Taxis veroorsaak ontwrigting op R40

Verkeer op die R40-roete tussen Witrivier en Mbombela in Mpumalanga word ontwrig deur taxis.

Taxis het die afrit na Mpumalanga se regeringskompleks versper, het RSG berig.

Die verkeer in die rigting van Mbombela het tot stilstand gekom en tot agt kilometer opgedam.

Die R40 is die besigste roete in Mpumalanga. Agt taxi-verenigings in die gebied kla oor voorkeurbehandeling by die toekenning van plek by taxi-staanplekke.

Die betogers sê hulle het al by die Mbombela-munisipaliteit en die kantoor van die Premier gekla, maar niks het daarvan gekom nie.

Mampie-Rampie as Agang-leier uitgeskop

Dr. Mamphela Ramphele, leier van Agang SA, is geskors uit haar party met die volle steun van alle lede teenwoordig.

Mike Tshishonga, partyvoorsitter, sal intussen as president waarneem, het Beeld berig.

Ramphele is Sondag in haar afwesigheid op ’n vergadering van die party in Alexandra, Johannesburg, uitgeskop.

Andries Tlouamma, adjunkpresident van Agang SA, sê Ramphele het die party in “oneer gebring” nadat sy by beweerde bedrog betrek is.

Duisende rande deur die Onafhanklike Verkiesingskommissie (OVK) aan Agang SA is in ’n verkeerde rekening betaal waaroor Mampie-Rampie beheer gehad het.

Ondersteuners van Mampie-Rampie het met ’n hofinterdik gepoog om die vergadering te keer, maar die aansoek is van die hand gewys.

Nuwe propaganda-ministerie veroordeel

Die nuwe minister van kommunikasie Faith Muthambi wil die parlement se magte oor die SAUK inperk.

Die Sunday Times het Sondag berig dat Muthambi erken het dat meer beheer oor oor SAUK-raadslede in die vooruitsig stel.

Die minister sal raadslede byvoorbeeld eensydig kan afdank.

Ingevolge die Uitsaaiwet van 2009 mag raadslede tans net deur die Nasionale Vergadering afgedank word, en eers nadat die parlementêre portefeuljekomitee oor kommunikasie ondersoek ingestel het na die spesifieke geval.

Volgens die minister is die huidige raad te groot en duur en wil sy die aantal lede van 12 tot vyf verklein.

Frans Cronjé van die SAIRV sê die SAUK sal die rol van ’n ministerie van propaganda vervul.

Muthambi se nuwe departement is deur pres. Jacob Zuma aangekondig om beheer te neem oor die SAUK, die Onafhanklike Kommunikasie-owerheid van Suid-Afrika en alle staatskommunikasie.

“Dit is nie verregaande om dit ’n propagandaministerie te noem nie,” het Cronjé gesê.

Mosiuoa Lekota, Cope-leier, het gesê dié stappe sal die ANC beheer oor die openbare uitsaaier gee.

“Dit gaan die regerende party groter eksklusiewe seggenskap oor die uitsaaier gee.”

Hy het gesê die politieke beheer oor die SAUK is reeds problematies.

Muthambi het nie gister op versoeke om kommentaar gereageer nie.

Ebola gaan nog grense oorsteek

Die dodelike siekte Ebola wat in Wes-Afrika uitgebreek het, kan verder grense oorsteek na nog buurlande.

Dié moet voorbereid wees vir die risiko dat reisigers die virus na hulle kan versprei, het die Wêreldgesondheidsorganisasie gesê.

“Ons wil hê ander lande in Wes-Afrika – Ivoorkus, Mali, Senegal en Guinnee Bissau – moet reg wees ingeval mense met die virus hul land binnekom,” het dr. Pierre Formentry gesê.​

Die virus het reeds talle lewens geëis.

Russel Botman sterf

Prof Hayman Russel Botman, Rektor en Visekanselier van die Universiteit Stellenbosch (US), is vannag by sy huis op Stellenbosch in sy slaap oorlede.

