Sake – Bladsy 32 – praag.co.za

Eskom kry mededinging

Onafhanklike kragverskaffers sal nou danksy die Nasionale Geïntegreerde Hulpbronplan met Eskom kan meeding.

Dipuo Peters, minister van energie, het Donderdag in Pretoria gesê: “Dié plan bepaal wat Suid-Afrika teen 2013 moet hê om kragsekerheid te verseker.”

Peters sê die hulpbronplan maak voorsiening vir tot 1 020 MW krag uit die private sektor in 2011.

’n Nuwe entiteit, die Onafhanklike Stelseloperateur (OSO), wat nie in Eskom gesetel is nie, is deur die departement van energie geskep.

“Die OSO sal verantwoordelik wees vir sake soos elektrisiteitsaankope van onafhanklike kragverskaffers en sal dit moontlik maak om die potensiaal van onafhanklike verskaffers behoorlik te benut. Dié nuwe entiteit kan reeds binne drie maande op die been wees en sal beteken dat Eskom nie langer die speler en die skeidsregter in die plaaslike kragwêreld is nie.”

Eskom se planne om die bou van die Kusile-kragstasie te vertraag om geld te bespaar is ook van die baan.

Volgens die hulpbronplan sal die Kusile-kragstasie nie vertraag word nie en steeds teen 2013 die eerste keer elektrisiteit aan die nasionale netwerk lewer.

Twee hernieubare-kragprojekte, ’n windkragprojek van 100 MW en ’n sonkragprojek van nagenoeg 50 MW, is ook veronderstel om aan die begin van 2010 op dreef te kom.

“Verder is daar voorsiening gemaak vir 1 145 MW se krag vanaf hernieubare-energieprojekte uit die private sektor teen 2012. Dié bepaling in die hulpbronplan beteken kontrakte vir dié elektrisiteit kan nou toegeken word,” het Peters gesê.

“Waar die geld vandaan kom, moet Eskom en sy aandeelhouers uitwerk. Ons kan nie ophou beplan omdat daar nie geld is nie. Ons moet die plan opstel en dan moet die geld gevind word. Kragsekerheid is nie onderhandelbaar nie,” het Peters gesê.

Omphi Aphane, waarnemende direkteur-generaal van elektrisiteit, kernkrag en hernieubare energie, sê die hulpbronplan maak voorsiening vir ’n deurtastende elektrisiteitsbesparingsprogram.

Tot 30% van die krag wat nasionaal opgewek word, word tans vermors volgens Aphane. “Die potensiaal om te spaar is dus enorm.”

Hy het gesê dit is goedkoper om krag te bespaar as om nuwe vermoë te bou.

online casino no topcargo отзывы

Sasol gaan Indonesië met brandstof help

Sasol en die Indonesiese regering het ‘n memorandum van verstandhouding oor die lewensvatbaarheid van ‘n projek wat steenkool in vloeistof verander, onderteken het dié maatskappy gesê.

Jacqui O’Sullivan, Sasol se woordvoerder, het gesê ‘n graderingstudie sal na die lewensvatbaarheid van die steenkool-na-vloeistof projek in Indonesië onderneem word, waar Sasol se gepatenteerde tegnologie gebruik sal word.

“Afhangend van dié studie se bevinding, sal Sasol se tegnologie aangewend word om ongeveer 80 000 vate hoë-kwaliteit, ultra-skoon brandstof per dag van Indonesië se oorvloedige steenkool reserwes te vervaardig,” het O’Sullivan gesê.

O’Sullivan het gesê die memorandum is in Londen deur Indonesië se voorsitter van die beleggingskoördinasieraad, Gita Wirjawan en Sasol Synfuels se besturende direkteur, Ernst Oberholster onderteken.

“Sasol vervaardig reeds 50 jaar lank brandstof en chemiese middels van steenkool in Suid-Afrika.”

Dié maatskappy bestuur ook die wêreld se enigste kommersiële, steenkool-gebaseerde, sintetiese-fasiliteit op Secunda.

