praag.co.za

Tag: Mbeki

  • Britse invloedsmouse beplan opmars teen Zuma

    Britse invloedsmouse beplan opmars teen Zuma

    Die Suid-Afrikaanse Kommunisteparty sê dit is nou in die hande van die land se mense om hulself te mobiliseer om Zuma uit die kussings te lig, omdat talle hul lewe opgeoffer het vir die SAKP.

    Die SAKP het op ‘n nuuskonferensie op die kampus van die Universiteit van Kaapstad gesê die kabinetskommeling het “groot spanning” in die regerende alliansie veroorsaak, maar dit klink na pure onsin. Die party self het in elk geval nog nie uit die regering bedank soos hulle vroeër gedreig het om te doen nie.

    Wat is die kanse dat Zuma gaan tou opgooi? Die DA sal nooit genoeg ondersteuning kry om ‘n meerderheid te verseker nie. Die ANC het 249 setels en die opposisiepartye 151. Dus het die DA 50 setels uit die ANC nodig vir ‘n meerderheid en meer waarskynlik selfs 60, want ander kleiner partye sal ‘n swart leier eerder steun.

    Die EFF se kanse lyk nog meer beroerd want hulle het 70 ANC-LP’s nodig om teen Zuma te stem. Al daardie stemmers weet ook vir seker dat hulle teen die volgende verkiesing hardhandig van die soustrein afgegooi gaan word, en daarom gaan hulle hul Zuma-kaartjies laat stempel. Hy sit immers nou vierkantig in die lokomotief.

    Die DA-leier, Mmusi Maimane, sê hy sal môre met al die leiers van opposisiepartye in Johannesburg vergader oor die proses wat hulle moet volg om president Jacob Zuma uit sy amp te verwyder. Maimane sê dit is tyd dat Suid-Afrikaners van “alle vlakke van die samelewing opstaan vir die Grondwet en alles waarvoor dit staan”.

    Vir swart kiesers staan dit vir Afrikanisering en Zuma se agenda is kennelik transformasie waaroor die opposisie net so heilig is.

    Om te wys hoe “swart” hulle is, het die DA het intussen aangekondig dat hy formele dissiplinêre stappe teen die Premier van die Wes-Kaap, Helen Zille, gaan instel.

    Zille het verlede maand in ‘n reeks twiets gesê kolonialisme was nie nét sleg nie. Die DA-leier, Mmusi Maimane, het op ‘n nuuskonferensie in Kaapstad gesê Zille sal daarvan aangekla word dat sy die party se federale grondwet geskend het.

    Burgerlike groepe en aktiviste, insluitende Save SA, beplan vandag ‘n massasaamtrek op Kerkplein in Pretoria. Suid-Afrikaners is gevra om swart aan te trek en in groot getalle om negeuur op die plein saam te trek. Ironies genoeg moet hulle die setel van die ou Afrikanergesag gebruik vir hul swart agenda.

    Die beweging onder die hutsmerk #BlackMonday het dié beroep gedoen op die burgerlike gemeenskap, die staatsdiens, nie-regeringsorganisasies, die sakesektor en die jeug ná verlede week se kabinetskommeling deur President Jacob Zuma wat groot kritiek ontlok het van die buiteland en Britse invloedsmouse en geen kritiek van swart kiesers wat die president demokraties verkies het nie.

    Die beweging sê sonder ironie verandering is nodig om die nalatenskap van “demokrasie” te eer waarvoor marionetleiers van Londense belange soos Nelson Mandela, Ahmed Kathrada en ander “bevrydingstryders” hulle beywer het.

    Die Suid-Afrikaanse Kommunisteparty in Noordwes het hul stem gevoeg by diegene wat eis dat President Zuma bedank.

    Die provinsiale sekretaris van die SAKP in Noordwes, Madoda Sambatha, sê die provinsie veroordeel, wat hy noem Zuma se “misbruik van sy prerogatief”. Sambatha sê Zuma maak hom skuldig aan dieselfde oortreding as waarvan Thabo Mbeki tien jaar gelede beskuldig is, en daarom noodsaak dit dieselfde optrede.

    Maar Mbeki was die leier sonder kiesers, terwyl Zuma die hele Zoeloeland agter hom het, en blykbaar nou ook die Noordwes-provinsie, want die ANC in Noordwes het Zuma se optrede verdedig.

