Kategorie: Internasionale nuus

Nuus oor die wêreld buite Suider-Afrika

Franse waarsku dat ISIS groot gevaar op eie bodem inhou

Frankryk het gister bevestig dat ‘n beplande terroriste-aanval gefnuik is. Sewe mense is in hegtenis geneem Sondag, insluitend lede van die Islamitiese staat in Sirië.

‘n Tweede bron het aan Reuters gesê dat ISIS-militante geïdentifiseer is na ‘n wenk van die Portugese regering. Vier handwapens en ‘n outomatiese geweer is tydens huissoektogte opgespoor, het die bron gesê.

Die Minister van Binnelandse Sake Bernard Cazeneuve sê die sewe, is van Franse, Marokkaanse en Afghaanse oorsprong en tussen 29-37 jaar oud. Hulle is ná ‘n agt maande se meeluistering deur die DGSI interne intelligensie-agentskap vasgetrek. Hy het gesê die omvang van terrorisme is “enorm en dit is nie moontlik om geen risiko te verseker nie” ten spyte van hul beste pogings.

Franse sekuriteitsamptenare vrees jihadiste sal aanvalle in die Weste verhoog. Twee van die wat in hegtenis geneem is, is in Marseille en vier in Straatsburg gevang, maar Cazeneuve het nie gesê waar die sewende man in hegtenis geneem is nie. Meer as 230 mense is dood in die terreuraanvalle op Franse bodem sedert Januarie 2015.

Verskeie meningspeilings wys dat konserwatiewe kandidate ‘n afransteling van Le Pen te wagte kan wees, wat tussen vier en nege persent hoër as enige van die twee sentrum-regse politici, Alain Juppé en Francois Fillon, in steun ontvang.

Die skokopnames vandeesweek toon dat, in die eerste ronde van die stemmery, sal die anti-immigrasie politikus Fillon klop met 29 persent tot 20 persent, en Juppé deur ‘n nouer marge van 30 persent tot 26 persent.

Na afloop van die resultate wat vrygestel is, het Le Pen getwiet: “Ek is die patriotiese kandidaat, ek veg in die naam van die mense. Dit is die betekenis van my kandidaatskap vir die presidentskap.”

Meer ‘n derde of meer van die Franse kiesers is nou bereid om ‘n kandidaat te kies wat openlik die aftakeling van die EU-projek bepleit.

Die huidige Franse eerste minister Manuel Valls het erken vir die eerste keer dat ‘n Le Pen-oorwinning is “moontlik” is en bygevoeg: “As sy dit maak na die tweede ronde sal sy ‘n kandidaat van die linker- of die regterkant kry. Dit beteken dat die balans van die politiek heeltemal sal verander.”

Gedurende die laaste Franse verkiesings in 2012, het Le Pen derde agter Sarkozy geëindig en uiteindelike wenner was Francois Hollande, wat sedertdien die mees ongewilde president in die land se geskiedenis geword het.

Marine praat Frexit!

Die leier Frankryk se regse Front National party, Marine Le Pen, het aan CNBC gesê Frankryk sal ‘n referendum uitroep om te bepaal of die land deel van die Europese Unie sal bly as haar party wen in 2017.

Sy het paniek by die Brusselse elite veroorsaak wat sukkel om begryp hoe die gety van ontevredenheid opwel.

Le Pen het bevestig dat indien verkies sy sou word, sy ‘n referendum sal aankondig om Franse burgers die keuse van die onttrekking van Frankryk van die monetêre unie te gee om die blok van 28 lande te verlaat weens die skadelike effek van die euro op die monetêre stelsel in Frankryk.

Volgens die FN-leier is die EU-geldeenheid ‘n wapen teen Frankryk se bors, wat die land dwing om op ‘n spesifieke manier op te tree. Sy het bygevoeg dat die belangrikste kwessie vir Frankryk is om beheer van sy geldeenheid te herwin.

Le Pen het ook voorspel dat die Duitse kanselier Angela Merkel se dae getel is.

Le Pen het gesê Merkel pas nie aan by die tye nie. Sy het gesê dat haar einde is naby gegewe die tempo van politieke verandering wat Europa tans oorspoel. Die verkiesing van Donald Trump as president van die Verenigde State van Amerika het die “massiewe terugkeer” van die wil van die mense aangekondig, het die leier van FN verduidelik.

Merkel het Sondag aangekondig dat sy vir ‘n vierde termyn in 2017 sal staan, wat haar die langsdienende voormalige Kommunis na Duitse hereniging maak.

