Nuus – Bladsy 36 – praag.co.za

Swart boere immuun teen Landbankterugnames

Die Landbank neem feitlik geen plase terug van swart boere wat nie hul lenings terugbetaal nie. Hierteenoor word streng kredietbeheer teen wit boere toegepas.

Oor die afgelope tyd is 25 plase deur die Landbank opgeveil, maar slegs 5 daarvan het aan swart boere boere behoort.

Maar volgens ingeligte bronne is daar "honderde swart boere" wat nie betaal nie en wie se plase tans aan regsoptrede blootgestel is. Die uitvoerende hoof van die Landbank, Phakamani Hadebe, beweer dat die bank R100 miljoen per maand weens hierdie wanbetalings verloor en waarskynlik binne drie jaar bankrot sal speel indien daar nie weer staatshulp kom nie.

Sowel Hadebe as die waarnemende voorsitter van die bank, prof. Herman van Schalkwyk, is bekommerd dat die Landbank se reputasie weereens 'n knou kan kry indien die skuld van swart boere nie ingevorder word nie. Ander banke in die privaatsektor sal nie meer bereid wees om daarmee sake te doen nie en die Landbank se skuldbriewe sal ook nie meer deur beleggers aangekoop word nie.

Die Landbank was die afgelope jare in die nuus weens die wanbestuur en korrupsie wat tot onlangs gegeld het nadat dié apartheidsinstelling, wat boere geslagte lank gedien het, onder transformasiebestuur gekom het.

Politieke druk op die Landbank om die rasprofiel van sy kliënte by invorderings in ag te neem, word deur die ANC-voorsitter van die portefeuljekomitee vir landbou in die parlement, mnr. Lulu Johnson, toegepas. Johnson het gevra dat daar weer 'n moratorium op die terugname van swart eienaars se grond ingestel moet word. Vanaf 2002-2005 het daar sulke moratoriums op die grond van swart eienaars gegeld.

Die Landbank meen nou dat die bank nie "sy politieke mandaat as ontwikkelingsbank" kan nakom sonder geld wat deur die parlement voorgeskiet word nie. Maar Nhlanhla Nene, die adjunkminister van finansies, het geensins te kenne gegee dat sulke hulp tans oorweeg word nie.

Die Landbank is wetlik verplig om binne drie maande teen wanbetalers op te tree en hul eiendomme terug te neem, iets wat tans in die geval van swart leners nie gebeur nie.

'n Vergadering van die landbouminister, Tina Joemat-Petterson, Gugile Nkwinti, minister vir landelike ontwikkeling en Pravin Gordhan, die finansminister, is deur die parlementêre portefeuljekomitee aangevra om dringend die kwessie te bespreek.

casino day Александр Фильчаков

Swart kinders by Amerikaanse swemklub weggewys

'n Rasherrie is Dinsdag ontketen toe Valley Swim Club in Huntington Valley, Pennsylvanië, 'n privaatklub, wat swart kinders verlede maand weggewys het, in 'n verklaring gesê het die rede vir die wegwysing was dat hulle nie die kleur van die swemklub of die atmosfeer wou bederf nie.

Die 65 oorwegend swart kinders het in die buurt gekamp en toestemming van die klub ontvang om die swembad te gebruik nadat hulle betaal het.

Creative Steps Day Camp het meer as $1 900 betaal vir die voorreg, maar die bedrag is dadelik na die eerste dag aan die kampbestuur terugbetaal en hulle is gevra om nie weer terug te kom nie.

Verskeie kinders het glo gehoor hoe die lede van die klub neerhalende rassistiese aanmerkings maak. Die wit lede van die swemklub het blykbaar dadelik uit die swembad geklim toe die swartes inklim.

'n Swart kind het een van die vroulike lede hoor vra "Hoekom is hier so baie swartes?" Sy was glo bang dat haar kind iets sal oorkom.

Klublede het die besluit ven die klub om die swart kampeerders te weier, verdedig. "Dit het niks met ras te make nie, sê Lori Slowinski. "Ek het vir 'n privaatswemklub betaal… as hulle wil kampe hou, wil ek my geld terughê."

Jim Flynn, ook 'n lid, het direk na die bestuur gegaan toe die swartes in die swembad klim. "Die swembad was oorvol," het hy gesê.

