Suider-Afrika Archives - Page 198 of 888

Sunday Times kerm dat ras van misdadigers ontbloot word

Buurtwagte wat rasse-profilering gebruik, is skerp deur die Sunday Times gekritiseer.

“Die gebruik van rasse-kodes, insluitend om glo na swartmense as bravo (black) en bruin mense as charlie (coloured) te verwys in kennisgewings op sosiale media neem toe,” het William Bird, direkteur vir Media Monitoring Africa, gesê.

“Dit sal regtig nie help om die persoon as ŉ moontlike oortreder te identifiseer nie. Dit is soos om te sê ‘n “wit man in Noorweë’.”

Die koerant het gesê ŉ webwerf, Suburban Fear, doen tans verslag oor burgerlike organisasies se “rassistiese” Facebook-plasings. Sulke plasings word beskou as “die bastion van wit middelklasvrees”.

Skermskote van plasings op die webwerf sluit ook begrippe soos “bm” (black male) in.

Daar is ook verwysings na verdagte persone in verskeie woonbuurte wat begrippe insluit soos “lyk nie Suid-Afrikaans nie”, “freakin Nigeriërs” en “4 swartes (buitelanders)”.

Winnie se eis op Qunu kry wind van voor

President Jacob Zuma het ‘n kennisgewing ingedien wat Winnie Madikizela-Mandela se beweerde aansoek teenstaan om inligting oor Mandela se grond te bekom.

Madikizela-Mandela wil toegang tot staatsdokumente kry wat inligting bevat oor oud-president Nelson Mandela se eiendom op Qunu in die Oos-Kaap.

Die presidensiële woordvoerder, Mac Maharaj het bevestig dat die kennisgewing ingedien is.

Maharaj het egter nie verdere besonderhede bekend gemaak nie.

Madikizela-Mandela se regsgverteenwoordiger, Mvuzo Notyes, het in Oktober die aansoek in die Mthatha Hooggeregshof ingedien waarin Mandela se boedel teengestaan word en sy die reg op sy Qunu-huis eis.

Sy voer aan dat die voormalige president moontlik skuldig was aan bedrog toe hy die grond in Qunu op sy eie naam geregistreer het.

Madikizela-Mandela voer aan dat die abaThembu koning, Buyelekhaya Dalindyebo die grond aan haar gegee het toe Madiba in die tronk was.

Die Xhosa-stamhoof wat onlangs die grootste DA-vergadering onder sy stamgenote gehou het, word deur die party as die “koning” van die Transkei voorgehou.

Swart polisie op Lichtenburg pluk wit oudburgemeester rond

‘n Gevaarlike voorval het op Lichtenburg ontstaan toe ‘n blanke oudburgemeester die swart polisie versoek het om ‘n dronk bestuurder in hegtenis te neem wat reeds teen voertuie in ‘n parkeerruimte gebots het. Vir sy weldaad is hy sélf deur die polisie rondgepluk en in hegtenis geneem weens “dwarsboming van die gereg”.

Hier is ‘n video wat deur ‘n omstander geneem is en tans op die internet versprei word.

Koch deur toilet-aktiviste vereer

Conrad Koch sê hy is skaam om ‘n toilet-prys in ontvangs te neem.

Die lasteraarbuikspreker wat ‘n bruin pop as voorwendsel gebruik, is gisteraand in Johannesburg met ’n spesiale prys vir sy stryd teen wit Afrikaners deur die Ahmed Kathrada-stigting vereer.

Zaakirah Vadi, woordvoerder van die stigting, het gesê Kathrada het self die sertifikaat van waardering aan Koch en Chester oorhandig.

Die stigting het gesuggereer dat die prys toegeken is aan Koch vanweë sy onlangse standpunt teen wit Afrikaners soos Steve Hofmeyr wat swartes aan tuislande in ‘n twiet herinner het, terwyl Lesotho en Swaziland op die kaart van Suid-Afrika as onafhanklike lande pryk.

Volgens Koch is dit ’n groot eer dat die toekenning kom van Kathrada, ’n struggle-veteraan wat 26 jaar in die tronk was, maar hy skaam hom nogtans vir die prys.

“Dit laat my ook ’n bietjie ongemaklik voel. Ek het net geraas gemaak. Daar is soveel waardige mense en organisasies, soos Zackie Achmat en die Koalisie vir Maatskaplike Geregtigheid in Kaapstad, wat wil verseker dat niemand puttoilette hoef te gebruik nie,” het hy aan Media24 gesê.

Hy meen dit is toilet-aktiviste en -organisasies wat die meeste bydra tot die verandering van rasse-ongeregtigheid in die land.

Koch het gesê hy wou nie Kathrada en die stigting beledig deur die prys van die hand te wys nie.

