Suid-Afrika – Bladsy 41

Wetend of onwetend open Zuma nuwe Afrikanerhoofstuk

Hoewel ek persoonlik baie versigtig is om Zuma se 'pro-Afrikanerhouding' te ernstig op te neem moet ons ook probeer munt slaan uit die moontlikheid van 'n gesprek met die ANC. Twee dinge val op: Een is dat Zuma meen dat hierdie gesprek 'n instelling moet word en twee is dat Phosa klem plaas op gesprek met die "hardegat" Afrikaner.

Dit dui op die moontlikheid van 'n aaneenlopende gesprek tussen die Zuma-ANC faksie en die konserwatiewe of sg. regse Afrikaner. Soos Dan Roodt impliseer kan mens aflei dat die Zuma-faksie nie soseer in die linkse Afrikaner-establishment geïnteresseerd is nie, selfs al was hulle ook by die geleentheid.

Wat Zuma se motivering is vir gesprek met die Afrikaner bly vir my duister. Soos ander kommentators reeds aangedui het, het Zuma ons nie as kiesers nodig nie. Mens mag ook nie vergeet dat terwyl hierdie gesprek plaasgevind het, die ANC staat aktief besig was met die ondergrawing van Afrikanerkultuur, -onderwys, -plekname, -taal, -landbou, -werks en -besigheidsgeleenthede, ens. nie. Ons moet dus nie oorhaastig wees om die nuwe "Zoeloe-koning" se beloftes te vertrou nie. Is hy dalk net besig om 'n nuwe soort ANC "doublespeak" te beofen, terwyl die Afrikanistiese agenda dieselfde bly of selfs mag intensifiseer?

Howel dit nie 'n wetenskaplike opname is nie toon verlede week se meningsopname, oor hierdie saak, deur Beeld die volgende syfers:

"Is mnr. Zuma eerlik met Afrikaners? Ek dink so 224: 3%
Nee, hy's 'n manteldraaier 6793: 97%
Totale aantal stemme :7017
Dit is meestal Afrikaners wie se menings hier weerspieël word. Ons leiers moet kennis neem hiervan.

Nogtans moet ons oop wees daarvoor dat hier dalk wel 'n geleentheid vir konstruktiewe gesprek met die regime aan die ontwikkel is. Afrikanerleiers (veral aan die 'regterkant') moet nou oor ten minste drie sake 'n mate van ooreenkoms bereik:

Hulle moet ernstig werk aan 'n konfederale beweging wat oor groter bedingingsmag beskik as wat in die huidige versplinterde situasie geld. Indien ons nie ons huis in orde kan kry nie gaan die nuwe ANC-regime baie gou respek vir ons verloor.
Hulle moet hierdie as geleentheid aangryp om selfbeskikking te formuleer en op die gesprekstafel met die ANC te plaas. Die Volkstaatraad fiasko mag nie herhaal word nie. Kru gestel: Elke ou kan nie die volkstaat in sy eie agterplaas wil hê nie. Ons sal moet leer om op te offer.
Afrikaners moet onthou dat Zuma 'n politikus is en dat hy slegs met die Afrikaner in gesprek is omdat daar iets daarin is wat vir hom voordeel inhou. Ons moet probeer verstaan wat dit is wat hy soek en ons moet begryp en formuleer wat ons aan hom kan bied. Sonder dit sal ons baie gou ons nuutgevonde aantreklikheid verloor. Byvoorbeeld: Sou ons Zuma uit die tronk kon help hou en indien so, watter voordeel hou dit vir ons in? Sou die NVG die saak teen Zuma laat vaar is dit waarskynlik dat die linkse blankes onder leiding van Zille saam met Cope die saak wel in die hof sal kry.

Indien Zuma wel erns het my sy Afrikaner-gesprek moet ons dit ernstig oorweeg dat die ANC besig is om ons van 'n nuwe teks te voorsien. Die Zuma-faksie is besig om wetend of onwetend die deur op die Afrikaner-selfbeskikkingsteks oop te maak. Selfs al het Zuma geen erns om die gesprek tot enigiets te laat lei nie het sy openbare bekragtiging ons aanspraak as volk met onvervreembare regte opnuut bevestig. Die ANC kan hierdie deur nie summier toemaak nie.

Dit is nou aan ons oorgelaat om aan 'n baie belangrike hoofstuk in ons geskiedenis te begin skryf.

игры длям девочек Александр Фильчаков

‘n Skool mag sy eie taal kies!

Hoërskool Ermelo het die appélsaak teen die Suid Afrikaanse onderwys-owerheid gewen toe vyf appélregters op 27 Maart vanjaar beslis het dat die onderwyshoof van Oos-Transvaal, mnr Monwabisi Reymond Tywakadi, onwettig opgetree het toe hy in 2007 die Skolewet oortree het.

Hy het die beheerliggaam van dié skool omvergewerp en 'n komitee

aangewys wat die status van die skool van Afrikaans enkelmedium na parallelmedium verander het.

Die regters het ook bevind dat hy die beginsels van die Wet op die Bevordering van Administratiewe Geregtigheid geskend het.

Dit het alles ontstaan toe die onderwyshoof in die begin van 2007 die skoolhoof, mnr. Koos Kruger, kennis gegee het dat daar 113 "Engelse" kindertjies in Ermelo is wat daar wil skoolgaan "omdat daar nie plek by ander skole is nie".

Mnr Kruger kon dit nie toelaat nie omdat die beheerliggam van die skool die onderrigmedium bepaal het en hy daaraan mos voldoen. Dis toe dat mnr. Tywakadi die komitee aangewys het wat die status van die skool eensydig verander het.

Net 13 "Engelse" leerlinge het egter aanvanklik aansoek gedoen.

Agtergrond

Afrikaanse ouers van so ver as Secunda, Hendrina, Middelburg, Bethal en Pongola stuur hulle kinders na dié skool omdat dit die enigste "ordentlike Afrikaanse skool" in die gebied is.

Die skool is deur die jare opgebou deur ouers wat in alle opsigte trou bygedra het tot die ontwikkeling van die skool.

So is daar byvoorbeeld R45 miljoen bestee aan die bou van 'n ouditorium asook musiek- en biokinetikasentrums.

