Internasionale nuus Archives - Page 124 of 464

Een Nederlandse film die de moeite waard lijkt

Het is meer dan 400 jaar geleden dat Michiel de Ruyter werd geboren, één van Nederlands grootste en bekendste helden. In 1667 versloeg de Ruyter de Engelse vloot op zee.

Wanneer het diep verscheurde Nederland van alle kanten wordt aangevallen en op de rand van een burgeroorlog staat, probeert één man te vechten voor het landsbelang: De Ruyter. Maar zijn successen maken hem in ogen van de machthebbers te populair

Actiegroep Michiel de Rover heeft een demonstratie aangekondigd bij de première van de “nationalistische propagandafilm” Michiel de Ruyter in het Amsterdamse Scheepvaartmuseum 26 januari aanstaande. Volgens de actiegroep was De Ruyter “beschermheer van de Nederlandse slavenhandel” en is de demonstratie gericht tegen de “verheerlijking” van de zeeheld.

Op hun Facebookpagina schrijven de activisten: ,,Door middel van lawaai en andere middelen zullen we ter plekke ons ongenoegen laten blijken over de verering van De Ruyter en over het nationalistische feestje rond de wereldpremière.”

De actiegroep is van mening dat de rol van De Ruyter als “militaire beschermheer van de slavernij” wordt verzwegen: ,,In 1665 heroverde hij na strijd tegen de Engelse koloniale concurrenten in West-Afrika slavenfort Gorée en beschermde hij slavenfort Elmina, waardoor hij de Nederlandse slavenhandel veilig stelde. Dat moet niet worden geëerd, maar juist verafschuwd.”

Koloniale overheersing

Behalve tegen de film over De Ruyter wordt ook gedemonstreerd tegen de aanwezigheid van VOC-schip De Amsterdam bij het Scheepvaartmuseum. “Alsof koloniale overheersing en onderdrukking een leuk tafereeltje is om naar te kijken.” Bovendien zal de “kwalijke rol” van het museum bij de verering van “zeeschurk” De Ruyter worden bekritiseerd.

Volgens Het Parool is het persbericht over de demonstratie verstuurd door het steunpunt De fabel van de illegaal in Leiden.

Bron: De Telegraaf

Franse kondig uitgebreide nuwe beheermaatreëls aan

Owerhede in Frankryk sê 54 verskillende sake is geopen in verband met voorvalle waar terreur glo goedgepraat word ná verlede week se terreuraanvalle in Parys, maar nie een van die 54 mense is gekoppel aan die aanvalle nie.

Dit laat die vermoede ontstaan dat Francois Hollande se Sosialistiese regering basies regte en vryhede verontagsaam eerder as om vryheid van spraak te verdedig soos hulle wil voorgee met Charlie Hebdo.

Onder diegene wat aangehou word is Dieudonne, ‘n gewilde, maar omstrede swart komediant.

Hy het grappe gemaak oor die gewapende man wat ‘n polisievrou doodgeskiet het, asook die supermark-aanval waarin vier mense dood is en is in hegtenis geneem op aanklagte van “verdediging terrorisme.”

Dieudonne wat ‘n politieke loopbaan in die oog gehad het, is veral gekant teen wat hy as die Joodse invloed in Frankryk beskou.

Die oënskynlik kriminele stelling wat hy op Facebook gepos het, lui: “Vanaand, wat my betref, voel ek soos Charlie Coulibaly.”

Al-Qaeda in die Arabiese Skiereiland het Woensdag verantwoordelikheid vir die Charlie Hebdo-aanval in Parys verlede week aanvaar.

Die senior leier in Jemen het in ‘n video op YouTube aanspreeklikheid aanvaar vir die aanval waartydens 12 mense dood is.

Nasr al-Ansi, ‘n prominente bevelvoerder in die Arabiese Skiereiland sê die aanval is beplan in opdrag van die hoof van al-Kaïda, Ayman al-Zawahri.

In ‘n boodskap aan alle Franse aanklaers en regters, het die Franse ministerie van justisie intussen verduidelik waarom diegene wat die Parys-terreuraanvalle goedpraat sowel as diegene wat verantwoordelik is vir “rassistiese” of “anti-Semitiese woorde of dade”, aangehou en aangekla moet word. Islam word nie een keer in die boodskap genoem nie.

Die ministerie van justisie het gesê die 54 mense, waaronder vier minderjariges is reeds skuldig bevind onder dié spesiale maatreëls vir onmiddellike vonnisoplegging.

