Etiket: moord

Pretoriase Afrikaner wat by Engelse kerk werk, vermoor

‘n Afrikanerman wat glo al twintig jaar vir ‘n Engelse kerk, die Hatfield Christian Church in Pretoria werk, se lyk is gisteraand in sy huis gevind. Sy aanvallers het hom eers vasgebind voor hulle hom doodgemaak het.

Die slagoffer, mnr. Hendrik Retief, 53, is waarskynlik vroeg gisteroggend vermoor, maar sy liggaam is eers gisteraand teen sononder deur ‘n kollega in sy huis in Jan van Riebeeckstraat, Pretoria-Noord, ontdek.

Retief was baie stiptelik en pligsgetrou en daarom het ‘n kollega by die kerk onraad begin vermoed toe hy sonder enige tyding nie vir werk opdaag nie.

Pastoor David de Lange van die kerk sê: “Hy (die kollega) het toe na Hendrik se huis toe gegaan om te gaan kyk of alles reg is. In die huis het hy op Retief se lyk afgekom.”

‘n Provinsiale polisiewoordvoerder, luitenant-kolonel Khensane Magoai, het verklaar dat Retief se hande en voete vasgebind was. Daar is nog nie vasgestel wat sy dood veroorsaak het nie.

Retief het alleen gewoon en word deur twee susters oorleef. Een van sy susters was gisteraand op die toneel van die moord.

“Al wat ek kan sê, is dat dit tragies is,” het sy gesê.

Pastoor De Lange sê: “Hy het eers saam met sy ma daar gewoon, maar sy is sowat drie jaar gelede dood.

“Hy was ’n goeie mens wat altyd op sy eie was. Ek het van hom gehou omdat hy so rustig was. Hy het altyd gedink voordat hy gepraat het.”

‘n DA-raadslid in Pretoria-Noord, Dana Wannenburg, het die oorledene vir sy dood geblameer en gesê hy moes meer voorsorg teen misdaad getref het.

“Misdaad neem toe tydens beurtkragonderbrekings en dié tyd van die jaar,” het sy gesê. “Mense moet op hul hoede wees.”

Vrouekoster van NGK op Karatara naby Knysna deur swarte vermoor

‘n Nege-en-sestigjarige Afrikanerdame wat as koster van die plaaslike NG Kerk opgetree het, is Saterdag deur ‘n dertigjarige swartman op Karatara vermoor. Mev. Coetzee word deur die gemeenskap in dié Suid-Kaapse dorpie naby Knysna as ‘n liewe vrou beskryf, wat wreed aan haar einde gekom het.

Die verdagte sal môre in die hof op Knysna verskyn.

 

Swart ma martel kind dood

‘n Swart ma van Mpumalanga is Maandag in Nelspruit skuldig bevind aan sy moord nadat sy haar driejarige kind só erg aangerand het dat sy lewer gebars het,

Mawanda Nokwanda Matsebula (23) van Barberton is skuldig bevind aan kinderverwaarlosing en moord, het Sapa berig. Sy is in Oktober 2010 in hegtenis geneem ná Siphosethu Mhlanga se dood.

Matsebula het onskuldig gepleit en haar ma Kholiwe Mhlanga, wat in Swaziland bly, en haar verhuurder, Netty Mavuso, beskuldig van die moord.

Regter Peter Mabuse het Maandag gesê die seuntjie is dood as gevolg van bloedverlies weens sy beserings. “Dr. Gantsjo Prodanof Gantsjef, ʼn staatspatoloog, het getuig dat die kind aan verskeie beserings beswyk het. Hy het skedel- en ribfrakture gehad en breinskade opgedoen tydens die aanranding,” het Mabuse gesê. “Dit was ‘n skop of ‘n vuishou wat veroorsaak het dat sy lewer gebars en hy dood gebloei het.”

Foto’s wat tydens die hofsaak vertoon is, het die skop- en slaanmerke getoon.

Die kind is moontlik ook met ‘n sambok of ‘n tou aangerand.

“Hy sou nie langer as vier ure bly leef het ná die aanval op 6 Oktober 2010 nie.”