Vonke spat by elektrisiteitskonferensie

Vonke het behoorlik gespat by ‘n elektrisiteitskonferensie oor voorgestelde tariefverhogings, met ‘n ekonoom wat ‘n senior Eskom-bestuurder gekonfronteer het oor sy aanspraak dat die pryse “regtig” nie so hoog is nie.

Ekonoom Mike Schüssler het die verhoog geneem en die syfers wat deur Eskom se hoofbeampte vir kragopwekking, Mike Dames, aangebied is, bevraagteken. Hy het die regering daarvan beskuldig dat hulle “in hierdie Marxistiese sosialistiese ‘ontlasting’ wil wees” deur gratis elektrisiteit aan armes te verskaf.

Schüssler se emosionele aanbieding waarin hy Eskom vertel het “julle het nie ‘n fokken finansiële model nodig nie,” het gekom nadat Dames ‘n gepakte vertrek by die konferensie, wat deur Solidariteit vakverbond in Pretoria oor voorgestelde elektrisiteitstariefverhoging gereël is, toegespreek het.

Dames het Eskom se omstrede 35-persent-vir-drie-jaar tariefverhogingaansoek na die Nasionale Energie Reguleerder van SA (Nersa) verdedig en gesê dit werk “regtig” net uit op 16 sent per kwH per jaar.

Boonop sal die verhoging in bydrae Eskom se kapitaaluitbreidingsprogram befonds, het Dames gesê en bygevoeg: “Die bestaande besigheid van Eskom sal regtig net mooi omtrent verhoog in lyn met inflasievlakke.”

Maar Schüssler het aan die gehoor gesê dat hy nie weet waar Dames sy syfers vandaan kry nie en het ‘n voorafgaande verklaring dat Suid-Afrika daarop afpeil om die duurste elektrisiteit in die wêreld te hê, beaam.

Hy het die feit dat bedryfsdeelnemers in Suid-Afrika baie laer tariewe as verbruikers betaal.

“Die probleem is, ons gee die grootste afslag in die wêreld aan industriële verbruikers… Hoekom kom hulle na die res van ons, in ons middelklaswonings, en martel ons tot die dood met hierdie verhogings? En jy hou aan om vir ons te sê ons het goedkoop elektrisiteitspryse, wat nie die waarheid is nie,” het Schüssler gesê.

Indien Eskom nie sulke ontsaglike afslag op sommige van hulle kontrakte gegee het nie, sal dit nie nou hoef te soek vir bykomende befondsing nie.

“Daar’s genoeg geld… jy het nie ‘n fokken finansiële model nodig nie,” het hy onder toejuiging van die gehoor gesê.

Schüssler het ook die verskaffing van gratis elektrisiteit aan arm huishoudings gekritiseer.

“Maar die regering dink nie so daaroor nie. Hulle wil in hierdie Marxistiese, sosialistiese kak wees.”

Om sake te vererger, word ses persent van die elektrisiteit in die land gesteel.

“Dis nie regverdig nie,” het hy gekla.

Aan die einde van sy voorlegging, waarvoor die gehoor luid hande geklap het, het ‘n middeljarige, bebrilde man opgespring en sy hand in die lug gehou.

“Meneer die fasiliteerder, kan ons ons taalgebruik asseblief beheer,” het hy ontstoke gevra, waarop die fasiliteerder, Chris Yelland, geantwoord het: “Dankie vir die voorlegging, Mnr. Schüssler, uitdagend soos altyd…”

Verskeie gaste het hulle oë oor die klag gerol, en Yelland het bygevoeg: “Dinge word warm, ouens,” voordat hy gou die volgende spreker, energiedeskundige Andrew Kenny, voorgestel het.

Met die aanvang van sy voorlegging, het Kenny gewaarsku dat hy Eskom gaan kritiseer, maar het beklemtoon dat dit niks persoonlik teen Dames was nie, en het bygevoeg dat Dames sy stem sal kry vir Eskom se nuwe uitvoerende hoof.

