Duitsland – Bladsy 8

Griekeland se Tsipras kry tweede kans

Alexis Tsipras se linkse Syriza Party het opposisiepartye in die algemene verkiesings in Griekeland verslaan.

Meer as vier uit elke tien Griekse kiesers het egter nie in Sondag se verkiesing gaan stem nie, ‘n aanduiding dat kiesers vuisvoos is.

Die 41-jarige leier is nietemin ’n tweede kans gegun om van die land se reuseskuldlas ontslae te raak en omvattende hervormings deur te sien om die regering en die ekonomie te moderniseer.

Strydig met meningsopnames het Tsipras’n gemaklike oorwinning oor die konserwatiewe Nuwe Demokratiese Party behaal en ’n koalisie met die klein regse Onafhanklike Griekse Party gevorm.

“Die mense van Griekeland het onder moeilike omstandighede vir ons ’n duidelike opdrag gegee om ontslae te raak van dinge wat ons in die verlede vasgevang hou,” het Tsipras aan verslaggewers in Athene gesê.

Tsipras se Syriza het 35,5% van die stemme gekry en die Nuwe Demokratiese Party 29,1%.

Die land staar streng besuiningsmaatreëls in die gesig nadat ‘n derde internasionale finansiële reddingsboei onderhandel moes word vir die Grieke om in die Eurosone te bly.

Die verkiesing kom midde in Griekeland se stryd om met die Europese vlugtlingekrisis kop bo water te hou.

Net sewe maande in sy eerste presidentstermyn, het Tsipras sy meerderheid in die parlement verloor nadat regsgesinde rebelle in sy party streng nuwe voorwaardes teengestaan het waarop die Euro-sonelande in ruil vir die 86 miljard Euro reddingspakket aangedring het.

Die maatreëls het onder meer hoër verkoopbelasting, hoër belasting vir sakeondernemings, veranderinge in openbare administrasie en verdere besnoeiings aan pensioene vir die land se verouderende bevolking ingesluit.

Die rebelle, wat weggebreek en hul eie party gestig het, kon nie daarin slaag om ’n enkele setel in die parlement te verower nie.

Na jare se resessie en streng hervormings is ’n kwart van die land se bevolking steeds werkloos en die nasionale skuld staan op 175 persent van die land se jaarlikse inkomste. Die voortgesette swaarkry het meegebring dat Grieke min entoesiasme tydens die kort verkiesingsveldtog getoon het.

Die nuwe regering het ’n klein meerderheid van net vyf setels en min tyd om te verspeel. Krediteure sal na verwagting die hervormings hersien as deel van die finansiële reddingsboei.

Die regering moet nog die nasionale begroting vir 2016 opstel en ’n kritieke program in werking stel om die banke te herkapitaliseer.

Totale migrasie-ramp tref Duitsland

Dat zich in Zuid-Duitsland door de massale illegale immigratie een ramp voltrekt, dringt nog niet tot iedereen door. Politici in Berlijn proberen de indruk te wekken dat Duitsland de komst van een miljoen asielzoekers dit jaar wel kan verwerken. “Wir schaffen das”, zei bondskanselier Angela Merkel (CDU): “Het gaat ons lukken”.

Maar dit is helemaal de vraag. Kijk naar een huilende vrouwelijke afgevaardigde uit Beieren, de zuidelijke regio die de zwaarste klappen moet opvangen. Op een bijeenkomst van haar sociaal-democratische partij, de SPD, in Berlijn, waar zo’n driehonderd regionale en lokale SPD-politici hun hart kwamen luchten over de onhoudbare toestanden in hun gemeentes en regio’s, deed een moedige Brigitte Meier behalve emotionele ook zeer verontrustende uitspraken. “De openbare veiligheid is in het geding!”, zegt zij, nee, roept zij naar de zaal.

Kijk en huiver. Dit is een opname van een besloten SPD-bijeenkomst in de Rijksdag. Die vrou is in trane!

Vertaling uit Duits:

“Er moet iets veranderen. Stelt u zich voor wat dit veiligheidstechnisch allemaal betekent. Het Oktoberfeest begint, met 7 miljoen bezoekers – Ik heb het hier over een acuut veiligheidsprobleem! – dit kan het hoofdstation van München helemaal niet meer aan!

