Nuus Archives - Page 89 of 403

New York Times wen 5 Pulitzerpryse

Die New York Times het 5 Pulitzerpryse gewen vir joernalisme, insluitend een vir die warm nuus van ‘n prostitusieskandaal wat New York-goewerneur Eliot Spitzer sy politieke loopbaan gekos het.

Die Las Vegas Sun het Maandag die Pulitzerprys gewen vir openbare dienste weens die ontbloting van die hoë sterftesyfer onder konstruksiewerkers in die Las Vegas-strook.

Die Detroit Press het een gewen vir plaaslike verslaggewing ná hulle eksplisiete teksboodskappe bekom het wat die stad se burgemeester tot ‘n val gebring het.

Die toekennings is gemaak ná een van die mees depressiewe jare wat die koerantindustrie nog gesien het, met verliese van poste, bankrotskappe en sluitings.

Die Pulitzerpryse is van die mees gesiene toekennings in die Amerikaanse joernalistiek.

no deposit required

Verkiesing gaan nie vry en regverdig wees in Natal, s? Buthelezi

Die IVP-leier, dr. Mangosuthu Buthelezi, het Sondag weer sy stelling herhaal dat Woensdag se verkiesing nie vry en regverdig gaan wees nie.

Tydens die IVP se finale saamtrek by die Prins Mangosuthu Stadion in Nseleni in noordelike KwaZulu-Natal, het Buthelezi gesê sy vorige klagte aan die onafhanklike verkiesingskommissie omtrent ongerymdhede gedurende vorige verkiesings is geïgnoreer.

“Dokumente wat ongerymdhede en korrupsie dokumenteer gedurende verkiesings is na die OVK voorsitter, dr. Brigalia Bam gestuur, wat nog nie daarop gereageer het nie. Sy het belowe sy sal, maar het dit nie gedoen nie.”

Die IVP is ‘n slagoffer van verkiesingsbedrog sedert 1994, het Buthelezi gesê in die teenwoordigheid van internasionale verkiesingswaarnemers.

Die IVP het tydens hulle finale saamtrek in Nseleni gesê dat die party steeds groot steun geniet en dat die party gereed is om beheer van KZN oor te neem van die ANC, het die party gesê.

Met die klem op die wen van die verkiesing, het Buthelezi gesê die verkiesing gaan ‘n twee-party saak wees tussen die IVP en die ANC in die provinsie.

“Al die aanduidings is dat dit ‘n baie naby saak gaan wees regdeur die land. Daar is werklik net twee moontlike wenners in die provinsie, die IVP en die ANC.”

Buthelezi het gesê hy is trots dat Zanele Magwasa-Msibi die party se premierskandidaat is in KwaZulu-Natal, en het gesê haar diensleweringsrekord is goed bekend in Zoeloeland, waar sy ‘n burgemeester was.

Hy het gesê die ANC-regering het nie daarin geslaag om diens te lewer in KZN nie.

“Die amptelike werkloosheidsyfer is meer as 30%, daar is ‘n agterstand van meer as 300 000 huise, meer as 6000 staatsamptenare word ondersoek vir behuisingsbedrog en die agterstand op klaskamers is amper 10 000.”сайт детских товаров

Obama gekritiseer oor Chavez-handdruk

President Barack Obama het Sondag sy eerste ontmoeting met Venezuela se leier en anti-Amerikaanse kritikus Hugo Chavez, wat deur kritici tuis as naïef en “onverantwoordelik” bestempel is, verdedig.

“Dit is onwaarskynlik dat as gevolg daarvan dat ek hande skud of ‘n beskaafde gesprek het met mnr. Chavez dat ek die strategiese belange van Amerika in gevaar stel,” het Obama aan verslaggewers gesê by die sluiting van die beraad van die Amerikas.

Maar, hy het beklemtoon dat hy steeds kommer het oor Venezuela en Chavez se gereelde hittige retoriek.

“Ek verskil baie met Hugo Chavez oor sake aangaande ekonomiese beleid en buitelandse beleid,” het Obama gesê.

“Daar is voorbeelde waarin ons gesien het dat Venezuela inmeng met sommige van die buurlande op maniere wat ek dink rede tot kommer wek,” het hy bygevoeg.

Obama en Chavez het Vrydag hier vir die eerste keer ontmoet by die opening van ‘n 34-nasies Amerikas-beraad, en foto’s van die ontmoeting wys die glimlaggende Amerikaanse leier terwyl hy Chavez se hand skud en hom op die skouer klop.

Itali? gaan rassismekonferensie boikot

Italië het bevestig dat hulle nie gaan deelneem aan die groot VN konferensie oor rassisme wat Maandag in Geneva open nie. Die konferensie word ook geboikot deur Amerika en Israel.

