Ná Conrad Koch alias Chester Missing vir Steve Hofmeyr liederlik op Twitter uitgevloek het – so erg dat Hofmeyr ‘n byna onaanvegbare lastereis teen hom kan instel – skryf ene Chris McEvoy deesdae in Beeld en op Netwerk24. McEvoy het hom insgelyks op Twitter onderskei as iemand wat vrylik ander gebruikers in die mees onkiese taal denkbaar vloek.
Die omstrede McEvoy kan as ‘n Boerehater beskryf word, want hy is baie anti-Afrikaans. Waarskynlik word sy bydraes tot Beeld uit Engels vertaal.
Ook dr. Piet Croucamp, een van Beeld se gereelde rubriekskrywers, is ‘n egte Boerehater wat in gekruide taal, nie net teen Afrikaners nie, maar ook teen Christene uitvaar, soos praag al voorheen berig het.
As jy pro-Engels, anti-Afrikaans en ‘n groot vloeker is, is dit blykbaar deesdae aanbevelings om in Beeld, die grootste Afrikaanse dagblad, te skryf.
In sy mees onlangse rubriek in Beeld vaar Chris McEvoy – wat anders? – teen Steve Hofmeyr uit weens sy “rassisme”, maar grawe veral in die sanger se private lewe rond ten einde hom beter te kan afkraak.
McEvoy noem onder andere vir Steve Hofmeyr ‘n “woedende, ras-uittartende vreesstoker” en verwys na joernaliste wat in 2008 “oorspoel is deur ’n tsoenami van smet” rondom die sanger se private lewe.
Intussen verkeer Beeld in vryval wat sy sirkulasie betref. Die koerant, wat eens ‘n sirkulasie van meer as 100 000 gehad het, staan nou op 59 282. Die jongste ABC-syfers toon dat veral Saterdag-Beeld se verspreiding oor die afgelope jaar met byna 17% gedaal het, vanaf 59 690 tot 49 234. Dit is veral in die Saterdag-Beeld waarin swaar polities korrekte inhoud en kommentaar geplaas word, soortgelyk aan die ontslape Insig-tydskrif wat insgelyks deur Afrikanerlesers verwerp is.
Ook ander Nasperspublikasies soos Rapport plaas toenemend vertaalde artikels deur Engelssprekendes en swartes, omdat die poel van polities korrektes in Afrikaans kennelik nie groot genoeg is nie. Vir die eerste keer in meer as 100 jaar van Afrikaanse perswese mag Afrikaners nie meer in Afrikaanse koerante skryf nie.
Op ‘n Twitter-navraag deur Dr. Dan Roodt, het McEvoy soos volg geantwoord:
.@danroodt Because it’s Die Burger, and they have more civilised standards than I do
— Chris McEvoy (@ChrisMcEvoy_) November 14, 2014
Enkele minute later het McEvoy egter op Twitter begin vloek:
.@BoikotNaspers24 “libtard” LOL. You poes. @melvanwykct @danroodt
— Chris McEvoy (@ChrisMcEvoy_) November 14, 2014
McEvoy maar net nog ‘n semel in die Media 24-semelsak. En nog ‘n vink om die Media 24-landerye te stroop. En kort voor lank sit hy in sy eie voëlent vas.
Dit is ‘n openbaring om waar te neem hoe hierdie links “verligtes” juis van die mees onsmaaklike karakters is. Om gekruide taal te gebruik op ‘n openbare platform dui op swak opvoeding, swak karakter en swakker beweegredes. Ek bieg dat ek ook gister ‘n onbetaamlike woord gebruik het toe Afriforum so liederlik vir Dan en Afrikaners onder die bus ingegooi het omdat ons nie na hul wysie wil wals nie maar dit was nou net een Kruiperkaner dom-onnosel plank te veel wat kom krap het waar die nie jeuk nie.
Hoe durf Chris so van sy ma praat? Siesman!! het hy geen opvoeding nie? Djansin van die varsity praat nie eers so nie, papsak en al.
Ek sou graag vir hom wou antwoord op daardie laaste een maar nou ja dit sou my swak karakter geopenbaar het.
Nog ‘n lid van die Moffia, Chris(tine) is ‘n agtermekaar kêreltjie.
Ek net ‘n foto van hom geplaas.
Dit gaan blykbaar nou in die kakafoniese openbare debat oor die feit dat beskaafd-Westerse standaarde in openbare debat agter gelaat is.