Er kwamen de afgelopen twee weken 55.000 mensen naar München, 55.000, en we konden de treinen niet meer doorsturen omdat jullie, uit de andere regio’s, die vluchtelingen weigerden. Op Nedersaksen en Noordrijn-Westfalen na! Dank daarvoor!

Als dit zo doorgaat dan kunnen we de openbare veiligheid niet meer garanderen. Als het ons niet gaat lukken… We hebben ons al afgevraagd bij Sociale Zaken in München of we misschien de noodtoestand moeten uitroepen, net als bij overstromingen. Maar dat was al nutteloos geweest in dit geval, dat stadium zijn we al voorbij. Alle hulpdiensten waren al gemobiliseerd, misschien hadden we nog twee dagen nieuwe bedden en tenten kunnen krijgen.

Zelfs dat helpt ons dus niet meer. Daarom zijn we zo ongeduldig.

De vraag hier is: erken wat zich in Passau, Rosenheim en München afspeelt! Kom zelf kijken wat er bij ons aan de hand is. De situatie in het zuiden van deze republiek zal snel veiligheidstechnisch buiten controle raken. We wilden de Olympiahal openen, maar we wisten niet eens hoe en met wat. Er waren geen bedden en dekens, we zochten al naar luchtbedden, we hebben via vrijwilligers die spullen bij elkaar moeten zoeken.

En met wie? Het Technisches Hilfswerk, het Duitse Rode Kruis, ze konden niet meer, die mensen waren aan het einde van hun krachten, We hebben notabene het leger in moeten schakelen!

Dat is de stand van zaken in Beieren, overal. In Passau, in Rosenheim en München.”

Migrante-kwessie raak radio-aktief vir EU-politici

Duitsland se besluit om Sondag grensbeheer weer in te stel het daartoe gelei dat een ná die ander buurland ook grensbeheermaatreëls ingestel het.

Kanselier Angela Merkel het onder druk van woedende buurlande geswig om die Oostenrykse grens te sluit. Die Duitse beleid van oop grense het vir die meeste politici ‘n radio-aktiewe kwessie geraak soos woedende kiesers daarteen fulmineer.

Hongarye, die hoofpoort vir migrante en ’n land wat van die begin af gekant was teen die oopstel van grense, het dadelik gereageer.

Die Hongaarse regering het onmiddellik ’n spoorlyn gesluit waarlangs tienduisende migrante dié land te voet binnekom.

“Ons sal ’n nuwe era begin,” het Zoltan Kovacs, regeringswoordvoerder, gesê. “Ons gaan die instroming van onwettige migrante oor ons grense stop.”

Meer as 190 000 migrante het Hongarye vanjaar binnegekom en Maandag was daar meer as 9 000 migrante – ’n rekord vir ’n enkele dag.

Vir die fortuinsoekers is die kans op ’n nuwe lewe besig om vinnig te verdwyn namate die Hongaarse regering hom haas om die grensheining te verhoog sodat niemand daar kan oor nie.

Volgens die regering sal die migrante wel toegelaat word om by die amptelike grensbeheerpunte om asiel aansoek te doen. As hulle egter die land van Serwië af binnekom en nie reeds daar aansoek om asiel gedoen het nie, sal hulle teruggestuur word.

Op ’n vergadering in Brussel het die meeste binnelandse ministers van die Europese Unie in beginsel besluit om die 120 000 asielsoekers onder hul lande te verdeel. Die besonderhede daarvan word eers op 8 Oktober gefinaliseer.

Daarbenewens is verskeie lande in Sentraal-Europa nie gelukkig met die voorgestelde kwotas nie.

Migrante-krisis aanstons in Luxemburg bespreek

Die migrante-krisis in Europa sal op 14 September in Luxemburg bespreek word.

Ongunstige publisiteit oor die dodetal van omwettige aankomelinge wat reeds in hul tog oor land en op see omgekom het, noop EU-lidlande om te reageer.

Minstens 2 500 migrante is sedert Januarie vanjaar dood, van wie die meeste in die Middellandse See verdrink het.

Die migrante vlug van armoede in die Midde-Ooste en Afrika, asook chaos wat Amerikaans-gesteunde rebelle en NAVO in Sirië en Libië gesaai het.

