Suider-Afrika Archives - Page 135 of 888

Noord-Kaap vir mediese nalatigheid gedagvaar

Die Noord-Kaapse gesondheidsdepartement staar ‘n R32 miljoen mediese nalatigheidseis in die gesig nadat ‘n baba met serebrale gestremdheid gediagnoseer is nadat hy by een van die provinsie se fasiliteite behandel is.

Die departement voer aan dat een van die grootste uitdagings is om mediese personeel na die provinsie te lok. Die tekort aan verpleegsters is veral die probleem.

Die hoof van dié departement, Gugulethu Matladpane, sê die dagvaarding is verlede maand ontvang. Dit is die jongste in ‘n reeks eise teen die departement van sowat R102 miljoen.

Matladpane het tydens ‘n sitting van die Nasionale Raad van Provinsies se Sosiale Dienste Komitee ‘n voorlegging gedoen waarin dié eise aan die lig gekom het.

Vrae oor die dekade-lange konstruksie van die omstrede psigiatriese hospitaal in Kimberley, wat ‘n groot hap uit die provinsiale begroting geneem het, is ook geopper.

Luidens ‘n verslag van die provinsiale tesourie oor provinsiale departemente se ongeouditeerde inkomste en uitgawes het die gesondheidsdepartement se onreëlmatige uitgawes van R20 miljoen in die 2013/14 boekjaar tot R526 miljoen in die vorige boekjaar gestyg.

Vrae rondom Vrede-suiwelprojek raak al meer

Vrae rondom die multi-miljoen rand omstrede Vrede-suiwelprojek van die Vrystaatse provinsiale regering raak al meer.

Dit volg nadat die Vrystaatse ontwikkelingskorporasie (VOK) – wat die projek bestuur – gesê het, dat hulle as deel van hulle jeugontwikkelingsprogram jongmense as begunstigdes van dié projek gaan registreer.

Die aankondiging is tydens ‘n sitting van die portefeuljekomitee van ekonomiese ontwikkeling van die provinsiale wetgewer gemaak.

Dít terwyl die provinsiale departement van landbou sê 80 inwoners in die omgewing van die projek is reeds as begunstigdes geregistreer.

Dit is glo nie die eerste aanduiding dat die VOK nie bewus is van die lys van begunstigdes nie.

OFM Nuus het verlede maand berig dat die nasionale departement van landbou befondsing vir die projek terruggetrek het, omdat die departement nie oortuig was dat die proses wat gevolg is met die samestelling van die lys van 80 begunstigdes regverdig en deursigtig was nie.

Nog ‘n vermeende reeksverkragter verskyn

Nog ‘n vermeende swart reeksverkragter wat verbind word met ses voorvalle in Bloemfontein en Thaba Nchu gaan na verwagting vandag in die Bloemfonteinse landdroshof verskyn.

Vrystaat polisiewoordvoerder, Thabo Litabe, sê die 37-jarige gaan na verwagting vandag om borgtog aansoek doen.

Hy is vir die eerste keer in hegtenis geneem in verband met die verkragting van ‘n vrou in Augustus 2012 naby die Ramkraal treinspoor in Bloemfontein.

Die saak is egter later van die hofrol geskrap nadat die klaer nie die hofverrigtinge bygewoon het nie. Die bloedmonster wat egter vir dié saak getoets is, het die verdagte met verskeie ander verkragtingsake verbind.

Litabe sê die staat gaan aanvoer dat die verdagte sy skrikbewind oor ‘n tydperk van drie jaar uitgevoer het, met sake wat tussen Julie 2011 en Maart 2014 in Bloemfontein en Thaba Nchu aangemeld is.

Sulke swart reeksverkragters is algemeen in Suid-Afrika en is byna weekliks in die nuus.

Minister van sport tevrede met swak prestasie

Die minister van Sport, Fikile Mbalula, sê die ANC-regering is “tevrede” met swak prestasie op grond van skewe rassekwotas.

Mbalula sê wit en bruin spelers word “regverdig behandel” en kry “genoeg speelkans” in die land se swart nasionale sokkerspan.

Die minister het sportliefhebbers opnuut in sy antwoord op ‘n parlementêre vraag mislei, aangesien daar tans net een wit speler en twee bruines in die Bafana Bafana-groep van 27 spelers is.