Kenny het toe voortgegaan en Eskom vergelyk met ‘n koplose hoender: “Dit het in geen rigting hoegenaamd gegaan nie, soos ‘n koplose hoender,” het hy gesê, en homself in tertgrafieke en syfers gewerp om sy punt te bewys.

Konferensiegangers het in ‘n lewendige debat tydens die koffiepouse betrokke geraak, met een wat die Eskom-bestuurders van ‘n gehoorgestremdheid beskuldig het: “Daar’s niemand so doof soos iemand wat nie wil hoor nie,” het hy in Afrikaans gesug.

game big bang

Verbruikers minder spandabel

Verbruikers steier steeds onder ekonomiese omstandighede, volgens gegewens wat vandag deur die Reserwebank bekendgemaak is.

Die SA Reserwebank het op sy webwerf gesê dat privaatsektorkrediet jaarliks met 0,42 persent vir Oktobermaand afgeneem het.

Dit volg op ‘n styging van 1,49 persent in September.

Gedurende dieselfde periode het die breed gedefinieerde M3-maatstaf vir die geldvoorraad met 2,67 persent teruggesak, vergeleke met 4 persent in die vorige periode.

free download

Doebai-krisis ontketen wêreldwye geldvrese

Vrese oor ‘n gevaarlike nuwe fase in die ekonomiese krisis het gister om die wêreld geswiep soos wat handelaars gereageer het oor die skokaankondiging dat ‘n skulddeurtrokke Doebai staatskorporasie nie in staat was om sy renterekening te vereffen nie.

Aandele het getuimel, swak geldeenhede is gekasty en meer as $14-miljard is van die waarde van Britse banke uitgewis as gevolg van vrese dat hulle gekwes gelaat sal wees deur nuwe verliese.

Senuweeagtige handelaars het die fokus van hulle angs oorgedra van die risiko van maatskappye wat vou na die risiko van nasiestate wat in verstek bly om hulle skuld te betaal. Beleggers wat geld geskuld word deur Meksiko, Rusland en Griekeland het agtergekom wat die prys is om hulleself teen die verstekvuurpyl te verseker.

Hoewel die omvang van Doebai se skuld relatief beskeie is teen $80-miljard, het die onsekerheid die markte op hol gejaag, met niemand wat seker is wie die krediteure is nie. Verskeie banke het hulle gehaas om verklarings uit te reik om beleggers te verseker dat hulle blootstelling gering is.

Die FTSE 100 het met 171 punte tot 5,194 getuimel – die grootste val in een dag die afgelope agt maande, tydens een van die bewerigste dae in die geldmarkte sedert die dieptes van die bankkrisis.

Die Tesourie, die Bank van Engeland en die Finansiële Dienste Gesag hou gebeure fyn dop en dring op syfers van Britse banke oor hulle leningsblootstelling aan Doebai aan.

Volgens ‘n senior regeringsamptenaar word Dubai se krisis as beskeie en hanteerbaar vir Brittanje beskou, maar daar is toenemende vrese dat Abu Dhabi, die olieryk naburige emiraat wat in die verlede reddingslenings toegestaan het, Dubai aan sy lot sal oorlaat.

Dubai World, die korporasie wat deur die staat besit word, het die paniek Woensdag ontketen deur op ‘n pasmarkering van hulle rentebetalings aan te dring, en het die luim laat versleg toe hulle ‘n telekonferensie met hulle verbandhouers gekanselleer het, met die verskoning dat die telefoonlyne oorlaai is.

blackjack strategy

Eskom kry hulp van Afrika-ontwikkelingsbank

Die Afrika-ontwikkelingsbank, AfDB, het Donderdag ’n lening ter waarde van €1.86 biljoen, oftewel R21 miljard, aan Eskom toegestaan om ’n kragprojek te finansier wat Suid-Afrika en die streek se energievoorsieningskapasiteit ’n aansienlike hupstoot sal gee.

“Suid-Afrika se kragkrisis was tot dusver ‘n groot struikelblok vir Afrika se ekonomie,” het Donald Kaberuka, die president van AfDB Donderdag in‘n verklaring gesê.

