Sake – Bladsy 5 – praag.co.za

Eskom se kapitaalbehoeftes 10 keer groter

Eskom se kapitaalbehoeftes het 10 keer groter geraak die afgelope vyf jaar, van R11 miljard na R104 miljard in 2010, het Jacob Maroga Maandag gesê.

Daar is 'n groot tekort in hulle finansies selfs nadat die regering se befondsing en lenings ingereken word en dit verduidelik die instelling se interimaansoek om 'n tariefverhoging van 34% wat uit die verbruiker se sak moet kom.

Maroga het by die Nasionale Energiereguleerder van SA in Pretoria gepraat by 'n tweedaagse openbare sitting oor die aansoek om tariefverhoging.

Eskom het aansoek gedoen om 'n verhoging in die huidige finasiële jaar en beplan later die jaar 'n verdere verhoging om die balans van die driejaarprysmodel aan te vul. Maroga het gesê dit sal 'n interimoplossing wees, aangesien daar nog nie finaal op 'n befondsingsmodel besluit is nie.

Die model "sal die behoefte aan 'n ekwiteitsinspuiting van die regering en lenings van beleggers asook tariefverhogings balanseer", en sal teen September 2009 gereed wees. Daarna sal Eskom vir nog 'n verhoging aansoek doen.

Eskom het na indringende vrae van Nersa gesê hulle het nie "duidelike oplossings" vir die impak wat die voorgestelde verhogings op die armes sal hê nie, maar het dialoog voorgestel as 'n probleem opduik.

Solidariteit en die Intensiewe Energieverbruikersgroep het die hoë kostes van die semistaatsinstelling bevraagteken in hulle gedetailleerde aansoek. Kaapstad en die Nelson Mandela-munisipaliteit het die aansoek teengestaan omdat hulle meen dit is onregmatig.

Advokaat Graham Richards van die Nelson Mandela Bay Munisipaliteit het gesê Eskom ondermyn wetgewing omdat Nersa 'n statutêre liggaam is wat administratiewe besluite neem en nie die mag het om oor onwetmatigheid te beslis nie.

Deur die interimtariefverhoging toe te laat sal munisipaliteite blootgestel word aan litigasie omdat Eskom nie by tysbepalinge gehou het nie en ook nie genoegsame redes verskaf het om die stygings te regverdigsoos die wet vereis nie.

Die Kamer van Mynwese het gesê Eskom se aansoek om tariewe te verhoog, is vaag. Cosatu het ook die aansoek verwerp. Hulle industriële beleidskoördineerder, Jonas Mosia, het aangedui dat meer as 208 000 werkers hulle werke verloor het agv die finansiële krisis en "nou moet die armes die las van hoër elekrtisiteitstariewe dra".

Solidariteit het Eskom versoek om na hulle twee grootste kostes te kyk naamlik steenkool en personeel. Dirk Herman het die instelling gevra waarom hulle kostes so "astronomies" is en voorts direk gevra dat Eskom 'n ondersoek doen "omdat daar iets verkeerd is".

Sedert 2008 het die prys van steenkool met 60% geval. Herman het 'n 12% verhoging voorgestel wat bedryfskoste sal dek, afhangend van die uitkoms van die ondersoek.

Die sitting sal Dinsdag voortgaan en Eskom sal teen 25 Junie 'n besluit neem.

Australi? klap Chinese hand weg

Die Chinese regering se grootste investering in 'n Westerse maatskappy, 'n aanbod van $19,5 miljard vir 'n aandeel in die Brits-Australiese mynreus Rio Tinto, het Vrydag ineengestort.en daarmee 'n einde gebring aan China se ambisies om groter inspraak in die ontginning van die wêreld se natuurlike grondstowwe te verkry.

Die raad van Rio Tinto het Donderdag na 'n vergadering in Londen op die stap besluit om nie aandele aan Chinalco, China se staatsbeheerde aluminiummaatskappy, te verkoop nie.

Hulle het Vrydag in 'n verklaring bekend gemaak dat hulle eerder met 'n mededinger, die wêreld se grootste Australiese mynkrag BHP Billiton, wil saamwerk.

