Die ANC het belowe om beleggersvertroue met bestendige beleidsrigtings te herstel na sy oorwinning in die algemene verkiesing, het RSG berig.
Die ANC se Sekretaris-Generaal, Gwede Mantashe, het die party daartoe verbind dat hy sy beleid duidelik sal uitspel, en verwys na die Nasionale Ontwikkelingsplan.
Die plan stel grootskaalse infrastruktuurprojekte in die vooruitsig en verwerp die nasionalisering van belangrike sektor soos die mynwese.
President Jacob Zuma het reeds gesê die ANC se sterk vertoning by die stembus het aan die party ‘n duidelike mandaat gegee om met die program voort te gaan. Mantashe het ook daarop gewys dat die rand na die vreedsame verkiesing verstewig het en voorspel dat die nuwe kabinet die markte nog verder sal opstoot.
Zuma het intussen gesê sy regering sal hulle daarvoor beywer om dienslewering en transformasie te versnel.
Die Dinokeng-wildreservaat, noord van Pretoria, word tans deur die polisie gepatrolleer teen grondbesetters.
Die reservaat moes Saterdagaand ’n dringende hofbevel teen swart grondbesetters kry nadat honderde glo Vrydag die reservaat se heining verwoes het en daarna die veld aan die brand gesteek het.
Die bevel is Sondag aan gemeenskapsleiers van die Hammanskraal/Refilwe-omgewing beteken. Die hofbevel verbied ongemagtigdes toegang tot die reservaat en bevestig dat die grensdraadafbakening ongeskonde moet bly.
Die grondeisers het dié naweek brandslaners van die reservaat aangeval en met klippe bestook.
Ongeveer 500 oproeriges het Vrydag by die reservaat se een hek byeengekom, terwyl meer as 100 ’n kilometer verder die wildheining Donderdag geknip het.
Bondels los drade het die veld ontsier en die pale is gesteel.
Die bestuurder van die reservaat, Piet Venter, het aan Beeld gesê hy vrees vir die veiligheid van hul personeel omdat leeus en ander wilde diere uit die reservaat die gemeenskap kan aanval.
Hulle vrees ook dat stropers toegang tot die reservaat sal verkry.
“Die moeilikheid het verlede week begin toe ons ’n brief van die gemeenskap gekry het waarin hulle beweer dat 19 ha van die reservaat se grond in 1997 aan hulle oorgedra is,” het hy gesê. Venter glo die probleem word deur ‘n moeilikheidmaker aangehits.
Die heining is Donderdag op verskeie plekke geknip. Die meerderheid, byna 95% van die ‘besetters’, is nie van hierdie omgewing nie,” het Venter gesê.
Vrydag het die grondeisers op die reservaat toegesak en ’n pad versper. Die Tshwane-metropolisie en die polisie se openbare-orde-eenheid is ingeroep.
Die reservaat verskaf meer as 450 werkgeleenthede aan plaaslike gemeenskapslede en die aanhitsers kry teenstand van diegene wat werk.
Daar is 10 leeus by Dinokeng, 13 olifante, 40 buffels asook renosters en luiperds.
Dit wil voorkom asof ene Paul Mosoma, Wyk 73 se voorsitter van Sanco (South African National Civic Organisation) die reservaatgrond “verkoop” het en dat mense nou “hul grond” eis.
Sokkergeweld het die lewens van 15 mense geëis in die Demokratiese Republiek van die Kongo. Volgens sommige berigte is die aantal dooies hoër.
Minstens die toeskouers dood en 21 ernstig beseer nadat geweld Sondag by ‘n sokkerwedstryd in Kinshasa in die hoofstad van die DRK uitgebreek het.
Die polisie het glo traangas afgevuur na ‘n klipgooiery wat daarna tot ‘n vertrapping gelei het. ‘n Muur by die stadion het ook meegegee.
Vertrapping is glo ‘n algemene verskynsel in die DRK by groot byeenkomste waar 21 mense verlede maand mekaar doodgetrap het toe dinge by ‘n musiekkonsert skeefgeloop het en die skare op loop gegaan het.
Amptenare sê die dodetal is deur Kinshasa se goewerneur, André Kimbuta, aangekondig.
Kimbuts het die beseerdes in die hospitaal besoek.