“Die bank is bly om by die projek betrokke te wees.”

“Die stap moet gesien word as deel van die bank se volgehoue pogings om Afrika te help om die gaping in die infrastruktuur van die land te oorbrug,” het hy gesê.

Die Medupikragtasie in Limpopo, sal na verwagting teen 2012 begin krag lewer.

Behalwe Medupi, is Eskom besig met talle ander herwinbare energieprogramme.

In totaal beloop die koste van die projek sowat R 126 miljard.

Dit sal grootliks deur ekwiteitskapitaal van 53% gedra word en nagenoeg 47% sal deur lenings gefinansier word.

печи для

Uitvoerende amptenare met miljarde beloon vir bankineenstortings

Die uitvoerende hoofde van Bear Stearns en Lehman Brothers, die twee beleggingsbanke wat verlede jaar tydens die finansiële ineenstorting gevou het, het met honderde miljoene dollars in kompensasie weggestap selfs terwyl die maatskappy se aandeelhouers alles verloor het, sê ‘n nuwe verslag van die Harvard Law School.

Die boonste vyf uitvoerende amptenare by Bear Stearns het ‘n totaal van omtrent R10-miljard uit bonusse en effekteverkope tussen 2000 en 2008 gemaak, terwyl die boonste vyf uitvoerende amptenare by Lehman Brother ongeveer R7-miljard in dieselfde tydperk gemaak het – die tydperk waartydens die maatskappy swak beleggings gemaak het wat hulle in 2008 sou laat in duie stort, volgens “The Wages of Failure” ‘n verslag van die Harvard Law School se Program oor Korporatiewe Bestuur.

“Die mense wat in hierdie maatskappye belê het, behoort verraai te voel,” het Nell Minnow, ‘n kompensasiedeskundige by die Korporatiewe Biblioteek, aan NBC se Lisa Myers gesê. “Die hele idee van kapitalisme is dat die mense die kapitaal sal voorsien en dat die uitvoerende amptenare daarna sal kyk vir ons. In hierdie geval het mense die kapitaal verskaf en die amptenare het dit geneem.”

Bear Stearns se uitvoerende hoof, James Cayne, het persoonlik amper R2,8-miljard in die tydperk wat die bank se ineenstorting voorafgegaan het, gemaak, terwyl Lehman Brothers se uitvoerende hoof Richard Fould omtrent R3,7-miljard gemaak het. Bloomberg nuusdiens merk op dat “aandeelhouers wat hulle aandele dwarsdeur hierdie tydperk wat in die verslag onder die loep geneem word, gehou het, het meeste van hulle aanvanklike beleggings verloor.”

NBC se Myers het uitgewys dat beide Cayne en Fuld deur aandeelhouers gedagvaar is.

CNBC se sake-aanbieder, Jim Cramer, het aan NBC se Matt Lauer gesê dat die korporatiewe kultuur wat tot die ontsaglike bonusse en finansiële intuimeling gelei het, nie sommer net gaan weggaan nie. “Wat gebeur met hierdie mense? Niks,” sê Cramer. “Hulle het die geld gekry, hulle het padgegee… Hulle het daarmee weggekom, so hoekom sal die volgende ou dit nie probeer nie?”

для шиномонтажа

Staatsinstellings slurp R243 miljard op

Die afgelope vier jaar het die regering R188,67 miljard vir Eskom, R6,7 miljard vir die Landbank, R8,82 miljard vir Denel, R5,2 miljard vir SAL, R4,46 miljard vir die korrelbedkernreaktorontwikkeling, R2,23 miljard vir die SAUK, R1,54 miljard vir die Poskantoor en R953 miljoen vir Sentech van belastingbetalers se geld bewillig.

Die genoemde instellings in staatsbesit het alles tesame reeds R243 miljard opgeslurp.

Dit het tydens ‘n parlementêre antwoordsessie aan die lig gekom.

