Tag: Google

Dan Roodt: Apple, PayPal en die res van die Goolag moet geboikot word

Die situasie wat hom tans in die VSA afspeel, hou ook vir ons verreikende gevolge in. Soos enige nugter mens reeds besef het, lui die huidige alliansie tussen polities korrekte globale maatskappye en maatskaplikegeregtigheidskrygers (MGK’s) ‘n nuwe tydvak van sensuur en sentrale beheer in, die tyd van die “Goolag”. Laasgenoemde woordspel met Google se naam is gemunt of ten minste beroemd gemaak deur die programmeerder James Damore wat dit gewaag het om ‘n memorandum te skryf waarin hy portuurbeoordeelde feite oor die verskillende loopbaanbelangstellings en gedragspatrone van die geslagte aangehaal het. In vandag se hiper- polities korrekte omgewing was die suggestie dat die geslagte mag verskil, genoeg om Damore afgedank te kry.

James Damore, die IT-ingenieur wat afgedank is omdat hy wou aantoon dat mans en vrouens nie noodwendig dieselfde loopbaankeuses maak nie.

Dit het doodmaklik vir MGK’s of linkse aktiviste geword om gewoon klagtes by globale internetreuse soos Google, Facebook, Twitter, Instagram, PayPal, ens., aanhangig te maak teen organisasies of individue aan die dissidente regterkant van die spektrum wie se rekeninge dan eenvoudig opgeskort of gesluit word sonder enige bohaai in die vorm van appèlprosedures of feitelike ondersoeke. Ná alles is Amerikaners veronderstel om ‘n wye mate van spraakvryheid te geniet, ten minste in teorie, danksy die Eerste Wysiging aan die Amerikaanse Grondwet, sonder dat die wet deur sodanige spraak oortree word.

Oor die laaste paar dae het tegnologiemaatskappye egter op altregse webblaaie toegeslaan en hulle van die internet verwyder. ‘n Hele paar huishoudelike name in Amerika en in Suid-Afrika, waaronder Apple wat die wêreld se waardevolste maatskappy na sy markkapitalisering is, het hul eens met Links verklaar in die huidige “kultuuroorlog” wat tans in die VSA en die meeste Westerse lande woed. Geen van die topvyf globale tegnologiereuse (Apple, Alphabet/Google, Microsoft, Amazon en Facebook), kan van regse politieke voorkeure verdink word nie. Google en Facebook ondersteun sensuur en die onderdrukking van pro-blanke, pro-manlike en sogenaamde “sisgender”-standpunte, terwyl Amazon die Washington Post besit en Bill Gates verkies om sy enorme rykdom in Afrika uit te gee.

Dog die HUB van Apple, Tim Cook, het ‘n nuwe hoogtepunt, of eerder laagtepunt, bereik toe hy selfs die matige intellektuele debat oor die probleme van multikulturalisme as kriminele “haatspraak” gestigmatiseer het en besluit het om self as mega-maatskappy by politieke spraak in te meng.

Apple se produkte verkeer gewoonlik op die lys van GWWH (“goed waarvan witmense hou”) en, soos Mercedes of BMW, is die hoofmarkte vir sy produkte in die ontwikkelde, hoë-inkomstewêreld te vinde. Hoewel Cook “nie sy opgewondenheid oor Indië kan beteuel nie”, soos hy verlede jaar verklaar het, beskik Apple slegs oor drie persent markaandeel in daardie hoogs bevolkte Suid-Asiese land.

Ironies genoeg besit vele altregse ondersteuners iPhones. Persoonlik gebruik ek ook een maar slegs omdat ek ‘n gebruikte model verniet gekry het en omdat ek as deel van ‘n spesiale pakket onbeperkte oproepe in Suid-Afrika teen R149 per maand kan maak. Andersins sou ek tevrede gewees het met enige ou nie-Apple-foon, waaronder ‘n paar puik Sjinese fone soos Xiaomi wat veel beter waarde vir geld en hoër spesifikasies as die jongste iPhone bied. Om nie te vergeet van Apple se aartsmededinger, die Suid-Koreaanse Samsung nie, wat meer slimfone as enige ander maatskappy verkoop.

Die punt is: soos met die Spurboikot, kan ons almal sonder iPhones, MacBooks of enige van Apple se ander veel geadverteerde produkte klaarkom. Daar moet ten minste 100 miljoen Europeërs of Europese Amerikaners wees, indien nie 200 of 300 miljoen nie, wat dalk bekommerd mag raak oor die koms van ‘n hoe-tegnologies Goolag wat die hele planeet in ‘n weergawe van George Orwell se 1984 mag verander waarin niemand dit waag om denkmisdaad (thoughtcrime) of spraakmisdaad (speechcrime) te pleeg nie. Dis nog ‘n ironie: Apple het aanvanklik verwysings na 1984 in sy advertensies gebruik met die loodsing van sy MacIntosh-rekenaar in die middeltagtigerjare teen “Grootbroer” IBM. Hoe is die rolle nie omgekeer nie! In Orwelliaanse terme, het Apple so pas aangemeld om die grootste globale lid van die Denkpolisie (Thought Police) te word.

Waarom dan nie maar Apple, PayPal, Google en ander teg-maatskappye boikot nie? Oënskynlik het hulle ‘n nuwe vorm van ontwerpersowjetisme omhels, waar ‘n pragtige uiterlike en demokratiese clichés ‘n sinistere geneigdheid tot totalitêre beheer en die onderdrukking van afwykende menings verdoesel. Dit sou tragies wees indien die spraakvryheid en alternatiewe media wat deur die internet losgelaat is deur enkele “arbitrêre besluite” deur tegnologie-amptenare onderdruk mag word, om nou ‘n frase te gebruik wat vandeesweek deur die HUB van Cloudflare gebesig is toe hy gesê het: “Ek het vanoggend in ‘n slegte bui wakker geword en het besluit om hulle (die Daily Stormer-webblad) van die internet af te skop. Dit was ‘n besluit wat ek kon neem omdat ek die HUB van ‘n groot internetinfrastruktuurmaatskappy is.”

Dit spreek vanself dat ‘n blad soos Andrew Anglin se Daily Stormer met sy positiewe toespelings op nazisme hoogs omstrede is, maar gegewe die linkse kultus van revolusionêre geweld wat dekades lank al toegelaat word om te gedy, waarmee Ché Guevara en lede van die Italiaanse Rooi Brigade-terroristegroep as hoofstroomhelde voorgestel word, behoort daar tog effens “ruimte” aan die regterkant ook te wees, vir mense om ideologiese eksperimente of stilistiese oortredings te pleeg… nie waar nie? As student het ek ‘n nagraadse verhandeling oor die teorie van “oortreding” in die Franse erotiese letterkunde geskryf, en dis ‘n gegewe dat die internet ook pornografie in elke huis ingebring het. Dus, waarom nie ook politieke pornografie, tussen instemmende volwassenes, verdra nie? Ná alles word niemand gedwing om Andrew Anglin te lees, of Milo Yiannopoulos of Richard Spencer of enige van die meer gewaagde stemme wat die afgelope paar jaar met Altregs verbind word nie.

