Die nuwe minister van kommunikasie Faith Muthambi wil die parlement se magte oor die SAUK inperk.
Die Sunday Times het Sondag berig dat Muthambi erken het dat meer beheer oor oor SAUK-raadslede in die vooruitsig stel.
Die minister sal raadslede byvoorbeeld eensydig kan afdank.
Ingevolge die Uitsaaiwet van 2009 mag raadslede tans net deur die Nasionale Vergadering afgedank word, en eers nadat die parlementêre portefeuljekomitee oor kommunikasie ondersoek ingestel het na die spesifieke geval.
Volgens die minister is die huidige raad te groot en duur en wil sy die aantal lede van 12 tot vyf verklein.
Frans Cronjé van die SAIRV sê die SAUK sal die rol van ’n ministerie van propaganda vervul.
Muthambi se nuwe departement is deur pres. Jacob Zuma aangekondig om beheer te neem oor die SAUK, die Onafhanklike Kommunikasie-owerheid van Suid-Afrika en alle staatskommunikasie.
“Dit is nie verregaande om dit ’n propagandaministerie te noem nie,” het Cronjé gesê.
Mosiuoa Lekota, Cope-leier, het gesê dié stappe sal die ANC beheer oor die openbare uitsaaier gee.
“Dit gaan die regerende party groter eksklusiewe seggenskap oor die uitsaaier gee.”
Hy het gesê die politieke beheer oor die SAUK is reeds problematies.
Muthambi het nie gister op versoeke om kommentaar gereageer nie.
Hoe eet jy n Olifant. Hmmm , HAPPIE VIR HAPPIE JA. Nou dit is presies wat in ons land gebeur. Kyk maar mooi na die aktiwiteite wat aan die orde van die dag is. Die regering probeer sy bes om die land stukkie vir stukkie onder totale beheer te kry. Ten spyte daarvan dat hy nie n volstrekte 2/3 meerderheid stemme getrek het nie. Dit is niks anders as n kommunistiese stelsel wat geleidelik van stapel gestuur word nie. Weereens die “padda in die kookwater” eksperiment.
Gelukkig is daar die “afvrotting van die staat” soos Dr Dan Roodt dit stel, en wat ek glo ons behoud gaan wees, maar ons sal nog in elk geval moet beweeg en loskom van hierdie korrupte staatsbestel, en selfbeskkikking nastreef. hoe gouer dalk hoe beter.
Ek sal graag wil verneem watter vordering daar was tussen BJ, Leonor en Dr Dan Roodt veral met die oog op die verkiesing wat in 2016 sal plaasvind.
Is daar n moontlikheid dat ons mag weet watter verwikkelinge daar is? of is dit nog te sensetief vir algemene bespreking.
Dit sal ek natuurlik respekteer.