Musiek – Bladsy 4 – praag.co.za

‘n Waarheids- en versoeningskommissie vir die VSA?

President Barack Obama word tans heftig gekritiseer omdat hy weier om nuwe foto's uit die Abu Ghraib-gevangenis vry te stel.

Sy heel eerste stap was egter om, nadat hy die presidentsverkiesing gewen het, dadelik die sluiting van die gevangenis in Guantanamo aan te kondig. Die beskuldigdes sou ook nie militêr verhoor word nie.

Maar die probleme wat sy laasgenoemde besluit meegebring het, het die president Donderdag laat besluit om weer die weermag se regstelsel in te span, hierdie keer met aanpassings om die "regverdigheid" te verbeter.

Menseregtegroepe is woedend oor die twee besluite en beskuldig Obama daarvan dat hy terugkeer na sy voorganger, Bush, se onmenswaardige beleid.

Aanvanklik het die Withuis gesê hulle sal 2 000 nuwe foto's van marteling en mishandeling vrystel, maar nadat militêre raadgewers gewaarsku het dat dit die VSA se magte in Irak en Afghanistan aan groter risiko kan blootstel, het die Oabama-administrasie van die plan afgesien.

"Die bekendmaking van hierdie foto's sal nie enige bykomende waarde toevoeg aan ons begrip van wat 'n klein aantal individue gedoen het nie," het Oabam Donderdag gesê. "Om die waarheid te sê, sal die direkte gevolg van die vrystelling daarvan, glo ek, anti-Amerikaanse sentiment verder aanblaas en ons troepe in groter gevaar stel."

In Europa is Obama se besluit met skok ontvang. In Duitsland het die Tageszeitung berig dat die mensregtemisdade wat tydens Bush se termyn gepleeg is nou nie gestraf sal word nie. Hulle het Obama van 'n toesmeerdery beskuldig.

Die Financial Times Deutschland bekla eweneens die feit dat Obama nie sy beloftes van deursigtigheid en etiese gedrag gestand doen nie, maar meen dat dit om veiligheidsredes verstaanbaar is.

Die Süddeutsche Zeitung tref die vergelyking met Suid-Afrika. Die koerant skryf dat Obama 'n pynlike besluit sal moet neem. "Die VSA sal die kwessie van marteling en mishandeling wat hulle gebruik moet konfronteer, op dieselfde wyse as wat ander lande hulle verledes hanteer het. Dit sou 'n korrekte stap wees om 'n liggaam op te rig soos die Waarheids- en versoeningskommissie in Suid-Afrika. Anders sal die skandvlek van sy voorganger op Obama reflekteer."

Фільчаков прокурор

Tamil Tiere se brul is uit

Die Tamil Tiere het gister erken hulle het ’n nederlaag gely in die 25 jaar lange oorlog met die regering van Sri Lanka en aangebied om hul wapens neer te lê namate regeringsmagte hul laaste vesting in die noordooste oorrompel het.

Die regering het die aanbod van ’n skietstaking verwerp en gesê die duisende burgerlikes wat in die oorlogsone vasgekeer was, is almal in veiligheid gebring en daar was geen rede meer om die stryd te staak nie.

Met die oorlog wat einde se kant toe staan, het inwoners van Sri Lanka die strate ingevaar en spontaan feesgevier. Pres. Mahinda Rajapaksa het ’n nuuskonferensie vir môre in die parlement belê wat reg oor die land gebeeldsend sal word.

Die lot van die Tamil Tiere se top-bevelvoerders blyk steeds onbeslis te wees, en dis onduidelik waar die kluisenaaragtige rebelleleier, mnr. Velupillai Prabhakaran, hom bevind. ’n Senior militêre amptenaar het gesê troepe het die lyke van verskeie rebelle-soldate gevind wat gister selfmoord gepleeg het toe hulle deur dié troepe omsingel is.

Dié lyke was vermoedelik dié van Prabhakaran en sy adjudante, maar die weermag probeer steeds hul identiteit vasstel, het ’n amptenaar gesê wat anoniem wou bly.

