Kategorie: Internasionale nuus

Nuus oor die wêreld buite Suider-Afrika

Trump-ondersteuners dreunsing ‘CNN suig’

Byna 10 000 kiesers het tydens ‘n Trump-byeenkoms gedreunsing “CNN suig” in Pennsylvania Maandagaand.

“Ek sê jou, hulle is so oneerlik. Sonder die media, sal Hillary Clinton nie eers verkies kan word as ‘n hondvanger nie,” het Trump gesê. “CNN is ‘n skande.”

Die nuuskanaal gee voor dat Hillary die tweede debat tussen haar en Trump gewen het, maar dit berus op ‘n skewe peiling. Feitlik elke ander hoofstroomnuusbron het blitspeilings oor die debat van hul webwerwe afgehaal omdat Trump ver voor is.

RSG en Media24 het intussen die onsin wat CNN die wêreld instuur, herhaal.

Die Republikeinse genomineerde sê CNN skakel kamera’s af as hy die netwerk kritiseer.

“Ek is mal oor WikiLeaks,” het Trump gesê by die byeenkoms in Wilkes-Barre, Pennsylvania waar byna 10,000 mense opgedaag het by die Mohegan Sun Arena by Casey Plaza, volgens Fox News. WikiLeaks is stadig maar seker besig om die omstrede eposse van Clinton se veldtogbestuurder John Podestà rugbaar te maak.

“Die skelm Hillary Clinton het gesê dat terrorisme nie ‘n bedreiging vir die land inhou nie,” het hy gesê.

“Laat ek jou vertel, terrorisme is ‘n groot bedreiging. Hillary erken dat ISIS die vlugtelingstroom kan infiltreer.”

Die skare het Hillary uitgejou in reaksie en gedreunsing: “Sluit haar toe!”

Die hoogtepunt van die debat was toe Trump die Russe se kant gekies het teen Clinton en haar NeoCon-konkelaars. Trump het hul Siriese charade ontbloot vir wat dit is.

Die CNN-moderator, Martha Raddatz, het hom probeer stilmaak, maar hy het aanhou praat.

Hy het gesê Hillary het geen idee wie die sogenaamde “rebelle” in Sirië is nie en dus is daar geen punt om hulle te verdedig nie.

Rusland het voorheen aangedui dat die “rebelle” in Sirië eintlik ISIS terroriste is. Trump het gesê ten minste veg Rusland teen ISIS, iets wat die VSA nie doen nie omdat hulle sulke swak leiers het wat patetiese besluite geneem het.

Clinton werk onverpoos vir oorlog teen Rusland

Net soos tydens die laaste Amerikaanse presidensiële debat wat lewendig uitgesaai is, het CNN se debatsmoderators Donald Trump herhaaldelik onderbreek. Trump het die een partydige moderator, Anderson Cooper uiteindelik gevra waarom hy nie toelaat dat Hillary Clinton se onwettige eposse bespreek word nie.

In die gehoor het Clinton se eggenoot Bill en haar dogter Chelsea bekommerd toegekyk.

Die Amerikaanse Demokratiese presidentkandidaat werk intussen onverpoos daaraan om ‘n oorlog met Rusland uit te lok.

Die tweede debat tussen Hillary en Trump in St Louis was vanoggend steeds aan die gang waar Clinton probeer het om anti-Russiese sentiment op te sweep.

Clinton het Rusland daarvan beskuldig dat die land probeer om die presidentsverkiesing in die guns van Donald Trump te swaai, deur die onderskepping van eposboodskappe.

Die organisasie WikiLeaks het voorheen by monde van Julian Assange verklaar dat hulle verdoemdende eposse oor Clinton gaan vrystel voor die verkiesing.

Clinton se onwettige verhouding met George Soros het dié naweek op die lappe gekom. Soros bestuur die swart opstande in die VSA teen die polisie deur skenkings aan Black Lives Matter én opdragte aan Clinton se adviseurs oor hoe om swart slagoffers se dood uit te buit om nuwe federale wetgewing in te bring.

Trump het die bevindings van sekere pro-Clinton organisasies verwerp dat Rusland agter die eposonderskeppings is, en sê daar is waarskynlik nooit inbreuk gemaak op eposse nie.

Clinton het ook onderneem om Rusland te ondersoek vir “oorlogsmisdade” in Sirië. Die aanval op die hulpkonvooi waarna sy verwys, is egter volgens verskeie bronne deur ISIS-magte in Sirië gepleeg.

Die VSA het die stryd in Sirië om ISIS-simpatiseerder te steun, so te sê verloor nadat Duitsland vlugte van hul Tornado-vegvliegtuie oor Aleppo gestaak het weens “los skroewe”.