Hof toe

Die ouers van Hoërskool Ermelo was verontreg en het gevoel dat die departement die skool teiken. Hulle was van mening dat om in Afrikaans onderrig te word en om hulle kultuur uit te leef 'n grondwetlike en basiese mensereg is.

Hulle is toe hof toe.

In 'n tussentydse bevel op 2 Februarie 2007 het regter Bill Prinsloo beslis dat Hoërskool Ermelo nie hulle taalbeleid van enkelmedium Afrikaans mog verander het na parallelmedium nie. Hy het opdrag gegee dat die taalbeleid waarop die komitee besluit het onmiddelik opgeskort word hangende die finale beregtiging van 'n substantiewe hofaansoek.

Die geluksaligheid van die ouers van Hoërskool Ermelo was egter van korte duur, want 'n paar weke na die beslissing van regter Prinsloo het die regter president Bernard Ngoepe beslis dat die "Engelse" kindertjies se regte tot onderrig meer tel as die regte van die ouers en beheerliggaam van die skool.

Verlof tot appél

In hulle aansoek om verlof tot appél het die verontwaardigde ouers 'n beroep op die minister van onderwys, me Naledi Pandor, gedoen om hulle te ondersteun omdat sy glo ten gunste van moedertaal onderrig was. Weer eens was hulle teleurgestel toe dié minister die kant van die onderwyshoof van Oos-Tranvaal gekies het teen hulle.

Die uiteinde was dat regter Ngoepe verlof tot appél geweier het, want volgens hom kon hy nie R30 miljoen aan nuwe skole bestee in 'n land waar kinders honger bed toe gaan en skole leë klaskamers het nie. Daar was egter ander baie goedkoper alternatiewe soos die herstel van 'n bestaande ongebruikte Engelse skool in Ermelo.

Die beheerliggaam was toe verplig om direk by die Bloemfonteinse appélhof aansoek om appél te doen en wat toegestaan is.

Die saak het na bykans twee jaar verlede week in dié hof gedien. Die skool mag nou in gevolge dié beslissing hulle eie taalmedium kies.

Dun ys

Daar is egter drie dinge wat ons moet besef: Eerstens dat die hof geensins uitspraak gelewer het oor moedertaalonderrig nie of oor die regte van sogenaamde minderhede waarvoor die Afrikaner by uitstek kwalifiseer nie en tweedens dat die regering van die dag die Skoolwet kan verander sodat die onderwysowerheid die finale sê het wat die onderrigmedium van die skool is. Derdens dat die "Engelse" kindertjies sekere regte verkry het deur die onregmatige optrede van die onderwyshoof van Oos-Transvaal en dat Hoërskool Ermelo hulle moet dra vir die res van hulle skoolloopbaan.

Ons moet verwag dat die Afrikanerhaters en die agente van verengelsing met 'n hernude aanslag na vore sal kom om Afrikaans te probeer vernietig.

Hulle besef waarskynlik dat skole wat tans onder druk is om hulle status na parallelmedium te verander soos bv Hoërskool Hans Strydom van Naboomspruit hierdie hofuitslag kan gebruik om die skool Afrikaansmedium te hou.

Ons moet egter nie op ons louere rus en dink die stryd is gewen nie.

Ons moet die saak nou verder dryf deur aan te dring op 'n Afrikaner onderwysowerheid sodat ons self die onderrigmeddium, standaarde, onderrigmetode, leerinhoud, orde en etos in ons Afrikanerskole kan bepaal. Ons moet aandring dat die oorblywende Afrikaanse skole in ons beheer kom as 'n begin. So ook minstens drie Afrikaanse universiteite. Daar moet ook geld beskikbaar gestel word vir Onderwyskolleges, die instandhouding van ons skole en die salarisse van leerkragte.

Die Afrikaner word in die klaskamer vermoor. Vreemde ideologieë word in ons kinders se kele afgedruk.

Daarom is dit dringend noodsaaklik dat elke Afrikanerorganisasie of -instelling deel moet word van hierdie stryd. Ter wille van ons oorlewing en uiteindelike vryheid moet ons van platform tot platform oor die land met net een boodskap spoel: Gee ons ons eie onderwysowerheid!

Dit sal nie die eerste keer wees wat 'n gemeenskap die onderwys gebruik om uiteindelik hulle vryheid te kry nie. Kom ons kies dié gevegsterrein soos Jaap Marais gesê het waar ons sterk is en waar ons die vyand kan verslaan.

Dit is wat die GHA vra.

André Alkema is voorsitter van die Genootskap vir Handhawing van Afrikaans (GHA)

play slots for лобановский депутат

Helen Zille maak haar skuldig aan leuens en onwaarhede, s? Pieter Mulder

Dr. Pieter Mulder van die Vryheidsfront Plus het gereageer op 'n aanval op hom en sy party deur me. Helen Zille van die DA in die jongste uitgawe van SA Today , die DA se weeklikse nuusbrief. Hier volg Mulder se verklaring:

Die aanval van me. Helen Zille vandag in haar weeklikse nuusbrief (SA Today) op myself en die VF Plus na aanleiding van die uitlatings gister deur mnr. Jacob Zuma oor Afrikaners is gebaseer op leuens en onwaarhede. Die VF Plus het nie die vergadering tussen die ANC en verskeie Afrikaner-organisasies bygewoon nie. Ook het nie die VF Plus of ekself enige verklaring uitgereik in reaksie daarop waarin die standpunte volgens me. Zille verwelkom is nie.

Dit is skokkend dat me. Zille van blatante leuens gebruik maak om haar aanval op myself en die VF Plus te regverdig. Sy skuld die VF Plus, myself en die kiesers van Suid-Afrika ‘n verskoning.

Van die skokkende onwaar-stellings wat Zille maak is onder andere die volgende:

1. “die VF Plus soek toenadering by die ANC eerder as om die ANC te konfronteer” – dit is leuens. Het die VF Plus toenadering tot die ANC gesoek toe die VF Plus die ANC-regering grondwethof toe geneem het om te baklei vir die stemreg van alle SA Burgers in die buiteland? Of toe die VF Plus Kieshof toe gegaan het om Winnie Mandela uit die Parlement te hou? Die antwoord is nee.

