beeld – Bladsy 21 – praag.co.za

Switserse bankgeheime iets van die verlede

In die stille wêreld van Switserse banke het die ondenkbare gebeur: geheime word nou uitgelap.

UBS, die grootste bank in Switserland, het Woensdag ingestem om die name van ryk Amerikaners bekend te maak wat deur owerhede verdink word dat hulle die buitelandse bankrekeninge gebruik om belasting te ontduik.

Die bank het erken dat hulle skuldig is daaraan dat hulle die Internasionale Inkomstediens wou bedrieg en het $780 miljoen betaal in die skikking van 'n wye Amerikaanse regeringsondersoek na hulle aktiwiteite.

Dit is nie duidelik hoeveel van hulle kliënte se name UBS sal bekendmaak nie. Amerikaanse aanklaers het sowat 19 000 rekeninge by die bank ondersoek, maar UBS sal dalk uiteindelik net die identiteit van 'n paar honderd kliënte bekendmaak.

Vir sommige beteken die bekendmaking van enige name die einde van die geheime Switserse bankrekening, waarvan die tradisies so ver as die Middeleeue teruggaan.

"Die Switsers het gesê dit is die einde van Switserse bankwese soos hulle dit ken," het Jack Blum, 'n buitelandse belastingspesialis gesê. "Niemand sal die sekuriteit van 'n Switserse bankrekening meer vertrou nie."

Aanklaers vermoed dat vanaf laat 2002 tot 2007, UBS Amerikaanse kliente gehelp het om op onwettige wyse $20 miljard te verskans, wat hulle in staat gestel het om $300 miljoen per jaar aan belasting te ontduik.

UBS het sommige Amerikaanse kliënte aangemoedig om rekords te vernietig en horlosies, juwele en kunswerke wat hulle gekoop het met geld van buitelandse rekeninge in depositokaste in Switserland te versteek. Die bank het hulle ook aangemoedig om Switserse kredietkaarte te gebruik sodat die IRS nie aankope kon naspeur nie.

Фильчаков прокурор

Mandela en die ou ANC-kw?la

Van die vyftigerjare af sing die ANC nog dieselfde deuntjie. Ons gaan armoede uitwis, swartes ophef, 'n kommunistiese stelsel daarstel, die "rassistiese wittes" wegjaag en uitwis. Wel, groot gaan die val van die ANC wees. Hierdie is maar net die begin. Die streke van Niehaus, Zuma en ander ANC's bewys een ding – die Freedom Charter en die verbintenis van die ANC tot die kommunistiese ideologie is niks minder as vals nie. Dit is weereens 'n hebsugtige elite, wit of swart, wat eintlik net hulself wil verryk – ten koste van die massas wat hul aanhang. Die toestand in SA onder die ANC-regime bewys dit ook.

Die afgelope naweek se saamtrek met Mandela se teenwoordigheid bewys weereens wat die ANC is.

Wreed is die ontnugtering by wit en ander Afrikane (Afrikaners en regsgesinde witmense is lankal bewus daarvan) dat die ANC verrot is met 'n klomp terroriste, kriminele en rampokkers in hul geledere. Veral dié wat Mandela as heilig en 'n ikoon voorgestel het, omdat hy sogenaamd geweld teen witmense afgesweer het, is volkome naïef.

In werklikheid gaan die ANC's voort met hul "struggle" op plase en stede soos voor 1994, net op 'n baie meer geslepe manier. MK sing nog "Kill the Amabhulu" en "Kill the farmer, kill the Boer". Nóg Mandela nóg ander ANC's het dit al ooit veroordeel of selfs verskoning daarvoor aangebied. Blote stilswye word daaroor gehandhaaf.

топкарго

Nee vir COPE

As ek dit ooit oorweeg het om vir COPE te stem in die komende verkiesing is ek tans in ‘n proses van selfbesinning. Alhoewel ek steeds van mening is dat die koms van COPE een van die beste goed is wat met ons politieke situasie kon gebeur, wonder ek of dit wel ons probleme gaan aanspreek en of hulle die sogenaamde "reënboognasie" gaan verenig. Dat hulle ‘n wig in ANC-geledere vorm en die spreekwoordelike doring in hulle vlees is, betwyfel ek nie. Meeste COPE-lede het egter die ANC-wa goed gery totdat die wiele afgeval het en hulle besluit het om verder te ryloop in die vorm van ‘n nuutgestigte party.