    Die party se provinsiale sekretaris, Dakota Legoete, sê hulle glo dit is goed om energieke, jong ministers aan te stel wat die land die toekoms in kan neem. Hy sê ANC-leiers moet hul werk doen en hulle verskille uitstryk.

    Die Anglikaanse Kerk eis ook die President se bedanking. Die Anglikaanse biskop van George in die Suid-Kaap, Brian Marajh, en die biskop van Saldanhabaai aan die Weskus, Raphael Hess, vra dat Zuma van sy amp afstand doen.

    Die Metodistekerk eis ook dat Zuma moet bedank. Die kerk sê hy is woedend oor Zuma se aankondiging, maar helaas nie verras nie. Die voorsittende biskop van die Metodistekerk van Suider-Afrika, Zipho Siwa, sê hulle is veral onsteld oor die afdanking van bekwame ministers het hul adjunkte, terwyl ander wat besonder onbekwaam is, behou is.

    PRAAG het terloops nog nooit grade van bekwaamheid onder ANC-ministers opgemerk nie, maar wel deurlopende onbekwaamheid sedert 1994.

    Die voormalige voorsitter van die Afrika-Unie-kommissie, Nkosazana Dlamini-Zuma, staan by haar voormalige eggenoot en het ‘n beroep op die ANC-Vroueliga gedoen om beleid in werking te stel wat vroue kan bemagtig.

    Dlamini-Zuma het die liga se verkiesingskonferensie in Durban toegespreek, maar haar weerhou van enige uitlating oor die gebeure wat tot president Jacob Zuma se kabinetskommeling aanleiding gegee het.

  • De Klerk vaar uit teen Zuma die dag waarop hy ANC-ontbanning prys

    De Klerk vaar uit teen Zuma die dag waarop hy ANC-ontbanning prys

    Die voormalige staatspresident, FW de Klerk, sê Suid-Afrika het uitgevaar teen Jacob Zuma.

    Hy het by die jaarlikse konferensie van die FW de Klerk-stigting gepraat ter viering van 27 jaar sedert sy toespraak in 1990, waartydens hy die ontbanning van die ANC en vrylating van terroriste aangekondig het, maar die ironie bly De Klerk steeds ontwyk.

    De Klerk sê belangrike nasionale instellings soos die Nasionale Vervolgingsgesag, die Valke, elemente in die polisie, die Intelligensiediens en moontlik die openbare beskermer word ondermyn om politieke teenstanders se monde te snoer.

    Die vyandigheid teen Thabo Mbeki as president, met die hulp van die voormalige ANC-jeugliga leier Julius Malema, deur Zuma, het die regering se beleid van ekonomiese groei gekelder.

    Dit is nie duidelik hoe Mbeki sou kon help om ekonomiese groei te bevorder nie, aangesien hy van die wit “setlaars” wou ontslae raak.

    De Klerk se toespraak was ‘n cliché-belaaide aanval op Zuma.

  • Kan ons ontkom aan oehoeroe?

    Kan ons ontkom aan oehoeroe?

    Hierdie rubriek het 8 jaar gelede in Rapport verskyn, op 15 September 2002, om presies te wees. In die lig van huidige dreigemente om landbougrond te gryp en vryheidsliedjies waarin “Maak dood die Boere!” weerklink, word dit weer geplaas.

    “Ons voer die krokodil.” Só het ‘n vrou in Zimbabwe die proses beskryf waardeur blanke boere hul bates afgee aan swart revolusionêre, die sogenaamde oorlogsveterane. Hierdie krokodilmetafoor het my laat dink aan Alexis de Tocqueville se beskrywing van die revolusie as ‘n tier wat aanvanklik maer en uitgeteer is, te swak om op te staan. Sodra jy hom egter begin voer met die hervormingsvleis, maak jy hom wakker totdat hy naderhand genoeg gehad het van die voorgeregte en jy self die hoofdis word.

    Tocqueville het natuurlik oor die Franse Revolusie geskryf, maar in Afrika gebruik mense die Kiswahili-woord oehoeroe (vryheid) daarvoor. In Sjona heet dit tsjimoerenga en ons weet dat die Derde Tsjimoerenga tans plaasvind in Zimbabwe. My vraag op hierdie lieflike Sondagoggend is nou: kan ons ontkom aan oehoeroe?

