Limpopo verskaf slegs hulp aan swart boere

Wit boere in Limpopo kla dat die departement van landbou slegs veevoer aan swart boere verskaf.

Die bestuurshoof van Agri-Limpopo, Willem van Jaarsveld sê die departement se droogtehulpprogram sluit wit boere deur middel van sy kategorieë uit.

Intussen sê die departement se woordvoerder, Selby Makgotho dit is onmoontlik om aan alle boere voer te verskaf weens finansiële beperkings.

Hy sê die departement sal verseker dat alle boere, wat daarvoor in aanmerking kom, bystand ontvang.

Die fokus is tans op bestaansboerderye en diegene wat op klein skaal boer, juis omdat so min as twee sakke voer uitgedeel word.

Die swart boere het hul kommer uitgespreek oor die hoeveelheid veevoer wat deur die departement van landbou versprei word.

Die provinsie is reeds verlede jaar tot rampgebied verklaar weens die nypende droogte.

Die departement het in 2015 R20 miljoen opsygesit vir droogtehulp, m aar swart boere sê hulle het tot dusver net drie sakke veevoer ontvang, ongeag hoeveel vee hulle besit.

Die voorsitter van die Dzanani Livestock Farmers Committee, Marubini Samson Netangula sê daar is ook boere wat nog geen veevoer ontvang het nie.

Trump glo Duitse volk sal Merkel met geweld omverwerp

Die Amerikaanse presidensiële voorloper Donald Trump het Dinsdag gesê die Duitse volk sal met geweld van kanselier Angela Merkel Merkel ontslae raak.

“Ons het ‘n bietjie van ‘n situasie wat ‘n trojaanse perd kan wees. Jy kyk na wat gebeur in Duitsland. Keulen het nog nooit ‘n probleem gehad nie. Keulen, Duitsland. Reg? Alles piekfyn. Alles pragtig. Skoon en netjies. Mooi. Geen probleme nie. Nou sit hulle met onluste, hulle sit met verkragtings,” het Trump gesê tydens ‘n veldtogoptrede in Cedar Falls, Iowa.

“Het jy gehoor van die Nuwejaarsaanval? Dit was soos ‘n ramp. En die Duitse volk gaan oproerig raak. Die Duitse volk gaan aan die einde Angela Merkel omverwerp. Ek weet nie wat de hel sy gedink het nie. Maar hulle het miljoene mense in Duitsland laat instroom, wat hulle nie stop nie.”

Massaverkragtings en geweld deur migrante het die Duitse volk teen hul land se multikulturele Willkommenskultur, of “welkomkultuur” in opstand gebring.

Maandag het Pegida, die Duitse akroniem vir Patriotiese Europeërs teen die Islamisering van die Weste, ‘n massiewe saamtrek in Leipzig gehou.

“Hierdie Moslemvlugtelinge ‘n totale terreuraanval teen Duitse vroue begin,” sê Tatjana Festerling, ‘n leidende aktivis van die anti-Moslem-beweging in Duitsland. “Hulle toon dat alles waaroor ons gewaarsku het, waar is. Integrasie is nie moontlik nie.

“As die meerderheid burgers by hulle verstand was, sou hulle in opstand gekom het,” het sy bygevoeg tydens ‘n toespraak by die geleentheid.

Die Leipzigse staatsaanklaer oorweeg die vervolging van Festerling vir die uitbuiting van die vryheid van uitdrukking, openbare aanhitsing van kriminele dade en oproer.

In Keulen het woedende inwoners, gebrandmerk as “regse vigilantes” in die media deurgeloop nadat ses Pakistani’s, drie swartes van Guinee en twee Moslems aangeval is in weerwraakgeweld.

Saterdag het die polisie ‘n waterkanon en pepersproei teen Pegida ondersteuners ingespan om linkse betogers in Keulen te beskerm, nadat die polisiehoof vroeër afgedank is weens die massaverkragtings.

Byna geen Moslem is aangekla na die Nuwejaarsgeweld nie, terwyl die polisiehoof sy werk verloor het omdat hy erken het dat hulle magteloos voor die massaverkragtingsaanslag was.

Drie offisiere en ‘n verslaggewer is beseer in botsings in Keulen.

“Sedert die eerste Pegida-aktiwiteite in 2014 sien ons dat baie mense begin om by politieke betogings aan te sluit en daar meer aktief optree,” sê Patrick Fels ‘n owerheidswaarnemer van Keulen.

