Dan Roodt, Author at praag.co.za

Abdoel Minty dalk hoof van die IAEA

Die 35 lande van die IAEA se bestuursraad is gereed om voort te gaan met die proses om ‘n opvolger te verkies in die plek van die agentskap se direkteurgeneraal Mohamed El-Baradei, wat in November moet uittree na sy derde termyn.

Verlede week het El-Baradei sy mees onlangse verslag bekend gemaak oor Iran wat toon dat die land opgehou het om vrae te beantwoord aangaande beweringe omtrent sy kernprogram.

Omdat Amerika steeds besig is om te besin oor hulle buitelandse beleid, sal hulle nie inmeng in resolusies oor Iran en Sirië by die IAEA-vergadering nie, het diplomate egter gesê.

Later die week sal IAEA-raadslede na verwagting stem om te bepaal wie die opvolger gaan wees van El-Baradei – die Japanese diplomaat Yukiya Amano of die Suid-Afrikaanse diplomaat Abdoel Samad Minty.

Minty is op 31 Oktober 1939 gebore, het in Johannesburg grootgeword en is in Brittanje opgelei. Hy het 'n lang geskiedenis van aktivisme. Hy was tussen 1962 en 1995 ereseketrtaris van die Britse Anti-Apartheidsbeweging. Minty was 'n groot teenstander van militêre en kernsamewerking met die ou orde en is ondersteun deur die Sweedse eerste minister Olof Palme, David Steel van Brittanje en Coretta Scott King, vrou van Martin Luther King.

Sy studie oor Suid-Afrika se toentertydse verdedigingstrategie in 1969 is deur die Anti-Apartheidsbeweging gebruik om militêre samewerking tussen Brittanje en Suid-Afrika op te skort tydens die Simonstadooreenkoms.

Sy volgehoue aktivisme het daartoe gelei dat Suid-Afrika in 1963 uit die Olimpiese Spele gehou is.

Deur sy toedoen is Suid-Afrika weer in die Gemenebes verwelkom en is die land tans deel van die groep Onverbonde Lande.

AU veroordeel sluipmoord op Afrikaleier

Die Afrika Unie se topleier, Jean Ping, het Maandag die sluipmoord op Guinee-Bissau se president, Joao Bernardo Vieira, deur soldate as ‘n “kriminele daad” beskryf.

“Ek was diep geskok vanoggend om te hoor van die sluipmoord op die president van die republiek van Guinee-Bissau, Nino Vieira. Die AU en myself veroordeel die kriminele daad,” het Ping aan AFP gesê terwyl hy Vieira se bynaam gebruik het.

Die sluipmoord “is ernstig, omdat dit gekom het na pogings om vrede te bevorder na die verkiesing van November,” het die AU kommissievoorsitter gesê.

Soldate van Guinee-Bissau het die veteraanpresident geskiet terwyl hy Maandag uit sy woning gevlug het, het ‘n militêre woordvoerder gesê.

Die Wes-Afrika volk se weermag het Vieira (69) blameer vir die dood van hulle leier, generaal Tagme Na Waie, na ‘n bomaanval Sondag, het hy gesê.

Indi? wil die ruimte in

Indië het ‘n ambisieuse projek van $2,5miljard aangepak om sy eerste ruimtevaarders teen 2015 die ruimte in te stuur, ‘n skuif wat beskou word as ‘n poging om by te bly by sy groter buurman, Sjina, in ‘n opkomende stryd om in die ruimte te wees.

Die Indiese Ruimte Navorsingsorganisasie (ISRO) het voorgestel dat twee mense in die ruimte geplaas moet word, 274 km bokant die aarde vir 7 dae – ‘n plan wat ondersteun word deur die land se top ekonomiese beleidmakers, die beplanningskommissie.

Die menslike ruimtevaart projek sal uit twee fases bestaan: ‘n onbemande eerste vlug wat beplan word vir 2013 of 2014 en ‘n bemande sending vir die volgende jaar. Die Indiese kabinet moet nog die plan goedkeur, maar ‘n woordvoerder vir ISRO het gesê die ondersteuning van die kommissie is ‘n “groot stap vorentoe.”

Indien die land sou slaag, sal dit net die vierde land wees na Amerika, Rusland en Sjina om ‘n mens die ruimte in te stuur.