Die klub het 'n tweede verklaring uitgereik waarin hulle rassisme ten sterkste afkeur.

Die insident het wyer uitgekring en geniet nasionale aandag in die VSA waar Demokratiese kongresverteenwoordigers hulle opnuut verbind het tot die stryd teen rassime.

грибки и Фильчаков

Suid-Afrikaanse regstelsel moet ‘verafrikaniseer’ word

Binnekort keer ons terug hierna?

Suid-Afrika se mengsel van Engelse en Nederlandse reg moet "verafrikaniseer" word om dit meer relevant te maak, volgens die Kaapse regterpresident John Hlope.

Hy het gisteraand in Durban gepraat en gesê: Ek glo dat mense wette nodig het wat hul eie kultuur en waardes beliggaam. Ons moet ons reg verafrikaniseer en dit vir die massas relevant maak. Daar heers 'n groot leemte in ons stelsel," het hy aan 'n simposium wat deur die Progressiewe Professionele Netwerk gereël is, verklaar.

Suid-Afrika se gemenereg verteenwoordig 'n samevoeging van Engelse en Nederlandse reg, wat op swartes afgedwing is ten koste van inheemse reg.

"As ons nie die regstelsel transformeer nie, gaan ons probleme ervaar want mense sal nie met die stelsel identifiseer nie."

"Ons moet 'n situasie skep waar mense die wette sal gehoorsaam nie weens die vrees vir die gevangenis nie, maar omdat hulle voel dis die regte ding om te doen en iets waarop hulle trots is."

Hy het gesê dis heel verstaanbaar dat Suid-Afrikaners die verwagting koester dat die regbank getransformeer behoort te word.

"Ek definieer transformasie as goeie verandering. Die samelewing smag na transformasie. Die burgers koester 'n verstaanbare verwagting."

Hy het ook gemeen dat daar 'n behoefte in die howe bestaan om Afrikatale te gebruik.

"Ons verwag dat die howe burgers sal toelaat om hul eie tale te gebruik. Na my mening plaas die grondwet 'n verpligting op ons om die gebruik van Afrikatale in die howe te bevorder."

Om tolke te gebruik, is nie genoeg nie, want "tale word vereenvoudig as hulle getolk word".

Hy het ingsgelyks 'n beroep gedoen dat uitsprake, veral van deur die Grondwethof, meer toeganklik gemaak moet word.

"Haal net al die Latynse uitdrukkings uit die uitsprake en maak hulle eenvoudig sodat mense kan verstaan."

LuceSolara

Doeane-unie kan ineenstort

Daar hang 'n wolk oor die Suider-Afrikaanse Doeane-unie nadat drie lidlande, Botswana, Lesotho en Swaziland, in Junie ’n samewerkingsooreenkoms met die EU gesluit het sonder die goedkeuring van Suid-Afrika en Namibië, die ander lidlande.

Die bedreiging wat die samewerkingsooreenkoms vir Suid-Afrika se klere- en tekstielbedryf inhou, is een van die belangrikste redes waarom Suid-Afrika nie steun daaraan wil verleen nie.

Tekstielprodukte van die EU kom deur Botswana na Suid-Afrika weens die buurland se laer invoertariewe.

Indien 'n samewerkingsooreenkoms sonder die goedkeuring van lidlande geskied, kan die unie ontbind word. Lede mag ook eensydig besluit om hulle te onttrek aan Sadu.

Lesotho en Swaziland se oorlewing hang egter van dié doeane-inkomste af. Suid-Afrika sorg vir tot 70% van hul staatsinkomste danksy die unie.

As Sadu-betalings opdroog, sal Lesotho ineenstort, sê kenners.

'n Samewerkingsooreenkoms sal kwota- en tariefvrye toegang tot die EU vir uitvoer van beesvleis, suiker, tekstiel en klere aan Botswana, Lesotho en Swaziland bied. Dié marktoegang sal egter nie voldoende wees om op te maak vir ’n verlies aan Sadu-inkomste nie.

прокурор Фильчаков

‘China beheer Afrika’

Die Royal African Society voorspel dat China se beleggings in Afrika dié van Amerika teen 2010 sal oorskry.