Australië het diep beswaar gemaak teen die ooreenkoms met China omdat die land se minerale rykdom bydra tot sy voorspoed en Chinese teenwoordigheid word deur talle beskou as 'n bedreiging vir Australië.

Chinalco se voorsitter het Vrydag gesê hulle is baie teleurgesteld dat die ooreenkoms platgeval het.

Rio Tinto het in 'n verklaring gesê dat hulle $5,8 miljard sal verkry deur 'n samerwerkingsooreenkoms met BHP Billiton en dat hulle 'n verdere $15,2 miljard bykomend sal bekom deur 'n aandeeluitgif.

Die ineenstorting van die ooreenkoms word beskou as die gevolg van nasionalistiese oorwegings. 'n Soortgelyke ooreenkoms het deur die mat geval nadat die Amerikaanse oliemaatskappy Unocal geweier het om 'n aandeel aan China te verkoop omdat hulle olie as 'n strategiese bate beskou en bekommerd begin raak het oor China se menseregterekord.

Rio Tinto en Chinalco het tot onlangs die ooreenkoms wat China die grootste aandeelhouer in Rio sou maak, verdedig. Die ooreenkoms sou aan China toegang verleen het tot 'n hele aantal myne regoor die wêreld, in verskeie lande.

In ruil sou Rio 'n dringende kontantinspuiting kon verkry om hulle skuld van $39 miljard wat deur 'n oordeelsfout met die aankoop van die Kanadese Alcan in 2007 aangegaan is, deels te vereffen. Die chinese ooreenkoms is tydens die ineenstorting van kommoditeitspryse en aandelemarkte verlede jaar aangegaan.

Rio Tinto se aandeelprys was toe $26.31 in Londen. Donderdag het dit verhandel teen $44.56.

Australiese opposisielede het eerste minister Kevin Rudd, wat Mandaryns praat en 'n eertydse diplomaat in Beijing was, daarvan beskuldig dat hy te vriendelik met die Chinese is.

'n Advertensie wat dië week in Australië vertoon is, het Tianmenpleinbeeldmateriaal van 1989 uitgesaai en Rudd daarvan beskuldig dat hy "geskenke aan die Chinese militêre regime aandra omdat hy toelaat dat Australië se strategiese minerale grondstowwe deur China beheer word".

Rio het aangebied om aan Chinalco 'n fooi van $195 miljoen te betaal as afskeidsbedrag. Die Australiese mynreus se beweegruimte het ook verbeter aangesien die kommoditeitspryse die afgelope paar weke effens verbeter het.

China het die reaksie teen beheer oor die mynreus beskryf as proteksionisties en nasionalisties.

Rand daal n? swak BNP-syfer

Die rand het met ongeveer 'n halwe persent teen die vernaamste geldeenhede gedaal ná die swak BNP-syfer wat vanmore vrygestel is. Suid-Afrika se reële bruto nasionale produk het met -6,4 persent gedaal in die eerste kwartaal vanjaar, teenoor -1,8% in die vierde kwartaal van 2008.

Hiermee verkeer die land dus vir die eerste keer in 17 jaar amptelik in resessie. Ekonome voorspel nou verdere verlaging in rentekoerse van 100 basispunte of een persent deur die Reserwebank in 'n poging om die ekonomiese inkrimping te stuit.

Die rand het van R8,25 per dollar tot R8,40 verswak, maar handelaars verwag nie verdere dalings totdat die Reserwebank sy monetêre komitee later vandeesweek sy rentekoersbesluit aankondig nie.

Veral mynbou en vervaardiging is swaar deur die globale resessie getref en het onderskeidelik met 32,8% en 22,1% afgeneem. Ook die bankwese het verlangsaam. 'n Ekonoom van Stanlib, Kevin Lings, meen dat die afname in die BNP vir die volle jaar tussen 1,5% en 2% gaan wees.

