Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

Steenkoolskaarste dreig by Eskom

Eskom staar ‘n tekort van 17 miljoen ton steenkool vir sy kragaanlegte in die gesig, het RSG berig.

Die minister van openbare werke, Lynne Brown sê die tekort word by die Matla-, Tutuka-, Kriel-, Arnot- en Hendrina-kragaanlegte verwag.

Vroeër het Eskom se waarnemende bestuurshoof, Brian Molefe bespiegelings afgemaak dat steenkooltekorte kan voorkom. Molefe het gesê Suid-Afrika het nog bykans 200 jaar se steenkoolvoorraad.

Intussen behoort Eenheid Een van die Koebergkernkragsentrale in die Wes-Kaap teen die einde van die week weer operasioneel te wees.

Eenheid Een het die afgelope drie maande instandhoudingswerk ondergaan.

Dit kan verligting vir die kragnetwerk bring, terwyl Eskom sukkel om aan die vraag te voldoen. ‘n Eskom-woordvoerder, Khulu Phasiwe sê Koeberg se Eenheid Twee was deurgaans nog in diens.

Solidariteit verloor na 17 jaar teen Eskom

Eskom sal die peperduur regskoste van Solidariteit verhaal nadat die vakbond verloor het in ‘n regsgeding teen die kragvoorsiener wat 17 jaar lank geduur het.

Dit volg na die ontslag van Solidariteit se aansoek om verlof tot appèl in die Grondwethof rakende ‘n saak wat Eskom wou dwing om ‘n mondelinge ooreenkoms van 17 jaar gelede na te kom.

Solidariteit wou Eskom dwing om 34 afgetrede gelisensieerde kernkragoperateurs by die Koeberg-kragstasie ‘n jaarlikse eenmalige nie-pensioendraende uitbetaling gelyk aan dubbel hul basiese salaris te gee.

Solidariteit het aan Sake24 gesê hulle aanvaar die Grondwethofuitspraak, maar as die geleentheid hom voordoen “sal ons nog 17 jaar veg vir hierdie lede”.

Deon Reyneke, hoof van Solidariteit se energie-industrie, het gesê: “soms kry jy nie die resultaat wat jy verdien nie, maar dit beteken nie dat die stryd nie die moeite werd was nie.”

Die hof het gesê die aansoek om verlof tot appèl het “geen vooruitsig van sukses nie”.

Eskom se woordvoerder Khulu Phasiwe het gesê hulle gaan nou die regskoste van Solidariteit verhaal.

Brandstigter in Bethlehem vasgevat

‘n 40-jarige werker van die Dihlabeng-munisipaliteit op Bethlehem is in hegtenis geneem nadat hy ‘n munisipale gebou vanoggend aan die brand gesteek het.

Polisiewoordvoerder Mmako Mophiring het bevestig dat een van die kantore erg deurgeloop het en dat ‘n saak van brandstigting ondersoek word.

Mophiring sê die motief vir die brand is onbekend en sê die hoeveelheid skade wat aangerig is, is nog onbekend. Die verdagte bly in aanhouding en verskyn more in die plaaslike landdroshof.

Swak taal in parlement ondersoek

Die voorsitter in die Nasionale Vergadering, Thoko Didiza het onderneem om ondersoek in te stel na ‘n beweerde dreigement en swak taal wat deur die adjunkminister van Handel en Nywerheid, Mzwandile Masina tydens die debat oor die Presidensie se begrotingsrede in die parlement gebruik is.

Masina het glo die hoofsweep van die DA se John Steenhuisen direk met geweld gedreig.

Die swarte het glo gesê: “Ek sal jou opfok.”

Masina, ‘n Jeugliga-sameroeper, is voorheen aan swak gedrag skuldig bevind.

Hy het die adjunk-minister van gesondheid Nozizwe Madlala-Routledge voorheen ‘n “hoer” genoem op Instagram.

Stakende taxi-operateurs in Durban raak gewelddadig

Die Ethekwini-munisipaliteit en die Suid-Afrikaanse Taxi-raad het ‘n ooreenkoms bereik nadat taxi-operateurs Dinsdag gewelddadig geraak het in die Durbanse middestad en omliggende gebiede.

Die polisie moes van traanrook en rubberkoeëls gebruikmaak om die oproeriges te verwilder wat begin plunder en breek het.

Die sekretaris van Santaco in KwaZulu-Natal, Yusuf Khaliva het gesê normale bedrywighede sal weer Woensdag hervat word.

Honderde oproerige taxi-operateurs het nie-stakende operateurs aangeval, pendelaars hardhandig uit taxis geruk en aangerand en busse onder klippe gesteek.

Khaliva sê die munisipaliteit het ingestem om meer as driehonderd taxis terug te gee wat geskut is.

Onderhandeling sal verder gevoer word oor die uitreiking van taxipermitte.

Dit is nie die eerste keer dat owerhede en taxi’s vassit nie. In Junie verlede jaar het taxi-geweld ook die gebied geteister.