Mavuso, wat die kamer aan Matsebula verhuur het, het getuig dat die ma die kind alleen in die huis toegesluit het terwyl sy sake bedryf het. “Die seuntjie het homself bevuil wanneer hy alleen was, en dit is een van die redes waarom sy hom aangerand het,” het Mavuso gesê. Sy het op die dag van die kind se dood harde musiek uit die kamer gehoor en die beskuldigde het haar later kom roep om te sê die seuntjie gooi op. Hy het op die vloer gelê met ʼn kombers langs hom toe hulle by die kamer aangekom het. ‘n Verpleegster is ontbied en die kind is dood verklaar.

Volgens Matsebula het die kind van ʼn sekuriteitshek afgeval en hy het van Swaziland af teruggekom met die beserings. Mabuse het dié bewerings verwerp.

Matsebula moet weer op 19 Januarie in die hof verskyn vir ʼn voorvonnisverslag.

Oscar het nie badkamer, Krejcir nie DSTV nie

Die departement van Korrektiewe Dienste het berigte ontken dat die Paralimpiese atleet, Oscar Pistorius ‘n spesiale badkamer gaan kry.

Die departement van korrektiewe dienste het Sondag ontken dat daar ʼn spesiale badkamer vir Pistorius gebou word in die Kgosi Mampuru-gevangenis in Pretoria.

“Die beplanning en bou van die badkamer en ander algemene instandhouding deur RC Civils-kontrakteurs het ʼn lang tyd gelede al begin,” het Manelisi Wolela, woordvoerder van die departement, gesê.

“Dit is deel van ʼn drie jaar herstel- en instandhoudingsprogram en was veronderstel om al op 31 Mei 2014 klaar te wees – maande voor Oscar skuldig bevind is.”

Volgens Wolela maak Pistorius van ʼn gemeenskaplike badkamer gebruik. City Press het Sondag berig dat die tronkowerhede alles in hulle mag doen om te verseker dat Pistorius goed versorg word terwyl hy in die tronk is.

City Press het ook berig dat Pistorius na die tronk se B-seksie naby die hospitaalvleuel geskuif is. Die Tsjeggiese voortvlugtige Radovan Krejcir is glo een van Pistorius se bure. Volgens die berig het Krejcir glo sy eie televisie met DSTV in sy sel.

Die owerhede het dit ontken.

Pistorius is van sy vorige sel in die EF-seksie verskuif nadat die selle oorstroom het. Dit was glo die werk van Etienne Kabila, wat verhoorafwagtend is nadat hy glo sy halfbroer pres. Joseph Kabila van die DRK probeer omverwerp het.

Pistorius is op 21 Oktober tot vyf jaar tronkstraf gevonnis nadat hy aan strafbare manslag skuldig bevind is. Pistorius het sy vriendin, Reeva Steenkamp, op 14 Februarie 2013 doodgeskiet.

Die Nasionale Vervolgingsgesag het verlede week sy aansoek om verlof tot appèl ingedien teen Pistorius se skuldigbevinding en vonnis.

Pistorius se regspan het aangedui dat hulle die aansoek gaan teenstaan.

Vyf jaar vir Oscar Pistorius

Die paralimpiese atleet, Oscar Pistorius, is vir vyf jaar tronk toe gestuur.

Hy het Dinsdag sy vonnis gehoor nadat hy vroeër skuldig bevind is aan strafbare manslag na die skietdood van sy vriendin.

Regter Thokozile Mazipa het Pistorius tot vyf jaar tronkstraf gevonnis vir die dood van Reeva Steenkamp op 14 Februarie 2014.

Hy is voorts tot drie jaar tronkstraf, opgeskort vir vyf jaar gevonnis vir die oortreding van die wapenwet. Die vonnisse sal gelyklopend uitgedien word.

Die vonnisoplegging het meer as ‘n uur geduur.

Regter Masipa het die verskillende vonnis-moontlikhede oorweeg en ‘n uiteensetting gegee.

Die belange van die gemeenskap, die erns van die misdaad en die persoonlike omstandighede van Pistorius is volgens die regter in aanmerking geneem.

Pistorius sal waarskynlik tien maande gevangenisstraf in die Kgosi Mampuru gevangenis in Pretoria uitdien voordat hy vir parool in aanmerking kom.

Volgens Artikel 276 van die Strafproseswet, kan ‘n sesde van ‘n gevangenistermyn omgeskakel word huisarres as die vonnis nie meer as vyf jaar is nie.