Die verswakking is oor 'n breë front sigbaar en is verlede jaar deur die oplewing in die landbousektor verdoesel, maar vandag se syfer toon duidelik dat Suid-Afrika hom nou by die res van die wêreld aangesluit het en in 'n erge resessie verkeer.

casino no

Mboweni kritiseer plaaslike banke opnuut

Kommersiële banke gee nie noodwendig die voordele van laer rentekoerse deur aan die verbruiker nie, het die goewerneur van die Reserwebank, Tito Mboweni, Woensdagaand gesê.

Hy het by die Sake24-geleentheid in Kyalami, Johannesburg, waar die ekonoom van die jaar aangewys is, gepraat. Dit is die derde keer hierdie maand dat die goewerneur die plaaslike banke kritiseer.

"Dit lyk asof plaaslike banke hoër as prima vra in vergelyking met wat voorheen die geval was," het hy gesê. Mboweni sal Donderdag met banke vergader om die 3,5% verskil tussen die repokoers en die rentekoers wat banke hulle kliënte vra, te bespreek.

Mboweni, wat hoofsaaklik gisteraand met 'n groep ekonome gesels het, het ook verwys na die ernstige kwessies wat beleidmakers en voorspellers in die gesig staar.

"Die huidige finansiële krisis het ons almal gedwing om 'n groot herevaluasie van die manier waarop ons oor die algemeen die werkinge van die ekonomie gesien het, te maak.

"Die fundamentele verhoudinge en ekonomiese korrelasies wat ons voorheen as vanselfsprekend aanvaar het, word nou bevraagteken en dit het intense debat op feitlik alle gebiede in die ekonomiese diskoers ontlok in hierdie moeilike en turbulente tye."

In die Reserwebank se aannames in sy inflasiemodel, het die bank se sentrale beleidskomitee aangeneem tydens die Aprilvergadering dat die gemiddelde kontraktuele prys van olie in 2009 VS50 per vat sal wees en VS55 in 2010.

Hulle het aanvaar dat groei in Suid-Afrika se handelsvennote met 2% sal afneem in 2009 en met 'n halwe persent sal toeneem in 2010.

Die beleidskomitee het geadministreerde prysinflasie op 2% bereken vir 2009 en 9,75% vir 2010, het Mboweni gesê.

bog bad wolf

Cosatu se aansoek teen Vodacom van die hand gewys

Die Pretoriase Hooggeregshof het in Vodacom se guns beslis en die aansoek wat deur Cosatu en Icasa gebring is om die maatskappy te keer om op die Johannesburgse aandelebeurs te noteer, van die hand gewys.

Woordvoerder Patrick Craven van Cosatu sê regter John Murphey het in Vodacom, Vodafone, Telkom en die regering se guns beslis. Craven het gesê Cosatu sal nietemin voortgaan om die notering teen te staan, hetsy met alle regsmiddele tot hulle beskikking, hetsy met 'n boikot teen die telekommunikasiereus.

Hy het bygevoeg dat die beslissing slegte nuus vir alle Suid-Afrikaners is wat nie soveel geld het soos die maatskappye nie. Craven het gesê dat regter Murphey aanvanklik toegegee het dat Cosatu en Icasa 'n goeie saak het.

Die regter het egter in sy finale beslissing gesê dat die finansiële voordele wat die maatskappy vir Suid-Afrika inhou, groter is as die verlies vir gewone burgers en dat die hof nie Cosatu en Icasa se aansoek kan aanvaar nie.

Craven het gesê dit is baie belangriker dat die eienaarskap in Suid-Afrikaanse hande bly as die ongerief wat dit vir aandeelhouers en die sake-elite beteken.

Vodacom se woordvoerder Nicholas Williams het in 'n eensinverklaring gesê: "Ons verwelkom die beslissing en ons sien uit na die notering more[Maandag]."

Фильчаков Харьков

Werkloosheid styg dramaties

Dinsdag het Statistieke Suid-Afrika (SSA) sy jongste kwartaallikse arbeidsnavorsing uitgereik wat as "realisties" deur ekonoom Mike Schüssler bestempel is.

Daarvolgens het Suid-Afrika se werkloosheidsyfer met 23,5% toegeneem in die eerste kwartaal van 2009 – op van 21,9% in die vorige drie maande.

