staking – Bladsy 6 – praag.co.za

Rooihuiskraal: Inwoner met wapen gedreig by stortingsterrein

Beampte dreig wit inwoner met hand op sy wapen

Die polisie moes ingryp na ‘n ongelukkigheid by die Rooihuiskraalse stortingsterrein.

Die metropolisie het Saterdagmiddag by die stortingsterrein in Rooihuiskraal die situasie onder beheer probeer dwing.

Die ingang tot die terrein is afgesper en geen voertuig word mee toegelaat nie.

Die metropolisie het die terrein offisieël as gesluit verklaar.

Persone wat tuinvullis wil verwyder word na stortingsterreine in Krugerlaan en Attridgeville verwys.

Talle mense het vroeër vandag in toue buite die terrein gestaan om hul vullis daar te stort.

Die vullis in die terrein het in een dag verdubbel en dit het veroorsaak dat daar nie spasie is vir die houers wat daar moet staan nie.

Diegene wat hul tuinvullis Saterdag by die Rooihuiskraal stortingsterrein wou aflaai is deur munisipale werkers weggewys.

“Dit is ‘n groot gemors. Die mense word geïntimideer,” het Steven Claasen gesê nadat hy probeer het om sy vullis te stort.

Die werkers het glo instruksies vanaf die Tshwane-metro ontvang om mense weg te wys.

Vullis is in die pad gegooi en die ingang is toegesper met boomstompe. Die wat dit wel waag om in die terrein te stort, word gedreig.

Foto’s van motors se registrasienommers word ook geneem, ook glo op die opdrag van die munisipaliteit.

Die rede waarom die terrein gesluit is, is onbekend.

Die werkers het egter aan Rekord vertel dat die voertuie buitewerking is en daarom is die vullis nie verwyder nie.

Dit het veroorsaak dat die gemors by die stortingsterrein opgehoop het en dit nou te vol is.

Inwoners voel egter dat hulle vir hierdie dienste betaal en dring daarop aan om dit te gebruik.

“Dis hulle reg om te staak, maar hulle kan ons nie dwing om iewers anders te stort nie,” het Ben Kriegler gese.

‘n Man en sy werkers is Vrydagmiddag by ‘n stortingsterrein in Rooihuiskraal met ‘n vuurwapen gedreig toe hulle tuinvullis daar wou weggooi.

‘n Werkgewer en sy werkers is deur die sekuriteit by die stortingsterrein weggewys en ‘n sekuriteitswag het sy hand op sy pistool gesit en gedreig om hulle te skiet indien hulle hul vullis daar sou stort.

Volgens die wit man het die werkers by die terrein hulle ingelig dat die trokdrywers van Tshwane Metro besig is om te staak en daarom is die stortingsterrein gesluit.

Hy het gesê dat hy vroeër in die week ook probleme ervaar het om sy vullis daar te stort, maar was nog nooit gedreig nie.

“Ek werk al vir 13 jaar saam met hierdie mense, maar nou dreig hulle ons sommer,” het hy gesê.

Hy is geskok dat so iets by ‘n plek so eenvoudig soos ‘n stortingsterrein kan gebeur. – looklocal.co.za

Dringende aansoek na intimidasie by vulstasies

Die Brandstof Kleinhandelaarsvereniging het aansoek om ‘n dringende interdik gedoen ná voorvalle van intimidasie teen nie-stakende werkers in die brandstof- en motorverwante bedrywe.

Volgens die vereniging was daar gister alleen 20 voorvalle.

Vroeër die week is twee fotograwe ook aangerand. Die vakbond, SATAWU in die Vrystaat sê vragmotorbestuurders wat brandstof by vulstasies aflewer word aangeval.

Numsa se woordvoerder, Irvin Jim, het die optrede van die Brandstof Kleinhandelaarsvereniging as goedkoop truuks afgemaak en sê die vakbond sal dit teenstaan.

Die werkers staak sedert Maandag vir beter salarisse. – RSG

Numsa-optog kan Bloemfontein ontwrig

Die verkeer in Bloemfontein sal na verwagting vandag ontwrig word wanneer honderde lede van die vakbond Numsa ‘n optog hou en ‘n memorandum met eise aan die Kleinhandelmotorbedryf oorhandig.

Veiligheidsmaatreëls sal met die oog op die optog verskerp word. Werkers in die voertuigonderdele- en brandstofbedrywe wat sedert Maandag staak, eis ‘n verhoging van 30 rand per uur.

Hulle eis ook ‘n nagskoftoelae van 20 persent meer as die standaardtarief.

Numsa sê hulle gaan voort met die optog ondanks die onderhandelings wat in Johannesburg voortgesit word. – RSG

Regering wil ingryp om skade van staking te beperk

Die Minister van Minerale Hulpbronne, Susan Shabangu, het aan die media in Pretoria gesê indien die staking nie gou opgelos word nie, gaan dit die ekonomie ‘n knou kry.