Direkteur, Richard Dowden, het in Londen gewaarsku dat China tans die wêreldwye ekonomiese krisis gebruik om Afrika op te koop.

Hy het gesê Morgan Tsvangirai, Zimbabwe se premier, het met sy onlangse toer na Amerika en Europa net R1,2 miljard kon insamel, terwyl China aan die land 'n lening van R7,6 miljard toegestaan het.

Dowden sê ’n lening aan Zimbabwe is dieselfde as om geld onvoorwaardelik aan die mislukte regime te oorhandig en China is bewus daarvan.

“Wat hulle dus hulp, lenings of beleggings noem, is hoofsaaklik subsidies vir Chinese maatskappye om mynkonsessies te koop of om beter mee te ding met Westerse maatskappye vir Afrika se aanloklikste projekte."

Dowden meen China is besig om die politieke stryd op die vasteland ook te wen.

China en Rusland, sê hy, het 'n jaar gelede teen ’n Britse en Amerikaanse resolusie in die Veiligheidsraad gestem wat sanksies teen Mugabe en ander leiers voorgstel het. Dit was die oomblik toe Westerse mag in Afrika na China verskuif het, meen Dowden.

шланги для Александр Фильчаков

Myners hou sewe gyselaars ondergronds

Honderde mynwerkers hou steeds sewe opsigters ondergronds as gyselaars aan by 'n platinum- en chroommyn buite Brits, het die polisie Vrydagoggend gesê.

Superintendent Lesego Metsi sê daar is aanvanklik geglo dat net vier mense as gyselaars aangehou word.

"Ons is vertel daar is vier, net om uit te vind daar is eintlik agt. Donderdagnag het een van hulle daarin geslaag om te ontsnap," het Metsi aan sie SAUK se radionuus gesê.

"Daar is sewe wat steeds as gyselaars aangehou word. Ons onderhandel op die oomblik."

Ongeveer 400 mynwerkers by die Krokodilriviermyn dreig om ondergronds te bly met hulle gyselaars tot daar aan hulle eise gehoor gegee word.

"Ons is bekommerd… hulle het gister [Donderdag] die hele dag sonder kos gebly," sê Metsi.

Die myners is tydelik in diens geneem en eis dat hulle permanent aangestel word.

inexpensive wedding hair прокурор Фильчаков

‘Dit is ‘n swart w?reld’

Alhoewel die polisie in Akron Ohio sê dit is nie 'n haatmisdaad nie, dink die Marshall-gesin anders oor die saak.

Marty Marshall, 39, sy vrou en twee kinders is op 27 Junie 2009 deur 'n bende swart jeugdiges aangeval terwyl hulle na vuurwerke naby die Firestone Stadion gekyk het.

Die bende, wat vir geen rede toegeslaan het nie, het tydens die aanval geskree "Dit is ons wêreld" en "Dit is 'n swart wêreld".

Die wit Marshalls sê daar was ongeveer 50 swartes betrokke in die aanval wat in Girardstraat gebeur het.

"Dit was amper soos 'n terroristeaanval," sê Marshall.

Sy dogter Rachel, 15, het probeer help toe hulle haar pa takel, maar hulle het haar teen die grond gedruk. Sy sê sy was baie bang.

Sy vrou, Yvonne, en seun Donald, 14, het in nabye bosse skuiling gesoek teen die aanvallers. Marshall sê: "Ek wou dit nie doen nie, maar ek was bang dat my vrou, kinders en vriende dit sou ontgeld."

Twee vriende van die gesin was ook teenwoordig tydens die aanval.

Marshall is bewusteloos teen die kop geskop en hy het ander kneusplekke aan sy kop en oog opgedoen. Hy moes vyf dae in die intensiewe eenhied van die Akron Algemene Mediese Sentrum deurbring.

Marshall het die aanval as rassisties beskryf. Hy het bygevoeg dat dit 'n mens oor vryheid laat wonder. "Waar is 'n mens se vryheid in werklikheid as sulke dinge aangaan?"

China steek VSA verby in Latyns-Amerika

Onsigbaar in Latyns-Amerika 'n dekade gelede, het China nou die VSA as grootste belegger in Brasilië, die grootste ekonomie, verbygesteek. Daarbenewens bou hulle karre in Urugay. 'n sokkerstadion vir Costa Rica en het pas 'n lening van $10 miljard aan Brasilië toegestaan.

