar gesê dat mnr. Aristide welkom is om na sy land terug te keer.

”Volgens die Minister sal Aristide en sy familie as gaste in Suid-Afrika bly totdat die Afrika Unie, CARICOM (Caribean Community and Common Market) en ongeïdentifiseerde sleutelrol spelers anders besluit het. Indien die rolspelers wil voorskryf dat mnr. Aristide in Suid-Afrika moet bly, moet hulle bereid wees om die koste te dra en dit nie van die Suid-Afrikaanse belastingbetalers verwag nie. Dit is weer eens ‘n nuwe houding jeens Aristide se tydperk van verblyf in die land. Soos die VF Plus aanvanklik gewaarsku het, is die Suid-Afrikaanse regering nou hier vasgevang in ’n situasie wat nog vir jare kan duur en die belastingbetaler nog meer miljoene kan kos sonder werklik enige voordeel vir Suid-Afrika,” het dr. Mulder gesê.

тамбов техно Фильчаков прокурор

Laseropspoorder by vloot gesteel

Die minister van verdediging en militêre veterane, me. Lindiwe Sisulu, het erken dat ‘n laser-opspoorder van die fregat, Amatola, gesteel is. Sy het dit erken in antwoord op ‘n amptelike vraag van Pieter Groenewald van die Vryheidsfront Plus in die Parlement. Die diefstal van die apparaat was reeds aangemeld in Julie 2005, maar ‘n Raad van Ondersoek is eers op 12 Februarie 2008 aangestel om dit te ondersoek. Die waarde van die apparaat is ongeveer R6 500 en niemand is tot op hede daarvoor in hegtenis geneem nie.

“Die diefstal van ‘n sensitiewe apparaat vanaf ‘n fregat van die vloot is reeds kommerwekkend, maar wat kommerwekkender is, is dat ‘n Raad van Ondersoek eers amper drie jaar later ingestel is na die insident. Die hele aangeleentheid getuig nie net van laksheid en ongedissiplineerdheid op grondvlak nie, maar tot op die hoogste bestuursvlak,” sê mnr. Pieter Groenewald (LP), hoofwoordvoerder van Verdediging en Militêre Veterane vir die Vryheidsfront Plus.

Die Raad van Ondersoek het aanbeveel dat skrywes van aanmaning aan twee lede gegee word oor die nie-nakoming van oordragprosedures nie. Verdere aanbevelings was dat beter beheer op die brug toegepas word en dat oordragprosedures korrek nagevolg moet word. Die Raad het ook aanbeveel dat ‘n standaard werksprosedure vir die oordrag van skofte opgestel word en dat die apparaat afgeskryf word en vervang word op staatskoste. Volgens die minister is al die aanbevelings nagekom.

Deel van Vrystaatse Cope-leierskap sê openlik steun aan Shilowa toe

“Die Shilowa Express loop sterk, en die nasionale kongres van Cope gaan voort.”

So is ’n nuuskonferensie van ‘n deel van Cope se Vrystaatse tussentydse provinsiale leierskapgroep ingelui.

Dié nuuskonferensie is belê om steun aan die Shilowa-groep toe te sê wat wil hê die nasionale konferensie moet voortgaan soos die grondwet en beplanning tot dusver behels het. “Daar sal Vrystaatse afgevaardigdes by die kongres wees, al besluit die tussentydse bestuur om die kongres te boikot,” aldus mnr. Mahlomola Ralebesi, een van die groep Shilowa-ondersteuners.

Nog ‘n bekende op die nuuskonferensie was me. Gertrude Mothupi.

“Die omspringery (van Lekota se ondersteuners) oor die nasionale konferensie het eers gekom nadat ‘n oudit van takke gedoen is en dit aan die lig gebring het dat die Leokota-groep te min steun gaan hê om te keer dat Shilowa-groep koning kraai. Boonop meen die groep Cope moet nou ‘n beleid kry sodat besluit kan word of genoeg raakvlakke bestaan om aan opposisie-aliansiepolitiek deel te neem.