Die regering is gereed om in te gryp in die goudmynsektor om skade wat die loongeskil aan die ekonomie veroorsaak, te keer.

Duisende vakbondlede van NUM het aangedui dat hulle by goudmyne in Gauteng en Noordwes sal begin staak.

Salarisonderhandelings het reeds twee maande gelede op ‘n dooiepunt bereik en vakbonde het ‘n finale aanbod deur die Kamer van Mynwese verwerp.

Na beraming kan die staking lei tot ‘n produksieverlies van meer as R350 miljoen per dag. Shabangu sê indien die regering moet ingryp, sal alle rolspelers betrek word.

Intussen staak werkers ook in die voertuigvervaardigingsbedryf en konstruksiesektor wat ‘n verdere nadelige uitwerking op die ekonomie het.

Ongeveer ‘n honderd werkers van Anglo American Platinum op Rustenburg in Noordwes wat afleggingskennisgewings ontvang het, het by die myn se Khomanani nommer twee skag byeengekom vir terugvoer van hul verteenwoordigers.

Amplats het vroeër aangedui dat meer as drieduisend werkers afgedank sal word. Die maatskappy sluit sy Khuseleka en Khomanani skagte in ‘n poging om mededingend te bly.

Myners vrees vir hulle toekoms en hoop dat Amplats sy besluit sal heroorweeg. Die strydende vakbonde, AMCU en die NUM, dreig met optrede.

Die myn se veiligheidsbeamptes monitor tans die situasie.

Rustenburg se voortbestaan in gedrang weens mynbou-onrus

'n Winkelsentrum in Rustenburg — ‘n Winkelsentrum in Rustenburg

deur Johannes Myburgh

Onrus in die mynbousektor het Suid-Afrika ontstig, maar die voortdurende chaos het die land se platinumgordel baie swaar getref, wat selfs die voortbestaan van ‘n hele stad in die gedrang bring.

Eers was daar die geweld en toe die gepaardgaande afleggings.

Ná maande van arbeidsonrus en jare van hoë koste, beplan twee topmaatskappye in Rustenburg om skagte te sluit en duisende poste te beëindig.

Anglo American Platinum gaan drie van sy bedrywe hier sluit en vanaf September 4 800 poste tot niet maak; dit kom ‘n jaar ná die Marikana-massaslagting by die naburige Lonmin-myn.

Lonmin, waar 34 mynwerkers ‘n jaar gelede deur die polisie doodgeskiet is, het reeds verlede jaar ‘n skag voorlopig gesluit.

Vir die stad van Rustenburg, waar mynbou amptelik 77 persent van die ekonomie verteenwoordig, kan die uitwerking rampspoedig wees.

Plaaslike sakemanne, vanaf ‘n dienstekonsultant soos Ben Roothman tot straatsmouse soos Tomaz Utui, vrees dat die verlies aan werksgeleenthede ook ‘n verlies aan klante gaan beteken.

Vir elkeen wat afgedank word, verloor ‘n hele huishouding sy inkomste, dus word duisende meer daardeur geraak, meen Roothman.

“Dis ‘n uitgemaakte saak dat dit ‘n besliste uitwerking op Rustenburg sal hê,” vertel hy aan AFP.

Utui, wat versnaperinge, klere en sigarette smous buite Amplats se Khmanani-skag, wat binnekort gesluit gaan word, voorsien ‘n duister toekoms as die mywerkers verdwyn.

“Daar is niks anders hier nie. Ons kan niks verkoop as dié manne nie werk nie.” Dit gebeur reeds, sê hy. “Hulle het net nie meer geld nie.”

Volgens die voorsitter van die plaaslike kamer van koophandel, Pieter Malan. “is die gevolge op die mikro-vlak enorm”.

“Vir mediumgrootte maatskappye wat dienste direk aan die myn lewers, is dit pynlik,” voeg hy by.

Rustenburg is 162 jaar gelede deur die Voortrekkers gestig en was aanvanklik ‘n boerderygemeenskap.

Sedert die 1920s is platina – wat nou oorwegend in katalisators en juweliersware gebruik word – in die gebied gemyn, wat by geoloë as die Bosveld-stollingskompleks bekend is.

Rustenburg was ‘n gasheerstad vir die 2010-wêreldsokkerbeker en was in daardie jaar die land se snel groeiendste metropolitaanse gebied, volgens regeringsyfers.

Tans groei die stad steeds teen ‘n rasse tempo.

Moderne behuisingskomplekse verrys oral om die stad en die streek se luukse-oorde en wildreservate lok steeds toeriste by die duisende.

Met omtrent 70 persent van die wêreld se platinumproduksie wat van die gebied afkomstig is, het die stad tot nou toe die op-en-af-bewegings van mynbou-aktiwiteit gevolg.

Maar die skaal van die mees onlangse onrus laat vele vir moeilike tye vorentoe vrees.

Verlede jaar se stakings het die wêreldwye produksie van die metaal met 13 persent laat afneem, die laagste in 12 jaar, volgens syfers van die Londense edelmetalefirma, Johnson Matthey.