Adj.pres. Cyril Ramaphosa was een van die sprekers by die glansgeleentheid by die Sci-Bono Discovery-sentrum in Newtown, Johannesburg.

Kabeldiefstal buite beheer

Koperdiefstal in Suid-Afrika het dramaties toegeneem en geen einde is in sig nie. Dit is reeds 43 persent hoër as die vorige jaar.

Die finansiële verlies weens koperdiefstal het volgens die Suid-Afrikaanse Kamer van Handel en Nywerheid in Oktober tot R13,2 miljoen gestyg.

In die vorige maand is R13 miljoen se kabels gesteel.

Volgens die Kamer se koperdiefstal-barometer is dit die vyfde agtereenvolgende maand wat diefstal toeneem.

Volgens die jongste syfers verteenwoordig dit ‘n stygende neiging wat in die kort en mediumtermyn kan voortduur.

Die Kamer sê die toename is terugslag vir die vordering wat van 2012 tot 2013 gemaak is om kabeldiefstal te bekamp.

Section 27 duik weer op teen Wouter Basson

Die kardioloog en oorlogvoeringsdeskundige Wouter Basson het nooit enige aandadigheid aan “apartheidsmisdade” erken nie en moet geskrap word van die register vir mediese praktisyns.

Section 27 se direkteur Mark Heywood, wat ook intussen poog om alle Afrikaanse skole toe te maak, het weer opgeduik, dié keer met ‘n petisielys teen Basson.

Heywood was Woensdag in die getuiebank.

Die petisie is glo deur 230 gesondheidswerkers en 32 organisasies aan die Raad vir Gesondheidsberoepe van Suid-Afrika in Pretoria voorgelê ter verswaring van Basson se straf. Dokters Sonder Grense is deel van die lys.

Die petisie lui: “Vir te lank het apartheidsagente met moord weggekom. Dit is tyd om dit nou te stop. Dr Basson het straffeloos opgetree en nooit enige verantwoordelikheid erken nie. ”

Basson is skuldig bevind aan onprofessionele gedrag deur die RGBSA.

Die petisionarisse meen dat die korrekte straf is om Basson te skrap van die mediese register. Hulle argumenteer dat Basson nooit om amnestie aansoek gedoen het nie, nooit om verskoning gevra het nie en geen respek vir die morele keuses toon wat van ‘n dokter verwag word nie.

“Enigiets minder sal ‘n bespotting van geregtigheid wees.”

Advokaat Sallie Joubert SC het gesê hy sou argumenteer dat Basson se optrede skandelike gedrag verteenwoordig en dat hy ‘n skande vir die mediese beroep is.

In 2002, is Basson vrygespreek deur die hooggeregshof in Pretoria van kriminele aanklagte voortspruitend uit sy optrede as hoof van Project Coast.

‘Afriforum is rassistiese randeiergroepie’

Afriforum het ontdek dat beskuldigings van “rassisme” en “randeiergroepie” teen PRAAG nie juis gehelp het om hul eie saak te bevorder in die buiteland nie.

Dié organisasie was geheel en al uit hul diepte met hul verklarings na voorleggings oor die heropening van die grondeiseproses en plaasaanvalle in Suid-Afrika aan die VN se Menseregtekommissie-forum in Genève, Switserland.

‘n Suid-Afrikaanse amptenaar het Afriforum as ‘n randeiergroepie beskryf en die VN skerp gekritiseer omdat hulle nie akkreditering van deelnemers aan die Forum se aktiwiteite met sorg gedoen het nie.

Die amptenaar het verwys na AfriForum en TLU SA as “randeier-organisasies” en na die VF + as ‘n “oorblyfsel uit die apartheidsjare”.

Sy het gesê hulle hunker terug na wit oorheersing en probeer om die regering se programme te diskrediteer wat daarna streef om ‘n demokratiese samelewing te bou wat gebaseer is op ‘n enkele nasionale identiteit en die beginsel van Ubuntu.

Afriforum het in ‘n daaropvolgende verklaring beklemtoon dat geen beskuldiging gemaak is teen die regering van ‘n volksmoord nie, en alleen die staat se onwilligheid om plaasaanvalle te verklaar ‘n prioriteitsmisdaad, is deur hulle geopper.

Die Vryheidsfront Plus het voorleggings oor die heropening van die grondeiseproses en kommer oor plaasaanvalle in Suid-Afrika aan die VN se Menseregtekommissie-forum in Genève, Switserland voorgelê.

Die partyleier, Pieter Mulder, sê hulle het vier voorleggings aan die VN-forum oor plaasaanvalle, grondeise, regstellende aksie en wat hulle genoem het, die aftakeling van Afrikaans, gedoen.

