‘n Klimaat van vrees het in Europa posgevat namate duisende inwoners eis dat Moslems die geweld wat ander Moslems pleeg, moet veroordeel.
Abdallah Zekri, hoof van Frankryk se nasionale sentrum teen Islamofobie, het gesê in die 48 uur ná die bloedbad is 16 plekke van Islam-aanbidding met brandbomme, geweerskote en varkkoppe aangeval.
Die Franse regering maan dat Moslems nie gelykgestel moet word met terroriste nie. Geert Wilders, leier van die grootste Nederlandse politieke party, die PVV, het egter gesê dalk pleeg nie alle Moslems terreur nie, maar alle terreur word deur Moslems gepleeg.
Die Franse Sosialiste weier steeds om op te tree teen Franse burgers wat aan terreur in die Midde-Ooste deelneem.
Die terroriste “se geloof is nie Islam, wat hulle verloën nie, dit is barbaarsheid”, het Laurent Fabius, minister van buitelandse sake, gesê.
‘n Meningsopname wat deur die Franse koerant Le Monde gedoen is, het egter getoon dat meer as 40% van Frankryk se Moslems die aanval op Charlie Hebdo verwelkom het.
Patrick Mennucci, ’n sosialistiese politikus, het daarop gewys dat daar 5 tot 6 miljoen Moslems in Frankryk is.
“Hierdie (terreur-)kwessie gaan oor net 1 000 individue.
“Ons moet versigtig wees om niemand te stigmatiseer nie,” het hy gesê. Die uiters ongewilde Sosialiste het Moslemstemme nodig om as party te kan oorleef.
Die ma en susters van Amedy Coulibaly (32), wat gyselaars in ’n supermark in Parys vermoor het, het in ’n verklaring hul meegevoel met die slagoffers uitgespreek en ’n pleidooi gelewer dat Moslems nie geassosieer moet word met die “afskuwelike daad’’ nie.
“Ons deel nie dié ekstremistiese opvattings nie,” het hulle in die verklaring gesê.
Die Sosialiste se oorlewing is juis die rede dat Europa deur ‘n vloedgolf immigrante uit Derde Wereld hole verswelg word. Soos met volskaalse Kommunisme sal Sosialisme in die nie te verre toekoms ook beskryf word as een van die grootste foute en mislukkings van die mensdom.
Hierdie Hebdo storie begin vir my al meer na ‘n valsvlag operasie lyk. Ek het iets interessant opgemerk wat ek met die Praag lesers wil deel wat die Joodse Superette gedeelte van die Hebdo saga aanbetref.
Amedy Coulibaly was nie die enigste gyselaarnemer in Hyper Cacher nie, daar was ‘n vrou saam met hom met die naam van Hayat Boumedienne, vermoedelik sy eggenote. Daar word nie vreeslik baie oor haar gepraat nie, want sy het in die harwar van die gyselaarontsetting skynbaar ontsnap. Dit is al wat ons van haar rol tydens die gyselaarsneming weet, dat sy ontsnap het en skynbaar nog steeds op vrye voet, iewers in ‘n veilige huis, is. Maar niemand kon nog agterkom hoe sy ontsnap het nie.
Ek het my nog nie vreeslik oor die Hyper Cacher gyselaarsdrama uitgelaat nie, omdat ek bloot net nie meer daarin belangestel het nie en die Hebdo drama het in elk geval al genoeg na muishond geruik. Maar ek het vanmiddag redelik verveeld tussen die Hyper Cacher videos rondgekyk toe ek iets interessant opmerk, en ek het nog nie gehoor of gesien dat daar al enige iets hieroor iewers op die internet gemeld is nie. Ek wil he die Praag lesers moet my help soek na ‘n video.
Maar om by die begin te begin.
Ek verwys hier spesifiek na hierdie video: https://www.youtube.com/watch?v=oKCngJCAovk en klik al die advertensies daarop om dit toe te maak. Ons gaan die tydlyn bekyk.
1.01 Die gyselaars begin by die winkel uithardloop in die volgorde: Man, donkerkop vrou, blonde vrou, man en dan nog ‘n donkerkop vrou. Dis die laaste donkerkop vrou in wie ons belangstel, maar die kamera draai weg van haar-af en ons sien haar nie weer uit daardie hoek nie. Die regte prosedure is om al die gyselaars bymekaar te hou en te boei sodra hulle ontset word. Dit is juis om te verhoed dat gyselaarnemers nie met die gyselaars kan meng om te ontsnap nie. Nadat elkeen se agtergrond en omstandighede geverifieer is, word hulle een vir een vrygelaat. In hierdie geval is die gyselaars net in ‘n rigting beduie, na die agterkant toe van RAID (Franse Polisietaakmag) se lorrie toe wat eenkant geparkeer gestaan het. Ek moet hier sê dat die ontsetting nie deur die GIGN (Weermag spesmagte anti-terroriste en gyselaarontsetting) gedoen is nie omdat hulle op daardie stadium besig was met die geveg tussen hulle en die Kouachi broers. Dit was dus RAID wat die Hyper Cacher ontsetting moes doen.
