Dan Roodt, Author at praag.co.za

Die skuldige is dus….

Sedert dit bekend geword het dat Suid-Afrika vanjaar die gasheer vir die wêreldsokkerbekertoernooi gaan wees, is Suid-Afrikaners wat bekommerd was oor moontlike eier in die gesig dikwels beskuldig van dislojaliteit teenoor die land.

Terwyl die oorgrote meerderheid hul kommer op werklikhede soos paaie en dienste wat die kreeftegang gaan, gebaseer het, is dié skeptisisme gewoonlik afgemaak as ‘n vorm van rassisme gebaseer op skeptisisme dat swart mense nie in staat is om ‘n toernooi suksesvol aan te bied wat volgens komm. André Pruis 70 keer so groot is soos die wêreldbeker-rugby en kriekettoernooie saam wat Suid-Afrika reeds aangebied het.

Suid-Afrikaners is grootliks nog in die duister oor presies wat veral die gasheerstede alles moet doen om aan al die vereistes van die gasheerstad-ooreenkomste te voldoen. Almal weet van die stadions en dat dit op koers is. Min of meer almal weet van vervoer-meesterplanne wat moet geld, en baie mense is ook bewus van handelsaktiwiteite wat nie binne ‘n sekere radius van die stadion af mag plaasvind nie. Onlangs het die SABC-TV berig dat dit ook aspekte insluit soos vullisherwinningsprogramme en die plant van bome.

Terwyl die gemiddelde Suid-Afrikaner in die duister gehou word oor die voorvereistes, sal daar skeptisisme wees oor of aan die vereistes voldoen word.

Pas is berig dat die tweede buitelandse burger binne enkele dae in ‘n plaasaanval in Limpopo vermoor is. Daar is geen aanduiding dat Suid-Afrika ‘n diplomatieke nota van simpatie met die Kanadese en Belgiese bevolkings gelewer het nie. Dit is moeilik om skaam vir jou regering se doen en late te wees, en met ‘n euforie vol te hou dat alles klop disselboom verloop. Trouens, dit is irrasioneel en onverantwoordelik.

Intussen is dit swart joernaliste in koerante met hoofsaaklik swart lesers wat nou die skerpste kritiek begin uitspreek. Gister het The Sunday Independent ‘n artikel geplaas, geskryf deur Prince Mashele, uitvoerende direkteur van die Sentrum vir Politiek. Die opskrif som die krisis mooi op: “The President who has killed his nation’s pride.”

Ja, die president en sy eietydse Mandaryne en kornuite maak gereeld beloftes van hoe korrupsie uitgeroei gaan word. Ongeveer ‘n jaar gelede, kort voor die algemene verkiesing, het een hiervan, Ace Magashule, by ‘n SALGA-kongres gesê daar gaan van onbevoegde en korrupte burgemeesters en munisipale bestuurders ontslae geraak word. Heel profeties is hy uitgelag.

Die ANC se sekretaris-generaal, Gwede Mantashe, is volgens waarnemers erg in die spervuur omdat hy dit waag om daad by die woord te voeg oor ANC-beloftes om korrupsie vas te vat.

Van die naïwelinge, soos Max du Preez en Jakes Gerwel stoei steeds met wat hulle die verregsing van die samelewing noem as krisis, en sukkel om dit te onderskei en ontrafel van ‘n diepsinnige kommer dat die land eier in die gesig gaan kry. Dit het niks met dislojaliteit te make soos wat so graag gesê of gesinspeel word nie.

Al hoe meer stemme gaan op dat die skrif aan die muur is van Zuma se dae as president. In hierdie stadium is dit, die duidelike spanning binne die ANC-alliansie ten spyt, waarskynlik meer wensdenkery as iets anders. Dit raak egter by die dag duideliker dat Suid-Afrika nie die luukse van ‘n president en jeugpresident kan bekostig wat van verleentheid tot verleentheid strompel terwyl die Titanic besig is om te sink nie.

Net so min kan die land bekostig dat diegene wat die werklikheid in die oë kyk, as pessimiste of rassiste afgemaak word.

тамбов лежаки

Belangepolitiek, beginselpolitiek of geraaspolitiek

Max se geweeklaag oor die verregsing

Met die ANC wat so ‘n oorweldigende meerderheid in die parlement en die meeste provinsiale wetgewers het, is dit te wagte dat opposisiepolitiek op verskillende maniere sal moet improviseer om ‘n invloed (ten goede vir die land) te kan uitoefen.

Gister spreek die Afrikaanse Sondagkoerant, Rapport, hom uit teen wat breedweg belangepolitiek genoem kan word ten gunste van “tipiese” opposisiepolitiek waar foute van die regerende party uitgesnuffel en aan die groot klok gehang word.

Daar is natuurlik in beginsel niks verkeerd met die beginsel nie – want in beginsel is ‘n opposisieparty en opposisiepers wat foute uitsnuffel die belangrikste wapens teen magsmisbruik en korrupsie. Trouens, daar kan min twyfel wees dat die verlammende uitwerking van politieke korrektheid ruim bygedra het tot die mate waarin die land se wiele aan die nate loskom.

(Die ANC het immers nie korrupsie uitgevind nie, net vervolmaak).

Belangepolitiek in die nuwe Suid-Afrika is grootliks gebore uit die grondwetlike leemtes van die huidige grondwet. Die liberaliste kan nou maar die lofliedere oor die “wonderlike” grondwet aanhef tot die tandemuis oom olifant se gewisselde tand weggesleep kry, ‘n liberale grondwet was nog nooit vir ‘n heterogene samelewing ontwerp nie – daarvoor is daar tallose meer moderne benaderings wat middelsoekende en middelpuntvliedende kragte ondervang.

Belangepolitiek in ‘n liberale grondwet is nie ‘n ideaal nie. ‘n Voor die hand liggende leemte is dat die reg tot belangepolitiek uitsluitlik van ‘n toegif van die regerende party afhang – nie van ‘n reg daartoe nie.

Stellings soos “ons sal jul stem wees” het min of meer dieselfde paadjie as die “wigte en teenwigte” geloop. Dr. Pieter Mulder se adjunk-ministerskap word nie oral, selfs in eie geledere, ewe goed ontvang nie, ten spyte daarvan dat die landbou waarskynlik nie nog ‘n kabinetsramp in die liga van Dirk du Toit en Lawwe Lulu sou kon oorleef nie.

Die punt is, die debat hieroor is nog lank nie voltrek nie.

Naasliggend hiertoe is die kwessie van beginselpolitiek.

Beginselpolitiek kan nie losgemaak word van sy ondersteunigstrukture soos die media nie. Dit is ‘n veld vol slaggate en teenstrydighede.

Wat beginselpolitiek betref, is dit ‘n feit soos ‘n koei dat ‘n party en sy ondersteuningstrkture nie alles vir almal kan wees nie, veral wanneer aan bewind kom ernstig in die oog gehou word.

