Verkragting – Bladsy 4

Dan Roodt: Word SA howe nou boendoehowe waar oor beeste gekibbel word?

Die nuus dat ‘n swart regter in die hooggeregshof gelas het dat ‘n verkragter ‘n afkoopboete van R100 000 aan sy slagoffer betaal, demonstreer in welke mate ons hofgeboue steeds in Westerse styl gebou is, maar dat die regstelsel lankal nie meer volgens vertroude Romeins-Hollandse beginsels funksioneer nie. Voor 1994 is sogenaamde naturellereg of “inheemse reg” wel toegepas waar swartes binne stamverband geskille oor lobola, erfreg, huwelike, weidingsreg en ander kwessies moes beslis en die nougesette wyse waarop vorige blanke regerings hierdie reg in stand gehou het, was ‘n toonbeeld van ons verdraagsaamheid teenoor en agting vir Afrikakultuur.

Die punt aangaande inheemse reg is egter dat dit slegs tussen swartmense gegeld het, en elke gerapporteerde saak het ook die vermelding “Zoeloe teen Zoeloe” of “Xhosa teen Pedi”, ens. bevat. Waar stamgebruike verskil het, het voorsittende beamptes op billike wyse sulke gebruike en voorskrifte geïnterpreteer ten einde geregtigheid te laat geskied.

Anders as by godsdiens waar ‘n mate van sinkretisme tussen die Christendom en voorvadergelowe verdra is, het die reg streng tussen die Westerse en Afrikaparadigmas onderskei en is geen vermenging van benaderings of beginsels toegelaat nie.

Wat strafsake soos moord, roof en verkragting betref, was dit daarom ongehoord dat so ‘n saak op die Afrikamanier verhoor sou word. Selfs swartes is in strafsake volgens Westerse beginsels verhoor en gevonnis. In elk geval was geen blanke, kleurling of Indiër onderworpe aan Naturellereg nie, aangesien dit tot ‘n heeltemal ander kultuurverband behoort het.

Die uitspraak van regter Mavundla waarin hy ‘n verkragter van Schweitzer-Reneke ‘n afkoopboete van R100 000 oplê, wat aan die slagoffer betaalbaar is, verteenwoordig juridiese sinkretisme. Polities korrek word dit “herstellende geregtigheid” genoem, ‘n term wat deur ‘n ander boendoehof, die Waarheids- en versoeningskommissie, gewild gemaak is. Maar in wese is dit niks anders as die oeroue Afrikagebruik om alle geskille, ook moord en verkragting, by wyse van afkoopboetes of ruilhandel met beeste te besleg nie.

Suid-Afrika huiwer reeds op die rand van anargie, met die hoogste verkragtingsyfer ter wêreld, asook een van die heel hoogste moordsyfers. Mensehandel en prostitusie, selfs van kinders, is algemeen. Indien bendes of ryk handelaars, soos die verkragter in dié geval, oor die reg beskik om letterlik hul slagoffers of hul gesinne se berusting in onreg “te koop”, waar eindig ons dan? Eeue se regsbeginsels wat ons vanuit Rome en die Europese stelsel oorgeërf en plaaslik ontwikkel het, word hiermee weggesmyt en ons eindig by die boendoehof onder ‘n boom wat onmoontlik die eise van ‘n moderne nywerheidsmaatskappy kan hanteer.

Wat beteken ‘n regsgraad dan indien ‘n strafsaak by wyse van onderhandeling tussen dader en slagoffer of die slagoffers se familie, besleg kan word? Ook moord, wat in die Romeins-Hollandse reg as die ergste misdaad beskou word omdat dit die mens se liggaam en gees op die ergste moontlike manier aantas, verval hiermee en word slegs nog ‘n geringe oortreding waarvan die skade op ‘n veiling deur ‘n afslaer bepaal mag word. En as daar ‘n blote geldelike waarde op menselewens of ons waardigheid geplaas kan word, waarom is mensehandel of slawerny dan verkeerd?

Daar is vele mense in ons land – ook blanke Afrikaners – wat nie meer in staat is om logies te dink en die gevolge van oënskynlik gerieflike besluite tot hul volle logiese uiteinde deur te trek nie. Die verkragte vrou van Schweitzer-Reneke se begeerte na ‘n nuwe Toyota het blykbaar van haar rede en sin vir geregtigheid besit geneem.