Luxemburg, waar die roterende EU-voorsitterskap gesetel is, het die ministers van al 28 lidstate versoek om op 14 September te vergader en gesê: “Die situasie van die migrasieverskynsel buite en binne die EU het die afgelope tyd ongekende afmetings aangeneem.”

Die Duitse kanselier Angela Merkel, het vroeër ‘n beroep op lidlande gedoen om ook die las te dra aangesien Duitsland verwag dat die getal asielsoekers in 2015 in dié land viervoudig tot omtrent 800 000 gaan toeneem.

“Indien Europa solidariteit het en ons solidariteit teenoor ander bewys het, dan moet ons ook nou solidariteit wys,” het sy aan verslaggewers in Berlyn gesê. “Alles moet nou vinnig gebeur.”

Merkel het erken dat die groot getalle migrante na die land, tot ingrypende verandering kan lei, met meer as 18 000 vlugtelinge wat die afgelope naweek Duitsland binnegestroom het.

Volgens marknavorsing het bykans die helfte van bevolking voorbehoude oor die getal migrante wat in Duitsland toegelaat word.

Duitsland het vroeër bekend gemaak dat hulle 31 000 migrante sal inneem.

Luxemburg het gesê die vergadering sal fokus op die beleid om migrante terug huis toe te stuur en maatreëls om mensesmokkelary te voorkom.

Die Italiaanse kuswag het gesê bykans 1 600 mense is die naweek in die Middellandse See gered en na Italië gebring.

Sekere regerings weier om vlugtelinge in te neem en het die EU se voorstelle teengestaan om nog meer onwettiges te akkomodeer.

Kiesers van links en regs is gekant teen die instroming. In Nederland, Oostenryk en Frankryk groei die steun vir regse anti-immigrasiepartye. In Duitsland is daar benewens kritiek uit Merkel se eie politieke sentrum-geledere, ook teenkanting van links.

Die Italiaanse premier, Matteo Renzi, het gesê die groeiende dodetal sal druk op die EU-state plaas om die probleem te konfronteer. “Dit sal maande duur, maar ons sal een Europese beleid oor asiel hê en nie soveel beleide soos wat daar lande is nie,” het hy gesê.

Duisende stroom na Oostenryk, Duitsland met #refugeeconvoy

‘n Konvooi van sowat 140 motors wat hoofsaaklik deur Duitse en Oostenrykse aktiviste bestuur word, help om vreemdelinge na Duitsland en Oostenryk te vervoer.

Die konvooi het Hongarye binnegegaan om “vlugtelinge” op te laai om hulle te help om in lande te kom waar hulle van staatshulp kan leef.

Duisende fortuinsoekers, die meeste wat aanvanklik weens die konflik uit Sirië “gevlug” het, is Moslemmans.

Byna geen vroue is op pad na Oostenryk en Duitsland sedert Hongarye die beperkings op deurgang Vrydag opgehef het nie.

Die konvooi van linkse aktiviste het uit Wene vertrek om migrante uit Boedapest te gaan haal.

Die konvooi is deel van ‘n private inisiatief, georganiseer deur Oostenrykse en Duitse aktiviste, genaamd “refugeeconvoy”

Een aktivis het aan die BBC gesê die doel is om die immigrante oor die grens na Oostenryk te bring waar hulle gehuisves sal word.

‘n Oostenrykse moeder, Angelika Neuwirth sê: “Ek dink dit is my plig. Ek is ‘n mamma, ek is ‘n vrou van Oostenryk en ek kan my oë nie meer sluit nie. Ons is almal mense. Niemand is onwettig.”

Maar, ‘n Hongaarse polisiebeampte het bevestig dat enigiemand wat migrante oor die grens vervoer, die wet oortree.

Dit is net die nuutste ontwikkeling in die huidige instromingskrisis, wat Europa bring op sy knieë het.

Saterdag, het 10000 migrante per bus, trein en te voet, na die Oostenrykse grens beweeg, na Wene, München en ander Duitse stede.

Daar is egter aanduidings dat Duitsland en Oostenryk strenger immigrasiebeheer kan instel nadat duisende tans vrylik uit Hongarye beweeg.

Die Oostenrykse kanselier, Werner Faymann, het samesprekings tussen Duitse en Oostenrykse amptenare oor die kwessie in die vooruitsig gestel.