Ma verskyn vir opsetlike saakbeskadiging

‘n Ma van drie jong kinders, Natasha Swartz, verskyn weer op 24 Junie in die Bloemfonteinse Streekhof na sy vandag vlugtig verskyn het op ‘n aanklag van opsetlike saakbeskadeging.

Die saak is vir verdere ondersoek uitgestel. Die saak spruit ‘n voorval waartydens Swartz opsetlik die motor van haar voormalige man vier keer Vrydag by ‘n spogskool in Bloemfontein gestamp het.

Na wat verneem word beloop die skade aan haar man se motor R200 000 en nie R20 000 soos OFM voorheen berig het nie.

‘Afrika kan nie meer kolonialisme blameer nie’

Die voormalige hoof van die Internasionale Atoomenergie-agentskap, Mohamed ElBaradei, sê Afrika kan nie meer die kolonialiste blameer vir sy probleme nie.

Hy het bygevoeg dat die Afrika-Unie ook ’n klaaglike rekord van oplossings vir Afrika-probleme wys.

Netwerk24 berig dat ElBaradei in Pretoria tydens ’n mediagesprek wat deur die Thabo Mbeki-stigting gereël is, gesê het niemand anders nie as die vasteland se leiers moet die skuld kry vir die konflikte wat herhaaldelik opvlam.

Volgens hom het die kontinent die afgelope jaar 65 persent meer aan wapentuig bestee as die vorige jaar en dit dui daarop dat lande hulle eerder gereed maak vir oorlog as vir vrede.

Hy het gesê dis goed om Afrikadag te wil vier, maar daar is nie veel om te vier op die vasteland of in die wêreld nie.

Hy het voorgestel dat sanksies teen Burundi ingestel word om die president te dwing om gehoor te gee aan Westerse eise dat hy nie vir ‘n derde termyn dien nie.

Hy het gesê armoede is ‘n “wapen van massavernietiging”.

PAP-skeppers besteel by hotelingang

Verskeie afgevaardigdes van die Pan-Afrika Parlement is buite hul hotel in Midrand beroof, het die Gautengse polisie gesê.

Hulle is Vrydagaand aangeval terwyl hulle in hul pendelbus oppad van die lughawe hotel toe gereis het, het polisiewoordvoerder Lungelo Dlamini in ‘n verklaring gesê.

Die polisie is op soek na sekuriteitsbeeldmateriaal om die verdagtes te probeer identifiseer.

Niemand is beseer nie.

Die busbestuurder, Thandazani Mabuza, het aan die uitsaaier eNCA gesê toe hy sy venster oopmaak om ‘n kaart van die sekuriteitswag by die Protea Hotel Midrand se ingang te kry, is hy aangehou.

“Daar was twee mans, met ‘n geweer op my gerig. Hulle het die sleutels vir die motor gevra en toe sê hulle: ‘Waar is die geld? Waar is selfone?’Toe het hulle begin om almal te deursoek in die voertuig.”

Hulle het handbagasie met kontant, selfone, en paspoorte gesteel.

Die afgevaardigdes was van die Kaap Verde, Ethiopië, Ghana, Benin, Mosambiek en die Verenigde Koninkryk.

Na beurtkrag kom beurtwater

‘n Professor aan die Noordwes-Universiteit sê Suid-Afrikaners moet hulle staal vir ‘beurtwater’.

Kobus van der Walt het tydens ‘n konferensie van die Rooivleis-abattoir-vereniging in Kaapstad gesê Suid Afrikaaners kan in die volgende vyf jaar ‘beurtwater’ verwag en sal daadwerklik water moet begin spaar.

Van der Walt sê verder drastiese stappe sal in plek gestel moet word om water te bespaar en te hergebruik.

Kubane oral in Vrystaat ontplooi vir ‘dienslewering’

Die eerste van ‘n totaal van veertig Kubaanse ingenieurs het op Sondag aangekom in die Vrystaat. Die res sal na verwagting Maandag aankom.

Hulle sal hoofsaaklik betrokke wees in die verbetering van dienslewering, die konstruksie van die regering se gesubsidieerde lokasies, huise, die voorsiening van water, beplanning en projekbestuur, riool en basiese infrastruktuurdienste.

Hul velde van kundigheid sluit siviele ingenieurswese, hidrouliese, strukturele en meganiese ingenieurswese sowel as projekbestuur in.

Daar is oorgenoeg wit kundigheid om sulke take aan te pak in Suid-Afrika, maar die ANC probeer van wittes ontslae raak.

Volgens die ANC se Vrystaatwoordvoerder Thabo Meeko, is die werwing van die Kubaanse ingenieurs deel van die vennootskap tussen Suid-Afrika en Kuba.

Hulle is op ‘n kontrak vir twee jaar en sal strategies geplaas word deur die provinsie, veral in munisipaliteite, om dienslewering te verbeter.