Hoewel die groep erken dat verskeie blankes bedank het, meen hulle nie die bedankings is so omvangryk dat dit die aanvanklike euforie oor ‘n werklike nie-rassige party gaan ondermyn nie.

Лобановский Харьков

VF+ wen saak teen Kroonstadse munisipaliteit

Die Hooggeregshof van die Vrystaat het vandag die aansoek van die Vryheidsfront Plus, dat die verkoop van die kragsentrale te Kroonstad nietig verklaar word en dat die eiendom weer in die naam van die Moqhaka-munisipaliteit geregistreer word, gelas. Die hof het verder gelas dat die Moqhaka-munisipaliteit die koste soos op ‘n ongeopponeerde basis moet betaal en dat Bio Energy Africa die res van die koste moet betaal.

Die saak spruit voort uit die feit dat die Moqhaka-munisipaliteit die kragsentrale te Kroonstad teen ‘n bedrag van R8 miljoen aan Bio Energy Africa verkoop het sonder om die statutêre voorskrifte te volg. Die eiendom is in die aktekantoor op Bio Energy Africa se naam geregistreer. Die munisipaliteit het ‘n verband van R8 miljoen verleen en tot op datum het Bio Energy Africa nog geen betaling gemaak nie. Die waarde van die eiendom is baie meer as die bedrag waarvoor dit verkoop is.

Die weldeurdagte en verantwoordelike optrede van die VF Plus se raadslede, Danie Brink en Jeanie Hattingh in die Moqhaka-stadsraad, het dit moontlik gemaak dat die VF Plus die aansoek in die Hooggeregshof kon bring. Hierdie optrede van die VF Plus se raadslede het dit moontlik gemaak dat die VF Plus die belastingbetalers van die Moqhaka-munisipaliteit (Kroonstad, Steynsrus en Viljoenskroon) se belange en eiendom kon beskerm. Net soos met die hofsaak oor die onwettige verkoop van die Elandia-erwe te Kroonstad, het die VF Plus weereens die belange van die belastingbetalers eerste gestel en die risiko van ‘n hofsaak op hulle skouers geneem.

Op 25 Maart 2010 het die VF Plus ‘n dringende aansoek in die Hooggeregshof van die Vrystaat gebring om te verhoed dat Bio Energy Africa roerende eiendom verwyder en die vaste eiendom aan ‘n derde party verkoop alvorens die hof beslis het oor die eienaarskap van die eiendom. Hierdie tussentydse bevel wat die VF Plus op daardie stadium verkry het, was die voorloper tot vandag se sukses.

Deur hierdie regverdige hofuitspraak kon die VF Plus daarin slaag om die eiendom van die belastingbetalers wat miljoene rande werd is, te beskerm.

Mnr. CAJ Janse van Rensburg van die firma Rosendorff Reitz-Barry en advokaat Niël Snellenburg het voor regter Cilliers die VF Plus verteenwoordig.

Abrie Oosthuizen, LPW en Vrystaatse leier van die VF Plus, het na die hofverrigtinge gesê dit is ‘n kwade dag as ‘n politieke party deur die owerheid gedwing word om hom tot die hof te wend om toe te sien dat statutêre voorskrifte nagekom word. “Dit word ‘n algemene verskynsel dat munisipaliteite, provinsiale regerings en selfs die nasionale regering hulle daaraan skuldig maak om nie landswette te eerbiedig nie. Die VF Plus sal alles in sy vermoë doen om toe te sien dat landswette nagekom en toegepas word tot voordeel van landsburgers.”

для пескоструя Данильченко Харьков

Matshikiza ‘moet bedank ná plakkery’ – VF Plus

Die VF Plus eis dat die burgemeester van die Wesrandse Distriksmunisipaliteit (WRDM), Faith Matshikiza, onmiddellik bedank.