Romeins-Hollandse en ander Westerse regsvorme moet met dieselfde drif as die Afrikaanse kultuur verdedig word, anders gaan ons by ‘n situasie eindig waar die geboue waar uitsprake gelewer word as enigste Westerse element van die reg gaan oorbly. Welaf handelaars en skurke met baie geld sal kan maak wat hulle wil en die spreekwoord, “geld wat stom is, maak reg wat krom is”, sal oral geld.

Hoe gouer kulturele selfbeskikking ingestel word en ons verseker kan wees dat elke Afrikaner volgens die beginsels van ons kultuur en regspraak verhoor sal word, hoe beter.

Eie taal, eie hof! moet die slagspreuk wees.

Boendoegeregtigheid vir blanke vrou: haar verkragter betaal afkoopboete van R100 000

‘n Blanke vrou van Schweitzer-Reneke wat deur ‘n Indiërhandelaar verkrag is, sal R100 000 ontvang in ruil daarvoor dat haar verkragter nie tronk toe hoef te gaan nie. Dit is ‘n vorm van “inheemse” of “Afrikareg” waar beeste of geld in ‘n strafsaak aangebied word om die slagoffer of sy gesin vir die misdaad te vergoed.

Aboobaker Seedat, wat naby 70 jaar oud is, het die 57-jarige vrou verkrag toe hy ‘n lamp by haar huis afgelewer het. Nadat hy die lamp in haar slaapkamer geïnstalleer het, het hy haar teen die spieëlkas gegooi en twee keer verkrag. Hierna het die vrou die polisie op Schweitzer-Reneke gebel, maar niemand het die telefoon beantwoord nie.

Hoewel Seedat onskuldig gepleit het, is hy op 2 Februarie 2011 tot sewe jaar genvangenisstraf gevonnis. Ten tye van die vonnis was hy 63 jaar oud. Hy besit twee winkels.

Hierna het Seedat teen sy skuldigbevinding en vonnis na die hooggeregshof geappelleer waar ‘n swart regter, Moses Mavundla, ingestem het tot ‘n Bantoe-benadering tot die misdaad by wyse van ‘n afkoopboete wat aan die slagoffer betaal word. Seedat het in sy hofstukke aangevoer dat die landdros wat hom skuldig bevind het, slegs op die Romeins-Hollandse reg gesteun het en nie “herstellende geregtigheid” op die Afrika-manier in ag geneem het nie. Die staat het ook nie Seedat se versoek om eerder ‘n afkoopboete vir die verkragting te betaal, teengestaan nie.

Volgens Mavundla, het die landdros ‘n “dwaling begaan” deur nie ook die moontlikheid van ‘n afkoopboete te oorweeg nie. Die landdros het hom egter streng by die Strafproseswet gehou en gemeen die wet laat hom nie toe om so ‘n “oplossing” te oorweeg nie.

Die slagoffer het haar bereid verklaar om ‘n nuwe Toyota plus kontantbetalings ter waarde van R245 000 te aanvaar. Volgens regter Mavundla was dit egter te veel vir ‘n verkragting en het hy die bedrag van die afkoopboete op R100 000 vasgestel. Die tronkstraf van sewe jaar is vir vyf jaar opgeskort, met dien verstande dat die handelaar die bedrag aan die vrou in paaiemente betaal.

Wit meisie se vermeende moordenaar kry borg

Die swarte wat verdink word van die moord op die 16-jarige Noeline Koekemoer van Bainsvlei, verskyn na verwagting vandag weer in die Bloemfonteinse Landdroshof.

Koekemoer se ma Natasha het vroeër die maand op haar dogter se liggaam in hul woonstel op ‘n hoewe in Bainsvlei afgekom.

Die vertek waarin Koekemoer wreed verkrag en vermoor is, was deurdrenk met bloed maar niks is gesteel nie.

Die swart aanvaller staan tereg op aanklagte van huisbraak, verkragting en moord.

Die verdagte word verbind met ‘n vorige oortreding van diefstal en is tans uit op borgtog. Hy het nog nie gepleit nie en bly in aanhouding in Bainsvlei.

Die staat het gevra dat borgtog nie toegestaan word nie.

Volgens die polisie “was daar geen motief vir die moord nie”.

Gastehuismoordverdagtes voor

‘n Egpaar verskyn binnekort in die hof in verband met die moord op Elmarie van Zyl (40) wie se ontbinde liggaam onlangs in ‘n gastehuis in Bloemfontein gevind is.