Die NeoCons het vroeër probeer om verdeeldheid in die Republikeinse Party te saai teen Trump. NeoCon-ondersteuners het ‘n video van Donald Trump wat ‘n skunnige grappie oor vroue maak, vrygestel maar die poging was ‘n monumentale mislukking.

Die video, wat in 2005 opgeneem is, het eerder as “skok”, Amerikaners se lagspiere geprikkel.

Die akteur en rolprentregisseur Robert de Niro, getroud met ‘n swart vrou, het in ‘n video, wat ook Vrydag uitgereik is, gesê hy wil Trump in die gesig slaan.

De Niro was kennelik deel van die gekonkel om van Trump ontslae te probeer raak. Volgens The Guardian het die #VoteYourFuture-veldtog videos gemaak met verskeie openbare persoonlikhede wat mense aanmoedig om vir Hillary te stem, maar moes De Niro se oproep om geweld uitlaat omdat dit ‘n verleentheid was.

Die regisseur het dit Vrydag onafhanklik uitgereik.

Aso-vulkaan in Japan kom tot uitbarsting

Die Asoberg-vulkaan op die suidelike eiland Kjioesjoe in Japan het Saterdagoggend vir die eerste keer in langer as drie dekades tot uitbarsting gekom.

Dit is die eerste groot uitbarsting van dié vulkaan sedert Januarie 1980.

Vulkaanas is tot 320 km verder van Aso opgemerk nadat Japan se meteorologiese agentskap (JMA) gesê het die vulkaanas het tot 11 000 meter uitgeskiet.

Volgens die polisie is in hierdie stadium geen berigte van beserings nie.

Vulkaanas het daarna op huise, motors en paaie in die stad Aso neergesif.

Asoberg, een van Japan se mees aktiewe vulkane en gewilde staproet, lê sowat 1 592 meter bo seespieël.

‘n Kleiner uitbarsting verlede jaar het swart rook sowat twee kilometer die lug ingeblaas.

Japan lê op die sogenaamde “vuurring” in die Stille Oseaan met meer as 100 aktiewe vulkane.

Amerikaanse student dood in klippereën buite Addis Abeba

‘n Navorsingstudent aan die Universiteit van Kalifornië se departement plantbiologie, is in Ethiopië dood toe die voertuig waarin sy gery het, tydens oproer aan die buitewyke van die hoofstad, Addis Abeba, met klippe bestook is.

Volgens die universiteit was Sharon Gray in die Oos-Afrikaland vir ‘n vergadering oor haar navorsing toe sy gedood is.

Die Amerikaanse ambassade in Addis Abeba het haar dood in ‘n gebied wat die afgelope maande die toneel van dodelike betogings was, bevestig.

Gray is die eerste buitelander wat in die anti-regeringsopstand dood is, terwyl die onluste wat sedert November 2015 heers, reeds die lewens van honderde geëis het.

Vredestroepe van Ethiopië wat onder die Verenigde Nasies se sending in Suid-Soedan (UNMISS) ontplooi is, patrolleer intussen te voet buite die VN se beskermingsgebied vir burgerlikes in Juba.

Die VN het aangekondig dat, vanweë ’n toename in seksuele geweld buite die beskermingsgebied, UNMISS sy patrollies in en om die gebied verskerp het en vroue en jong meisies vergesel wanneer hulle in die wyer Juba-stadsgebied beweeg.

Thailand deporteer Hongkong-aktivis

Die Hongkong-aktivis vir “demokrasie”, Joshua Wong, het Woensdag na Hongkong teruggekeer nadat hy deur die junta-beheerde Thailand gedeporteer is.

Hy sou in Thailand deelgeneem het aan betoging om die “massamoord van studente-aktiviste te herdenk”.

Hy en sy ondersteuners gee egter China die skuld vir sy aanhouding, en nie Thailand nie.

Die 19-jarige Wong, bekend vir sy rol in Hongkong se mislukte “sambreel-beweging”van 2014, is met sy aankoms op Bangkok se Suvarnabhumi-lughawe­ vir 12 ure aangehou voordat hy na Hongkong teruggestuur is.

Mesaanval op twee polisielede is terreur sê Belgiese aanklaer

Die Belgiese federale aanklaer sê die mesaanval waarin twee polisiemanne beseer is, was daad van terreur.

Volgens die Belgiese polisie was die twee polisiebeamptes ten tyde van die aanval in private kleredrag geklee. Hulle het nie enige lewensbedreigende beserings opgedoen nie.

Die Moslemverdagte, Hicham Diop asook sy broer is in polisieaanhouding, het aanklaer gesê.