Mnr. Lekota se onlangse uitlatings oor die herinstelling van die kommando's om uiters noodsaaklike dienste te lewer laat mens wonder oor sy ware bedoelings. Hy sê dat tydens sy deelname aan die proses om die kommando's af te stel, het hy dit teensinnig gedoen want hyself wou dit eintlik geleidelik uitfasseer. So hy was ten gunste daarvan, maar hy wou dit op sy manier doen. 'n Absolute gespeel met woorde waarmee hy homself maar net meer skuldig maak. Hy is steeds van mening dat slegs die SAPS na burgerlikes moet omsien aangesien dit so tydens Kodesa bespreek is. Waar hy egter die pot sleg mis sit, is dat hy voel dat ons landsgrense deur die polisie verdedig moet word in die vorm van grensbeheer. Sedert die weermag van ons landsgrense verwyder is, het duisende vrylik oor ons grense gestroom en die effek daarvan is tans oral te sien.

Van die meeste misdade teen ons burgerlikes word deur misdadigers vanuit Mosambiek en Zimbabwe gepleeg waarna hulle vrylik met hulle buit na hulle land padgee. Van die grootste dwelmhandelaars kom uit Nigerië en het ons bure geword in die townships en ook Bishops Court. Die Polisie wat hy wil hê om al dié kwessies aan te spreek is duidelik onbevoeg as mens slegs kyk na die toename in misdaad en spesifiek dwelmhandel. Ons het nou al so baie dwelms in die land dat ons dit deur ons nasionale lugredery na Engeland kan uitvoer. Wat duidelik van onbevoegdheid spreek, is die feit dat ons nooit die dwelms van hier af kan keer nie en dat die Britte dit elke slag namens ons moet doen. Dis geen wonder hulle vereis nou visums van elke persoon wat hulle eiland vanaf SA wil besoek nie. Met ons swak paspoortbeheer en bedrog kan enige onwettige immigrant hiervandaan maklik na enige land as Suid-Afrikaner reis.

Die kommando's het vir jare landelike gebiede beveilig teen normale misdaad en ook aanvalle van oorkant ons grense. Die weermag en kommando's het hand aan hand gewerk en ‘n gedugte span gevorm. Spesifiek op ons plase is beveiliging deur die boere self gedoen en was plaasmoorde ongehoord. Nie net is blankes beskerm nie, maar mense van alle kleure. Nou is al hierdie mense wat deur 'n hoogs doeltreffende diens beskerm is die slagoffers van gewetenlose misdadigers met die polisie om hulle te beskerm. Die afstelling van die kommando's was juis uit vrees vanaf ANC-kant en presies om die verpolitisering van die polisie en weermag te bespoedig. COPE ry tans ook maar net in die spore van die ANC op ‘n voosgeryde pad en as mens mooi kyk, is daar min verskille in hul beleid. Mnr. Lekota waarsku teen die verpolitisering van ons polisie en die weermag en soos hy dit stel is dit een van die ANC se doelwitte. Hy vertel ons dan mos iets wat ons weet, want hy was self minister van verdediging en het gehelp om voetsoldate van Umkhonto in te lyf. Selebi se doen en late en die hantering van sy saak spreek mos ook boekdele. So Terror moenie dink hy kan vir baba bangmaak met sulke voorverkiesingsmenings nie. Die polisie en weermag is lankal verpolitiseer; dink eerder aan iets nuuts om jou volgelinge te beïndruk. Ons gaan nie almal na jou nuutgevonde "hawe" hardloop nie. Deur Boesak weereens 'n kans te gee, het julle baie van jul ou identiteit maar net weer laat deurskemer. Hy verwys na die onlangse toesmeerdery van Carl Niehaus deur die ANC wat baie goed vergelyk met Boesak se aanstelling. Hulle smeer daardeur ook maar net toe, deur Boesak as die nuwe kandidaat voor te stel wat ons onder sy leiding verder gaan voer.