Die wetgewing wat sulke instellings reguleer, naamlik die Wet op Openbare Finansiële Bestuur en die Maatskappyewet, verkeer glo tans in botsing met mekaar omdat die Wet op Openbare Finansiële Bestuur die regering as aandeelhouer toelaat om bestuur aan te wys en in te meng in besluite rakende afdankings.

Dit is egter nie seker of hierdie wetgewing hersien sal word om politieke inmenging te stuit nie, aangesien me Barbara Hogan, minister van openbare ondernemings, geen aanduiding kon gee of dit beoog word nie.

social media

Ekonomie groei maar werk nie

Die ekonomie groei weer maar sonder dat werk geskep word en dié groei beteken dalings in rentekoerse is vir eers verby.

Desondanks ‘n groei van 0,9% in die bruto binnelandse produk (BBP) in die derde kwartaal wat Dinsdag deur Statistieke Suid-Afrika bekend gemaak is, bly die verlies aan poste ‘n kopseer.

Tegnies gesproke is Suid-Afrika nou uit ’n resessie ná drie opeenvolgende kwartale van negatiewe groei, maar meer as 1 miljoen poste kan vanjaar verdwyn.

Meer as 959 000 mense het reeds vanjaar hul status van werkend na werkloos aangepas volgens Statistieke Suid-Afrika en ekonome voorspel dat werkgeleenthede eers teen Junie volgende jaar sal begin groei.

Banke verwag dat die ekonomie met tussen 2,2% en 3% sal groei danksy vervaardiging, regeringsbesteding, boukonstruksie en dienste.

Sekere huishoudelike sektore verkeer steeds in ‘n resessie, soos finansiële dienste, eiendom, en mynbou wat tot die kwartaal se negatiewe invloed op die BBP bygedra het.

Verbruikers is steeds diep in die rooi, en ten spyte van lae rentekoerse gaan hulle versigtig bly sê ekonome.

Все для крещения Лобановский

Microsoft, News Corp wil Google die stryd aansê

Microsoft het samesprekings met News Corp gehad oor ‘n plan wat behels dat die mediamaatskappy betaal sal word om sy nuuswebwerwe op Google te “de-indekseer,” wat die tafel sal dek vir ‘n soekenjingeveg wat ‘n ligstraaltjie vir die koerantbedryf kan bied.

Die impetus vir die samesprekings het van News Corp, die eienaar van koerante wat strek van die Wall Street Journal tot The Sun van Brittanje, gekom, sê ‘n persoon wat bekend is met die situasie, wat gewaarsku het die samesprekings is in ‘n vroeë stadium.

Die Financial Times het egter vasgestel dat Microsoft ook ander groot aanlynuitgewers genader het om hulle te oorreed om hulle webwerwe van Google se soekenjin te verwyder.

News Corp en Microsoft, wat die mededingende soekenjin Bing besit, het verseg om kommentaar te lewer.

Een webwerfpubliseerder wat deur Microsoft genader is, sê die plan “plaas enorme waarde op die inhoud indien die soekenjins bereid is om ons te betaal om by hulle te indekseer.”

Microsoft se belangstelling word as ‘n regstreekse aanval op Google geïnterpreteer, want dit plaas druk op die soekenjin om te begin om vir inhoud te betaal.

“Dit gaan alles daaroor dat Microsoft Google se winsgrense sal seermaak,” sê die webbladpubliseerder wat bekend is met die plan.

Maar die grootste begunstigde van die worsteling kan die koerantbedryf wees, wat nog ‘n betroubare aanlynbesigheidsmodel moet konstrueer wat kwynende druk- en advertensie-inkomste sal vervang.

In ‘n moontlike aanduiding van onderhandelinge wat kom, het Google verlede week die belangrikheid van koerantinhoud afgepraat.

Matt Brittin, Google se Britse direkteur, het ‘n Vereniging van Redakteurs-konferensie vertel dat Google nie nuusinhoud nodig het om te oorleef nie. “Ekonomies is dit nie ‘n groot deel van hoe ons ‘n inkomste genereer nie,” het hy gesê.

