Kategorie: Nuus

Pappie Majuba lei ebola-span na Sierra Leone

Die mediese hulporganisasie, Right to Care, sê alle nodige voorkomingsmaatreëls is getref om die Suid-Afrikaanse sokkerspan wat die week na Sierra Leone vertrek teen ebola te beskerm, het RSG berig.

Die organisasie het vroeër bekendgemaak dat elf verpleegkundiges en ‘n dokter Vrydag na Sierra Leone vertrek om te help met die stryd teen ebola.

Die span sal vir agt weke in die land bly. Die hoof mediese beampte van die organisasie, Pappie Majuba sê hulle het reeds intensiewe opleiding ontvang en sal verder opgelei word voordat hulle na pasiënte omsien.

Hy sê bykomende werwing en opleiding sal voortdurend plaasvind om nog gesondheidswerkers na ebola-gebiede te stuur.

Majuba sê al is geen ebola-gevalle in Suid-Afrika aangemeld nie, sal die ervaring wat Suid-Afrikaners opdoen in die stryd teen ebola en ander aansteeklike siektes, baie waardevol wees.

Polisie ontplooi na pamflet chaos aanmoedig

Die polisie in Noordwes is op ‘n gereedheidsgrondslag ná ‘n pamflet die rondte gedoen het waarin swart inwoners van Bloemhof aangepor word om met ‘n weeklange wegbly-aksie te begin, het RSG berig.

Die wegbly-aksie is daarop gemik om steun te verleen aan mense wat in die hof moet verskyn in verband met diensleweringsbetogings in Maart verlede jaar.

Die hofsaak van meer as 80 mense wat aangekla word van onder meer openbare geweld, opsetlike saakbeskadiging en brandstigting, begin vandeesweek.

Die woordvoerder van die polisie, Keaoleboga Majikela sê die polisie is gereed vir enige onwettige optrede wat mag volg.

Die burgemeester van die Lekwa Teemane-munisipaliteit, Kagiso Palagangwe het intussen die organiseerders van die wegbly-aksie gekritiseer. Hy sê dit is onwettig en dat daar opgetree sal word teen diegene wat aan die wegbly-aksie deelneem.

Klugtige Basson-verhoor rafel verder uit

Die huidige klugtige “verhoor” van dr Wouter Basson het verder uitgerafel nadat dit aan die lig gekom het dat die voorsitter nie onpartydig is nie.

Die regspan vir die chemiese wapenkenner het ‘n hofinterdik verkry om meer inligting oor die Raad op Gesondheidsberoepe van Suid-Afrika se sogenaamde klagtes teen Basson.

Die Raad het bevestig dat hulle die interdik ontvang het. ‘n Woordvoerder van die Raad, Charmaine Motloeng, sê die Raad sal vandag oor die aangeleentheid vergader.

Die professionele gedragskomitee sal egter die hooggeregshof-aansoek agter geslote deure bespreek.

Basson se regsverteenwoordiger, Jaap Cilliers, en sy kliënt het gister uit die verrigtinge gestap om ‘n dringende hofaansoek te gaan indien.

Cilliers sê die verdediging het inligting dat die voorsitter van die verhoor, Jannie Hugo, ‘n versoekskrif onderteken het waarin gevra word dat Basson van die mediese rol geskrap word.

Intussen het Sapa berig dat mediese praktisyns glo “geskok” was deur opmerkings wat Basson in die nadraai van die arbeidsonrus by Lonmin se Marikana-platinummyn in die Noordwes gemaak het, toe 34 mense doodgeskiet is.

Die verhoor het gehoor dat Basson glo in ‘n radio-onderhoud gesê het dat Marikana sou nie gebeur het as die polisie van chemiese wapens wat hy dekades gelede ontwikkel het, gebruikgemaak het nie.

“Ek het geluister na die onderhoud en kon nie glo wat ek hoor nie,” het ‘n dosent aan die Universiteit van Kaapstad en kliniese farmakoloog, Professor Marc Blockman gesê.

Die radio-onderhoud het plaasgevind in Desember 2013, kort nadat Basson is skuldig verklaar is aan professionele wangedrag deur die Raad se boendoeverhoor.

Die heksejag teen Basson is in die media voortgesit. Salie Joubert, vir die HPCSA, het Blockman gevra wat hy gedink het oor die onderhoud.

Blockman het gesê daar was ‘n gevoel van “arrogansie” in Basson se stem.