    Vandat John Vorster in 1974 sy beroemde uitspraak oor hervorming, “die alternatief is te verskriklik om aan te dink”, gelewer het, het die NP’s en die Afrikaanse pers net een ding bepleit, en dit was: voer die krokodil. Nou nog lees ons week ná week in die koerante dat regstellende aksie, swart bemagtiging, grondhervorming, asook die oordrag van bates, ons gaan red van die verskriklike alternatief. Volgens Tocqueville egter word revolusie deur hervorming veroorsaak.

    In 1780 was Frankryk in ‘n staat van intense hervorming en die uitbreiding van regte, met ‘n bloeiende ekonomie en vol graanskure. Hierdie verbeterde toestande het aanleiding gegee tot die revolusie van 1789 namate mense se verwagtings wakker gemaak is en hulle voortdurend meer gevra het soos daardie oehoeroekrokodil.

    Iemand wat Tocqueville op Suid-Afrika toegepas het, was my ou Latyn-professor by Wits, M.T.W. Arnheim. In sy 1979-boek, South Africa after Vorster, beweer Arnheim dat die Soweto-onluste in 1976 die regstreekse gevolg was van Verwoerd se ongekende uitbreiding van swart onderwys twintig jaar tevore. Dit was die begin van die swart middelklas se opmars in Suid-Afrika, ‘n middelklas wat ons grotendeels self geskep het met opvoeding, opheffing, opleiding, groter swart deelname aan die ekonomie, die oorhandiging van politieke mag, tot en met vandag se swart bemagtiging en regstellende aksie.

    Vandag is die swart elite, wat na ons mening ongekende welvaart en mag geniet, meer ontevrede as ooit tevore. Revolusies word nie gevoer deur die ongeletterde in ‘n plakkerskamp wat maar te bly is om ‘n dagloon te verdien en sy maag vol te maak nie, maar deur iemand met ‘n salaris, ‘n Golf in sy garage en ‘n kas vol Edgars-klere. Hierdie persoon se misnoeë ken geen perke nie, want sy opwaartse mobiliteit maak hom wys dat hy al lankal ‘n Mercedes moes gery het en hom by Gucci moes kon uitrus. Volgens Arnheim voel hy “relatief agtergestel”.

    Onlangs het ek ‘n gesprek met ‘n swart vriend gehad. Hy is afkomstig van Wes-Afrika en praat Frans. Drie jaar gelede het hy alles verloor toe ‘n revolusie in sy land plaasgevind het en nou woon hy in Sandton. Volgens hom kan geen land in Afrika ontkom aan die revolusie nie, ook nie Suid-Afrika nie.

    Ter wille van die argument het ek die teenoorgestelde probeer beweer, dat Suid-Afrika anders is, meer verwesters, ons ‘n modelgrondwet het, suksesvol hervorm het en so meer. Hy het egter volgehou dat ons ‘n Afrika-land is wat gebonde is aan die politieke wetmatighede van ons kontinent. Volgens hom was Zimbabwe bloot ‘n oefenlopie vir Suid-Afrika. Westerse reaksie daarop sou die toekomstige optrede van mnr. Mbeki en ons eie revolusionêre swart middelklas bepaal.

    Ongelukkig vir ons het die Weste nie daadkragtig opgetree teen Zimbabwe nie. Die gebeure is met tipiese paternalisme as “tragies” bestempel, en benewens die opskorting van Zimbabwe se lidmaatskap van die Statebond het ons vaagweg gehoor van “slim sanksies” en reisverbiedings vir Mugabe en sy generaals. Die kontras met ‘n hervormende Suid-Afrika onder P.W. Botha wat voluit getref is met handels- en finansiële sanksies kan natuurlik nie groter nie.

    Ná die verkiesingsbedrog in Zimbabwe het Mbeki in die parlement met die presidensiële ketting om sy nek verklaar dat die land gehelp moet word met voedsel- en ander bystand, en om die grondkwessie te hanteer. Kortom, ons president het Zimbabwe se reg op oehoeroe verdedig. Intussen het Sam Nujoma insgelyks begin moeg raak vir voorgeregte en laat blyk dat ook hy die Zimbabwe-opsie oorweeg.

    Sedert Ghana se Kwame Nkroema in 1958 sy gematigde opposisie in die tronk gesmyt en private bedrywe genasionaliseer het, was daar al soveel oehoeroes in Afrika dat ons ophou tel het. Totdat ek my Wes-Afrikaanse vriend ontmoet het, was ek onbewus daarvan dat daar in 1998 nog ‘n revolusie in die Ivoorkus plaasgevind het. Mosambiek, Angola, Zambië, Tanzanië, Kenia, Oeganda, die Kongo, noem maar op, elkeen het al minstens een staatsgreep of revolusie beleef. Nog nooit tevore het dit eens ‘n vals wimper laat bewe in die skoonheidsalonne van Sandton City nie.