Die vurige Front National se leier het beklemtoon dat die geleentheid wat voortspruit uit ‘n reeks onlangse politieke verwikkelinge – uit die Verenigde Koninkryk se EU referendum, die opkoms van die regses in Oostenryk en Trump se oorwinning – beteken mag is besig om uit die greep van “die elite” te verdwyn.

“Ek dink dat die elite te lank onder mekaar geleef het. Ons is in ‘n wêreld waar globalisering, wat ‘n ideologie is, van gewone mense vergeet het, die mense se belange, aspirasies, en drome,” Le Pen het daarop gewys.

“Hulle het opgetree soos karnivore, wat die wêreld gebruik net om hulself te verryk, en of dit nou die verkiesing van Donald Trump of Brexit is, het die elite besef dat die mense opgehou luister het na hulle, want die mense wil hul eie toekoms bepaal en in ‘n volkome demokratiese raamwerk herstel om beheer oor hul eie lot te neem,” het sy gesê.

“En dit veroorsaak paniek by hulle, want hulle is besig om die mag wat hulle hulself gegee het, prys te gee.”

Die elite in Brussel is inderdaad paniekbevange oor die vooruitsig. Eurokraat Martin Selmayr, die regterhand van Brussel se grootkop Jean-Claude Juncker, het vroeër vanjaar getwiet dat Marine se verkiesing ‘n “gru-scenario” sal wees.

Le Pen het haar tevredenheid uitgespreek met die oorwinning van Trump oor die oorlogsugtige Hillary Clinton en die Amerikaanse keuse geprys as “dapper en versiende”.

“Ek dink dat die Verenigde State van Amerika se beeld is baie beskadig, veral deur die administrasie waarvoor Hillary Clinton gewerk het. Die Verenigde State van Amerika kan nie die beeld van ‘n oorlogsugtige bekostig nie, met al die moontlike skadelike gevolge wat dit vir ons onderskeie lande kan hê,” het Le Pen gesê. “So, wat die Verenigde State van Amerika weer teruggekry het is ‘n beeld as ‘n vredesadministrasie wat voordelig vir ons almal is,” het sy afgesluit.

Le Pen het gesê Trump se platform en dié van haar eie party het soortgelyke eienskappe soos teenkanting teen massa-immigrasie en onbeperkte vrye handel wat Frankryk en die Europese Unie (EU) “teister”, terwyl die fokus op die uitskakeling van die Islamitiese staat (ISIS) behoort te wees.

“So ja, [as ‘n reaksie op] die voorwaardes [vir Frexit], indien die Franse mense hul onafhanklikheid wil herwin, wil beheer van hul land terugkry, en die elemente van sekuriteit wil versterk, soos grense, die oppergesag van die reg, ekonomiese patriotisme, dan sal ek tot president verkies word,” het sy gesê.

Duitsland se ‘anti-Trump’ soek vierde termyn

Die Duitse kanselier Angela Merkel het Maandag aangekondig dat sy vir ‘n vierde termyn sal staan in 2017 om “waardes” te verdedig, by die hoofkwartier van haar Christen-Demokratiese Unie (CDU) party.

Merkel het “populisme” uitgesonder as haar grootste uitdaging. Die woord verwys na gewone kiesers wat geïnspireer is deur Brexit en Donald Trump. Sy verteenwoordig die ekonomiese mag in Europa wat sy regeer met die hulp van koalisies, ‘n kenmerk van die Duitse politieke landskap.

“Hierdie verkiesing sal moeiliker as enige vorige een wees, ten minste sedert die hereniging” in 1990,” het sy gesê en sonder ironie gekla oor die “polarisasie van ons samelewing”.

Die Duitse kanselier, langsdienende leier van die EU het aan AFP gesê “baie leiers” steun op haar om populisme teen te werk, wat daarop dui dat sy van voorneme is om voort te ywer in diens van die liberale Atlantiese agenda. Duitsland stel nie perke vir leiers op termyne nie, al sedert 2005.

Haar aangeplakte skaamheid oor die eretitel “leier van die vrye wêreld”, is verloën deur haar oop-grensbeleid en haar gekruip by Obama.

Die CDU se Saksiese premier Stanislaw Tillich het die kruiperige Merkel ten hemele geprys: “Sy is basies die anti-Trump,” het hy aan die koerantgroep Redaktionsnetzwerk verklaar. Obama het Merkel verlede week eweneens as ‘n “uitstaande vennoot” gevlei.

Haar party glo sy is hul beste kans om die Europese Unie te red. Op die Duitse televisiekanaal ARD, het Merkel beloof om ‘n “sterk Europa” te bou nadat Brittanje gestem het om die blok te verlaat. CDU-leiers het haar aankondiging met “dawerende applous” verwelkom, het bronne gesê.