Volgens die Britse Uitsaaikorporasie het Faymann aangedui dat meer as twaalfduisend mense gehelp is en dat dit nou tyd is om weer die situasie te “normaliseer”.

Die Duitse ministerie van binnelandse sake het intussen verklaar dat Duitsland se bereidwilligheid om te help nie misbruik moet word nie.

Migrante-krisis verdiep

Skermutselinge het uitgebreek wes van die Hongaarse hoofstad, Boedapest, nadat die polisie probeer het om migrante van ‘n trein by ‘n vlugtelingkamp te laat afklim.

Te midde van chaotiese tonele, het die polisie joernaliste van die toneel verwyder op Bicske, en verklaar dat dit ‘n “operasiesone” is.

Die trein het Budapest ure tevore verlaat nadat die polisie migrante weer by die stasie toegelaat het na ‘n beleg wat twee dae geduur het.

Intussen het daar skerp verskille tussen Europese leiers voorgekom oor hoe om die krisis te hanteer.

In Brussel, het Hongarye se Eerste Minister Viktor Orban die situasie as ‘n “Duitse probleem” beskryf omdat die migrante na Duitsland probeer gaan.

Maar die president van die Europese Raad, die Pool Donald Tusk, het gesê dat ten minste 100 000 vlugtelinge versprei moet word oor al die EU-lande.

Die krisis het Woensdag verdiep nadat hartverskeurende beeldmateriaalpropaganda oor die “menslike koste” versprei is.

Die Independent het ‘n foto van ‘n dooie klein wit seuntjie op sy voorblad geplaas. Die meeste migrante is egter nie wit nie.

Vyf migrantekinders onder 12 het in Turkse waters verdrink toe hulle probeer het om Griekeland met hul ouers te bereik.

Die Duitse kansellier, Angela Merkel en die Franse president, Francois Hollande sê hulle sal gesamentlike voorstelle indien vir die regverdige verdeling van vlugtelinge binne die Europese Unie.

Die twee leiers sê Europa moet beslissend optree en dat hy ‘n verpligting het om diegene wat vlug van oorloë en vervolging, te beskerm.

Merkel sê die Geneefse konvensie oor Vlugtelinge is bindend en alle EU-lidlande sal hul samewerking moet gee.

Dene, Duitsland waarsku dat migrantekrisis kan hande uitruk

Sommige Europese regerings weier om migrante in te neem en bied weerstand teen EU-voorstelle om die aankomelinge te huisves.

Die huidige voorstelle behels dat alle lidlande migrante uit Afrika, Asië en die Midde-Ooste moet inneem.

Magneetlande soos Duitsland besef dat afkeur teen immigrasie by kiesers bou en probeer die probleem versprei.

Die Deense sekretaris vir Vlugtelinge, Andreas Kamm, was eers ‘n multikulturalis, maar het dié week gewaarsku dat Europa op Armageddon afstuur.

Die Duitse regering sê hulle sal nie kan voortgaan om die buitensporige toeloop van vlugtelinge te akkomodeer nie.

‘n Duitse regeringswoordvoerder het gesê Duitsland verwag dat die aantal asielsoekers wat reeds die land binnegestroom het, viervoudig tot sowat 800 000 vanjaar gaan toeneem.

Na verwagting kan hierdie getal vanjaar selfs een miljoen haal.

“Duitsland en ’n paar ander lande ontvang verreweg die meeste vlugtelinge,” het Steffen Seibert, ’n woordvoerder van die regering, op ’n mediakonferensie gesê.

“Daar is 28 EU-lidlande en hierdie situasie kan nie voortduur nie. Daar moet ’n regverdiger verspreiding en meer samehorigheid wees.”

Honderde voorvalle van brandstigting by migtantekampe in Italië en Duitsland is reeds aangemeld en meer as 30 polisielede is verlede naweek beseer in oproer in die oostelike stad Heidenau, naby Dresden, toe protes teen so ‘n kamp handuit geruk het.

Opstande in migrantekampe in Frankryk kom gereeld voor, maar linkse Franse leef steeds in ontkenning oor die probleem.

Die mate waartoe linksers is staat is tot selfmisleiding ten spyte van daaglikse harde bewyse dat hulle die inval verkeerd takseer, is legio.