2. “die VF Plus smeek vir die regte van kiesers by die ANC eerder as om daardie regte op te eis” – dis ook ‘n leuen. Die sentrale tema van die VF Plus in hierdie verkiesing is juis om duidelik te sê dat die VF Plus opstaan vir jou regte. Kiesers sien dit en glo dit en juis daarom is die steun van die VF Plus besig om te groei.

Dit is jammer dat die DA onder leiding van me. Zille nou weer soos met elke verkiesing begin om ander opposisiepartye eerder as die ANC aan te val. Dit is ‘n kortsigtige taktiek wat getuig van die opperste opportunisme. Me. Zille sou nie vandag die Burgemeester van Kaapstad gewees het of enige koalisie in Kaapstad of elders gelei het indien dit nie vir die ander opposisiepartye was wat sy nou deurlopend aanval en verdag maak nie. Kiesers moet kennis neem van hierdie oneerlikheid en opportunisme.

сауна дома прокурор Фильчаков

Zuma sit vir Zille ore aan

Een ding is vir my baie duidelik: Zuma is 'n meesterlike politikus, veral vergeleke met die Engelse, links-liberale Helen Zille en haar toenemend linkse, multikulti-party, die DA.

Zille, met haar Black Sash-verlede, universiteitsgrade, Botox-inspuitings en kosmetiese sjirurgie, is steeds ‘n baba in polities-taktiese terme, gemeet aan Zuma met sy standerdtweeopvoeding en sy ma wat 'n huishulp was.

Helen Zille het na my mening pens en pootjies in Zuma se strik getrap met hierdie uitbarsting, wat haar bloot kleingeestig, vals en afgunstig laat voorkom, in kontras met Zuma se uitreiking na Afrikaners. Dit is kennelik presies die reaksie waarna Zuma op soek was, en spreek bloot van die tipiese dog verkeerde begrip van die belang van identiteit in liberales soos Zille se denkraamwerk.

Waar 'n rokie trek, moet daar egter 'n vuurtjie brand; Zille se kleinlikheid spreek myns insiens van 'n skuldige gewete. Die DA is kennelik besig om te ontaard in 'n links-liberale Kaapse party. Hulle groot teikenmarkte is Naspers se sogenaamde Afrikaanses, die inwoners van die Kaapse Vlakte en snobistiese Engelse blankes. Dít kon ons agterkom uit die onlangse etniese reiniging van Afrikaners uit die DA se leierskorps in Gauteng, die DA se steun vir die verandering van Pretoria se naam na Aapstad asook die DA se steun vir regstellende aksie en transformasie.

Zuma het Zille en die DA se strategiese swakheid meesterlik raakgesien. Hy het Donderdag uiters effektief 'n wig tussen die toenemend verengelsde DA en die Afrikaners gedryf. Omdat hy polities meer intelligent as hetsy Afrikaners, hetsy Zille, hetsy die DA is, het hy instinktief geweet hoe om die DA baie effektief by te kom – hy moes bloot aan Afrikaners die voor-die-hand-liggende uitwys; iets wat ons teenoor onsself probeer ontken het, naamlik dat die DA 'n volksvreemde party is wat Afrikaners weliswaar misbruik as gerieflike stemvee, maar wat ons andersyds by die beter klas van partytjies in Houghton en Bishopscourt, tussen die DA se kernondersteuners, aktief minag.

Dink wat jy wil van Zuma en die klagtes teen hom: Zille is sleg ore aangesit deur 'n meer uitgeslape en beter politikus.

Bou eerder Praag se nuusdiens uit

Ek stem volkome saam met Vlad du Plessis dat die Afrikaner kan doen met 'n nuwe koerant wat nie deur die linkse, pro-afrikaanses en anti-Afrikaner Naspes beheer word nie.

Die probleem is egter geld. So 'n tien jaar of wat gelede het ek as oud-joernalis (Perskor) by 'n paar kundiges gaan kers opsteek oor hoeveel geld ons nodig het om 'n nuwe koerant te begin en waar ons dit gaan kry. Die kundiges het toe reeds gese^ dat jy minstens R50 miljoen nodig het om so 'n koerant op te bou tot waar dit lewensvatbaar is. Ek vermoed daardie syfer moet nou op R100 miljoen gestel word.

Toe reeds was die probleem dat die groot geldmanne wat Afrikaanse vanne en agtergronde het, soos die Ruperts, die Wieses, die Bassons, die Moutons en die ander groot name van die KWV, Distell en andere almal voor die voet eerder Naspers aanhangers is en min tyd het vir hierdie klomp agterlike, bekrompe Afrikaners – soos ek en JH du Toit en ander wat tuis voel hier by Praag.

En deesdae is die probleem dat 'n nuwe Afrikaanse koerant eenvoudig nie advertensies gaan trek om te kan voortbestaan nie – gaan kyk hoe neem Afrikaanse advertensies in die Naspers-koerante af en hoe baie Engelse advertensies dra hulle – om nie eens te praat van die adverteerders in hierdie koerante en tydskrifte wat hulle ware aan ons wil verkwansel met gebruik van foto's, ens van swartes nie. Bykbaar glo die manne van die advertensiewese jou wragtag dat ek 'n produk gaan koop wat deur 'n andersoortige en volksveemde aan my afgesmeer word!

En dan gaan die elektroniese nuusmedia soos Praag se nuusblad die inding van die toekoms wees. Gaan kyk gerus op die internet hoe eens groot koerante in die VSA besig is om te vou of hul ware op die internet probeer aanbied. Dit is die tendens.

Dus: Bou Praag se nuusdiens uit. Vertel al jou vriende en kennisse daarvan, help met berigte en artikels en bou so 'n baie doelreffender teenvoeter teen die anti-Afrikanermedia as net nog 'n koerant. Gee ook steun aan ander pro-Afrikaner elektroniese instansies, maar kyk maar eers mooi wie hulle is. Hierdie klomp IsraelVisie ouens is steeds met ons en alles behalwe stil en rustig!

roulette no

Verdere vuurwapenlisensies kan nie geweier word

Die Vryheidsfront Plus het ‘n skrywe aan die minister van Veiligheid en Sekuriteit, mnr. Nathi Mthethwa, gestuur waarin hy, ingevolge die Gelykheidswet (Wet op die Bevordering van Gelykheid en die Voorkoming van Onbillikke Diskriminasie, Wet 4 van 2000), versoek word om verdere herregistrasie van vuurwapens toe te laat.

