‘n Ondersoek is aan die gang na die branddood van vier kinders van dieselfde gesin in die Gedleza-gebied op Jozini in Kwa Zulu-Natal.
Die swart ma het na bewering die kinders Sondagaand met ‘n brandende kers in die huis toegesluit.
Gasbottels wat in die huis was het ontplof.
Die bure het die rook gesien en hulle na die huis gehaas, maar die kinders was reeds dood.
Die gemeenskap eis dat die kinders se 30-jarige ma in hegtenis geneem word. – RSG
Die owerhede in Mosambiek het bekend gemaak dat sowat 100 mense dood is weens die uitbreek van diarree in ‘n sentrale provinsie in die land.
Die siekte het twee weke gelede in die Zambezia provinsie uitgebreek, maar is nou onder beheer.
Die bestuur by die Gurue-distrikshospitaal sê swak higiëne was die oorsaak van die siekte, agv mense wat nie hul hande was nie en eet en kos hanteer in die markte.
Riviere en waterbronne word ook besoedel weens onwettige mynbedrywighede.
Daar is geen nuwe gevalle sedert Sondag aangemeld nie. – Sapa
Die polisie en veiligheidsbeamptes van ‘n private maatskappy hou die situasie dop by die Twickenham Platinummyn naby Burgersfort in Limpopo waar ‘n groep plaaslike inwoners op ‘n koppie saamgetrek het.
Inwoners in die gemeenskap het gister op ‘n plundertog gegaan en die pad na die myn versper en geëis om die bestuur te sien.
Hulle eis dat die herontplooiing van myners vanaf Rustenburg en ander gebiede na die Twickenham-myn gestaak word.
Hulle beskuldig die myn daarvan dat plaaslike mense se werk van hulle weggeneem word.
Vyf-en-veertig mense wat gister in verband met openbare geweld en kwaadwillige saakbeskadiging in hegtenis geneem is, sal môre in die Mecklenburg rondgaande hof verskyn. – RSG
Aaron Alexis, die 34-jarige swart verdagte in Maandag se skietery op die Washington Navy Yard, het ‘n “geheime” klaring gehad en moes begin werk as ‘n burgerlike kontrakteur met ‘n militêreID-kaart, het sy firma se uitvoerende hoof, aan Reuters gesê.
“Hy het ‘n geheime klaring gehad en hy het ‘n CAC gehad (algemene toegangskaart),” het Thomas Hoshko, uitvoerende hoof van die maatskappy wat die Vloot se spesmagte van Intranet as ‘n subkontrakteur vir HP Enterprise Services – wat deel uitmaak van Hewlett-Packard – moes voorsien.
Alexis, van Forth Worth, Texas, word daarvan verdink dat hy by die Naval Sea Systems Command se gebou in Washington 13 mense is dood veroorsaak het.
Hoshko het in ‘n telefoniese onderhoud gesê hy weet nie wanneer Alexis veronderstel was om te begin werk nie: “Dit is wat ek nog moet uitvind, indien hy veronderstel was om vandag te begin … Dit is nie vir my duidelik nie.“
Hoshko het gesê hy is nie bewus van enige probleme met wangedrag deur Alexis of enige moontlike griewe wat tot die skietery kon gelei het nie.
Alexis het voorheen in Japan van September 2012 tot Januarie 2013 gewerk het hy gesê. Hy was glo ‘n toegewyde, vredeliewende Boedhhis wat gereeld die tempel besoek het.
“Ons het hom net onlangs weer gehuur. Nog ‘n agtergrondondersoek is weer op hom uitgevoer en hy is as skoon deur die verdedigingssekuriteitsdiens in Julie 2013 verklaar,“ het Hoshko gesê.
Hoshko het gesê hy dink dat Alexis se geheime sekerheidsklaring terugdateer van 2007.
Die vloot het gesê Alexis is ingeroep as ‘n voltydse reservis in Mei 2007. – Reuters
Die polisie twee swartes in hegtenis geneem ná die moord van ‘n 71-jarige afgetrede skoolhoof, wat doodgeskiet is tydens ‘n rooftog by sy huis Zeerust oor die naweek, het Beeld berig.
