Kategorie: Nuus

Australiese premier siek vir VN-gepreek oor immigrasie

In Perth het die Australiese­ premier, Tony Abbott, Woensdag­ gesê hy is siek en sat vir die Verenigde­ Nasies (VN) se gepreek oor onwettige immigrante, het die Daily Mail berig.

Abbott het gesê die Australiese­ beleid om onwettige­ immigrante­ se bote soms terug te sleep na hul land van oorsprong, is “die ordentlikste­, barmhartigste­” oplossing.

Abbott het gereageer op die VN se beroep op onder meer die Europese Unie om hom daartoe te verbind om aansienlik meer vlugtelinge toe te laat as wat tans gebeur, en kanale te skep vir veilige migrasie.

In ‘n ope brief het senior VN-amptenare gesê die EU se voorstelle is grootliks daarop gemik om die toestroming van migrante te keer eerder as om hulle veiligheid en regte ‘n prioriteit te maak.

Die VN sê sterker maatreëls om migrante se regte te beskerm sal meer in ooreenstemming wees met die EU se eie beginsels van menslikheid, eensgesingheid en respek vir menseregte.

Nigel Farage, die leier van die UK Independence Party (UKIP) het Abbott geprys vir sy voorstelle aan Europa se leiers oor hoe om die bote uit Afrika terug te draai.

Farage wou egter nie die aanhouding van immigrante, die aanhouding van kinders, of gedwonge terugdryfmaatreëls onderskryf wat deur Australië toegepas word nie.

“Sommige van die maniere waarop Australië optree oor hierdie dinge,” het hy gesê, “is taaier as wat ons in Brittanje kan aanvaar.”

Farage probeer stemme werf vir die verkiesing oor twee weke met sy party wat teruggesak het in die peilings.

Premier Matteo Renzi van Italië het Abbott se taksering beaam. Renzi het aan wetgewers in Rome gesê Europa en die VN moet saam ingryp, het Bloomberg berig.

Dié uitlatings volg nadat ‘n boot Sondag onderweg­ na die Italiaanse eiland Lampedusa­ omgeslaan het. Na raming het byna 700 mense omgekom.

Libiese wetstoepassers het Dinsdag sowat 70 mense in Tripoli in hegtenis geneem terwyl hulle op ‘n boot gewag het gewag het om hulle na Lampedusa­ in Italië te neem, het ‘n emigrasie-­ampte­naa­r gesê.

Twee bote, een met sowat 250 mense van onder meer Senegal, Ghana en Ethiopië, en die ander met honderde­ Ethiopiërs­ en burgers van Eritrea aan boord, is ook voorgekeer­ nadat hulle reeds uit Libië vertrek het na die EU-Eldorado.

Etlike vaartuie met sowat 600 mense aan boord wat na Italië wou vlug, is die afgelope­ drie dae verhoed om uit Libië te vertrek, het ’n veiligheidsamptenaar­ hier gesê.

Sikloon woed aan Australiese ooskus

‘n Sikloon saai verwoesting aan die Australiese ooskus, ‘n verskynsel wat volgens weerkundiges die kus elke tien jaar teister.

Miljoene dollar se skade is reeds aan geboue en infrastruktuur­ aangerig en vier mense het omgekom in die storm.

Spoorlyne na die noorde en suide van Sydney is afgesny en talle paaie in van Australië se grootste stede is onbegaanbaar weens verspoelings. Dakke op talle plekke is afgewaai met sikloonsterkte winde van tot 135 km/h.

Bome is ook ontwortel en kraglyne­ beskadig sodat verkeersligte nie werk nie. Pendelaars­ is gestrand weens openbare­ vervoerdienste wat vertraag of gekanselleer is en word aangeraai om spitstye te vermy.

Die Sydney-hawe moes sluit en ‘n plesierboot met meer as 2 500 passasiers­ kon nie aan wal kom nie.

Die weerdiens het gewaarsku dat ‘n tweede storm die kus noord van Sydney kan tref, met stormster­k winde van tot 100 km/h.

Dungog, ‘n dorp sowat 200 km noord van Sydney, is die ergste getref. ‘n Bejaarde vrou en twee mans, wat verdrink het in die vloed, is Dinsdag gevind.