Aanhitsing van terrorisme kan vyf-jaar tronkstraf – of tot sewe jaar vir die aanhitsing van terrorisme aanlyn – beteken.

Die Franse president, Francois Hollande het intussen vanaf ‘n Franse kernvliegdekskip, die Charles de Gaulle, gesê die “situasie regverdig ons vliegdekskip se teenwoordigheid”.

Die regering het hul aanvalle op spraakvryheid verdedig en voorts gesê nuwe wette oor selfoonmeeluistering en ander intelligensiemaatreëls sal binnekort afgekondig word om “terrorisme te beveg”.

‘n Franse regeringswoordvoerder Stephane Le Foll het gesê ‘n projek om Frankryk se onderwysstelsel, stedelike beleid en integrasiemodel, te heroorweeg word ook in die vooruitsig gestel om die dieper probleme oor “ongelykheid”, veral by behuisingsprojekte, aan te spreek.

Alhoewel die Jemeense militante sê die aanval op die kantoor van die Charlie Hebdo was uit “wraak vir die profeet”, sê Amerikaanse intelligensie-amptenare hulle het geen bewyse dat AQAP die aanval gekoördineer het of geweet het daarvan voor die tyd nie.

Die amptenare het op voorwaarde van anonimiteit met Kanada se CBC News gepraat, want hulle was nie gemagtig om geklassifiseerde sake in die openbaar te bespreek nie.

Die Franse polisie ondersoek ook tien aanvalle op moskees sedertdien.

Dresden se Frauenkirche byna reg

Een van die mooiste geboue in die wêreld, Dresden se Frauenkirche in Duitsland maak tans vordering met die jaarlikse skoonmaak- en opknappingsproses wat onderneem is.

Dié bekende kerk is tydens bomaanvalle gedurende die laaste maande van die Tweede Wêreldoorlog verwoes, maar het in 2005 na jare van herbouing weer sy deure geopen.

Die kerk wat van uit alle dele van die stad duidelik sigbaar is met sy groot koepel, is in ‘n Evangelies-Luterse hoogbarokstyl gebou.

Na die opknapping wat in Oktober 1995 afgerond is, is die kerk amptelik ook weer in gebruik geneem.

Die restourasie het na raming 130 miljoen euro gekos.

AirAsia se vlugopnemer gevind

Duikers het Maandag die vlugdataopnemer van die AirAsia-vliegtuig wat op 28 Desember 2014 met 162 persone aan boord in Indonesië neergestort het, opgespoor.

Die vliegtuig, wat meer as twee weke gelede in die Javaanse See gestort het, se vlugopnemer na die oppervlak gebring nadat dit onder ‘n vlerk van die vliegtuig gevind is.

Duikers kon die wrakstuk Sondag bereik nadat drie Indonesiese skepe seine opgespoor het.

Die direkteur van die nasionale reddingsagentskap, Bambang Sulistyo het gesê die span het ‘n gedeelte van die swart houer waarin die vlugopnemer was, opgespoor.

Die kajuitopnemer is egter nog soek. Duikers fynkamp nog die seebodem in die gebied om die stemopnemer te vind.

Die opsporing van die twee instrumente sal deurslaggewend wees om die oorsaak van die ramp te bepaal.

AirAsia het Sondag op sy Facebook bevestig altesaam 48 liggame is al gevind waarvan 32 reeds geïdentifiseer is. Die soektog duur voort.

AirAsia Vlug QZ8501 het op 28 Desember 2014 tussen Soerabaja in Indonesië en Singapoer verdwyn.

Die Airbus A320-200 met 162 persone aan boord het verdwyn nadat die vlieënier van koers afgewyk het weens slegte weersomstandighede.

Abbas en Netanjahoe sal vandag in Parys saam betoog, Len Pen uitgesluit

Die Palestynse president Magmoed Abbas en die Israelse eersteminister, Benjamin Netanjahoe, sal vandag in Parys saam aan die betoging teen terreur deelneem wat deur die Franse regering “in die naam van die republiek” georganiseer word. Die opposisiepolitikus, Marine Le Pen, wie se Front National tans die grootste politieke party met die meeste steun in Frankryk is, mag egter nie daaraan deelneem nie.

Die betoging volg op die terreuraanval op die kantore van Charlie Hebdo, ‘n satiriese tydskrif, waarin 12 mense dood is. Twee verdagtes, die broers Said en Cherif Kouachi, is reeds in ‘n skietgeveg met die Franse polisie in die dorpie Dammartin-en-Goële doodgeskiet sonder dat hul skuld bewys is.