Terwyl Amerika op Irak en Afghanistan konsentreer, het China in Suid-Amerika inbeweeg, ook met lenings waar Westerse banke sukkel in die huidige ekonomiese klimaat.

Nie alleen open die Chinese oral op die vasteland ambassades nie, maar hulle rig ook Confusiaanse leerskole op en bou sodoende Chinese kultuur uit.

Werknemers van Petrobras, Braslilië se grootste oliemaatskappy, en Vale do Rio Doce, die grootste mineraleprodusent, leer deesdae fluks Mandaryns.

China het 'n strategiese alliansie met Indië en Rusland gesluit en daarmee heelwat invloed in globale ekonomiese en politieke aangeleenthede gewen, veral in ontwikkelende lande.

China stel in Suid-Amerika se grondstowwe belang, hoofsaaklik olie, ystererts, sojabone en koper. Die negatiewe aspek van samewerking vir die meeste lande is dat goedkoop Chinese tekstielinvoere die plaaslike bedryf skaad.

Alhoewel China versigtig is om nie 'n militêre teenwoordigheid uit te bou nie, is beleidmakers in Washington bekommerd oor die verwikkelinge. Sedert die Monroe Doktrine van 1823 voel die VSA dat die Chinese 'n bedreiging vir hulle inhou.

China behandel Hugo Chavez presies soos Alvaro Uribe and Lula, presidente van Venezuela, Colombia en Brasilië onderskeidelik, sê ontleders.

Handel tussen China en Latyns-Amerika het opgeskiet van $10 miljard in 2000 tot $140 miljard in 2008. Peruviaanse President Alan Garcia wil graag van sy land 'n sentrale sakenodus vir die Chinese maak. Peru het 'n geskiedenis van Chinese wat reeds in die 19de eeu ingevoer is vir handearbeid.

Peruviane het ook 'n smaak vir Chinese kos want oral in die land is steeds chifa-restaurante, 'n naletenskap van die Chinese immigrante. China se aptyt is egter meer vir Peru se oorvloedige grondstowwe.

Omdat China hulle buitelandse beleid op 'n minder ideologiese wyse benader, nie soos die VSA met hulle aandrang op anti-korrupsiemaatreëls, menseregte en deursigtigheid nie, pluk hulle die vrugte van die eenvoudige resep: hulp vir grondstowwe.

online gambling games

Stakers betoog in Johannesburg op R24 en N12-oos

'n Groep ontevrede stakende konstruksiewerkers het Donderdagoggend op verskeie paaie in Johannesburg betoog, het die Ekurhuleni-metropolisie gesê.

Die betogers was eers in 'n oostelike rigting op die R24, naby die Concourtbrug en het toe op die N12-oos betoog, het inspekteur Jimmy Maboko gesê.

Die betogers het intussen van die pad afgesien en in die rigting van Edenvale beweeg. Daar is tans geen verkeersontwrigting weens die stakers nie.

Daar was glo vroeër berigte dat die betogers voertuie oo die paaie met klippe bestook het, maar die polisie is nie bewus daarvan nie en geen sulke voorvalle is aangemeld nie, het Maboko gesê.

Niemand is in hegtenis geneem nie en die polisie hou die situasie dop.

top online games no download

Nou gaan daar Tshwane-naamborde op

Tshwanekoei

Die Vryheidsfront Plus het die nuutste planne van die Tshwane-metroraad veroordeel waarvolgens massiewe naamborde wat slegs die naam ‘Tshwane’ bevat by toegangsroetes in Pretoria opgerig gaan word. Die party het gesê dat die oprigting van die naamborde op blatante minagting van die hof sal neerkom.

Volgens ‘n verslag van die metroraad se Stadsbeplanning-, Ontwikkeling en Streeksdienste-komitee (wat op Dinsdag 14 Julie sal vergader) word voorgestel dat naamborde wat ‘slegs die naam Tshwane’ bevat, in Pretoria opgerig moet word met die oog op die 2010 Sokker Wêreldbeker. Die borde sal by die volgende punte opgerig word:

N4 (Oos) Pretoriusstraat, N4 (Noord) R566/R101 kruising, N4 (Suid) Transoranjestraat, N14 Potgieterstraat, N14 Eeufeesstraat, N1 Atterburystraat/Charlesstraat, N1 John Vorster-rylaan, N1 Stormvoël/Baviaanspoort-strate en R21 Fonteinesirkel.