Maar Indië is nie die enigste Asiese land in die nuwe ruimtekompetisie nie: Iran het onlangs aangekondig dat hulle ‘n bemande ruimtevlug gaan opstuur teen 2021.

Die Europeërs wat baie ryker is, het nie bemande ruimtevaartprogramme nie.

воронеж подъемное

VSA gaan AIG met nog $30 miljard help

Die Amerikaanse regering het Sondagnag ingestem om ‘n addisionele $30 miljard in belastingbetalersgeld te voorsien aan American International Group, en om die terme vir die lening aan die versekeraar losser te maak. Die versekeraar het gereed gestaan om Maandag ‘n verlies van $62 miljard aan te kondig, die grootse kwartaallikse verlies in die geskiedenis, het mense gesê wat betrokke was by die gesprekke.

Die tussenbeidetreding sal die vierde keer wees dat Amerika moet intree om AIG te help om bankrotskap af te weer. Die regering besit reeds amper 80% van die versekeringsmaatskappy as gevolg van vroeëre aksies. Dié het ingesluit ‘n $60 miljard lening, ‘n $40 miljard aankoop van voorkeuraandele en $50 miljard om die maatskappy se toksiese aandele te bekom.

Amerikaanse regeringsamptenare wat naarstiglik gewerk het oor die naweek om die herstrukturering af te handel, het gesê hulle het gedink dat hulle geen keuse het as om AIG te help dra nie, aangesien sy besigheid so fyn verweef is regdeur die wêreld se bankwese.

Maar die transaksie skep ook meer finansiële risiko’s vir die belastingbetalers, op ‘n tydstip wat die publiek en Kongres die wysheid van die regering bevraagteken omtrent die hulpverlening aan privaatbesighede.

Die regering se toewyding tot AIG is baie meer as die redding van enige ander finansiële maatskappye, insluitend Citigroup, wat $50 miljard ontvang het en Bank of America, wat met $45 miljard gehelp is.

освещение для дома

Motlanthe gaan Sosialisme-vergadering byeenroep

President Kgalema Motlanthe en die minister van buitelandse sake Nkosazan Dlamini-Zuma gaan Maandag die gashere wees vir die Internasionale Sosialistiese Kommissie vir ‘n Volhoubare Wêreld Vereniging in die Weskaap.

“Die agenda van die vergadering sal onder andere fokus op Afrika se ondervinding in die hantering van aardverwarming en klimaatsverandering,” het die woordvoerder vir die departement van buitelandse sake Ronnie Mamoepa Sondag in ‘n verklaring gesê.

Die kontinent se perspektief aangaande die globale ekonomiese krisis sal ook bespreek word by die vergadering in Kleinmond.

ANK-president Jacob Zuma sal ook na verwagting die vergadering bywoon.

Die Internationale Sosialis is ‘n wêreldwye organisasie van sosiale demokrate, sosialiste en arbeiderspartye. Die huidige lede is 170 politieke partye en organisasies insluitend die ANK. Die vergadering in Suid-Afrika vorm deel van ‘n program van aktiwiteite vir 2009, wat ook vergaderings van die Kommissie gaan behels in Sjina, Washington DC en by die VN se hoofkwartiere in New York.

Александр Фильчаков

35 mense beseer by ANK-byeenkoms

Ten minste 4 vroue en 2 kinders is Sondag uit Durban se Chatsworth stadion gedra nadat hulle beseer is by ‘n ANK-saamtrek.

Daar is ook gesien hoedat verskeie ander mense na die ambulanse agter die stadion geneem is.

Volgens die SAUK-verslag is 35 mense, hoofsaaklik vroue en kinders beseer.

Die stadion met 20 000 sitplekke was tot volle kapasiteit gepak, met meer as 50 busse wat ondersteuners van alle dele van die provinsie af gebring het om te kom luister na die ANK-president Jacob Zuma wat gepraat het.

Toe die ANK se KwaZulu-Natalse sekretaris Senzo Mchunu net sommige van die toeskouers genooi het om in die stadion se sentrale arena te kom sit, het ‘n skare ondersteuners deel van die barrikade wat hulle uit die gebied gehou het, omgestoot en ingestorm.

Daar is op sommige mense getrap terwyl ander hardhandig grond toe afgedruk is.