Maar daar is twee probleme wat ons nou in die gesig staar, danksy die totalitarisme van Groot Tegnologie: betalings en huisvesting. Albei kan myns insiens taamlik maklik opgelos word, en kan tot opwindende nuwe sake-ondernemings lei soos wat pro-Westerse groepe regoor die wêreld besef dat die PK maatskappye, banke en betaalstelsels nie langer ons ondersteuning verdien nie.

Hier in Suid-Afrika is ons dalk steeds vryer, want aangesien die rand nie altyd as ‘n geldeenheid deur PayPal en ander globale stelsels aanvaar word nie, bestaan daar plaaslike oplossings en alternatiewe betaalstelsels. Ook ondervind die privaat sektor in ons land ander probleme met ons regering en sou dus onwillig wees om nuwe politieke kwessies te ontketen deur dienste te weier aan blankes wat ietwat regs van die politieke sentrum verkeer. Dus as ‘n korttermynmaatreël, is dit selfs moontlik om Amerikaanse of Europese betalings op die web of met kredietkaarte via Suid-Afrika te kanaliseer terwyl nuwe betaalstelsels ontwikkel word.

Wat die huisvesting van webblaaie betref, lyk al die groot maatskappye verdag en sou dit daarom riskant te wees om steeds hul dienste te gebruik. Maar weereens, kan enige kragtige rekenaar wat vir so R15 000 of so uit onderdele gebou kan word, tesame met ‘n vinnige internetkoppeling, en met gratis programmatuur soos Linux en Apache, opgestel word as ‘n webbediener wat miljoene bladsyonttrekkings sou kon hanteer. Ideaal behoort daar ‘n nuwe huisvestingsmaatskappy met ‘n wolk rekenaars in verskeie Westerse lande met geheime liggings opgerig te word sodat vyandige regerings of Groot Teg ons nie meer kan stilmaak nie. Uiteindelik sou alle reg(s)denkende mense van so ‘n diens gebruik maak omdat spraakvryheid en betroubaarheid die grondbeginsels daarvan sou uitmaak.

Sogenaamde “torrent”-dienste soos die berugte The Pirate Bay waarmee gratis musiek en films afgelaai kan word, het reeds opspraakwekkende hofsake en regeringsklopjagte oorleef, sonder om gesluit te word. Hulle metodes behoort bestudeer te word; nie omdat ons enigiets onwettigs wil aanvang nie, maar as jy jou bediener vir regerings en Hollywood-ateljees kan wegsteek, kan dit sekerlik minder toeganklik vir linkse MGK’s ook gemaak word.

Dit klink na ‘n gemeenplaas deur een van daardie ellendige “sakeskole” waar mense soos Willie Esterhuyse vegeteer, maar kom ons “maak van teëspoed ‘n geleentheid”!

En sit maar daardie iPhones weg. As Apple die handelsmerk vir onwettige immigrante en die AntiFa wil wees, grawe die maatskappy sy eie ondergang.

20 August 2017
Google dank ingenieur af omdat hy geslagsverskille raaksien

Nadat Google vir James Damore, skrywer van ‘n manifes waarin ‘n feitelike, wetenskaplike benadering tot die beweerde “geslagsgaping” by tegnologie verdedig word, afgedank het, het vele Google-werknemers sy mening ondersteun.

Damore se manifes van tien bladsye lank druis in teen die heersende linkse en “progressiewe” narratiewe by die maatskappy. Die voormalige Google-ingenieur staan by sy sienings en sê dat die maatskappy poog om sy reputasie skade te berokken.

Damore, wat Maandag deur die soekenjinreus afgedank is, het sy menings Woensdag in gesprek met Bloomberg TV verdedig, waartydens hy aangevoer het dat die biologie vroue verhoed om ewe goed as mans in die tegnologienywerheid te vaar en het die maatskappy vir sy “links-neigende vooroordele” gekritiseer.

Damore sê hy het reeds ‘n maand gelede sy memorandum gedeel, maar niemand “hoër op het ooit na my toe gekom en gesê, ‘Moenie so iets doen nie,’ in weerwil daarvan dat vele mense daarna gekyk het,”het Damore aan Bloomberg gesê. “Dit was eers toe dit viraal begin versprei dat senior bestuur begin het om my te hoon en my uiteindelik af te dank.”

Hy het ‘n klag by die Nasionale Arbeidsverhoudingeraad in die VSA aanhangig gemaak waarin hy aanvoer dat Google se senior bestuur “wanvoorstellings van my maak en my hoon ten einde my griewe in die doofpot te stook”.

Damore voer aan dat biologiese verskille veroorsaak dat vroue onderverteenwoordig is in die tegnologiebedryf en nie weens vooroordeel of diskriminasie nie. Hy benadruk verder dat “die verspreiding van voorkeure en vermoëns van mans en vroue ten dele om biologiese redes verskil en dat dié verskille mag verklaar waarom ons nie ‘n ewe verteenwoordiging van vroue in tegnologie en leierskap sien nie”.

“Daar was ‘n gesamentlike poging deur die senior bestuur om ‘n baie duidelike sein uit te stuur dat dít waarmee ek besig is skadelik en verkeerd is en nie Google verteenwoordig nie,” verduidelik Damore. “Dit sou op loopbaanselfmoord neerkom vir enige uitvoerende amptenare of direkteure om my te ondersteun.”

Ondanks Siliconvalleimaatskappye wat hoog opgee oor “personeeldiversiteit” in ‘n bedryf wat deur blanke mans oorheers word, het die geslagsbalans nie verbeter nie. Maatskappye soos Google, Facebook en Microsoft maak gereeld “diversiteitsverslae” bekend waarin dié toestand duidelik is.

Maandag, op dieselfde dag waarop Damore deur Google afgedank is omdat hy “maatskappyreëls verbreek het”, het die maatskappy se hoofuitvoerendebeampte, Sundar Pichai, paradoksaal genoeg verklaar dat dit “nie OK” is vir werknemers om te voel dat hulle nie “veilig hul menings mag uitspreek nie (veral diegene met ‘n minderheidstandpunt)”.

In the Google employee handbook. pic.twitter.com/DFRJPgTntY

— RAMZPAUL (@ramzpaul) August 9, 2017

In sy internetmemorandum met die opskrif “Google’s Ideological Echo Chamber – How bias clouds our thinking about diversity and inclusion”, argumenteer die ingenieur dat geslagsverskille “nie bloot sosiaal gekonstrueer word nie”.

Die skrywer sê dat dié beleid op ideologie gegrond is en nie op rasionaliteit nie en noem verskeie wetenskaplike studies waarin bevind is dat mans en vroue (as kategorieë, nie as spesifieke individue nie) vanuit verskeie maatskaplike gesigspunte ongelyk is.

Hy voer insgelyks aan dat kulturele vooroordeel alleen nie die gaping kan verklaar nie, en dit maak nie sin om na gelyke groepsverteenwoordiging in alle beroepe te streef nie. Google se beleid, wys hy inderdaad uit, is gegrond op onbewese ideologie, nie op die wetenskap nie.

After today’s firing of a Google engineer for the diversity memo, ask yourself would any scientist publicly say climate change isn’t real?