Die kragmeting tussen twee gewilde plaaslike spanne, ASV Club en Tout Puissant Mazemba het tot die vertappingsterftes gelei.
Muzikant Paul Simon stond medio jaren tachtig op de dodenlijst van het verzet tegen het Zuid-Afrikaanse apartheidsregime.
Dat zegt acteur en gitarist Steve van Zandt in de Nederlandse documentaire High Hopes in South Africa (trailer), die zaterdag wordt uitgezonden op Veronica.
De Amerikaan was destijds de drijvende kracht achter Artists United Against Apartheid, waarin diverse internationale artiesten waren vertegenwoordigd.
Simon doorbrak als enige artiest voor de opname van zijn album Graceland de culturele boycot van Zuid-Afrika, die in 1980 door de Verenigde Naties was ingesteld. De gewapende anti-apartheidsbeweging had daarop het plan gevat om Simon om het leven te brengen.
Door inspanningen van Van Zandt werd Simon uiteindelijk van de lijst gehaald. “Ik vertelde ze dat het waarschijnlijk de goede zaak niet zou dienen als ze Paul Simon zouden mollen”, zegt hij in de documentaire. “Hoezeer ik ook sympathiseerde met het idee.”
Van Zandt stelt dat Simon de boycot uit eigenbelang doorbrak. “Hij wilde zoveel mogelijk controversie zodat hij zoveel mogelijk platen kon verkopen. Ik wilde geen ‘artiesten tegen artiesten’, dus ik heb mij ingespannen hem van die lijst laten halen, ondanks mijn persoonlijke gevoelens.”
Tot frustratie van Van Zandt wil Simon tot op dag van vandaag niet toegeven dat hij fout zat. “Ik bedoel: kom op, Paul. Wij zaten goed, jij zat fout. Zijn stelling was: kunst overstijgt politiek. Maar kunst ís politiek.”
De prachtige Nederlandse taal wordt binnenkort kalltgestelt in Groningen.
Alle studenten, docenten en andersoortige medewerkers van de Rijksuniversiteit Groningen (RUG) moeten over vijf jaar primair in het Engels met elkaar communiceren. Dat komt op heel Groningen neer. Ukrant meldt dat.
“Onze lijn is: Engels is verplicht, Nederlands wordt gestimuleerd”, zegt Jan de Jeu, lid van het college van bestuur van de universiteit. Engels is volgens de universiteit de gangbare taal in de wetenschap tegenwoordig, zoals Latijn dat vroeger was.
De RUG wil meer internationale studenten aantrekken. “We vreesden dat na de switch naar Engels bij wiskunde en natuurwetenschappen er minder Nederlandse studenten zouden komen. Maar er kwamen juist meer studenten, zowel Nederlandse als internationale. Dat vonden we een belangrijk signaal”, aldus De Jeu.
Die Onafhanklike Verkiesingskommissie (OVK) se lokaal in Alexandra, Gauteng is Donderdagaand aan die brand gesteek deur ontevrede kiesers.
Ontstoke opposisiepartye wil hê dat die stemmery noord van Johannesburg oorgedoen moet word.
Die polisie sê ‘n vertrek in ‘n gemeenskapsentrum, wat deur die OVK gebruik is, is aan die brand gesteek terwyl daar mense binne die sentrum was. Geen beserings is egter aangemeld nie.
Brig. Neville Malila van die polisie sê 31 mense is in verband met die voorval in hegtenis geneem en hulle sal binnekort in die hof verskyn.
Die kiesbeampte van die OVK in Gauteng, Mashego Sheburi sê hulle sal die korrekte prosedure moet volg om beswaar te maak
In ander voorvalle van ongerymdhede, is stembriewe in Lynnwood Ridge, Pretoria, gevind. Eyewitness News berig dat die stembriewe in ‘n park gekry is in swart sakke wat deur ‘n onbekende man opgetel sou word.
Volgens die verslag is die Onafhanklike Verkiesingskommissie ( OVK) bewus van die voorval en is tans besig om dit op te volg.
Die OVK het vroeër fotostate van die uitslagstrokies vir die Lynnwoodrif-gebied in Pretoria getoon wat daarop dui dat die DA-agent die stemtelling afgeteken het.
Die DA-leier, Helen Zille het in ‘n twiet gesê DA-agente in die betrokke stemdistrikte het bevestig dat die stembriewe reeds getel is. Sy sê die houers kon van ‘n vragmotor afgeval het.