“Ons staan ​​voor stryd in Europa en internasionaal vir ons waardes en ons belange en, eenvoudig gestel, vir ons manier van lewe,” het Merkel, 62, aan verslaggewers gesê, maar het nie bygevoeg dat sy eiehandig verantwoordelik is vir die krisis wat haar land nou in die gesig staar nie.

Merkel is die eerste voormalige Kommunis om die herenigde land te lei en om sowat twee miljoen asielsoekers oor die afgelope twee jaar te verwelkom, maar haar party vrees die regse Alternatiewe vir Duitsland party (AfD), wat wydverspreide kommer oor immigrante uitbuit.

‘n Opname het gister getoon dat 33 persent van Duitse kiesers Merkel se konserwatiewes steun, nege punte laer van die laaste nasionale verkiesing in 2013. Die AfD het opgekom van​​uit nêrens tot 13 persent, volgens ‘n onafhanklike meningnavorsingsinstituut Emnid.

Volgens Spiegel Online ly die CDU aan “Merkel-moegheid”. “Selfs al is daar geen Trump in sig in Duitsland nie, het die VSA het getoon dat die ondenkbare waar kan word,” het die aanlynwebblad gesê.

Die voormalige lid van die Kommunistiese Jeugbeweging, is berug vir haar ‘n gebrek aan patriotisme. Op ‘n verkiesingsoorwinningviering van haar eie party in 2015, het Merkel die enigste Duitse vlag teenwoordig op die verhoog gegryp, met ‘n vies gesigsuitdrukking haar kop geskud en dit weggesmyt.

In 2016, tydens ‘n besoek aan president Erdogan, het sy die Duitse vlag laat vervang deur ‘n Turkse een, sodat daar twee Turkse vlae op die agtergrond agter haar verskyn het.

Soos met die meeste ander Duitse politici, erken Merkel nie Duitsers as ‘n volk nie. In ‘n oordrewe poging om te verhoed dat sy “rassisties” genoem word en om te vergoed vir “die verlede se misdade van Duitsland”, benadeel baie van haar liberale ideologiese standpunte Duitsers.

Frankryk: Sarkozy uit en Fillon loop voor

Franse kiesers het verwagtinge oor die komende verkiesing deurmekaar gekrap Sondag om van oud-president Nicolas Sarkozy ontslae te raak. Die media het Sarko voorgehou as ‘n geloofwaardige kandidaat.

Die wedloop om ‘n genomineerde vir die regse sentriste aan te wys het gewese eerste minister, Francois Fillon se kanse om uiteindelik die eerste plek te behaal, ‘n hupstoot gegee.

Fillon, wat konserwatief is met ekonomiese liberale idees, sal Alain Juppé, ‘n ander oud-premier, op 27 November die stryd aansê vir die sentriste se nominasie.

Hy was eers agter sy teenstanders in meningspeilings, maar Fillon het ‘n sterk voorsprong.

Fillon sal waarskynlik volgende Sondag se ronde “met 56 persent van die stemme teenoor 44 persent vir Juppé wen” volgens die OpinionWay-peiling wat 3095 kiesers gevra het.

Die regerende Sosialiste en hul bondgenote hou hul eie eerste ronde in Januarie. Sosialistiese president François Hollande, wat erg ongewild is, moet nog aankondig of hyself weer sal staan.

Die hele presidensiële wedloop, van links sowel as regs, is gerig teen die groot gevaar, Marine Le Pen.

Fillon het intussen elke voorgstelde beleidsrigting van Le Pen probeer na-aap. Hy het ‘n beroep gedoen vir toenadering tot die Russiese president, Wladimir Poetin, teen die konflik in Sirië uitgekom ter beskerming van Christelike minderhede, en te kenne gegee dat Sirië se Bashar al-Assad nie probleem is nie, maar ISIS.

Oor die laaste paar weke van sy veldtog, na die publikasie van sy boek oor die stryd teen radikale Islam, het sy aansien by kiesers gestyg.

Fillon is lid van die Republikeinse Party in Frankryk.

Le Pen het droogweg opgemerk dat die hele politieke spektrum tans deur haar beïnvloed word. “Ek is nie besig om aan te pas by hulle [die sentriste] nie, want hulle pas aan by my.”

VK wil onwettige dierehandel in Ooste sluit

Vietnam en sy buurstate moet onwettige markte waar wildprodukte verkoop word, sluit en die stryd teen die onwettige handel in ivoor, renosterhoring en dele van tiere verskerp, het Britse omgewingsbewaarders Donderdag gesê.