Die besluit is Sondag aangekondig deur die minister van buitelandse sake, het die plaaslike ANSA nuusagentskap berig, na Rome dit vir ‘n paar dae laat blyk het dat hulle teenwoordigheid afhang van die uitkoms van gesprekke oor 'n voorlopige verklaring deur die organiseerders.

Italië is die tweede EU-lidland, na Nederland, om te sê dat hulle die Durbanse Hersieningskonferensie sal misloop, te midde van vrese dat dit ‘n forum kan word om Israel te kritiseer.

België se minister van buitelandse sake het vroeër Sondag gesê gesprekke duur steeds voort met die oog om soveel as moontlik EU-lidlande te kry om dit by te woon.

Amerika en Israel het reeds aangekondig dat hulle die 5 dae vorm gaan boikot, net soos die oorspronklike Durbankonferensie in 2001, oor ‘n poging om Sionisme te vergelyk met rassisme.

Die Vatikaan, wat die status van waarnemer het by die VN, het Sondag bevestig dat hulle die geleentheid sal bywoonтопкарго

DA glo steeds in baasskap, s? De Lille

Die DA het steeds ‘n “baasskap” mentaliteit, het die Onafhanklike Demokrate (ID) se leier, Patricia de Lille gesê by haar party se laaste verkiesingsaamtrek Sondag.

Die ID is ‘n waarskynlike koalisievennoot vir die DA in die Wes-Kaap na 22 April, en is tans die tweede grootste party in die DA-geleide koalisie wat Kaapstad beheer.

“Die DA se probleem is dat hulle steeds daardie baasskap mentaliteit het”, het De Lille aan joernaliste by die saamtrek gesê wat gehou is by Delft op die Kaapse Vlakte.

“As mens net opstaan volgens jou regte en die konstitusie, opstaan vir die mense wat jy verteenwoordig, dan neem hulle dit as ‘n belediging.”

Sy het gesê die DA moet leer dat partye verskillende kiesafdelings verteenwoordig.

“Indien die DA dus opstaan vir ons kiesafdelings, behoort dit nie die koalisie te affekteer nie.”

De Lille het gesê daar sal definitief ‘n koalisie in die provinsie wees na 22 April, maar dat haar party nog nie die saak met enige ander party bespreek het nie.прессы

Blomme vir brandslagoffers van Paarl

Blomme gaan Maandag gelê word by Paarldrukkery na 9 van hulle werkers dood is in ‘n brand wat Vrydag uitgebreek het, het die maatskappy Sondag gesê.

Paarl Media Groep se woordvoerder Nelia Burger het gesê bestuur en personeel gaan om 8 uur ontmoet by die fabriek om blomme te lê en om verdere advies aan personeel te gee oor waar om te gaan aanklop vir mediese hulp of berading by die nuutopgerigte traumasentrum.

“Al die mense wat nog in die hospitaal is, is in 'n stabiele toestand, sommige is nog in die intensiewe sorgeenheid, maar stabiel en hulle is besoek deur ander personeel,” het Burger gesê.

Dit is nog nie bekend wat die brand veroorsaak het wat van die werkers beseer en ander gedood het nie.

Die polisie ondersoek steeds die saak.

Geheime oproep het die Berlynse muur laat val

Die Duitse televisie het Donderdag berig dat die storie van hoe die Berlynse muur skielik geval het 20 jaar gelede hersien behoort te word, om toe te laat vir ‘n “geheimsinnige telefoonoproep” wat gemaak is voor die skokaankondiging.

‘n Italiaanse verslaggewer wat die sleutelvraag gevra het by ‘n perskonferensie oor wanneer Oos-Duitsers die reg gaan hê om vryelik te reis na 28 jaar wat hulle vasgekeer was agter die muur, het aan die openbare uitsaaier ARD gesê dat hy ‘n geheime wenk ontvang het.

Na weke van massadefeksies van Oos-Duitsers na die Weste in die herfs van 1989, het ‘n vooraanstaande kommunistiese party-amptenaar, Geunter Schabowski, die pers byeengeroep om 'n aankondiging wat handel oor die opheffing van reisbeperkings voor te lees.

Die Italiaanse joernalis, Riccardo Ehrmann het toe die bepalende vraag gevra: “Wanneer sal dit van toepassing word?” en Schabowski wat duidelik onkant gevang was het geantwoord “direk, onmiddellik.” Die uit-die-vuis antwoord het eintlik die Berlynse muur daardie nag, 9 November 1989, afgebreek, toe derduisende vreugdevolle Oos-Duitsers na die grens gestroom het, waar hulle ontmoet is deur jubellende skares in die Weste.

Hoe dit ook al sy, wat geblyk het ‘n spontane uitruiling van woorde te wees, was geen toeval nie, het Ehrmann op ARD se Artourprogram gesê.

Kort voor die perskonferensie het Ehrmann gesê het hy ‘n “geheimsinnige telefoonoproep” gekry van ‘n hooggeplaasde amptenaar wat hy geken het in die Oos-Duitsland se regering.