— Michael Gray (@graywolf) August 8, 2017

In weerwil van al die praatjies oor inklusiwiteit en diversiteit, is die werklikheid dat as jy nie blank of Asies is nie, het jy slegs ‘n vyf persent kans om lid van Google se leierskapspan te word. En terwyl 31 persent van Google se werknemers vroue is, is slegs 20 persent van die maatskappy se tegniese werknemers vroulik.

As dit by rekenaar- en wiskundige beroepe kom, toon die syfers duidelik dat vroue en mans nie gelyk verteenwoordig is nie. In 1960 het vroue 27 persent van sulke betrekkings beklee, en dertig jaar later is hulle 35 persent.

In 2013 het die aantal vroue in rekenaar- en wiskundige beroepe tot 26 persent teruggesak, en duidelik nie omdat minder vroue universiteit toe gaan nie.

‘n Ondersoek deur die Amerikaanse onderwysdepartement het aangetoon dat meer vroue as mans universiteit toe gaan en grade behaal, maar mans en vroue oefen verskillende keuses uit. ‘n Onlangse studie deur die Georgetownse Universiteit het aangetoon dat 80 persent van petroleumingenieursgraduandi mans is. So ook byna 70 persent van diegene wat wiskunde rekenaarwetenskap as hoofvakke neem.

11 August 2017
WikiLeaks ontbloot globale koverte CIA-krake

Die nuutste WikiLeaks donderslag bekend as Vault 7 ontbloot die CIA se inbraakpraktyke, en word beskou as ‘n wekroep vir rekenaargebruikers en IT-reuse.

Die internasionale nie-winsgewende organisasie het onthul hoe die CIA op die hele wêreld met sagtewaregereedskap kan spioeneer deur ‘n teikenrekenaar met PSP-omleiding (persoonlike sekuriteitsproduk) te besmet.

Die inligting wys hoe die Amerikaanse spioenasie-agentskap kwesbaarhede in bekende sagteware en hardeware platforms uitgebuit het om beheer oor te neem, asook besonderhede van die vermoë van die CIA om hul eie inbraakvingerafdruk weg te steek en ander daarvoor te blameer.

Apple en Google het inderhaas na die toenemende onsekerheid oor hul produkte verklarings uitgereik om gebruikers gerus te stel.

Die lekkasies in die tydperk tussen 2013 en 2016 is net die punt van die ysberg. “Die CIA het sy eie aansienlike vloot van krakers,” het die WikiLeaks persverklaring gesê.

“Die vraag is of die CIA se kraakvermoëns sy mandaat oorskry het en ‘n probleem van openbare toesig oor die agentskap geskep het. Die bron wil ‘n openbare debat oor die veiligheid, die skepping, gebruik, verspreiding en demokratiese beheer van kuberwapens inisieer,” sê WikiLeaks.

In ‘n skuif wat waarskynlik verdere verontwaardiging sal uitlok, het BuzzFeed berig dat Nigel Farage die Wikileaks-stigter in die Ecuadoriaanse ambassade in die weste van Londen Donderdag besoek het. Julian Assange woon daar sedert hy asiel in 2012 toegestaan is.

Ecuador se gasvryheid het verhinder dat Assange na Swede gedeporteer is om kamma ondervra te word sodat hy uiteindelik aan die VSA uitgelewer word. Die Wikileaks-stigter is daar gestrand sedertdien, met die Britse polisie wat die gebou onder 24/7 streng toesig bewaak.

Farage het gesê hy kan nie onthou wat hy in die gebou gaan doen het nie. Farage het gesê: “Ek het nog nooit bespreek waar ek gaan of wie ek sien nie.”

Die voortdurende bewerings van “digitale vingerafdrukke” wat agter gelaat is deur “Russiese krakers” is in elk geval nou heeltemal betekenisloos en hopelik sien die Demokratiese Party in die VSA daarvan af om onophoudelik die “Russe” vir al hul probleme te blameer. Dit is duidelik dat die CIA self verantwoordelik is vir wat hulle aan die “Russe” toeskryf.

Die CIA het ‘n aansienlike inventaris van aanvalstegnieke gesteel van ander lande, onder andere die Russiese Federasie.

Een dokument behandel selfs die kraak van voertuigstelsels van onlangse modelle met gesofistikeerde aanboord rekenaarstelsels wat kan lei tot verlies van beheer oor die motor en noodlottige ongelukke kan veroorsaak.

In ‘n Facebook Livestream, het Assange bevestig dat die inligting verkry is uit ‘n geïsoleerde rekenaar by die CIA se hoofkantoor in Virginia. Hy beskryf die verlies as ‘n “historiese daad van verwoestende onbevoegdheid” vir die spioenasie-agentskap.

Hy het ook gesuggereer dat die voormalige Amerikaanse president Barack Obama en huidige president Donald Trump dalk nie eens geweet het hiervan nie. Hy bevraagteken ook dat die CIA maatskappye soos Apple en Google gebruik het om op hul vyande te spioeneer, wat albei kwesbaar gemaak het.

“WikiLeaks het baie meer inligting,” sê Assange. “Sodra hierdie materiaal doeltreffend ontwapen is, sal ons bykomende inligting publiseer oor wat gebeur,” het hy bygevoeg.

10 March 2017
Staatsveiligheid gaan sosiale media beheer

Die ANC het besluit om in te gryp om sosiale media te sensureer, in die lig van kwessies soos die verspreiding van “fopnuus” en swendelary, sê die Minister van Staatsveiligheid David Mahlobo.

Hy het Sondag tydens ‘n vraag-en-antwoord-sessie met joernaliste ná ‘n nuuskonferensie gesê sy departement oorweeg stappe na die Justisie, Misdaadvoorkoming en Sekuriteit Groepering (JCPS) se oorsig.

Mahlobo, het gereageer op ‘n vraag deur ‘n verslaggewer oor fopnuus, en gesê afgesien van die gewone bedoeling daarvan, word sosiale media ook misbruik om, onder andere, vals inligting te versprei.

Hy het gesê dit is nie uniek aan Suid-Afrika nie.

“Ons oorweeg dit om die ruimte te reguleer. Selfs die beste demokrasieë wat eerbied afdwing, hulle reguleer die ruimte,” het Mahlobo gesê.

Hy meen dit sal nie ‘n maklike ding wees om te doen nie, want dit kan gesien word “as inmenging met menseregte”.

Dit sal dus nodig wees om dit in verskeie liggame en forums te bespreek. “Ons sal bespreek hoe ons kan reguleer,” sê Mahlobo.

Afgesien van mense wat iets voorgee op sosiale media, of selfs voorgee om iemand anders te wees, het hy gesê probleme sluit in foto’s wat vals tonele uitbeeld.

Gedokterde beelde is ook ‘n probleem, het hy gesê.

Maar die probleem is dat linkse intervensioniste die term “fopnuus” gebruik om nuus wat hulle in ‘n slegte lig stel, te sensureer.

Google en Facebook werk reeds nou saam met regerings om nasionalistiese nuus te onderdruk.

6 March 2017
Google sit agter Moslemverbod se regsgedinge

Wie betaal vir duur “Moslem-reisverbod” regsgedinge in die VSA? Dis nie net die gewone ou walgwors George Soros nie.