Juis omdat die DA hom in hierdie opsig so uitstekend vir ‘n toffie uitgee, word kortliks by dié party stilgestaan:

– Die DA laat keusevryheid toe oor sake soos aborsies op aanvraag, die doodstraf en gay huwelike. In hierdie opsig is die DA effek uniek in die liberale dampkring deurdat Liberaal-internasionaal, waarvan die DA ‘n lid is en ‘n ondervoorsitterskap hou, nie dié keusevryhede bied nie. Die dualisme is egter net iets wat houdbaar is solank ‘n party in opposisie is – wanneer die party aan bewind kom moet keuses gemaak word, en dan kan die helfte of meer van sy ondersteuners met ‘n beleid opgesaal sit waarteen hulle ernstige beginselbesware het. Dit bied egter ook terwyl dit in opposisie is, probleme. Enkele jare gelede het einste Dianne Kohler-Barnard wat met haar *&^% parlementêre vry sê in die sop was, in ‘n verklaring ‘n voorstel van die destydse polisiekommissaris dat prostitusie tydens die 2010-sokkertoernooi gewettig word, ondersteun. Op dieselfde dag het die DA, by monde van sy destydse Oos-Kaapse leier en nou parlementêre hoof, Athol Trollip, ‘n verklaring uitgereik waarin Selebi se voorstel op morele gronde sterk afgekeur word.

– Vandag berig Rapport op sy voorblad oor die DA-leier, Helen Zille, wat ‘n gebedsaamtrek van Angus Buchan bygewoon het (dr. Mulder was ook teenwoordig). Van die hoofelemente was “goddelose wette” en die feit dat God nie in die grondwet erken word nie. Rapport skep ‘n positiewe assosiasie van Zille met die saamtrek, ten spyte daarvan dat haar party sterk gekant is teen die opdra van die grondwet aan die Allerhoogste, en twee van haar LP’s, Lindiwe Mazibuko en Annelie Lotriet, die afgelope week verklarings uitgereik het waarin morele waardes sekondêr en selfs teenstrydig met hul (en die DA) se liberale waardes gestel word.

– Tydens die debakel rondom die Reitz-vier en die destydse kampusverkiesings by Kovsies waar die DA met volle oorgawe deelgeneem het, het die destydse parlementêre leier van die DA, Sandra Botha, ‘n mediaverklaring in die beste liberale tradisie uitgereik, wat, sou die Volksblad dit gedra het die DA oneindige skade sou berokken het. Die media het die DA egter teen die DA self beskerm. Ook ten opsigte van die Lotriet – Mazibuko – verklarings is die DA deur die media taamlik effektief teen die DA beskerm.

Word ‘n objektiewe, omvattende toets eendag gedoen oor hoeveel Suid-Afrikaners werklik hul kruisies in ooreenstemming met hul beginsels trek, sal dit waarskynlik ‘n skokkende uitslag oplewer. Uit die dae van die Smelters en Gesuiwerdes kom die storie uit die Noordweste van die toehoorders by ‘n Nat-vergadering wat met alle geweld ‘n SAP-vergadering in dieselfde dorp wou gaan opbreek. Die droë spreker is naderhand warm onder die vraag, en toe hy weer met ek “Ek sê, ons los hierdie vergadering en gaan d*&nder die Sappe!” uit die gehoor onderbreek word, wil hy woedend weet: “Wil jy nou regtig dink jy gaan ‘n SAP regged&^%nder kry?”

“Wat, ek was ‘n SAP en hoe het ek reggekom? Ek is regged&^nder!” Ek sê weer, ons los hierdie vergadering en gaan d*&nder die Sappe!”

Hiermee het die spreker sy oorlog verloor. Jare later het Johnny de Lange in die parlement vir ‘n woeste haakhou gekoes en toe teruggeslaan en dr. Manie Schoeman met ‘n voltreffer tot binne-in die ANC gemoker. Soms gebeur die “omskakeling” minder opsienbarend soos om bloot op te hou “om jul stem” te wees.

Dit skep die indruk dat die politiek nie die natuurlike woonplek vir beginsels is nie, terwyl die demokrasie, ironies, op die beginsel van beginselpolitiek gebou is.

Geraaspolitiek, is ewe problematies.

Hierdie teenstrydighede kom gereeld na vore in die skryfsels van Max du Preez en kommentators uit sy dampkring. Rapport, met sy groot voorliefde vir Max, bepleit vandag juis die manifestasie van opposisiepolitiek in geraaspolitiek. Waarskynlik weens die jeugdigheid van die mense nou aan die stuur word die pragmatiese problematiek hiervan misgekyk. Met die vorige verkiesing het Helen Zille se aanslag teen Jacob Zuma later nie saak gemaak of die feite korrek of dit in beginsel die regte benadering is nie, dit het ‘n swart – wit verdelingslyn sterk geaksentueer en uiteindelik gemaak dat swart kiesers hulle in feitlike eenparigheid agter die ANC gaan skaar het – waarskynlik tot die erge nadeel van Cope. Dié surigheid het ook nie sommer net na die verkiesing verdamp nie, en taamlike voetwerk agter die skerms was nodig om ‘n werksverhouding tussen Zuma en Zille weer op die been te kry.

Maar laat dit aan Max oor om die dualisme onbedoeld uit te lig. Hy soek in Saterdag se bylaag oudergewoonte die fout weg van die liberalisme, en kies, voorspelbaar die regses. Hiermee val hy by ‘n bestaande koor in wat nou kliphard mense probeer oortuig dat om ‘n misdaadslagoffer te wees, nie beteken ‘n mens moet deel van wat hulle ‘n “verregsing” noem, te wees nie.

Of selfs dat gatvolheid vir korrupsie en swak dienslewering nie rede tot verregsing is nie.

Dit is dislojaal teenoor Suid-Afrikanerskap, word opgegee. Die komende sokkertoernooi word ruim bygesleep en die “verregste” Afrikaners en ander Suid-Afrikaners word daarvan beskuldig dat hulle wil sien die toernooi moet misluk (en bymotiewe ingelees soos dat dit is omdat dit “deur swart mense gereël word.”

In hul ywer om hierdie bog, twak en onsin kwyt te raak, word die reg op meningsvryheid in effek net vir die liberaliste gereserveer, maar ‘n baie belangrike aspek – wat al deur verskeie onafhanklike kommentators soos ook tydens die Stellenbosse woordfees uitgelig is, word geïgnoreer: “Suid-Afrikaners wat hul monde oor die leemtes in die aanloop tot die sokker uitwys is nie dislojaal teenoor die land nie, dit is JUIS (hoofsaaklik) die lojale Suid-Afrikaners wat die leemtes raaksien en bekommerd raak dat ‘n onderstandaard-poging opgedis word wat skadelik vir die land sal wees.”

Wie, wat enigsins trots op sy land is, wil graag sien dat sy land skade ly deur die buitelandse besoekers wat beroof word? Of vermoor word?

Binne enkele dae is twee buitelanders in Suid-Afrikaanse plaasaanvalle in Limpopo vermoor, die een, die Belg, uiters barbaars. As Suid-Afrika diplomatieke notas van simpatie gestuur het – al was dit net ter wille van die protokol – is dit verswyg. Terwyl trotse Suid-Afrikaners nie weet waar om hul koppe hieroor in te steek van skaamte nie, is Max se beste reaksie om Suid-Afrikaners te kritiseer omdat aanvalle op kleinhoewes by plaasaanvalle tel. Vir ingeval Max, wat dalk op ‘n groterige Vrystaatse plaas by Kroonstad grootgeword het, dalk neersien op die maplotters, sal dit hom loon om te gaan oplees wat die wetlike indeling van kleinhoewes is – naamlik landbou-eenhede. Dis boonop die regering wat mens net mag kritiseer as jy liberaal is (anders is jy dislojaal teenoor die land) se beleid om landelike armoede te verlig deur die skepping van klein landbou-eenhede (Zuma het dit nog in staatsrede ook genoem).