Volgens ’n polisiebeampte het die aanvaller van die toneel probeer vlug, maar hy is deur ’n polisiebeampte in die been geskiet.

Die aanval het in die Schaerbeek-gebied in die noorde van Brussel plaasgevind.

Dit volg twee maande nadat twee polisievroue in die suidelike Belgiese stad Charleroi gewond is toe hulle aangeval is deur ’n man met ’n kapmes bewapen en wat “Allahu Akbar” (God is groot) geskree het.

Die Islamitiese Staat-groep (IS) het verantwoordelikheid vir die aanval aanvaar.

Brussel is steeds in skok nadat ISIS-selfmoordbomaanvalle in Maart op ’n moltreinstasie en by die stad se lughawe die lewe van 32 mense geëis het.

Die bomme vir die Brussel-aanvalle en die November 2015-aanvalle in Parys is in Schaerbeek vervaardig.

Minstens 330 dood na orkaan Haïti tref

Die presidentsverkiesing in Haïti moes uitgestel word weens die orkaan Matthew en minstens 330 mense is in Haïti en die Dominikaanse Republiek dood in die verwoesting.

Wat beskryf word as mees verwoestende Karibiese orkaan in byna ‘n dekade, het Haïti Dinsdag getref met winde van 230 km/h, storm­reën en reusegolwe.

Bote en opdrifsels was teen die paaie langs die kus in die suidwestelike deel van Haïti opgedam.

Amptenare het die ramp as die ergste humanitêre krisis sedert 2010 se aardbewing bestempel.

Meer as drieduisemnd huise is langs die suidelik skiereiland verwoes en minstens 350 000 mense het hulp van die een of ander aard nodig.

Daar is ook kommer dat die cholera-epidemie wat reeds minstens seweduisend lewens sedert 2010 geëis het, aansienlik gaan vererger weens die omstandighede na die orkaan.

Die storm het ook erge skade in Kuba aangerig waarna dit aanbeweeg het na die Bahamas en die laer ooskus van die VSA.

Meer as 1,5 miljoen mense in dele van Florida in die VSA is intussen aangeraai om die gebied te ontruim.

Goewerneur Rick Scott het inwoners­ gewaarsku dat die orkaan die gebied direk kan tref, met moont­like katastrofiese gevolge.

Honderdduisende mense het reeds in ander deelstate aan die ooskus, soos Suid- en Noord-­Carolina, elders skuiling gaan soek.

Ten minste 12 miljoen mense in die VSA word geraak deur sulke storms.

Kenia se verkiesingskommissie bedank

Die kommissarisse van Kenia se verkiesingskommissie het Woensdag bedank as deel van ’n ooreenkoms met opposisiepartye, wat vroeër vanjaar gewelddadige betogings in die land teen die kiesstelstelsel gelei het.

Die aankondiging dat al tien lede van die onafhanklike verkiesings- en afbakeningskommissie bedank het, is in ’n verklaring deur die Keniaanse regering aangekondig.

Ondertussen berig AFP dat ses mense in die noordooste van Kenia gisteroggend deur vermeende al-Sjabaab militante vermoor is.

Die aanval het in die dorp Mandera plaasgevind en ’n omheinde residensiële gebou geteiken waar hoofsaaklik nie-etniese Somali’s en nie-Moslems tuisgaan.

Ivoorkus se nuwe grondwet ‘n poging spanning te ontlont

Die Ivoorkus se pres. Alassane Ouattara het ‘n beroep op die parlement gedoen om ‘n nuwe grondwet te aanvaar.

Ouat­tara het in sy herverkie­singsveldtog verlede jaar beloof om die grondwetlike vereiste te verwyder dat presidentskandidate se ouers natuurlik gebore Ivoorkusburgers moet wees. Dit is ’n teer punt in ’n land wat vir lank immigrante uit naburige lande getrek het.

Nasionaliteit was die middelpunt van die krisis wat in 1999 tot ’n staatsgreep gelei het en die oorsaak was van die 2002-2003-burgeroorlog, wat die Wes-Afrikaland die afgelope agt jaar verdeel gelaat het.

In die konsepgrondwet wat Ouattara Woensdag in die parlement voorgelê het, word die klousule versag wat in die verlede sy opponente verhinder het om as kandidate in verkiesings te staan. Dit het ook ’n simbool van uitsluiting van inwoners van die noordelike gebiede geword. Hierdie inwoners se familiebande strek dikwels oor grense.

“Hierdie is die geleentheid om ’n nuwe blaadjie om te slaan en agtereenvolgende krisisse in die land agter die rug te kry en ’n nuwe maatskaplike onderneming aan te gaan,” het Ouattara aan wetgewers in die nasionale vergadering gesê.