Vrystaatse polisiewoordvoerder, Mmako Mophiring, sê die paartjie is gister in Harrismith aangekeer nadat ‘n polisiebeampte, wat in die strate rondgery het, die egpaar met hul baba opgemerk het.

Die polisie het ‘n foto van die bruinman, slegs bekend as Revon, gepuliseer nadat Van Zyl se erg ontbinde liggaam in Maart in ‘n gastehuis in McHardystraat in Brandwag, Bloemfontein, aangetref is.

Mophiring sê die egpaar word in Harrisith aangehou en ‘n hofverskyning sal deur die Parkweg polisiestasie bepaal word.

Van Zyl se naakte liggaam is tussen die basis van die bed en die matras versteek. Sy is glo verwurg en die vermoede bestaan dat sy ook verkrag is. Sy het glo saam met die egpaar by die gastehuis ingeboek.

Bob Hewitt skuldig aan verkragting

Die voormalige tenniskampioen, Bob Hewitt is in die hof in Palm Ridge aan die Oos-Rand skuldig bevind op twee aanklagte van verkragting en een van onsedelike aanranding.

RSG het berig dat die 75-jarige Hewitt aangekla is van die verkragting van twee van sy voormalige studente, Theresa “Twiggy” Tolken en Suellen Sheehan in die 1980’s, en die onsedelike aanranding van ‘n derde vrou, wie se naam nie bekendgemaak mag word nie.

Regter Bert Bam het beslis dat die staat sy saak bo alle redelike twyfel bewys het.

Bam het gesê die drie klaers het basiese regte, en tyd het nie die misdade uitgevee nie.

Volgens Ban moet ‘n skuldige persoon nie ongestraf bly nie.

Vrou by myn verkrag

‘n Vrou is glo by ‘n myn van Anglo American Platinum (Amplats) in Rustenburg verkrag, het die vakbond NUM Dinsdag gesê.

“Daar word beweer dat die vrou in ‘n aantrekkamer by die myn verkrag is,” het Sydwell Dokolwana, NUM se streeksekretaris in Rustenburg, gesê. Volgens Dokolwana is die vrou Sondag by die Thembelani-myn verkrag.

“’n Verdagte het glo die aantrekkamer met ‘n skroewedraaier binnegekom. Hy het die vrou beveel om haar klere uit te trek en gedreig om haar dood te maak indien sy nie gehoor gee nie.”

Die polisie in Noordwes het volgens Sapa bevestig dat ‘n klag van verkragting ondersoek word en dat ‘n 28-jarige man in hegtenis geneem is.

“Veiligheidsbeamptes kon daarin slaag om die verdagte voor te keer en het die polisie ontbied.” Hy sal na verwagting Dinsdag in die Rustenburg-landdroshof verskyn.

Volgens Dokolwana is daar aan hulle gesê dat die man nie ‘n werknemer van Amplats is nie, en wil hulle weet hoe die man toegang tot die myn se perseel verkry het.

Mpumi Sithole, woordvoerder van Amplats, het gesê die verdagte het glo ook nog ‘n vrou probeer leed aandoen. Volgens Sithole ontvang die vrou wat glo verkrag is sowel as die ander vrou albei traumaberading.

Chris Griffiths, uitvoerende hoof van Amplats, het gesê die maatskappy veroordeel enige vorm van geweld teen vroue. “Ons is baie hartseer oor die gewelddadige kriminele daad en veroordeel dit ten sterkste. Die veiligheid van ons werknemers is ons nommer een prioriteit.”

Gevaarlike gevangene ontsnap

‘n Gevangene wat vandag vir verkragting gevonnnis sou word het vanoggend by die Bloemfonteinse landdroshof ontsnap.

Die 35-jarige John Ntseki het glo by die hofsaal uitgehardloop, deur verskeie kantore en deur ‘n venster oor die dak ontsnap.

Die polisie se Chaka Marope sê Ntseki is gevaarlik en moenie gekonfronteer word nie.

Ntseki is van Batho. Voorheen is berig dat hy gevra het om na die toilet te gaan.

Jan Kempdorp-4 saak begin

Die saak teen vier seuns van Jan Kempdorp in die Noord-Kaap wat daarvan beskuldig word dat hulle na bewering ‘n klasmaat by die landbouskool onbehoorlik aangerand het, begin vandag in die landdroshof op die dorp.

Die kind was nuut by die skool en die voorval was blykbaar ‘n tipe van ontgroeningseremonie. Die seuns, wat van verkragting aangekla word, is vroeër op borgtog van een duisend rand elk vrygelaat, het RSG berig.