In Europa en die VSA het die ongebreidelde liberalisme al ‘n dekade of meer gelede hul “hoogtepunte” beleef, en op wisselende maniere in die Christen-Demokrasie, en nou regse politiek begin nesskop. In Suid-Afrika het, selfs na bykans ‘n miljoen wettige aborsies later, nog nie dié sensasie so uniformig nesgeskop nie. Dit manifesteer wel in skynbaar losstaande verwikkelings, of laertrekkery soos Jan-Jan Joubert vandag weer na die verwikkelinge van die US-raadsverkiesing verwys.

Max delf nog dieper terug in sy kritiek op die “verregsde” Afrikaners, deur neerhalend te verwys na die persepsie van kakie en kappie.

Dit sal Max loon om bietjie te gaan delf in die hoofartikels van Nasionale Pers oor die Boeremag-lede wat nou teregstaan. Hierin is melding gemaak van ‘n nuwe generasie hoogs intelligente en goed-opgeleide mense. Ongeag hoe ‘n mens van hul oortuigings mag verskil, is karikatuurvorming rondom dom en onopgevoed net so onvanpas as om alle liberaliste onder dieselfde kam van naïwiteit te skeer as die negrofiliste wat byvoorbeeld nou van Koning Mosjesj 1 ‘n filantroop maak sonder om op sy rol in die aanstigting van die Basotho-oorloë te wys. Of die liberaliste wat Bram Fischer as filantroop voorhou sonder om die Stalin-vergrype uit dieselfde Komintern-tydsvlak te verreken.

Voor Max sulke karikature van “regse” Afrikaners maak moet hy miskien net eers kyk waar hulle hul bevind. Trouens, Jan-Jan het al gemaan dat die DA met ‘n probleem opgesaal kan sit oor die baie ondersteuners in die party wat eintlik ideologies meer tuis in die Vryheidsfront Plus sou tuishoort. Christen-demokratiese partye in Suid-Afrika het nie net die frustrasie dat Suid-Afrikaners, sou hulle in Europa gewees het vir CDP’s sou stem, hier nie net nie vir die CDP’s stem nie, maar hulle vierkantig in die DA en ander partye bevind.

Die redes hiervoor is kompleks, maar dit kan wees dat die DA (en ander partye) se pogings om alles vir almal te wees, tog ook ‘n impak het. Die “instink” om die DA as grootste voertuig teen die ANC te steun, speel stellig ook ‘n rol.

Die punt is, is iemand wat sielsalig onbewus daarvan is dat die (liberale) party aan wie hy sy steun en stem opdra, met sy eie oortuigings weinig in gemeen het, nou minder “ploerterig” as die persoon wat as “ploerterig” afgemaak word bloot omdat sy oortuigings hom so ver kry om sy stem by ‘n party te gaan trek wat uit die “verregsing” gebore is?

Het Max byvoorbeeld meer as net ‘n paar sekondes met ‘n oop gemoed beoordeel of Jakes Gerwel nie dalk in die verlede met sy naïewe prul oor die ANC mildelik tot die “verregsing” bygedra het nie?

гольфы девочки 8 лет Фильчаков

Vetkatte se dans

Die tekens begin deurskemer dat die ANC ongemaklik begin raak om na die geldmag wat hulle in beheer geplaas het, se pype te dans.

Een van die redes waarom Zuma vandag president is, is omrede hy Mbeki vurig teengestaan het oor sy stille diplomatiese handtering van die Zimbabwe kwessie. Zuma het Cosatu, wat die MDC se bondgenote is, se taal gepraat en het met hulle hulp van Mbeki ontslae geraak.

Nou ewe skielik is Zuma ‘n kampvegter vir Mugabe tydens sy staatsbesoek aan Brittanje, en vra hy dat sanksies opgehef moet word. Nou wat het intussen verander? Einde Augustus verlede jaar was Zuma vir ‘n amptelike besoek aan Zimbabwe, en ek is seker ou Bob het vir hom mooi vertel hoe die dinge eintlik agter die skerms werk.

Na Zuma se besoek aan Zimbabwe word daar skielik gepraat van die nasionaliseering van die myne en banke, en selfs van die reserwebank. Daar word alternatiewe finansiering gesoek vir ontwikkeling deur pensioenfondse te roof en ‘n groot mediaoorlog word teen Zuma en Malema geloods vanuit die geldmag-beheerde pers. Ook het die Britte Zuma-hulle ingeroep vir ‘n ‘Staatsbesoek’.

Dit is nie verniet dat hierdie jaar se begrotingsrede en Zuma se toespraak in die Britse parlement melding daarvan maak dat die regering nie van plan is om die myne te nasionaliseer nie. Ons weet almal egter wat Dingaan se woord beteken…

Ons moet onthou dat die geldmag se hoofbesigheid die finansiering van regerings is. Veral oorloë, staatsgrepe en revolusies word gefinansier sodat die geldmag hulle houvas op die monetêre en politieke stelsels van lande kan kry. Daarna word die land gestroop van sy minerale rykdomme terwyl die paar krummels wat van die geldmag se tafel val gebruik word om die vetkat marionette wat die hulle in beheer hou te voer.

Ons weet van die katastrofe wat gevolg het in Zimbabwe toe Mugabe die geldmag uitgeskop het. Die hele ekonomie het in ‘n kwessie van maande in duie gestort. Dit sal dalk wys wees vir die Afrikaners om ook buitelandse geldeenhede of goud te besit. Indien die ANC voortgaan op die pad van Zimbabwe sal die Rand heel moontlik heelwat minder werd word. Op die langer termyn sal dit egter beteken dat ons makliker ons vryheid kan verkry, omrede ons ‘n duisend maal beter kans het om dit te verkry indien die geldmag nie agter ons vyand staan nie. Die geldmag het die Afrikaner al twee maal ore aangesit in die verlede. Gaan ons toelaat dat hulle ons totaal vernietig?

‘n Individu, klein organisasie en selfs ‘n politieke party kan weinig uitrig teen ‘n monster van ‘n geldmag. Dit is alleenlik wanneer daar ‘n oorkoepelende owerheid is wat alle Afrikaners outomaties saamsnoer, maak nie saak van jou siening of jou hardegat-houding nie, dat ons ‘n kans staan teen hulle.

Die sinkplaat gaan nog warm word vir die vet katte van die ANC…. want hulle speel met vuur. Die Afrikaner moet net sorg dat hy nie aan die slaap gevang word wanneer hulle sink nie, maar reg is om die geleentheid aan te gryp wanneer dit kom.

free casino no deposit bonus Фильчаков Харьков

‘n Plekkie in die son

In Desember 2009 kuier ons dogter Betsie by ons uit Kaapstad. Dis Saterdagmiddag en ons ander dogter wat in Moreletapark woon, kom kuier ook, saam met haar dogtertjie, Lynette, ons enigste kleinkind Toe Lynette se Mamma iets met Ouma wil bespreek, neem Oupa en tannie Betsie vir klein Lynette (2 jaar oud) op die stoot-fietsie om in die park op die hoek te gaan speel.

Toe ons by die park se hek aankom, gaan Oupa in sy spore staan: Die hele park is vol swart kindertjies. Oupa voel verswelg en toe hy wou omdraai, spring klein Lynette van die fietsie af en roep uit:

“Jippie! Maatjies!!!” Sy hardloop die kindertjies tegemoed. Hulle voel haar vriendelikheid aan en kom gee haar ‘n handjie. Speel saam met haar liefdevol en mededeelsaam op die afglyer en die swaaie en op die hobbelperdjie. Oupa en tannie Betsie geniet ‘n volle uur van onbevange kinderspel sonder enige rasse-vooroordeel en besef dat klein Lynette vir ons ‘n waardevolle les geleer het!