Sollie Botha en sy vrou, Elsa is aangeval in hul huis op Saterdagnag, nadat hulle teruggekeer het van ‘n plaaslike troue.
Hul volwasse dogter het veel later by die huis aangekom en besef iets is verkeerd toe sy ligte in die huis sien wat aan is.
Sy het twee mansvriende gaan haal, waar hulle die liggaam van haar pa, wat in die kop geskiet is, ontdek het.
Elsa Botha was vasgebind op haar bed.
Sy het later aan die polisie gesê hulle het wakker geword toe hulle ‘n geraas in die huis kort voor middernag gehoor het.
Sollie Botha het gaan ondersoek instel en afgekom op twee rowers in sy huis.
Hulle het hom in die gesig geskiet en ‘n vuurwapen teen sy vrou se kop gehou en haar beveel om ‘n kluis leeg te maak.
Die twee mans het later gevlug met ‘n aantal huishoudelike besittings. – Sapa
Die polisie moet die geweld tussen Suid-Afrikaners en Somaliërs in Port Elizabeth stop, het die ANC in die Oos-Kaap, gesê.
“Enige soort geweld, insluitend plundering van winkels in besit van Somaliërs is onwettig, verkeerd en het geen plek in Suid-Afrika nie,” het die African National Congress se provinsiale sekretaris, Oscar Mabuyane in ‘n verklaring gesê.
“Die SA Polisiediens is die eerste en die laaste linie van verdediging vir ons gemeenskappe, en ons doen ‘n beroep op hulle om die wet en openbare-orde polisiëringstegnieke toe te pas om hierdie golf van geweld te stop.“
Oos-Kaapse polisie het gesê sewe mans is in hegtenis geneem die naweek vir plundering en brandstigting van Somaliërs se winkels in Port Elizabeth.
Ten minste 10 winkels in KwaZakhele en New Brighton is aangeval en ‘n voertuig gebrand.
Mabuyane het gesê die ANC in die provinsie doen ‘n beroep op inwoners in die Nelson Mandela Bay Metro om hulle te weerhou daarvan om die wet in eie hande te neem.
“Geweld sal nie help in enige situasie nie, maar sal sake net vererger vir ons mense,” het hy gesê.
Die polisie se woordvoerder in die Oos-Kaap, Miranda Mills sê die geweld het na Missionville uitgebrei waar nog agt winkels geplunder is. Nog drie mense is aangekeer.
Winkels in buitelanders se besit word geteiken. Die polisie is in New Brighton, Zwide, Missionvale, Soweto-On-Sea en Kwa Zakhele ontplooi. – Sapa
Die polisie het Maandag op meer as een ton dagga beslag gelê, wat hulle in ‘n minibus-taxi naby Cornelia in die Vrystaat gevind het.
Sers. Mmako Mophiring het gesê die 41-jarige taxibestuurder van KwaZulu-Natal is op die R103 vir ‘n roetine-voertuigondersoek afgetrek.
Die polisie vermoed dat die dagga met ‘n geraamde straatwaarde van R1,2 miljoen op pad was na Gauteng.
Die meeste van die sitplekke in die Toyota Quantum-bussie is verwyder om plek te maak vir die 81 sakke wat saam 1025, 55 kg geweeg het.
Die bestuurder sal binnekort in die landdroshof op Frankfort verskyn. – Sapa
Talle mense is dood en gewond in ‘n skietvoorval by die VSA se vlootwerf in Washington DC. Owerhede sê ‘n swart man was vir die aanval verantwoordelik.
Volgens die departement van verdediging is minstens een verdagte dood terwyl ‘n vlootamptenaar, wat anoniem wou bly, gesê het dat daar moontlik meer as een aanvaller by die skietery betrokke is. Dié teorie is later laat vaar.
Na wat berig word is 13 mense doodgeskiet by ‘n Navy Yard in Washington. Die swart skieter is ook dood en is geïdentifiseer as die 34-jarige burgerlike kontrakteur van Hewlett-Packard, Aaron Alexis.
Ooggetuies het ‘n man gesien wat vanuit die vierde verdieping van ‘n gebou op die perseel na mense onder op die grond skiet. Owerhede het gesê hulle vermoed nie terreur as ‘n motief vir die aanval nie.