Sy uitsprake teenoor die landbou en grondhervorming is maar net soos afgeroomde melk en het min om die lyf. Hy is blykbaar onbewus van opleiding en leiding wat aan mense gegee word wat plase en grond ontvang het. Hy stel voor as deel van sy meesterplan dat hulle eers opleiding sal ontvang voor enige grond oorgedra sal word aan diegene wat daarvoor kwalifiseer. Briljante plan, mnr. Lekota, as mens dit net kan laat werk. As hy maar net realisties sal wees en sy trots in sy sak steek, sal hy besef dat die blanke boer die een is wat hierdie ekonomie dra en van kos voorsien. Hoekom hulle nie kry om hierdie opleiding, waarmee hulle in elk geval al jare lank besig is, te doen en swart boere sodoende te bemagtig nie?

Ek dink die aantwoord daarop is voor die hand liggend of is dit net ‘n geval van: "Hy dink nie"?

COPE het 'n reusetaak voor die deur om uit die skoene van die ANC te kom en sal met unieke idees moet kom om die kieser, vernaam die een op die draad, te oortuig. Deur bloot die "julle-het-dit-gedoen-en-ons-doen-dat"-politiek te wil beoefen, is nie goed genoeg nie.

slots win real money no deposit

Hebsug lei tot ‘n volk se ondergang

Bravo vir Dan Roodt se rubriek oor die Niehaus-semels – wat ook deur die varke gevreet sal word.

Voorheen het ek al dikwels hierdie diaboliese opportunistiese Afrikanerkitaarslaners, voorbokke en agterryers met mening aangevat en ontmasker.

Dit herinner my aan die volgende:

"Slegte mense kan onmoontlik nie goeie burgers wees nie. 'n Volk van sedeloses en afgodedienaars kan onmoontlik nie 'n vrye volk wees nie. Wanneer mense hul God vergeet, word die kettings van tirannie gesmee. Immoraliteit en 'n korrupte publieke gewete is onverenigbaar met vryheid." Patric Henry, 1775.

"Die krag en swakheid van 'n samelewing steun meer op die vlak van sy geestelike lewe as op sy vlak van industrialisering. Nóg die markekonomie nóg algemene welvaart verteenwoordig die mense se hoogste prestasie. Indien 'n volk se geestelike energie uitgeput raak, sal hy nie deur die mees volmaakte regeringstruktuur of deur enige nywerheidsontwikkeling van ineenstorting gered word nie. 'n Boom met 'n verrotte kern kan nie staande bly nie. Alexander Solsjinitsin.

Voorspoed met die goeie werk hier op praag.co.za.

Александр Фильчаков

Nederland ervaar ongekende ekonomiese inkrimping

Die jare dertig is terug, altans vergelykings met die 1930’s. Die Nederlandse premier, Jan-Peter Balkenende, het gister op ’n sombere perskonferensie gesê dat die ongekende inkrimping van die Nederlandse ekonomie aan daardie tyd herinner.

Die Nederlandse ekonomie krimp vanjaar met 3,5%. Twee maande gelede is nog gemeen dat dit 0,75% sou wees, maar die wêreldwye ekonomiese krisis en die resessie het veel sterker toegeslaan as wat verwag is. Die krimping was in 1931 laas so groot.

Balkenende het gesê dat die tempo waarin die ekonomie krimp, heeltemal ongekend is.

Hy het gesê dat die styging in werkloosheidsyfers die pynlikste is van die huidige voorspelling van die Centraal Planbureau. Die aantal werkloses kan vanjaar styg tot 425 000, en volgende jaar tot 675 000. Dit is onderskeidelik 5,5% en 8,75% van die beroepsbevolking.

Soos in een TV-program opgemerk is, het Balkendende byna in “Ou-Testamentiese terme” van die krisis gepraat. Hy het gesê dat “grote beproevingen” op die Nederlandse samelewing wag.

‘Daai pispotstylhelm’ is onwettig

Motorfietshelms wat nie die ore van die gebruiker toemaak nie, voldoen nie aan basiese veiligheidsvereistes nie, het die Nasionale beheerliggaam vir verpligte spesifikasies (NRCS) Dinsdag gesê.

Die NRCS-woordvoerder Mirriam Moswaane het gesê die "pispotstylhelms (waarna normaalweg verwys word as Chips, German, Beanie of Cruiser) voldoen nie aan die verpligte spesifikasies – spesifiek seksie 5.1a wat stel dat alle helms die ore van die gebruiker behoort toe te maak vir veiligheidsredes nie".