Dit is nie ‘n juiste demografies verteenwoordigende span nie.

Daar was ook nog geen ingryping om die span meer verteenwoordigend te maak nie, ten spyte dat die minister verlede jaar die onderneming gegee het om stappe te doen om meer wit en bruin spelers vir die span te laat speel.

Die Springbokke se Wêreldbeker-oorwinning 20 jaar gelede was deur ‘n span behaal waarin wit spelers oorverteenwoordig was.

Die regering het intussen deur politieke inmenging in sportspanne gesorg dat middelmatigheid en verval oorgeneem het.

Cosatu teken staatloonooreenkoms

Staatsdiensvakbonde wat by Cosatu geaffilieer is en wat 52% van die Staatsdiens se werkers verteenwoordig, het in die vroeë oggendure ‘n nuwe drie jaar salarisooreenkoms onderteken.

Daar is ooreengekom op ‘n verhoging van sewe persent wat aanvanklik deur die regering goedgekeur is.

‘n Nuwe klousule is aanvaar dat verhogings vasgestel sal word op grond van die Tesourie se inflasieberamings.

Die parlementêre portefeuljekomitee oor staatsadministrasie het die nuwe loonooreenkoms tussen staatsvakbonde en die regering verwelkom.

Luidens ‘n verklaring is die nuwe ooreenkoms ‘n stap in die regte rigting om die verhouding tussen die regering en sy werknemers te verbeter.

Die komitee het egter gemeld dat die dooiepunt wat tydens die onderhandelings bereik is, nie weer moet plaasvind nie.

Business Day het vroeër vandeesweek berig dat staatsamptenare ‘n 7% verhoging sal ontvang na ingryping deur politici.

Sommige werknemers het op ‘n sloerstaking gegaan oor 0.6% wat van personeel verhaal sou word vir oorbetaling verlede jaar.

Die president van Cosatu, Sdumo Dlamini het intussen bewerings verwerp dat die nuutgestigte vakbond, LIMUSA geen lede het nie.

Dlamini het gepraat op die laaste dag van die eerste LIMUSA kongres in Durban. Dlamini het onderneem dat Cosatu LIMUSA sal steun om die vakbond te help groei. Hy sê LIMUSA is die nuwe tuiste van metaalwerkers.

Intussen het die SAKP se nasionale adjunk-voorsitter, Thulas Nxesi gesê daar is geen teenstrydigheid in die party se steun van LIMUSA nie.

Hy sê die SAKP steun LIMUSA omdat NUMSA nie meer deel van Cosatu is nie. Hy het ‘n beroep gedoen op metaalwerkers om saam te staan.

Skade na onrus op Tweespruit bekyk

Die onrus op Tweespruit in die Vrystaat is eers Sondag onder beheer gebring nadat oproerige inwoners sedert Donderdag chaos veroorsaak het.

Volgens die burgermeester van Mantsopa, Dennis Ntsepi, is die polisie in beheer van die situasie.

Hy sê die munisipaliteit sal nou begin om die skade aan eiendom te bepaal.

Drie mense is reeds in hegtenis geneem vir brandstigting en skade aan eiendom.

Derde dood weens beurtkrag en wanbestuur

Drie pasiënte is na bewering reeds dood tydens beurtkrag by die Letaba-hospitaal in Limpopo, nadat die familielid van ‘n derde pasiënt wat gesterf het, na vore gekom het.

Dit weerspreek die departement van Gesondheid se verklaring dat slegs een dood gekoppel kan word aan die kragonderbreking.

Die ma van ‘n 17-jarige seun wat een van die drie pasiënte was wat in die intensiewe sorgeenheid van die Letaba-hospitaal dood is, sê haar seun is in die hospitaal opgeneem op 14 Junie na ‘n hartaanval.

Hy was aan masjiene gekoppel tot sy dood op 20 Junie teoe die krag afgegaan het. ‘n Kragopwekker wat moes aanskakel, was glo sonder diesel.

Nóg regstappe kan dus teen Limpopo se gesondheidsdepartement ingestel word nadat die familie gesê het hulle 17-jarige seun is in die Letaba-hospitaal tydens beurtkrag dood.