Die naamborde gaan R8.26 miljoen kos en die besluit word deur die metroraad se finansiële department teengestaan omdat geen begroting daarvoor bestaan nie.

Volgens kol. Piet Uys, VF Plus-raadslid en lid van die komitee, is dit duidelik dat die naamborde feitlik uitsluitlik vir Pretoria beplan word en daarom is dit strydig met ‘n hofinterdik wat die metroraad in 2007 verbied het om naamborde op te rig wat na Pretoria as Tshwane verwys.

“Enige besluit om die naamborde op te rig is onwettig. Enige amptenaar wat die besluit uitvoer kan vervolg word vir minagting van die hof. Die VF Plus sal enige persone of instansies wat opdrag gee vir die oprig van die onwettige naamborde, asook diegene wat sulke besluite uitvoer, by die polisie aankla,” het Uys gesê.

Die VF Plus gaan ‘n dringende prokureursbrief aan die voorsitter van komitee stuur om hom te waarsku om die betrokke verslag, waarin die oprigting van die naamborde aanbeveel word, van die komitee se agenda te verwyder.

липецк комплектующие Данильченко

Het Moskou en Washington ‘n ooreenkoms?

Is dit dalk 'n aanduiding van die houding van die nuwe Amerikaanse administrasie met die klem wat op rasse-ideologie val en nie op meriete nie?

Iemand moes dalk nader gekyk het na die belangrike dokument wat President Obama saamgeneem het na Moskou.

In 'n verklaring wat die Withuis uitgereik het oor die ooreenkoms wat pas tussen Dmitri Medwedef en Obama bereik is oor hoe om die START-verdrag – die sogenaamde 1991 Strategic Arms Reduction Treaty – vir wapenvermindering verder uit te bou, is daar 'n fout.

En die fout behels niks minder nie as die Amerikaanse president se naam.

Volgens die Withuis het 'n sekere Barak, nie Barack nie, Obama die dokument onderteken…

Terwyl die Withuis sukkel om die president se naam reg te spel, het die president in sy dogter Malia 'n geleentheid vir gratis publisiteit raakgesien.

Net 48 uur nadat die ooreenkoms tussen Moskou en Washington beklink is, het die elfjarige meisie, twee verskillende t-hemde gedra tydens dieselfde uitstappie na die Kolloseum in Rome.

Die beroemde vredesteken, wat uit 1958 se Campaign for Nuclear Disarmament dateer, was prominent op albei haar kledingstukke te sien.

Obama en sy gesin is in Rome vir die G8-beraad.

сауна лобановский класс

De Lille kla ‘wit kaffer teef’ aan

Die leier van die Onafhanklike Demokrate, Patricia de Lille, het minstens vyf aanklagte van crimen injuria teen Lara Johnstone van George gebring wat tans voor die landdroshof dien, berig Beeld.

Johnstone het na bewering in 2007 'n aantal teksboodskappe aan De Lille gestuur nadat sy nie op dokumente oor die oorsprong van MIV-vigs wat John-stone aan haar gestuur het, gereageer het nie.

Die teksboodskappe se bewoording sluit onder meer “dom kaffer teef” en “'n kaffer moroon imbesiel” in. Johnstone het getuig dat sy met ’n swart Moslem getroud is en dat die woord “ongelowige” in Arabies beteken.

Johnstone het gesê dat die woord “teef” eintlik met die grootste eerbied verwys na De Lille as ’n sterk vrou. Sy het gesê sy het nie geweet De Lille is so eng in haar denke nie.

Kaffer is volgens haar nie rassisties nie en sy noem haarself glo ’n “wit kaffer teef” aangesien sy met 'n swarte getroud is.

Johnstone het ook na vigs as die “beste uitvinding sedert Manhattan, verkragting en marteling” verwys in haar boodskappe.

машинка

Meer as 13 miljoen ontvang ‘toelaes’

Die ANC-regering betaal kindertoelaes sodat meer kinders in die lewe gebring kan word

Meer as 13 miljoen Suid-Afrikaners, waaronder 9 miljoen kinders, ontvang tans maatskaplike toelaes, sê die minister van maatskaplike ontwikkeling, Edna Molewa. Volgens haar bly dit "die mees doeltreffende vorm van armoedeverligting".