Die helms word verkoop onder name soos Lafe, Stinga en Lynx en dra "misleidende" etikette soos "perdry, nie vir snelweg gebruik en nie vir padgebruik nie".

"Alhoewel die helms gemerk word vir 'n ander gebruik of doel, word dit steeds aan winkels vir motorfietsbybehore verkoop," het Moswaane gesê.

"Om dinge erger te maak, het party van die helms valslik die Suid-Afrikaanse Buro van Standaarde- (SABS-)plakker op," het Moswaane gesê.

Die Nasionale beheerliggaam vir verpligte spesifikasies was voorheen die SABS-beheerafdeling.

slot free Фільчаков прокурор

Valutahandel in SAOG-lande gaan makliker gemaak word

Die SAOG-streek

Vooruitgang word gemaak om dit vir reisigers makliker te maak om buitelandse geldeenhede in SAOG-lande om te ruil, het die Suider-Afrikaanse posdiensoperateursassosiasie (Sapoa) Dinsdag gesê.

"Die proses is nou in die implementeringsfase," het Sapoa se uitvoerende direkteur Kaynet Moyo gesê.

Dit volg na 'n kwartaallikse vergadering in Februarie van Sapoa-beamptes. Die vergadering is 'n opvolg van 'n besluit van verlede Mei om aan SAOG-posdiensoperateurs die geleentheid te gee om valutahandelstoonbanke te bedryf.

"Dit beteken dat wanneer die poskantoor die regsformaliteite gefinaliseer het met die relevante reserwebanke, kliënte in staat sal wees om in enige poskantoor in te loop en valuta sal kan omruil, soos wat die geval in Zambië en Zimbabwe is," het Moyo gesê.

Dit sal 'n "een-stop-winkel" skep wat verbeterde toegang tot geldoordraging en leweringsnetwerke gee.

Sapoa het gesê hulle sal ook 'n kliëntehandves publiseer, wat diensvlakke uiteensit wat verwag kan word binne die SAOG-streek.

play casino table

Niehaus bedank uit ANK

Carl Niehaus

Die voormalige ANK-woordvoerder Carl Niehaus het bedank uit die regerende party, het die ANK Dinsdag aangekondig.

"Die ANK is ingelig omtrent die bedanking van Carl Niehaus uit sy posisie in die organisasie. Die ANK aanvaar sy bedanking," het die nasionale woordvoerder Jessie Duarte gesê.

баню

Lekota wil Mthethwa dagvaar oor lyfwagte

Nathi Mthethwa

Die KVP-leier Terror Lekota oorweeg regsoptrede teen die minister van veiligheid en sekuriteit, Nathi Mthethwa, se besluit om sy lyfwagte weg te neem, het die party gesê.

"Ons oorweeg regsoptrede teen die minister," het die party se woordvoerder Phillip Dexter aan Sapa gesê.

Mthethwa het Maandag die aankondiging gedoen dat daar geen rede is vir die regering om lyfwagte aan Lekota te voorsien nie, aangesien sy lewe nie in gevaar is nie.

"Gebaseer op die verslag wat ek ontvang het, is dit duidelik dat mnr. Lekota in geen gevaar verkeer nie en dat dit onnodig is om die diens voort te sit. Indien dit wel sou nodig raak vorentoe, kan die besluit hersien word," het Mthethwa in 'n verklaring gesê.

Hy sê hy het tot die gevolgtrekking gekom ná hy die aanbevelings in 'n verslag gelees het "wat die bedreigingsanalise van sleutelpersoneel wat verlede jaar bedank uit die kabinet bedank het", uiteengesit het.

Lekota het meer as een keer beweer dat sy lewe in gevaar was en dat hy beskerming nodig het. Maar Mthethwa het nie saamgestem nie.

"Volgens die ministeriële handboek wat dien as riglyne oor die aangeleenthede, is ministers net geregtig op die diens vir 'n maand nadat hulle bedank het."

"Voormalige ministers kan egter aansoekdoen vir die voortsetting van die diens en 'n bedreigingsanalise sal dan gedoen word, waarvan die aanbeveling sal aandui of die diens voortgesit moet word of nie."