“Dit is uiters onbillik om vuurwapeneienaars wat nie die spertyd van 31 Maart gehaal het nie, nou te verbied om steeds aansoek te doen vir herregistrasie. Eienaars wat nie die vorige spertye, volgens hulle geboortemaande gehaal het nie, kon daarna nog steeds aansoek gedoen het. Daar is nou ongelyke behandeling teenoor die laaste groep wat in Oktober tot Desember verjaar het. Dit is ook nie eienaars se skuld indien die polisie nie oor die administratiewe vermoë beskik het om die stormloop te kon hanteer nie. Indien ‘n persoon by die polisiestasie was op 31 Maart, maar nie gehelp kon word nie, is daar skuld aan die kant van die Minister”, sê mnr. Pieter Groenewald (LP), hoofwoordvoerder van Veiligheid en Sekuriteit vir die Vryheidsfront Plus.

“Ten einde gelyke behandeling te verseker in terme van die Gelykheidswet, kan en behoort die minister herregistrasie tot middel Junie 2009 toe te laat. Dit is steeds binne die bepalings van die Vuurwapenwet, want klousule 11 van Bylae 1 van die Vuurwapenwet (Wet 60 van 2000) gee die Minister kans tot voor 30 Junie 2009”, het Groenewald gesê.

site лобановский политик

Wat ‘n dag met Zuma!

Afrikaanse organisasies van oor die hele spektrum, vanaf die mistiek regse Boerevryheid van dr. Lets Pretorius, tot die politiese korrekte ATKV met Danny Titus aan die stuur, het gister in die Hilton-hotel in Sandton hul harte uitgestort teenoor die ANC-leier, Jacob Zuma.

Almal was dit agterna eens dat gister 'n merkwaardige dag was. Reeds tydens sy openingstoespraak het Zuma heel ander geluide gemaak as wat ons tot dusver van die ANC te hore gekry het. Hy het Afrikaners geprys vir hul bydrae tot die ontwikkeling van die land en erken dat hulle 'n unieke rol in die totstandkoming van die land gespeel het.

Trouens, soms moes 'n mens jouself knyp om seker te maak dat jy hoor wat jy hoor, want by tye het dit selfs geklink asof Zuma meen apartheid was ná alles nie so 'n groot sonde nie. Geen wonder die DA het Zuma agterna gekritiseer vir sy verklaring dat Afrikaners die enigste ware blanke Suid-Afrikaners is nie. Want indien Zuma 'n blanke was, sou hy sekerlik deur die DA as rassis uitgekryt gewees het weens sy stellings oor apartheid waarvan hy sommige aspekte as "innoverend" beskryf het.

Blykbaar het die hele geleentheid die ANC – en seker indirek die belastingbetaler – R500 000 uit die sak gejaag, met 'n smaaklike middagete wat voorgesit is. Dis seker gelykstaande aan die jaarlikse begroting van sommige Afrikaanse organisasies wat teenwoordig was, maar wat een en almal opgeruk het om hul sê te kom sê.

Sommiges, soos die ATKV en Afrikanerbond, was voorspelbaar polities korrek en het bloot hul clichés oor "diversiteit" en "diensbaarheid aan die regering" herhaal, maar die meeste organisasies het kritiek teenoor die ANC-leier uitgespreek, sonder om doekies om te draai.

Deur die bank het almal gevoel dat regstellende aksie onregverdig is en dat geweldsmisdaad 'n onhoudbare probleem geword het. Diskriminasie teen en miskenning van Afrikaans het ook gereeld op die klagtelys verskyn en sowel Jacob Zuma as Matthews Phosa moes deeglik kennis neem van Afrikaners se besorgdheid oor hul taal, hul skole, universiteite en ander instellings wat onder die ANC so gruwelik verwaarloos of verengels word.

Zuma is 'n goeie spreker wat die gehoor oortuig het dat hy nie bloot met 'n publisiteitsfoefie besig is nie, maar werklik die staat se vyandigheid en overskilligheid teenoor Afrikaners wil omkeer. Hy is ook 'n diplomaat wat die soms skerp kritiek teen die ANC-bewind rustig en met begrip aangehoor het. Izak Burger van die Apostoliese Geloofsending het hom veral gekasty oor sommige van sy uitsprake waarin hy na bewering die Here Jesus se naam ydellik gebruik het deur byvoorbeeld te sê dat die ANC "tot Jesus kom" gaan regeer. Hoewel sy antwoord nie heeltemal oortuig het nie, het Zuma tog getoon dat hy sensitief is vir die Afrikaner se godsdiensgevoel, homself insgelyks as 'n Christen beskryf en om verskoning gevra indien sy uitlatings aanstoot gegee het.

Ook die nuwe wapenwet is geopper, onder andere deur PRAAG, en daar is gevra of ons dan krygsgevangenes is wat in die tou moet staan om ons wapens prys te gee.

Dr. Koos Malan van die Regslui vir Afrikaans het heeltemal korrek opgemerk dat Zuma nie die Afrikanerstem nodig het om 'n meerderheid te behaal nie. Daarom was hy nie besig met 'n verkiesingsveldtog nie, maar het wel tot dusver blyke van opregtheid gegee in sy bereidheid om na Afrikanerprobleme te luister. Volgens Malan toon Zuma hiermee leierskap, wat nie noodwendig tydens die Mbeki-tydvak gegeld het nie.

Ekself het 'n verdere pleidooi gelewer dat ons 'n eie Afrikaneronderwysowerheid moet verkry waardeur die oorblywende Afrikaanse staatskole, asook een of twee universiteitskampusse, aan Afrikaners oorgedra behoort te word.