Weens die produksie wat tot stilstand gekom het, het Suid-Afrika in die geheel ‘n volle $1,15 miljard aan inkomste ingeboet, maar in Rustenburg is die kontrakteurs – wat werksgeleenthede aan ten minste 30 000 mense verskaf – besonder hard getref.

Verlede jaar reds het die ingenieurs- en boufirma Murray & Roberts sy kontrakte met die nabygeleë Aquarius Platinum en Lonmin opgesê.

Soos wat immer stygende lopende koste en arbeidsonrus beleggers tot kommer oor Suid-Afrika stem, bestaan vrese dat Rustenburg met sy myne in duie mag stort, soos wat al met ander “spookdorpe” gebeur het.

Driehonderd kilometer ver hiervandaan is daar ‘n waarskuwing dat dit wel kan gebeur.

Welkom, met sy optimistiese Afrikaanse naam, het eens op ‘n tyd ‘n kwart van die wêreld se goud geproduseer en ongeveer 170 000 mense in die mynbedryf van werk voorsien.

Maar die stad se bloeityd is lank reeds verby. Die dalende mynboubedryf verskaf vandag werk aan 30 000 mense, terwyl daar met hoë koste en lae goud-inhoud geworstel word.

Om ‘n soortgelyke afgang te vermy, wil Rustenburg se kamer van koophandel hê dat die stad se ekonomie moet aanpas ten einde die uiteindelike agteruitgang van mynbou te oorleef.

“Ons moet baie meer bekommer oor wat ons 30 jaar van nou af gaan doen,” sê Malan.

“Hoe raak ons minder afhanklik van mynbou? – dis die belangrikste vraag.” – AFP

Staking dreig in steenkoolbedryf

‘n Dreigende staking in die steenkoolbedryf, sal geweldige druk op die land se kragnetwerk plaas.

Die vakbonde, Solidariteit, UASA en die NUM het ‘n geskil met hul werkgewers verklaar en gevra dat loononderhandelinge deur die Kommissie vir Versoening, Bemiddeling en Arbitrasie gehoor word.

Die vakbonde het produsente se hersiene aanbod van 7,5% vir ongeskoolde myners en 7% vir geskoolde myners, verwerp.

Motsamai Motlhamme, die sektor se hoofonderhandelaar, sê hulle moet nog sekere kwessies met die KVBA oor die onderhandelinge besleg.

NUM, Solidariteit waarsku dat goudstaking dreig

‘n Verlammende staking dreig in die goudmynbedryf nadat salarissamesprekings tussen die vakbonde Solidariteit, die NUM en UASA in Johannesburg misluk het.

Goudprodusente het ‘n salarisverhoging van vyf persent aangebied, na ‘n aanvanklike aanbod van vier persent. Dit het daartoe gelei dat die drie vakbonde hulle aan die onderhandelings onttrek het.

Die hoofsekretaris van die NUM, Frans Baleni, sê die gaping tussen die salarisaanbod en wat vakbonde vra is baie groot en indien ‘n oplossing nie gevind kan word nie, sal die alternatief ‘n staking wees

Die hoofsekretaris van Solidariteit, Gideon du Plessis, het vroeër gesê daar word nie ernstig onderhandel nie. Hy sê hulle kry die indruk dat hoewel die Kamer van Mynwese se onderhandelaars in goeder trou optree, hulle aan bande gelê word deur sommige van die mynhuise se bestuurshoofde.

Du Plessis sê die enigste uitweg is om ‘n dispuut te verklaar. Die proses sal nou deur die Kommissie vir Versoening, Bemiddeling en Arbitrasie (KVBA) oor die volgende 30 dae hanteer word.

Terwyl die KVBA se betrokkenheid nie ongewoon is in die goudsektor se loongesprekke nie, is die tydsberekening ongewoon, het die myne se hoofonderhandelaar Elize Strydom gesê.

Die betrokkenheid van die KVBA is geen waarborg daar sal nie ‘n staking sal wees nie. Gesprekke in 2011 onder beskerming van die KVBA het ‘n dooie punt bereik, wat tot ‘n vier-dag-staking gelei het, die eerste in twee dekades.

Die NUM en Solidariteit het besluit om ‘n dispuut te verklaar om die saak te dwing sê Solidariteit se hoofsekretaris Gideon du Plessis.

Die NUM wil ‘n 60%-verhoging vir intreevlak–werkers se lone en 15% vir ander werknemers hê.

Die Vereniging van Mynwerkers en Konstruksie Unie (Amcu) het gevra vir ‘n 150%-verhoging vir intreevlak-werkers ondergronds. UASA en Solidariteit wil 18% en 10% onderskeidelik hê.

Nie een van die vakbonde wou hul eise Woensdag aanpas nie.

Werkers by die Transhex diamantmyn op Alexanderbaai in die Noord-Kaap staak nou reeds bykans ‘n week lank.