Die beroep is tydens ‘n konferensie oor onwettige handel in wildprodukte wat deur die stad Hanoi aangebied word in samewerking met Brittanje, het Reuters berig.

Prins William, die president van “United for Wildlife” en afgevaardigdes van 50 lande woon die konferensie by.

Verlede Saterdag het Vietnam 2,2 ton ivoor van ongeveer 330 Afrika-olifante en 70 kilogram renosterhoring van 23 renosters vernietig in een van die grootste optredes om onwettige handel in die produkte te bekamp.

Rusland onttrek aan Internasionale Strafhof

Rusland het amptelik onttrek aan die Internasionale Strafhof se stigtingsverordening, het die Kremlin se webblad aangekondig.

Die besluit is geneem ‘n dag nadat ‘n verslag uitgereik is waarin Rusland se inlywing van die Krim as ‘n “besetting” geklassifiseer word, terwyl die skiereiland se toekoms deur ‘n referendum beslis is.

Die Russiese minister van buitelandse sake het die aankondiging in opdrag van pres. Wladimir Poetin gedoen en gesê die tribunaal het nie aan die internasionale ­gemeenskap se verwagtinge voldoen nie.

Rusland het die Verdrag van Rome in 2000 onderteken, maar nie bekragtig nie.

Die Verenigde Nasies sal in kennis gestel word van die Russiese besluit, in die nasleep van ‘n soortgelyke besluite deur Gambië, Suid-Afrika en Burundi.

Zeid Ra’ad al-Hussein, die VN se hoëkommissaris vir Menseregte, het ‘n beroep op alle lande gedoen Woensdag om te bly. Die hof se toekoms en aansien is ‘n swaar slag toegedien deurdat lande die bestaan van die instelling in twyfel trek.

Slegs verweerders uit Afrika is voor die hof gedaag en ‘n aantal sleutellande, waaronder die VSA, China, Indië, Pakistan, Indonesië en Turkye het nie die verdrag onderteken nie.

Soos Rusland, het Egipte, Iran en Israel die Verdrag onderteken, maar versuim om die ooreenkoms te bekragtig, wat beteken dat hul regerings in elk geval nooit vervolg kan word deur die hof nie.

Assange in Londen ondervra deur Swede

WikiLeaks se stigter, Julian Assange, is vandeesweek deur Sweedse staatsaanklaers by Ecuador se ambassade in Londen ondervra oor beweringe dat hy in 2010 twee vroue verkrag het. Hy skuil reeds vier jaar in die ambassade.

Swede se hoofaanklaer, Ingrid Isgren, het vrae aan Assange deur ‘n aanklaer van Ecuador gevra oor die beweringe wat Assange tot nou toe ontken het.

Swede het dié stap geneem nadat Donald Trump as president aangewys is in die VSA. Voorheen het die land geweier om Assange in Londen te ondervra.

Assange het hom die argwaan van Amerika op die hals gehaal toe hy honderdduisende geheime Amerikaanse diplomatieke boodskappe gepubliseer het.

Hy het in Augustus 2012 in die ambassade skuiling gesoek om uitlewering aan Swede vry te spring omdat Swede hom sal uitlewer aan die VSA.

Die 45-jarige Australiër het dus geweier om vir ondervraging na Swede te gaan.

In die VSA duur ‘n kriminele ondersoek na die publikasie van die geheime dokumente deur WikiLeaks voort.

Le Pen glimlag breed na Macron toetree tot resies

Emmanuel Macron, voormalige minister van ekonomie onder die Franse Sosialistiese president François Hollande mik vir die Franse presidentskap, het hy Woensdag aangekondig.

Die voormalige Franse beleggingsbankier sal as ‘n onafhanklike kandidaat in 2017 se presidensiële verkiesing in Frankryk staan, want Hollande staar ‘n vernedering by die stembus in die gesig.

Met die skepping van die “En Marche” politieke beweging in April, was dit reeds duidelik dat Macron presidensiële ambisies koester.

Sy bod sal stemme van die hoofstroom kandidate afskep in ‘n wedloop wat reeds moeilik is, en daarmee die regse gunsteling Marine Le Pen ‘n hupstoot gee.

‘n Meningspeiling het voorgestel dat hy 21 persent steun sal kry teen 30 persent vir Le Pen en die twee van hulle sal deurgaan na die tweede ronde waar Le Pen sal wen.

Hollande se minister van handel Matthias Fekl het gesê Macron se kandidatuur sal “links laat ontplof”. Hy het op RMC radio gesê: “Dit is ‘n tydbom in die hart van ‘n politieke familie. Die bom het ontplof.”