'n Woord wat telkens opgeduik het en aanvanklik deur Matthews Phosa gebruik is, was "hardegatgeit". Die gevoel was dat die sogenaamde "hardegat-Afrikaner" juis respek afdwing en nou weer na vore moet kom. Daar is nie na die teenoorgestelde figuur van die "kruipende Afrikaner" verwys nie, maar dit was opvallend dat daar nie meer, soos onder FW de Klerk en Roelf Meyer, 'n verskonende en onderdanige houding teenoor die ANC ingeneem word nie, maar reguit gepraat word deur die meeste organisasies wat teenwoordig was.

Aan die einde het Zuma 'n staande toejuiging van die afgevaardigdes ontvang, wat myns insiens geregverdig was. Waarskynlik neem Zuma 'n bepaalde risiko om so tegemoetkomend teenoor Afrikaners op te tree, terwyl sy linkervleuel, waaronder die Engelse radikales in sy party, steeds van hom verwag om Afrikaners eerder te ondergrawe as om met begrip na hulle te luister. Ook die buiteland, in die vorm van Brittanje en die VSA, kan beswaarlik beïndruk wees dat hy as't ware die Afrikaner, wat as sondebok vir die Weste se koloniale sondes gebrandmerk is, gerehabiliteer het deur ons nie meer as mense wat 'n sogenaamde "misdaad teen die mensdom" gepleeg het te behandel nie. Sekerlik stik menige Britse of Amerikaanse liberalis vandag in sy oggendtee deur Zuma en die Afrikaners so gesellig saam te sien kuier.

Zuma het veral sy waardering vir Afrikanerlandbou uitgespreek en heel moontlik kan ons 'n nuwe benadering teenoor ons boere van die inkomende ANC-bewind verwag.

Aan die einde het die ANC-president, wat na alle waarskynlikheid Suid-Afrika se volgende president gaan wees, belowe dat gister se gesprek 'n permanente forum moet word waar Afrikanerprobleme gereeld geopper kan word.

Ironies genoeg is Zuma besig om ook op 'n manier die Afrikaner te verenig, ná al ons onderlinge verdeeldheid en politieke gevegte van die afgelope dekades. Nie alle organisasies was gister teenwoordig nie, maar gegewe die breë spektrum wat wel daar was, kan ons sê dat ons uiteindelik oor 'n verteenwoordigende vergadering beskik. Al is die sameroeper dan ook 'n Zoeloe wat van korrupsie verdink word.

Selfs al kom daar niks verder van gister se vergadering nie – en alle aanduidigings is dat ons wel op die vooraand van 'n nuwe Afrikaner-ANC-politiek in Suid-Afrika verkeer – het Jacob Zuma dus reeds die byna onmoontlike reggekry: om sulke uiteenlopende Afrikaners in een saal bymekaar te kry.

Uitgebreide spioenasienetwerk ontbloot

‘n Uitgebreide elektroniese spioenasieoperasie het rekenaars geïnfiltreer en dokumente gesteel van honderde regerings- en privaatkantore regoor die wêreld, insluitend die van die Dalai Lama, het Kanadese navorsers gesê.

In ‘n verslag wat verlede naweek bekend gemaak is, het die navorsers gesê dat die sisteem beheer word vanaf rekenaars wat byna eksklusief in Sjina gebaseer is, maar hulle het bygevoeg dat hulle nie kan sê dat die Sjinese regering betrokke was nie.

Die navorsers wat gestasioneer is by die Munk Sentrum vir Internasionale Studies by die universiteit van Toronto, is deur die kantoor van die Dalai Lama, die verbande leier van Tibet waaroor gereeld deur Sjina gekla word, se rekenaars te ondersoek vir tekens van skadelike sagteware.

Hulle speuroperasie het die venster geopen op ‘n wyer operasie wat in minder as 2 jaar ten minste 1295 rekenaars in 103 lande geïnfiltreer het. Baie van die rekenaars is in ambassades, buitelandse regeringskantore en ander regeringskantore, en ook in die Dalai Lama se Tibettaanse vlugtelingsentrums in Indië, Brussel, Londen en New York.

Die navorsers, wat ‘n rekord het met die opspoor van rekenaarspioenasie, het gesê hulle glo dat saam met die spioenasie op die Dalai Lama, die stelsel wat hulle “ghostnet” noem gefokus is op die regerings van Suid-Asiese en Suidoos-Asiese lande.

Intelligensie analiste sê dat baie regerings, insluitend die van Sjina, Rusland en Amerika, en ander partye gebruik mak van gesofistikeerde rekenaarprogramme om op koverte manier inligting in die hande te kry.

Die nuwe spioenasie operasie is by verre nog die grootste wat op die lappe gebring is in terme van lande wat geaffekteer is.

Daar word geglo dit is die eerste keer wat navorsers daarin geslaag het om die werking bloot te lê met betrekking tot ‘n operasie van die grootte.

Die operasie duur steeds voort, en meer as ‘n dosyn nuwe rekenaars per week word ingeneem en gemonitor het die navorsers in hulle verslag “Tracking ‘GhostNet’ : Investigating a Cyber Espionage Network.” gesê. Hulle het gesê dat hulle geen getuienis het dat Amerikaanse regeringskantore geïnfiltreer is nie, alhoewel ‘n NAVO-rekenaar vir ‘n halfdag gemonitor is deur die spioene en die rekenaars van ‘n Indiese ambassade in Washington geïnfiltreer is.

Die skadelike sagteware is merkwaardig vir die wydte van die werking daarvan. Dit kan byvoorbeeld die kamera en klankopneemtoerusting van ‘n besmette rekenaar aanskakel, wat moniteerders toelaat om te sien en hoor wat in die vertrek aangaan. Die ondersoekers sê hulle weet nie of die fasiliteit aangewend is nie.

Die navorsers kon ook bevele monitor wat gegee word aan die besmette rekenaars en die name van leggers sien wat gesteel is deur die spioene, maar in meeste gevalle is die inhoud van die leggers nie vasgestel nie. Die navorsers wat saam met die Tibettane gewerk het, het egter gevind dat spesifieke korrespondensie gesteel is en dat die indringers beheer oorgeneem het van die elektroniese posbediener rekenaars van die Dalai Lama se organisasie.