“Van wat ek gehoor het, was daar geen greintjie berou in wat hy gesê het nie… daar was ‘n vlak van arrogansie in sy stem.”

Sunette Bridges vandag in Kaapse Gelykheidshof oor ‘rassisme’

‘n Skouverhoor soos dit destyds in die Sowjetunie en ander Oos-Europese lande gehou is, begin vandag in die Wes-Kaapse Gelykheidshof waar Sunette Bridges teregstaan op klagtes van “rassisme” en “haatspraak”.Die saak is deur die Suid-Afrikaanse Menseregtekommissie teen haar aanhangig gemaak. Volgens die woordvoerder van die kommissie, Isaac Mangena, “ontvang (hulle) reeds jare lank klagtes oor die rassistiese inhoud van Bridges se Facebook-bladsye.

“Daar kan geen twyfel wees dat daar uitlatings was wat so rassisties en skadelik is dat dit nie beskerm word nie en daarom deur die hof gestraf behoort te word.

“Rassistiese en haatdeurtrekte kommentaar behoort nie toegelaat te word om in die openbare domein te gedy nie,” meen Mangena.

Media wat gister probeer het om Bridges te bereik, kon nie daarin slaag om haar mening in te win nie.

Een van die klagtes het te make met ‘n grappie wat Bridges vier jaar gelede op haar Facebookblad gemaak het en waarin sy haar tuiner ‘n “groenie” genoem het, blykbaar in die volgende sin:

…van al die instrumente wat daar is om mee REGUIT te bou – ’n waterpas, profiele, maatband, fishline, Square – is ’n sambok wraggies die enigste ene wat vir hierdie Groenie van my werk hoor!!! EISH!!!!!Sx.

Volgens TimesLive is daar “behoefte aan ‘n presedent om kommentaar op sosiale media te reguleer weens die persepsie dat rassehaatspraak aan’t toeneem is”.

Enkele ekstreemlinkse groepies op Facebook, wat self haatveldtogte teen Afrikaanse openbare figure voer, is besig om die Suid-Afrikaanse Menseregtekommissie met klagtes te oorval. Daarom het die Kommissie verlede week aangekondig dat “klagtes oor rassistiese plasings (op sosiale media) nou 20% van alle klagtes uitmaak”.

Klik asb. op ons petisie hier bo ten gunste van spraakvryheid vir Afrikaanse aktiviste.

FW, Gerwel deur Kaapstad vereer

Die twee openbare figure wat die meeste gedoen het om Afrikaners te benadeel, gaan vereer word deur Kaapstad.

FW De Klerk gesê hy is ten gunste van die idee dat die straat in Kaapstad na hom vernoem word, solank die straat voorheen ‘n “neutrale” naam gehad het.

Die finale besluit berus by die stadsraad, wat pas die naamsverandering goedgekeur het. “Inwoners, rolspelers, belanghebbendes en gemeenskapsorganisasies het die geleentheid gekry om hul siening daaroor te gee.”

Verreweg die meeste Suid-Afrikaners was gekant teen die naamsverandering.

Kaapstad het ook die kommunis Jakes Gerwel Sondag vereer deur Vanguard-rylaan in Kaapstad amptelik na Jakes Gerwel-rylaan te vernoem.

Patricia de Lille, burgemeester van Kaapstad, het Gerwel beskryf as ʼn “dapper leier”. Volgens De Lille het Gerwel studente-inskrywings vir alle rasse toeganklik gemaak toe hy in die laat 1980’s as rektor van die Universiteit van die Wes-Kaap aangewys is.

Gerwel, Nelson Mandela se persoonlike sekretaris, is by Afrikaners bekend vir sy leë beloftes oor twee Afrikaanse universiteite destyds wat toe nooit gerealiseer het nie.

“Herbenaming is ‘n kritiese deel van regstelling, aangesien dit ons in staat stel om ons verlede te onthou, terwyl ons bepaal watter soort toekoms ons graag wil bou,” het De Lille gesê. “Prof Gerwel se lewe, wat gekenmerk is deur ‘n onwrikbare verbintenis tot ‘n nie-rassige, nie-seksistiese en demokratiese samelewing, is ‘n voorbeeld van die soort toekoms wat ons vir Kaapstad wil hê.”

De Lille het Gerwel beskryf as ʼn “pionier van Madiba se reënboognasie-visie” en het gesê sy glo dat versoening ʼn proses eerder as ʼn gebeurtenis is. “Wanneer ons in Jakes Gerwyl-rylaan afry, moet ons besin oor die pad wat hy vir ons gebaan het, en oorweeg of ons op pad is na dieselfde visie.”