Le Pen was in ‘n opgeruimde gemoedstemming Woensdag. “Macron is die banke se kandidaat,” het sy aan Reuters by die bekendstelling van haar veldtoghoofkwartier gesê.

“Wat seker is, is dat hy nie enige van ons kiesers sal afrokkel nie. Dit is ‘n kandidaat wat ruik na motballetjies.”

Kernoorlogbedreigingsvlak laer ná Trump oorwinning

Die bedreigingsvlak in die VSA vir ‘n kernkonfrontasie is verlaag tot sy laagste vlak in die nasleep van die verkiesings.

Amerika se Defcon-waarskuwingsvlak is verlaag na sy veiligste status moontlik na die aankondiging dat Donald Trump in die 2016-presidensiële verkiesing geseëvier het.

Die Defcon Warning System, word deur ‘n private organisasie bestuur wat wêreldgebeure monitor en die kernbedreiging teen Amerika skat. Dit is nou op Vlak 5 – sy laagste moontlike status.

Die groep, wat bestaan ​​uit kundiges met kontakte in die sekuriteitsomgewing, beskou die oorwinning van Trump as ‘n aanduiding van verbeterde Russiese verhoudings.

Net weke gelede is die waarskuwing is opgeskuif tot op vlak 3 weens verhoogde spanning tussen die VSA en Rusland, uit vrees dat die Obama-administrasie die rand nader van kernoorlog.

Vlak 3 beteken Amerikaanse troepe kan gemobiliseer word binne 15 minute. Vlak 5 beteken die Amerikaanse Departement van Verdediging is op sy laagste toestand van gereedheid vir kernoorlog.

Op die webwerf van die groep lui dit: “Die Verenigde State het ‘n voorlopige stap na ‘n meer isolasionistiese beleid geneem met sy onlangse presidensiële verkiesing. Terwyl dit ‘n paar maande sal neem om te sien hoe die Amerikaanse hervormings sy buitelandse beleid raak, het reeds ‘n paar wêreldleiers die hoop uitgespreek dat verhoudings kan verbeter, insluitend met Rusland en Sirië.

“As die nuwe Amerikaanse president hou by sy vorige stellings, sal die Verenigde State van Amerika waarskynlik onttrek van militêre konfrontasies in die Midde-Ooste en moontlik die Europese teater, al is dit hoogs onwaarskynlik dat dit NAVO-verpligtinge sal laat vaar, en die Oekraïne sal waarskynlik weer in die nabye toekoms ‘n kewssie raak.”

Die Russiese leier Wladimir Poetin was een van die eerste wêreldleiers wat die Republikeinse kandidaat gelukgewens het.

“Rusland sal egter waarskynlik wag om te sien wat die nuwe president doen, en nou word hulle in die wiele gery deur die komende winter.”

Die groep het gewaarsku oor ‘n paar oorblywende bedreigings vir die VSA en veiligheid in die wêreld: China, Noord-Korea en Israel sal fokuspunte raak.

“Intussen word meer troepe na Europa in 2017 gestuur om verdediging teen die Russiese bewegings te behartig en NAVO gaan voort met die opbou van magte in Pole om omliggende gebiede te beskerm teen ‘n moontlike Russiese aanval.”

Terwyl die Amerikaanse regering ook die Defcon-stelsel gebruik, is privaat en nie aan die publiek beskikbaar nie. Daarom bly openbare rekords slegs skattings.

AU help om al-Sjabaab uit Somaliese dorp te verdryf

Die Somaliese nasionale weermag (SNA), met die ondersteuning van troepe van die Afrika-uniesending in Somalië (Amisom) het Dinsdag die Mir-tugo-nedersetting in die sentrale deel van die Middel-Shabellestreek van Al-Sjabaab militante ingeneem.

Volgens ‘n weermagoffisier, Abdullahi Mohamed, is geen weerstand van die militante ondervind nie.

Die jongste militêre verwikkeling kom op die vooraand van verkiesings vir die Somaliese laerhuis van die parlement in die dorp, Jowhar, die hoofstad van die Middel-Shabelle-streek.

Die Islamitiese Al-Sjabaab is reeds uit belangrike dorpe in landelike gebiede in die suide en sentrale dele van Somalië verdryf, maar voer steeds gereelde aanvalle in die land uit.

Die Islamiete het ook onderneem om die verkiesings in Somalië te ontwrig. Dit het daartoe gelei dat die gesamentlike magte strenger veiligheidsvoorbereidings by stempunte ingestel het.

Somalië berei voor op ‘n presidentsverkiesing op 30 November. Parlementêre verkiesings word deurlopend in verskeie dele van die land gehou.