Volgende keer sal ons nie weer “verswelg” voel en daaraan dink om by die hek om te draai nie. Die skille van rasse-vooroordeel het van ons oë afgeval! Dankie liewe Lynette! Jy het ons laat besef dat ook jy nog ‘n mooi toekoms in hierdie land het! Liefde is sterker as haat! As ons almal met mekaar praat, kom begrip en wedersydse aanvaarding, en dan is daar vir ons almal ‘n plekkie in die Son hier in ons wonderlike Suid-Afrika!

Veels geluk met PRAAG se eerste 10 jaar!

online casinos

Zuma is ‘n geskenk aan Afrikaners

‘Enigeen wat in Londen ‘n “vuige hanswors” genoem word, kan nie heeltemal sleg wees nie,’ skryf L.I. Bertijn.

Bertijn het hom dié week verkneukel in Jacob Zuma se besoek aan Groot Brittanje. Die ou bleek nasie op hul nat eiland het behoorlik die pers tapyt vir Zuma uitgerol. Dat die ou heks van ‘n Engelse koningin deel van die pers tapyt vir ‘n rok aangehad het, tesame met ‘n koddige hoed van dieselfde kleur, was maar een van die baie redes vir binnepret.

Daar ry die poligame Zoeloe-beeswagter van Nkandla toe saam met die Britse koninklikes in die koets, tesame met sy mollige gade nommer drie, Thobeka Stacey Madiba. Bertijn hoop maar Zuma het ‘n paar duur geskenke vir sy ander twee amptelike vrouens by Harrods of Harvey Nicks gekoop, want dit lyk darem erg na voortrek om net een van sy eerste dames op staatsbesoek te neem.

Heel moontlik het die Britse koninklikes, wie se fornikasies en buite-egtelike manewales veel verrig om die fameuse poniekoerante van Fleetstraat aan die gang te hou, slegs een van Zuma se vrouens uitgenooi, wat nogal ‘n klap in die gesig vir Suid-Afrika sou wees. Nie dat Zuma se toegewings aan Britse etiket hoegenaamd deur die plaaslike meningsvormers en hoernaliste gewaardeer is nie, want sowat van ‘n verguising van die Suid-Afrikaanse president het ons laas in die dae van PW Botha ervaar. Of nie eens nie.

‘n Mens sou sweer Zuma het al wandelende op die veelkleurige tapyte en wiegende in die koetse in ‘n Afrikaner of Boer ontpop, want al wat Britse hoernalis is, het die stuipe van verontwaardiging gekry. In Johannesburg is daar mos ‘n linkse poniekoerantjie genaamd die Mail en Guardian. Hulle kan maar net sowel die “Mail” van hul mashoof skrap, want meer as die helfte van die artikels daarin is afkomstig uit – u het reg geraai – die Londense Guardian. ‘n Erg liberale, sosialistiese en anti-Afrikaanse koerant.

Wat die Guardian vandag skryf, sal die Mail & Guardian môre publiseer en sal Rapport en Beeld aanstaande week vertaal. Sedert die dae – wat tot in die 1930s geduur het – toe Suid-Afrika nie deur Brittanje toegelaat is om eie ambassades of buitelandse betrekkinge te hê nie, was die bewondering vir alles wat Engels is in dié land seker nie so groot nie. Dit was nou tot en met Vader (van vele) Jacob se verskeidenheid inspeksies van Britte met harige pette en koninklikes met harige harsings.

So lees Bertijn nogal in so ‘n oorgeneemde vis-en-tjips-artikel in die Johannesburgse Guardian dat daar nou selfs sprake van “rassisme” is wat deur Suid-Afrikaanse swartes van die Britse media ervaar word. Volgens die ANC-jeugliga – dis nou Malema en sy maters – “het die Britse media die gewoonte ontwikkel om ons president te verguis en hom konstant as barbaars of van mindere afkoms voor te stel. Dit is heel duidelik dat die Britse media deur die ergste vorm van barbarisme, agterlikheid en rassisme gekenmerk word.”

Bertijn het amper van sy sitkamersofa af geval soos hy gelag het. Dis nou dieselfde Britse media wat enkele jare gelede nog ‘n propagandaoorlog-in-die-kleine gevoer het omdat die Springbokrugbyspeler en “bebaarde Boer” Geo Cronjé na bewering nie sy hotelkamer met ‘n gekleurde wou deel nie. Toe is die R-woord ook lustig rondgeslinger.

Dink net daaraan: die afgelope veertig of vyftig jaar het die Britse propagandamasjien bestee om die ANC, Mandela, Slovo, Kasrils, Tambo en hul medeterroriste tot helde op te bou en die Afrikaners as rassiste, Nazi’s en massamoordenaars uit te kryt. En nou draai die spul Britte teen hul eie maaksel!

James Bond, Ian Fleming se ideaal van nonchalante Britse manlikheid wat self ‘n erge rokjagter was, werk seker nie meer vir Haar Majesteit se geheime diens nie, want Whitehall het die kluts kwytgeraak. Miskien het hulle lesse by die Broederbond of FW de Klerk geneem, want om jou vriende te verraai en jou vyande terwille te wees, is lyk my die nuwe slagspreuk in Londen.

So gepraat van die Britse geheime diens en James Bond. Lesers het seker al agtergekom dat Bertijn weinig ontsag vir hoernaliste koester, veral die Suid-Afrikaanses. Behalwe Stefaans Brummer van genoemde Mail & Guardian wat dan en wan ‘n skandaal uitkrap, is die res van dié skadelike spesie in ons veel geteisterde landjie dom, lui en lelik. En die vrouens dra nie eens pers hoedens soos die ou dierasie van Buckhouse nie. Daarom staan Bertijn maar hoogs skepties oor die haarfyn besonderhede oor Zuma se vrouens, minnaresse en kinders wat telkens met fanfare in die pers aangekondig word. Die gemiddelde hoernalis kan nie eens tot twintig tel nie; hoe op aarde sou hy sonder hulp en bystand al die sappige besonderhede oor Zuma se wywe en bywywe, spruite egtelik en buite-egtelik, kon opdiep?

Kan u sien waarop ek sinspeel, liewe leser? As die Britse geheime diens, genaamd MI6 of dalk die CIA – hoewel die Amerikaners deesdae te veel hooi op hul vurk het vir sulke speletjies – nie ons hopelose hoernaliste met allerlei skandalige detail gevoer het nie, sou ons nooit in die pers van Zuma se liefdeslewe gelees het nie.

Dink nou bietjie terug aan Thabo Mbeki. Was daar ooit ‘n fluistering oor dié man se privaatlewe? Bertijn is geen bewonderaar van Mad Max du Preez nie, maar dié verloopte Afrikaner was so te sê die enigste wat daarop gesinspeel het dat Mbeki ‘n “rokjagter” was. Verder het die media, Brits en Suid-Afrikaans, in alle tale geswyg. Die Naspeskoerante het onder die Mbeki-bewind mos ‘n hele kruisvaart teen rassisme geveg en Afrikaners daaraan herinner dat ons ons tweede Xhosa-president moes respekteer. Ook in Ingeland is hy opgehemel en aangeprys.

Bertijn is geen James Bond nie, maar hy het ook vriende in invloedryke posisies. Of dan sommer gewone mense wat toevallig nuus aandra. Een ding is seker: daadie teertou Thabo het, anders as Zuma, nooit lobola vir ‘n vrou betaal nie. Moontlik het ‘n paar note laatnag in Mahlamba Ndlopfu – dis mos nou die nuwe naam vir die ampswoning Libertas neffens die Uniegebou – van hande verwissel as Mbeki vir hom ‘n wit prostituut of twee laat kom het, maar ‘n mens kan dit beswaarlik “lobola” noem.