LiveLeak het ‘n video-opname van linkse Franse wat die “verbruikersamelewing” blameer vir hoe sogenaamde “honger vlugtelinge” optree geplaas.

Saterdag het 5 000 linkses deelgeneem aan ’n optog in Dresden om hul steun aan die migrante te betoon, maar Oostenryk het toegangsbeheer by grensposte in die ooste van die land verskerp nadat 71 vlugtelinge verlede week dood in ‘n verlate vragmotor op ‘n hoofweg gevind is.

Die voertuig het deur Hongarye toegang tot die EU verkry.

“Ons sal vir ‘n onbepaalde tyd (strenger) beheermaatreëls by alle belangrike grensposte in die ooste van die land toepas en alle voertuie ondersoek waarin mense moontlik versteek kan word,” het Johanna Mikl-Leitner van die departement van binnelandse sake gister aan ORF-radio gesê.

Oostenryk grens in die ooste aan Hongarye, Slowakye, Slowenië en die Tsjeggiese Republiek.

Die Hongaarse nasionale nuusagentskap MTI het berig oor reuse verkeersopeenhopings van meer as 20km op ‘n hoofweg wat na die grens met Oostenryk lei. Daar was na wat berig word ook ‘n opeenhoping op ‘n sekondêre pad na die grens.

Die polisie het die afgelope drie dae meer as 8 700 migrante wat Hongarye binnegekom het, in hegtenis geneem.

Intussen werk ‘n Amerikaanse hulporganisasie MOAS, onverpoos om vlugtelinge na Italië te bring.

Griekeland se eerste minister bedank

Die Griekse premier, Alexis Tsipras het bedank en het aangekondig dat ‘n blitsverkiesing op die 20ste van aanstaande maand gehou sal word.

Sy bedanking volg kort nadat die land die eerste betaling van 13 miljard Euro van die Eurogebied ontvang het, maar daar heers onenigheid in sy party weens ‘n nuwe ekonomiese reddingsboei wat met internasionale krediteure aangegaan is.

Tsipras het verlede week die parlement se steun gekry vir ‘n drie jaar program van erge besnoeiings, maar Grieke is oor die algemeen ontevrede oor die besparingsmaatreëls.

Dit is die derde keer in net meer as ‘n jaar dat Griekeland na die stembus gaan.

Die eerste 13 miljard Euro sal die land in staat stel om skuld aan die Europese Sentrale Bank terug te betaal en slegte skuld te vermy.

Die besuinigingsmaatreëls wat ingestel moet word om die reddingsboei te ontvang het tot ‘n opstand in die linkse vleuel van Tsipras se party gelei.

Die Internasionale Monetêre Fonds het intussen gesê Griekeland het daadwerklike skuldverligting nodig.

Dit volg nadat Duitsland geweier het om Griekeland se skuld af te skryf, maar langer betalingstermyne of laer rentekoerse voorgestel het as voorwaardes vir ‘n derde reddingsboei.

Vroeër het die Duitse parlement met ‘n oorweldigende meerderheid gestem om ‘n nuwe reddingsboei vir Griekeland te steun.

Stamme woedend vir Duitsers dat volksmoord ander raak

Die nasate van die volksmoordslagoffers wat ‘n lesing bygewoon het, verskil van die Duitse Evangeliese Kerk van Wesfale wat meen volksmoord in Namibië moet nie slegs tot twee stamme beperk word nie.

Dit is verlede week deur dr. Ulrich Möller tydens ’n openbare lesing in Windhoek aangevoer, het die Republikein berig.

Volgens mnr. Johannes Matundu hanteer die Duitsers die volksmoordkwessie, soos hulle dit ag, nie sensitief genoeg nie.

Matundu sê dat “Duitsland nie die speler en die skeidsregter op dieselfde tyd kan wees nie”, deur vir die nasate van die slagoffers voor te skryf hoe om op die kwessie te reageer.

“Dit was duidelik in die uitwissingsbevel watter stamme uitgeroei moet word. Dus, daar is geen sensitiwiteit in hierdie geval nie,” het Matundu gesê.

Dit is op grond hiervan dat Mautundu die mening van die Duitse kerk verwerp om ander stamme in te sluit.