Drie hospitale­ is sonder krag en moet kragopwekkers­ gebruik. Talle skole is ook gesluit.

Heli-ongeluk eis twee

Die Burgerlugvaart-owerheid en die polisie ondersoek ‘n helikopter-ongeluk waarin twee mense in Bainskloof naby Wellington in die Boland dood is.

‘n Woordvoerder van Working on Fire, Linton Rensburg sê die slagoffers was besig om brande in die Wynland-omgewing te bestry toe die vlieënier ‘n noodlanding moes uitvoer, het RSG berig.

Rensburg sê die slagoffers se name kan nog nie bekendgemaak word nie, omdat hulle naasbestaandes eers in kennis gestel moet word.

Departement teiken Afrikaanse skole in Pretoria

‘n Kennisgewing van die Gautengse Onderwysdepartement oor die verandering van sommige enkelmedium skole na dubbelmedium, sorg vir groot ongelukkigheid onder Afrikaanssprekendes in Pretoria.

Al die skole wat op die departement se kennisgewinglys verskyn, is Afrikaanse skole.

Die departement is klaarblyklik nie bewus daarvan dat die besluit om ‘n skool se taalbeleid te verander die verantwoordelikheid van ‘n skool se beheerliggaam is en nie dié van die departement nie.

Die departement probeer voorgee dat die tekort aan skole en klaskamers in die provinsie opgelos moet word, maar het onlangs swart ouers berispe wat hul kinders in model C skole wil inskryf terwyl lokasieskole oopstaan.

Die skole wat geteiken word, sluit Afrikaans Hoër Meisieskool, Laerskool Pretoria-Oos, Laerskool Anton van Wouw en Hoërskool Menlopark in.

Swaziland se hoofregter op vrye voet

Swaziland se hoofregter, Michael Ramodibedi is steeds op vrye voet, het RSG berig.

Dit volg nadat die polisie ‘n finale waarskuwing aan hom uitgereik het om homself oor te gee.

‘n Lasbrief vir Ramodibedi se inhegtenisneming is verlede Vrydag uitgereik. Hy word onder meer van korrupsie beskuldig.

Intussen sê Swaziland se teen-korrupsie kommissie hy gaan borgtog teenstaan vir die voormalige minister van justisie, Sibusiso Shongwe, twee regters Mphendulo Simelane en Jacobus Annandale, en ‘n griffier van die Hooggeregshof, Fikile Nhlabatsi.

VSA woedend oor EU-besluit wat GM-gewasse raak

Die Europese Kommissie se voorgestelde wette wat individuele lidlande van die Europese Unie sal toelaat om invoere van geneties gemanipuleerde gewasse te beperk of te verbied, het ‘n skerp reaksie van die VSA ontlok.

Selfs al is sulke GM-gewasse goedgekeur vir die EU as ‘n geheel, sal lidlande nog self kan besluit of dit strydig is met hul gesondheidsvoorskrifte.

Die VSA is woedend oor die planne wat menslike voedsel sowel as dierevoere raak.

Die EU se houding jeens die omstrede geneties gemodifiseerde kosse en veevoer, volg na ‘n vroeëre besluit deur die Europese Parlement in Januarie, wat aan die 28 EU-lande die reg gee om individueel te besluit of hulle GMO’s wil aanplant.

“Ons is baie teleurgesteld deur vandag se aankondiging van ‘n regulerende voorstel wat byna onmoontlik sal wees om te versoen met die EU se internasionale verpligtinge,” sê Michael Froman, die Amerikaanse handelsverteenwoordiger.

Die kompromie is aanvanklik verwelkom, maar omgewingsgroepe sê dat GMO’s die EU nou via die agterdeur kan binnekom op aandrang van reuse Amerikaanse agri-voedsel maatskappye.

Maar aan die ander kant, het die VSA en nywerheidsgroepe gesê die ooreenkoms verbreek die EU se kardinale reël dat die blok as ‘n enkele mark funksioneer waar produkte veronderstel is om vrylik versprei te kan word.

Slegs een GMO word tans toegelaat in die EU. Dit is die multinasionale Monsanto se handelsmerk vir koring GMO MON810 wat in Spanje, Portugal en die Tsjeggiese Republiek verbou word.