Sheburi sê hulle enigste uitweg is om appèl by die OVK aan te teken. Hy sê hulle sal hul aantygings behoorlik moet kan staaf voordat die drastiese besluit om die kiesproses te herhaal, geneem kan word.
Kiesers wat vir die Front Nasionaal gestem het, gaan glo ‘n klag lê nadat hulle stemme na bewering nie getel is nie.
Vroeër het IVP-ondersteuners blykbaar ‘n groep ANC-agente gyselaar gehou nadat stembriewe by die Women for Peace-temlokaal in Alexandra glo in ‘n vreemde motor gelaai is.
Beide partye se leierskap het ingegryp om die saak glo op te los.
Volgens ‘n twiet deur EFF-lid Boitumelo Molelekeng, is stembriewe van sy party ook in Diepsloot opgespoor waar dit weggegooi is.
‘n Ondersoek is aan die gang nadat die polisie die talle houers vol stembriewe in asblikke by die skool in Diepsloot in Johannesburg gevind het.
Die stemmateriaal is deur leeders ontdek. Die EFF is woedend en het die OVK beskuldig van nalatigheid. Die meeste van die voltooide stembriewe was vir die ANC en die EFF.
‘n Woordvoerder van die ANC, Godfrey Senthomole, sê hulle is teleurgesteld in die OVK.
Die EFF het intussen gesê dit is onregverdig dat hulle stembriewe in ‘n asblik gegooi is. ‘n Woordvoerder van die party, Ishmail Timbani, sê hulle eis ‘n verduideliking van die OVK oor die voorval.
Die stemtelproses nader tans sy einde, met sowat 94 persent van die stemdistrikte wat hul stemme verklaar het. Die ANC sal as oortuigende oorwinnaar uit die verkiesing tree, met tussen 62 en 63 persent van die stemme wat op die party verenig is.
Die regerende party het 3 persentasiepunte prysgegee teenoor hul prestasie in die vorige verkiesing.
Ten spyte van baie beloftes om swart stemme te trek, staan die DA slegs op 22 persent terwyl die EFF reeds meer as 6% ingepalm het.
Die swartman wat homself internasionaal as ‘n gebaretolk voorgedoen het by Nelson Mandela se begrafnis, is eintlik ‘n “gawe ou”, sê ‘n Israelse advertensiemaatskappy.
Thamsanqa Jantjie skitter nou in sy eie TV-advertensie waarin hy as ‘n grapjas uitgebeeld word. Jantjie het na die internasionale skandaal gesê hy is ‘n skisofrenie-lyer.
Die TV-advertensie vir ’n video-toepassing word in Israel bemark met die twaktolk as hoofpersoonlikheid.
In die advertensie skerts Jantjie oor die onsinnighede wat hy tydens die gedenkdiens van oudpres. Nelson Mandela by die ENB-stadion kwytgeraak het.
Grepe van sy onverstaanbare handgebare word ook gewys, met Jantjie wat sê hy is nou ’n glanspersoonlikheid wat bemarking doen vir geld.
Gedurende die Mandela-begrafnis het Jantjie sonder dat hy geweet het wat hy doen, sekere gebare gemaak wat dowes as “garnale” en “skommelperde” gelees het. Die res was leë handgebare.
Die twaktolk is na die voorval na ‘n psigiatriese inrigting verwys, maar die eienaar van die Israelse advertensiemaatskappy Sefi Shaked, het ‘n joernalis in Johannesburg gehuur wat homself voorgedoen het as ‘n familielid van Jantjie om hom uit Sterkfonteinhospitaal buite Johannesburg te kry.
Die skelmstreek het gewerk en die psigiatriese inrigting het Jantjie laat gaan. Hy het nog nie weer teruggekeer na die hospitaal as psigiatriese pasiënt nie.
Aangesien daar van Helen Zille se beloftes om Gauteng oor te neem dadels gaan kom volgens die jongste syfers, oorweeg die DA ‘n koalisie met die ANC, het die DA-leier Donderdag gesê.
Helen Zille sal die wedloop vir Suid-Afrika se rykste provinsie na verwagting ver verloor, maar sy oorweeg tans ‘n koalisie met die regerende party in die provinsie.