Onder die hoogwaardigheidsbekleërs wat teenwoordig was, was Cosatu president Sidumo Dlamini, Durban stadsbestuurder Michael Sutcliffe en besigheidsman Vivian Reddy.

Cosatupresident Sidumo Dlamini het ook gepraat en gesê: “Cosatu is hier om ‘n beslissende oorwinning te verseker. Die ANK tree op teen die probleme wat die land tans in die gesig staar.”

Hy het gesê die aflegging van werkers, veral die in die mynindustrie, sal aangespreek word.

arabian nights Александр Фильчаков

Old Mutual gaan Nedbank verkoop

Old Mutual beplan om 53% van sy aandeel van Nedbank te verkoop, het ‘n Britse koerant oor die naweek berig.

Die Observer het gesê dat Old Mutual, Brittanje se 4de grootste versekeraar, beplan om ‘n aandeel van die Suid-Afrikaanse bankgroep te verkoop, sonder om ‘n bron te noem.

Die verslag het gespekuleer dat Old Mutual die aandeel dalk gaan verkoop aan Standard Chartered Plc of HSBC Holdings.

‘Afrikaans kan nie tot nadeel van ander tale strek nie’

Beeld berig dat Fikile Mbalula, hoof van die ANC se verkiesingsveldtog, gesê het dat daar na Afrikaans as onderrigmedium op universiteit gekyk moet word,

Hy het Vrydag aan sowat 250 studente op die Soweto-kampus van die Universiteit van Johannesburg gesê “Afrikaans kan nie die onderrigmedium wees tot nadeel van ander tale nie.”

Mnr. Gwede Mantashe, ANC-sekretaris-generaal, het die byeenkoms glo verlaat toe daar ’n uur ná aanvang nog honderde leë stoele in die saal oop was. Die byeenkoms is deur Sasco gereël.

“Onderwys is die grootste prioriteit vir die ANC vir die volgende vyf jaar,” het Mbalula aan die skamele gehoor gesê. Hy het ook gesê glo bekostigbare en gratis tersiêre onderwys is haalbaar.

топкарго кидалы

Mugabe vier uitspattig fees

Terwyl Zimbabwiërs van die honger omkom, het president Mugabe en sy gaste die naweek dié berugte staatsleier se 85ste verjaardag gevier met peperduur kos soos kaviaar, kreef en sjampanje.

Mugabe se gaste het in die dorp Chinhoyi vir die uitspattige partytjie opgedaag – terwyl meer as die helfte van die land se inwoners brandarm is en nie kos het om van te leef nie.

Sy verjaardagkoek het 85 kg geweeg.

Mugabe het reeds op 21 Februarie verjaar, maar sy ondersteuners van die Zanu-PF-party het die vieringe uitgestel sodat hulle eers geld daarvoor kon insamel.

Hulle het meer as VS$250 000 ingesamel.

“Die land mag dalk probleme hê, maar ons moet ’n dag hê om die opofferinge wat die president vir sy land gemaak het te onthou,” het mnr. Patrick Zhuwawo, een van die geldinsamelaars en ’n neef van Mugabe, gesê.

Die skare het in vragmotors opgeruk na dié dorp noordwes van die hoofstad Harare.

Volgens vroeëre gerugte sou die eerste minister, mnr. Morgan Tsvangirai MDC, ook die partytjie bywoon.

Sy woordvoerder het egter gesê hy sal opdaag nie.

Volgens die Londense dagblad The Times was dié lekkernye op die spyskaart:

2 000 bottels sjampanje (Moët & Chandon en Bollinger);

500 bottels whisky (Johny Walker Blue Label en 22 jaar oue Chivas Regal);

8 000 krewe;

100 kg koningsgarnale;

4 000 porsies kaviaar;

8 000 bokse Ferrero Rocher-sjokolade;

16 000 eiers;

3 000 eende;

3 000 koeke;

4 000 pakke varkworsies;

500 kg kaas

4 000 pakke kraakbeskuitjies.

Geen mieliemeel is blykbaar op die onthaal toegelaat nie.