Amerika is die grootste produsent van geneties gemanipuleerde gewasse. Die oorgrote meerderheid van die mielies wat in Suid-Afrika geproduseer word, is ook geneties gemanipuleer.

Universiteit Stellenbosch haal Verwoerdplaat af as deel van suiweringsveldtog

Na aanleiding van die gedoente rondom die Rhodesstandbeeld by die Universiteit van Kaapstad, het die Universiteit van Stellenbosch besluit om die kampus van veral Afrikanersimbole te suiwer. ‘n Gedenkplaat vir dr. H.F. Verwoerd gaan verwyder word en in die universiteitsmuseum geplaas word waar dit “behoorlik gekontekstualiseer sal word”, vermoedelik op ‘n baie negatiewe wyse.

Dr. en mev. Verwoerd, afgeneem voor die Sosiale Wetenskappegebou toe dit in 1963 na hom vernoem is
Dr. en mev. Verwoerd, afgeneem voor die Sosiale Wetenskappegebou toe dit in 1963 na hom vernoem is

‘n Woordvoerder vir die universiteit, Martin Viljoen, het gister verklaar:

“Dit is iets wat al tien jaar gelede gedoen moes gewees het toe die [Rekeningkunde- en Statistiek-] gebou se naam verander is.”

Die Rekeningkunde- en Statistiek-gebou het tot tien jaar gelede as die H.F. Verwoerd-gebou bekendgestaan.

Die linksliberale dagblad in die Wes-Kaap, Die Burger, het voorheen in sy blaaie ‘n veldtog teen die gedenkplaat gevoer ten einde die US te dwing om dit te verwyder.

Daarom het die universiteitsbestuur amptelik besluit om dit af te haal, het Viljoen gesê.

Die universiteitsbestuur sal verder met linkse en marxistiese groepe op die kampus vergader om die revolusionêre transformasie van alle “visuele en simboliese elemente” op die kampus te bespreek. Daar word verstaan dat alle Afrikanerfigure uit die geskiedenis dit sal ontgeld.

Volgens inligting wat aanlyn beskikbaar is, moes die HF Verwoerdgebou eers die departement Sosiale Wetenskappe gehuisves het, want dit is in 1963 na die voormalige eerste minister vernoem. By die benoemingsgeleentheid het 250 studente in kleurbaadjies van die Dagbreekkoshuis, waarin Hendrik Verwoerd as student tuisgegaan het, vir hom ‘n erewag gevorm.

Danksy Die Burger is die oud-Matie, HF Verwoerd, egter vandag persona non grata op Stellenbosch.

DA veroordeel bewaringsgesinde en wetsgehoorsame Afrikaners

In ‘n mediaverklaring wat slegs in Engels uitgereik is, het die DA die protes veroordeel wat op Kerkplein gehou is teen die onwettige skendings van standbeelde.

Die party het Steve Hofmeyr, Sunette Bridges en ander Afrikaners se oproep om wetsgehoorsaam te wees en kultuurgoedere te bewaar, veroordeel. Hulle het ‘n bewaringsgesindheid as “racially divisive” beskryf.

Klaarblyklik is die party van mening dat alles in Suid-Afrika maar afgebreek mag word om swart rasse-eenheid te bewaar.

Die DA bestempel ‘n bewaringsgesindheid as in dieselfde kategorie van onaanvaarbare optrede as dié van die EFF met die skending van ‘n kultuurerfenis.

Hulle het die teenwoordigheid van die vierkleur en sing van Die Stem ook veroordeel.

In die DA se mediaverklaring word Afrikaners as ‘n “minderheid van randfigure” afgemaak wat oral “verdeling, haat en vrees saai”.

Hulle verklaar voorts dat die land ons nie nodig het nie.

“The reactionary and racially divisive defence of these aspects of our collective national history makes today’s protest from the far-right no better than the actions of those defacing and destroying monuments and statues across the country,” aldus die DA.

In weerwil van die DA se kwaadwillige uitlatings oor Afrikaners wat soortgelyk is aan die EFF, is ‘n dringende interdik bekom téén die EFF en sy leierskap vir hul voortgesette vandalisme.