Regter Masipa het met haar vonnisoplegging gesê ‘n opgeskorte vonnis of korrektiewe toesig sou nie ‘n gepaste vonnis wees nie.

Die Nasionale Vervolgingsgesag sê intussen die NVG het nog nie besluit of hy gaan appelleer teen Pistorius se skuldigbevinding aan strafbare manslag nie.

Die regsverteenwoordiger van die Steenkamp-gesin, Dup de Bruyn het na die vonnisoplegging gesê die reg het geseëvier en die regte vonnis is opgelê.

Pistorius is na die hofverrigtinge in ‘n gepantserde voertuig na die gevangenis geneem.

Die atleet se loopbaan is waarskynlik verby aangesien hy nie toegelaat sal word om aan die 2016 Paralimpiese Spele deel te neem nie, selfs al word hy vroeër uit die tronk vrygelaat.

Die Internasionale Paralimpiese Komitee sê hy sal verbied word om aan enige van hulle byeenkomste deel te neem vir die volle vyf jaar wat sy vonnis is.

Die verbod sal steeds geld selfs al word hy vroeër vrygelaat onder huisarres of op volle parool.

Swart skoolleerling slag Kovsielektor met mes

’n Swart leerling in graad 10 – maar wat reeds 18 jaar oud is – van die Hoërskool Castle Bridge in Bloemfontein is oor die naweek in hegtenis geneem weens ‘n grusame moord met ‘n mes. Sy slagoffer op Lehlohonolo Mathengtheng, 27, ‘n lektor in die departement mediese mikrobiologie en virologie aan die Universiteit van die Vrystaat.

Lehlohonole Mathentheng op een van sy Facebookfoto's
Lehlohonole Mathentheng op een van sy Facebookfoto’s

Ooggetuies op die toneel by Mathengtheng se woonstel in Willows, Bloemfontein, het gesê dat hy ‘n snywond aan sy nek gehad het en “soos ‘n dier geslag is”.

Die verdagte en die vermoorde het mekaar blykbaar geken. ‘n Bebloede mes, wat vermoedelik vir die moord gebruik is, twee selfone en ‘n gebruikte kondoom is in ‘n slaapkamer in Mathengtheng se woonstel in Madaleenhof, King Ewardsweg, Willows, gevind.  Die polisie ondersoek die saak reeds sedert 28 September, maar hy die jeugdige verdagte is eers Saterdag omstreeks 20:00 by sy ouma se huis in Botshabelo aangekeer. Volgens ‘n polisiewoordvoerder, Sinag Mpakane, sal hy vandag in die hof verskyn.

Hoewel die moordenaar met ‘n tabletrekenaar, ‘n skootrekenaar, ‘n Blackberry-selfoon en Mathengtheng se bankkaart weg is, het die polisie eers gereageer toe hulle oproepe van die publiek ontvang het wat die skootrekenaar in die verdagte se besit geëien het.

Die vermeende tienermoordenaar het agterna vir die polisie gaan wys waar hy van sy slagoffer se bankkaart ontslae geraak het en hulle ook na die handelaar geneem waar hy sy skootrekenaar gaan verkoop het.

’n Tablet-rekenaar en BlackBerry-selfoon van die vermoorde is in die verdagte se besit gekry en hy sou gister vir die polisie gaan uitwys het waar hy die bankkaart van Mathengtheng gaan weggooi het en ook waar hy die skootrekenaar van die vermoorde gaan verkoop het.

Hy het ook in Mathengtheng se motor rondgery totdat die petrol opgeraak het en dit toe by ‘n taxistaanplek gelos.

Die moord is vermoedelik reeds op Vrydag 26 September gepleeg.

Volgens Mpakane het mense die polisie vroeër gebel oor die skootrekenaar van Mathengtheng wat hulle in sy besit gesien het.

Die motor van die vermoorde is vroeër by die taxi-terminus gekry waar dit agtergelaat is.

Polisiebeamptes is erg geskok deur die moordtoneel, met bloedspore wat van een vertrek na ‘n ander lei. “Dit was verskriklik,” het een polisielid gesê. Die lyk is op sy rug in een van die slaapkamers gevind met ‘n bloeddeurtrekte T-hemp langs hom.