Die elektroniese spioenasie aktiwiteit het ook sommige impak gehad in die werklike lewe, volgens die navorsers. As voorbeeld het hulle ‘n e-pos uitnodiging genoem wat die Dalai Lama se kantoor gerig het aan ‘n buitelandse diplomaat, waarna die Sjinese regering ‘n oproep gemaak het aan die diplomaat en die besoek afgeraai het. Verder is ‘n vrou wat vir ‘n groep gewerk het wat internetkontak maak tussen Tibettaanse uitgewekenes en Sjinese burgers deur Sjinese intelligensie amptenare gestop onderweg na Tibet, waarna sy transkripsies van haar aanlyngesprekke gewys is en gewaarsku is om haar politieke aktiwiteite te staak .

Die Toronto navorsers het gesê dat hulle internasionale wetstoepassingsagentskappe ingelig het omtrent die spioenasie operasie, wat in hulle mening basiese tekortkominge blootstel in die regstruktuur van die kuberruimte. Die FBI het geweier om kommentaar te lewer.

Alhoewel die Kanadese navorsers gesê het dat die meeste rekenaars wat betrokke is in Sjina gestasioneer is, het hulle gewaarsku daarteen om te aanvaar dat die Sjinese regering betrokke is. Die spioenasie kan ‘n nie-regerings, winsgedrewe ding wees, soos een wat deur privaat burgers in Sjina, bekend is as die “patriotic hackers” bedryf word.

Ronald J. Deibert, ‘n lid van die navorsingsgroep en medeprofessor van politieke wetenskap by Munk het gesê: “Ons is versigtig rondom dit, omdat ons die stemming ken van wat aangaan in die donker onderwêreld.” “Dit kan selfs die CIA of die Russe wees. Dit is ‘n skaduagtige wêreld waarvan ons die deksel nou oopmaak.”

‘n Woordvoerder vir die Sjinese konsulaat in New York het die idee dat Sjina betrokke is verwerp. “Dit is ou stories en dis nonsens,” het woordvoerder Wenqi Gao gesê. “Die Sjinese regering is gekant teen kubermisdaad en verbied dit ten sterkste.”

Die Toronto navorsers wat die spioene se digitale spore aan ‘n New York Times verslaggewer gewys het, gaan hulle bevindinge publiseer in “Information Warfare Monitor”, ‘n aanlyn publikasie wat geassosieer word met die Munk Sentrum.

Ter selfde tyd gaan twee rekenaar navorsers by Cambridge universiteit wat ook gewerk het aan die ondersoek saam met die die Tibettane ‘n onafhanklike verslag bekendmaak. Hulle blameer Sjina en waarsku dat ander kuberkrakers dieselfde taktiek kan aanneem met die gebruik van skadelike sagteware.best way to promote instagram

Oorstromings tref Angola

Die VN het Dinsdag die hoeveelheid mense wat geraak word deur vloede opgeskuif na 200 000 en gewaarsku dat die syfer “waarskynlik sal toeneem” te midde van die ergste vloede wat die streek getref het in meer as vier dekades.

Die jongste syfers het ‘n verhoging aangetoon van 40 000 meer as die 160 000 wat verlede Vrydag gegee is deur die VN se kantoor vir koördinasie van humanitêre sake (OCHA).

Swaar reën en vloede het soveel as 350 000 mense geaffekteer in Namibië, met Malawi, Mosambiek, Botswana en Zimbabwe wat ook getref is deur die vloede.

“Die vloede in Suider-Afrika neem toe,” het OCHA-woordvoerder Elizabeth Byrs gesê, en bygevoeg dat die vloede “die ergste is in die streek sedert 1963”.

Namibië het ook gelei onder ‘n “kumulatiewe effek” omdat die vloede in 2008 reeds baie van die paaie en brue wat onder konstruksie was vernietig het toe nuwe reëns uitgesak het.

Die VN-agentskap het verlede week gewaarsku dat die vloede ‘n groot voedseltekort kan veroorsaak, omdat oesopbrengste na verwagting met 35% kan daal.

topcargo отзыв

Departement van gesondheid is vol politieke aanstellings

Die meerderheid van senior bestuurders in die departement van gesondheid was politieke aanstellings met geen bestuursvaardighede nie, het kundiges Dinsdag aan ‘n Vigskonferensie in Durban gesê.

“Die navorsing wat ons gedoen het, toon dat tussen 50% en 60% van senior bestuurders nog nooit blootgestel is aan bestuur nie. Hulle is net aangestel vanweë hulle politiekepartyverbintenisse,” het dr. Gustaaf Wolvaardt gesê by ‘n persverklaring oor die vierde Suid-Afrikaanse Vigskonferensie.

Wolvaardt is die direkteur van die stigting vir professionele ontwikkeling.

Die driedaekonferensie met deelnemers van 52 lande het Dinsdag begin by die Inkosi Albert Luthuli-konvensiesentrum en sou na verwagting amptelik geopen word deur adjunk-president Baleka Mbete op dieselfde dag.

Suid-Afrika beleef een van die ergste Vigs-epidemies ter wêreld. Teen die einde van 2007 was daar omtrent 5,7 miljoen mense in Suid-Afrika wat met Vigs besmet is.

“Ons het nie die infrastruktuur, dokters en verpleegsters om behoorlike MIV-behandeling aan te bied nie… En ons het meer fondse vergeleke met ander lande…,” het een konferensieganger gesê.

Ons het ‘n eie koerant nodig

Die jongste sirkus rondom beweerde rassisme teenoor 'n radikale swart student, Itumeleng Makgetla, by die Universiteit van Stellenbosch, het hier betrekking. Hierdie oordrewe en verdraaide storie het voorverlede Sondag op Rapport se voorblad verskyn.