Ouattara is in 2010 verkies, al het sy oorwinning ’n tweede oorlog ontketen waarin minstens 3 000 mense dood is, nadat pres. Laurent Gbagbo geweier het om die nederlaag te aanvaar.

Gbagbo staan nou in die internasionale geregshof tereg vir misdade teen die mensdom.

Die parlement het tot 15 Oktober om die teks van die grondwet goed te keur vóór dit by wyse van ’n referendum op 30 Oktober aan die publiek voorgelê word.

Ander wysigings verwyder die maksimum ouderdomsbeperking van 75 jaar vir presidentskandidate en maak dit ook makliker om die grondwet in die toekoms te wysig.

Opposisiepolitici en burgerlike samelewingroepe het die proses om die grondwet op te stel, gekritiseer en sê dit is sonder konsensus en deursigtigheid gedoen.

Portugees aangewys as Ban Ki-Moon se opvolger

Die voormalige Sosialistiese premier van Portugal, Antonio Guterres sal later vandag amptelik deur die Veiligheidraad bekragtig word as kandidaat vir die amp van sekretaris-generaal van die Verenigde Nasies.

As hoof van die UNHCR se vlugtelingagentskap tussen 2005-2015, het Guterres het die agentskap deur die wêreld se ergste vlugtelingkrisisse gelei, naamlik Sirië, Afghanistan, Irak.

Na ses stemgeleenthede het Guterres dertien uit die vyftien lede van die Veiligheidsraad se stemme gehad, en twee lede het buite stemming gebly.

Die finale formele stemming in die Veiligheidsraad vind vanoggend om 10-uur Amerikaanse tyd plaas. Die Algemene Vergadering moet die aanwysing bekragtig.

Sy toetrede tot die politiek kom van 1976 na Portugal se staatsgreep.

Daar was teleurstelling onder die veldtogvoerders wat vir ‘n eerste vroulike sekretaris-generaal gehoop het of ‘n kandidaat uit Oos-Europa, ‘n gebied wat nog nooit die posisie beklee het nie.

Die Russiese ambassadeur by die VN het Guterres se aanstelling verwelkom.

Orban het migrantekrisis aan EU blootgelê

Hongarye se eerste minister, Viktor Orban, sal na verwagting die migrasiekwessie hoog op die sakelys hou, selfs ná ’n lae stempersentasie tydens die referendum teen die Europese Unie (EU) se vlugtelingkwotas wat hy oorweldigend gewen het.

Sy kritici beweer dat die lae persentasie die stemmery ongeldig gemaak het, maar die verkiesingsuitslae het byna eenparig die regering se standpunt oor migrasie gesteun.

Orban en sy Fidesz-party sal kiesers se afkeur van migrante gebruik om die aandag af te trek van kwessies soos korrupsie en probleme in die gesondheid- en onderwyssektor, het ’n politieke ontleder, Csaba Toth, gesê.

Alhoewel die aantal kiesers wat by die stembus opgedaag het, net minder is as die vereiste 50 persent plus een wat nodig is om die uitslae amptelik te maak, kan die ongewilde Duitse kanselier Angela Merkel en die EU Kommissie nie kiesers se weerstand teen die instroming ontken nie.

Minstens 28 migrante wat die EU wil binnedring, is naby die kus van Libië dood toe ván hulle in ‘n oorlaaide boot versmoor het.

Volgens berigte was daar nagenoeg eenduisend mense op die houtboot.

Migrante spring gereeld oorboord wanneer die Italiaanse kuswag hul vaartuie nader om “gered” te word. Die kuswag word deur wetgewing verplig om reddingsoperasies in die see noord van Libië uit te voer.

Hulle het die week reeds meer as 1800 mense aan die Libiese kus uit die see getrek en na Italië geneem.

Visepresidentskandidaat Mike Pence vernietig Tim Kaine

Donald Trump se gewilde keuse van ’n visepresident, Mike Pence, het met die Demokrate se visepresidentskandidaat, senator Tim Kaine, gedebatteer in hul enigste debat van die huidige Amerikaanse ver­kiesingsveldtog.

Die uitslag was geen verrassing nie: Mike Pence het Tim Kaine op elke moontlike manier wat saak maak in die stof getrap.

Pence was ernstig, meer volwasse, meer ingelig, meer sy eie man, meer van ‘n leier. Kaine was mislik, kleinlik, geneig tot onderbrekings, en tevrede met die status quo.