Die werkers eis ‘n 13 persent loonverhoging, terwyl die mynbestuur agt-persent aanbied. ‘n Woordvoerder van die NUM, Abubakah Frederick, sê hulle het hulle eise afgeskaal. – RSG

Die fisiologie van die staking

Na raming het die staking wat nou voorlopig opgeskort is, die land regstreeks R1 miljard per dag gekos. Dit kan moontlik meer wees, omdat bereken is dat ‘n vorige Cosatu-staking die land R2 miljard per dag gekos het. Voeg hierby die enorme onregstreekse skade wat moontlik uit die hewige negatiewe beriggewing voortgespruit het, en Suid-Afrika kan op die duur ‘n ontsettende duur prys betaal.

Indien uit die ondervinding geleer word, en die land die lesse ter harte neem, kan daar egter ook positiewe vrugte wees.

Ds. Theunis Botha, leier van die Christen-Demokratiese Party wat vandag sy tiende bestaansherdenking vier, het die problematiek en oplossings soos volg saamgevat:

– Selfs in die buiteland word nou reeds daarna verwys dat Suid-Afrika ‘n staakseisoen het. Dié beeld is baie negatief van Suid-Afrika en moet noodwendig beleggersvertroue knou, afgesien van die skade wat die staking regstreeks aan die land aanrig. Daar moet dus strategies beplan word om stakings die hoof te probeer bied voor dit ‘n werklikheid word, eerder as om skouers op te trek, en na die grondwetlike reg om te staak te verwys.

– Die gewelddadigheid waarin stakings ontaard en optredes soos om teaterpersoneel uit operasieteaters te sleep om saam te staak is onverskoonbaar en die sterkste moontlike stappe moet teen die skuldiges geneem word.

– Die konsep van ‘n staking waar die beginsel van geen werk, geen betaling geld, balanseer die belange van werkers en werkgewers, en om uitsonderings te maak laat Pandora se boks wawyd oop.

– Met die groot omvang van werkloosheid, kan die vraag ook gevra word of die regte mense in die eerste plek in diens is as diegene wat matrikulante vlak voor hul eindeksamen in die steek gelaat het, en pasiënte laat sterf het, nou met vetter beursies terugkeer werk toe.

– Met Suid-Afrika wat die hoogste meetbare inkomstegaping ter wêreld het, moet daadwerklik daarteen gewaak word dat die persepsies rondom relatiewe deprivasie onbeheerbare vlakke bereik. Dit beteken die regering en politieke ampsbekleërs moet ‘n voorbeeld stel deur in pas met die werklikheid te leef. Uitspattigheid voed gewoon die klimaat van ongelukkigheid.

– In die strategiese beplanning moet dit nooit weer gebeur dat diegene wat nie op ‘n oproep op nasionale belang reageer nie, groot verhogings kry terwyl diegene wat wél gehoor gee, dan in ‘n toe hand moet vaskyk nie.

– Korrupsie, die diefstal van ‘n land se toekoms, moet sonder aansiens des persoons uitgeroei word, en politieke ampsbekleërs wat hulle aan tenderpreneurskap en kleptokrasie skuldig maak, moet uitgewerp word.

– Kundigheid moet ten alle tye gebruik word. Dit kom voor asof ‘n groot deel van die huidige ongelukkigheid te wyte is aan die reuse verhogings wat sommige bestuurslui en kaders ontvang het. Boonop blyk dit dat Eskom se jaarverslag so onsamehangend opgestel is dat ‘n foutiewe afleiding gemaak is wat gelei het tot ‘n persepsie van astronomiese verhogings vir die instansie se hoe koppe. Dié onbevoegdheid het die land ernstige skade laat ly deur persepsies van die welgesteldes verder volprop, met ‘n toe hand vir die laag-besoldigdes.

Ander waarnemers en partye sal stellig ook ander sienings en ander aksente hê, maar hierdie opsomming van die situasie bied heelwat ruimte vir besinning.

topcargo

Motornywerheidstaking begin

Lede van die Nasionale Unie van Metaalwerkers van Suid-Afrika (Numsa), wat by vulstasies, werkswinkels en motorhandelaars werk, het vandag begin staak, het ‘n vakbondwoordvoerder gesê.

“Niks het verander nie. Die staking gaan voort,” het Numsa se woordvoerder Castro Ngobese aan die Suid-Afrikaanse Persassosiasie gesê.

Hy het verklaar dit is onmoontlik om te sê hoeveel lede betrokke is, maar het verduidelik die vakbond beskik oor 70 000 lede regoor die land. Hulle werk as pompjoggies, of in werkswinkels, handelaars en ingenieursondernemings, onder andere.

Gesprekke word voortgesit met die Motorkleinhandelaarsnywerheid en Brandstofkleinhandelaarsvereniging om die dooiepunt op te los.

“Gesprekke word vanaand [Woensdag] voortgesit,” het Ngobese gesê.

Numsa se eise sluit ‘n 20%-loonverhoging oor die hele spektrum in, asook ‘n 40-uurweek, met volledige betaling.