News Corp het aanlynbetalingsmodelle vir hulle koerante ondersoek en het ‘n toenemende taai houding teenoor Google ingeslaan.

Rupert Murdoch, die voorsitter van News Corp, het gesê hy sal wettige metodes gebruik om Google te verhoed om stories wat in sy koerante gepubliseer word, te “steel.”

Microsoft is desperaat om Google op die gebied van internetsoektogte in te haal en, na vyf jaar en honderde miljoene rande se verliese, is Bing in Junie geloods, wat hulle mees ambisieuse poging tot dusver aandui.

Steve Ballmer, hoofbestuurder van Microsoft, sê die maatskappy is bereid om groot geld te spandeer vir baie jare om Bing ‘n ernstige mededinger vir Google te maak.

Microsoft poog om Bing te differensieer deur stof wat nie elders beskikbaar is nie, in te trek, maar het tog nie ekslusiwiteit van inhoudsvennote verwag nie. Bing is verantwoordelik vir 9,9 persent van die soektogte in die VSA in Oktober, hoër as die 8,4 persent tydens die loodsing daarvan.

James Murdoch, voorsitter en hoofbestuurder van News Corp Europa en Asië, het verlede week geskimp dat die maatskappy vordering maak met hulle aanlynplanne. “Ons dink daar is ‘n baie opwindende markplek, potensieel ‘n groothandelmarkplek, vir digitale joernalisme, wat ons sal ontwikkel,” het hy gesê.

Duurste krag, goedkoopste steenkool

As Eskom se voorstel van ’n tarief-verhoging van 45% elke jaar vir drie jaar aanvaar word, gaan Suid-Afrika die duurste krag op die planeet hê, sê die ekonoom mnr. Mike Schussler.

“Suid-Afrika se krag is reeds duurder as die VSA, Israel en Mexiko s’n en as Eskom sy verhogings kry, gaan Suid-Afrika se krag die duurste in die wêreld wees,” het hy gesê.

Suid-Afrika is reeds in die top tien uit 31 lande wat duur krag van huishoudings aanbetref.

“Daar word aanhoudend gesê ons het die goedkoopste krag in die wêreld, maar dit is nie die geval nie. Laat ons begin om uit te wys dat Eskom se pryse die hoogste in die wêreld is en die publiek se denkwyse begin verander,” het Schussler. gesê

Kragpryse het van 2005 tot op hede met 91% gestyg terwyl inflasie met 35% gestyg het.

Schussler sê kragpryse kan in die komende vyf jaar met 200% styg.

“Dit sal beteken tussen 2005 en 2014 sal krag in terme van die huidige voorstelle met 633% styg.

Hy wys ook uit dat inkomste van huishoudings en besighede uit krag nie net na Eskom gaan nie.

“Eskom het ’n netto inkomste van R53,6 miljard gehad in die jaar tot Maart 2009 terwyl stadsrade se bruto inkomste uit elektrisiteit sowat R32,9 miljard was in dieselfde periode.”

Dit is ’n totaal van R86,5 miljard of sowat 3,7% van BBP.

Die gemiddelde huishouding het in 2008 R365 per maand betaal terwyl Eskom se kliënte gemiddeld R124 per maand betaal het.

“Daar is nou meer as 12,3 miljoen krag-rekenings in Suid-Afrika. Daar is egter net 1,8 miljoen huislening-rekeninge in Suid-Afrika. Dit beteken die effek van ’n krag-verhoging word word 6,7 keer meer deur verbruikers gevoel.”

Schussler sê Suid-Afrika behoort goedkoper kragpryse te hê. Die land wek krag veral met steenkool op en het van die goedkoopste steenkoolbronne ter wêreld.

Eskom het egter nie sy kostes onder beheer nie en gee sy probleme deur na die verbruiker toe, sê Schussler.

Hy wys daarop dat Eskom se kostes in een jaar met 33,6% gestyg het.