Intussen het Zimbabwe ander Afrika-lande vir VS$2 miljard gevra om sy gesondheid-, onderwys-, sanitasie-, water- en ander stelsels te herstel en sy nywerhede te herstel.

ten play app

ANC-advertensie is blatant rassisties

Anderskleuriges (nie swart) wat die afgelope 15 jaar van ANC-bewind enigsins gewonder het of hulle in die party hoort of vir hulle moet stem, sal nadat hulle die advertensie op televisie gekyk het geen twyfel meer hê nie. Die nuwe advertensieveldtog wat deur die party geloods is om kiesersteun te bekom, spel duidelik uit wat hulle is en vir wie hulle staan. Gesien in die lig van soveel klagtes van die menere rondom rassisme en soortgelyke gedrag by ander partye, mag dit vreemdvoorkom. Want hoe beskuldig mens iemand van iets as jy dit self beoefen? Of is dit maar steeds die ou redenasie van ‘n swarte wat nooit rassisties kan wees nie. Maar daar is geen logika as mens na die ANC kyk nie, so hulle arrogansie is nie verbasend nie. Enigeen wat hom of haar nog laat intimideer deur hierdie redenasie, moet maar ‘n slagoffer van hulle denke bly.

Die ANC advertensie is duidelik en dit spel uit dat hierdie ‘n swart party is vir swart mense. Nerens word daar enigsins genoem dat enige anderskleurige moet betrokke raak, al baat gevind het of sal baat vind by die ANC as party nie. Die klankbaan is in ‘n swart taal, wat soos Xhosa klink, met subtitels in Engels. Die enigste logiese afleiding vir laasgenoemde is bloot om nie-gemagtigdes van die taal ook te betrek, so dis defnitief nie vir ons anderskleuriges nie.

Daar word op die gekose kiesers se emosie gespeel deur hulle net te herinner aan die koms van die Afrika-Messias en die elektrisiteit, huise, onderwys, water en so meer wat hy vir die swart kieser gebring het. Ja, vergete is die dae toe ook hulle dit gehad het, in staatshospitale op wit lakens gelê het en gevoed is. Toe skole gebou is en hulle opgevoed is in hulle moedertaal om hulle op te hef. Dié is summier afgebrand ten koste van die jeug waarvan ook Malema een was. Toe morge grond aan hulle gegee is en deur die BBK-bestuur is om hulle te bemagtig in gebiede waar hulle oorwegend gevestig was, en dit verwerp is.

Vars in die geheue is egter die goed wat gebring was en nou maar baie tweedehands lyk. Die gesondheidsdienste, krag en watervoorsiening, onderwys en andere blyk maar sleg daaraan toe te wees. Die rede daarvoor is duidelik, ons word verswelg deur hulle broers wat met behulp van hul regering wild en wakker oor ons grense stroom en ons infrastruktuur uitput. Ons, die nie-ANC-kiesers, staan ook maar aan die ontvangkant want as iets soos die kragtoevoer onderbreek word, trek ons ook maar aan die kortste end. Dit word die voorgenome kieser nie van vertel in die ANC advertensie nie. So appels word nie met appels vergelyk nie en die kieser kan nie 'n vergelyking tref en ‘n intelligente keuse maak nie. Dit is mos maar waaroor demokrasie gaan, dan nie? Breinspoeling van die massas.

Kyk mens weereens na COPE se verkiesingshandves blyk dit darem asof daar vir almal in ons sogenaamde reënboognasie ‘n plekkie in die son is. Die DA se advertensie wat die komende week geloods word, is duidelike gemik op alle rassegroepe en skep ‘n realistiese verwagting by die voorgenome kieser. Hoe COPE s'n gaan lyk, sal ons maar moet sien. Die ANC het al gepraat van hulle doelwit om ‘n nie-rassige samelewing te skep maar dit blyk net weereens lippediens wees. Hulle sê iets, maar gewoonlik bedoel hulle iets anders.

Ek dink enige anderskleurige in die land behoort baie bekommerd te wees oor die ANC se duidelike rassistiese benaderingwat hulle beoefen in die aanloop tot die verkiesing en te besin oor wie hulle by die stembus gaan ondersteun. Dit gaan nie help om vir enige party wat minder as ‘n 5-persent-stemtal kan kry, te stem nie. As ons werklike verandering wil teweegbring deur ons demokratiese stemreg uit te oefen, moet ons ‘n sterk opposisie daarstel. Dit laat duidelik min keuse oor vir watter opposisieparty ons behoort te stem.

Alwyn Mouton