Terwyl organisasies befonds deur Soros ook betrokke is, is die ander bron van fondse in die voortdurende anti-Trumpveldtog, Google.

Soos Bloomberg berig, het die maatskappy betaal om meer as 120 handtekeninge in te samel van meestal tegnologie maatskappye wat die howe gaan nader teen die uitvoerende bevel President Donald Trump om sekere Moslemimmigrante uit te hou.

Google was die een wat vir Hillary Clinton ‘n “strategiese plan” opgetrek het om te help dat die Demokrate wen, maar het liederlik daarin gefaal om hul kandidaat verkies te kry, ten spyte van hul beste pogings.

Tegnologiereuse is op ‘n ware kruistog om hul goedkoop H1-B werkers te hou, en ander maatskappye met soortgelyke behoeftes het nou aangebied om ‘n deel van die koste te finansier, het Bloomberg geopenbaar.

Alphabet, wat die moeite gekoördineer het, het die regsfirma Mayer Brown LLP in Washington DC genader om die anti-Trump regsaak te hanteer.

Die tegnologie maatskappye hou vol dat die ekonomiese en sosiale bydrae van immigrante “enorm” is. In hul argumente wat Sondag in die Amerikaanse Hof van Appèl in San Francisco geliasseer is, ondersteun hulle ‘n regsgeding deur die state van Washington en Minnesota om Trump se uitvoerende bevel te stop.

Apple, Airbnb, Facebook, Microsoft, Tesla, Lyft, Netflix, Snap en Uber is van die tegnologie maatskappye wat deel maak van die aanslag.

“Immigrante maak baie van die grootste ontdekkings in die land [VSA] en het ‘n paar van die land se mees innoverende en ikoniese maatskappye tot stand gebring,” lui die verklaring. “Amerika is lank bewus van die belangrikheid om onsself te beskerm teen diegene wat ons skade sal doen. Maar ons fundamentele verbintenis tot die verwelkoming van immigrante is nooit daardeur geraak nie – deur middel van verhoogde agtergrondnavorsing en ander beheermaatreëls op mense wat na ons land wil kom.”

‘n Appélhof in Amerika het reeds argumente aangehoor oor of President Donald Trump se reisverbod teen Moslems diskrimineer.

Die uitvoerende bevel het ‘n tydelik verbod geplaas op alle vlugtelinge en besoekers uit sewe hoofsaaklik Moslemlande. Die bevel is verlede week deur ‘n federale regter opgehef.

Regter Richard Clifton het gevra of dit diskriminasie is indien dit slegs 15 persent van die wêreld se Moslems raak. Hy is een van drie regters in die Appélhof wat later die week uitspraak sal lewer.

Die departement van Justisie se regsverteenwoordiger het ‘n beroep op die regters gedoen om die bevel weer in te stel, en sê die kongres het die president die mag gegee om te beheer wie die land kan binnegaan en wie nie.

8 February 2017
Edward Snowden praat saam op Konstitusieheuwel

Edward Snowden, die Amerikaanse agent wat gedros het, het tydens ‘n regstreekse aanlyngeleentheid wat deur die voormalige Greenpeace direkteur, Kumi Naidoo, by Konstitusieheuwel in Johannesburg gereël is, gepraat.

Tydens die aanlyngesprek, het Snowden sy kommer uitgespreek oor hoe sommige van die wêreld se grootste aanlyn-dienste data insamel oor gebruikers.

Die voormalige Amerikaanse Central Intelligence Agency (CIA) werknemer, wat geklassifiseerde inligting van die National Security Agency (NSA) in 2013 uitgelek het, het gepraat vanuit Rusland, waar hy tans met tydelike asiel woon.

Die geleentheid is aangebied by die Women’s Jail by die Konstitusieheuwelkompleks met die doel om maniere te bespreek om die staat uit te daag.

“Een van die sentrale probleme van die internet vandag is dat die gewildste dienste in die wêreld saamwerk, meer as wat as die wet voorskryf en daar is ook ‘n vraag rondom hoeveel maatskappye insamel wat alle perke oorskry,” het Snowden gesê.

Snowden het gepraat oor maatskappye soos Google, Skype, Apple en Yahoo wat in staat is om data in te samel van sy gebruikers.

“Hierdie maatskappye bedryf ‘n besigheid en hoe meer ons gebruik maak van hul dienste, hoe meer inligting kan hulle versamel oor ons,” het hy gesê.

“Ons moet begin dink oor die gevolge van hierdie in ‘n meer etiese konteks. Maatskappye kan maklik e-pos in die geheim lees,” het Snowden bygevoeg.

Hy het egter gesê dat daar metodes is om te kan kommunikeer sonder om persoonlike data beskikbaar te stel.

Snowden het verwys na Signal, ‘n private boodskaptoepassing wat suksesvol daarin geslaag het om boodskappe van gebruikers van die regering en owerhede te weerhou.

Hy het voorgestel dat kodeboodskappe gebruik word om byvoorbeeld ontmoetings te reël sodat die staat nie bewus is van wat ‘n mens doen nie.

1 November 2016
Google se uitvoerende beampte hoogs besoldigde in die VSA

Die uitvoerende beampte van Google, Sundar Pichai, het $199m (R3,2 mijard) se aandele ontvang, volgens ‘n verpligte liassering wat openbaar gemaak is.

Dit maak van Pichai die hoogs besoldigde uitvoerende beampte in die VSA. Hy het die hoof van die soekenjinmaatskappy geword ná die skepping van ‘n houermaatskappy, Alphabet.

Die stigters van Google, Larry Page en Sergey Brin, het reeds onderskeidelik skatte van $34,6 miljard en $33,9 miljard vergader, volgens Forbes.

Die 43-jarige Pichai het op 3 Februarie 273 328 aandele in Alphabet ontvang, volgens ‘n dokument wat by die Amerikaanse SEC (Securities and Exchange Commission) geliasseer is.

Dié nuwe aandeletoekenning bring Pichai se totale aantal aandele op $650m te staan.

Die hoeveelheid aandele sal elke kwartaal van nou af tot 2019 geleidelik in sy besit kom.

Verlede week het Alphabet – Google se houermaatskappy – Apple verbygesteek as die wêreld se waardevolste maatskappy, nadat dit ‘n wins van $4,9 miljard vir die drie maande tot einde Desember aangeteken het, wat hoër is as die $4,7 miljard van ‘n jaar gelede. Op ‘n jaargrondslag het Alphabet $16,3 miljard wins gemaak, hoewel die syfers toon dat die “Other Bets”-filiaal $3,6 miljard tydens dieselfde periode verloor het. Google se bedryfswins het tot $23,4 miljard gestyg, soos wat aanlynadvertensies toegeneem het.

10 February 2016
Wat beteken ‘regs en rassisties’?
deur Dan Roodt

[followbutton username=’danroodt’ count=’true’ lang=’en’ theme=’light’]

Hou van Dan Roodt se Facebookblad

Vele lesers van hierdie blad is waarskynlik daarvan bewus dat ‘n naamlose Facebook-groep aanhoudend klagtes teen PRAAG aanmeld by Google en adverteerders wat van hul netwerkadvertensiediens gebruik maak. Die gevolg is dat Google ons netwerkadvertensies afgeskakel het, wat vir ons ‘n aansienlike verlies aan inkomste beteken.

