Pres. Jacob Zuma het Woensdag pres. Mahmoed Abbas van Palestina op sy eerste staatsbesoek in Pretoria verwelkom.
Die president het Nelson Mandela aangehaal waar hy die Palestyne se vryheidstrewe met dié van Suid-Afrika verbind.
Zuma het Suid-Afrika se steun aan die Palestyne se onafhanklikheidstrewe toegesê: “Ons sal julle met elke tree bystaan, wat dit ookal verg.
“Julle het aangedui watter soort steun julle van ons vereis en ons sal ons belofte aan julle nakom.”
Zuma het na die verwoestende aanvalle deur Israel in Gasa verwys wat vyftig dae geduur het, meer as 2 000 Palestyne se dood veroorsaak het.
Talle burgerlikes en kinders was ook onder die slagoffers en noodsaaklike infrastruktuur en huisvesting is in die aanvalle vernietig.
Zuma het gesê dat die Palestyne voorheen slagoffers van sulke aggressie was.
Met die verenigde steun van die wêreldgemeenskap, wat duidelik by die Kaïro-skenkerskonferensie Oktober sigbaar was, het die Palestyne sterker uit die konflik getree, het Zuma gesê.
Zuma het gesê Suid-Afrika is dit eens met die wêreldgemeenskap in sy eis vir ’n tweestaat-oplossing.
Palestina en Israel moet vreedsame naasbestaan binne internasionaal erkende grense van Junie 1967 met Jerusalem as die hoofstad, nastreef het hy bygevoeg.
“Ons is vol vertroue dat die mense van Palestina hul oogmerke sal verwesenlik en dat die droom van ons inspirerende held, pres. Arafat van ’n vrye en onafhanklike Palestina, ’n werklikheid sal word,” het Zuma aan Abbas gesê.
Zuma het sy toespraak afgesluit deur Abbas te verwelkom in ‘n “bevryde sone”.
gaaaaaaaap, jarra jarra jara, hanna, hanna, wierook.
Kaia-rook.
Daar is hier geen dubbelsinnigheid oor die kant waarby Jacob Zuma en die ANC hulle skaar nie. Maar dan wil die ANC alewig as bemiddelaar in hierdie gekil optree. Die tweestaatoplossing is potensieel geen oplossing as so ‘n Palestynse staat nie Israel as Joodse staat erken nie.
Almal wil slagoffers wees want dis tog o so winsgewend. As ek eers kan bewys dat ek iewers in die verlede ‘n slagoffer was, dan kan ek begin hande bakmaak vir die kompensasies. Mense redekawel en kibbel letterlik oor die alleenreg om as slagolffer gereken te word, want slagofferskap is soos ‘n handelsmerk in die sakewêreld. As ek ‘n slagoffermonopolie het, kan ek meer vergoeding eis as die ander. In die Iraelo/Palestynse geskil het ons nou die penarie dat die een slagoffer besig is om van die ander ‘n slagoffer te maak. Dit is genoeg om enige libtard tot raserny te dryf tensy hy geheelenal skizofrenies is.
Die VSA en VK erken nie “Palestina” as ‘n onafhanklike staat nie. Maar as Zuma konsekwent wil wees, moet hy dit mos toelaat ( met dieselfde entoesiasme!) as daar mense hier in SA is wat dieselfde wil doen.