    In my argument met my Wes-Afrikaanse vriend het ek uiteindelik na strooihalms gegryp. “Maar ons infrastruktuur en ekonomiese stelsel sal nie ‘n revolusie oorleef nie!” het ek uitgeroep. Net om die lakonieke antwoord te ontvang :  “In 1918 het mense gesê Europa sal nie nog ‘n oorlog oorleef nie.”

    болит зуб без нерваОлександр Фільчаков прокурор

  • Vetkatte se dans

    Die tekens begin deurskemer dat die ANC ongemaklik begin raak om na die geldmag wat hulle in beheer geplaas het, se pype te dans.

    Een van die redes waarom Zuma vandag president is, is omrede hy Mbeki vurig teengestaan het oor sy stille diplomatiese handtering van die Zimbabwe kwessie. Zuma het Cosatu, wat die MDC se bondgenote is, se taal gepraat en het met hulle hulp van Mbeki ontslae geraak.

    Nou ewe skielik is Zuma ‘n kampvegter vir Mugabe tydens sy staatsbesoek aan Brittanje, en vra hy dat sanksies opgehef moet word. Nou wat het intussen verander? Einde Augustus verlede jaar was Zuma vir ‘n amptelike besoek aan Zimbabwe, en ek is seker ou Bob het vir hom mooi vertel hoe die dinge eintlik agter die skerms werk.

    Na Zuma se besoek aan Zimbabwe word daar skielik gepraat van die nasionaliseering van die myne en banke, en selfs van die reserwebank. Daar word alternatiewe finansiering gesoek vir ontwikkeling deur pensioenfondse te roof en ‘n groot mediaoorlog word teen Zuma en Malema geloods vanuit die geldmag-beheerde pers. Ook het die Britte Zuma-hulle ingeroep vir ‘n ‘Staatsbesoek’.

    Dit is nie verniet dat hierdie jaar se begrotingsrede en Zuma se toespraak in die Britse parlement melding daarvan maak dat die regering nie van plan is om die myne te nasionaliseer nie. Ons weet almal egter wat Dingaan se woord beteken…

    Ons moet onthou dat die geldmag se hoofbesigheid die finansiering van regerings is. Veral oorloë, staatsgrepe en revolusies word gefinansier sodat die geldmag hulle houvas op die monetêre en politieke stelsels van lande kan kry. Daarna word die land gestroop van sy minerale rykdomme terwyl die paar krummels wat van die geldmag se tafel val gebruik word om die vetkat marionette wat die hulle in beheer hou te voer.

    Ons weet van die katastrofe wat gevolg het in Zimbabwe toe Mugabe die geldmag uitgeskop het. Die hele ekonomie het in ‘n kwessie van maande in duie gestort. Dit sal dalk wys wees vir die Afrikaners om ook buitelandse geldeenhede of goud te besit. Indien die ANC voortgaan op die pad van Zimbabwe sal die Rand heel moontlik heelwat minder werd word. Op die langer termyn sal dit egter beteken dat ons makliker ons vryheid kan verkry, omrede ons ‘n duisend maal beter kans het om dit te verkry indien die geldmag nie agter ons vyand staan nie. Die geldmag het die Afrikaner al twee maal ore aangesit in die verlede. Gaan ons toelaat dat hulle ons totaal vernietig?

    ‘n Individu, klein organisasie en selfs ‘n politieke party kan weinig uitrig teen ‘n monster van ‘n geldmag. Dit is alleenlik wanneer daar ‘n oorkoepelende owerheid is wat alle Afrikaners outomaties saamsnoer, maak nie saak van jou siening of jou hardegat-houding nie, dat ons ‘n kans staan teen hulle.

    Die sinkplaat gaan nog warm word vir die vet katte van die ANC…. want hulle speel met vuur. Die Afrikaner moet net sorg dat hy nie aan die slaap gevang word wanneer hulle sink nie, maar reg is om die geleentheid aan te gryp wanneer dit kom.

    free casino no deposit bonusФильчаков Харьков

  • Kultuur as vyeblaar en beloftes wat skuld maak

    Toe pres. Jacob Zuma die boonste politieke sport in Suid-Afrika as, soos hy dit gestel het, “100 % Zulu boy” verower het, sou dit ‘n aantal domino’s aan die val sit wat moeilik gestuit gaan word.