Dit volg na die onwettige besetting van grond in die sogenaamde Wieg van die Mensdom binne ‘n UNESCO-geregistreerde wêrelderfenisgebied by Kromdraai net buite Krugersdorp. Grondeienaars veg al ‘n jare lange stryd teen die munisipaliteit om hoë digtheid behuising in die gebied te keer nadat ‘n geologiese verslag aanbeveel het dat die dolomitiese gebied nie daarvoor geskik is nie.

“Die WRDM en meer spesifiek die uitvoerende burgemeester is deurentyd deur die grondeienaars en die VF Plus ingelig oor die dreigende grondbesetting en die gevare daarvan. Sy het dit egter blatant geïgnoreer,” het mnr. Jaco Mulder, VF Plus-LPW en provinsiale leier in Gauteng , gesê. Mulder het verlede maand ‘n onderneming van die burgemeester ontvang dat die kwessie voor einde April opgelos sou wees.

Die VF Plus se versoek om ‘n gesprek tussen die grondeienaars van Kromdraai en die distriksmunisipaliteit is geweier en die besetting van die grond het voortgegaan totdat meer as 50 hutte reeds opgerig was. Die grondbesetting vind plaas op ‘n stuk grond wat aan die WRDM behoort nadat onhaalbare beloftes oor die verskaffing van grond en huisvesting deur die ANC-raad tot frustrasie onder die plakkers gelei het.

Die inwoners het met ‘n hofaansoek in die Suid-Gautengse hooggeregshof daarin geslaag om die plakkery te stop en ‘n proses is begin om die onwettige plakkers te verwyder. Op die oomblik sper die Kromdraai-plakkers die teerpad met brandende motorbande af en motoriste word verhoed om die pad te gebruik.

Hierdie is ‘n voorbeeld van ‘n onwettige grondbesetting wat deur die owerhede aangeblaas word. Mulder het die LUR vir Gauteng , Firoz Cachalia wat getaak is met die gebied, versoek om onmiddellik in te gryp.

“Enige skade aan eiendom, beserings of lewensverlies kan vierkantig voor die deur van die burgemeester van die WRDM gelê word. Die sukses van die hofaansoek getuig dat ‘n gemeenskap wat saamstaan wel nog deur die howe van Suid-Afrika beskerm kan word,” het Mulder bygevoeg.

Die fiasko speel ironies af binne 5 kilometer vanaf die Kloofsig Lodge waar die Australiese sokkerspan binnekort sal tuisgaan.

Wie onthou nog dié? Betoging in Londen teen SA geweld

‘n Betoging teen geweld en volksmoord het vandag (15 Mei 2010) in Londen voor die Suid-Afrikaanse ambassade plaasgevind.

ANC ‘hartseer’ oor Van Zyl Slabbert

Die ANC het gesê die voormalige politikus, akademikus en besigheidsman, Frederik van Zyl Slabbert, sal deur alle Suid-Afrikaners gemis word.

Van Zyl Slabbert het Vrydagoggend by sy huis in Johannesburg weens ‘n lewerkwaal gesterf.

“Die ANC is baie hartseer oor die dood van die legendariese politikus en leier Frederik van Zyl Slabbert,” het ANC-woordvoerder Brian Sokutu gesê.

“As voormalige opposisieleier van die destydse Progressiewe Party het hy nie net sy merk in die stigting van opposisie teen apartheid in Suid-Afrika gemaak nie, maar ook geveg vir ‘n konstitusionele demokrasie.”

“Hy sal ook onthou word as een van daardie wit Suid-Afrikaners wat kontak gemaak het met die ANC in ‘n tyd toe dié party in die land belet was,” het Sokutu gesê.