Die vakbond wil ‘n eenjaarooreenkoms in plek gestel hê wat op 1 September 2010begin, en eindig op 30 Junie 2011.

“Ons eise aan die RMI, en FRA is in ooreenstemming met die African National Congress se verkiesingsverpligtinge rondom die skep van ordentlike werk en ‘n volhoubare lewensbestaan vir die werkers en die armes,” het die vakbond in ‘n verklaring Dinsdag gesê.

‘n Optog sou plaasvind in Bellville in die Wes-Kaap waar ‘n memorandum van eise aan die RMI oorhandig sal word.

Die brandstofkleinhandelaars (FRA) se uitvoerende hoof Reggie Sibiya het gister gesê die gaping tussen wat dit kan aanbied en Numsa se eise was “te groot”.

Hy het gesê dat hulle ‘n “reuseloonaanpassing” van 68% in 2007 ingevoer het om die bedryf in ooreenstemming met minimumloonverwagtinge te bring.

Dit is gevolg deur bo-inflasiestygings in 2008 en 2009. Terwyl die staking volgens berigte diens by petrolstasies sou beïnvloed, het Sibiya gesê geen vulstasies sal gesluit word nie.

“Nie almal is deel van die vakbond nie, dus sal garages nie toemaak nie.”
Hy het gesê die FRA het ‘n ooreenkoms met die vakbond onderteken om intimidasie en viktimisering te voorkom.человек пауке Александр Фильчаков

Regering verhoog loonaanbod

Suid-Afrika se regering het ‘n nuwe loonaanbod aan stakende staatsamptenare ingedien, het die minister vir staatsdiens en administrasie Richard Baloyi se woordvoerder, vandag gesê.

“‘n Konsepkikkingsooreenkoms van 7,5% en R800 [maandelikse] behuisingstoelae is op die tafel,” het Dumisani Nkwamba aan die SAUK-radio gesê.

Die regering het sy loonaanbieding aan vakbonde verhoog wat 1 300 000 stakende staatswerknemers verteenwoordig, het ‘n bron Maandag verklaar, in ‘n poging om ‘n staking wat Afrika se grootste ekonomie bedreig te beëindig.

‘N Reuters-bron het voorheen verkeerdelik die aanbod as 8% aagedui.

Die regering het sy aanbod vir ‘n loonverhoging van 7% tot 7,5% en vir ‘n maandelikse behuisingstoelaag van R700 tot R800 verhoog.

Die aanbod geskied nadat president Jacob Zuma ministers gebied het om onmiddellik te onderhandel oor die byna drie-week-lange staking wat gesluit skole laat sluit het, verhoed het dat behandeling by hospitale plaasvind en beleggersentiment geskaad het.

Vakbonde eis ‘n salarisverhoging van 8,6% en ‘n R1000-behuisingstoelae. Selfs as die regering sy aanbod verhoog na iets meer aanvaarbaars, gaan die vakbonde waarskynlik nie vinnig reageer nie aaangesien hulle genoodsaak sou wees om hulle lede op voetsoolvlak te raadpleeg.

‘n Vroeë einde aan die stakings?

Die regering en vakbonde is steeds betrokke by onderhandelings wat vroeg vamdag kan eindig, het die amptenare gesê.

Die minister vir staatsdiens Richard Baloyi in ‘n verklaring voordat die regering begin onderhandel het gesê dat hy ‘n nuwe aanbod ter tafel lê, dog sonder meer inligting te gee. Tot dusver het die regering gesê dat hy nie kan bekostig om die eis vir ‘n verhoging van meer as dubbel inflasie toe te staan ten einde die staking te beëindig nie, terwyl die staking dreig pm verder deur die land se ekonomie te versprei.

Zuma se woordvoerder het gesê die president was veral bekommerd oor die staking se uitwerking op gesondheid en opvoeding.

“Die president is van mening dat die staking so gou as moontlik moet eindig, binne die volgende paar dae,” het Zizi Kodwa gesê en bygevoeg dat Zuma met die regering oor die naweek gepraat het en die ministers aangesê het om gesprekke te hervat.

Suid-Afrika se grootste staking sedert 2007 in terme van verlore dae het effekte, aandele en die rand grootliks onbeïnvloed geltaat, maar mark spelers het gesê dat die staking winste deur die rand sou beperk en ‘n groter impak kan hê indien dit voortsleep.

Begrotingskommer

Ontleders verwag dat Zuma en die regerende African National Congress (ANC), wat gewoonlik aan werkerseise toegee, gou ‘n ooreenkoms sal bereik wat ten gunste van die vakbonde sou wees en later oor die skade aan die staatsbesteding sou bekommer.

“Polities is dit voordelig vir Zuma omdat hy tans in ‘n penarie met die vakbonde verkeer,” sê Susan Booysen,’ n politieke ontleder by Wits-niversiteit.

“Die land het reeds ‘n hoë begrotingstekort. Die styging kan tot hoër belastings lei soos wat die regering probeer om sy boeke te laat klop.”