Die oorlede was diep gelowig en het die Donderdag voor sy moord nog op Facebook gesê:

Lord we thank you for the joy in our lives!! The peace that only You can provide, and the current and future breakthroughs You have in store for us!! In Jesus name, Amen!! Happy Thursday everyone…

Polisielede wat op die toneel was, het dit as verskriklik beskryf en was agterna baie emosioneel.

Mathengtheng, wat vroeër in die Universiteitskoor gesing het, het in sy laaste Facebook-inskrywing die Here gedank vir die vreugde in sy lewe.

Vriende het met skok op Facebook op sy dood gereageer.

Swarte se verweer is dat vermoorde ‘kaffer’ in Afrikaans sê

Anne-Marie van Zyl, 32, van Kempton Park se vermeende swart moordenaar het haar doodgesteek omdat sy glo Afrikaans gepraat het met hom.

Sy is voor haar twee dogtertjies met ’n mes doodgesteek. Die swarte beweer ook sy het hom ‘n “kaffer” genoem.

Clement Ramawele, 25, van Mabopane buite Pretoria het voor regter Solly Sithole in die hooggeregshof in Johannesburg in Randburg ook getuig dat die kinders nooit daar was nie.

Die moord het op Saterdag 8 Maart plaasgevind toe hy by sy voormalige werkplek, die inligtingsmaatskappy Trio Data Business Risk Consultants kom kla het dat hulle hom nie ‘n verwysing wil gee nie.

Van Zyl was voorheen die aangeklaagde se bestuurder by Trio Data. Hy het gesê hy het daarna ‘n mes in die kombuis gegryp en haar doodgesteek omdat sy Afrikaans gepraat het en hom ‘n “kaffer” genoem het.

Van Zyl se negejarige dogter het vroeër getuig Ramawele het haar ma by sy aankoms dadelik in haar kantoor aangeval. Hy het haar gewurg en geskop voordat hy haar voor haar en haar vyfjarige sussie 13 keer met ’n mes, wat hy uit sy baadjiesak gehaal het, gesteek het.

Sy het vergeefs op sy rug gespring om hom te laat ophou.

Ramawele het ontken dat hy haar kinders ooit daar gesien het.

Ramawele het ontken dit is sy handskrif wat op ’n briefie met dreigemente en verwyte op die toneel gekry is, hoewel die polisie die briefie forensies met sy handskrif verbind het.

Radioloog in Johannesburg doodgesteek

Die polisie het gesê die sekuriteitsmaatskappy ADT het Donderdag ‘n paniekalarm uit ‘n Donegallaan-huis in Parkview, Johannesburg ontvang.

‘n Woordvoerder, sersant Lloyd Ramovha, het gesê toe veiligheidsbeamptes op die toneel aankom, het hulle die eienares van die huis, ‘n wit vrou, in ‘n plas bloed aangetref “met ‘n steekwond in haar nek en skaars lewend”.

Ramovha sê daar was geen tekens van gedwonge toegang tot die eiendom nie en geen waardevolle items is gesteel nie.

‘n Moordsaak is geopen en ‘n ondersoek is onderweg.

Intussen het Wyk 87 se raadslid Amanda Forsythe gesê sy is geskok deur die tragiese gebeurtenis want Parkview was tot dusver een van die veiligste voorstede.

Forsythe het gesê die vrou het alleen gewoon. Sy het bygevoeg dat hulle bekommerd is want die vrou se huishulp is dalk ontvoer. Die swart huishulp se handsak is in die huis aangetref maar daar was geen teken van haar nie.

Ramovha het ‘n beroep gedoen op enigiemand met inligting om na vore te kom.

Swart dosent glo soos dier geslag

Die bebloede lyk van ’n swart dosent en nagraadse student aan die Universiteit van die Vrystaat, wat “soos ’n dier geslag” is, is in sy woonstel in Bloemfontein gekry.

’n Klag van moord word ondersoek.

Hy is die vierde Kovsie-student wat die laaste twee maande onnatuurlik dood is.

Lehlohonolo Mathengtheng (27), was ’n dosent in die departement mediese mikrobiologie en virologie.

Hy is in sy woonstel in die Madaleenhof-woonstelblok in King Edwardweg vermoor.