Daar is slegs 50 000 soldate in die Duitse weermag wat ‘n bevolking van ongeveer 82 miljoen moet beveilig. Indien gewone burgers nie hulle eie beskerming behartig nie, sal die sosiale orde gou ineenstort.

Die verlinkse Duitse media wil egter verhoed dat Duitsers teen die nie-wit verkragters optree.

Die kommunistiese mediapropaganda is ook bekommerd oor die sogenaamde “Odin-soldate” in die noorde van Finland.

In ‘n aantal stede, is ongewapende maar sterk manne besig om die strate te patrolleer om “onreëlmatighede” te voorkom waar migrante saamgetrek is.

Tot dusver het die polisie hierdie samewerking verwelkom. Die meeste indringers in Finland kom uit die Noorde via Rusland.

Die gedienstige NWO-hoofstroommedia in Duitsland is tans besig om sulke mense as “regse ekstremiste” te brandmerk.

Kringtelevisie toon Saoedi-selfmoordbommer in Turkye

Kringtelevisiebeeldmateriaal wat vrygestel is deur die Turkse owerhede toon die Saoedi-selfmoordbomaanvaller wat ‘n groep Duitse toeriste saam met homself in Istanbul opgeblaas het.

Turkse owerhede het ook drie Russiese burgers, vermoedelik Moslems, met vermeende bande met die Islamitiese Staat in hegtenis geneem in verband met die bomontploffing Dinsdag in Istanboel waarin 10 mense omgekom het.

’n Selfmoordbomaanvaller wat Turkye onlangs uit Sirië binnegekom het, het die lewens van nege Duitse en een Peruviaanse toeris op die geskiedkundige Sultanahmet-plein, ’n belangrike toeriste-aantreklikheid, in Istanboel geëis. Vyftien mense is in die aanval beseer.

Die Russiese konsul-­generaal in Antalya sê drie Russe word aangehou omdat hulle vermeende bande met ISIS het.

Die Turkse polisie het beslag gelê op dokumente en CDs tydens ’n klopjag op die gebou waar die verdagtes gewoon het.

Die Turkse eerste minister, Ahmet Davutoglu, het gesê hy het telefonies met die Duitse kanselier, Angela Merkel, gepraat en medelye betoon met die dood van die Duitse toeriste en onderneem dat Turkye as deel van die Amerikaans-­geleide koalsie, sal voortgaan.

Hy wou nie die nasionaliteit van die selfmoordbommer bevestig nie.

Finland: Kinderen en vrouwen worden aangerand door asielzoekers

De politie in Helsinki waarschuwt nu dat bendes volwassen asielzoekende mannen uit het midden-oosten zich door de stad begeven en systematisch Finse vrouwen en meisjes aan seksuele intimidatie blootstellen.

“Jonge vrouwen en meisjes worden benaderd, achtervolgd, en op verschillende manieren aangerand. Meestal zijn het kinderen jonger dan 15 jaar die het slachtoffer worden”, zegt politiechef Ilkka Koskimäki tegen het Finse dagblad Ilta-Sanomat.

Hij waarschuwt dat de nieuwe trend “grootschalig en ernstig” is.

“We moeten het feit erkennen dat hier sprake is van een soort trend. We willen niet dat deze trend nog groter wordt.”

Koskimäki vertelt dat de politie elke week meerdere aangiftes ontvangt over seksuele intimidaties en aanranding door asielzoekers, maar dat het werkelijke aantal misdaden waarschijnlijk een stuk hoger is omdat niet alle slachtoffer naar de politie gaan.

De nieuwe trend vindt voornamelijk plaats in het centrum van Helsinki in de buurt van restaurants en clubs, meldt de Ilta-Sanomat.

Net zoals in Keulen verzamelde zich tijdens nieuwjaarsnacht een duizendtal Arabische mannen bij het centraal station in Helsinki. De politie is later met een persbericht naar buiten gekomen dat tijdens deze bijeenkomst op grote schaal aanrandingen hebben plaatsgevonden.

Kort voor nieuwjaar zijn zes Irakezen gearresteerd in het asielcentrum Aavaranta in Kyrkslätt op verdenking van “het publiekelijk aanzetten tot criminaliteit” tijdens de eindejaarsfeesten in Helsinki. De Finse politie vermoedt dat ze van plan waren om soortgelijke seksaanvallen te organiseren zoals die uitgevoerd werden in Keulen en in veel andere Europese steden tijdens nieuwjaarsnacht.