Niehaus skuld Rhema nie geld, s? kerk

Die ANK-woordvoerder Carl Niehaus skuld Rhema geen geld nie, het die kerk Maandag gesê.

Woordvoerder Vusi Mona het 'n verklaring uitgereik nadat die Star beweer het dat Niehaus die kerk R700 000 skuld.

"Mnr. Niehaus het eenkeer die kerk geld geskuld vir eiendom waarvoor die kerk borg gestaan het toe hy vir die kerk gewerk het (daar is groot verskil daartussen om borg te staan en om geld uit te leen). "Daardie saak is afgelos toe mnr. Niehaus die diens van die kerk verlaat het," het Mona gesê.

Hy het gesê die kerk is gekontak deur die Mail & Guardian, maar het geweier om ingetrek te word in die storie. Rhema het dit ook duidelik gemaak dat Niehaus geen geld geskuld het nie.

As gevolg van die onthullings deur die Mail & Guardian is kriminele klagte teen Niehaus gebring vir die beweerde vervalsing van handtekeninge van senior Gautengse amptenare, insluitend die voormalige LUR van finansies en huidige premier, Paul Mashatile, toe hy by die Gautengse Ekonomiese Ontwikkelingsagentskap was.

Niehaus het aan Radio 702 gesê dat "hy onder geweldige druk" was, met skuld wat klaarblyklik R700 000 insluit wat hy aan Rhemakerk verskuldig is.

Hy kon gesekwestreer word en sy voormalige vrou kon haar huis verloor het.

Senior IVP-lid doodgeskiet

'n Senior IVP-lid is in Empangeni aan KwaZulu-Natal se noordkus doodgeskiet in wat geglo word 'n polities gemotiveerde misdaad is, het die party Maandag gesê.

Die Inkhata-vryheidsparty se provinsiale sekretaris, Bonginkosi Buthelezi, het gesê Sabeloa Zondi en 'n passasier het in sy motor gereis toe mense van die kant van die pad af op hom geskiet het.

Zondi is verskeie kere raakgeskiet en is op die toneel dood. Sy passasier het geen beserings opgedoen nie.

"Mnr. Zondi moet die krediet kry dat hy ten minste 70 mense van die ANK in onlangse weke gewerf het vir die IVP," het Buthelezi gesê.

"Sy harde werk in die gemeenskap het een hom die dank van plaaslike IVP-ondersteuners besorg asook dreigemente deur ANK-ondersteuners. Mnr Zondi sal baie gemis word," het hy gesê.

Buthelezi het gesê die party glo die moord was polities gemotiveer.

'n Polisiewoordvoerder, superintendent Jay Naicker, was nie onmiddellik beskikbaar om die voorval te bevestig nie, maar het gesê hy sal binnekort kommentaar daarop lewer.

Geert Wilders-geval toon Britse dubbele standaarde oor spraakvryheid

Die angsvallige wyse waarop die Nederlandse politikus deur die Britse owerheid op Heathrow-lughawe aangehou is, toon die dubbele standaarde van Groot Brittanje as dit by spraakvryheid kom. Wilders sou die Britse Hoërhuis oor sy dokumentêre film, "Fitna", gaan toespreek het.

Enigeen wat die film verlede jaar kort ná die vrystelling daarvan op die internet gesien het, sal saamstem dat dit allermins ekstremisties, haatdraend of aanhitsend van aard is. Al wat Wilders baie oortuigend in "Fitna" doen, is om aan te toon in watter mate die beginsels van Islam onversoenbaar met moderne, demokratiese en veral Westerse waardes is. Hy het die film bedoel as waarskuwing vir diegene wat ongebreidelde Moslem-immigrasie na Europa voorstaan en meen dat dit geen gevolge vir die toekomstige waardes en vryheid van Europese bevolkings inhou nie.

Terwyl Brittanje in die redelik onlangse verlede die ANC en SAKP gehuisves het wat stedelike terreur in Suid-Afrika gepleeg het, is dié land nie bereid om 'n filmvertoning en 'n beskaafde gesprek daaroor toe te laat nie. Die morele bankrotskap van Brittanje word deur hierdie stap bevestig.