In ‘n uitspraak in die Pretoria Hooggeregshof dié week, het regter Eben Jordaan gesê dat dit steeds onwettig is om standbeelde te beskadig.

Jordaan het hofbevel toegestaan wat die EFF-leier Julius Malema, die party se nasionale woordvoerder Mbuyiseni Ndlozi en die adjunk-voorsitter van Tshwane Moafrika Mabongwana verbied om enige van die party se lede en ondersteuners aan te hits om enige nasionale monument of standbeeld in SA te ontsier, beskadig of te verwyder.

Dit sluit spesifiek monumente en standbeelde in wat die Afrikanergeskiedenis en -kultuur verteenwoordig.

Demokratiese VS-senator reël visums vir damesimmigrante met groot borste

Volgens die webblad Vdare.com het ‘n Amerikaanse senator, Bob Menendez (Demokraties, Nieu-Jersey), sy posisie misbruik om visums aan damesimmigrante met groot borste te verskaf. Die webblad verwys daarna as die “36DD-visumprogram”, ‘n pikante toespeling op die VSA se hele “alfabetsop” van visums wat gebruiklik toegestaan word: B-1 vir sakebesoekers, B-2 vir toeriste, F-1 vir studente, ens.

Juliana Lopes Leite, 'n Brasiliaanse model en aktrise wat ook naak geposeer het
Juliana Lopes Leite, ‘n Brasiliaanse model en aktrise wat ook naak geposeer het

Dit blyk dat Demokratiese mans met “konneksies” vir hulle pragtige nooiens in ander lande uitsoek wat dan blitssnel met Amerikaanse visums “beloon” word, iets wat die koerant die New York Post onlangs oopgevlek het. Onder andere het senator Menendez druk op die Amerikaanse ambassade in Brasilia, die hoofstad van Brasilië, geplaas om ‘n visum vir Juliana Lopes Leite (foto hiernaas) toe te staan.

Juliana Lopes, soos sy ook bekend is, was Salomon Melgen, ‘n vriend van Menendez, se minnares en terwyl sy in die VSA “gestudeer” het, is sy oral op reise saam met hom opgemerk. Die Amerikaanse ambassade in Brasilia het blykbaar binne slegs enkele ure in 2008 ‘n F1-studentevisum aan Lopes Leite uitgereik en sy woon vandag nog in die VSA. Melgen is intussen aangekla van bedrog met die Medicare-gesondheidsorgstelsel.Boonop is Lopes Leite se studies deur ‘n nie-winsgewende stigting gefinansier wat Melgen spesiaal vir dié doel geskep het. Sowel Lopes Leite as ‘n “minnares nr. 2” wat met Menendez self verbind word, is deur dié stigting vir “voorheen benadeeldes” gehelp.Volgens Vdare.com kom daar jaarliks 500 000 studente op F1-visums na die VSA, waarvan die meeste nooit weer na hul lande van oorsprong terugkeer nie. Sommige studeer ook aan “skim-kolleges” wat net op papier bestaan.

Departement sê lokasie-skole net so goed soos model C

‘n Amptenaar van die Departement van Basiese Onderwys, James Ndlebe sê ouers se persepsies dat skole buite hul eie woongebiede gehalte-onderwys aanbied, is jammer.

Hy het gesê daar is selfs mense wat die persepsie gebruik om geld te maak.

Beide model C en lokasie-skole gebruik dieselfde leerplanne wat gevolg moet word.

Ndlebe het in ‘n onderhoud op SA FM se Forum@8 gesê beide model C en lokasie-skole bied gehalte-onderwys.

Hy sê die vervoer kinders van een gebied na ‘n ander is ‘n duur oefening. Dié uitlatings kom te midde van ouers wat hul kinders registreer vir die 2016-akademiese jaar en vir ure lank buite skole uitkamp.

Ndlebe sê een van die uitdagings wat die departement in die gesig staar, is die tekort aan skole, veral in Gauteng. Dit is as gevolg van ekonomiese migrasie en die aantal huise wat gebou word in verskillende gebiede.

Nog ‘n rede is die sluiting van skole in sekere gebiede. Ndlebe sê sommige van die skole word gesluit omdat jong volwassenes na voorstede verhuis.