Mnr George Steyn, Voorsitter van die Universiteitsraad het sy innige medelye met prof Botman se vrou, Beryl, sy kinders, familie en die Universiteit se personeel en studente uitgespreek. “Russel was ’n liewe en geliefde mens. Ek het groot ontsag vir sy integriteit en sy leierskap, onder meer die manier waarop hy gedurende die stormagtige jare destyds die Fakulteit Teologie van die Universiteit van Wes-Kaapland oorgebring het na die Universiteit Stellenbosch. Hy is ’n man wat vas gestaan het ten opsigte van sy eie oortuigings en beginsels, en daarvolgens geleef het. Die Universiteit Stellenbosch het die afgelope klompie jare groot baat gevind by sy visioenêre leierskap, wat ʼn weerspieëling was van sy lewensfilosofie dat die US se uitnemende navorsing en onderrig ’n verskil in die samelewing moet maak.

“Russel het gereeld in gesprekke tussen ons verwys na die feit dat die ‘plaaseienaar se kind en die plaasarbeider se kind ʼn gelyke kans moet hê om ʼn Matie te wees’. Ook het hy telkens vir my gevra of ons genoeg doen om te verseker dat die US, as 21ste eeuse universiteit, genoeg doen om terselfdertyd toe te sien dat sy en my kleinkinders eendag hier in Afrikaans sal kan studeer.

“Ek wil ook namens die breë Universiteitsgemeenskap vir Beryl bedank en ons waardering uitspreek vir haar liefdevolle en onbaatsugtige bystand aan Russel.”

Dr Johann Rupert, Kanselier van die US, het gesê dat prof Botman ʼn persoon met onkreukbare integriteit was wat hom altyd vir sy medemens opgeoffer het. “Hy het sy diep geloof daagliks uitgelewe.

“Die twee van ons het net verlede week ʼn heerlike middagete geniet waartydens  ons ʼn breedvoerige gesprek gehad het. Taalkwessies, studente veiligheid en die algemene stand van Suid-Afrika was bespreek.

“Onregverdige kritiek uit verskeie oorde het hom duidelik diep seergemaak. Russel het dit egter verduur sonder om te kla.

“Namens my familie wil ek ook innige simpatie en medelye aan Beryl en die kinders oordra. Die Universiteit Stellenbosch en Suid Afrika het ’n persoon van groot waarde verloor. Ons gaan hom geweldig mis.”

Prof Botman sou komende week na die buiteland vertrek het, en hy het prof Leopoldt van Huyssteen, Bedryfshoof van die US as waarnemende rektor aangewys. Prof Botman sou in Julie vereer word met ’n eregraad van die Universiteit van Aberdeen in Skotland. Prof Van Huyssteen sal in hierdie hoedanigheid waarneem tot wanneer die Uitvoerende Komitee van die Raad in Julie vergader.

Prof Botman word oorleef deur sy vrou, Beryl en vier kinders: Hayman, Ilse, Roxanne en Lizelle. Die begrafnisreëlings is nog nie bekend nie.

Bio van Prof H Russel Botman

Professor Hayman Russel Botman was die Rektor en Visekanselier van die Universiteit Stellenbosch (US). Hy is in 2007 in dié amp aangestel, en in 2012 heraangestel vir nog ʼn 5-jaar termyn.

Ten tye van sy dood was hy ook Senior Visepresident van die Vereniging van Afrika-universiteite, Raadsvoorsitter van Kaapstad as Wêreldontwerphoofstad 2014, en ʼn Direksielid van Hoër Onderwys Suid-Afrika en van Media24. Hy het ook van 2006 tot 2011 as Direksievoorsitter van die Klein-Karoo Nasionale Kunstefees gedien.

Hy is op 18 Oktober 1953 in Bloemfontein gebore, en was as laerskoolkind in die Dr Blok-skool in Heidedal. Hy matrikuleer aan die Kliptown Senior Sekondêre skool in Johannesburg, waarna hy sy studies aan die Universiteit van Wes-Kaapland (UWK) voortsit. Hy verwerf die grade BA (1978), BTh (1979), BTh Lisensiate (1981), MTh cum laude (1984) en DTh (1994).

As lid van UWK se Studenteraad in 1976, die jaar van die Soweto-opstand, het hy sy medestudente in protes teen apartheid gelei.