Op 'n ander vlak is die optrede van Groot Brittanje om 'n demokraties verkose politikus vanuit Nederland bloot op grond van sy kulturele of politieke menings op hul grondgebied te verbied uiters kommerwekkend. Dit toon weereens die toenemende onverdraagsaamheid van die multikulturele samelewing en sy voorstanders. Terwyl multikulti's die regte van nie-Westerlinge voorop stel, word die regte van Westerlinge bykans nie erken nie.

Ook die onhoudbaarheid van die ANC se transformasiemaatskappy wat met kommunisme of fascisme vergelyk kan word, gaan ongesiens in Westerse lande verby omdat die regte van Westerlinge nie op dieselfde vlak as dié van swartes of Moslems deur multikulturaliste gesien word nie.

Terwyl Wilders deur Brittanje die swye opgelê word, heers daar insgeslyks 'n onheilspellende stilte in die Verenigde Koninkryk en ander Westerse lande oor die onreg en geweld wat daar tans teen die Afrikaner in Suid-Afrika gepleeg word. Dit sou dom wees om nie die verband raak te sien nie.

Фильчаков прокурор

Tutu is geen Christen

Ek stem saam met Gustav Venter wat biskop Desmond Tutu se Christenskap bevraagteken en wonder wanneer hy hom gaan bekeer. Tutu gebruik bloot die Bybel en die Christelike geloof om politiek te bedryf. Op 'n stadium het hy dan iets gesê in die trant dat die Bybel 'n beter wapen as Karl Marx se Das Kapital is om 'n revolusie in Suid-Afrika te bewerkstellig.

Die Anglikaanse kerk het noue bande gehad met die ANC se stedelike terreurgroepe wat in die verlede onskuldige burgerlikes vermoor het. Tutu het self nog nooit geweld afgesweer nie. As hy vir enigiemand bid, bid hy waarskynlik vir die plaasmoordenaars wat ons mense doodmartel.

Alwyn Mouton se brief spreek van volslae naïwiteit, iets waaraan baie Afrikaners helaas ly. Tutu is net so min 'n Christen as wat Robert Mugabe een is. Immers het Mugabe ook in sendingskole skoolgegaan en is deur Roomse priesters opgevoed. Tutu is deur Aartsbiskop Trevor Huddleston van die Anglikaanse kerk opgelei om die Afrikaner te vernietig.

Hoewel die Afrikaner oor geen politieke of militêre mag meer beskik nie en tans so hulpeloos soos 'n pasgebore baba sy lot afwag, is Tutu nog nie klaar met ons nie. Sy onlangse verskyning by 'n NG Kerk in Pretoria is maar deel van die sielkundige oorlog wat hy al dekades lank teen die Afrikaner voer en waarvan die Waarheidskommissie 'n integrale deel was.

Om die Rooi Priester se uitsprake op sigwaarde op te neem, moet mens óf baie naïef óf onnosel wees.

Фильчаков

Is Gustav Venter ‘n Christen?

Die rubriek van Gustav Venter oor Aartsbiskop Tutu is die grootste klomp snert wat ek in 'n lang tyd gelees het. Die man klink amper soos ons eie Malema met die kragdadige aanval op die persoon van 'n ou man wat al meer vir die kerk en sy mense gedoen het as wat Venter ooit sal. Dit laat mens dan ook wonder wie sy volgende slagoffer gaan wees.

Gustav se weerbarstige geworstel om Tutu se Christenskap te probeer bevraagteken, is erg verdag aangesien hy nêrens in sy skrywe hoegenaamd 'n aanduiding gee of hy wel een is nie. Indien hy daarop sou aandring dat hy wel een is, sou dit hom 'n patetiese figuur laat. Die Christen met die ystersaaglemtong, gereed om enige ander mens se christenskap te bevraagteken.

As hy praat van die "ons" wat wag vir Tutu om hom te bekeer, wonder ek wie almal deel van die groepie is wat in afwagting sit. Hy waarsku dat hoogmoedigheid nie deel van die Christenmondering is nie, maar in sy skrywe maak hy homself telkens daaraan skuldig.

Ek sou dink verwaandheid hoort ook nie by Christenskap nie, Gustav. As jy niks het om te sê nie, bly eerder stil. Jy verraai jou eie swakhede aan mense wat dit dalk vorentoe gaan uitbuit. Vernaamlik nie-christene.