Die staking het ‘n skeuring laat verdiep in die regerende alliansie tussen Zuma se ANC en die land se grootste vakbondfederasie Cosatu, wat hom gehelp het om aan die mag te kom, maar teleurgesteld dat hy nie meer linkse beleid invoer nie.

Die vasteland se grootste ekonomie is getref deur ‘n reeks stakings in die private en openbare sektore oor die afgelope paar maande, wat tot skikkings bokant die inflasiekoers gelei het.

Ander dispute

In ander geskille, het die werknemers by die myn Exxaro ‘n 8%-verhoog verwerp en’n staking by ‘n titaanmyn, wat ‘n Rio Tinto-BHP Billiton-gesamentlike onderneming is, het bedrywighede Maandag laat sluit.

Cosatu het gedreig het om die staking hierdie week na al sy geafillieerde vakbonde uit te brei, wat volgens ongeveer twee miljoen mense verteenwoordig.

Werknemers in nywerhede waaronder mynwese gaan Donderdag van vir ‘n dag van die werk wegbly terwyl Cosatu dreig met langdurige arbeidsoptrede wat die ekonomie tot stilstand kan bring tensy ‘n skikking met die staatsdienswerkers bereik word.

Suid-Afrika is die wêreld se vierde grootste goudprodusent en die grootste platinumprodusent, met myne wat oor die 488kg goud en 385kg platinum per dag produseer.

Die land se grootste maatskappye, soos Anglo Platinum, Impala Platinum en Harmony Gold Mining, het voorraad van die edelmetaal en sou nie swaar getref word as dit deur ‘n eendagstaking nie.

Enige ooreenkoms om die staking te beëindig sal waarskynlik uitgawes met 1 tot 2% verhoog terwyl die staat juis fondse probeer vind om ‘n begrotingstekort van altesaam 6,7% van die bruto binnelandse produk te verlaag.

treasures of egypt

Zuma gryp in by staking

Die Suid-Afrikaanse president Jacob Zuma het gesê ministers moet onmiddellik onderhandel oor ‘n openbaresektorstaking en verwag dat beide die regering en vakbonde moet toegee, het sy woordvoerder gister gesê.

Tot dusver het die regering gesê dat hy kan nie bekostig om aan die eis vir salaristoenames van meer as dubbel die inflasiekoers toe te gee om die staking deur ongeveer 1.3 miljoen mense te beëindig nie. Die staking betree nou sy derde week en dreig om verder deur Afrika se grootste ekonomie te versprei.

Zuma verkeer reeds onder druk groeiende politieke as gevolg van die staking deur werkers, insluitende onderwysers, verpleegsters en klerke. Sy woordvoerder het gesê die president was veral bekommerd oor die impak op gesondheid en opvoeding.

“Die president is van mening dat die staking so gou as moontlik tot ‘n einde moet kom, binne die volgende paar dae,” het Zizi Kodwa gesê en toegevoeg dat Zuma oor die naweek aan regeringsministers gesê het om gesprekke te hervat.

“Hy het ‘n beroep op beide kante gedoen om die belange van die land eerste te stel. Dit sou ‘n proses van gee en neem aan beide kante van die onderhandelings beteken,” Kodwa gesê. Hy het nie besonderhede verskaf oor die toegewings wat Zuma wil hê die regering moet maak nie.

Suid-Afrika se grootste staking sedert 2007 in terme van verlore dae het aandele, effekte, en die rand het grootliks onbeïnvloed gelaat, maar markspelers het gesê die staking kan winste deur die rand beperk en kan ‘n groter impak hê as dit voortsleep.

Die vakbondfederasie Cosatu het Zuma se kommentaar verwelkom.

“Die Federasie hoop dat ‘n verbeterde aanbod nou ter tafel gelê sal word en dat die staking so vinnig as moontlik afgehandel kan word, deur middel van’ n ooreenkoms wat vir die werknemersaanvaarbaar is,” het die vakbond in ‘n verklaring gesê.

Dubbele inflasie

Die werkers eis ‘n 8,6 persent loonverhoging – meer as dubbel die inflasiekoers – en 1 000 rand ($ 136)per maand as ‘n behuisingstoelaag. Die regering het onderskeidelik 7 persent en 700 rand aangebied.

Die staking het ‘n breuk laat verdiep binne die regerende alliansie tussen Zuma se African National Congress en COSATU, wat gehelp het om hom aan die mag te stel, maar teleurgesteld is oor wat hy gedoen het en nie sy beleid na links verskuif het nie.

COSATU het gedreig om later hierdie week die staking na alle lede van die vakbonde wat dit verteenwoordig uit te brei,blykbaar sowat 2 miljoen werkers.

Ontleders verwag dat Zuma en die ANC-regering, wat gewoonlik aan werkerseise toegee, gou ‘n ooreenkoms sal bereik wat ten gunste van die vakbonde gelaai sal wees en later oor die skade aan die staat se besteding te bekommer.