In die proses het hierdie ekstreemlinkse drukgroep egter ook Afrikaans benadeel, want soos dit vir ons lyk, gaan Google geen advertensies meer op enige Afrikaanse webwerwe toelaat nie. Ons argument is dat Afrikaans aan die groter taal Nederlands verwant is en daarom behoort ons blad vir “Suid-Afrikaanse Nederlands” deur te gaan. Immers verskil Suid-Afrikaanse Engels ook veel van Amerikaanse, Britse, Kanadese of Australiese Engels.

In vandag se Rapport verskyn daar ‘n berig deur Jana van der Merwe en Pieter Malan onder die opskrif: ‘Dan Roodt praat g’n vir my nie’ – Afrikaanse vrou begin aksie. Selfs in hierdie opskrif is daar sprake van ‘n denkfout, want nêrens ter wêreld bestaan daar ‘n vereiste dat ‘n mens “namens ander moet praat om te kán praat nie”. Onderliggend aan dié naamlose “jong wit Afrikaanse vrou” se veldtog teen PRAAG is ‘n soort Leninisme wat bepaal dat slegs die Kommunistiese Party wat namens die werkersklas praat, toegelaat moet word om hoegenaamd enigiets te sê of te publiseer.

Ondersteun praag asb. dringend

Suid-Afrika beskik reeds grootliks oor ‘n de facto-eenpartystelsel, met die ANC wat alle provinsies en feitlik alle munisipaliteite buite die Wes-Kaap regeer. Moet ons nou boonop Leninistiese eenpartydenke óók aanvaar?

Iewers het ek in Engels geskryf, “rassisme” is die simulakrum die Nuwe Suid-Afrika se verlore morele kode. Jy kan moor, verkrag, steel of die staat/munisippaliteite plunder net soveel soos jy wil, maar solank jy “anti-rassisties” is, is jy ‘n goeie mens.

Dit amuseer my nogal dat die naamlose jong vrou (dalk Carina Papenfus?) dink dat my denke “argaïes en nie feitelik korrek is” nie. Asof die soort Oos-Duitse kommunisme wat deesdae in ons land geld “modern” is! Nietzsche het gesê dat kommunisme die mees agterlike en primitiewe staatsvorm is. Die denke van die Eurorpese Verligting gaan eintlik by dié mense verby; hulle heg nie waarde aan die rede nie en predik ‘n blindelingse geloof in politieke korrektheid.

Eintlik is Mandela nie die vader van die NSA nie, maar Joe Slovo, na wie Harrowweg hier in Johannesburg hernoem is. Ek sal nooit aanvaar dat ons Slovo se rampspoedige ideologie slaafs moet navolg nie, al word dit deur Rapport en die meeste Nasperspublikasies nagepraat.

Dwarsdeur die wêreld is Links intellektueel bankrot. Lees maar die onlangse berig in die New York Times oor Wes-Europa waar sogenaamde “populistiese, regse partye” in al die lande opgang maak. Reeds sedert die 1940s het George Orwell, Arthur Koestler, Albert Camus, Raymond Aron, André Glücksmann, Jean-François Lyotard, Pascal Bruckner en vele ander Westerse intellektuele kritiek op kommunisme gelewer. Pole, Rusland, Tsjeggië en die res van Oos-Europa het insgelyks kommunisme en marxisme verwerp.

“Gelykheid ten alle koste” het 100 miljoen mense in die twintigste eeu laat sterf. Ook in Suid-Afrika veroorsaak dit verwoestende geweld, wat maar net ‘n voortsetting van Slovo en kie. se afstootlike terreur uit die tagtigerjare is. Met die hulp van die berugte Oos-Duitse geheimediens, die Stasi, het Slovo en sy luitenante Rashid Aboobaker Ismail en Ronnie Kasrils, die Kerkstraat- en Amanzimtoti-bomme geplaas. Hulle het ook verskeie ander dodelike ontploffings in Wimpy-restaurante veroorsaak.

Wie ook al die “jong, wit Afrikaanse vrou” is wat agter die veldtog teen ons webblad sit, sy maak haar skuldig aan Stasi-denke. Slegs menings wat strook met die heerrsende, linkse ideologie van die ANC en Suid-Afrikaanse Kommunisteparty moet geduld word. Alles wat daarvan afwyk word as “regs en rassisties” getipeer.

Ook die term “fascis” wat tydens sewentig jaar van kommunisme in Oos-Europa vrylik gebruik is om dissidente mee te stigmatiseer, word deesdae algemeen in Suid-Afrika gebruik. Die Naspers-rubriekskryfster, Christi van der Westhuizen, besig dit ook om haar opponente te tipeer. As jy nie “regs en rassisties” is nie, is jy ‘n fascis. In Oos-Duitsland is die term “anti-fascistiese verskansingsmuur” gebruik vir die berugte muur wat sewentien miljoen Duitsers in hul eie land gevange gehou het. Nie net het die berugte “muurskieters” hul eie mense afgemaai wat oor die muur probeer klim het nie, maar hulle het selfs op Wes-Duitse gesinne geskiet wat per ongeluk die grenslyn in ‘n bootjie iewers op ‘n Berlynse meer of rivier oorgesteek het.

Joe Slovo, Mandela se baas en die meesterbrein agter die kommunistiese oorname van Suid-Afrika, was goed bevriend met Markus Wolf, die geheimsinnige hoof van die Oos-Duitse Stasi.

Vir linkses is enige trots op die eie kultuur, liefde vir die eie taal (soos Afrikaans), selfs iets so onskuldigs soos Boerekos, gelykstaande aan “fascisme”. Soos Jonathan Jansen ook gesê het: “As jy die ras van jou dogter se kêrel waarmee sy Vrydagaand uitgaan kan voorspel, is daar iets met haar opvoeding verkeerd.” Iewers praat Van Wyk Louw van die “mensvleisbredie” waarin Afrikaners gevaar loop om te versink. Wat vir Louw egter ‘n gevaar was, is vir die linkse internasionaliste ‘n ideaal: Almal moet deel van die mensvleisbredie word en diegene wat hul eie kultuur of identiteit wil behou, moet desnoods stilgemaak word. En as jy eers stil is, is dit soveel makliker om jou sommer boonop dood te maak, want moord en terreur het nog nooit in die pad van linkse revolusionêre gestaan nie.

Tydens ‘n TV-onderhoud met die Franse skrywer Richard Millet het hy ironies na drie aspekte van sy identiteit verwys:
1. Ek is heteroseksueel; wat ‘n skande!
2. Ek is ‘n blanke Fransman; wat ‘n skande!
3. Ek is Katoliek; wat ‘n skande!
Binne ons konteks word elkeen van ons wat as heteroseksueel, blank en met min of meer christelik-protestantse waardes beskryf kan word, dus deur die ekstreemlinkse ideoloë in beheer as “regs en rassisties” of selfs “fascisties” beskou. Soos al die rampspoedige links-radikale revolusies van die twintigste eeu, staan die Suid-Afrikaanse revolusie in die teken van “verandering” oftewel “transformasie”.