Hy is in 1982 as predikant van die destydse NG Sendingkerk georden, en dien van 1982 tot 1993 as leraar in Wynberg. Hy sou ʼn sleutelrol speel in die totstandkoming van die Verenigende Gereformeerde Kerk in Suider-Afrika, en was enduit ʼn sterk voorstander van eenheid in die NG Kerkfamilie.

In 1994 word hy as Senior Lektor in Praktiese Teologie by UWK aangestel, en in 1999 word hy tot Medeprofessor en Dekaan van die Fakulteit Godsdiens en Teologie bevorder. In 2000 word hy as Professor in Praktiese Teologie en Missiologie aan die US aangestel. Hy het 38 studente van UWK af met hom saamgebring toe daar besluit is om die VKSA se Kweekskool te verskuif weens rasionalisasie aan die UWK.

In 2002 word hy Viserektor: Onderrig, ʼn pos wat hy beklee tot sy historiese aanstelling as die US se eerste swart Rektor en Visekanselier in 2007. Hy het ook van 2003 tot 2007 as President van die Suid-Afrikaanse Raad van Kerke gedien, en het talle akademiese en populêre artikels oor menseregte, versoening, menswaardigheid en maatskaplike geregtigheid gepubliseer.

Die titel van sy inhuldigingstoespraak aan die US in April 2007 was “ʼn Multikulturele universiteit met ʼn pedagogie van hoop in Afrika”, en hy het gesê hy sou hom daaraan toewy om die US se uitgesproke verbintenis tot regstelling en ontwikkeling in die praktyk te verwesenlik. In 2010 stuur hy die US se HOOP Projek van stapel, waardeur die Universiteit ontwikkeling in die samelewing bevorder. In 2013 aanvaar die Universiteit onder sy leiding ʼn nuwe Visie 2030, wat daarop gemik is om die instelling meer inklusief, innoverend en toekomsgerig te maak.

In Maart 2014 het hy ʼn eredoktorsgraad van Hope College in die VSA ontvang vir leierskap in die hoëronderwys en die gereformeerde kerk om geregtigheid vir alle Suid-Afrikaners te bevorder. In April 2013 het hy die Abraham Kuyper-prys van die Princeton Theological Seminary in die VSA ontvang vir uitnemendheid in teologie en die openbare sfeer. Hy het ook erelidmaatskap van die Verenigde Nasies Vereniging van Suid-Afrika ontvang vir die bevordering van die Millennium Ontwikkelingsdoelwitte. En op 8 Julie 2014 sou hy ʼn eredoktorsgraad van die Universiteit van Aberdeen in Skotland ontvang het.

Prof Botman word oorleef deur sy vrou, Beryl en vier kinders: Hayman, Ilse, Roxanne en Lizelle. – Universiteit van Stellenbosch se mediavrystelling

Suid-Afrika hoog op lys van anti-Semitiese lande

Suid-Afrika is die land met die derde hoogste voorkoms van anti-Semitisme in Afrika suid van die Sahara. Agt-en-dertig persent van die land se volwasse bevolking koester anti-Joodse gevoelens, volgens ‘n omvattende nuwe opname wat deur die Joodse Liga teen Laster (Anti-Defamation League) onderneem is.

Slegs Senegal (53%) en Mauritius (44%) toon hoër koerse van anti-Semitisme as Suid-Afrika in die streek. In Noord-Afrika met sy oorwegend Moslem-bevolking is die koerse nóg hoër met Algerië, Libië en Tunisië waar 87% van volwassenes ‘n lae dunk van Jode het.

Lande waar minder as 6% van mense anti-Semitiese gevoelens koester, is Nederland, Swede, die Filippyne, Viëtnam en Laos.

Die twee lande in Wes-Europa met die hoogste tellings is Griekeland (69%) en Frankryk (37%). Insiggewend is dat Frankryk, waar deesdae openlik met Jode die spot gedryf word, een persentasiepunt onder dié van Suid-Afrika verkeer.

Die bevindings weerspreek die siening van mev. Mary Kluk, voorsitster van die Suid-Afrikaanse Joodse Raad van Afgevaardigdes wat onlangs nog in die SA Jewish Report geskryf het dat “daar min of geen anti-Semitisme in Suid-Afrika teenwoordig is nie”. Suid-Afrika word ook as ‘n gesogte bestemming vir inwaartse immigrasie deur Jode beskou, met ongeveer 10 000 Jode wat in die afgelope dekade vanuit Israel na Suid-Afrika geïmmigreer het.