Terwyl Zuma heeltemal eerlik en openlik oor sy reeks huwelike is wat hy volgens sy tradisie aangaan, was Mbeki se huwelik met Zanele blote skyn, is Bertijn al herhaalde male verseker. Dan is daar nog die man se drankprobleem en allerlei gerugte oor sy MIV-status. ‘n Verpleegsuster by Die Wilgers-hospitaal in Pretoria beweer dat Mbeki een maal per maand in die geheim vir ‘n bloedoortapping opgedaag het, waarskynlik ‘n manier om sy virustelling onder beheer te hou.

Mbeki was en is seker nog steeds ‘n volslae alkoholis. Jare gelede het oorle Chris Louw aan Bertijn vertel van ‘n insident wat taamlik tipies van Mbeki was. In 1989 was daar mos ‘n byeenkoms van Broederbonders, bruikbare Afrikaneridiote en sekerlik spioene te Marly, wes van Parys in Frankryk, met komplimente van George Soros, die Amerikaanse miljardêr se Open Society Foundation. Die NP se oorgawe aan die ANC is daar in breë trekke beplan. Mbeki is toe gevra om die Franse parlement, die Assemblée Nationale, die volgende oggend om tienuur toe te spreek. Maar volgens Chris Louw het Mbeki die vorige aand oudergewoonte erg gesuip en boonop in dieselfde kamer en bed as ‘n kleurlingjoernalis – sy sou later taamlik opgang by die SAUK maak – opgeëindig.

Nou ja, die volgende oggend staan al 577 Franse parlementslede as’t ware op aandag vir die toekomstige president van “die wêreld se jongste swart republiek” soos Mbeki ons land op besoek aan Haïti genoem het. Hulle wag en hulle wag…. maar geen teken van die seun van Govan Mbeki nie. Dié is steeds in die dame se hotelkamer besig om sy roes af te slaap. Ten einde laas het Pallo Jordan maar ‘n baie onvoorbereide toespraak aan die Franse parlement gegee.

By ‘n ander geleentheid was Thabo op staatsbesoek aan ‘n Afrikaland. Die visepresident het hom by die lughawe in die hoofstad gaan verwelkom. Mbeki se peperduur privaatstraler wat u en ek betaal het – per dag was die onderhoud seker veel meer as as dié van twintig Zoeloedames mét kredietkaarte – het so half eenkant geland, die rooi tapyt is uitgerol, die orkes was reg om die eerste noot te speel, maar… niks gebeur nie. Ná so ‘n rukkie vou die vliegtuig se deur toe oop en ‘n beskonke vroulike minister, moontlik Manto, maar dit kon ook Miesies Zuma gewees het, klim uit. Nee, seg sy, ons sal maar die besoek moet afstel, onse president is, nou ja, effe “ongesteld”. Dit was nie ‘n baie lang vlug nie, dus moes Thabo meer as ‘n regmaker op die vliegtuig gehad het. Gerugte dat hy dikwels voor amptelike funksies gelawe moes word en byna permanent dronk was, word deur hierdie voorval gestaaf. Volgens Bertijn se informant het hy dié verhaal eerstehands van die betrokke Afrikastaatshoof verneem.

Bertijn se meer invloedryke of gekonnekteerde vriende wat soms met die Zoeloe vergader, vertel verder dat Zuma nie Skotse whiskey drink nie, maar rooibostee. Dit tel reeds in die man se guns dat hy eerder ‘n plaaslike drankie geniet wat boonop gesond is. Waarskynlik sal Zuma nooit soos Antie Manto ‘n leweroorplanting benodig nie.

Voordat Afrikaners hul kinders na Engelse skole begin stuur het en dwelmafhanklik van die Kaapse Naspes geraak het – Kaapstad is eintlik maar ‘n Britse stad, al is daar soveel kleurlinge – het hulle nooit beswaar gemaak teen die aantal vroue van swart hoofmanne nie. Sou Paul Kruger ooit ‘n kaptein met wie hy vrede gesluit het oor sy aantal vroue en bywywe uitgevra het? Bertijn het op ‘n stadium ‘n interessante gesprek met die ontslape Oom PW (Botha) gehad. Waar trek Oom PW toe los met allerlei staaltjies oor hoe hy geen moeite ontsien het om die tuislandleiers, onder andere Oupa Gqozo, van logistieke steun en geld te voorsien om allerlei Afrika-rituele en seremonies uit te voer nie. Op ‘n stadium is Oupa Gqozo van die Ciskei op staatsonkoste met sy hele gevolg op ‘n fregat van die vloot en met ‘n militêre helikopter heen en weer tussen Kaapstad en die Oos-Kaap vervoer. Iets te make met ‘n opgrawe van beendere en ‘n herbegrafnis, alles in belang van die voorvaders.

Wat ons mense van die skynheilige Engelse onderskei, is dat ons respek het vir die swart kultuur. Dis nie te sê dat ons ooit daardie kultuur ons eie wil maak nie. Maar ek twyfel of enige van ons vorige leiers, van Andries Pretorius af regdeur tot by PW Botha, ooit beswaar teen ‘n swart leier se aantal eggenotes sou gemaak het Ons mense het ook grootliks die handboeke vir inheemse reg – waarin lobola ‘n vername rol speel – geskryf.

Nou lees ons vandeesweek uit die pen van Stephen Robinson in die Londense Daily Mail: “Zuma is ‘n seks-geobsedeerde rassis met vier vroue en 35 kinders. Waarom pamperlang Brittanje dié vuige hanswors?”

Brittanje se helde was die listige Mandela vir wie hulle ‘n standbeeld langs hul parlementsgebou opgerig het, asook die fornikerende dronkaard Mbeki. Zuma is, nou ja, seker te eerlik en pretensieloos vir die Britte. En eerlikheid word in die land van Lord Milner waarskynlik as ‘n groteske swakheid gesien.

As ek ‘n konserwatiewe Zoeloe met beginsels soos Zuma was, sou ek beledig gevoel het dat ek langs hertogin Camilla van Cornwall by die staatsbanket moes sit. Want was sy nie betrokke by ‘n buite-egtelike verhouding met prins Charles terwyl dié nog met Diana getroud was en sy met Andrew Parker Bowles nie? Die poëtiese prins het op ‘n stadium die wens uitgespreek dat “hy graag haar tampon sou wou wees”. Ek weet nie wat ‘n tampon in Zoeloe is nie, maar ek is seker Zuma beskik oor veel beter romantiese sêgoed as dít.

Pieter Mulder van die Vryheidsfront was reg om ‘n posisie, hoe gering ook al, in Zuma se kabinet te aanvaar. Enigeen wat in Londen ‘n “vuige hanswors” genoem word, kan nie heeltemal sleg wees nie.

Waarskynlik waardeer Afrikaners nie vir Zuma genoeg nie. As ons nie self so sleg geword het nie, sou ons al die wonderlike politieke en ekonomiese geleenthede wat sy presidentskap aan ons bied met albei hande aangegryp het. Anders as Amerika en Brittanje, wat toenemend in die wêreld geïsoleer raak, is Suid-Afrika onder Zuma vriende met die hele aardbol, met die Russe, die Chinese, die Brasiliane, die Indiërs, die Duitsers, die Franse, die Moslems, Iran, die res van Afrika en die hele Suid-Amerika. Ons kla oor misdaad, maar doen geen moeite om onsself meer paraat te kry en beter te organiseer nie. Ons laat toe dat ons mense in blanke plakkerskampe krepeer, pleks dat ons onsself van die Brits-oorheersde finansiële stelsel in Johannesburg bevry, ons eie kapitaal weer monster, nuwe bedrywe skep en sodoende werksgeleenthede vir alle Afrikaners verseker.