Minstens 3 000 mense werk by die vlootwerf, wat sowat 4 km van Washington se Reagan-lughawe geleë is, en waar die vloot se skepe gebou en onderhou word. – AP
Die verkiesingshof in Bloemfontein sal vandag beslis oor die lot van ses gediskwalifiseerde onafhanklike kandidate in die tussenverkiesing in Tlokwe in Potchefstroom wat môre plaasvind.
Die kandidate het verlede week ‘n hofgeding aanhangig gemaak teen die Onafhanklike Verkiesingskommissie se beslissing om hulle vir die tussenverkiesing te diskwalifiseer.
Hulle voer aan dat sommige OVK-amptenare moedswillig sekere dokumente versteek het, wat tot hul diskwalifikasie gelei het. Hulle is ook blykbaar deur die OVK in kennis gestel dat al hul dokumentasie in orde was.
‘n Senior OVK-amptenaar in Tlokwe is as voorsorg maatreël met verlof gestuur, hangende die uitslag van die saak. Sou die klaers die saak wen, is daar ‘n sterk moontlikheid dat die tussenverkiesing uitgestel gaan word.
Die tussenverkiesing word as noodsaaklik vir die ANC gesien om beheer van die munispaliteit van die DA af terug te wen. – RSG
Die verslag van die Verenigde Nasies inspekteurs na chemiese wapens in Sirië kon nie die vraag beantwoord wie vir die chemiese aanval in Damaskus verantwoordelik was nie.
Die inspekteurs het tot die gevolgetrekking gekom dat chemiese wapens wel op ‘n groot skaal in ‘n aanval op die Siriese hoofstad gebruik is, waarin honderde mense dood is.
Hulle het ook bevind dat die dodelike gifgas, Sarin, in die aanval gebruik was. Die inspekteurs het egter nie aangedui wie vir die aanval verantwoordelik was nie, omdat dit nie deel van hulle mandaat was nie.
Rusland se VN-verteenwoordiger, sê die verslag onthul geen “koeëlvaste data of gevolgtrekkings” oor wie verantwoordelik was nie. Die VSA en die Verenigde Koninkryk sê die studie bevestig dat die regime agter die aanval sit.
“Die verslag is volledig, maar baie tegnies. Dit vermy kategoriese uitsprake en gevolgtrekkings, en dit moet bestudeer word,” het Witali Tsjoerkin aan die Russiese media by die VN se hoofkwartier in New York gesê.
“Almal kan tot hul eie gevolgtrekking kom, maar ek hoop dat dit nie gedryf sal word deur politieke motiewe nie.“
Die Britse minister van buitelandse sake, William Hague, sê die tegniese besonderhede in die verslag, dui duidelik daarop dat dit die werk van die Siriese regering was, het RSG berig.
Die Guptas se TV-nuuskanaal ANN7 se erkenning dat vier van sy werknemers ‘vakansie’ gelys het as rede vir hul teenwoordigheid in Suid-Afrika, is nog ‘n bewys van die vrye hand wat die ANC-regering oënskynlik aan die Guptas gee om die septer te swaai met hul bedrywighede in die land.
Adv. Anton Alberts, die Vryheidsfront Plus se parlementêre woordvoerder oor kommunikasie, sê die VF Plus veroordeel die aangeleentheid ‘ten sterkste’ en dat dit herinner aan die Waterkloof- en Sun City-debakel.
“Ons wil weet waarom die Guptas nie Suid-Afrikaners in diens neem nie? Veral wit en bruin mense word deur die regering verwerp waar dit by gelyke werksgeleenthede kom.
“Nou doen die Guptas se maatskappy dieselfde deur Suid-Afrikaners van minderheidsgroepe werk te ontsê en eerder mense van die buiteland in diens te neem terwyl die land se immigrasie- en arbeidswette in die proses geminag word.
“Hierdie vier werknemers is moontlik net die punt van die ysberg, en die VF Plus dring daarop aan dat die Guptas se bedrywighede rakende die wettigheid van al hul personeel in Suid-Afrika deeglik ondersoek word,” sê adv. Alberts.
Volgens adv. Alberts is dit wyd gepubliseer dat die Guptas met hul besoek aan Sun City nie van swart personeel gebruik wou maak nie en daarop aangedring het om deur wittes bedien te word.