Hulle is uit die skool geskors. Daar was vroeër onsekerheid of die seuns van verkragting aangekla sal word.

Intussen is berigte ontken dat die saak teen een van die seuns teruggetrek is. Die woordvoerder van die Noord-Kaapse onderwysdepartement Sydney Stander, sê al vier seuns word steeds aangekla.

Bob Hewitt se verkragtingsaak gaan voort

Die kruisondervraging van die Australiesgebore tenniskampioen, Bob Hewitt word Vrydag in die Johannesburgse hooggeregshof voortgesit.

Hewitt staan tereg op twee aanklagte van verkragting en een van molestering.

Hy het Donderdag in sy eie verdediging getuig nadat ‘n aansoek vir sy ontslag van die hand gewys is.

Die Staat wou tydens kruisondervraging van Hewitt weet hoe hy liefdesbriewe aan ‘n 12-jarige meisie kon skryf en dink dit is aanvaarbaar.

Hy het erken dat as hy nou daaraan dink dit nie gepas was nie.

“Ek het in ’n grap gesê dat, as ek verkragting nie kon vermy nie, ek net agteroor sou lê en dit geniet,“ het hy aangevoer.

Hewitt sê hy het dié aanmerking teenoor ’n klompie seuns gemaak aan wie hy tennislesse gegee het, maar een van die drie vroue wat Hewitt van verkragting en seksuele aanranding aankla, het egter Woensdag gesê dat hy die aanmerkings aan haar gerig het.

Suellen Sheehan, nog ’n beweerde slagoffer, het getuig dat Hewitt haar in 1982, voor ’n tennisoefening, in sy kar verkrag het. Sy was toe 12 jaar oud.

Theresa Tolken het aan die hof gesê dat Hewitt haar 34 jaar gelede, toe sy 12 was, onsedelik aangerand het.

Die 75-jarige Hewitt het vroeër getuig dat hy deur die media onder groot druk geplaas word en dat die publiek hom teister deur kwaadwillige boodskappe.

Hy het ook gesê dat hy bloot ‘n “vaderfiguur” vir een van sy vermeende slagoffers, Theresa Tolken, was.

City Press beweer wit skoolseuns ‘verkrag’ swarte met dweilstok

Die antiwit koerant City Press, wat al voorheen deur die Persombudsman voor stok gekry is weens fiktiewe beriggewing oor wit-op-swart geweld, het vanoggend die land op hol oor die beweerde “verkragting” van ‘n swart landbouskoolleerling deur sy wit koshuismaats, blykbaar as deel van ‘n ontgroeningseremonie.

City Press is ‘n Engelse Sondagkoerant in die Naspersstal en het die insident met geskal aangekondig as: “Schoolboy raped in horror ‘race attack’”.

Die vier leerders tussen die ouderdomme van 14 en 19 van ‘n skool in die Noord-Kaap wat vanoggend in die landdroshof op Jan Kempdorp op aanklagte van verkragting en aanranding verskyn, is sedert die beweerde voorval in die sorg van hul ouers.

‘n Klag van verkragting is intussen by die polisie aanhangig gemaak en die vier wit seuns tussen die ouderdomomme van 14 en 19 sal vanoggend in die landdroshof op Jan Kempdorp op aanklagte van verkragting en aanranding verskyn. ‘n Polisiewoordvoerder, Dimakatso Mooi, gebruik egter nie die term “verkragting” in sy verklaring nie. Hy sê bloot dat “dit beweer word dat die verdagtes die slagoffer se koshuiskamer Sondagaand om 9:30 binnegekom het. As deel van ‘n ontgroeningseremonie by die skool is hy kaal uitgetrek, sy hand en voete vasgemaak en met sy gesig na onder neergelê. Na bewering is die slagoffer deur die verdagtes gemolesteer en verneder.”

Die molestering is glo met ‘n besemstok of dweilstok gepleeg. Tot dusver is dit onbekend of daar wel penetrasie plaasgevind het, maar aanraking met die besemstok of dweilstok is volgens City Press die nuwe definisie van verkragting. Die koerant sê: “Aan die einde van die video, wat City Press gesien het, word die kind duidelik verkrag.”

Was dit ‘n tandeborsel of ‘n dweil?

In ‘n ander berig oor die voorval op die webblad van IOL, beweer die slagoffer se moeder dat hy met ‘n tandeborsel verkrag is. Sy sê:

“(Terwyl hulle hom vasmaak), het die kinders rassistiese taal gebruik.

