In Perth het die Australiese premier, Tony Abbott, Woensdag gesê hy is siek en sat vir die Verenigde Nasies (VN) se gepreek oor onwettige immigrante, het die Daily Mail berig.
Abbott het gesê die Australiese beleid om onwettige immigrante se bote soms terug te sleep na hul land van oorsprong, is “die ordentlikste, barmhartigste” oplossing.
Abbott het gereageer op die VN se beroep op onder meer die Europese Unie om hom daartoe te verbind om aansienlik meer vlugtelinge toe te laat as wat tans gebeur, en kanale te skep vir veilige migrasie.
In ‘n ope brief het senior VN-amptenare gesê die EU se voorstelle is grootliks daarop gemik om die toestroming van migrante te keer eerder as om hulle veiligheid en regte ‘n prioriteit te maak.
Die VN sê sterker maatreëls om migrante se regte te beskerm sal meer in ooreenstemming wees met die EU se eie beginsels van menslikheid, eensgesingheid en respek vir menseregte.
Nigel Farage, die leier van die UK Independence Party (UKIP) het Abbott geprys vir sy voorstelle aan Europa se leiers oor hoe om die bote uit Afrika terug te draai.
Farage wou egter nie die aanhouding van immigrante, die aanhouding van kinders, of gedwonge terugdryfmaatreëls onderskryf wat deur Australië toegepas word nie.
“Sommige van die maniere waarop Australië optree oor hierdie dinge,” het hy gesê, “is taaier as wat ons in Brittanje kan aanvaar.”
Farage probeer stemme werf vir die verkiesing oor twee weke met sy party wat teruggesak het in die peilings.
Premier Matteo Renzi van Italië het Abbott se taksering beaam. Renzi het aan wetgewers in Rome gesê Europa en die VN moet saam ingryp, het Bloomberg berig.
Dié uitlatings volg nadat ‘n boot Sondag onderweg na die Italiaanse eiland Lampedusa omgeslaan het. Na raming het byna 700 mense omgekom.
Libiese wetstoepassers het Dinsdag sowat 70 mense in Tripoli in hegtenis geneem terwyl hulle op ‘n boot gewag het gewag het om hulle na Lampedusa in Italië te neem, het ‘n emigrasie-amptenaar gesê.
Twee bote, een met sowat 250 mense van onder meer Senegal, Ghana en Ethiopië, en die ander met honderde Ethiopiërs en burgers van Eritrea aan boord, is ook voorgekeer nadat hulle reeds uit Libië vertrek het na die EU-Eldorado.
Etlike vaartuie met sowat 600 mense aan boord wat na Italië wou vlug, is die afgelope drie dae verhoed om uit Libië te vertrek, het ’n veiligheidsamptenaar hier gesê.
Die kruks van politiek neig na immigrasie as die sentrale been vir langtermyn veiligheid. Die Amerikaanse beleid “to keep war away from our shores” is besig om liederlik te faal. Die kekkelende Hilary gaan hierdie ondergang vasmessel in die Weste se toekoms. Eintlik is Tony Abbott met sy nagslag en al, op die regte pad, hy weet dit net nie.
“Farage probeer stemmer werf vir die verkiesing …”
Moet seker ‘stemme’ wees!
“Prevention is better than cure”. Amerika en Europa ( en onsself ook) sit met ‘n onomkeerbare probleem: Daar is GEEN manier waarop hierdie vloedgolf teruggedraai kan word nie, net so min as wat ‘n tsoenami teruggedraai kan word. Een van die grootste probleme is dat hulle “aanteel soos konyne” en die inheemse bevolkings se aanwas daal …. mens hoef nie ‘n graad in ekonomie te hê om die onhoudbaarheid van die situasie te besef nie!
Dit is duidelik dat die VN ten gunste is van die oorspoeling van ander mense se lande met die gepeupel van die “minder gegoede” lande – Dit is seker omdat elke diktator op ‘n klip ‘n sê in die VN het.
Dis jammer om al hierdie dinge te hoor wat in ander lande gebeur en die wat toevlug soek, maar jy kan nie jou eie land keel afsny om ander die heeltyd te wil help nie.
Dan sit jy later met ‘n klomp strind opgeskeep en jy moet sukkel.