'n Totaal van 208 000 mense wat in Suid-Afrika bly, het hul werk verloor in die laaste kwartaal van 2008 en die eerste kwartaal van 2009, volgens SSA se kwartaallikse arbeidsmag-opname.

Die opname wys dat werkverliese plaasgevind het in beide die formele- (88 000) en informele- (96 000) sektore.

In vergelyking met die vorige kwartaal, het die aantal werkloses wat werk soek van 3,873 miljoen tot 4,184 miljoen gestyg.

Me. Kefiloe Masiteng, adjunk-direkteur-generaal van bevolking- en sosiale-statistieke, het gesê dat die jaar-tot-jaar prentjie min beweging gewys het in werkvlakke, omdat die hoeveelheid werkloses relatief onveranderd gebly het op 13,6 miljoen.

"Die neiging lyk negatief, produksie en handel het gedaal en likwidasies het gestyg," het sy gesê.

"Die ekonomiese vooruitsig in die land volg dieselfde neiging as die internasionale resessie. Wat ons in ekonomiese terme sien, is dat baie sektore personeel verloor.

"Produktiwiteit het ook in baie ander areas gedaal. Vervaardiging het afgeneem in terme van sy produktiwiteit, handel het verloor in terme van verkope en produktiwiteit en mynbou het ook verloor in terme van hul produktiwiteit."

Masiteng het gesê dat goud die enigste uitsondering in die mynbousektor was, maar het nie 'n drastiese impak gemaak om die verlangsaming aan te spreek nie.

Schüssler het gesê werk kan net geskep word as die BBP bokant 4% styg.

Suid-Afrika se BBP het egter in die vierde kwartaal van 2008 met 1,8% gedaal.

Die Reserwebank voorsien voorts 'n verdere inkorting in die eerste drie maande van die jaar.

"Die BBP sal aanstaande jaar positief wees," het Schüssler gesê.

Ons kan in volgende jaar 2% groei kry, maar dit is nie genoeg om werk te skep nie. Daarvoor is 4% nodig en dit sal ons in 2011 of 2012 sien.

Die huidige ekonomiese krisis kan tot die verlies van meer as 300 000 werkgeleenthede lei, het Schüssler in die agtste Suid-Afrikaanse werkloosheidverslag van UASA gesê. Die verslag is ook Dinsdag uitgereik.

"Ons voorspel 'n afname van 1,3% in die bruto binnelandse produk vir 2009," het Schüssler gesê. Hy het bygevoeg dit sal waarskynlik lei tot tussen 207 000 en 304 000 werkverliese.

Hy het verduidelik die krisis kan oor alle sektore 'n uitwerking hê, maar die tegniese en bestuursektore kan dalk nie so erg getref word nie.

"Elementêre werkers sal die hardste getref word terwyl vervaardiging, duursame produkte, die mynbou en konstruksie die ergste uitwerking van die krisis gaan ervaar."

Schüssler het gesê klein ondernemings is getref deur 140% meer likwidasies as in 2008.

"Die hoeveelheid werkgeleenthede wat in die motorbedryf buite vervaardiging (met ander woorde verkope en werkwinkels) verlore gegaan het, was 37 000 in 2008."

Hy het gesê in 2008 het sowat 1 400 restaurante hul deure gesluit.

Pick ‘n Pay voor met voedselinflasie

Die vakbond Solidariteit se maandelikse voedselprysvergelyking wat sedert die begin van die jaar onder die drie grootste supermarkgroepe in Suid-Afrika gedoen word, het die afgelope week getoon dat voedselpryse die afgelope vier maande met ŉ gemiddeld van 5,5% gestyg het. Verder het die prysverskille van Solidariteit se voedselmandjie tussen die winkelgroepe drasties afgeneem tot minder as R2,50.

“Pick ŉ Pay se pryse in die mandjie het die afgelope vier maande met 8,1% gestyg terwyl Spar en Checkers se voedselpryse met 3,1% en 5,1% toegeneem het. Dié stygings bring die drie supermarkgroepe wat die afgelope vier maande deur Solidariteit dopgehou word, byna op gelyke voet, sê Jaco Kleynhans, woordvoerder van Solidariteit.