Daardie “pad” bied klaarblylik geen ruimte vir Afrikaners nie.

Groot probleme by Medupi-kragstasie

Groot probleme word blykbaar ondervind met Eenheid Ses by die Medupi-kragstasie in Limpopo, het RSG berig.

Die minister van Openbare Ondernemings, Lynne Brown, is intussen versoek om duidelikheid oor die kwessie te gee.

Eenheid Ses is veronderstel om sowat 800 megawatt aan die kragnetwerk te lewer. Michael sê egter daar is na bewering ‘n groot probleem met die ontwerp van die pypstelsel, wat sal verhoed dat die eenheid behoorlik werk.

Eskom het intussen gesê hy hoop dat dit vandeesweek nie nodig sal wees om beurtkrag in te stel nie. ‘n Woordvoerder, Khulu Phasiwe sê die kragnetwerk is redelik stabiel, indien niks onvoorsiens gebeur nie.

Plaasaanvallers vasgekeer by Bothaville

Die flinke optrede van ‘n plaaswagpatrollie het daarvoor gesorg dat ses swart plaasaanvallers vasgevat is.

Die patrollie het ‘n boer se Bantam-bakkie gewaar, waarna die verdagtes te voet in mielielande probeer vlug het op ‘n plaas buite Bothaville.

Lede van die plaaswag het die gebied afgesper en ʼn polisiehelikopter het die gebied gefynkam waarna ses Zimbabwiërs in hegtenis geneem is. Daar is ook op die gesteelde items in hul besit beslag gelê.

Die ses swart aanvallers het 65-jarige boer en sy 60-jarige vrou op hul plaas buite Bothaville in die Vrystaat aangeval en die boervrou probeer verkrag.

Konst. Peter Kareli, woordvoerder van die polisie, het gesê die boer en sy vrou was Sondagoggend kerk toe in Bothaville. Hulle is met hul terugkeer op die plaas deur ses gewapende swartes oorval. Die boer se hande is met draad vasgemaak.

Drie swartes het die boervrou se klere van haar lyk afgeskeur en probeer om haar te verkrag.

Die verdagtes het met die boer se Ford Bantam-bakkie, wapens, ammunisie, juweliersware en kontant gevlug, toe hulle deur die plaaswag gewaar is.

Volgens Kareli kon die boer daarin slaag om homself te bevry nog voor die verdagtes van die plaas af gevlug het, en het hy boere op naburige plase sowel as die polisie ontbied.

Die verdagtes, tussen 19 en 34 jaar oud, sal binnekort in die Bothaville-landdroshof verskyn op aanklag van huisroof en poging tot verkragting. Twee van die verdagtes kom glo van Bothaville.

Pretoria-ouers red vyfjarige se lewe

‘n Ma van Pretoria is dankbaar dat ‘n man en twee vroue Saterdag haar vyfjarige kind se lewe by ‘n kinderpartytjie in Lynnwood gered het.

Die vrou, wat net as Karen geïdentifiseer wil word, het Sondag aan Rekord gesê haar kind sou waarskynlik dood gewees het, as dit nie vir die flink optrede was nie.

Karen se seuntjie het Saterdagoggend saam met maats geswem toe hy skielik onder die water verdwyn het.

“Hy weet hoe om te swem en ons vermoed ‘n golfie het hom dalk onkant gevang. Hy het baie water gesluk,” het Karen gesê.

Sy sê een van die pa’s by die partytjie het ‘n swart kol onder die water gesien. Toe hy besef dit was nie ‘n swembadsuier nie, het hy dadelik ingeduik en die kind uitgehaal.

“Twee van die ma’s het vir sowat drie minute lank mond-tot-mond asemhaling toegedien totdat hulle sy hartkloppie weer kon kry. Hy was potblou in sy gesiggie,” het Karen gesê.

Netcare 911 paramedici was vinning op die toneel en het die kind gestabiliseer en na ‘n hospitaal gehaas.

“Ek is so dankbaar vir almal se flink optrede – my kind kon voor ons oë verdrink het,” het Karen gesê.

Die seuntjie was Sondag nog in die hospitaal sodat sy longe gemonitor kon word, maar sal na verwagting Maandag ontslaan word.