диагностика для авто

‘Blanke bomplanters gevang’

Terwyl daar reeds weke lank voorspel word dat die ANC-regering op die vooraand van die sokkerwêreldbeker tot ‘n magsvertoon sal oorgaan, het die minister van polisie Nathi Mthethwa vandag aangekondig dat “blanke suprematiste… bomme in swart woonbuurtes wou stel”, maar dat diegene gefnuik is. PRAAG het reeds op 7 April 2010 ‘n wenk ontvang dat sulke optrede deur die polisie teen Afrikaners beplan word om die indruk te skep dat die ANC in aanloop tot die sokker “in beheer” verkeer.

Volgens Mthethwa het “die polisie in ‘n aantal gebiede klopjagte uitgevoer en is wapen- en ammnusie-opslagplekke tesame met ander toerusting gevind”. DIe klopjagte is glo verlede maand uitgevoer.

“In Pretoria is daar byvoorbeeld mense in hegtenis geneem wat beplan het om hul plofstof in swart lokasies te gaan uittoets,” het Mthethwa gesê.

Mthethwa wou geen verdere besonderhede verstrek oor hoeveel mense gearresteer is of wat hul beplande teikens sou wees nie, maar het wel gesê dat “sommiges ondersteuners van ‘n volkstaat slegs vir blankes is”.

In 2002, toe Thabo Mbeki nog president was, het die Boeremag-episode hom afgespeel toe daar 10 ontploffings plaasgevind het, waarvan nege in Soweto. ‘n Swart vrou is dood en twee ander is beseer.

Mthethwa het die versekering gegee dat “ekstremiste” nie ‘n bedreiging vir die staat is nie en dat daar geen ontwrigting van die sokkerwêreldbeker sou plaasvind nie.

“Niemand gaan die wêreldbeker ontwrrig nie… hulle gaan dit nie regkry nie want ons hou die hele land dop.”

Lees ook: Polisieklopjagte op Afrikaners op pad!

Roodt spreek skok oor Jackson-moord uit

In sy hoedanigheid as inligtingshoof van die Vryheidsfront Plus in Gauteng het dr. Dan Roodt sy skok en afgryse oor die moord op mnr. Lolly Jackson uitgespreek. Komende ná die noodlottige aanslag op mnr. Eugène Terre’Blanche, wil dit voorkom asof moorde op openbare figure in Suid-Afrika so algemeen geraak het dat die land ‘n rampokkerstaat genoem kan word.

Die Vryheidsfront Plus betuig sy meegevoel met Jackson se gesin, asook sy vele vriende, kennisse en aanhangers wat vandag intens hartseer moet wees oor die wrede heengaan van ‘n kleurryke man.

Volgens dr. Dan Roodt, het hy Jackson onlangs vir die eerste keer by die voorvertoning van die film waarin hy homself speel, ontmoet. “Ongeag sy taamlik immorele sakebedrywighede en spoedoortredings, het Jackson my getref as ‘n intelligente, innemende man wat boonop ‘n patriotiese Suid-Afrikaner was. Hy het trots vertel dat hy in Angola vir die ou Suid-Afrikaanse Weermag geveg het. Lolly Jackson het ook, ongeag sy geboorte in die buiteland, vlot Afrikaans gepraat.”

As iemand wat in die Kongo gebore is en gesien het hoe dié eens welvarende Belgiese kolonie in anargie verval het, was Jackson bekommerd oor die stygende geweld en wanorde in Suid-Afrika. “Tydens ons gesprek by die filmateljee, het Jackson sy kommer teenoor my uitgespreek oor wat ná die Sokkerwêreldbeker kon gebeur. Hy het voorspel dat Suid-Afrika in ‘n spiraal van geweld en etniese konflik sou verval, min wetende dat hy self nog vóór die sokkerskouspel ‘n slagoffer van die anargie sou word,” het Roodt gesê.

Die Vryheidsfront Plus wil weereens ‘n beroep op die publiek doen om die bedreiging van misdaad en aanvalle op lede van minderheidsgroepe baie ernstig op te neem en by gemeenskapsveiligheidsorganisasies betrokke te raak.