Pick ŉ Pay se finansiële resultate is intussen bekendgestel en toon dat dié supermark se wins op voorgesette bedrywighede ná belasting met bykans 21% toegeneem het, ondanks meneer Kevin Korb, Pick ŉ Pay se Direkteur vir voedselaankope, se ontkenning in Februarie vanjaar dat dié supermarkgroep die jaar baie winsgewend gaan wees.

Solidariteit het vandag, aan die vooraand van taai loononderhandelings weereens ŉ beroep op supermarkte gedoen om die las wat die wêreldwye ekonomiese krisis op Jan Alleman se skouers laat, te verlig deur hul voedselpryse te laat daal.

игри для дэвочэк Фільчаков прокурор

Afrika mag baat by krisis, meen Manuel

Die globale ekonomiese krisis gaan meebring dat ‘n meer robuuste en langdurige ekonomiese ontwikkeling in Afrika en die ontwikkelende wêreld plaasvind as wat tot op hede gesien is, het minister van finansies Trevor Manuel Maandag gesê.

“Sterker ekonomiese ontwikkeling in die lande van die Suide is nie ‘n nuwe gebeurtenis nie,” het hy gesê.

“Dit het wortels wat ‘n dekade of twee teruggaan en het verskeie intergebonde kwessies ook,” het hy in Johannesburg gesê.

Die kwessies sluit in die buitengewone ekonomiese groei in Sjina en Indië en die skerp afname in mense wêreldwyd wat in armoede lewe; die volgehoue styging in kommoditeitspryse, wat dui op baie meer wydgebaseerde industrialisering en modernisering, en geassosieerde aanvraag vir infrastruktuur en verhandelde goedere en dienste.

Dit sluit ook in die snelletoename in die gebruik van nuwe, laerkoste en effektiwiteitsverbeterende inligting en telekommunikasie tegnologieë; die toename in die verstedelikingstempo en megastede oor die ontwikkelende wêreld, en ‘n snelle toename in onderwys en tegnologieaanvaarding en groter makro-ekonomiese stabiliteit in groot dele van die ontwikkelende wêreld, insluitend verskeie voorste Afrika ekonomieë.

“Alhoewel groei vir ‘n tydperk onderbreek mag word, is dit kragtige dinamiese elemente en gaan hulle nie omgekeer word nie,” het Manuel gesê.

casino win

Verenigde Sakekamer van SA stuur afvaardiging na Zimbabwe

‘n Hoëvlakafvaardiging van Suid-Afrikaanse besigheidsleiers sal na verwagting Maandag vergaderings hou in Zimbabwe en fokus op die land se planne vir ekonomiese herstel, het die Verenigde Sakekamer van Suid-Afrika (BUSA) gesê.

“Die doel van BUSA se besoek is om inligting te kry van die koalisieregering van Zimbabwe oor planne vir die ekonomiese herstel en die potensiële rol van Suid-Afrikaans besighede,” het BUSA Sondag in ‘n verklaring gesê.

“Dit is ‘n belangrike oomblik om kontak te maak met die nuwe regering, en skep ook die geleentheid om die Suid-Afrikaanse privaatsektor se ondersteuning te gee aan die pogings om die ekonomie in Zimbabwe te herbou.”

Die afvaardiging sal gelei word deur voormalige president van BUSA, Patrice Motsepe van African Rainbow Minerals en sluit in verteenwoordigers van die mynwese, handel, infrastruktuur, landbou, vervoer, finansiële dienste en gesondheidsorg.

BUSA het gesê besigheidsleiers van Aspen Pharmacare, Massmart, Netcare, PPC Cement, Old Mutual, Price Waterhouse Coopers en die Industriële Ontwikkelings Korporasie sal ook deel vorm van die afvaardiging.

Die BUSA afvaardiging is na Harare genooi deur die minister van finansies, Tendai Biti, wat die gasheer sa wees vir die eendag besoek wat ook gespreke sal insluit met die eerste minister, ander ministers en regeringsbeamptes van Zimbabwe.