Met net vyf weke oor voor die Amerikaanse verkiesing op 8 November, hoop die Demokrate dat kwessies rakende Trump se belasting en nou ook ’n beletsel deur die New Yorkse prokureur-generaal op die Donald J. Trump Stigting om geen geld meer in New York in te samel nie, dat hulle die knoop kan deurhaak.

Hillary Clinton is voorts senuweeagtig oor Julian Assange van WikiLeaks se belofte dat hulle materiaal gaan vrystel wat haar veldtog gaan sink.

Assange wou nie gister tydens ‘n aanlynmediakonferensie in Berlyn nadere besonderhede gee nie. Hy het net gesê die onthullings kom en dat hy geen persoonlike haat jeens Clinton voel nie.

Die twee presidentskandidate se volgende debat is Sondag.

Trump het op sy beurt ’n byeenkoms van militêre veterane in Virginia toegespreek waar hy Clinton opnuut gekasty het oor die hantering van vertroulike inligting via “’n private e-posdiener in haar kelder”.

Soos gewoonlik het die skewe media se meningsopnames waaronder Politico/Morning Consult en CNN/ORC gewys dat Clinton onderskeidelik ’n ses en vyf persent voorsprong bo Trump het.

Trump het egter reeds ‘n voorsprong in die swaaistaat Ohio.

‘Groot humanitêre toestand’ na orkaan Haïti tref

Die orkaan Matthew het groot skade aan Jamaika en Haïti Maandag aangerig. Swaar reën het die eilande deurdrenk, strate in riviere omskep en baie mense na noodskuilings laat vlug.

Twee mense is reeds in Haïti dood wat die totale sterftes vanweë die storm op vier te staan bring.

Die suidelike deel van die eiland is tans afgesny nadat die brug na die hoofstad, Port-au-Prince, in duie gestort het.

Die VN het gesê dat die land sal nou die “grootste humanitêre toestand” in die gesig staar sedert die groot aardbewing in 2010.

Ten minste 10.000 mense het skuilings opgesoek en daar was verslae van oorvol hospitale en tekorte aan vars water, het Mourad Wahba, die spesiale verteenwoordiger van die VN vir Haïti, gesê.

Meer as 4 miljoen kinders kan blootgestel wees aan orkaanskade, volgens Unicef. Hulle het gewaarsku teen die verspreiding van siekte.

Matthew is een van die kragtigste Atlantiese orkane in die onlangse geskiedenis.

Matthew gaan gepaard met winde van tot 230 kilometer per uur. Die oog van die orkaan sou na verwagting Dinsdag net oos van Jamaika en naby of oor die suidwestelike punt van Haïti beweeg het voordat dit na die ooste van Kuba trek.

Die Clinton-veldtog raak toenemend senuagtig dat ‘n gebrek aan entoesiasme in die swart gemeenskap van die deelstaat Florida hulle die staat kan kos na die orkaan.

Groeiende skeptisisme teenoor die Demokratiese presidensiële kandidaat binne Haïtiaans-Amerikaanse gemeenskap dreig om die probleem te vererger.

Onder Haïtiane het Clinton het ten minste twee struikelblokke om te oorkom: die korrupsie van die Clinton Foundation ná ‘n verwoestende aardbewing daar in 2010, volgens onderhoude met gemeenskapsleiers.

Die tweede probleem vir Clinton, is dat die Obama-administrasie verlede maand skielik ‘n sesjaar-pouse op deportasies na Haïti gelig het. Die pouse was in die nasleep van die aardbewing in 2010 in werking gestel.

Egiptiese polisie skiet twee van Moslembroederskap

Egiptiese polisie het twee lede van die Moslembroederskap doogeskiet.

Een was die senior leier van die onwettige Islamitiese groep, het ‘n woordvoerder van die ministerie van binnelandse sake Dinsdag bekend gemaak.

Volgens die ministerie was Mohamed Kamal die hoof van die militêre vleuel van die beweging van afgesette pres. Mohamed Morsi, al het die groep dit nog altyd ontken.

Volgens die ministerie is Kamal en nog ‘n lid van die Broederskap, Yasser Shehata, Maandag dood in ‘n skietgeveg toe die polisie ‘n klopjag op hul skuiling in die suidooste van Kaïro uitgevoer het.

Die Moslembroederskap het ‘n opstand gereël in 2011 teen die Egiptiese leierskap, as deel van die Amerikaans-geleide “Arabiese Lente”.

Maar op 3 Julie 2013, het die minister van verdediging, genl Abdel Fattah El-Sisi, van Morsi en sy fanatiese ondersteuners ontslae geraak.

Sedertdien het die Egiptiese owerhede Morsi-ondersteuners genadeloos gejag.