Dis nie genoeg dat die hele politieke orde, die onderwys, die media en die heersende kultuur verander nie; ook die mens self moet verander. Hy moet inderdaad ‘n “nuwe mens” word, na die norme van die revolusie.

Soos ek al soveel kere geskryf het, het die oorlog glad nie met die magsoorname in 1994 opgehou nie. Dis tans bloot oorlog met ander middele. Nou nie meer die bom op straat of in in die Wimpy nie, maar die oproep tot volksmoord op alle Afrikaners (dubula iBunu) of “elimineer die regses, rassiste en fasciste”. Die Facebook-groep teen PRAAG en Afrikaners is bloot die keersy van Julius Malema: óf ons moet onvryheid aanvaar, óf ons moet uitgedelg word.

Selfs die DA, wat oor die afgelope jare teen ‘n spoed na links beweeg het, het vandeesweek (te laat) spyt gekry dat hy vir die nuwe wet op swart bemagtiging gestem het. Op die keper beskou, is die staat, wat ons as sy vyand beskou, besig om op elke vlak in ons lewens in te meng: in ons taal, ons kultuur, ons identiteit, ons ekonomiese lewe, ons menswees.

Die vraag is: gaan ons vir lief neem om maar deel van die mensvleisbredie te word? Soos slawe wat onder die totalitêre sweep verbitterd maar gedweë hul lot moet aanvaar?

Of gaan ons ten minste ons spraak- en meningsvryheid verdedig teen diegene wat juis – en so verskriklik – namens ons wil praat?

Ondersteun praag asb. dringend
10 November 2013
Ondersteun praag asb. dringend

Geagte leser,

Soos u waarskynlik gesien het, word daar geen meer Google-netwerkadvertensies op hierdie blad vertoon nie, weens kwaadwillige klagtes wat deur fanatici teen ons by Google aanhangig gemaak is. Van die Suid-Afrikaanse adverteerders, wat groot maatskappye insluit, is geïntimideer en vertel dat hulle advertensies op ‘n “ongewenste” webblad verskyn.

Tans is ons besig om die saak met Google op te neem, asook regsaksies teen die klaers te loods. Omdat vele van hulle dit anoniem gedoen het en ook ‘n anonieme blad op Facebook bedryf, maak dit ons taak soveel moeiliker.

Die verlies aan inkomste verteenwoordig vir ons ‘n sware slag wat selfs die voortbestaan van dié webblad en van PRAAG in die gedrang bring. Maar die optrede van kwaadwillige Afrikanerhaters wat ons stem wil uitdoof, is des te meer kommerwekkend omdat dié metodes om webblaaie en internetjoernaliste te beswadder gebruik kan word om alle kritiek jeens die huidige bewind in Suid-Afrika stil te maak. Nie net adverteerders nie, maar ook diensverskaffers kan geteiken word en sodoende sal niemand meer bereid wees om innoverende webblaaie met inligting en menings buite die hoofstroom op hul bedieners te huisves nie.

Daarom doen ons ‘n beroep op u, ons lojale lesers en ondersteuners, om dringend ‘n debietorder of PayPal-subskripsie (indien u oorsee woon) uit te neem. Dit sal ons onafhanklik van adverteerders maak en ons sal ook sorg dat ons ons bediener buite Suid-Afrika in ‘n jurisdiksie aanhou waar ons nie sonder ‘n hofbevel in daardie land stilgemaak kan word nie.

Onthou dat die huidige bestel deur middel van terreur, halssnoermoorde, propaganda en leuens tot stand gekom het. Omdat ons waag om die waarheid en kritiek op geweld en korrupsie te publiseer, word ons nou deur ekstreemlinkses en fanatici geteiken. Hulle speel ook die rassekaart teen ons, omdat dit al “argument” is waaroor hulle beskik.

Gewoonlik vra ons mense om R60 per maand by te dra, wat veel goedkoper is as die R99 wat ander Afrikaanse webwerwe vereis. Maar as die ekonomie knyp, kan u selfs R30 bydra.

Help ons om op die lug te bly!

U kan ook ‘n splinternuwe skootrekenaar wen! Die eerste 100 persone wat van vandag af ‘n debietorder uitneem, kwalifiseer vir ‘n trekking vir ‘n skootrekenaar ter waarde van R4000.

Vul asb. die vormpie hier in:

praag-debietorder

Dan Roodt

24 October 2013
Afrikaans kort ‘n nuwe mediamodel

deur Dan Roodt

[followbutton username=’danroodt’ count=’true’ lang=’en’ theme=’light’]

Hou van Dan Roodt se Facebookblad

Moontlik was daar ‘n tyd in die negentiende eeu toe mense koerante gelees het bloot om ingelig te word. As deel van jou koerant het jy sommer op die koop toe die jongste aflewering van ‘n vervolgverhaal deur Charles Dickens of Honoré de Balzac, twee van die gewildste skrywers in die negentiende eeu, ontvang.

Daardie tye is egter vir goed verby. Toenemend in die twintigste eeu, maar veral nou in die een-en-twintigste, het media byna ‘n vorm van “oorlog met ander middele” geword. Joernalistieke objektiwiteit en selfs integriteit het plek gemaak vir belange wat deur media gedien word. Individuele joernaliste en meningsvormers is “penvegters” wat elke dag teen ‘n opponent in die kryt tree. Trouens, laasgenaamde is die titel van ‘n biografie deur Jaap Steyn oor Piet Cillié, een van die bekende historiese joernaliste van Die Burger.

Twee onlangse onderhoude wat hier op die praagwebblad gevoer is, is verhelderend sover dit die hedendaagse rol van media betref. Die eerste is dié met Margarita Simonjan, die uitvoerende redaktrise van die Russiese TV-netwerk, Russia Today. Die tweede gesprek, met dr. Christo Landman, verskyn vandag.

In haar onderhoud vergelyk Simonjan die rol van haar internasionale nuusnetwerk met dié van die Russiese departement van verdediging en sê: “…as Rusland gaan oorlog maak… dan sal ons by die geveg betrokke raak, ja. Dit is op die land se regte, gewapende konflikte van toepassing. Onthou u die oorlog in Augustus 2008? Op daardie tydstip het die meeste Westerse mediahuise gereageer asof hulle Georgië se departement van verdediging was.”

Aansluitend hierby verduidelik dr. Christo Landman: “As jy onder die aandag kom, dan moet jy aanvaar dat daar strategieë in werking gestel sal word om jou te neutraliseer. Sodra jy ‘n faktor word, is jy ‘n teiken.” Met ander woorde, Individue en groepe wat vir Afrikaans of die Afrikanersaak standpunt inneem, sal geteiken word.

In die Engelse rubriek wat ek gister geskryf het, sê ek in die eerste sin: “South Africa’s multiracial and multicultural society is exploding into a never-ending Kulturkampf or American-style culture war.” Hierdie kultuuroorlog gaan oor idees, maar ook oor ons reg op voortbestaan, ons reg om ons privaateiendom te behou of om ons kinders na Afrikaanse skole te mag stuur. Dit is alles “regte” wat in die brandpunt van hierdie stryd staan. Aan die oorkant is daar twee radikale standpunte: een beskou ons as “nie deel van die Afrika-kontinent nie” en daarom behoort al ons bates gewoon genasionaliseer te word en ons uit die land verdryf te word. Die ander “laat ons toe” om aan te bly, maar op voorwaarde dat ons geheel en al in die meerderheidsamelewing integreer en op die duur geassimileer word.