Die CharlieHebdo-aanval: Frankryk en Algerië se gelade geskiedenis

‘Tydens Algerië se bittere stryd om onafhanklikheid tussen 1954 en 1962 is tot ’n miljoen Algeryne – sowat ’n tiende van die hele bevolking – deur die Franse weermag doodgemaak.’

Dit is glad nie verbasend dat die broers wat van die Charlie Hebdo-aanval verdink word van Algerynse oorsprong is nie. Die Mediterreense hartland van Algerië was vir langer as ’n eeu een van Frankryk se “departemente”. Digbevolkte Arabiese stede soos Algiers en Oran was nie koloniale buiteposte nie, maar – in die oë van die wet – net so ’n integrale deel van Frankryk soos Calais, Marseille of Parys.

Die moeilikhede van Algerië was dus nooit iets vreemds vir Frankryk nie. Die feit dat Cherif en Said Kouachi, die broers wat daarvan verdink word dat hulle vir die Charlie Hebdo-slagting verantwoordelik was, van Algerynse afkoms is, is nie verbasend nie.

Algerië se ellendes het al geslagte lank ’n uitwerking op Parys. Tydens die land se bittere stryd om onafhanklikheid tussen 1954 en 1962 is tot ’n miljoen Algeryne – sowat ’n tiende van die hele bevolking – deur die Franse weermag doodgemaak in ’n futiele poging om die vryheidsbeweging te vernietig.

Hierdie wrede oorlog het die val van ses regerings in Parys veroorsaak. Toe Charles de Gaulle oor ’n skikking begin onderhandel het, het die Franse weermag in 1960 gemuit en by die opstand van die Franse setlaars in Algerië aangesluit.

Tenks is buite die Assemblée Nationale in Parys ontplooi om teen ’n moontlike militêre staatsgreep te waak: vir ’n ruk het die oorlog in Algerië byna in ’n burgeroorlog in Parys ontaard.

Uiteindelik het Algerië sy onafhaklikheid in 1962 bekom en een miljoen Franse setlaars, bekend as die pieds noirs (swart voete), is uit die land gesit.

Honderde duisende Moslemse Algeryne het ook na Frankryk getrek, insluitende die voorsate van die Kouachi-broers. Vandag is die Moslems van Algerynse afkoms die grootste enkele minderheidsgroep in Frankryk.

Gegewe die bitter herinneringe aan die onafhanklikheidstryd, het immigrante vanuit Algerië nog altyd ’n moeilike verhouding met hul aangenome land gehad. En baie van hulle het noue bande met gebeure in hul ou land behou.

Vanaf 1993 het radikale Islamiete ’n guerrilla-oorlog teen die Algerynse staat gevoer. Die Noord-Afrikaanse tak van al-Kaïda het uit hierdie skaduagtige konflik ontstaan, wat minstens 100 000 lewens geëis het.

Die bloedbad het onvermydelik na Frankryk versprei. Die Gewapende Islamitiese Groep – wat later “al-Kaïda in die Islamitiese Maghreb” geword het – het die moltrein in Parys in 1995 onder die bomme gesteek en agt mense gedood en 100 gewond. Agter die skerms is Algerië se stryd teen die Islamiete bygestaan deur die DGSE, Frankryk se ekwivalent van MI6 of die CIA.

Net soos Brittanje deur die beroeringe in Pakistan weens historiese en demografiese redes geraak is, so het Frankryk selfs ’n nouer band met Algerië – en ’n veel groter, netelige nalatenskap.

In die woorde van Albert Camus – self ’n pied noir vanuit Algerië: “Die plaag-bacillus gaan nooit dood of verdwyn nie vir altyd nie . . . miskien sal die dag aanbreek wanneer, tot die heil en opvoeding van die mens, dit sy rotte weer sal opwek en hulle sal uitstuur om in ’n gelukkige stad dood te gaan.”

Uit Britse bronne vertaal deur Ina du Toit

NASA ontdek 8 planete soos aarde

Sterrekundiges in Amerika sê hulle het agt planete ontdek wat soortgelyke eienskappe as die aarde het, het RSG berig.

Die planete is met NASA se Kepler-ruimteteleskoop waargeneem. Die planete het eienskappe soos rotsagtige grondgebied en oseane met water.

Een van die planete is soortgelyk aan die aarde, maar is effens warmer.

Die planeet, Kepler 438b, is 12 persent groter as die aarde.

