Kategorie: Nuus

Nog ‘n vuilbekvloeker skryf in Beeld terwyl sirkulasie daal

Ná Conrad Koch alias Chester Missing vir Steve Hofmeyr liederlik op Twitter uitgevloek het – so erg dat Hofmeyr ‘n byna onaanvegbare lastereis teen hom kan instel – skryf ene Chris McEvoy deesdae in Beeld en op Netwerk24. McEvoy het hom insgelyks op Twitter onderskei as iemand wat vrylik ander gebruikers in die mees onkiese taal denkbaar vloek.

Die omstrede McEvoy kan as ‘n Boerehater beskryf word, want hy is baie anti-Afrikaans. Waarskynlik word sy bydraes tot Beeld uit Engels vertaal.

Ook dr. Piet Croucamp, een van Beeld se gereelde rubriekskrywers, is ‘n egte Boerehater wat in gekruide taal, nie net teen Afrikaners nie, maar ook teen Christene uitvaar, soos praag al voorheen berig het.

As jy pro-Engels, anti-Afrikaans en ‘n groot vloeker is, is dit blykbaar deesdae aanbevelings om in Beeld, die grootste Afrikaanse dagblad, te skryf.

In sy mees onlangse rubriek in Beeld vaar Chris McEvoy – wat anders? – teen Steve Hofmeyr uit weens sy “rassisme”, maar grawe veral in die sanger se private lewe rond ten einde hom beter te kan afkraak.

McEvoy noem onder andere vir Steve Hofmeyr ‘n “woedende, ras-uittartende vreesstoker” en verwys na joernaliste wat in 2008 “oorspoel is deur ’n tsoenami van smet” rondom die sanger se private lewe.

Chris McEvoy
Chris McEvoy

Intussen verkeer Beeld in vryval wat sy sirkulasie betref. Die koerant, wat eens ‘n sirkulasie van meer as 100 000 gehad het, staan nou op 59 282. Die jongste ABC-syfers toon dat veral Saterdag-Beeld se verspreiding oor die afgelope jaar met byna 17% gedaal het, vanaf 59 690 tot 49 234. Dit is veral in die Saterdag-Beeld waarin swaar polities korrekte inhoud en kommentaar geplaas word, soortgelyk aan die ontslape Insig-tydskrif wat insgelyks deur Afrikanerlesers verwerp is.

Ook ander Nasperspublikasies soos Rapport plaas toenemend vertaalde artikels deur Engelssprekendes en swartes, omdat die poel van polities korrektes in Afrikaans kennelik nie groot genoeg is nie. Vir die eerste keer in meer as 100 jaar van Afrikaanse perswese mag Afrikaners nie meer in Afrikaanse koerante skryf nie.

Op ‘n Twitter-navraag deur Dr. Dan Roodt, het McEvoy soos volg geantwoord:

Enkele minute later het McEvoy egter op Twitter begin vloek:

Eienaar met aparte toilette sê jammer

Die eienaar van ‘n kantoorgebou in Louis Trichardt het om verskoning gevra omdat kleedkamers by sy besigheid op grond van velkleur geskei is, het RSG berig.

Die Menseregtekommissie se bestuurder in Limpopo, Victor Mavhidula sê die eienaar van die gebou het die gebruik reeds gestaak.

Die eienaar van ‘n ander besigheid word intussen ook ondersoek vir dieselfde diskriminasie.

Mavhidula sê die MRK is bekommerd oor toenemende berigte van rassisme en vra die publiek om dit aan te meld.

Parlementslede slaan mekaar oor lukratiewe kontrakte

Die Nasionale Vergadering het die verslag van die ad hoc komitee oor Nkandla aanvaar, maar sluimerende jaloesie oor geld wou net nie bedaar nie.

Die verslag het president Jacob Zuma van enige blaam onthef nadat hy voorheen aanspreeklik gehou is vir die multi-miljoenrandse opgraderings by sy privaatwoning.

In die stemming wat gehou is, het 201 parlementslede dit aanvaar, 103 het dit verwerp en niemand het buite stemming gebly nie.

Opposisiepartye het egter ‘n minderheidsverslag ter tafel gelê wat eis dat Zuma uit sy amp verwyder word, nadat hulle die voorheen uit die komitee gestap het.

‘n Georkestreerde vertragingstaktiek deur die gesamentlike opposisie het vroeër Donderdag vir chaos in die parlement gesorg.

Opposisie-lede van verskeie partye het daarin geslaag om die Nkandla-debat met meer as drie ure te vertraag, deur ‘n rekord aantal kennisgewings van mosies in te dien.