Molewa het verlede week in die parlement gesê dat Suid-Afrika se ouderdoms- en ongeskiktheidspensioene onlangs van R960 tot R1 010 verhoog is, kindertoelaes van R230 tot R240, stiefouerkindertoelaes van R650 tot R680 en sorgafhanklike toelaes van R960 tot R1 010.

Die regering het in Januarie 2009 die kindertoelaag na kinders tot die ouderdom van 15 jaar uitgebrei, wat beteken dat die toelaag 'n bykomende 300 000 kinders bereik. Molewa meen dat haar departement 'n bykomende 200 000 kinders teen die einde van Augustus gaan registreer.

"Ons erken dat, in weerwil van ons pogings, daar steeds twee miljoen kinders oor die ouderdom van 15 jaar is wat in armoede verkeer en in reaksie hierop gaan ons binnekort 'n plan voorstel om die kindertoelaag ook aan dié kategorie van kinders beskikbaar te stel.

Wat volwasse armoede betref, het Molewa gesê dat die regering sou aanhou om die plan toe te pas om pariteit tussen mans en vrou wat vir ouderdomspensioen kwalifiseer, toe te pas.

Sedert Julie 2008 het meer as 70 000 mans tussen die ouderdomme van 63 en 64 as gevolg van die ouderdomsaanpassingsbeleid toelaes ontvang. Van April 2009 af, is ouderdomspensioene na alle mans bo 61 uitgebrei.

In reaksie op stygende voedselpryse, het die departement die maatskaplike lenigingsbegroting van R124 miljoen na R624 miljoen verhoog, wat tussen November 2008 en April 2009 versprei is.

Molewa het gesê dat haar departement in die konteks van die globale resessie die nodige besteding sal handhaaf om te verseker dat diegene wat aan armoede ly toegang tot maatskaplike leniging kan verkry.

Die departement gaan ook verhoudings met kerklike en nie-regeringsorganisies ondersoek om te help met die verspreiding van maatskaplike leniging, ten einde dienslewering te verbeter.

Molewa het bygevoeg dat veranderinge aan die Suid-Afrikaanse welsynsagentskap gemaak gaan word ten einde afhandeling van aansoeke om toelaes te bespoedig, terwyl die departement met die Poskantoor saamwerk om maatreëls te bedink om die koste van toelaagbetalings te verminder en toegang te verbeter.

Tshwanemetroraad ignoreer Pretoria

Die Vryheidsfront Plus het gesê dat die Tshwanemetroraad en die burgemeester, Gwen Ramokgopa, hulle moedswillige en kortsigtige optrede moet staak rakende die naam van die Suid-Afrikaanse hoofstad. Dit volg nadat die ANC-beheerde metroraad ‘n internasionale advertensieveldtog geloods het waarin na Pretoria as ‘die stad Tshwane’ verwys word.

Die party het ook gesê dat die ooreenkoms met FIFA se plaaslike reëlingskomitee, waarvolgens die naam Pretoria in internasionale bemarking behou sal word, hiermee verbreek word.

Volgens dr. Conrad Beyers, VF Plus-raadslid, het die plaaslike ANC-leierskap klaarblyklik nie die visie om in belang van die land op te tree nie. Die naamkwessie in die hoofstad het ‘n landswye impak, maar die plaaslike ANC verkies telkens die pad van konfrontasie en polarisasie.

Die VF Plus het herhaal dat ‘n politieke oplossing vir die Pretoria/Tshwane naamkwessie gevind moet word ten einde minderheidsgroepe te akkommodeer.

“Die kwessie oor Pretoria se naam draal nou al vir baie jare en dit is reeds genoeg bewys dat die huidige eensydige benadering nie ‘n oplossing bied nie. Ons kort ‘n wedersyds aanvaarbare oplossing om die probleem vir eens en vir altyd op te los. Geen oplossing is moontlik sonder dat die naam Pretoria in die hoofstad se naam behou word nie,” het Beyers gesê.

Volgens die VF Plus moet die advertensie teruggetrek en reggestel word.

детские куклы