Wie se idee was regstellende aksie in dié land? Sekerlik het dit nie uit Zoeloeland of selfs die Transkei gekom nie, maar uit Brittanje en die VSA. Al ons anti-blanke, rassistiese wetgewing is geskoei op Amerikaanse wetgewing wat in die meer liberale deelstate deur blanke liberale ingestel is. Van die propagandiste agter die skerms wat so vurig grondhervorming in ons land bepleit, is insgelyks Britse akademici en hoernaliste. Die ANC-minister van grondsake voer maar net hul idees en geformuleerde beleid uit.

Hoe meer die Britse media in Londen en Johannesburg – en dit sluit die Naspes-organe in – Zuma afkraak, hoe groter die kanse dat Afrikaners dalk ‘n paar kastaiings uit die vuur kan krap, daar waar die Britse marionet, FW de Klerk, so liederlik verbrou het.

online slots free money no deposit

Slenkdalkoors eis een

Een persoon is dood aan slenkdalkoors (Rift Valley Fever) en vyf gevalle is reeds aangemeld, het die gesondheidsdepartement aangekondig.

Fidel Hadebe, woordvoerder vir die departement, het gesê een geval in die Vrystaat en een in die Noordkaap is sover bevestig.

Die slenkdalkoorssterfte was in die Vrystaat.

“Dit was aanvanklik net ‘n kwessie vir diere, maar het nou oorgeslaan na mense.

“Ons stel voor dat enigiemand in die geaffekteerde gebiede moet kontak met diere soveel as moontlik vermy,” het Hadebe gesê.

Mense kan die siekte opdoen as hulle deur ‘n besmette muskiet gebyt word, of in kontak kom met ‘n dier wat die siekte het.

Die simptome van die koors stem ooreen met dié van griep-simptome.

океанские яхты Лобановский

Nog ‘n buitelander sterf in plaasmoord

Die Christen-Demokratiese Alliansie (CDA het met afgryse gereageer op die moord van nog ‘n buitelander tydens ‘n plaasaanval in Suid-Afrika.

“Nie alleen is daar ‘n halsstarrige swye aan die kant van die regering oor plaasmoorde in die besonder en moorde in die algemeen nie, daar is ook geen teken dat Suid-Afrika protokol volg om deur diplomatieke notas simpatie met die regerings en mense van die lande van herkoms van die slagoffers te simpatiseer nie. Is die skyn van utopie met die oog op die komende sokkertoernooi werklik vir die regering belangriker as sy eie mense en besoekers se veiligheid?” vra ds. Theunis Botha. Leier van die Christen-Demokratiese Party (CDP) en die waarnemende voorsitter van die CDA.

Hy het gereageer op die nuus dat ‘n die lyk van ‘n Kanadese burger, die 70-jarige mnr. Ron Smith, vasgebind en met ‘n skietwond aan sy knie op sy kleinhoewe by BelaBela aangetref is.

“Dit is die derde plaasmoord in vier dae in Limpopo,” sê Botha. “Deurdat die regering nie sy diplomatieke protokol uitvoer nie, of andersins swyg dat die prosesse wel gevolg word, word die indruk geskep dat die regering harteloos teenoor die moorde staan, soos ook teenoor die slagting waaraan sy eie burgers blootgestel word.”

deposit mobile

Ai tog, munisipale dienste!

Só lyk dienste in Suid-Afrika in 2010 – Die Jaar van die Groot Sokker.

Ek is ‘n inwoner van Ritchie. ‘n Stil, rustige plekkie met vriendelike mense.

Maar ai tog! Die dienste!

In die straat waar ek woon, is daar vier lekplekke in die hoofwaterpyp. Twee plekke bevat groot lekke, en somtyds stroom die water in ‘n klein riviertjie af na die rivier se kant toe. Dae lank, soms weke aaneen. En dan, eendag, ry jy verby die riviertjie en sien ‘n klompie mans by ‘n ou, verwaarloosde bakkie besig om met pik en graaf en draad die lekplek te probeer regmaak. Dit is eintlik pynlik om daarna te kyk, want jy weet op dié manier gaan die lek nie ophou lek nie. ‘n Paar dae later merk jy dat jou voorspelling reg was. Die water stroom weer. En so maak die vier lekke beurte om te lek en die mans in die verwaarloosde bakkie stry ‘n verlore stryd.

Jy in jou eie onkunde – maar met toepassing van logika – besef dat daar eintlik net twee maniere is om die probleem op te los. Dit is duidelik dat die pyp vrot is en vervang moet word. Heeltemal. Grou oop en sit ‘n nuwe pyp in. As dit dan te duur is, moet die hele vrot gedeelte van die pyp uitgesny word en vervang word met ‘n nuwe gedeelte. Dit verg ‘n groumasjien en behoorlike gereedskap. Nie ‘n klompie mans wat met pik en graaf en draad sukkel nie.

En dan gebeur dit. Jy sit sonder water. Hulle kom sukkel weer met die pyp en jy het darem weer water, maar die stroompie is maar skraal en bly skraal.

Donderdae is dit die Groot Gebeurtenis. Jou beurt om jou sakkie vullis in die lorrie te sien verdwyn. ‘n Lorrie wat jy waar kry? Want hy staan stukkend. Vandag het vier Donderdae verby gegaan sonder dat my sakkie in die lorrie se ingewande verdwyn het. Want die lorrie hy “ês stêkkênd”. Intussen baljaar die buurt se honde in my vullis, en as ek nie maar weer my sakkie vullis op ‘n veilige plek bêre nie, lyk dit kort voor lank voor my erf soos dit lyk by die amptelike vullisgate van Kimberley. En dit is nie ‘n mooi gesig nie.

En dan die krag. Om een of ander rede suig die straat waar ek bly aan ‘n droërige speen van elektriese toevoer. Elke kort-kort ondervind ‘n groot gedeelte van die huise ‘n “voltverlaging”. Dit beteken daar is ‘n kraggie, maar dis maar effentjies. Die ligte het ‘n kerslig-effek, en moenie eers probeer om aan ‘n skakelaar te raak wat verbind is aan ‘n neonlig nie. Jy mors jou tyd. Jy rapporteer dit aan Eskom, en so twee dae later kan jy darem weer koffie drink.

Wat ‘n gesukkel. En dan kry jy gereeld soos klokslag jou rekening. Die bewering is jy het R4000.00 se water gebruik vir die maand. Onmoontlik. Jy gaan besoek die kantore, kom af op ‘n klompie vrouens wat by ‘n lessenaar sit, lê en hang en jou aankyk of jy iets is wat die hond ingedra het omdat jy durf steur aan die sosiale byeenkoms. As jy uiteindelik een van hulle se onwillige aandag getrek het, word jy meegedeel die persoon wat die valse bewerings gemaak het “is nie nou hier nie – kom later”. Dan word jy met rente gestraf omdat jy weier om R4000.00 te betaal vir ‘n armsalige stroompie water waarmee jy nie eers jou tuin kan natlei nie.