Die Nasionale Vergadering is later weer ontwrig en moes verdaag word toe chaos opnuut uitgebreek het. Dit het kort voor elfuur gisteraand gebeur

Die EFF-parlementslid, Reneilwe Mashabela moes uit die Nasionale Vergadering verwyder word nadat sy geweier het die podium te verlaat. Sy het Zuma herhaaldelik ‘n dief genoem.

Die DA en EFF se humeure en klaarblyklike jaloesie het opgevlam oor lukratiewe kontrakte rakende ‘n verdrag tussen Suid-Afrika en die Demokratiese Republiek van die Kongo oor die Grand Inga hidro-ëlektrisiteitsprojek.

Volgens Mashabela het Khulubushe Zuma, president Zuma se neef, ‘n aandeel daarin.

Nog kaskenades in die parlement

‘n Vuisslanery het in die parlement uitgebreek toe lede van die polisie se openbare-orde-eenheid het Donderdagaand in die Nasionale Vergadering ingestorm het en lede begin rondstamp het.

Die kefferkaskenades het gevolg nadat Ngwanamakwetle Mashabela, LP van die Ekonomiese Vryheidsvegters (EFF), geweier het om die podium te verlaat. Mashabela het tydens ʼn debat na president Jacob Zuma verwys as ʼn dief en het geweier om dit terug te trek.

Mashabela het geweier om die podium te verlaat selfs toe daar gepoog is om haar te verwyder. Polisielede was kort hierna in die Nasionale Vergadering en het hulle probeer om Mashabela van die podium te verwyder.

Opposisiepartye, waaronder veral die DA, het tot Mashabela se verdediging gekom. Die vuiste het begin klap nadat polisielede met DA- en EFF-lede slaags geraak het.

Lede van die parlement se beskermingsdienste het die polisiebeamptes geskel en aan hulle gesê dat hulle nie jurisdiksie het oor die Nasionale Vergadering nie. Dit is nie duidelik wie die polisiebeamptes opdrag gegee het om op te tree nie.

John Steenhuisen, die DA se hoofsweep het gesê vier DA-lede, waaronder twee vroue, is deur die polisie aangerand. Hy het gesê die parlementslede sal aanklagte van aanranding teen die polisiebeamptes aanhangig maak. “Ek dink dit is die laagste punt in die post-demokratiese geskiedenis van die land. Ons het ʼn krisis bereik.”

Dit is vreemd dat die DA sulke bedenkinge koester aangesien die partyleier, Hele Zille, nie uitgepraat kan raak oor haar eie bydrae tot die “struggle” om juis hierdie uitkoms te skep nie.

Die EFF het intussen gesê dat sy leierskap ʼn vergadering sal hou oor die pad vorentoe maar dat hulle ook aanklagte van aanranding teen die polisiebeamptes aanhangig gaan maak.

Chaos het reeds vroeg Donderdagmiddag in die parlement uitgebreek. Speaker Baleka Mbete wou veranderinge aan die tydsduur van die NV-sitting se program maak en dit het tot openlike verset deur opposisiepartye gelei.

 

Roodt daag Afriforum uit om hom Gelykheidshof toe te sleep

PRAAG is onthuts deur die steun van Afriforum aan ‘n kwaadwillige veldtog wat tans op sosiale en ander media teen dr. Dan Roodt van PRAAG gevoer word. Dié veldtog het begin toe PRAAG vir Steve Hofmeyr bygestaan het om die buikspreker Conrad Koch se teistering van Steve Hofmeyr deur middel van ‘n beskermingsbevel tot stilstand te bring.

Midde-in die veldtog staan ‘n oneerlike en lasterlike program wat deur die New Yorkse Daily Show vier jaar gelede ná ‘n onderhoud met Roodt uitgesaai is en waarin hy op stereotipe wyse as “‘n Afrikaanse en Suid-Afrikaanse rassis” uitgebeeld word. Die Daily Show is ‘n berugte links-liberale program wat sy bes doen om Westerse waardes en kultuur af te kraak ten gunste van ‘n dekadente multikulturalisme en anti-wit rassisme.

Roodt beklemtoon dat, hoewel hy nie die huidige oorheersing van Afrikaners deur ander groepe in die land steun nie, hy hom neerlê by die grondwet, asook tersaaklike wetgewing wat alle vorme van rassisme in Suid-Afrika verbied.