Enige ooreenkoms wat ‘n einde aan die staking maak, sal waarskynlik staatsuitgawes met 1 tot 2 persent laat toeneem, wat die regering gaan dwing om nuwe fondse te vind terwyl dit juis probeer die begrotingstekort van altesaam 6,7 persent van die bruto binnelandse produk te verminder.

Vakbonde het ook die arbeidsoptrede aan Zuma se politieke toekoms gekoppel. Die volgende verkiesing vind eers in 2014 plaas, maar die regerende alliansie sal lank voor daardie tyd besluit wie sy kandidaat gaan wees.

COSATU se sekretaris-generaal Zwelinzima Vavi het oor die naweek gedreig om sy steun vir die ANC in te trek, maar die vakbondfederasie het vandag ‘n meer versoenende houding ingeneem deur persoonlike aanvalle op Zuma te veroordeel.

стоматология улыбка

Staking se gevolge in Diepsloot

Twee kinders drentel buite ‘n slaghuis in Diepsloot, ‘n swart woonbuurt noord van Johannesburg, in die hoop dat genoeg vreemdelinge vir hulle munte sal gee sodat hulle aandete kan koop – skyfies en brood.

Percy en Precious is soos die meeste ander mense in die woonbuurt wat niks het om te doen nie. Hulle het gesê die skool is gesluit en tot die staatsamptenare se staking verby is, sal hulle voortgaan om in die strate van die dorp rond te loop.

Die twee het geen idee wat hulle sal doen wanneer hulle “groot” is nie.

Ruimtevaarder, dokter? Nie een verstaan die vraag nie, maar Percy antwoord: “Ons gaan nie meer skool toe nie.”

Vinolia Nyathi, sit langs haar seun Lenmore in hul eenkamer-, eenbed-huis en sê sy is bekommerd.

Kinders verveeld

Lenmore was verlede week by die skool en is deur die man wat “die hek oop- en toesluit” vertel dat hy dalk volgende week sal kan terugkeer. As die staking verby is.

“Ek mis die skool. Ek is verveeld, “sê hy.

Sy ma praag oor haar skoonpa wat Maandag in die Charlotte Maxeke-hospitaal gesterf het.

“Hy het gehoes. Hy het nie behandeling gekry nie, daar was geen verpleegsters nie. “

Hoewel sy niemand blameer nie, is kommentaar van die ander inwoners in Diepsloot vernietigend; hulle beweer die regering moet meer te doen, en amptenare het nie die reg om hulle in die steek te laat nie.

“Die onderwysers staak vandag, maar nog nooit gedurende hul eie dae van skool was daar ‘n staking deur onderwysers nie,” sê Mofokeng Salomo.

“Laat hulle onderhandel. Laat hulle begin dink aan die toekoms van ons kinders…”

‘Stakende verpleegkundiges is moordenaars’

Mofokeng het harde woorde vir die verpleegsters wat staak.

“Mense gaan dood, die verpleegsters is die mense wat hulle doodmaak. Moordenaars,” sê hy terwyl hy drink aan ‘n kwart bier wat by ‘n nabygeleë sjebien gekoop is.

Maar ‘n pa van drie kinders, Tobohaho Mahlangu, sê dit is jammer dat staatsamptenare gedwing word om te staak, en blameer die president.

“As iemand sterf as gevolg van die staking, sterf hy as gevolg van die president. As iemand sterf in die hospitaal, is dit sy skuld.

“Die president moet verstaan ons het vir hom gestem en spyte van al sy bloedige gevalle … die verkragtingverhoor en nou moet hy na ons kyk.”

Bongani Mntembo voel egter die president kan nie aanspreeklik gehou word nie.

“Dit is net jammer dat sommiges moet ly.”

Soos die son oor Diepsloot sak, gooi kinders en moeders balle aan mekaar buite Vinolia Nyathi se huis.

“Ons doen dit heel tyd,” sê een vrou.

“Die kinders is verveeld, so nou doen ons dit nog meer.”

Terwyl die paraffienlampe aangesteek word, hoop Percy en Precious nog vir aandetegeld buite die slaghuis.

lagoon game topcargo отзыв

ANC se revolusie verloop volgens plan

‘n Mens kan nie anders as om ‘n bewondering vir die ANC en SAKP te hê om te sien hoe hul revolusie, wat jare lank in Moskou, Londen, Oos-Berlyn en ander stede beplan is, stap vir stap geïmplementeer word nie. Wie sou kon dink dat die blanke Afrikaanse skole uiteindelik gedwing gaan word om ook te staak soos die gebruik in die swart woonbuurte is? Maar die gedwonge sluiting van ons skole is maar een revolusionêre simptoom van vele.

Ander simptome van revolusionêre vordering deur die ANC/SAKP/Cosatu-alliansie is grondhervorming en boere wat binnekort vyftig persent van hul bates en inkomste met hul werkers sal moet deel, die verdieping van regstellende aksie en swart bemagtiging, die gebruik van geweldsmisdaad om ons mense te laat uitmoor en oorsee te verdryf, asook ‘n nasionale dienspligstelsel wat bedoel is om die vrugte van die revolusie met geweld te kan verdedig.