Op die foto wat Rapport tydens die onderhoud geneem het, lyk Itumeleng Makgetla baie gesond vir iemand wat net twee weke terug op die rand van die dood verkeer het, soos beweer word. Dat Makgetla aan die rasgedrewe Black Students Association (BSA) behoort, lê sy sinistere agenda bloot. Ook is dit toevallig dat die ''aanval'' plaasgevind het net voordat hy op die punt was om die US te verlaat. Dit klink alles baie verdag, so kort voor die verkiesing, terwyl die blank oorheersde DA 'n ernstige bedreiging vir die ANC in die Wes-Kaap inhou …

Met hierdie artikel het ons nog 'n voorbeeld van hoe Rapport 'n onbenullige en geïsoleerde geval aanbied as wit op swart rassisme. Nogtans ontken die comrades by Heerengracht 40 die daaglikse swart-op-wit haatmisdaad in hierdie Afrikanistiese anti-blanke moordryk. Die linkse redakteur van Rapport sal toelaat dat haar joernaliste sulke ongeloofwaardige aanklagte van rassisme opdiep terwyl daar op plase en in voorstede 'n swart-op-wit volksmoord aan die gang is. Ongeag die reeds gepolariseerde situasie ontsien Naspers dit nie om nog meer haat jeens die Afrikaner aan te hits nie. Vir seker gaan hierdie ''insidente'' buite verhouding voorgestel word in die dae wat kom en sal die gepaardgaande aanjaag van anti-blanke emosies nog meer Afrikanerbloed laat vloei. Liza Albrecht is 'n onverantwoordelike redaktrise wat enigiets sal doen om haar politieke meesters te beïndruk.

Duidelik het die ANC-kaders François Groepe en Jakes Gerwel, sowel as die res van die ANC-lede en Mandela-aanhangers by Naspers nou hul ideologiese houvas op hierdie propagandahuis tot die uiterste gevoer. Liza Albrecht voer die Afro-fascistiese agenda van die Naspersdireksie uit. Die teiken is hierdie keer die US en die strategie is om 'n Reitz-insident te skep waarna Julius Malema (van die ANCYL) met die hulp van die Black Students Association die groter ANC tot aksie sal oorhaal. Intussen sal die Afrikanistiese brigade by Naspers die ANC-koor met hul musiek begelei. Alles mooi georkestreer en gedirigeer deur ANC-kommissaris Jakes Gerwel ('n afgevaardigde vanuit die vorige ANC-president se kantoor) en kie. Die poging is om nog 'n Afrikaner-universiteit oornag te afrikaniseer. Hierdie is ''revolution by stealth''. 'n Insident word geskep en 'n georkestreerde drama met gevolglike verandering vind plaas. Naspers raak nou saam met die ANC Afrikanervyand Nommer Een. Dit gaan nou te ver…

Naspers se koerante moet sekerlik die enigste in die wêreld wees wat konstant hul dominante lesersmark beledig en kasty. Om gedurig sy eie lesers te probeer oortuig dat die onderdrukking wat hulle ervaar hemel op aarde is en dat hulle in elk geval 'n klomp slegte rassiste is wat niks beter verdien nie, spreek van die ongelooflikste arrogansie. Dan gaan hulle nog verder deur radikale swart studente se versinsels en verdraaings aan te wend om rassehaat teen hul lesers aan te hits. Verbeel jou 'n besigheid wat sy eie verbruikers so openlik en met soveel oortuiging ondergrawe … Asof dit nie genoeg is nie, skroom hulle nie om te noem dat die arme swart bloedjie aan 'n rassistiese studente-organisasie behoort nie. Laasgenoemde dis hulle met soveel selfvertroue op, kompleet asof dit in orde is dat swartes rassiste mag wees. Hierdie openlike rassis bied hulle dan aan as 'n geloofwaardige getuie. Verbysterend…

In die jongste weergawe van Rapport loods die joernalis Andries Vrey 'n rassistiese tirade teen Rapport se lesers. Die blote feit dat lesers op Rapport se blog 'n probleem met die jong swart rassis se bewerings had, maak dat Adries Vrey Rapport se lesers as rassiste brandmerk. Vrey beweer dan ook dat blanke Suid-Afrikaners maar verdien om onder die hiel van regstellende askie te verkeer. Vrey, wie se artikel deurspek is met Naspers se linkse cliches, beweer dan ook dat daar geen rasmotief bestaan in die gewelddadige aanvalle wat blankes in SA moet verduur nie. Weereens in Naspers tradisie word die Afrikaner-holocaustontkenning gepleeg waarvoor Naspers nou reeds berug geraak het. Gelukkig reageer Rapport se lesers weer met 'n stortvloed van teenaanvalle op Rapport vir hierdie blatante anti-Afrikanerpropaganda.

Mens moet egter in ag neem dat Naspers tans deur 'n bende van selferkende Mandela-aanhangers (soos Ton Vosloo) ANC-kaders (soos François Groepe en Jakes Gerwel) en verskeie ander ANC-lede en -meelopers bestuur word. Hierdie propagandahuis se uitsluitelike doel is om die ontmagtigde Afrikaner te ondergrawe en op elke gebied te saboteer. Dit moet die Afrikaner se doel word om hierdie propagandakonglomeraat in ruil te boikot en te benadeel. Sodra ons selfbeskikking bekom, moet die nasionalisering van Naspers die hoogste prioriteit verdien. Daarmee saam sal vervolgingsaksie teen joernaliste en redakteurs, wat anti-Afrikaneraksies in 'n tyd van volksmoord gepleeg het, moet volg.

Naspers se jongste aanval en aanhitsing van haat jeens die Afrikaner, bevestig onomwonde die noodsaaklikheid vir ons eie gedrukte Afrikaanse koerant. Ons benodig 'n koerant deur ons mense vir ons mense, 'n koerant wat nie deur vyande van ons volk beheer word, soos tans die geval met Naspers/Media24 nie. Hierdie skrywer versoek hiermee dat ons 'n fonds op die been bring om 'n pro-Afrikaner-/Boerekoerant mee te finansier. Hierdie sal 'n inklusiewe koerant wees wat alle Afrikaner-/Boerebewegings goedgesind sal wees. Laat ons opgewonde raak en werk maak hiervan.

полиграф защита

Wapenwet kriminaliseer slagoffers

Ons het aandagtig na direkteur Kolonel Bothma geluister op vrae van Freek Robinson.

Alles het redelik sin gemaak behalwe die kernkwesie naamlik: Die rol wat die wetstoepassers versuim om te vervul.

