‘n Ma van Pretoria is dankbaar dat ‘n man en twee vroue Saterdag haar vyfjarige kind se lewe by ‘n kinderpartytjie in Lynnwood gered het.
Die vrou, wat net as Karen geïdentifiseer wil word, het Sondag aan Rekord gesê haar kind sou waarskynlik dood gewees het, as dit nie vir die flink optrede was nie.
Karen se seuntjie het Saterdagoggend saam met maats geswem toe hy skielik onder die water verdwyn het.
“Hy weet hoe om te swem en ons vermoed ‘n golfie het hom dalk onkant gevang. Hy het baie water gesluk,” het Karen gesê.
Sy sê een van die pa’s by die partytjie het ‘n swart kol onder die water gesien. Toe hy besef dit was nie ‘n swembadsuier nie, het hy dadelik ingeduik en die kind uitgehaal.
“Twee van die ma’s het vir sowat drie minute lank mond-tot-mond asemhaling toegedien totdat hulle sy hartkloppie weer kon kry. Hy was potblou in sy gesiggie,” het Karen gesê.
Netcare 911 paramedici was vinning op die toneel en het die kind gestabiliseer en na ‘n hospitaal gehaas.
“Ek is so dankbaar vir almal se flink optrede – my kind kon voor ons oë verdrink het,” het Karen gesê.
Die seuntjie was Sondag nog in die hospitaal sodat sy longe gemonitor kon word, maar sal na verwagting Maandag ontslaan word.
Bron: Rekord Oos
goeie nuus en goeie optrede
Ag dis wonderlike nuus.. Ons het ongelukkig ook gehoor van die arme arme man wat doodgeskok is deur sy goggavanger. Wat ‘n tragedie!!
Maar tog wil ek u graag vertel van die duurte van resussitasie. hoe lank mens moet aanhou ressussiteer is die allergrootste vraagstuk…
Met alle verdrinkings maar veral kinderverdrinkings [selfs in halfemmer vol water !] moet mens nie langer as tien minute aanhou met mondblaas en hartmassering nie. Indien daar nog geen hartklop tasbaar is nie dan stop jy .ja , na net TIEN MINUTE!! want daarna het die pasientjie reeds ernstige breinskade. Dis goed bekend dat die kinderhartjie na 30 min weer kan begin klop maar dan is die breinskade katestrofaal.
Maar met elektriese skok moet mens tot DRIE URE aanhou met resus….tot by die hospitaal of EKG tegnologie. Want die hart fibrilleer en lewer steeds swak bloed sirkulasie na die brein..
Dink net hoe ver kan mens jaag met so ‘n pasient!! Hou net aan met ventileer en masseer.
[Hierdie reel geld ook oa vir epilepsie en konkussie en Mambabyt ja!!]
Bron : Harrison.
Maar laat ons maar ons kindertjies aan die Here opdra om Sy Engele te stuur om hulle te beskerm!!