“Ons eis insgelyks van die ANC-regering dat die wapenwet hersien moet word en dat wapenlisensies baie vinniger uitgereik moet word om wetsgehoorsame burgers in staat te stel om hulself te beskerm teen die waaragtige oorlog wat misdadigers en rassistiese moordbendes teen hulle voer,” het Roodt gesê.

Cosas teen Afrikaanse skole en vir Malema

Die Congress of SA Students (Cosas) het gister gevra dat Afrikaanse skole gesluit word. Die organisasie het ook sy steun aan Julius Malema “in hierdie moeilike tye” toegesê.

“Cosas verwerp enige rasseneigings wat veroorsaak dat onderwysinstellings vir swart studente ontoeganklik is. Swart studente is inheems aan hierdie land en aan die Afrikakontinent en word blootgestel aan die buitelandse, onoorspronklike Afrikaans as medium van onderrig in sekere rassistiese skole, meer spesifiek in die Wesrandgebied wat onder rassistiese Afrikanerbestuur verkeer,” lui ‘n verklaring deur die Gautengse provinsiale sekretaris, Oagile Louw.

“Ons eis daarom… dat hierdie (Afrikaanse) skole onmiddellik gesluit word.”

Volgens Sapa, “herinner hierdie oproep aan die gebeure wat tot die 1976-onluste op 16 Junie toe leerlinge en die polisie in Soweto slaags geraak het. ‘n Skietery op ‘n aantel skoolkinders, asook op daaropvolgende dae, het losgebars ná ‘n protesoptog teen Afrikaans wat as ‘n onderrigmedium by skole gebruik is.”

Cosas het ook gedreig om die “ontwrigtende” SA Demokratiese onderwysersunie (Sadou) se lede van skoolterreine te verdryf aangesien “hulle nie tot die verskaffing van gehalteonderwys verbind is nie”.

Cosas het die Sadou-leierskap gemaan om “op te hou om deel van die meubels in hul spoggerige kantore te wees” en hul lede tot orde te roep.

Cosas spreek sy goeie wense uit teenoor studente wat vir die middeljaareksamens voorberei en meen dat hulle van kitskos moet wegbly om ‘n gesonde verstand te behou, dat hulle studiegroepe moet gebruik en selfs tydens die Wêreldsokkerbeker moet vergaderin die gees van Cosas se slagspreuk: “Each one Teach one”.

Die ANC se jeugleier, Julius Malema, is deur Cosas uitgesonder vir ‘n “ondersteuningsboodskap in dié moeilike en veeleisende tye”.

Malema sal eerskomende Maandag ‘n tugverhoor moet bywoon, asook in die Gelykheidshof moet verskyn weens sy openbare uitsprake rondom die liedjie “Skiet die Afrikaners”.машинка на пульті депутат лобановский

1300 kg dagga in ‘n taxi

‘n Vyf-en-dertigjarige swart man is Maandag in hegtenis geneem met 1300kg dagga in sy minibus toe hy vir spoed op die N3 gevang is, het die Gautengse polisie gesê.

Die swarte het 147km / u in ‘n 100km / u- sone in sy Toyota Quantum gery het toe verkeersbeamptes hom op die N3, naby Heidelberg, om 06:25 voorgekeer het, sê konst Thivhulawi Tshilate.

“Toe die verkeersamptenaren aan hom te kenne gegee het dat hy moet stilhou, het die bestuurder teen ‘n hoë spoed weggejaag. Hulle het hom agtervolg totdat hulle horn tussen Spookbrug en Poortjiebrug gevang het,” het Tshilate gesê.

“Die bestuurder het die voertuig verlaat en in die veld in weggehardloop. Twee verkeersbeamptes het hom te voet agtervolg en die verdagte in hegtenis geneem.”

Binne die minibus het die polisie 95 sakke dagga met ‘n beraamde straatwaarde van R1 miljoen gevind.