Die groep is ook geskeduleer om president Robert Mugabe te ontmoet. Фільчаков прокурор

Belastinginvordering op koers

Die Suid-Afrikaanse Belastingdiens het baie naby gekom aan hulle 2009 teiken van belastinginvordering, deur teen middernag op Dinsdag ŉ totaal van R625,57 miljard in te kry, het minister van finansies Trevor Manuel gesê.

Hy het Woensdag gesê die voorlopige resultaat is 0,34% minder as die hersiene Februarie 2009 begroting wat geskat was op R627.69 miljard. Dit is ŉ tekort van R2,12 miljard.

Dit verteenwoordig ŉ toename van 9,2% in belasting insameling oor die laaste jaar.

“Volgens my mening is dit ŉ buitengewoon goeie slaagsyfer vir SARS,” het Manuel aan joernaliste in Pretoria gesê oor ŉ videokoppeling vanuit Londen.

In afwagting van die ekonomiese afplatting, is die belastingsteiken in Februarie verminder van R643.27 miljard tot R627.69 miljard.

справка 026 у

Afrika is hierdie seisoen groot modetema

Die verrassende ding van 2009 se lentemodes, waar Afrikastyl soos ‘n drompols in klere en bykomstighede weerklink, is dat dit nie oor die etniese sy gaan nie, maar meer ‘n gestileerde Afrikavoorkoms, met ryk kleure wat ‘n sterk identiteit oordra.

Johan Galliano het Afrika na Dior gebring, weereens met skoene waaarop vrugbaarheidsimbole gekerf is in die hoë hakke. Maar dit was die gevormde haarstyle wat die sterkste impak gemaak het, saam met die weef-effek teksture uit Parys.

Materiaal by baie groot modehuise, soos Lanvin, is dierepatrone wat vernuwe is in helde kleure. Die mees dramatiese voorbeeld van sulke materiaal is gebied deur die Japanese ontwerper Junya Watanabe. Armbande is orals die seisoen, van wye stukke tot smal armbande, meestal in moderne materiaal wat ivoor en horing van bedreigde spesies naboots.

Die ironie is dat een tree op die Afrikabodem in hierdie seisoen se Afrika-geïnspireerde skoene waarskynlik selfs die hardste modeslaaf op haar knieë sal bring. Tog, in mode skep drome wense. En daar, tussen die hoë hakke is daar ook sandale, plat met bandjies, in slangvel en vergulde vals krokodilleer, wat net so nuttig kan wees op die banke van die Limpoporivier as in die wêreld se mode-hoofstede.

Die koloniale wêreld was ook ontgin vir inspirasie. Die hitte-en-stof kleure van klipgrys en sandbeige, met effense tinte van militêre kakie skep weer ander Afrika-scenario’s. Vir Hermes beteken dit die herskep van die effek van woestynsand op die oppervlak van rimpelende suede rokke. Vir Ralph Lauren het die koloniale voorkoms êrens tussen Indië en Afrika.

playing slots games

Mboweni waarsku teen aansienlike afplatting

Daar is 'n merkbare afplatting in die Suid-Afrikaanse ekonomie, het reserwebank goewerneur Tito Mboweni Woensdag gesê.

Hy het gepraat by ‘n dinee van die Kaapstadse Rotariërs en gesê dit beteken nie dat die plaaslike ekonomie in ‘n resessie ingaan nie.

“Daar is ‘n moontlikheid dat ons twee opeenvolgende kwartale mag hê wat negatief kan groei,” het hy gesê.

Mboweni het gesê die Suid-Afrikaanse banksektor het nog goed gelyk, terwyl sy Europese eweknieë nie so vertoon nie.

“Geen banke het nog na die sentrale bank gekom en gevra vir spesiale likiditeitvoorsiening nie.”

Hy het gesê die sentrale bank bly gefokus op die drie tot ses persent inflasieteikens. Hy het wel opgemerk dat daar ‘n ligte verswakking kan wees voordat dit terugkeer na die teikensyfers.”

Mboweni het opgemerk dat daar in die toekoms verbeter moet word op die toesighouding en regulering van die wêreld se finansiële sisteme.

Dit sal verder nodig wees om seker te maak dat globale organisasies soos die IMF en die Wêreldbank nie vergeet van ontwikkelende lande nie.