Mulder het die forum gevra om aan te beveel dat die VN se Sekretaris-Generaal ‘n volledige ondersoek doen om druk op die Suid-Afrikaanse regering te plaas om doeltreffende maatreëls in te stel om ‘n einde aan die gruweldade te maak.

Mulder het ook aan die forum gesê die heropening van die grondeise bedreig voedselsekuriteit.

Diere vrek van honger op Mandela-plaas

Karkasse van beeste wat al weke gelede weens honger en verwaarlosing gevrek het, het inspekteurs van die Nasionale Dierebeskermingsvereniging (NDBV) op Nelson Mandela se plaas naby Qunu in die Oos-Kaap begroet.

Die plaas is reeds van alle natuurlike weiding gestroop en die diere moes aanvullende voer kry, het die NDBV se inspekteurs aan Media24 gesê.

Mandela was ironies genoeg ‘n ere-beskermheer van die NDBV, maar dit het blykbaar nie inslag gevind by die veewagters nie.

Volgens ’n amptenaar wat naamloos wou bly, is ’n groot trop beeste in ’n klein kampie aangehou, aangesien Madiba, volgens die veewagters op die plaas, geglo het die vee moet naby die huis wees as hy “wou huis toe kom”.

Die NDBV het met die eksekuteurs van Mandela se boedel gekontak om die onverkwiklike toestand van die mishandelde diere te probeer besleg.

’n Veearts, dr. Shaun Morris, het die vee en hul weiding geëvalueer, waarna hy ’n lys van aanbevelings opgestel het vir die eienaars.

Die aanbevelings sluit in ’n vermindering van die aantal diere en beter voeding.

Die NDBV sal die plaas volgende week weer besoek om te verseker dat die aanbevelings nagekom word.

Zuma verwelkom Palestynse leier in ‘bevryde sone’

Pres. Jacob Zuma het Woensdag pres. Mahmoed Abbas van Palestina op sy eerste staatsbesoek in Pretoria verwelkom.

Die president het Nelson Mandela aangehaal waar hy die Palestyne se vryheidstrewe met dié van Suid-Afrika verbind.

Zuma het Suid-Afrika se steun aan die Palestyne se onafhanklikheidstrewe toegesê: “Ons sal julle met elke tree bystaan, wat dit ookal verg.

“Julle het aangedui watter soort steun julle van ons vereis en ons sal ons belofte aan julle nakom.”

Zuma het na die verwoestende aanvalle deur Israel in Gasa verwys wat vyftig dae geduur het, meer as 2 000 Palestyne se dood veroorsaak het.

Talle burgerlikes en kinders was ook onder die slagoffers en noodsaaklike infrastruktuur en huisvesting is in die aanvalle vernietig.

Zuma het gesê dat die Palestyne voorheen slagoffers van sulke aggressie was.

Met die verenigde steun van die wêreldgemeenskap, wat duidelik by die Kaïro-skenkerskonferensie Oktober sigbaar was, het die Palestyne sterker uit die konflik getree, het Zuma gesê.

Zuma het gesê Suid-Afrika is dit eens met die wêreldgemeenskap in sy eis vir ’n tweestaat-oplossing.

Palestina en Israel moet vreedsame naasbestaan binne internasionaal erkende grense van Junie 1967 met Jerusalem as die hoofstad, nastreef het hy bygevoeg.

“Ons is vol vertroue dat die mense van Palestina hul oogmerke sal verwesenlik en dat die droom van ons inspirerende held, pres. Arafat van ’n vrye en onafhanklike Palestina, ’n werklikheid sal word,” het Zuma aan Abbas gesê.

Zuma het sy toespraak afgesluit deur Abbas te verwelkom in ‘n “bevryde sone”.

Merkbare toename in kredietkaartbedrog

Die Suid-Afrikaanse Bankrisiko-Inligtingssentrum, of SABRIC, is onthuts oor die onlangse merkbare toename in kredietkaartbedrog.

SABRIC sê die bankbedryf se verliese weens kredietkaartbedrog het van 366 miljoen rand in 2013 tot 455 miljoen rand vanjaar toegeneem.

Volgens die maatskappy moet die misbruik van aanlyn-toepassings deur misdadigers wat uiteindelik ‘n bankkaart bekom, die grootste skuld kry vir die toename.

Die meeste draagbare skandeerders word glo in Gauteng en KwaZulu-Natal opgespoor.

Die hoof van die kommersiële misdaadeenheid by SABRIC, Susan Potgieter, sê sulke toestelle kan maklik deur boosdoeners aangekoop word.

Die banke het in samewerking met die Valke reeds op 74 sulke handskandeerders beslag gelê.