Volgens die Joodse Liga teen Laster is antipatie teenoor Jode die laagste in Engelssprekende lande, asook onder Protestante. Moslems, Katolieke en Ortodokse Christene is meer geneig om anti-Semities te wees. Op die Wes-Oewer van die Jordaan en in die Gasastrook bereik anti-Joodse gevoelens ‘n rekordhoogtepunt van 93%, met die oorloggeteisterde Irak ‘n kortkop agter op 92%.

Die wetenskaplike opname is deur die New Yorkse firma Anzalone Liszt Grove Research onderneem, nadat ‘n ryk New Yorkse Jood, mnr. Leonard Stern, ‘n onbekende bedrag geld vir dié doel geskenk het. Data uit 102 lande is in 96 tale en dialekte ingesamel via landlyntelefone, selfone en onderhoude van aangesig tot aangesig. Die respondente is tussen Julie 2013 en Februarie 2014 op ewekansige wyse gekies en bestaan uit ‘n demografies verteenwoordigende monster van die volwasse bevolkings.

Deelnemers aan die peiling is ‘n reeks van 11 vrae gevra wat “gegrond is op eeue oue stereotipes oor Jode, waaronder klassieke stereotipes oor Joodse mag, lojaliteit, geld en gedrag. Diegene wat ja geantwoord het op ses of meer negatiewe stellings oor Jode is as anti-Semities beskou.”

Die foutpersentasie in die meeste lande waar 500 deelnemers gekies is, was +/- 4,4 persent. In groter lande, waar 1 000 onderhoude gevoer is, was die foutpersentasie  +/- 3,2 persent.

Vrae wat aan deelnemers gestel in Suid- Afrika gevra is, is die volgende, met die persentasie ja-antwoorde agterna:

  1. Jode is meer lojaal teenoor Israel as teenoor Suid-Afrika: 57%
  2. Jode beskik oor te veel mag in die sakewêreld: 53%
  3. Jode beskik oor te veel mag in internasionale finansiële markte: 47%
  4. Jode praat steeds te veel oor wat met hulle tydens die Holocaust gebeur het: 19%
  5. Jode gee nie om oor wat met enigiemand behalwe hul eie mense gebeur nie: 55%
  6. Jode het te veel beheer oor globale aangeleenthede: 36%
  7. Jode het te veel beheer oor die Amerikaanse regering: 29%
  8. Jode dink hulle is beter as ander mense: 43%
  9. Jode het te veel beheer oor die globale media: 28%
  10. Jode is verantwoordelik vir die meeste van die wêreld se oorloë: 40%
  11. Mense haat Jode vanweë die manier waarop Jode hul gedra: 50%

Volledige verslag in Engels hier beskikbaar.

Die Joodse Liga teen Laster het onlangs R6 miljard ingesamel om “Holocaust-sentra” regoor die wêreld te bou. ‘n Holocaust-sentrum bestaan reeds in Kaapstad en ‘n tweede is in Johannesburg in aanbou. Skoolkinders regoor Gauteng gaan glo die sentrum besoek om hulle oor die Duitse vergrype teen Jode tydens die tweede wêreldoorlog in te lig.

Volgens die SA Jewish Report was 23% van Johannesburgse burgemeesters deur die geskiedenis Jode. Enkele bekende Suid-Afrikaanse Jode is:

Mev. Helen Suzman, liberale politikus.

Mnr. Joe Slovo, kommunistiese leier en voormalige minister.

Mnr. Ronnie Kasrils, militêre leier van Umkhonto we Sizwe en voormalige minister.

Mnr. Simon Susman, voorsitter van Woolworths.

Mnr. Raymond Ackerman, eienaar en stigter van Pick ‘n Pay.

Zapiro, alias Jonathan Shapiro, spotprentkunstenaar.

Me. Gill Marcus, goewerneur van die Suid-Afrikaanse Reserwebank.

Mnr. Rusty Bernstein, skrywer van die ANC se Vryheidsmanifes.

Mnr. Albie Sachs, politieke aktivis en voormalige regter van die Grondwethof.