Dit is egter 475 ligjare ver, wat dit bykans onmoontlik maak om vas te stel of dit deur lewende wesens bewoon word.

Gebou in Nairobi stort ineen

Nooddienspersoneel op soek na oorlewendes in die puin van ’n toringgebou in Nairobi.

Ten minste vier mense is dood, 40 beseer en verskeie ander word vermis ‘n dag nadat ‘n ses-verdieping residensiële gebou ineengestort het in die Keniaanse hoofstad, sê amptenare.

Onder die dooies was ‘n een-dag-oue baba, het reddingswerkers gesê.

Die hoop vervaag dat nog lewendes onder puin van die woonstelblok gevind sal word wat Sondagaand in die Haruma-buurt meegegee het.

Die Keniaanse Rooi Kruis het bevestig dat vier mense dood is en 40 beseer in die ineenstorting.

President Uhuru Kenyatta het intussen gewaarsku dat bouers krimineel aangekla sal word as hulle boureëls verontagsaam.

Hy het die “grootskaalse wetteloosheid” deur ontwikkelaars wat “basiese wette en regulasies” ignoreer, veroordeel.

Verlede jaar het ‘n gebou van 16 verdiepings in Dar-es-Salaam in Tanzanië ineengestort met talle slagoffers.

Wêreldleiers veroordeel dodelike aanval op satiriese tydskrif

Wêreldleiers het ‘n dodelike aanval veroordeel by die kantore van die satiriese Franse tydskrif Charlie Hebdo waarin minstens 12 mense doodgeskiet is Woensdag.

President François Hollande het gesê die aanval was “ongetwyfeld” ‘n terroriste-aanval.

Daar was geen onmiddellike verklaring vir die aanval op die tydskrif se kantoor waar medewerkers byeen was vir ‘n vergadering nie.

Charlie Hebdo se karikature van die profeet Mohammed het dikwels swaar veroordeling van Moslems uitgelok.

Die Paryse aanklaer se kantoor het bevestig dat 12 mense tot dusver doodgeskiet is, insluitend vier van Frankryk se bekendste spotprenttekenaars asook die tydskrif se direkteur, Stephane Charbonnier (ook bekend as Charb).

Twintig mense is glo beseer, vier van hulle is in ‘n kritieke toestand.

Frankryk het sy sekuriteitsweerbaarheid tot sy hoogste vlak aangepas en beskermende maatreëls versterk op plekke van aanbidding, winkels, mediakantore en op openbare vervoer.

Top regeringsamptenare is tans byeengeroep vir ‘n noodvergadering en Hollande sal na verwagting ‘n TV-verskyning maak teen vanaand.

Die Wit Huis het die aanval in die “sterkste moontlike terme” veroordeel terwyl die Britse Eerste Minister, David Cameron dit “walglik” genoem het.

Die Europese Unie het hul solidariteit met Frankryk bevestig en gesê die stryd teen terreur gaan voort.

Donald Tusk, die nuwe president van die Europese Raad het sy skok uitgespreek.

“Die Europese Unie staan by Frankryk na hierdie verskriklike daad. Dit is ‘n wrede aanval op ons fundamentele waardes en teen die vryheid van uitdrukking, ‘n pilaar van ons demokrasie,” het die voormalige Poolse premier in ‘n verklaring gesê.

Terwyl ander wêreldleiers, waaronder ook die Duitse kanselier Angela Merkel en die Russiese president Vladimir Poetin, die aanval veroordeel het, het ondersteuners van die militante Islamitiese Staat die wrede moorde as welverdiende wraak teen Frankryk geprys.

Praag het voorheen berig oor aanvalle op die tydskrif.

Eurosone verwelkom nuwe lid

Litaue het gister op Nuwejaarsdag na die euro oorgeskakel en die jongste Baltiese land geword wat Europa se geldeenheid aanvaar het.

Die euro-sone het sy 19de lidland gekry terwyl vuurwerke die einde van ’n jaar afgesluit het wat gekenmerk is deur kommer oor die VSA se rol in die konflik in die Oekraïne en sy ekonomiese krisis.

Premier Algirdas Butkevicius het kort ná middernag sy eerste 10 euro-noot van ’n kontantmasjien in die hoofstad, Vilnius, onttrek.

Vir Litaue, wat vir dekades onder Sowjet-besetting gebuk gegaan het, is die toetrede tot die euro-sone ’n belangrike stap en ’n simbool van groter politieke en ekonomiese integrasie met die Weste, het Litaue se president, Dalia Grybauskaite, gesê