    Die moderne demokrasie is gebou op die beginsel dat beloftes skuld maak. ‘n Kandidaat wat oorboord gaan met verkiesingsbeloftes, sien kort na sy verkiesing die skrif aan die muur. ‘n Goeie voorbeeld is pres. Barack Obama wat nou reeds in die Amerikaanse pers ‘n “embattled president” genoem word, en wat besonder vinnig op die gewildheidspeilings die kreeftegang gegaan het.

    Hierteenoor is dit in die meeste van Suid-Afrikaanse inheemse kulture goeie maniere om aan die vraesteller die antwoord te verskaf wat gemeen word die vraesteller wil hoor. Hierdie gebruik het al pandemonium in die reklamewêreld veroorsaak soos dat die teikengroep aandui hulle verkies Engels, terwyl ter plaatse ondersoeke aandui die kykers volg hoofsaaklik programme in hul moedertaal.

    Solank almal verstaan dat die beloftes binne ‘n sekere kulturele raamwerk gemaak is, kan die een wat die beloftes maak ver kom. Te midde van paaie wat weggeteer raak, hospitale sonder medisyne, skole sonder bevredigende uitslae, kan ‘n regerende party of die hoof daarvan in peilings steeds baie goed doen en selfs sy gewildheid verhoog.

    Op die duur skep hierdie los en vas maak van beloftes – voor en na verkiesings – tog verwagtings dat minstens sommiges daarvan nagekom sou word. Iewers gaan dit gewoon net nie af om nie werk te hê nie, maar ministers gaan voort om luukse vuurwaens aan te skaf.

    Die gaping tussen onrealistiese verwagtinge en die werklikheid op die model van relatiewe deprivasie het reeds onder oud-President Thabo Mbeki die regeringshoof se kop lat rol. Pres. Jacob Zuma het sy termyn gepak op dieselfde noot as die populisme waarmee hy sy opmars suksesvol gevoer het.

    Toe dié tegniek se stoom opraak, is probeer om op die populariteit van oud-president Nelson Mandela se rug nog stoom op te bou. Binne dae was dié stoom egter ook op.

    Terselfdertyd is dit ook tradisioneel goeie hoofmanskap om in ‘n kraal van familie tot familie se vuurtjie te loop en by daardie vuurtjie te gaan verkondig wat daardie familie wil hoor. Ook hierdie praktyk boemerang omdat die media saamloop, en berig wat nie vir die ore van ander bedoel is nie. Vrae word oor teenstrydige beloftes gevra.

    Vanoggend lui voorblad-koerantopskrifte: Hou op beloftes maak.

    Dit vereis kennelik veel meer vernuf en kundigheid om ‘n land – van die sentrale regering tot die plaaslike regering – te regeer en bestuur as wat geglo is. Al die beplanningskommissies in die wêreld gaan niks vermag as daar nie plan gemaak word om die planne op grondvlak te laat realiseer nie. Dit beteken ‘n behoefte aan fondse sonder om die gans wat die goue eiers lê te slag, en ongelooflik baie kundigheid.

    Pres. Zuma se repliek op die opposisiepartye se kritiek, asook die verskillende manifestasies van gemeenskapspolitiek soos die briewe teen misdaad, sal toon of ‘n les geleer en ter harte geneem is. Kulturele gebruike dien nie altyd as geskikte vyeblaar nie.

    воздухосборник горизонтальныйтопкарго

  • Lekota verdedig Mbeki

    Cope se president Mosiuoa Lekota het oproepe om voormalige president Thabo Mbeki en diegene wat onder hom gedien het, vir volksmoord aan te kla, as onverantwoordelik bestempel en ‘n gevaarlike verdraaiing van die geskiedenis van die land, het die SAUK Maandag berig.

    Lekota het gereageer op oproepe van die Jong Kommuniste-liga dat Mbeki aangekla word omdat hy na bewering die MIV-Vigs-kwessie tydens sy ampstermyn wanbestuur het.

    Hy het gesê vir die misdaad van volksmoord moes daar ‘n opsetlike beleid gewees het of ‘n besluit om mense dood te maak. Hy het gesê daar was geen so ‘n besluit deur die ANC of die kabinet nie.