Vra ek julle met trane in my oë: Moet ‘n mens maar sug en net sê: “Afrika”? Of is daar êrens ‘n oplossing?

slots bonus

Carin Visser antwoord minister Shiceka

Die munisipale aktivis van Sannieshof, wat landwye bekendheid verwerf het toe sy noodgedwonge begin het om self munisipale dienste in dié dorp te verskaf, het gereageer op minister Sicelo Shiceka se uitlatings dat daar “oorlog” teen blankes gaan kom as hulle nie erfbelasting aan ANC-munisipaliteite betaal nie. In ‘n ope brief aan die media skryf sy:

Ek kan net in antwoord hierop sê dat ek bitter terleursgesteld is in Shiceka wat in die posisie waarin hy aangestel is, sulke onverantwoordelike dinge kan sê en daarmee eintlik aggressie en rassisme stimuleer. Hy het ‘n uiters onverantwoordelike verklaring gemaak en, glo my, hierdie verklaring gaan in die townships nog meer oproer veroorsaak want daardie mense se klagtes word nou al vir meer as 5 jaar totaal geïgnoreer. En as Minister Shiceka dink hy kan elke keer die SAPD instuur met rubberkoeëls en traanrook om die situasie te ontlont, is hy so verkeerd. Hierdie metode om mense wat gefrustreerd is en ly as gevolg van regeringspraktyke word deur hierdie aksie net meer tot aggressie en verwoesting gestimuleer.

Sover dit myself aangaan – Shiceka het nog nooit op enige van my skrywes gereageer of ontvangserkenning gegee nie. Hy het kort ná sy aanstelling in 2008 ‘n status quo-verslag van my gevra deur Stef Coetzee van die AHI – nooit daarna iets terug laat weet nie.

Hy het ‘n afspraak met my gemaak vir ‘n span van die DPLG wat afgevaardigdes van verskeie NBU-takke in Noordwes sou kom sien op 17 Maart 2009. ‘n Uur en ‘n half voor die vergadering moes begin het, hulle laat weet hulle kom nie meer nie – ons het ‘n lokaal gehuur, verversings voorberei en mense het hulle werk gelos om van oral te kom. Die rede was dat daar opstande in Ventersdorp was – dit was onwaar. Alles was rustig op Ventersdorp. My kontak in die provinsiale wetgewer het my ingelig dat hulle ‘n groot verkiesingspartytjie vir Zuma in Mmabatho gehou het daardie dag en die groep besluit het om die partytjie by te woon. In sy verklaring stel mnr Shiceka dat hy die NBU in April ontmoet vir ‘n vergadering – op hierdie stadium bestaan daar nie so ‘n afspraak wat hy met die NBU gemaak het nie.

In Oktober 2009 het hy my een aand om 9:30 geskakel en gevra of hy my kan sien om te “talk”. Ek het gesê dit is reg, maar hy moet my asb gedurende kantoorure skakel sodat ons ‘n afspraak kan maak. Ek het nooit weer iets van hom of sy kantoor gehoor nie. Nog minder op al die briewe wat ek aan hom gerig het daarna.

Dus… sy verklaring dat ons met die regering moet praat as ons ontevrede is, beteken niks, omdat Shiceka self ‘n ongeloofwaardige en onbetroubare onderhandelaar is – en wat oorlogsdreigemente uitslinger aan die burgers van SA. Sulke gedrag getuig van uiters swak leierskap.

Die feit dat hy sg “wit mense” blameer vir die toestand van munisipaliteite is lagwekkend absurd, want toe die munisipaliteite die gelde alles twee jaar gelede nog ontvang het, het hulle niks gedoen nie. Toe al het hulle ouditeursgeneraalverslae aangetoon dat munisipaliteite wanbestuur word en dat korrupsie en bedrog hoogty vier. Niemand het iets daaraan gedoen nie. Inteendeel, die inwoners van verskeie dorpe se afkeurings van hul munisipale begrotings wat na die regering deurgestuur is, is totaal geïgnoreer.

Sy bewering dat oorlog teen wanbetalers gemaak gaan word, werp in die eerste instansie ‘n refleksie op die duisende in townships wat weier om vir enige dienste te betaal, omdat tydens stemmewerwing vir verkiesings swartmense belowe is dat hulle nooit weer vir iets hoef te betaal nie, die witmense sal daarvoor betaal. Hiervan het ek ‘n beëdigde verklaring.

Om die witmense nou te beskuldig van wanbetalings, nadat hulle die enigstes was wat bereid was om te betaal om in ‘n ontwikkelde gemeenskap te woon, is onregverdig … omdat hierdie witmense vir baie jare die regering bewus gemaak het van die totale afwesigheid van dienslewering en die regering nie bereid was om met die inwoners en burgers van SA hieroor te kommunikeer nie. Nie een van die sg “wit” inwoners het destruktief begin geboue afbrand en afbreek om hulle ontevredenheid te wys nie. Hierdie inwoners het eers deur hulle samewerking en hulp aan hulle munisipaliteite probeer om ‘n verskil in hulle dorpe te maak. As gemeenskapsgebasseerde organisasies is ons hulp geïgnoreer. Ná vele waarksuwings aan die munisipalteite, het die inwoners wettige dispute verklaar en begin om pro-aktief op te tree om die werk van hul afwesige munisipalteite namens die munisipaliteite te doen. Daar is nooit enige skade aan ‘n dorp aangerig nie en die aksie het al die mense van die gemeenskap bevoordeel, ongeag ras, kleur of geslag.

Minister Shiceka moet een ding baie goed hoor – hy en sy regering met al hulle departemente het hul plig teenoor al SA se burgers versuim. Trouens, die regering is direk verantwoordelik vir die totale ineenstorting van alle aspekte van “goeie regering”, asook die ernstige skending van grondwetlike menseregte en ons natuurlike hulpbronne. Hierdie ANC-regering is verantwoordelik vir die sterftes van duisende mense agv van onverantwoordelike optrede en versuim van hul verantwoordelikheid ten opsigte van ons veiligheid en sekuriteit, met daarby die chaos in die departement van gesondheid wat die vigs- en teringpandemies veroorsaak. Ons ervaar tans die ernstigste besoedeling ooit van ons land se water wat alle aspekte van die samelewing raak en onskuldige mense gaan laat doodgaan.

Ek maak dus ten sterkste beswaar teen minister Shiceka se persverklaring en het beslis meer van ‘n persoon in so ‘n hoedanigheid verwag.

игрушки my little pony topcargo развод

Peetpa Buys lem die Vryheidsfront

Vandeesweek het dit vir jou behoorlik gegons rondom Willie Spies se skielike bedanking by die VF Minus. Tot die orakels van Mediapark het twee dae laat die lamppale in J.G. Strijdomlaan (dit heet nou een of ander onuitspreekbare naam) in Johannesburg met plakkate versier wat lui:

VF PLUS SE

WILLIE VAL

OP SY EIE SPIES

Met die e-posse wat vlieg en die riemtelegramme wat gons, lyk dit toe al minder na ‘n politieke selfmoord. Eerder ‘n geval van ‘n bevel van Bo. En hier raak ek nou nie godslasterlik nie, maar volgens binne-inligting het Willie Assegaai op aandrang van Kallie Kriel van Afriforum bedank. Soos ene Vorster hier op die PRAAG-werf geskryf het: “In elk geval, ek dink Willie sal verseker in die geskiedenis kan afgaan as die eerste en waarskynlik laaste en enigste leier wat uit ‘n politieke party bedank het oor dit in die openbaar genoem is dat hy verbonde aan die party is!”