Hulle het toe ‘n dweil geneem en seep en skeerseep op hom gesmeer. Nog ‘n leerling het ‘n tandeborsel geneem en dit in sy rektum gedruk. Daar is berigte dat hulle selfs die houtstok van die dweil in sy rektum gesteek het.”

Intussen het ‘n woordvoerder van Noord-Kaapse onderwysderpartement, Sydney Stander, die gedrag van die leerlinge as verkriklik beskryf terwyl ‘n LUR dit as “onswart” (unAfrican) tipeer. Stander sê:

“Dis met leedwese en groot teleurstelling dat die NKOD van die verskriklike, onmenslike voorval by Landbouhoërskool verneem het. Ons is deur die voorval geskok. Die LUR, Cjiekella-Lecholo, het geen woorde gehad toe hy daarvan in kennis gestel is nie. Hy het gesê dié tipe gedrag is onswart, onmenslik en hoort nie in die skoolstelsel nie.”

Die voorval word ook as “rassisties” gesien. Die departementshoof van onderwys in die Noord-Kaap, Tshepo Pharasi, sê die skool het “‘n geskiedenis van rassistiese voorvalle, en is daar al met die skool gewerk om sulke gedrag hok te slaan”.

Die skool het intussen die swart kind se skoolgeld terugbetaal. Daaroor sê die kind se moeder:

“Die skool het gesê dat my kind nie goed aanvaar sal word nie, indien hy na die skool sou terugkeer… nie dat ek hom wil terugneem nie.”

Potgooi: Dr. Dan Roodt oor Suid-Afrikaanse volksmoord op Amerikaanse radiostasie

In hierdie onderhoud wat op Sondag 11 Januarie 2015 met dr. Dave Janda van WAAM, ‘n radiostasie in Michigan, VSA, gevoer is, praat dr. Dan Roodt oor die Suid-Afrikaanse volksmoord en die verband daarmee met die radikale marxisme van die twintigste eeu. Hy verduidelik ook hoe verkragting in Suid-Afrika, nes in die DRK, as ‘n “oorlogswapen” gebruik word om ‘n hele groep mense te verneder.

[soundcloud id=’185788666’]

Swart verdagte weer voor vir veearts-moord

‘n Swartman gaan na verwagting vir ‘n tweede keer Maandag in die Witrivier-landdroshof in Mpumalanga verskyn in verband met die moord en verkragting van Rensia de Wet (46), veearts.

Die beskuldigde was na bewering een van De Wet se werknemers.

Die 30-jarige swarte is in polisie-aanhouding sedert De Wet se moord in Desember. Hy het op 15 Desember vir die eerste keer in die hof verskyn op aanklagte van moord, verkragting en huisroof, het Sapa berig.

Hy is in KwaMagugu buite Nelspruit in hegtenis geneem nadat die polisie op ŉ wenk reageer het. Die verdagte het glo op die landgoed gewerk waar De Wet gebly het.

De Wet se halfnaakte liggaam is op 9 Desember in ŉ plas bloed in haar huis op die Nottinghill Equestrian Estate gevind. Sy het steekwonde oor haar liggaam gehad.

Die verdagte kan nie geïdentifiseer word totdat hy op die aanklagte teen hom gepleit het nie.

Swartes min gepla met Mandela-huldeblyke

Aanhangers van Mandela het dié week ‘n veldtog geloods ter ere van die voormalige terroris wat min belangstelling by die swart publiek gaande gemaak het.

Hy is vereer vir die bomme wat hy en sy mede-terroriste geplant het en waarin onskuldige burgerlikes dood is.

Die Nelson Mandela-sentrum van herinnering in Johannesburg het ‘n multi-media uitstalling gehou in een van vele huldeblyke aan hom.

Dit is vandag ‘n jaar sedert Mandela se afsterwe. Die geleentheid is bygewoon deur Mandela se familie en hoogwaardigheidsbekleërs soos die Minister van Wetenskap en Tegnologie, Naledi Pandor, die adjunk-Hoofregter, Dikgang Moseneke, die musikant, Yvonne Chaka Chaka en die uitvoerende hoof van Edcon, Jurgen Schreiber.

Gaste het na huldeblyke van regoor die wêreld gekyk. Pandor het die hooflesing gelewer, waarin sy gefokus het op die “nie-rassige samelewing” wat Madiba help vestig het, en waar nuwe apartheid ingestel is om ‘n swart meerderheid te bevoordeel ten koste van wit minderhede en die ras van swart misdadigers verswyg word in anti-wit haatmisdade.