Bron: Rekord Oos

Franse Sosialiste bedel om Moslemstemme

‘n Klimaat van vrees het in Europa posgevat namate duisende inwoners eis dat Moslems die geweld wat ander Moslems pleeg, moet veroordeel.

Abdallah Zekri, hoof van Frankryk se nasionale sentrum teen Islamofobie, het gesê in die 48 uur ná die bloedbad is 16 plekke van Islam-aanbidding met brandbomme­, geweerskote en varkkoppe­ aangeval­.

Die Franse regering maan dat Moslems nie gelykgestel moet word met terroriste nie. Geert Wilders, leier van die grootste Nederlandse politieke party, die PVV, het egter gesê dalk pleeg nie alle Moslems terreur nie, maar alle terreur word deur Moslems gepleeg.

Die Franse Sosialiste weier steeds om op te tree teen Franse burgers wat aan terreur in die Midde-Ooste deelneem.

Die terroriste “se geloof is nie Islam, wat hulle verloën nie, dit is barbaarsheid”, het Laurent Fabius, minister van buitelandse sake, gesê.

‘n Meningsopname wat deur die Franse koerant Le Monde gedoen is, het egter getoon dat meer as 40% van Frankryk se Moslems die aanval op Charlie Hebdo verwelkom het.

Patrick Mennucci, ’n sosialistiese­ politikus, het daarop gewys dat daar 5 tot 6 miljoen Moslems in Frankryk is.
“Hierdie (terreur-)kwessie gaan oor net 1 000 individue.

“Ons moet versigtig wees om niemand te stigmatiseer nie,” het hy gesê. Die uiters ongewilde Sosialiste het Moslemstemme nodig om as party te kan oorleef.

Die ma en susters van Amedy Coulibaly­ (32), wat gyselaars in ’n supermark in Parys vermoor het, het in ’n verklaring hul meegevoel met die slagoffers uitgespreek en ’n pleidooi gelewer dat Moslems nie geassosieer moet word met die “afskuwelike daad’’ nie.

“Ons deel nie dié ekstremistiese­ opvatting­s nie,” het hulle in die verklaring­ gesê.

Vonnisoplegging teen Wouter Basson begin

Die vonnisopleggingprosedures in die tugverhoor van die kardioloog, dokter Wouter Basson word vandag in Pretoria voortgesit.

Basson is in Desember 2013 skuldig bevind aan onprofessionele optrede na ‘n ses jaar lange ondersoek.

Die voorsitter van die etiekkomitee van die Raad op Gesondheidsberoepe van Suid-Afrika (HPCSA), prof. Jannie Hugo, het bevind dat Basson internasionale protokolle en konvensies oortree het.

Hy het glo die Geneefse Konvensie van 1948 en die VN se Konvensie oor die verbod op en berging van gevaarlike wapens, oortree.

Geen mediese dokter kan onkunde pleit as dit by professionele gedrag kom nie, het Hugo voorheen gesê.

Die ondersoek is gehou om te bepaal of Basson oneties opgetree in die uitoefening van sy pligte as ‘n chemiese oorlogvoeringskenner.

Uit die 39 000 dokters wat ‘n petisie ontvang het om die heksejag teen Basson te ondersteun, het net 230 dokters gereageer.

“Dit klink baie indrukwekkend,” het Basson se regsverteenwoordiger, Jaap Cilliers SC ironies opgemerk.

Mark Heywood, Section 27 se uitvoerende direkteur, het vroeër ontken dat sy petisie ‘n mislukking is.

Heywood het aan Cilliers gesê tydens sy kruisondervraging dat alhoewel die aantal dokters gering is, is dit die “name” wat tel.

“Ek praat name,” het Heywood gesê en verklaar dat die ondertekenaars die belangrikste medici in die land verteenwoodig.

Heywood het Professor Slim Abdool Karim, direkteur van die Sentrum vir Vigs-program van navorsing in SA, Professor Haroon Salojee, hoof van gemeenskapsveiligheid pediatrie by Wits Universiteit, en prof Mpiko Ntsekhe, hoof van kardiologie aan die Universiteit van Kaapstad uitgesonder.

In sy verdediging, het Basson nege argumente aangebied waarin hy beweer dat hy opgetree het as ‘n soldaat en nie ‘n dokter nie, en dat hy nie bewus was van die etiek nie.

Die Hooggeregshof in Pretoria het Basson in 2002 onskuldig bevind op strafregtelike aanklagte wat verband hou met sy betrokkenheid by die chemiese wapenprojek.