Mnr. Johnny Clegg, sanger.

Mnr. Pieter-Dirk Uys, komediant en fopdosser.

Mnr. David Kramer, sanger.

Me. Helen Zille, liberale politikus.

Mnr. Tony Leon, voormalige opposisieleier.

Mnr. Rob Davies, minister van handel en nywerheid.

Me. Hillary Joffe, adjunkredaktrise van Business Day.

Mnr. Max Price, visekanselier van die Universiteit van Kaapstad.

Me. Kim Heller, mediastrateeg van die Ekonomiese Vryheidsvegters (EFF).

Me. Nadine Gordimer, Nobelpryswenner vir letterkunde.

Mnr. Anton Harber, voormalige redakteur van die Mail & Guardian, tans professor van joernalistiek aan Wits en mentor vir Beeld-joernaliste.

Mnre. Abe en Solly Krok, stigters van die maatskappy Twins en oprigters van die Anti-apartheidsmuseum.

Twee verkeersbeamptes geskiet

Twee verkeersbeamptes is Donderdagaand by Heidelberg in Gauteng geskiet.

Die Gautengse polisie het Vrydag die publiek se hulp gevra om die aanvallers vas te trek.

Kaptein Thivhulawi Tshilate gesê die twee, 46 en 52, was besig om die R550 te patrolleer toe ‘n wit Volkswagen Golf hulle verbygesteek het op ‘n versperringslyn.

Die beamptes wou die oorteder stop, maar die bestuurder het weggejaag.

“Die verkeersbeamptes het hom agternagesit en … een van die insittendes van die verdagte se voertuig het deur die venster verskeie skote na die verkeersbeamptes begin skiet uit die voertuig met ‘n geweer,” het Tshilate gesê.

“Albei verkeersbeamptes … het ernstige beserings opgedoen en (is) na die hospitaal vir mediese behandeling geneem.”

Ses koeëls het die voertuig getref.

Dit is nie bekend wie hulle aanvallers is nie. Die polisie het die publiek gevra om die Heidelbergpolisie te kontak indien hulle enige inligting oor die voorval het.

‘n Saak van poging tot moord is geopen.

Bejaarde man in Vishoek doodgesteek

‘n Bejaarde man van Vishoek, Henri Lacour, 71, is Woensdagoggend op ‘n staproete in die Tafelberg Nasionale Park, met ’n mes doodgesteek.

Hy en ’n vriendin het die oggend gaan stap toe hulle beroof is van hul persoonlike besittings.

Lacour, ‘n wewenaar,was glo ‘n buitelewemens wat gereeld sulke staptogte geneem het.

’n Provinsiale polisiewoordvoerder, lt.kol. Andrè Traut, het gesê niemand is nog in verband met die voorval in hegtenis geneem nie.

‘n Woordvoerder van die groep Table Mountain Watch, het gesê die voorval is die eerste waarin iemand vermoor is.

’n Vrou is verlede jaar op Vlaeberg verkrag.

Gautengse premier takel e-tol

Die premier van Gauteng, David Makhura, sal die e-tolstelsel bespreek in sy eerste Provinsiale Rede in Thokoza, oos van Johannesburg.

Hy sal na verwagting die regering se vyfjaarplan bekendstel.

Makhura het ook gesê die omstedenheid van e-tol kan nie geïgnoreer word nie.

Die vyfjaarplan sal na verwagting infrastruktuurbelegging en die uitbreiding van breëbandtegnologie insluit om die ekonomie van Gauteng te ondersteun.

Makhura het vroeër gesê ekonomiese opheffingprojekte in swart woongebiede sal voorkeur geniet.

Die Gautengse administrasie sal die volgende 180 dae verskeie provinsiale onvoltooide projekte hersien.

Die premier van die Oos-Kaap, Phumulo Masualle, lewer ook vandag sy provinsiale rede in Bhisho.

Hy sal na verwagting aankondigings maak oor onderwys, gesondheid en ekonomiese kwessies.

Die DA in die provinsie het aangedui dat hulle swart opheffing steun.

Die UDM-leier in die wetgewer, Masiza Mhlathi sê sy party is bekommerd oor die stand van onderwys.