Verleden jaar zijn in Finland meer dan 30 000 asielzoekers gearriveerd, waarvan de meeste uit Irak. Dat is ongeveer tien keer zoveel als het land in 2014 ontving.

Bron: Friatider

Swart onderwysers te bang vir bruin skool

Die Roodepoort primêre skool, wes van Johannesburg begin vanoggend die nuwe skooljaar sonder vyftien swart onderwysers, het RSG berig.

Die onderwysers het nie vir werk aangemeld nie weens vrese vir hulle veiligheid.

Onderrig by die bruin skool was verlede jaar vir weke ontwrig na betogings deur sommige ouers oor die aanstelling van ‘n swart skoolhoof en adjunkhoofde.

Die vyftien onderwysers sê toestande by die skool is nie gunstig vir hulle om hulle werk te doen nie.

Hulle het aan die Gautengse LUR vir Onderwys, Panyaza Lesufi gesê dat sommige ouers in hul klaskamers inkom en onderrig ontwrig.

Hulpbron-nasionalisme raak warm in Niger

Hulpbron-nasionalisme is tans ‘n baie warm onderwerp in Niger.

Hama Amadou, ’n groot opposisierolspeler, wat ­toestemming het om in Februarie ’n kandidaat in Niger se ­presidentsverkiesing te wees, se poging om Maandag uit die ­gevangenis vrygelaat te word, het misluk. Hy het sy versoek tot die ­appèlhof gerig.

President Mahamadou Issoufou, ’n ­sleutelbondgenoot van die Weste in die stryd teen Islamitiese militansie in die brose Saharastreek, sal na v­erwagting daarin slaag om vir ’n tweede termyn verkies te word.

Kritici beskuldig hom egter daarvan dat hy ­toenemend outoritêr word, veral na die onthulling van ’n mislukte staatsgreep in Desember.

Amadou, wat eens op ’n tyd ’n bondgenoot van die president was, is in November, nadat hy uit ballingskap teruggekeer het, in hegtenis geneem nadat hy na bewering by ’n ­baba-handel sindikaat betrokke was.

Hy het die aanklagte in die openbaar ontken en sê sy aanhouding is ­polities gemotiveer.

Amadou is een van 15 kandidate wat Saterdag deur Niger se grondwetlike hof gekeur is om as kandidaat vir die ­presidentsverkiesing te staan. “Met die weiering om hom voorwaardelik vry te laat, het die bewind sy eerste uitklophou gegee,” het Souley Oumara, sy regsverteenwoordiger gesê.

Die appèlhof het geen redes vir sy besluit verskaf nie, en Amadou kan nou in die hooggeregshof appèl aanteken.

Niger se geheime diens het Amadou, asook lede van sy party en ander opposisieleiers ondervra.

Sedert die oliekrisis in 1973 maak Frankryk op kernkrag staat en hierdie uithoek van Afrika is noodsaaklik om sy nasionale belange te beskerm.

Ten minste driekwart van Frankryk se elektrisiteit kom van kernkrag, en maak die land meer afhanklik van uraan as enige land op aarde.

Niger is die wêreld se vierde grootste produsent van die erts na Kazakhstan, Kanada en Australië.

In 2009, het Reuters berig dat China daartoe verbind was om te $300 miljoen in ‘n uraanprojek te belê, maar geen uraan is uit die myn gehaal sedert vroeg 2015 nie en die myn is effektief gesluit.

Bykomend tot goedkoop uraanpryse, het verlangsaming in die Chinese ekonomie gelei tot ‘n 84% daling in Chinese belegging in Afrika in die eerste helfte van 2015, volgens die Financial Times.

China het tans min aptyt vir kapitale uitleg wat natuurlike hulpbronprojekte betref.

Tog is die Chinese uraanmyn een van die mees ondeursigtige sakepogings in Niger.

Minister van nywerheid verkies muishondlande met rommelstatus

Die Withuis het ‘n presidensiële proklamasie uitgereik waarin hy dreig om Suid-Afrika se handelsvoordele op te hef indien Amerikaanse pluimveeprodukte nie teen 15 Maart op plaaslike winkelrakke is nie.