Die amptenaar het aan hom gesê om “beslis oor die opheffing van die reiswet 'n vraag te stel” as hy, Schabowski, die pers ontmoet, en die res is geskiedenis.

Ehrmann, wat in Florence gebore is in 1929, is ‘n gereelde besoeker aan Berlyn en het verlede jaar Duitsland se Bundesverdienstkreutz, die Federale Kruis vir Meriete ontvang.

Zim renosters in gevaar

Bewaringsbewustes het alarm gemaak vir Zimbabwe se skaars renosters na ‘n skerp toename in wildstropery as gevolg van die ineenstorting van wetstoepassing in die land wat geteister word deur probleme.

Georganiseerde misdaadbendes maak renosters dood om die waardevolle horings te verkoop. Dit word gebruik as tradisionele medisyne in Asië en gekerf vir die handvatsels van seremoniële dolke in die Midde-ooste, het Raoul du Toit, hoof van suidelike Zimbabwe se Lowveld Rhino Trust Donderdag gesê in ‘n telefoonkonferensieoproep met joernaliste.

Zimbabwe se renosterbevolking het afgeneem van omtrent 830 in 2007 tot 740 in 2008, ten spyte van ‘n uitstekende geboortesyfer in gemoniteerde troppe, het Save the Rhino se uitvoerende direkteur Cathy Dean gedurende die konferensieoproep uit Londen gesê.

Save the Rhino meen ten minste 90 renosters is doodgemaak in 2008, twee keer die totaal van die vorige jaar, en bewaringsgroepe het 18 getel wat doodgemaak is sover in 2009. Die groep het ‘n beroep gedoen om verskerpte aksie deur die Zimbabwiese regering en internasionale agentskappe.

Du Toit het gesê die renosterstropers is “mense met karre, selfone en duur prokureurs” en nie desperate mense is dorpies wat nie kos het nie.

Wildstropery “het toegeneem as gevolg van ons onvermoë om ondersoek te kan instel, hoër markpryse en die groeiende Asiese voetspoor in suidelike Afrika,” het hy gesê.

blood suckers slot

Kubermisdaad floreer in swak ekonomiese klimaat

Die globale finansiële krisis dreig om ‘n toename in kubermisdaad te laat ontstaan, soos wat rekenaarspesialiste hulle werk verloor en hulle na onwettige metodes wend om ‘n inkomste te verdien, het ‘n senior beampte by Microsoft Donderdag gesê.

“Deesdae gaan die kuberaanvalle nie meer oor vandalisme nie, dit gaan oor kontant,” het Roger Halbheer, Microsoft se hoof sekuriteitsadviseur vir Europa, die Midde-Ooste en Afrika gesê.

“Kubermisdaad het beweeg van “koel” na kontant. En dit sal definitief toeneem vorentoe,” het hy aan AFP gesê tydens ‘n internasionale konferensie oor terrorisme en kuber-sekuriteit.

Hy het gesê dit is een van die dinge wat hom bekommerd laat, omdat hy verwag dat dit gaan toeneem.

Hy het gesê die krisis beteken baie mense wat goeie kennis het van die industrie is nou sonder werk.

“Dit beteken hulle het tyd en hulle het geen geld nie,” het hy gesê.

casino sign up

Afrikane be?indig hongerstaking

Meer as 100 Afrikane het ‘n tweemaande hongerstaking beëindig in ‘n parkeerarea van ‘n universiteit van Brussel, na hulle driemaande verblyfpermitte gekry het, het ‘n woordvoerder Donderdag gesê.

“Hulle het gisteraand hulle eerste ete genuttig, maar sal met tyd na dikker sop beweeg. Die prioriteit is om hulle gesondheid terug te kry sodat hulle werk en blyplek kan kry en weer normaal kan funksioneer,” het Omar Diarra, ‘n woordvoeder vir die protesteerders gesê.

Die skuif was ‘n ommekeer vir die immigrasiekantoor wat voorheen gewaarsku het dat om toe te gee aan die eise van die hongerstakers net soortgelyke protesaksies sal veroorsaak.

Die besluit om driemaande permitte toe te staan is geneem vir “mediese en humanitêre redes”, het die kantoor wat onder die Belgiese minister van binnelandse sake val, gesê.

Soortgelyke stakings, wat hoofsaaklik uit Afrika se, maar ook Latyns-Amerikaanse immigrante bestaan, gaan egter elders voort in kerke en universiteite in die Belgiese hoofstad.

Die 103 wat permitte gekry het, het Donderdagoggend op matrasse gelê in die ondergrondse parkeerarea by die Vrije Universiteit in Brussel, waar hulle sedert 16 Februarie was.

Omtrent 600 mense wat verblyfpermitte soek het protesaksies begin by verskillende plekke in Brussel, met sommiges wat alle voedsel behalwe suikerwater en tee weier sedert middel Februarie.