2.26 Eerste skote.
2.41 Flashbang (skokgranaat)
2.52 ‘n Tweede flashbang gaan buite die winkel af, met opset of per ongeluk. Die kamera zoem in op die aksie.
3.04 Hou die groen pilaar met die wit letters links onder in die voorgrond dop want die gebeure om dop te hou gebeur alles reg agter hierdie pilaar.
3.05 Die eerste drie gyselaars verskyn agter die groen pilaar, ‘n man, ‘n donkerkop vrou en dan ‘n blondekop vrou.
3.06 ‘n Bondeltjie gyselaars, waaronder die vierde vrou, die donkerkop vrou waarin ons belangstel kom agter die groen pilaar te voorskyn. Sy is tussen twee of drie mans.
3.07 Dan gebeur die volgende. Sy wys vir een van die mans iets wat soos ‘n papier lyk en hy beduie haar weg van die ander gyselaars af. Sy laat sak haar kop en hardloop in ‘n ander rigting as die ander gyselaars terwyl sy die papiertjie steeds in haar hand vashou. Sy hardloop tot ager die motorfiets waar sy gaan kniel. Haar skoene het blinkertjies agterop.
3.15 Die onbekende man met die swart jas, sluit by haar aan en hy gaan kniel by haar terwyl sy hom omhels. Die ander gyselaars is almal agter die RAID lorrie vergader. Sy is die enigste gyselaar wat heeltemal apart gehou word.
3.17 Die man kyk vir ‘n oomblik oor sy skouer na die lede van RAID en help haar dan op terwyl hulle mekaar ondersteun. Hulle hardloop na die oorkant van die parkeerterrein, weg van die ander gyselaars af en weg van die RAID lede af. Hulle verdwyn agter ‘n advertensiebord.
3.28 Haar handsak verskyn vir ‘n oomblik agter die adverstensiebord nadat sy dit blykbaar laat val het, sy buk en tel dit op en saam stap die twee tussen die motors weg in die rigting van Avenue Galieni. Die ander gyselaars is almal agter die lorrie by-een, behalwe die vrou wat deur die onbekende man van die toneel af weggelei is.
Ek is seker dat dit Hayat Boumedienne is wat deur ‘n lid van die Franse DGSI van die toneel af weggelei word nadat sy haar aan hom ge-identifiseer het. Hy is nie deel van RAID nie en slegs lede van die Intelligensiediens sal so naby aan ‘n gyselaarontsetting toegelaat word. Hy het ook die swart jas aan waarvoor Europese Intelligensielede so lief is.
Dit sal interessant wees om ‘n video op te spoor wat die gyselaarontsetting uit ‘n ander hoek uitwys, want ek sal graag wil sien hoe Boumedienne en die agent van die toneel af wegkom. Of iemand hulle oplaai, of hulle in ‘n geparkeerde motor klim of of hulle die straat afstap na ‘’n plek toe waar hulle vervoer kan kry.
Ek het nog nerens op die internet enige ander opmerkings oor hierdie uiters snaakse voorval gehoor nie en ek dink dit is ‘’n eerste hier op Praag.
Soos ek voorheen gesê het, hierdie hele voorval ruik nie reg nie. Daar is so baie onduidelikhede en vrae rondom die Hebdo voorval en nou nog hierdie ook dat ek seker is dat ons al weer gespeel word, soos ‘n baie moeë Stradivarius.
Dankie Kaylee.
Waar is die ander ouens? Enige op en of aanmerkings? Ek hoor net krieke en sien so af en toe ‘n tolbos verbyrol.
Baie goeie waarnemings. Verseker moes die intelligensiediens dit ook gesien het. Ek is egter geestelik te gô-uit om ‘n relaas te lewer…
NS Jou “Ek hoor net krieke en sien so af en toe ‘n tolbos verbyrol.” het my breed laat glimlag.
Dankie Dolk. Ek wag nou net vir die ander ouens om insette te kom lewer. Ons internet sleuths.