Polisiebeamptes het Sondagoggend op sy naakte lyk afgekom. Hy is waarskynlik reeds Vrydagaand vermoor, het die polisie gesê.

Die moordwapen, ‘n mes, ’n gebruikte kondoom en twee selfone is in een van die slaapkamers gekry.

Mathengtheng se huismaat is sedert Vrydagaand in Johannesburg.

Mathengtheng was van Odendaalsrus.

Drie vas na moord op Lens-egpaar

Drie swart mans, waarvaan twee onderskeidelik 52 en 27 jaar oud is, sal Maandag in die landdroshof op Utrecht in Mpumalanga verskyn op aanklagte van moord en huisbraak.

Die drie verdagtes is Vrydag naby Piet Retief in hegtenis geneem in verband met die plaasmoord op die Lens-egpaar in KwaZulu-Natal.

Hulle is met die rewolwer wat aan die eienaars van die plaas Commissiekraal behoort het, betrap.

Die verdagtes het die vuurwapen by hulle gehad wat vermoedelik tydens die aanval op die plaas in die Groenvlei-gebied buite Paulpietersburg gesteel is.

Die KwaZulu-Natalse Provinsiale Kommissaris, luitenant-generaal Mmamonnye Ngobeni, het gesê dit is ‘n deurbraak en hulle sal probeer vasstel of die aanvallers by ander voorvalle betrek kan word.

Joodse advokaat argumenteer swartes ‘mag maar doodmaak weens apartheid’

‘n Joodse advokaat, Paul Shapiro, het vroeër vandeesmaand in die Gautengse Hooggeregshof, Pretoria, geargumenteer dat swartes nie swaar gestraf moet word as hulle Afrikaners of blankes doodmaak nie, aangesien hulle “gely het onder apartheid”.

Shapiro het opgetree vir twee swart moordenaars, Lawyer Marabe Talane, 39, and Rodney Katang Masemola, 35, wat mnr. Dawie Maree, ‘n 27-jarige sakeman van Murrayfield, voor sy vrou Elana en twee jong kinders doodgeskiet het.

Advokaat Paul Shapiro saam met 'n ander kliënt wat nie met die huidige verband hou nie
Advokaat Paul Shapiro saam met ‘n ander kliënt wat nie met die huidige verband hou nie

Die twee beskuldigdes het in Mei 2008 by die Maree-gesin se huis in Meyerspark ingebreek. Maree is in die rug geskiet, asook ‘n medepligtige van die beskuldigdes, Seporo Martin Tshebesebe, wat insgelyks gesterf het. Regter Tshifiwa Maumela het vroeër bevind dat dit nie duidelik was wie vir wie geskiet het nie, maar dat die skietery deur die inbraak en onregmatige betreding van die bende op die Marees se eiendom veroorsaak is.

Shapiro het volgens berigte “hartstogtelik” gepleit dat die regter in ag moet neem dat die twee moordenaars “tydens apartheid” grootgeword het en daarom minder lewensgeleenthede gehad het en ‘n ligte straf behoort te ontvang.

Hy het insgelyks aangevoer dat sy kliënte onskuldig is en deur “rassistiese polisie” bedrieg is. Volgens Shapiro se weergawe van die gebeure het mev. Maree haar eie man doodgeskiet en dit “agterna laat lyk asof die beskuldigdes die moord gepleeg het”. Dit sou egter beteken het dat mev. Elana Maree twee lyke van buite die huis tot in die slaapkamer moes gesleep het. Sy is egter tengerig gebou en nie sterk genoeg om so iets te kon doen nie; boonop was daar geen bloed of sleepmerke op die toneel om Shapiro se verhaal te staaf nie.

Shapiro het egter volgehou dat die twee moordenaars op die “medelye” van die hof geregtig is omdat hulle tydens apartheid deur Afrikaners “geviktimiseer” is. Volgens hom moet daar ‘n samelewing geskep word waarin daar “respek vir almal is”, ook vir mense wat slegte goed gedoen het, soos die twee moordenaars.

Die regter het egter getwyfel of dit die regte boodskap sou uitstuur indien mense wat tydens apartheid grootgeword het dit as versagtende omstandigheid kan aanvoer, ook gesien in die lig dat dit reeds 20 jaar gelede is.