Ook die hoogste instelling vir beskaafde openbare debat staan in daardie teken, kyk maar net na die tonele wat hul gister weer daar afgespeel het waar dit klaarblyklik nie gegaan het oor die feit dat die agbare speaker jou spreekbeurt aankondig nie, maar jou geveg. En as sy op eg-Afrika-wyse so ‘n bietjie sloer om die klok vir jou rondte te lui, dat lui jy haar klok vir haar en dis goed genog as jy dit met ‘n opstopper doen.
Ook in die openbare galery het daardie verbete voorstander van die regstaat, die DA, die geleentheid aangegryp en die land en minstens die Parlement vir ‘n kort oomblik in ‘n oorlogstaat gedompel deur bolle met die naaste ANC-teentander te rol.
Die Kaapse parlement is tradisioneel nie ‘n plek waar bolle gerol word nie, dit was nog altyd ‘n plek vir selfbeheersing, beheersing van die tong maar veral beheersing van die vuis. En om te help met die handhawing van ten minste vrede in die land se praathuis het daar van vroeg af taboes op woorde soos Boerehaat, verraad en verraaier gegeld, daardie reël wat streng deur die speakers van toeka tot nou, van Henning Klopper, Johann Greef, Louis le Grange, Rex le Roux tot ook waarmenendes soos Carel Swanepoel (dit was in die vorige bedeling), gehandhaaf is.
Die ou Volksraad en Senaat kon inderdaad spog met mooi tradisies in hierdie verband.
Maar die nuwe raadsaal, daardie saal in die sogenaamde Taj Mahal-vleuel wat later onder mnr. PW Botha se toesig gebou is?
Dié “plek” (weens die menigte van raadsale wat later op die parlementêre gronde verrys het, moes parlementslede al dikwelser na die debatte en besluite wat in “die ander plek” geneem is, verwys), het ongelukkig vroeg ‘n bevlekte geskiedenis gekry, een daarvan die “verraad” en “verraaiers”-tussenswerpsels deur die destydse KP-Volksraadslede nadat FW de Klerk sy Rooi Vrydag-toespraak gehou het, om ‘n uitputtende lys van “skuldiges” te maak weens die verloop van tyd nie so maklik nie (Pieter Groenewald, SP Barnard, Joseph Chiolé, Fanie van Vuuren (?). Leon Louw (?), Kobus Beyers (?), Louis Stofberg (?), een van die redes wat die geheue laat struikel die vele “plekke” wat onder mnr. PW Botha in die parlementsgebou ontstaan het.
Maar ‘n toesnouery en gevegte in en uit die openbare galery?! Dat die gewoonlik stigtelike mense daar hulle so te buite kan gaan?!
Dit moet seker ‘n eerste wees?
Of hoe?
Nee, dis nie ‘n eerste vir daardie plek nie, jammer, julle liberaliste wat tot gister nog voortgegaan het in jul lekkergeloof oor die vreedsame, bokslose NSA.
Nou wie is hierdie kêrel wat hom so skreiend in die kreetlose, skreelose, bokslose NSA gedra het? Dit moet seker darem ‘n baie ongepoetste kêrel wees?
Nee, dit is eintlik ‘n baie ordentlike kêrel. ‘n Kêrel wat baie gou vir andere kan leer en voorskryf oor waar die verskil tussen behoorlike en onbehoorlikse Arikanergedrag presies lê.
Sy naam is Kallie Kriel.
Weet nie of daardie gedrag tot binne-in die binnekringe van die Afrikaner-Broederbond weerklink het nie. En of dit daar uitgedink is nie.
Dit het ewenwel Kallie Kriel se openbare loopbaan en as polisieman oor “officers and gentleman” afgeskop.
Skrywers in hierdie forum praat van die Libtards se vloekery teenoor beskaafde mense wat ander menings huldig.
Die skrywer en historikus Paul Johnson vertel in sy boek “Intellectuals” in ‘n hoofstuk oor Karl Marx, hoedat Marx enigeen wat met hom verskil het so gevloek het dat sulkes liewers weggeloop het. Hy het sy beste vriend ook so weggevloek uit sy lewe uit.
Nog een van Marx se streke was om een van sy stellings te begin met “dit is wetenskaplik bewys dat…”gevolg deur een of ander hoop twak. Nogal baie soos die huidige libtards hulle redenasies begin voordat hulle in totale emosionele perdedinges verval.
Die huidige spul liberales is eintlik niks meer as die politieke Kains nageslag van Karl Marx–praat net soveel nonsies en verdra geen teespraak nie
Het al lankal hulle gedoop as Closet Marxiste.
Te bang en te dom om te erken wie se filosofie hulle eintlik verkondig,