Aangesien Kallie Kriel van Afriforum Roodt se verwysings na IK-toetse met Malema se volksmoordliedjies vergelyk, daag hy Afriforum uit om ‘n klag by die Gelykheidshof teen hom aanhangig te maak.

“Ek is bereid om elke stelling wat ek nog ooit gemaak het, met vers en kapittel in ‘n ope hof te bewys. Insgelyks verwerp ek Kriel se laakbare tipering van my as ‘rassis’. As Kriel ‘n man is, sal hy my nou soos Malema voor die Gelykheidshof sleep dat ons kan vasstel of ek enigiets rassisties gesê of gedoen het,” sê Roodt.

Roodt het verder ‘n beroep op alle Afrikaners gedoen om saam te staan en “die pogings te verwerp om nogmaals deur goedkoop propaganda en uitskeltegnieke ons legitieme aansprake op ons taal, kultuur en voortbestaan in Suid-Afrika te neutraliseer. Die Nasionale Party is deur aantygings dat sy tuislandbeleid ‘n vorm van nazisme verteenwoordig op sy knieë gebring. Het ons sedertdien geen lesse geleer oor die hoon en verguising wat ons vyande gebruik om ons stelselmatig te plunder en stadig maar seker uit die land te verdryf nie?” vra Roodt.

Dr. Dan Roodt het ook sy Engelse Kindle-boek Raiders of the lost Empire wat oor Suid-Afrika se gedwonge Engelse identiteit gaan, van môre tot Saterdagaand gratis op amazon.com beskikbaar gestel. “Mense moet veral kennis neem van hoe ek die polities korrekte Engelssprekendes in ons land sien,” meen Roodt.

Afriforum kies kant vir Daily Show en Daily Maverick teen Dan Roodt

PRAAG het met uiterste verbasing gereageer op ‘n verklaring deur Kallie Kriel namens Afriforum.

Kriel het ‘n leunagtige en kwaadwillige redigering van ‘n Amerikaanse TV-program Daily Show, oor sogenaamde “wit rassiste” gebruik om PRAAG en dr Roodt by te kom en insgelyks vir “rassisme” te veroordeel.

Tans word die Amerikaanse opname waarna Kriel verwys, oral op die internet versprei deur ondersteuners van die buikspreker Conrad Koch en sy pop Chester Missing.

PRAAG het Koch verlede week gedwing, mbv ‘n suksesvolle tussentydse teisteringsbevel, om ‘n kwaadwillige veldtog teen Steve Hofmeyr te staak.

Intussen het organiseerders van die Afrikaans is Groot-konsert bevestig dat die geleentheid wat Koch en sy ondersteuners wou sink, voortgaan.

Hier volg die verklaring van Afriforum:

AfriForum het Dan Roodt van die Pro-Afrikaanse Aksiegroep (Praag) skerp gekritiseer oor die rassistiese uitsprake oor swartmense wat hy gemaak het in ʼn satiriese insetsel wat uitgesaai is in die Amerikaanse TV-program “The Daily Show with Jon Steward”. Die insetsel wat in 2010 vervaardig is, is nou weer in die nuus nadat Roodt pas aangedui het dat hy die TV-program se vervaardigers wil dagvaar. Die insetsel kan gesien word by http://vimeo.com/28532814

Volgens Kallie Kriel, uitvoerende hoof van AfriForum, is dit jammer dat ʼn klein groepie randfigure se optrede telkens misbruik kan word om Afrikaners in ʼn slegte lig te probeer stel.

“AfriForum kan nie stilsit en toekyk hoe Afrikaners se billike aansprake, bespotlik gemaak word weens die rassistiese uitsprake van randfigure soos Roodt nie,” het Kriel gesê.

Kriel het daarop gewys dat AfriForum glo in die bevordering van wedersydse erkenning en respek tussen Suid-Afrika se onderskeie gemeenskappe.

“Net soos wat AfriForum nie huiwer om standpunt in te neem teen die rassisme wat swartmense soos Julius Malema teenoor wittes uiter nie, spreek AfriForum hom ook sterk uit teen wit randfigure se rassisme,” het Kriel bygevoeg.

Volgens Kriel is dit belangrik dat die wêreld weet dat die oorgrote meerderheid Afrikaners nie rassistiese bullebakke is nie, maar ʼn groep met billike aansprake vir ʼn beter toekoms, gegrond op internasionaal erkende regte. Die feit dat Roodt ʼn randfiguur is, word volgens Kriel bevestig deur die feit dat Roodt se politieke party, Front Nasionaal, skaars meer as 5 000 stemme ontvang het tydens vanjaar se algemene verkiesing in Suid-Afrika. Die Solidariteit Beweging, waarvan AfriForum deel is, verteenwoordig daarenteen tans gesamentlik meer as 250 000 huisgesinne.