In hierdie oorlog is geen metode taboe nie: ‘n persoon kan geëtiketteer word, vir ‘n idioot uitgeskel word, sy privaatlewe kan oopgevlek word en soos ons in die onlangse Amerikaanse geval van Paula Deen gesien het, as jy dertig jaar vantevore die K-woord (die N-woord in die VSA) gebruik het, kan jou reputasie vandag daardeur geruïneer word.

Dit is ook ‘n reële oorlog want dit gaan om klimaatskepping, propaganda, om haat en vyandigheid teen die geteikende groep op te wek. Geweld geskied agterna byna outomaties. Ek verstout my om te sê dat plaasmoorde in dié land nie sou plaasgevind het indien die Afrikanervyandige media nie oor baie jare soveel nyd en gif teen boere gesaai het nie. Die internasionale propagandastryd wat tans om Sirië gevoer word, is ‘n ander insiggewende voorbeeld. Of Amerika, Frankryk en Brittanje daardie land gaan aanval, gaan uitsluitlik bepaal word deur die soort klimaat wat hulle in die media kan skep. Daar geskied manipulasie van feite, oor en weer beskuldigings van chemiese wapengebruik, oorlogsmisdade en dergelike meer.

Daar is feitlik geen “redaksionele onafhanklikheid” nie, want elke orgaan, elke koerant, TV-kanaal of radiostasie het reeds kant gekies, sowel plaaslik as internasionaal en dis maklik om sy partydigheid uit sy beriggewing en kommentaar af te lei.

Om maar een bekende voorbeeld te noem: Die Naspersgroep volg openlik die Britse en Amerikaanse regerings se standpunte in sy internasionale beriggewing en daarom steun Naspers blindelings ‘n aanval op Sirië. In hul plaaslike nuusdekking word alles weer so geplooi om die DA en die groot sakeondernemings, waaronder die mynhuise, te pas. Afrikanerskap is vir Naspers ‘n onding en word telkens met “rassisme” en ander ongure begrippe verbind.

‘n TV-kanaal soos Russia Today word deur die Russiese regering befonds. Hier sit Afrikaners met ‘n probleem, want geen regering ter wêreld gaan vir ons media betaal nie. Plaaslike adverteerders mag ‘n bydrae lewer, maar te eniger tyd kan adverteerders deur veiligheidsdienste of vyandelike media geteiken word en kan sodanige fondse summier afgesny word. Suid-Afrikaanse korporatiewe advereerders is ook geheel en al verbind tot die multikulturele samelewing, regstellende aksie, swart ekonomiese bemagtiging en alles wat daarmee saamgaan, dus gaan hulle ook maar langtand wees om in media te adverteer wat krities teenoor dié beleidsrigtings staan. Boonop verkies Suid-Afrikaanse reklame-agentskappe steeds om op papier of in uitsaaimedia soos radio of TV te adverteer, pleks van op die internet. Volgens beskikbare statistiek, word slegs 2% van alle reklame in ons land aan digitale media bestee.

Hoewel digitale media soos webblaaie, ens., dus aan die agterspeen suig sover dit advertensie-inkomste betref, is gedrukte koerante besig om te kwyn en word hulle deur aanlynmedia vervang. Dit skep ‘n geweldige finansiële krisis vir die mediahuise, want niemand maak werklik geld uit die internet nie, behalwe enkele reuse- internasionale groepe soos Google of Facebook wat oor honderde miljoene gebruikers beskik.

In Afrikaans is die toestand des te meer akuut, vanweë die klein mark wat deur Afrikaanse media bedien word. Hoewel Afrikaanse media redelik sterk staan teen Engelse media in Suid-Afrika, kan ons glad nie met die groter tale, veral natuurlik Engels, internasionaal meeding nie. ‘n Webwerf soos die Britse mailonline beskik byvoorbeeld oor 70 miljoen gebruikers wat aan hom ‘n aardige advertensie-inkomste besorg.

Om verskeie redes is Afrikaanse media nie volhoubaar nie. Naspers het ‘n sogenaamde “betaalmuur” vir sy dagblaaie se aanlynweergawes ingestel. Behalwe vir die Wall Street Journal en ‘n paar ander internasionale voorbeelde, wil lesers eenvoudig nie vir aanlyninhoud betaal nie. Die internet is veronderstel om gratis te wees.

Dit is egter waar dat aanlynmedia tans nog op die gedrukte media parasiteer. Vanweë die groter advertensie-inkomste van gedrukte media, kan hulle bekostig om meer joernaliste in diens te hê, ondersoekende joernalistiek te doen en bepaalde groot stories oop te vlek. Aanlynmedia maak meesal gebruik van die groot nuusdienste wat die stories van gedrukte koerante herverpak en teen ‘n breukdeel van die oorspronklike koste te koop aanbied. Andersins het sulke nuusdienste hul eie joernaliste in diens wat berigte skryf wat weer aan die gedrukte koerante en aanlynmedia verkoop word.

Maar wat gebeur wanneer gedrukte koerante heeltemal tot niet gaan en al daardie joernaliste wat danksy papier steeds ‘n salaris verdien, eensklaps sonder werk gaan sit? Ek vermoed dat ons in Afrikaans slegs vyf jaar van so ‘n situasie verwyder is, gouer indien die huidige vervreemding tussen die Nasperskoerante en Afrikaanse lesers wyer uitkring. Danksy sy oorsese belange, onder meer in Hong Kong, kan Naspers al sy Afrikaanse media sluit sonder dat dit sy winsgewendheid noemenswaardig sal beïnvloed.

Wat ons by praag probeer regkry, is om die gratis model wat reeds op die internet gevestig is, só aan te wend dat dit op die duur volhoubaar kan raak. Niks is egter ooit heeltemal gratis nie en in die reël moet vyf persent van gebruikers bereid wees om vir ‘n diens te betaal vir so ‘n diens om te kan voortbestaan.

Die netwerk wat praag gevestig het, met sowel ‘n Afrikaanse as ‘n Engelse webwerf, asook ‘n sterk teenwoordigheid op sosiale media soos Facebook en Twitter, beskik oor die potensiaal om daardie “departement van mediaverdediging” te word wat Afrikaners so broodnodig het. Veral vanaf ons Engelse webblad loods ons kritiese kommentaar en berigte wat hard slaan en konsternasie onder ons vyande veroorsaak, omdat Afrikaners nou vir die eerste keer in ‘n lang tyd hulle teen propaganda-aanvalle verdedig.

Beide webwerwe verteenwoordig ‘n formidabele navorsingsbron waar die aantal moorde, verkragtings en ander geweld in ons land daagliks weerspieël word. Dit maak dit vir navorsers, aktiviste en kommentators moontlik om sulke inligting altyd byderhand te hê.