Die uitvoerende hoof van die sentrum, Sello Hatang het Suid-Afrikaners nietemin aangemoedig om in Madiba se voetspore te volg.

Die SABC het ook elke geleentheid benut om Mandela en kohorte te prys en op te hemel. Wolfie Kodesh het tydens ‘n dokumentêre uitsending trots vertel hoe hulle onskuldige burgerlikes doodgemaak het.

Die Minister van Verdediging, Nosiviwe Mapisa-Nqakula sal vandag ‘n replika van oudpresident Mandela se Robbeneiland-sel aan die Nelson Mandela Museum in Qunu in die Oos-Kaap oorhandig.

Die terroris het 18 jaar op die eiland naby Kaapstad deurgebring nadat hy die doodstraf vrygespring het.

Die bestuurder van bemarking en kommunikasie, Nokuzola Teteni sê die sel sal leerders en plaaslike inwoners help verstaan wat Madiba tydens sy aanhouding moes deurmaak.

Die Mandela-familie sal intussen verskeie geleenthede die naweek bywoon om Madiba te herdenk. Hulle sal Sondagoggend die naweek met ‘n biddiens in Qunu afsluit om die familie weer bymekaar te bring.

Die tuiste was onlangs in die nuus, nadat die DBV afgekom het op beeste wat van honger en dors op die plaas gevrek het.

Ahmed Kathrada, wat saam met Madiba op Robbeneiland was, lê vanoggend kranse by die Uniegebou in Pretoria.

Die Ahmed Kathrada-stigting is die gasheer van die seremonie by die standbeeld van die oudpresident.

Die standbeeld is op Versoeningsdag onthul met ‘n haas in die oor, waarna die staatsman op Qunu in die Oos-Kaap begrawe is.

Cyril Ramaphosa, waarnemende president, sal Vrydag die spreker by die amptelike herdenking by Freedom Park in Pretoria wees.

Ramaphosa het namens president Jacob Zuma en die Nelson Mandela-stigting ŉ beroep op alle Suid-Afrikaners gedoen om die volkslied te sing na ‘n oomblik van stilte.

Die huidige volkslied bevat ‘n strofe van die Die Stem wat tans as ‘n “rassistiese” blyke van “apartheidsontkenning” beskou word.

Verkragting die nuwe polisiesport

Volgens die Onafhanklike Polisie Ondersoekdirektoraat (OPOD) het die aantal klagtes van verkragtings wat deur polisielede gepleeg is in ses maande (April – September 2014 teenoor dieselfde tydperk in 2013) met 25% toegeneem en verkragtings van persone in aanhouding het met 160% toegeneem.

Die OPOD het hierdie statistiek bekend gemaak in ’n voorlegging aan die portefeuljekomitee oor polisie in die parlement.

Die aantal verkragtings deur polisielede wat op diens is, met 56% toegeneem het. In die geval van mense in polisieaanhouding wat verkrag is deur polisielede wat op diens is, was die toename ‘n yslike 350%!

Dit beteken dat hierdie verkragters glo hulle is verhewe bo die reg bloot omdat hulle polisielede is en die gesag wat aan hulle toegeken is op grond van hulle amp, misbruik.

In dieselfde ses maande tydperk is 127 klagtes ontvang vir sterftes in polisieaanhouding en 186 klagtes vir sterftes as gevolg van polisieoptrede, ’n totaal van 313 sterftes.

Voorts is van die 475 aanbevelings deur die OPOD om optrede teen polisielede te inisieer, slegs 33 sake afgehandel. Dit beteken dat die polisie slegs 6,9% sake afgehandel het.

Kennelik is die SAPD en die minister van polisie, Nkosinathi Nhleko, besonder traag om op te tree teen hul eie lede.

Die OPOD is die instelling waardeur die algemene publiek kan klagtes lê teen ongemagtigde optredes van polisielede, maar indien slegs 6,9% sake afgehandel is, beteken dit dat die publiek se klagtes in wese geïgnoreer word.

Dat OPOD nie optree om die publiek te beskerm nie, is een van vele redes waarom die SAPD kwalik nog vertroue inboesem.

Indien nie ingryp en polisielede wat hulle skuldig maak aan wandade ontslaan uit die diens nie, kan dit die SAPD se rol as beskermer heeltemal tot niet maak.