Die DA wil duidelik die opkoms van die EFF gebruik om vir hulself posisies en portefeuljes in die ANC te beding. Dit is nie meer duidelik hoe die party die ANC sogenaamd gaan teenstaan oor beweerde korrupsie met hul jongste koalisievoorstelle nie.
Daar heers groot druk op die DA om hul beloftes van posisies aan swart lede op die kandidatelys na te kom en Zille sien samewerking waarskynlik as ‘n manier op dié kopseer op te los.
‘n Lae stempersentasie in Gauteng sou die DA effens bevoordeel het, maar dit blyk dat die kiesers in groot getalle gaan stem het, wat die ANC sal help om hul meerderheid te behou.
Pansy Tlakula, die voorsitter van die Onafhanklike Verkiesingskommissie het bevestig dat die uiters hoë opkoms in stedelike gebiede ‘n “dringende uitdaging” vir die OVK inhou.
“Dit moet onthou word dat ons die hoogste aantal geregistreerde kiesers van 25,3 miljoen in Suid-Afrika se geskiedenis het,” het Tlakula in Pretoria gesê.
Onder diegene wat as kiesers geregistreer het, was 634.000 sogenaamde “born frees”, kinders wat gebore is na die einde van apartheid.
Kommentators het voorspel dat ‘n hoë opkoms kiesers die ANC sal bevoordeel.
Zille het samewerking tussen die DA en ANC in Gauteng in die vooruitsig gestel “om die EFF uit die regering te hou”.
Die nuutste Sunday Times Ipsos-opname het aangedui dat die EFF waarskynlik die derde meeste stemme sal kry in Gauteng.
Die ANC het Gauteng gemaklik in die 2009-verkiesing ingepalm met 64,76 % van die provinsiale stemme teenoor die DA se 21,27 %.
Die ANC sal na verwagting 60% van die stemme of meer in Gauteng kry, volgens ‘n Ipsos-opname van vroeg in April. Slegs 29,2% het aangedui dat hulle vir die DA in Gauteng sal stem.
Desnieteenstaande het die DA aan kiesers vertel dat hulle ‘n goeie kans staan om in Gauteng te wen.
Die ANC-woordvoerder en Nasionale Uitvoerende Komiteelid Jackson Mthembu het gesê daar is tans geen sprake van ‘n koalisie nie.
Die EFF-leiers het Woensdag ook gesê hulle sal nie oorweeg om ‘n koalisie in Gauteng aan te gaan nie.
Hoewel stem glad verloop het in die belangrikste gebiede, was die verkiesing nie sonder voorvalle nie. Die OVK het gesê dat 97 mense, insluitende verkiesingsbeamptes, in hegtenis geneem is vir ongerymdhede.
Zindzi Mandela se man, voormalige MK-soldaat Molapo Motlhajwa, is in hegtenis geneem nadat hy na bewering probeer het om die polisie te dwing om hom in ‘n operasionele kiessentrum in Noordwes toe te laat.
‘n Woordvoerder van die polisie, brigadier Thulane Ngubane het gesê die verdagte wat gewapen was, het daar opgedaag in ‘n SANW-voertuig.
In Bekkersdal aan die Wes- Rand, het betogers klippe na die polisievoertuie gegooi en OVK-tente op die vooraand van die verkiesing aan die brand gesteek.
Meer as 40 mense is in hegtenis geneem in verband met ‘n brand by ‘n stemlokaal in die Mandlazini-gebied naby Richardsbaai aan die KwaZulu-Natalse noordkus.
Die groep van 300 het Dinsdag saam oproerig geraak en die gemeenskapsaal, wat as stemlokaal gebruik sou word, aan die brand gesteek.
Kiesers moes onder polisietoesig hul kruisies trek en die wat nie wou stem nie, het buite die stemlokaal die stemmers gekoggel.
Die stemtellery by al agt stempunte in Lorraine en omliggende gebiede buite Tzaneen in Limpopo is afgehandel nadat die stemmery meer as vier ure vertraag is toe die polisie en die OVK-beamptes nie die stemlokale weens oproer kon bereik nie.
Min kiesers het op stemdag opgedaag. Die situasie in die gebied het Donderdag na kalm teruggekeer.
Die ANC het belowe om beleggersvertroue met bestendige beleidsrigtings te herstel na sy oorwinning in die algemene verkiesing, het RSG berig.