Die internet beskik beslis oor die potensiaal om ons te bevry, want ons kan ook ekonomiese netwerke, handel, beleggings, betalings en wat nog van hier af bedryf. Daar moet egter ‘n nodale punt wees waar al hierdie dinge ontmoet.

Dat hierdie webblad moet aanhou bestaan en moet groei, is van wesentlike belang. Word deel van die vyf persent deur op die onderstaande banier te klik!

8 September 2013
Google gaan hoëspoedinternet toets

Die Internetreus Google het aangekondig dat hulle gaan eksperimenteer met ultra-hoëspoed breëbandnetwerke wat aan sowat ‘n halfmiljoen Amerikaners internettoegang gaan verskaf wat “100 keer vinniger” is as die huidige spoed.

Google beoog ‘n spoed van een gigagreep per sekonde, wat verbruikers sal toelaat om ‘n hoë definisie, vollengte film in minder as vyf minute af te kan laai.

Hierdie projek gaan saam met pres. Barack Obama se plan om vir elke huishouding in Amerika toegang tot breeband-internet te gee.

Minnie Ingersoll en James Kelly, produkbestuurders by Google, het gesê daar word beplan om hierdie projek in ‘n paar plekke in Amerika te toets.

“Ons sal ‘n internetspoed verskaf wat 100 keer vinniger is as wat meeste Amerikaners tot toegang het tans,” het hulle in ‘n blog gesê.

Tussen 50 000 en 500 000 mense gaan hierdie diens-eksperiment ontvang.

11 February 2010
Google sê Facebook die stryd aan

Google gaan die sosiale netwerk Facebook die stryd aansê. Facebook en Twitter se gebruiksvriendelike kommunikasie gaan deur Google nageaap word.

Die soekenjinreus gaan sy Gmail-gebruikers in staat stel om status-boodskappe en ander items op hul Gmail blaaie te plaas.

Google het onlangs hul soekfunksie verbeter om aan internetgebruikers makliker toegang tot sosiale netwerke te kan gee.

Gmail-gebruikers sal binnekort Facebook-tipe boodskappe kan laai en dan gebruikers laat weet as hulle iets op ander Google blaaie, soos YouTube of Picasa, plaas.

Google voel dat geïntegreerde internetdienste beter werk as losstaande dienste.

10 February 2010
PRAAG-geselsforum beskikbaar vir uitgebreide debatte
Terwyl ons verheug is oor die aantal besoeke wat ons ontvang, asook die lewendige debat op die Disqus-kommentaarfunksie wat sommige artikels uitlok, wil ons lesers daarop attent maak dat die PRAAG-geselsforum soms ‘n beter plek kan wees om langdurige debatte en gesprekke tussen lesers te voer.

Die forum hou onder andere die volgende voordele in:
1. Die kategorieë, onderwerpe, ens., bly permanent beskikbaar en sigbaar sodat u nie vir ‘n artikel wat moontlik weke of maande gelede verskyn het hoef te gaan soek om u kommentaar of reaksie daarop te lees nie.
2. U bydrae en die inhoud wat u skep, is vir die hele internet sigbaar (“soekbaar” deur Google, Yahoo, Bing, ens.). Een van die nadele van die Disqus-kommentaarstelsel is dat kommentaar nie op Google se indekse verskyn nie.
3. U bydrae sal op ‘n meer permanente basis op die forum gepubliseer bly sodat mense in die toekoms dit eintlik oor en oor sal lees, soos wat hulle deur die forum snuffel.
Lesers en deelnemers is natuurlik welkom om kommentaar wat hulle reeds onderaan artikels op Disqus gelewer het, ook op die forum onder bepaalde onderwerpe te plak, waar Google en ander soekenjins dit kan “raaksien” en kan opneem.

Binnekort sal ons poog om die forum beter met die webwerf te integreer sodat u met een gebruikersnaam en wagwoord op albei tegelyk kan inteken. Heel moontlik sal dit bloot as ‘n onderafdeling van die webwerf self kan funksioneer, afhangend van al die tegniese uitdagings wat ons teëkom. Tot dan sal u egter van nuuts af aan op die forum moet registreer en deur die administrateur gemagtig moet word (‘n anti-gemorsposmaatreël) alvorens u vrylik bydraes kan plaas.

Daar is reeds 130 gebruikers by die forum geregistreer, dus behoort dit vinnige momentum te kry indien ‘n gedeelte van die uitvoerige gesprekke wat tans op die Disqus-kommentaarfunksie plaasvind, na die forum verskuif.

игрушки
26 January 2010
Woods-skandaal ‘n meevaller vir internetpublikasies

Soos enige ordentlike skandaal wat ‘n gevierde persoon betrek, het die Tiger Woods-drama ‘n skerp styging in verkeer na webwerwe wat besonderhede van sy motorbotsing en buite-egtelike verhoudinge aangebied het, veroorsaak. Die styging sal egter waarskynlik kortstondig wees, namate die skok van die storie afneem.

Een van die werwe met die swaarste verkeer was Woods se eie webblad, waar hy sy enigste openbare opmerkings oor sy botsing geplaas het en sy vergrype erken het. Die webwerf het 448,000 unieke gebruikers gedurende die week van sy botsing gehad, ‘n verhoging van die minder as 11,000 die vorige week, volgens die Nielsen maatskappy.

Die Orlando Sentinel-koerant, wat die streek van Woods se huis bedien, het omtrent 1,2-miljoen unieke gebruikers aangeteken, meer as twee-en-‘n-half keer soveel as die week voor die ongeluk, sê Nielsen.

Intussen het besoeke aan die vermaakwerf, TMZ.com, en sportnuuswebblad, Deadspin.com, wat albei aap-uit-die-mou nuus oor die voorval gehad het, met meer as vyftig persent toegeneem, volgens Hitwise, nog ‘n webanalisemaatskappy.

Google en Yahoo, wat meer as 80 persent van alle internetsoektogte in die VSA hanteer, sê hulle het ‘n sprong in verkeer gesien van mense wat inligting oor die gholfsuperster soek.

Yahoo sê soektogte vir Woods se naam het amper 4,000-voudig toegeneem oor die voorafgaande 30 dae.

Die verkeerstoename is nie so beduidend soos dié rondom Michael Jackson se dood en Barack Obama se inhuldiging nie, sê beide maatskappye. Yahoo se uitvoerende hoof, Carol Bartz, het hierdie week egter aan ‘n beleggingskonferensie in New York gesê dat die Woods-storie “beter as Michael Jackson wat gesterf het” was, as dit daarby kom om Yahoo te help om geld te maak, omdat dit makliker is om advertensies langs sappige stories te verkoop.

Bartz het selfs gesê dat Woods Yahoo “absoluut” sal help om hulle finansiële vooruitsigte hierdie kwartaal te haal, maar die maatskappy sê die hoof, wat gereeld stuitig is, het net gegrap.

‘n Les van vorige groot nuusgebeure is dat internetmaatskappye vinnig moet kapitaliseer in ‘n stuwing in verkeer, want belangstelling vervaag gou. Google se statistieke wys dat soektogte vir Michael Jackson sterk geloop het in die dae na sy dood maar dramaties afgeplat het binne ‘n paar weke.

насос для грязной

11 December 2009