Regter Maumela was bekommerd dat die boodskap oorgedra sou word dat blankes in die land ekstra veiligheidsmaatreëls sou moes neem omdat swartes lig daarvan sou afkom indien hulle blankes sou aanval.

Dit sou ook ‘n klimaat skep waarin geen blanke meer in die land veilig sou voel nie, het hy gesê.

Die staatsaanklaer, Theo Moetaesi, het beklemtoon dat Maree aan 100 mense werk verskaf het en dat hulle en hul afhanklikes nou insgelyks van ‘n inkomste ontneem is.

Die saak is tot 24 November vir vonnisoplegging uitgestel.

Regsbeginsel wat Oscar bevoordeel ‘n grys gebied

Verskeie regskenners het regter Thokozile Masipa se uitspraak in die Oscar Pistorius-moordverhoor gekritiseer nadat sy die paralimpiese atleet nie skuldig bevind het aan moord nie.

Masipa het daarna wel bevind dat Pistorius nalatig opgetree het toe hy Steenkamp op 14 Februarie verlede jaar by sy huis in Pretoria doodgeskiet het.

Die regter het in die eerste deel van haar uitspraak wat Donderdag gelewer is in Pretoria, bevind dat die staat nie bo redelike twyfel kon bewys dat Pistorius sy vriendin Reeva Steenkamp met voorbedagte rade vermoor het nie.

‘n Regsverteenwoordiger, Llewellyn Curlewis sê daar is grys gebiede in die Suid-Afrikaanse regstelsel wat betref die toets vir bedoeling.

Bedoeling berus op die regsbeginsel dolus eventualis wat ‘n subjektiewe toets is.

Curlewis het gesê dit word tot ‘n groot mate aan die diskresie van voortsittende regter oorgelaat om die gemoedstoestand van die beskuldigde te bepaal.

Pistorius kan nog op aanklagte van strafbare manslag skuldig bevind word, of vrygespreek word. Die uitspraak word vanoggend om halftien in die Noord-Gautengse Hooggeregshof in Pretoria voortgesit te midde van groot mediabelangstelling.

Oscar Pistorius nie skuldig aan moord nie

Die Noord Gautengse hooggeregshof het bevind dat Oscar Pistorius nie aan moord op sy vriendin Reeva Steenkamp skuldig is nie.

Regter Thokozile Masipa, het kort voor die etenstydverdaging gesê die Staat het nie daarin geslaag om sonder enige redelike twyfel te bewys dat Pistorius Steenkamp wou doodskiet nie.

Pistorius kan steeds op aanklagte van strafbare manslag skuldig bevind word.

Pistorius het die regter se bevinding met sigbare verligting aangehoor en in trane uitgebars toe die regter die slotsom oorgedra het.

Uitspraak word binnekort voortgesit.

Media saamgepak vir Pistorius-moorduitspraak

Uitspraak in die Oscar Pistorius-moordverhoor sal Donderdag gelewer word. Pistorius staan tereg op vier aanklagte waaronder moord met voorbedagte rade op sy vriendin, Reeva Steenkamp.

‘n Groot mediateenwoordigheid word vanoggend verwag by die Noord-Gautengse Hooggeregshof in Pretoria vir die uitspraak in die moordverhoor verwag.

Meer as 150 plaaslike en internasionale joernaliste sal na verwagting die hofsale GC en GD volpak om na die regter se beslissing te luister. Regter Thokozile Masipa sal om halftien met haar uitspraak begin.

‘n Woordvoerder van die mediamonitormaatskappy, Roi, Tonya Khoury, sê die uitspraak sal wêreldnuus wees vir die volgende twee dae.

Regskenners sê ‘n skuldigbevinding aan moord, sal beteken dat daar bevind word dat die gestremde atleet onwettig opgetree het en sy vriendin doelbewus doodgeskiet het.

Om hom skuldig te vind aan strafbare manslag, moet die hof bevind dat Steenkamp se dood aan nalatigheid aan die kant van die beskuldigde te wyte was.

Die regter sal albei weergawes van die verdediging sowel as die aanklaer moet oorweeg om te bepaal of die Staat sy weergawe bo redelike twyfel bewys het, naamlik dat Pistorius Steenkamp doelbewus doodgeskiet het.

Die verdediging hoef slegs te bewys dat Pistorius se weergawe van die gebeure redelik is en waar kan wees.