“Waar hulle egter self die geleentheid het om wittes of bruines in diens te neem, is dié mense blykbaar skielik nie goed genoeg nie.
“Dit sal baie interessant wees om ‘n ontleding te sien van die Guptas se personeel-samestelling in Suid-Afrika,” sê adv. Alberts.
Nuwe handelsbetrekkinge en beleggings is baie belangrik vir sub-Sahara-Afrika aangesien die gebied groot groeipotensiaal het. Daarom verwelkom hy die moontlikheid dat Amerika op hoë vak ondersoek instel na die moontlikheid om handelsbetrekkinge in die gebied uit te brei sê dr. Pieter Mulder, adjunkminister van landbou, bosbou en visserye.
Dr. Mulder het vanoggend op ‘n konferensie in Johannesburg aan ‘n hoëvlak-afvaardiging van Amerika, wat die land se adjunkminister van landbou, me. Krysta Harden insluit, gesê dit is belangrik dat Amerika handelsbetrekkinge met die streek versterk om voedselsekerheid te waarborg.
Die Amerikaanse afvaardiging het senior verteenwoordigers van Amerikaanse handelsverenigings en uitvoerders ingesluit. Vanuit die sub-Sahara-streek was aankopers van verskeie lande ook teenwoordig.
Dr. Mulder het gesê Afrika is besig om deurlopend te ontwikkel en ‘n groeiende middelklas bring ‘n aanvraag na nuwe voedselprodukte wat plaaslik nie altyd beskikbaar is nie.
Hy het ook gewys op die ongekende groeipotensiaal van die streek. Hierdie groei en ontwikkeling veroorsaak dat die gepaardgaande koopvermoë ontstaan. Van die gespesialiseerde produkte in aanvraag word wel in die streek vervaardig, maar Suid-Afrika speel ‘n groot rol in die voorsiening daarvan.
Volgens dr. Mulder kan veral sakelui in die groothandel-kettingbedryf van die tendens kennis neem.
Hy sê navorsing dui daarop dat sowat 85 miljoen huishoudings in Afrika tans sowat 5000 Amerikaanse dollar per jaar verdien. Teen die jaar 2020 kan dit vermeerder tot 128 miljoen huishoudings.
Afrika se moontlikhede en enorme potensiaal word veral geïllustreer deur die feit dat sowat 60% van die wêreld se onbewerkte, vrugbare grond, of grond wat nie ten volle benut word nie, in Afrika is. Tog produseer dié kontinent net 10% van die wêreld se voedsel.
“Die McKinsey-verslag noem dat Afrika gereed is vir ‘n ‘Groen Revolusie’ soortgelyk aan dié wat landbou in Asië en Brasilië ingrypend verander het,” sê dr. Mulder.
Volgens dr. Mulder is daar groot ruimte vir groei in handelsbetrekkinge tussen Suid-Afrika en Amerika op landbougebied. Alhoewel Amerika baie van Suid-Afrika invoer, is daar weinig of geen groei op die gebied nie en die department van landbou, bosbou en visserye is begerig om dit te verbeter tot die voordeel van albei lande,” sê dr. Mulder.
Dr. Mulder en me. Harden, Amerikaanse adjunkminister van landbou, voer more onderhandelings oor die verbetering van landbouverhoudinge tussen Suid-Afrika en die VSA.
Harden wat pas in die plek van Kathleen Merrigan aangestel is, kom uit die soja-, tabak en grondboontjie-lobbies in Washington en word as een van Obama se sterk ondersteuners getel.
Bismarck du Plessis se omstrede rooikaart wat hy tydens Saterdag se nederlaag teen die All Blacks gekry het, is van sy dissiplinêre rekord geskrap .
Die regsbeampte Terry Willis het in Maandag se dissiplinêre verhoor bevind dat die Franse skeidsregter Romain Poite die verkeerde beslissing gemaak het toe hy du Plessis met ‘n geelkaart in die 17de minuut vir ‘n duikslag op die losskakel Dan Carter gestraf het.
In ‘n verklaring op Maandag, het die IRB gesê dat die geel kaart toegeken teen du Plessis “nie korrek” was nie.