    Lekota se verklaring kom slegs ‘n week nadat jeugleier Julius Malema gesê het dat die ANC-jeugliga nie sal toelaat dat Mbeki vir volksmoord aangekla word nie.

    “Ons moet nooit ons leiers afstaan nie,” het Malema by ‘n glansgeleentheid van die Pan-Afrika Jeugunie by Emperor’s Palace in Boksburg verlede Maandag gesê.

    “Thabo Mbeki het dalk foute gemaak, maar ons kan hom nooit aankla nie.”

    “Ons kan nie een van ons eie aankla nie. As ons dit toelaat, gaan dieselfde ding met [Zimbabwiese President Robert] Mugabe, en dieselfde ding met [President Jacob] Zuma gebeur, en die volgende wat jy weet, kom hulle vir jou,” het Malema gesê.

     

    купить футболку хаки детскуюдепутат лобановский

  • Mbeki se meesterplan om blankes die see in te jaag

    Maar toe vertel hy my iets wat my koue rillings gegee het: dat Thabo Mbeki reeds tien jaar gelede 'n meesterplan ontplooi het om van die blankes in Suid-Afrika ontslae te raak. Mbeki se strategie rus op twee bene: die stimulering van die plaaslike swart geboortesyfer deur kindertoelaes en die oopgooi van ons landsgrense sodat swartes vanuit die hele Afrika die oorblywende wit residensiële enklawes in die land kan oorstroom.

    My swart kennis is 'n oud-PAC-man en staan dus objektief teenoor die ANC, wat hy sien as 'n party wat deur Xhosa-intellektuele oorheers word. Die interessante ding omtrent die Xhosa-intellektuele is dat hulle blykbaar meerderwaardig teenoor die res van die swartes in die land voel wat nie oor hul linkse opvoeding, wat deels deur die Kommunistiese Party en deels deur die Anglikaanse kerk voorsien is, beskik nie. Mandela, die skrywer van How to be a good communist, is 'n sprekende voorbeeld van 'n Xhosa-intellektueel, maar so ook natuurlik Mbeki.

    Aan die ander kant voel die Xhosa-intellektuele minderwaardig teenoor die blankes en veral vanweë die geskiedkundige voorval toe die 11-jarige profetes, Nongkwasi, voorspel het dat die son op 18 Februarie 1857 rooi sou opkom, waarna die voorvaders die blankes in die see sou jaag. Maar eers moes die Xhosas al hul beeste doodmaak. Historici beraam dat die Xhosas op Nongkwasi se aandrang 300 000 tog 400 000 beeste van kant gemaak het.

    Natuurlik is die voorspelling nooit bewaarheid nie en het die son op 18 Februarie 1857 net normaal op die horison verrys. Die gevolglike hongersnood onder die Xhosas wat hul beeste manies om die lewe gebring het, het blykbaar die Xhosa-getalle van 105 000 tot 27 000 laat afneem. Intussen het die vrugbare Xhosas uiteraard weer vermeerder van die destydse 27 000 tot die huidige 8 miljoen, geen geringe prestasie nie!

    Maar die sielkundige en politieke gevolge van Nongkwasi se rampspoedige visioen is nog lank nie verby nie. Volgens my swart geesgenoot – soos wat die gesprek gevorder het, het ons allerlei raakpunte in ons denke ontdek – het die Xhosa-intellektuele almal 'n obsessie oor Nongkwasi. Die kombinasie van vernedering en mislukking wat op haar droom gevolg het, spook nog steeds by die Xhosa-leierskap, waaronder Mandela en veral Mbeki.

    Image

    Nongkwasi (regs) en ‘n medeprofetes, Nonkosi

    Daarom het Mbeki 'n meer rasionele manier bedink om die vernedering en neerlaag van die Nongkwasi-insident te wreek. Pleks van 'n massa-offerande van beeste om die voorvaders te laat opstaan, vertrou Mbeki op die miljoene swart jeugdiges wat deur die ANC se bevolkingstimulasieprogram verwek word, asook die massa-immigrasie vanuit Afrika suid van die Sahara, om die blankes dié slag werklik vanuit die land te suiwer.

    Dié tweepuntplan – die stimulering van die bevolkingsaanwas en die oopstel van ons grense – is reeds aan die gang en die Zuma-ANC gaan dit nie keer nie.