Met verwysing na die plaaslike ekonomie, het hy gesê dit is belangrik dat mense “nie van depressief raak nie”.

MTN gaan bankdiens per selfoon aanbied

Die Suid-Afrikaanse selfoon operateur MTN het Maandag gesê dat dit ‘n mobiele bankdiens loots in 21 Afrika en midde-oosterse lande waar daar swak toegang is tot tradisionele banke.

“Ons het die diens in 2005 in Suid-Afrika geloots,” het Dare Okoudjou van MTN se bankdiens departement gesê.

“Maar dit was nie ‘n volle bankrekening met die mobiele foon as primêre toegang nie, dit was baie gefokus op basiese sleutel funksies, soos geld oordragte,” het hy gesê van die Suid-Afrikaanse dienste.

Nou beplan MTN om ‘n volledige bankrekening op selfone te bied, met die naam MTN Mobile Money, wat gebruikers sal toelaat om te betaal vir aankope en om saldo’s na te gaan. ‘n Kredietkaart sal opsioneel wees.

MTN noem die diens “ ‘n gemaklike, veilige en bekostigbare manier vir MTN intekenaars om geld te stuur, lugtyd te koop en rekeninge te betaal deur hul selfone te gebruik.”

Die diens sal uitgebrei word na 20 ander lande waar MTN werk, insluitend Oeganda, Nigerië, Kameroen en die Ivoorkus, wat gesamentlik 90 miljoen selfoongebruikers het.

MTN het gesê hulle het ‘n ooreenkoms geteken met Fundamo, ‘n Suid-Afrika gebaseerde verskaffer van mobiele finansiëledienste sagteware.

Brittanje se selfoonreus Vodafone en Frankryk se Orange is reeds aktief in die mark.

Volgens ‘n onlangse studie deur ‘n telekomanaliste firma, Berg Insight, kan die diens potensieel gebruik word deur 913 miljoen mense teen 2014, tenoor die 20 miljoen huidiglik.

boost followers

Sasol se wesensverdienste styg

Sasol se wesensverdienste per aandeel het gestyg met 51% tot R21,92 vir die 6 maande wat geëindig het Desember 2008, het die petrochemiesegroep Maandag gesê toe hulle tussentydse verslae bekend gemaak is.

Dit was as gevolg van beide die hoër olieprys en ‘n swakker rand.

Werksprofyt van R31,5 miljard was 53% hoër as die vorige jaar se vergelykende periode, het Sasol gesê.

Volgens die maatskappy, plaas sy balansstaat, kontantvloei en likiditeit hom in ‘n goeie posisie om die globale ekonomiese krisis te weerstaan.

“Ten spyte van die onsekerheid in globale markte, bly ons oorkoepelende lang termyn strategie onveranderd: om te verseker dat ons versigtig sal werk in die bestuur van besighede en projekte sal najaag wat in die beste belange is van ons aandeelhouers en ander gewaardeerde vennote.”

Met die oog op die toekoms het Sasol gesê dat verdienstes laer sal wees vir die hele 2009 finansiële jaar.

“In lyn met die skerp afplatting in wêreldwye chemiese markte, verwag ons dat ons chemiese besigheid merkbaar swakker sal wees in die 2de helfte van die jaar vergeleke met die 1ste 6 maande, in kontras met ons vertoning in 2008.”

Die maatskappy verwag dat die verdienste vir die finansiële jaar tot 30 Junie 2009 laer sal wees teenoor die 2008 jaar.

Dit was as gevolg van die algemene ineenstorting in marktoestande, met merkbaar laer pryse vir ru-olie en produkpryse, en laer aanvraag vir produkte.

Dit kan egter deels teengewerk word deur ‘n verswakking in die rand/dollar wisselkoers, die ru-olie voorrade en verhoogde produksievolumes by die Arya en Oryx aanlegte.

Sasol het gesê huidige markbeweegbaarheid en onsekerheid van globale markte het dit moeilik gemaak om meer presies te wees in vooruitskattings.

‘n Tussentydse kontantdividend van R2,50 per gewone aandeel is verklaar.