Verbruikers steier steeds onder ekonomiese omstandighede, volgens gegewens wat vandag deur die Reserwebank bekendgemaak is.
Die SA Reserwebank het op sy webwerf gesê dat privaatsektorkrediet jaarliks met 0,42 persent vir Oktobermaand afgeneem het.
Dit volg op ‘n styging van 1,49 persent in September.
Gedurende dieselfde periode het die breed gedefinieerde M3-maatstaf vir die geldvoorraad met 2,67 persent teruggesak, vergeleke met 4 persent in die vorige periode.