    Volgens die minister van sosiale ontwikkeling, Edna Molewa, ontvang 13 miljoen inwoners van Suid-Afrika tans toelaes van die staat. Onder hulle tel 9 miljoen kinders.

    Hoewel ek in The Scourge of the ANC mense attent wou maak op die implikasies van die ANC se natalistiese bevolkingsprogram, het my swart kennis my op 'n skrikwekkende aspek gewys waaraan ek self nie gedink het nie: In 'n hoë persentasie van gevalle waar om kindertoelaes aansoek gedoen word, geskied dit ná ouer swart mans skoolmeisies van jonger as sestien swanger gemaak het.

    Om seksueel met iemand jonger as sestien te verkeer, is statutêre verkragting. Mbeki se plan om deur kindertoelaes die swart bevolking te stimuleer, subsidieer dus regstreeks of onregstreeks die massaverkragting van honderde duisende, indien nie miljoene, kinders onder sestien. Die babas wat so verwek word, word dikwels voortydig gebore vanweë die jeug van hul moeders. Nie net word die druk op ons reeds oorbelaaide openbare gesondheidstelsel hierdeur verhoog omdat sulke suigelinge tyd in broeikaste moet deurbring en ander vorme van spesiale behandeling moet ontvang nie, maar hulle word haglik verwaarloos. In die eerste plek is hulle liefdeloos verwerk om vir 'n toelae in aanmerking te kom. Uit die geledere van daardie nege miljoen kinders waarvan die ouers, let wel, toelaes ontvang, word die volgende geslag misdadigers wat "apartheid" en blankes vir hul toestand gaan blameer, letterlik geteel.

    Image

    Ceausescu en Kim Il-soeng in Noord-Korea tydens 1971

    Die enigste ander voorbeeld in die onlangse geskiedenis wat met Mbeki en die ANC se geboortebeleid vergelyk kan word, is dié van die Roemeense diktator Nikolai Ceauşescu. Ceauşescu het in die sestigerjare gesinne sonder kinders swaar belas en geboortebeperking feitlik onmoontlik gemaak. Vroue met vyf kinders of meer is deur die staat met allerlei voordele beloon.

    Ceauşescu is veral deur Mao se Kulturele Revolusie beïnvloed, asook die Noord-Koreaan Kim Il-soen se opvatting van "Djoesjê" wat letterlik beteken: "die mens is meester van alles is en besluit alles". Soos Mao en Kim Il-sung het Ceauşescu die "totale transformasie van die samelewing" nagestreef. Totale transformasie deur bevolkingsaanwas… klink dit dalk bekend?

    Voedselskaarste en hongersnood is vir die ANC van sleutelbelang omdat dit die "nuwe geslag vryheidsvegters" wat met kindertoelaes geskep word tot misdaad en geweld sal oorhaal. Vandaar grondhervorming waarvan die doel tweeledig is: om Afrikanerboere van hul plase te verjaag en om voedselproduksie te verlaag sodat die jeugdige bevolking honger en meer aggressief kan raak. Mandela het die houding van die Xhosa-intellektuele destyds opgesom toe hy gesê het dat "diegene wat nie met die nuwe Suid-Afrika tevrede is nie maar kan emigreer".

    Hy kon seker bygevoeg het: en daardie blankes en Afrikaners wat nie wil emigreer nie, sal deur ons verwekte kindersoldate doodgemaak word.

    Die Xhosa-weerwraak vir Nongkwasi se fout is reeds in volle swang en dié keer gaan die blankes wel in die see gejaag word. Aldus my swart vriend.

    шапочки для купания новорожденных купитьЛобановский

  • Vervolgingsgesag onseker oor aantygings van omkopery

    Mbeki se woordvoerder Mukoni Ratshitanga, sê die president is besig om regsadvies in te win nadat die Sunday Times berig het dat hy omkoopgeld van 'n Duitse skeepsbouer, MAN Ferrostaal, aanvaar het.

    Vrydag het die Mail & Guardian berig dat die oud-spioen Mhleli Paul Madaka, beweer het dat die Skerpioene bewyse het dat Mbeki die omkoopgeld van Ferrostaal ontvang het.

    Maar die NV-woordvoerder Tlali Tlali het aan die media gesê die NV weet niks van Madaka en die bestaan van die beweerde inligtingstuk nie.

    Madaka het verlede jaar in Augustus ná 'n geheimsinnige motorongeluk gesterf.

    купить настольную игруданильченко юрій броніславович