Provinsies en stadsrade ondermyn demokrasie met nuwe wetgewing

KAAPSTAD. – Die Stad Kaapstad onder aanvoering van burgemeester Patricia de Lille en die DA Alliansie probeer tans drakoniese munisipale wetgewing deur die stadsraad gevoer te kry wat die amptenary in absolute beheer oor die woonomgewing van elke inwoner sal plaas.

Hierdie munisipale konsep-verordening waarmee Kaapstad nou besig is, volg op die nasionale Wet op Ruimtelike Beplanning en Grondgebruik wat verlede jaar in September deur die volksraad aanvaar is. Dit is gevolg deur Wet nommer 3 van 2014, die Wet op die Bestuur van Grondgebruik, wat in Februarie vanjaar deur die Provinsiale Rade aanvaar is en vir elke provinsie in die land geld. Albei hierdie wette word in September vanjaar van krag.

Die deurlopende beleid wat in hierdie opeenvolgende wette vervat is, is onteenseglik gerig op die sentralisering van provinsiale en munisipale mag, en die afskaling van openbare deelname en burgerlike insae in die regeringsproses.

Die Wet op die Bestuur van Grondgebruik bied ‘n bloudruk vir die skep van verdere munisipale verordeninge om openbare deelname tot niet te maak en munisipale mag te verskerp. Die meeste munisipaliteite gebruik reeds die provinsiale wetgewing om delegasiemagte aan burgemeesters en munisipale bestuurders oor te dra. Hierdie stadsraadslede en munisipale amptenare verkry gevolglik ongekende mag om despoties oor belastingbetalers te heers.
Die openbare deelnameproses is een van die min oorblywende magte wat Jan Publiek nog het om in ‘n mate die aard en status van sy woonomgewing te beheer en despotiese mag van amptenare en stadsraadslede af te weer.
Slaag die provinsies en stadsrade later vanjaar in hul doel, sal elke inwoner landswyd maar net gelate kan toekyk hoedat amptenare, burgemeesters en stadsraadslede na willekeur besluit wat in die woonbuurte mag gebeur en wat nie. So sal een van die belangrikste pilare van die demokrasie in Suid-Afrika val.

Kapitaalkragtige en invloedryke ontwikkelaars, byvoorbeeld, sal kan sloop en bou net soos hulle wil sonder om enige woonbuurt se aard en status, asook die regte, gevoelens en wense van die inwoners, hoegenaamd in ag te neem.
Die ontwikkelaars se vriende in die stadsraad en amptenary gaan hulle vrye teuels gee omdat groot kapitaal in die spel is. Kaapstad noem en roem homself tans daarop dat hy die Ontwikkelingshoofstad van die Wêreld is.

Geen hofaksie sal die amptenary en hul magtige vriende dan kan keer nie, want die openbare deelnameproses sal dan nie meer bestaan nie.

Dit is in landsbelang dat elke burgerlike eiendomseienaar alle druk op hul politieke verteenwoordigers plaas om die huidige poging tot sentralisasie van mag deur die provinsies en munisipaliteite, gesteun deur die sentrale regering, te stuit.

– praag-korrespondent in Kaapstad

* * *

COMMENT ON CITY OF CAPE TOWN DRAFT MUNICIPAL PLANNING BYLAW (version A1)

compiled by ML Roux

on behalf of the Habitat Council and CAPTRUST

This comment is submitted on behalf of the Habitat Council and of the Cape Environmental Trust (CAPTRUST)

Further to these four pages of comment, we also attach a summary in Excel format of certain problematic sections of the bylaw  which identify to what extent democratic principles are ignored by the Bylaw.

 

  1. Public participation

In general , it would appear that there is a (deliberate?) failure to give a proper place in the system to Public Participation. We believe this to be contrary to the Constitution and to PAJA and NEMA.  It smacks of an invidious centralization of power, and is undemocratic. We urgently request that the provision for public participation be brought in line with the provision in these three Acts.

  1. Principles and policy

 

Although the Bylaw purports to deal with development principles, it does not provide us with the comprehensive policy  the City intends to apply  with respect to land use decisions . Such  policy must, after all,  guide decision-making.