Hy sê sou ander stamme meen hulle het ’n saak teen die Duitsers, hulle dit op hul eie moet aanvoer.

“Dis nie dat ons die volksmoord ’n stamkwessie maak nie, maar die waarheid is dat dit ons, die Ovaherero en die Nama, geteiken was,” het die voorsitter van die Ovaherero-Ovambanderu Volksmoordstigting (OGF), me. Utjiua Muinjangue, gesê.

Sy sê dat die nasate van die volksmoordslagoffers en die Duitse en Namibiese regerings die onderhandelinge met behulp van ’n onafhanklike bemiddelaar moet voer. Möller se mening is egter dat ’n onafhanklike bemiddelaar nie nodig sal wees nie.

Maar volgens Möller moet volksmoord-onderhandelinge nie tot die Ovaherero en Nama beperk word nie.

Die mening van dié kerk is dat ander stamgroepe ook by die onderhandelinge ingesluit moet word, omdat hulle ook in die proses vermoor is.

“Ons moet ons horisonne ter wille van vrede verbreed,” het Möller gesê.

Die kerk se mening in hierdie verband is dat die Duitse regering die Namibiese regering geldelik moet ondersteun om vir die skade te vergoed wat Namibië as gevolg van die volksmoord gely het.

Duitsland maak reg vir duisende asielsoekers

Die wêreld se grootste handelsuitstalterrein in Hanover, Duitsland, gaan ruimte beskikbaar stel vir sommige van die duisende vlugtelinge wat in Duitsland op gedaag het.

Die land het met ‘n skerp toevloei van migrante te doen wat na verwagting later vanjaar die 500 000 kerf sal haal.

Die kantoor vir Migrasie en Vlugtelinge sê tydelike woonstrukture sal opgerig word.

In ander stede het die owerheid tente opgeslaan om die asielsoekers te huisves.

Die land het ‘n ruim welsynstelsel in vergelyking met EU-standaarde, en is by verre die mees gewilde bestemming vir vlugtelinge uit krisisstreke in die Midde-Ooste, Noord-Afrika en Oos-Europa.

In 2014, het asielaansoeke in die EU tot 626 065 gestyg, ‘n 44 persent toename van die vorige jaar. Die meerderheid is Arameërs en een derde reis na Duitsland.

Volgens die mees onlangse VN-data, het Duitsland meer asielaansoeke ontvang as enige ander land in die wêreld in die eerste helfte van verlede jaar – 42 persent meer as die VSA.

In Mei het ‘n nagklub in Ingolstadt, ‘n klein dorpie in die konserwatiewe suidelike staat van Beiere, ‘n herrie veroorsaak nadat die klub ‘n volstrekte verbod op immigrante geplaas het.

Die eienaar beweer dat asielsoekers van ‘n nabygeleë skuiling vroulike gaste teister, jasse steel en probeer om gratis drank te kry.

In ‘n onderhoud met Duitsland se grootste nasionale dagblad, die Süddeutsche Zeitung het die eienaar geen poging aangewend om sy besluit polities korrek te laat klink nie. “Swartes het ‘n probleem met vroue en Arabiere het ‘n probleem met aggressie,” het hy aan die koerant gesê.

Immigrante na Duitsland neem toe

Die aantal nuwe aankomelinge in Duitsland het volgens federale statistiek verlede jaar tot 10,9 miljoen mense toegeneem.

Verlede jaar het 6,4 miljoen mense van buitelandse afkoms in Duitsland gewoon. Dit is een uit elke vyf inwoners van die land. Die meeste, 56 persent, het Duitse burgerskap.

Duitsland het lank weerstand gebied teen die benaming “land van immigrasie” en het eers in 2005 statistiek oor migrante begin insamel.

In 2012 was Duitsland wêreldwyd die tweede gunsteling bestemming vir buitelanders, naas Amerika.

Die 2014-data toon die grootste toename in immigrasie het uit ander lidlande van die Europese Unie gekom. Pole, Roemenië, Italië, Bulgarye en Hongarye het die grootste aantal mense opgelewer wat hulle in Duitsland gevestig het.

Ondertussen is emosionele debatte aan die orde van die dag in Duitsland oor beplande wetgewing om die vloei van immigrante en asielsoekers te reguleer.