Selfs dr. Pieter Mulder, leier van die VF Positief, het – immer positief – per mediaverklaring laat weet dat daar nie sprake is van mededinging tussen die VF en Afriforum/Solidariteit nie. Luidens Mulder: “Enigeen wat spanning tussen Afrikanerorganisasies skep, is onverantwoordelik en verloor die groter saak uit die oog.”

Mmmm, op hierdie sondige onderaardse van ons is daar maar bitter min harmonie, veral tussen Afrikanerorganisasies. Daar bestaan mos ‘n ou spreuk in die Afrikanerpolitiek: “Die vyand is nie dóér voor jou nie, maar hier langs jou.”

Terwyl daar nou so oor Willie se spies geskinder word, kom die rol van Peetpa Flip (“the Godfather”) Buys toe ook ter sprake. Iemand sweer hoog en laag dat die bevel om Willie uit die Vryheidsfront te verwyder van Heel Bo in Solidariteit moes gekom het. In Willie Assegaai se bedankingsboodskap wat wyd gesirkuleer is, praat hy dan hoeka van ‘n “koue oorlog” tussen die uitvoerende dagbestuur van die VF+ en Solidariteit/Afriforum : “Terwyl hierdie koue oorlog onder die oppervlak gevoer word, skroom die party nie om na buite deurlopend en ten onregte by AfriForum en Solidariteit aan te klamp nie.”

Vir diegene wat nie met die term “aanklamp” bekend is nie, dit beteken iets soos “om met iemand anders se kallers te ploeg”. Dit klink nogal baie asof dit van Peetpa Flip af kan kom, want vir iemand wat self agter die deur staan, is hy besonder sensitief vir iemand wat dalk kan lyk asof hy met ‘n Buys-vers mog ploeg. En al sy teksversies kom glo uit sulke Amerikaanse boeke oor bestuur… van die soort met titels soos: “Wie het my kaas geskuif?” en dergelike.

Gerugte dat Solidariteit/Afriforum ‘n politieke party wil begin en dus die Vryheidsfront Plus as ‘n lastige oorblyfsel uit die Afrikanerverlede sien, word ook gereeld ontken. Nog ‘n skinderstorie is dat Peetpa Buys op ‘n keer gesê het: “Man, ek het veel groter ambisies as om ‘n politieke party te begin.” Nou wonder Bertijn, wat kan sulke “groter ambisies” wees: Voorsitter van Anglo American? President van die Afrika-unie? Die man in sy gebruiklike mosterd-en-bruin monderings prikkel jou nuuskierigheid genadeloos!

Enigiemand wat dink dat Bertijn vir Buys onbillik as “Peetpa” bestempel, het nie die taamlik uitgebreide (outo?)biografiese ode aan hom tydens vandeesweek se “scenario”-konferensie op Garsfontein onder oë gehad nie. Moedswilliges sal seker sê: Eers is die Afrikaner bestook met “wigte en teenwigte” in Kemptonpark en nou word ons bewierook met scenario’s in Garsfontein. Bertijn het nogal ‘n voëltjie hoor fluit dat Dirk Hermann van Solidariteit/Afriforum en FW de Klerk (voorheen van die Broederbond en Nasionale Party) deesdae erg hand om die blaas is. Dirk vlieg glo gereeld af Llandudno toe om FW se partytjies by te woon.

Bertijn kyk nie so baie TV nie, maar die SAUK, daardie nare ANC-beheerde orgaan, is amper so dolverlief op die Solidariteitstyl as Naspers. As dit nie mosterd-en-bruin Buys is nie, is dit Dirkie die Kondensmelkseun met sy groen das en swart leerbaadjie. Bertijn dag Solidariteit/Afriforum se kleure is groen en oranje?

Hoe dit ook al sy, soos Buys deur homself of deur een of ander mbongi van Solidariteit beskryf word:

“Flip is tans Uitvoerende Hoof van Solidariteit.

Flip demonstreer sy leierskap in sy diens aan die gemeenskap in verskeie direksies en rade, waaronder:

dien as ‘n direkteur van die Mynpensioenfonds; die Rand Mutual Versekeringsmaatskappy; die Dagbreek Trust; die Erfenisstigting;
raadslid en lid van die uitvoerende komitee van die Noordwes-universiteit;
direkteur en lid van die UK van die Rapport Onderwysfonds (ROF) en ‘n lid van die Suid-Afrikaanse Akademie.
Hy is voorsitter van Solidariteit se Sakebeen, die vakbond se burgerregte-inisiatief Afriforum en nou ook voorsitter van die ABN.”

Dis rof, selfs sonder ‘n onderwysfonds! En as u nou gewonder het wat die ABN is… Eers was daar ‘n AB, oftewel Afrikanerbond en nou ‘n ABN, alias die Afrikaner Burgerlike Netwerk. Soos ‘n bitterbek dit gister teenoor Bertijn stel: “Daar ís ‘n nuwe Broederbond!”

Bertijn voel sommer nou gerus: ons is bepaald, soos hulle sê, in goeie hande. Die AB en FW het vir ons dié pragtige bestel ontwerp en Peetpa Buys se scenario’s sal sorg dat, soos die ABN se dokument dit onder andere stel: “waarde toegevoeg word in terme van risiko-beoordeling en -bestuur”. As jy iemand met ‘n AK 47 in jou inrypad gewaar, reik na die ABN se handleiding waar wenke vir elke situasie gevind kan word!

Die geskiedenis, soos Buys se sêgoed wat uit sulke slapband- Amerikaanse boeke kom, herhaal homself, nie waar nie? Veral Peetpa se konneksies met Potchefstroom is nogal, om ‘n bertijnse adjektief te gebruik, frappant. Het FW en Ouboet Wimpie nie ook sulke hegte bande met die rustige Dopperkampus gehad nie? Daar is amper net soveel Doppers in die onlangse, roemryke – of rampspoedige, afhangand van u “scenario” – Afrikanergeskiedenis as wat daar Jode by die Rivoniaverhoor of Indiërs in die wapenskandaal was.

Dat Nasionale Pers doer vanuit die Wes-Kaap vir Peetpa Buys as “Onse Leier” – om die gepaste Kaapse vorm te gebruik – gesalf het, spreek ook die spreekwoordelike boekdele. Tim du Plessis skryf juis verlede week in hul noordelike spreekbuis, Beeld, oor die (hoor u die Wagner-musiek in die agtergrond?) “seldsame Flip Buys”: “Sy brein werk in toekomsprentjies, baie strategies. Hy’s heeltyd besig om scenario’s te sien en plannetjies te maak.”

Eers was daar by Kemptonpark en Kodesa, in Z.B. du Toit se gevleuelde woorde, “Boere sonder planne”. Nou het ons “Afrikaanses met plannetjies”.

As u dus ooit oor u toekoms in dié land getwyfel het, ontspan en handig sommer u handwapen by die naaste polisiestasie in! Daar word namens ons “plannetjies gemaak”. U en ek word nie na sulke belangrike plannetjiepartytjies uitgenooi nie, maar teen die einde van Augustus 2010 kan ons uitsien na ‘n verslag wat deur prof. André Duvenhage van die NWU (Pochefstroom-kampus) opgestel sal word en deur “onderskeie organisasies en instansies vir strategiese besluitneming… gebruik” sal word.

Miskien lyk die fameuse scenario’s so:

Volkselfmoord.
Emigrasie.
Pas aan, verengels en assimileer.
Trek na ‘n blanke plakkerskamp en ontvang kospakkies van Solidariteit se Helpende Handfonds.

Soos wat die scenario’s met fanfare bekendgestel word, sal Bertijn u op hoogte van u toekoms hou.

все для скважин