Daagliks staan ‘n mens verstom oor die ongelooflike naïwiteit van die destydse Afrikanerleierskap wat sonder slag of stoot die hele land en infrastruktuur aan ‘n revolusionêre bende ballinge vanuit Londen en Oos-Europa oorhandig het. Maar ook die gewone Afrikaner wat vandag skynbaar sy oë sluit vir die revolusie wat in radikalisme en intensiteit toeneem, ontken die werklikheid wat hom as’t ware elke dag oor die kop slaan. Soos die spreekwoordelike potpadda waarvan die water gaandeweg al hoe warmer word, sit almal en wag dat die volgende fase van die revolusie oor hulle spoel.

Wat moet nog gebeur vir mense om wakker te skrik? Moet daar Rooi Wagte soos tydens Mao se kulturele revolusie by elke skool opdaag – eintlik gebeur dit reeds – om ons kinders as kanonvoer vir die revolusie weg te voer? Moet plase een vir een beset word en die eienaars onder bestuur van die revolusionêre staat geplaas word? Moet die hamer en sekel op die sewe-uurnuus op TV gehys word? Eintlik is ons mense al so gekondisioneer en so gewoond aan die hamer en sekel dat hulle skaars agterkom hoeveel dit in die massamedia vertoon word.

Die huidige landwye staking van staatsdienswerkers wat binnekort deur Cosatu se lede in die privaatsektor aangevul gaan word, verteenwoordig nog ‘n klassieke simptoom van oplaaiende revolusionêre energie. Die linkse leiers van die vakbonde – Cosatu en ander se bande met die SAKP is oorbekend – kry tereg die indruk dat hul mag besig is om toe te neem. Hulle wil die meer gematigde elemente in die ANC dwing om groter salarisverhogings toe te staan, asook ‘n meer linkse beleid oor die algemeen toe te pas.

Die Afrikaner is met sy rug teen die muur. Ons sal moet besef dat die veranderingsproses, die “transformasie” (wat al jare lank ‘n eufemisme vir revolusie is), reeds veels te ver gevoer is. Onder die huidige omstandighede gaan ons nie kan oorleef nie. Die honderdduisende blanke en Afrikanerwerkloses, waarvan vele reeds in plakkerskampe woon, is die stille getuienis van die revolusie wat ons stuk vir stuk van ons ekonomiese kanse en menswaardigheid ontneem.

Die revolusionêre van die ANC/SAKP weet baie goed dat ons hulle vyand is. Hulle gebruik oor en oor die term “vyand”. Danksy sy leierloosheid, gebrek aan eerlike media en verskynsels soos Angus Buchan wat mense in godsdienstige euforie dompel, is die Afrikanervolk vandag so werklikheidsvreemd dat hy nie agterkom dat sy vyand besig is om hom stelselmatig te vernietig nie.

Die hoop beskaam egter nie dat mense deur die toenemende wanorde gaan agterkom dat “alles nie pluis is nie”. In die destydse kommunistiese Oos-Europa het ons gesien hoe mense se denkbeelde volledig deur die revolusionêre bepaal kan word wat die media, skole en universiteite beheer, maar dat gesonde verstand tog iewers die individu soos ‘n klein stemmetjie in sy agterkop begin pla.

Indien u vandag wonder waarom ons skole vir die eerste keer in die geskiedenis nie funksioneer nie en wat presies die betekenis van ‘n “algemene staking” in die geskiedenis van linkse revolusies is, dan is daardie stemmetjie in u agterkop besig om met u te praat.

Dit is so belangrik dat elkeen van ons wat aan die breinspoeling van die afgelope anderhalf dekade ontkom het en helder kan sien wat gebeur, met mekaar moet kommunikeer en ook moet organiseer om die aftakelingsproses te stuit.

Alvorens dit heeltemal te laat is.

игры девочкам

Gauteng stel rekordeksamen uit

Die matriekrekordeksamen in Gauteng sal uitgestel word weens ‘n staking van staatsamptenare, meen ‘n amptenaar vandag.

“Ek kan bevestig dat die eksamen onbepaald uitgestel is,” sê die provinsiale onderwys-woordvoerder, Charles Phahlane.

Hy het gesê hy kon nie meer besonderhede gee nie.

‘n Nasionale staking van staatsamptenare het vandag sy agtste dag betree en veroorsaak ernstige ontwrigting van onderwys en hospitaaldienste.

Die matriekrekordeksamen sou oor twee weke begin het.

Die staking deur onderwysers kan die Departement van Basiese Onderwys dwing om die rekordeksamen uit te stel. Die Vrystaat- en Oos-Kaap-onderwysdepartemente het hulle s’n reeds vertraag.

Rekordeksamens in die Wes-Kaap sal na verwagting by die meeste skole in die provinsie volgende week voortgaan, berig die Cape Times.

download casino games for free Фільчаков прокурор