Hoeveel gewapende polisiemanne voldoen aan die vereistes wat van die publiek vereis word tov bekwaamheidsertifikate en lisensies?

Hy sê dat een uit elke nege gesteelde/verlore wapens dié van die polisie is. Dis ‘n geweldige bewering!! Daar is ten minste 8 600 verlore polisie wapens uit ‘n onbekende totaal wapens in die besit van die SAPD. Daar is volgens die kolonel rofweg 900 000 privaat wapens wat nuwe lisensies soek. Maw daar word minstens 77 000 + 8 600 = 85 600 wapens per jaar in totaal gesteel! Omdat 8 % van die wapens jaarliks gesteel word, word die totale hoeveelheid wapens met minstens 8 % per jaar minder. Eksponensieel behoort al die wapens opgesteel te wees na 12 jaar – dan sal al die wapens ongelisensieer gesteel van eienaar verwissel.

Die vraag is dus wat doen die polisie met hulle wapens en ammunisie anders as om dit te verloor?

Jaggewere word nooit in rooftogte gebruik nie. Ons wil weet wat is die populêre kaliber wapen vir rowers. Ek is bereid om ‘n weddenskap aan te gaan dat dit die 9 mm-parabellumkaliberpistool is soos wat die polisie gebruik – omdat die ammunisie vrylik beskikbaar is. Die hoeveelheid suksesvolle rooftogte wat met een soort wapen uitgevoer kan word, hang van die beskikbaarheid van ammunisie af.

Dis opvallend nie die LISENSIES wat die probleem is nie maar die STEEL. Steel word nie gekeer met lisensies nie maar met wetstoepassing op skurke. Die SAPD is veronderstel om met hulle wapens te keer dat my goed gesteel word.

Lisensies sal dus geen verskil maak aan diefstal nie behalwe as ons wapens self kan gebruik om huis en haard te beskerm.

Aan die anderkant staan dit dan almal vry om op ‘n gelyke voet wapens te steel [regstelende aksie] en in besit te wees van ‘n gesteelde wapen om onsself te beskerm. Dis die logiese gevolg van die kriminalisering van slagoffers.

Ook hieroor is ek bereid om ‘n weddenskap aan te gaan.

топкарго отзыв

Heimattroue Duitse jeug verbied

Die Duitse minister van binnelandse sake, Wolfgang Schäuble, het ‘n patriotiese jeuggroep, die Heimattroue Duitse Jeug (HDJ) Dinsdag verbied terwyl polisie vroegoggend klopjagte gehou het op lede se huise in verskeie deelstate.

Regeringsamptenare het opgemerk dat die HDJ wat in Kiel geregistreer is, nou amptelik ontbind is, het mediaberigte gesê. Intussen het polisie die huise van lede in die deelstate Laer-Sakse, Berlyn en Brandenburg binnegegaan om klubgelde te konfiskeer.

Volgens die ministerie van binnelandse sake oortree die groep ‘n klubwet, wat sê dat indien groepe die landswette oortree of teen 'n internasionale verstandhouding inbeweeg, dit verbied kan word.

Die uitsaaier MDR het gesê die minister van binnelandse sake baseer sy besluit op getuienis wat verlede jaar in Oktober gevind is in klopjagte wat bewys het dat die groep effektief oorlogsgereed is en dus onwettig is.

Op sy webwerf sê die HDJ dat hulle stry vir ‘n onafhanklike Duitsland, vir tradisionele waardes en ‘n lewensstyl wat gereflekteer word in ‘n gesonde liggaam, gees en karakter. Die groep stry ook teen die gebruik van Engels in hulle Duitse moedertaal.

Hulle koerant “Firebrand” het ‘n subtitel “Jonk, Wild, Lojaal teenoor die volk”.

free slots

Op die rand van ?die duisternis?

Die VN sekretarisgeneraal Ban Ki-Moen en die hele Veiligheidsraad probeer om Haïti in ‘n “voorbeeld-A” te verander om buitelandse hulp te laat aanhou vloei, ten spyte van meer beperkte begrotings. Almal van hulle benadruk dat die arm land by ‘n kruispad staan tussen redding en die duisternis, soos mnr. Ki-Moen dit gestel het. Haïti se onluste verlede jaar was redelik intens, met die land wat steier onder voedseloproere wat die regering omvergewerp het en ‘n reeks orkane wat honderde dood gelaat het en die ekonomie verder op sy knieë dwing.

Die VN is nou bekommerd dat hoewel die grondslag gelê is om die bedreigings die hoof te bied, die geleentheid as gevolg van die globale krisis sal verbygaan. Omtrent nog 46 miljoen mense sal na verwagting vanjaar in armoede ondergaan te midde van die grootste afname in wêreldhandel in 80 jaar, volgens die Wêreldbank.

Die vredesmag het byvoorbeeld oorlog verklaar teen die bendes wat ‘n plaag is in Haiti, met ‘n mate van sukses. Ontvoerings het afgeneem van 722 slagoffers in 2006 tot 258 slagoffers verlede jaar, volgens VN-statistieke.

Met die kwessie van sekuriteit wat verbeter is, het mnr. Ki-Moen mnr. Collier – ‘n Oxford-professor wie se boek oor die herstel van mislukte state, “The Bottom Line”, hom baie gewild gemaak het by die VNhoofkwartier – opdrag gegee om 'n oplossing uit te dink om Haïti reg te ruk. Hier is waarmee hulle te doen het: Sowat 40% van die veselperskeoes is te erg gekneus om uitgevoer te word as gevolg van Haïti se slegte paaie.

Inwoners van Haïti soek dikwels werk in Amerika, maar dié veiligheidsnet het effens gekrimp as gevolg van die resessie. Met sowat 900 000 jeugdiges wat na verwagting die arbeidsmark gaan betree in die volgende 5 jaar, lyk hulle slegte vooruitsigte na ‘n groot bedreiging vir stabiliteit.

Dit het 5 maande geneem om ‘n nuwe regering aangestel te kry ná die 2008-voedselonluste, en VN amptenare sê ontwikkeling word in die wiele gery deur ‘n korrupte regstelsel, swak eiendomswette en baie oneffektiewe hawens.