Duitsland hoop om hoogs gekwalifiseerde immigrante te lok, maar lok ‘n groot aantal mense wat van oorlog, vervolging en armoede vlug.

Die drastiese veranderinge het vanjaar gelei tot ‘n toename in behoudende, anti-multukulturele optogte.

Aanvalle op instellings wat skuiling aan asielsoekers bied, is ook aangeteken.

Merkel wil glo vir vierde termyn aanbly

Kanselier Angela Merkel, wat Duitsland sedert 2005 regeer, het besluit om vir ‘n vierde termyn te staan en het begin met die beplanning haar 2017-herverkiesingsveldtog het Der Spiegel berig.

Peter Tauber, sekretaris-generaal van Merkel se Christen-demokratiese (CDU) party en effektief ook haar veldtogbestuurder, wou nie kommentaar lewer toe hy gevra is oor die Reuters-berig nie.

“Dit is die somervakansieseisoen as jy nie opgemerk het nie,” het Tauber geantwoord op Twitter toe hy gevra is oor die berig.

Merkel, wat op 17 Julie 61 geword het, het nie kommentaar gelewer oor of sy vir ‘n vierde termyn sal staan nie. Sy is op stapvakansie in die Alpe.

Duitsland onder Merkel, lei Europa se grootste ekonomie. Sy was aan die spits deur 2008 se finansiële krisis en talle euro-sone storms.

Daar is geen termynbepalinge in Duitsland nie en die laaste CDU-kanselier, Helmut Kohl, het vir 16 jaar in sy pos gedien voordat hy vir ‘n vyfde termyn in 1998 deur Gerhard Schroeder van die Sosiale Demokrate (SPD) uitgeknikker is.

Twee Duitse joernaliste van hoogverraad aangekla

Duitsland ondersoek ‘n saak van hoogverraad teen ‘n nuuswebtuiste wat volgens berigte berig het oor planne om staatsmeeluistering van aanlyn-kommunikasie te verskerp.

Volgens die Duitse media is dit die eerste keer in meer as 50 jaar wat joernaliste van hoogverraad beskuldig word.

Joernaliste Andre Meister en Markus Beckedahl is in kennis gestel van die ondersoek op 24 Julie.

Die meeste veroordeel die optrede en noem dit ‘n aanval op die vryheid van die media. Die Duitse Joernalistevereniging (DJV) eis dat die staat dadelik die klag terugtrek.

‘n Woordvoerder van die staatsaanklaer sê hulle stel ondersoek in na artikels wat op Netzpolitik-punt-org gepubliseer is.

Dit volg na ‘n klagte deur Duitsland se binnelandse intelligensie-agentskap. Die artikels is glo op geheime dokumente gegrond wat uitgelek is.

Duitser vermoedelik agter Somaliese bomaanval

Aanvanklike inligting in die voortgesette ondersoek na die hotelbom in die Somaliese hoofstad, Mogadisjoe, dui daarop dat die bomaanvaller waarskynlik ’n Somalies-gebore Duitse burger was, het AFP berig.

Hy het met ’n vragmotor vol plofstof in die hotel ingejaag. DNS-toetse word nou op die oorblyfsels van die oorskot van die bomaanvaller gedoen. Regeringsbronne sê die vermeende bomaanvaller het die afgelope paar jaar in Somalië gewoon.

Verskeie Somaliërs met dubbele burgerskap het in die verlede selfmoordbomaanvalle uitgevoer. In Februarie het ’n Nederlands-Somaliese man en vrou hulself in Mogadisjoe se Central Hotel opgeblaas en die lewe van minstens 25 mense geëis.

In 2008 het die eerste Amerikaanse selfmoordbomaanvaller, die 26-jarige Amerikaans-Somaliese burger Shirwa Ahmed, homself in Puntland in die noorde van Somalië opgeblaas.

Die Al-Kaïda-geaffilieerde Al-Sjabaab-terreurorganisasie het ’n lang geskiedenis waarin geradikaliseerde lede van Somalië se wydverspreide diaspora asook buitelandse vegters gelok word.

Die groep veg om die Westers-gesteunde regering in Mogadisjoe omver te werp.

Die Münchense tydskrif “Focus” het vroeër berig dat sowat 15 Duitsers tans in Somalië saam met die terreurgroep Al-Sjabaab veg.