“Geen lid van ’n vakbond in die land het daardie soort verhoging gekry nie. Beter regulasies en reguleerders is in die krag-omgewing nodig.

“Dit lyk of ons deur korttermyndenke regeer word.”

Hy sê ook hoër kragtariewe sal verbruikersinflasie laat styg en mynkostes kan met soveel as 25% styg.

“En onthou dat gasproduksie ’n insetkoste van 70% in terme van elektrisiteit het.”

Prysstygings van tot 20% kan verwag word in spoorvervoer, pypleidings en vries-geriewe.

“Suid-Afrika se groei sal met tussen 1,5% en 2% ingekort word.”

Goud stel nuwe rekord terwyl dollar uitsak

Goud het ‘n rekordverpletterende stormlopie gister voortgesit en ‘n nuwe hoogte van $1 140 per fynons bereik, terwyl die Amerikaanse dollar getuimel het.

Die swakker dollar het ook gehelp om ander metale soos koper en silwer skerp opwaarts te stoot en oliepryse het van hulle laagste vlakke vir ‘n maand teruggewip.

Die goudprys het met meer as 25% sedert Julie opgeskiet. Ontleders sê dat goud wel olie se voorbeeld van die laaste jaar kan volg en weer skerp kan daal, maar hulle is nie oortuig dat die metaal se lopie op ‘n einde is nie.

мед справка 095

General Motors besluit binne twee weke oor Europese aanlegte

General Motors Korporasie het gister gesê dat hy beplan om binne twee weke ‘n besluit oor die toekoms van sy Europese motorvervaardingsaanlegte te neem.

Nick Reilly, die hoof van General Motors se Adam Opel GmbH- en Vauxhaull-afdelings, het aan verslaggewers gesê dat hy weet dat werkers in aanlegte in Duitsland, België, Brittanje, Spanje en Pole wag om uit te vind van die maatskappy se herstruktureringsplanne, nadat dit van gedagte verander het om sy Europese ondernemings te verkoop.

“Ek weet dit is ontstellend en ongerieflik om dit alles oor julle hoofde hangende te hê vir so ‘n periode en ons is van plan om die besluit in ‘n relatiewe kort tyd te neem, omtrent so twee weke of so,” het hy gesê ná die vergadering met die hoof van België se Vlaandere-streek.

Reilly sê die maatskappy oorweeg verskillende opsies om koste vir die gestremde Opel-eenheid te verlaag en “aan die einde van die dag gaan ons sekere taai besluite moet neem om ons kapasiteit iewers in Europa te verminder”.

België is gretig om Opel se Antwerpen-aanleg oop te hou en het vroeër vanjaar soveel as R5 miljard aangebied om die fasiliteite op te gradeer.

Onder druk van EU-reguleerders het Duitsland verlede maand vir GM in kennis gestel dat geldhulp aan die motormaatskappy beskikbaar sal wees of die maatskappy Opel behou of nie, selfs nadat GM ‘n aanbod van Magna en Sberbank van die hand gewys het – ‘n aanbod waarvan Duitsland openlik ten gunste was. GM het gevolglik besluit om die beplande verkope terug te trek.

ігрушкі topcargo отзыв

Godsell bedank

Die departement van openbare ondernemings het Bobby Godsell, voormalige voorsitter van Eskom, bedank vir sy “voorbeeldige werk” nadat hy Maandag sy bedanking bevestig het.

“Sedert sy aanstelling het hy voorbeeldige leierskap in die organisasie gewys,” het die departement in ’n verklaring gesê.

“Die departement het altyd mnr. Godsell se bydrae oor die strategiese doel vir Eskom verwelkom. Terwyl sy vertrek ’n verlies vir Eskom is, deel ons in die vertroue en ondersteun die huidige leierskap van die direksie.

“Me. Barbara Hogan (minister van openbare ondernemings) wil mnr. Bobby Godsell vir sy ondersteuning en toegewydheid aan Eskom bedank.”

Die departement het gesê dat hy geen vrae oor die kwessie aanvaar nie.

оборудование Фильчаков Харьков