Dit volg nadat ‘n vrou ook verlede Donderdagaand in die hospitaal se waakeenheid tydens ‘n kragonderbreking dood is.

Die minister van Gesondheid, dr. Aaron Motsoaledi, het verlede Vrydag die Letaba-hospitaal besoek en gevra dat ’n volskaalse ondersoek gedoen word.

Groep wil handel in renosterhoring gewettig hê

‘n Groep Suid-Afrikaanse renostertelers het die regering hof toe geneem om die plaaslike verbod op renosterhoringverkope opgehef te kry, het voorsitter van die groep Donderdag gesê.

Wettiging van horinghandel sal help om die bedreigde spesies te red, het die Private Rhino Owners Association (PROA) Pelham Jones aan dpa gesê.

Honderde Suid-Afrikaanse renosters word gestroop van elke jaar weens ‘n groot aanvraag vir hul horings, veral in Asië, waar daar geglo word dat seksuele potensie hupstoot kry daardeur maar ook in tradisionele medisyne.

‘n Verbysterende 1 215 renosters is verlede jaar in Suid-Afrika geslag, wat ‘n geskatte 25 000 swart en wit renosters huisves, die tuiste van die wêreld se grootste troppe.

Dit beteken ‘n toename van 21% in stropery van die vorige jaar.

“Ons sien dit duidelik dat die handelsverbod nie stropery in enige manier laat afneem nie. In teendeel, dien dit as stimulasie vir die swartmarkhandel,” het Jones gesê.

Die groep beplan ‘n regsgeding teen ‘n moratorium van 2009 wat die handel in renosterhoring in Suid-Afrika verbied. Internasionaal, is die verkope sedert 1977 verbied.

Die vereniging, wie se 320 lede sowat ‘n vyfde van renosters van die land se bevolking besit, sê horingverkope sal fondse vir die bewaring van die bedreigde spesies genereer.

“Net meer as 1 000 renosters is dood op private grond sedert 2008,” het Jones gesê. “Dit beteken R400 miljoen se renosters is verloor, plus R300 miljoen wat bestee is aan sekuriteit om hulle te beskerm.”

Die wettiging van binnelandse handel sal beteken dat renosterhoring aangekoop sal kan word deur kommoditeitspekulante wat die horings geneties sal kodeer en in veilige bewaring sal kan stoor totdat die internasionale handelsverbod opgehef word.

Twee bruines erken skuld na Tsitsikamma-verkragting

Twee vermeende onwettige hengelaars wat twee weke gelede in hegtenis geneem is vir die verkragting van ’n Amerikaanse vrou in die Tsitsikamma Nasionale Park het dié week in die Stormsrivier-landdroshof skuld erken.

Die polisie se adjudant-offisier Gerda Swart sê Juame Thorne en Luwayne de Wee sal môre gevonnis word.

Die twee bruin mans is op 14 Junie binne enkele ure aangekeer nadat hulle die vrou oorrompel en verkrag het toe sy op ’n wandelroete in die park verby hulle gedraf het.

VN-verslag sê SA-troepe ergste seksuele oortreders

Die Weermag sal ‘n verslag deur die Verenigde Nasies bestudeer, waarin beweer word dat Suid-Afrikaanse troepe die ergste oortreders ten opsigte van seksuele misdrywe op vredesendings is.

Die weermag sê hy sal nie enige wangedrag deur sy lede duld nie, en sal sy samewerking aan die VN gee om die bewerings te ondersoek.

Die verslag fokus op seksuele misdrywe deur vredesmagte in die Demokratiese Republiek van die Kongo, Soedan, Liberië en Haiti.

Dit kom na die omstredenheid oor soorteglyke bewerings deur die VN van seksuele misbruik van kinders deur Franse soldate wat ontplooi is in die Sentraal-Afrikaanse Republiek.

The Times het berig dat Suid-Afrika sowat 2 000 troepe gestasioneer het in die DRK, Soedan en Suid-Soedan.

Die VN het in die verslag gesê daar is 480 bewerings van seksuele uitbuiting en misbruik met betrekking tot sy vredes- en spesiale politieke missies tussen 2008 en 2013 aangemeld.

Die DRK-vredesending het 45% van hierdie klagtes ontvang, terwyl net meer as ‘n derde van die 480 bewerings minderjariges betrek.

[Fotobron]