 

In terms of  Section 3(7) of Land Use Planning Act [LUPA (Act 3 of 2014)], the Provincial Minister must support municipalities to perform their land use planning functions through appropriate measures, including one or more of the following –

S 3(7)(b) issuing standardised models or drafts of municipal policy, by-laws, decisions and forms

At what stage will the City provide us with the policies they will be applying when making decisions?

Basis of assessment of land use applications

S 49 of LUPA reads that, at the least, regard must be had to –

  1. Spatial Development  frameworks

  2. Applicable structure plans

(c) Principles in Chapter VI [of LUPA,  see below]

(d) the desirability of the proposed land use

 

Land Use Planning Principles listed in Chapter VI  of LUPA

We quote the following instances:

LUPA S 59(2)  Land use planning is guided by the following principles of spatial sustainability:

  1. Land use planning should

(ii)  ensure protection of prime, unique and high potential agricultural land

  1. The sustained protection of the environment should be ensured by having regard to the following:

  1. Natural habitat, ecological corridors and areas with high biodiversity importance

  2. The provincial heritage and tourism resources

  3. Areas unsuitable for development, eg. flood plains, steep slopes, wetlands… and landscapes and natural features of cultural significance

 

Note the reference to heritage resources and cultural significance. These terms, for example, occur  nowhere in the Bylaw.

    3.    Scant mention of protection of the environment in the Bylaw

[Compare the requirements of the Land Use Planning Act [LUPA (Act 3 of 2014)]

Only in 10(2)(c) of the Bylaw is there mention of environmental features (environmentally sensitive areas, and high potential agricultural land) that must be mentioned in a Spatial Development Framework.

 

LUPA makes far more detailed and frequent mention of environmental protection.

It determines that the Provincial Minister must monitor provincial land use planning and the impact of one or more of the following matters on provincial land use planning:

Lupa S3(5)(f)  Protection of biodiversity, heritage, and agricultural resources.

 

LUPA S 10(3)(d) mentions heritage, agricultural and tourism resources of provincial importance.

 

A municipal spatial development framework must be aligned with the provincial development plans and strategies and must include a map identifying at least the following in the municipal area.

LUPA S 10(3)(e) reads, “where relevant, area of recognized provincial ecological value, including –

  1. Nature conservation areas

  2. Areas of high biodiversity value

  3. Areas requiring dedicated soil conservation

  4. …

  5. Areas requiring dedicated strategies to adapt to climate change and mitigate the impact of climate change.”

Does the City not consider it necessary to give prominence to environmental aspects??

Chapter 6, Part 8  of the Bylaw:  CONDITIONS at long last mentions some environmental features:

S 40(1) When a municipality approves a land use application subject to conditions, the conditions must be reasonable conditions and must arise from the approval of the proposed utilization of the land.

S 40(2) These may include

(e) agricultural or heritage resource conservation

(f) biodiversity conservation and management.

 

  1. Locus standi

 

It is not made clear in the Bylaw that the public, whether  concerned individuals  or NGOs,  will have locus standi, such as is bestowed  in S43 of  NEMA and S 38 of the Constitution. We furthermore need to have it stated clearly in the Bylaw that persons or organizations litigating in the public interest will not be held liable for legal costs.

 

  1. Establishment of Municipal Planning Tribunals

 

A municipality must, in order to determine land use and land development applications within its municipal area, establish a Municipal Planning Tribunal.  With respect to the composition of a Municipal Planning Tribunal, (see S114(1)(d)), we ask that an appropriately qualified independent designated representative of a local civic or conservation organization  be included among the members of the  tribunal who are not officials.

 

  1. The appeal process

We have not been able to gain clarity on what the position is regarding appeals. We must trust that what the Bylaw prescribes will be in line with the requirements of PAJA and the Municipal Systems Act.

The following sections must be commented on:

Section 113 (2) – the appeal authority must be an impartial assessor unconnected with the City’s political or administrative structure.  As proposed, the appeal authority is judge and jury in its own cause, which is contrary to the country’s constitution

Section 114 (1) – the number of members of the Tribunal who are not officials must exceed the number who are officials

Section 118 (1) – the Tribunal must elect its chairman and deputy chairman from among its members.  A City designation of these detracts from the impartiality of the Tribunal’s decisions

 

Kindly acknowledge receipt of this submission.

Youurs sincerely

 

Marie-Lou Roux