Die DA sê die gesloer met onderhandelings oor die Wet op Afrikagroeigeleenthede is ‘n aanduiding van betrekkinge tussen Suid-Afrika en Amerika wat versuur.

Die leier van die DA, Mmusi Maimane sê daar is blykbaar groot wantroue tussen die twee regerings, en dat dit op die lange duur teëspoed vir die plaaslike ekonomie kan beteken.

Die Suid-Afrikaanse regering se erns om die sperdatum van die Agoa-handelsooreenkoms na te kom, is reeds ‘n geruime tyd onder verdenking.
 
Indien die land nie gehoor gee aan die sperdatum nie, sal die tarief-vrye invoer van Suid-Afrikaanse landbouprodukte na Amerika opgeskort word.
 
Die ANC se Rob Davies, minister van handel en nywerheid, sleep voete oor die kwessie.

Davies wil glo nie die bestaande handelsbetrekkinge met Suid-Afrika se tradisionele vennote, soos Amerika en die Europese Unie, gestand doen nie.
 
Onder aanvoering van Davies, word die land se ekonomiese welstand en oorlewing toenemend afhanklik van muishondlande soos Kuba en Brasilië, wat rommelstatus geniet, sê ontleders.
 
China se ekonomie is besig om vinnig af te koel en dit sal ekonomiese selfmoord wees om op hierdie stadium tradisionele en gevestigde handelsvennote te vervreem.
 
Hoewel die swak rand ‘n geweldige skok vir die land se ekonomie is, kan dit nog steeds tot Suid-Afrika se voordeel wees wat uitvoere betref.

Tuks kry interdik teen oproermakers

Die Universitieit van Pretoria het Dinsdag ‘n dringende interdik bekom teen oproermakers wat registrasie by die universiteit probeer ontwrig.

“‘n Dringende interdik is teen betogers se onwettige optrede gekry sodat die situasie onder beheer gebring kan word om studente wat hard gewerk het by die universiteit toe te laat – baie van hulle moes ver reis,” het woordvoerder Anna-Retha Bouwer gesê.

Swart skoonmakers en aanhitsers het toegang tot die Hatfield-kampus gekry waar hulle die Studentedienssentrum gevandaliseer het.

Die oproer is glo gereël omdat die universiteit van uitkontraktering gebruik maak, alhoewel swart moeilikheidmakers dit voorhou as ‘n onderrig-kwessie.

Die universiteitsbestuur en belanghebbendes het ingestem om die griewe aan te hoor om die hernude veldtog van vernielsug te ontlont.

Vier boere van Parys kry borg

Die vier boere van Parys wat in die plaaslike landdroshof verskyn het weens die beweerde moord op twee swart plaasaanvallers, het borg gekry.

Loedie van der Westhuizen is verlede week in sy huis op sy plaas aangeval waarna sy seun, Gert van der Westhuizen, Johan Cilliers sr., sy seun, Johan jr., en Anton Loggenberg hom te hulp gesnel het.

‘n Gebedsbyeenkoms is op die dorp gehou om die spanning tussen wit en swart te probeer ontlont.

Organiseerder van die gebedsbyeenkoms, Pieter Kemp, sê bykans 500 mense was byeen terwyl die hofverrigtinge aan die gang was. Hy sê dit het aan mense ‘n geleentheid gebied om sonder enige politieke agenda of haat vir plaasaanvalle, die droogtetoestande, en reën wat intussen tydelike verligting in talle droogtegeteisterde gebiede gebring het, te bid.

Volgens hom het ds. Ian Jonker van die plaaslike NG kerk Parys-Oos ‘n boodskap van hoop gelewer en beklemtoon dat mismoediges ‘n opbouende benadering moet volg te midde van negatiewe omstandighede in die land.

Kemp sê Jonker het beklemtoon dat daar ‘n toekoms in die land is, al lyk dit hoe donker. “Ons sal vorentoe gaan, ons weet ons is onder die beskerming van ons Vader.”

Gemoedere het vanoggend buite die hof hoog geloop tussen ‘n groep EFF-oproeriges en wit boere.

Belastingbetaler vergoed Joodse wapenhandelaar vir bokser se besoek

Fikile Mbalula, minister van sport, het die belastingbetaler mislei oor ‘n Amerikaanse bokskampioen se besoek in Januarie 2014.