Du Plessis het ‘n tweede geel kaart vir ongeoorloofde spel in die 42ste minuut van die wedstryd gekry, wat beteken het dat hy outomaties van die veld gestuur is.
Die IRB het gesê dat die geel kaart–besluit ‘n “ongelukkige geval van menslike foute deur die skeidsregters was“.
Du Plessis het geen verdere straf ontvang nie, maar die tweede geelkaart wat hy in die 42ste minuut ontvang het, sal vir die res van die Rugbykampioenskap-reeks op sy rekord bly. – Sapa
Net dae na sy hofverskyning saam met sy pa, Andre Visagie, die leier van die Geloftevolk Republikeine, staar die 19-jarige Jan Visagie ‘n saak van aanranding en die rig van ‘n vuurwapen in die gesig.
Dit volg na ‘n oënskynlike padwoedevoorval in Langstraat, Kimberley, waartydens Jan Visagie na bewering ‘n vuurwapen uitgehaal het tydens ‘n argument, wat uiteindelik in ‘n volskaalse vuisgeveg geëindig het.
Andre en Jan Visagie het verlede week in die Kimberley-landdroshof op aanklagte van die onwettige besit van vuurwapens en ammunisie verskyn ná ‘n klopjag by hul huis in die stad.
Jan was na bewering deur sy ma, Marietjie, ontbied nadat ‘n Volkswagenbakkie voor haar BMW ingedraai het in MacDougallstraat.
Volgens die bestuurder van die bakkie, GP Laubscher (21) het hy per ongeluk voor die BMW ingedraai maar het bygevoeg dat hy ‘n apologetiese handgebaar aan die bestuurder gemaak het. Dit was eers later dat hy opgemerk het dat die BMW hom volg.
“‘n Nissan Sentra het my voertuig van voor ( in die aankomende verkeer ) genader, en reg voor my motor gestop. Die BMW het agter my my gestop met die gevolg dat ek nêrens heen kon gaan nie.”
“Die bestuurder van die Sentra het toe uit sy motor gespring en my uit my voertuig getrek. ‘n Reuse- vuisgeveg het tussen ons uitgebreek, terwyl die vrou in haar voertuig bly sit het.”
Volgens Laubscher se pa, Pienaar Laubscher, het hy op die toneel aangekom en probeer om die geveg stop te sit, maar het ook betrokke geraak.
Die jong Visagie het na bewering gesê hy gaan die “kak” uit Laubscher skiet met ‘n vuurwapen wat sy ma uit die motor vir hom aangegee het.
Volgens Jan Visagie ( die bestuurder van die Sentra ) het Pienaar Laubscher hom na bewering tussen die bene tydens die rusie om die wapen af te vat, bygekom, wat aan hom het ses steke in die skrotum besorg het. Laubscher het dit egter ontken.
Pienaar het blykbaar ‘n elektriese prikstok uit sy voertuig gehaal en dit nege keer op Marietjie gebruik tydens die voorval, wat sigbare merke op haar liggaam gelaat het. Laubscher het dit bevestig, maar bygevoeg dat dit ‘n “goedkoop model is wat hy by ‘n straatverkoper gekoop het en nie van ‘n baie hoë sterkte is nie” en dat hy dit gebruik het nadat sy aan sy hemp geruk het en probeer het om hom te slaan.
“Ek is grootgemaak nie aan ‘n vrou te slaan nie, maar wanneer hulle my begin slaan, sal ek terugbaklei,” het Pienaar gesê.
GP Laubscher het beserings aan sy kop en gesig opgedoen en ‘n tand in die stryd verloor. Sy pa het ook beserings aan sy gesig en is ook na bewering geskop tussen die bene. Jan beserings aan sy gesig, asook steke tussen die bene opgedoen. Hy het ook berig dat sy horlosie en hemp beskadig is tydens die voorval .
Alle betrokke partye is daarna na die polisie. GP Laubscher het ‘n saak van aanranding en rig van ‘n vuurwapen aanhangig gemaak, terwyl Jan Visagie ‘n saak van aanranding met die opset om ernstig te beseer laat open het.
‘n Woordvoerder van die polisie, luitenant Donald Mdhluli het dit bevestig.