“Die feit dat Dan Roodt se uitsprake met soveel effektiwiteit die slegste moontlike stereotipe van Afrikaners probeer bevestig, laat ʼn mens amper wonder of Roodt doelbewus daarop uit is om Afrikaners in ʼn slegte lig te stel,” het Kriel gesê.

Staat hou Zuma se seun verantwoordelik vir dood van insittende

Die noodlottige ongeluk waarin ‘n swart passasier, Phumzile Dube in Februarie op die M1 by Sandton dood is, is die president se seun se skuld.

Die staat het aangevoer dat Duduzane Zuma, seun van president Jacob Zuma, verantwoordelik is vir dood van ‘n taxi-insittende.

Die getuienisleier, Yusuf Baba het in die geregtelike ondersoek na die ongeluk in die Randburgse landdroshof gesê dat die seun van President Jacob Zuma nie sy spoed in swak weerstoestande verminder het nie.

Volgens hom, kon die ongeluk waarin Zuma met sy luukse motor in die minibus-taxi vasgery het, voorkom gewees het.

Zuma het na bewering met sy motor deur ‘n poel water gery en daarna beheer verloor toe die voertuig gegly het.

Baba sê Zuma het nogtans vinniger as 100 kilometer per uur bly ry ten spyte van swaar reën en swak sig.

Molesteerder deur Interpol uitgesnuffel

Die borgtogaansoek van die Vrystaatse man wat daarvan aangekla word dat hy sy twee dogters en 17 ander meisies seksueel gemolesteer het, gaan vandag voort in die landdroshof in Sasolburg.

Die man is aangekeer nadat Interpol die plaaslike owerhede laat weet het dat hy op ‘n pedofielnetwerk ingeskakel het.

Hy het glo materiaal van homself waar hy verskeie meisies molesteer, op die netwerk gepubliseer.

Die man wie se identiteit weerhou word om sy dogters te beskerm, het gister vlugtig in die landdroshof verskyn.

Met sy inhegtenisname het die polisie beslag gelê op onder meer rekenaars, asook inkriminerende materiaal.

Gautrein-werknemer pleeg glo bedrog van miljoene

‘n Voormalige swart werker van die Gautrein se bestuursagentskap is op ‘n reeks aanklagte, insluitend bedrog, in hegtenis geneem, het RSG berig.

Die woordvoerder van die Valke, Paul Ramaloko sê hulle het die 30-jarige man by sy huis in Ga-Rankuwa, noord van Pretoria, aangekeer.

Ramaloko sê die verdagte se kontrak by die agentskap is twee weke gelede opgeskort nadat ‘n interne ondersoek bevind het dat hy waarskynlik betrokke was by verliese van miljoene rand by die agentskap.

Die man verskyn vandag in die Johannesburgse gespesialiseerder handelsmisdaadhof. Nog mense kan aangekeer word.

Corrie Sanders: Moordverhoor duur voort

Die moordverhoor na die dood van die gewilde kampioenbokser, Corrie Sanders, duur vandag voort.

Die drie Zimbabwiërs, wat verdink word van die moord op Sanders, het in Mei in die Pretoriase hooggeregshof skuld ontken op sy moord.
Paida Fish, Chris Moyo en Samuel Mabena het onskuldig gepleit op aanklagte van moord, poging tot moord, roof met verswarende omstandighede, kwaadwillige beskadiging van eiendom, en die onwettige besit van ‘n vuurwapen en ammunisie.
Sanders (46) is in September 2012 tydens ‘n rooftog by ‘n restaurant in Brits, Noordwes, geskiet.
Die kruisondervraging van die derde beskuldigde sal in die Noord Gautengse hooggeregshof in Pretoria voortgaan.
Die staat kon gister nie sy kruisondervraging van die beskuldigde, Samuel Mabena, voltooi nie.
Regter Irvin Preller het die staat se voorstel dat die saak tot Desember uitgestel word, verwerp. Regter Preller sê ‘n uitstel sal die beskuldigde benadeel.
Samuel Mabena het vroeër die polisie daarvan beskuldig dat hulle hom gemartel het.
Sanders het in die hospitaal aan sy beserings beswyk. Hy het tydens die rooftog ‘n verjaarsdagpartytjie bygewoon en wou sy dogter teen die aanvallers beskerm, toe hy geskiet is.
Van die gaste is ook beroof en twee voertuie is beskadig.