Dokumente van die departement van Sport en ontspanning wys hoe Mbalula byna ‘n halfmiljoen rand oorbetaal het aan ‘n Joodse familie van wapenhandelaars met Floyd Mayweather se besoek.

Eric Ichikowitz (45), een van die drie direkteure van Frontiers, het geld van die departement ontvang. Sy broer, Ivor, is die stigter en uitvoerende hoof van die Paramount-groep, Afrika se grootste wapenvervaardiger.

Ivor Ichikowitz (48), het besonder noue bande met die ANC.

Beeld het onthul dat die bokskampioen Mayweather deur die Ichikowitz-familie by hul lodge in die Madikwe-wildreservaat getrakteer is en in hul luukse private straler rondgevlieg is.

Zuma het ook verlede jaar en in 2011 met die wapenhandelaar se Boeing na New York en in 2008 na Libanon en Kazakstan gevlieg.

Eric Ichikowitz het by navraag aan Beeld erken hulle het Mayweather in Januarie by die Molori-logde onthaal en ook vir die vlugte soontoe betaal.

Hy het vroeër gesê dit was op versoek van die departement van sport en ontspanning, maar later het hy gesê hy het aangebied om Mayweather te onthaal toe hy van sy voorgenome besoek gehoor het.

EWN het berig Ivor Ichikowitz het die vliegtuig in 2008 verniet aan Zuma geleen.

Sy uitstappie in 2011 het die belastingbetaler egter R6 miljoen uit die sak gejaag, maar die staat het geweier om navrae oor die koste te antwoord.

Die departement sê in dokumente wat aan Netwerk24 verskaf is dat Mayweather se besoek “privaat gefinansier en gereël is” en die departement is net genader om daaraan deel te neem om die “herlewing van boks in die land aan te moedig”.

“Die departement se betrokkenheid was nie deur finansiële bydraes aan die toer nie, maar deur samewerking en gesinchroniseerde programme,” lui die dokumente.

Die departement het onder meer R171 000 van dié geld aan “tafels op die galadinee” bestee. Dit is onduidelik aan wié die geld betaal is omdat die fakture nie verskaf is nie.

Op die fakture staan die betalings aan Frontiers is uit die “Mayweather Tour Budget” gedoen.

Die Ichikowitz-familie se woordvoerder het ook die media probeer mislei oor belastingbetalerfondse.

Richard Glover, besturende direkteur van Frontiers, het verlede jaar by navraag ontken dat die maatskappy vir die departement gewerk of ooit ’n kontrak van die departement losgeslaan het. Hy het gesê Ichikowitz het ’n rol gespeel om Mayweather na Suid-Afrika te bring.

“Eric het ons gevra om te help met die reëlings van sekere dele van die toer. Maar ons het nie vír die departement van sport en ontspanning gewerk nie en het geen kontrak by die departement gekry nie.”

Die Britse koerant, The Telegraph het in 2014 onthul dat die Ichikowitz Family Foundation betaal het vir ‘n veldtog deur die Londense maatskappy Bell Pottinger om president Joyce Banda se aansien onder buitelandse skenkers ná ‘n korrupsieskandaal te herbou. Praag het reeds voorheen hieroor berig in Banda vlieg hoog in straler wat sy kwansuis verkoop het.

Dié skenkers moes opdok sodat die wapenhandelaar militêre toerusting aan Malawi kon verkoop.

Eric Ichikowitz, het bevestig dat hy Bell Pottinger betaal het.

“Die familie glo dat President Banda ‘n invloed ten goede in Malawi verteenwoordig en dat sy strewe om die lewens van alle Malawiërs te verbeter,” het hy gesê.

Die wapenhandelaar het ‘n reeks lukratiewe kontrakte rakende landbou, brandstof en militêre toerusting met Banda se regime aangegaan wat na die verkiesing in 2014 – wat Banda verloor het – heronderhandel moes word.

Malawi is een van die armste lande in Afrika.

Ivor Ichikowitz, wat in die tagtigerjare ‘n dramastudent aan Wits was, het kort ná 1994 ‘n fortuin gemaak toe hy die Weermag en Lugmag se toerusting aan ander lande in Afrika en Suid-Amerika verkwansel het. Hy het onder andere van die Lugmag se Mirage-vliegtuie aan Venezuela verkoop en sodoende groot kommissies verdien.

Lees ook dié berig op die Engelse Praag:

Ivor Ichikowitz now runs biggest defence company in Africa