Gister het Tamil Tier-selfmoordbomaanvallers troepe geteiken en dié troepe het minstens 70 rebelle doodgemaak wat probeer vlug het, het die weermag gesê.

“Hierdie stryd het sy bittereinde bereik,” het die rebelle-amtenaar mnr. Selvarasa Pathmanathan luidens ’n verklaring gesê. “Dis ons mense wat nou sterf weens bomme, granate, siekte en honger. Ons kan nie meer toelaat dat hulle verder skade ly nie. Ons het besluit om ons gewere te laat sak.”

Hy het gesê die lyke van duisende burgerlikes en talle wat gewond is, lê op die slagveld. Die minister van media, mnr. Anura Yapa, het sy woorde verwerp en gesê regeringsmagte het alle burgerlikes gered. Aangesien die meeste joernaliste en hulpwerkers uit die oorlogsone verban is, was dit nie moontlik om die onderskeie weergawes te staaf of te weerlê nie.

подвесной светильник

Twee oliepyplyne in Nigeri? verwoes

Nigerië se prominentste militantegroep, die Beweging vir die Bevryding van die Niger-delta (Mend), het gister gesê hulle het twee oiliepyplyne in die suidelike Niger-delta verwoes.

Dit was die jongste aanval in die hewigste geweld in maande wat dié gebied getref het.

’n Private sekerheidsamptenaar, wat anoniem wil bly omdat hy nie by magte is om met die media te praat nie, het gesê aanvallers het Sondagoggend dinamiet gegooi en geskiet na ’n olie-aanleg wat gesamentlik deur Royal Dutch en Shell bedryf word.

Mend beweer twee Filippynse matrose wat van ’n diensboot ontvoer is, is Vrydag dood toe die Nigeriese weermag die kamp aangeval het waar hulle saam met 13 makkers aangehou is.

Die Nigeriese weermag het gesê die Filippyne is vroeër in die week gyselaar geneem toe militante vegters met sekerheidspersoneel gebots en ’n olieboot met sy skeepslui gekaap het. Hulle het toe gewapende helikopters en kanonbote na die kamp, wat deur die militanteleier Government Tompolo beheer word, gestuur en ses gyselaars en hul boot bevry. Geen melding is gemaak van die ander gyselaars nie.

Dié geweld was die ergste sedert September, toe militante verskeie oliepyplyne verwoes het ná botsings met regeringsmagte.

Die baaie en moerasse van die Niger-delta, waar ru-olie deur Afrika se grootste verskaffer gepomp word, is deurspek met militante se kampe van verskillende faksies.

Die militante beweer hulle wil die federale regering dwing om meer olie-inkomste na die suidelike oliegebied, wat ondanks ses dekades van olieproduksie steeds ellendig arm is, te kanaliseer. Die regering beweer egter hul hoofdoel is om die olie te steel.

Weens jare lange militante-aktiwiteite en ’n gebrek aan onderhoud aan die infrastruktuur, produseer Nigerië net sowat driekwart van sy vermoë.

Sedert 2006 is meer as 200 buitelandse werkers in die suidelike oliegebiede ontvoer. Hulle is meestal ongeskonde vrygelaat nadat lospryse betaal is, hoewel twee in verbroude reddingspogings dood is.

Buiten die Filippyne, is sover bekend net een ander buitelandse gyselaar tans in aanhouding, naamlik Mathew Maguire, ’n Brit wat meer as ses maande gelede ontvoer is. Mend het Woensdag in ’n verklaring gesê hulle mag Maguire dalk binnekort vrylaat in reaksie op wat hulle beskou as “positiewe” opmerkings deur die Britse ambassadeur, mnr. Bob Dewar, tydens sy onlangse ontmoeting met die Nigeriese minister van inligting oor die “onregverdige situasie in die Niger-delta”. “Hierdie is net die begin van ’n reeks aanvalle,” het Mend gesê.

раскрутка сайта

Zille bewus van uitgebreide spioenasienetwerk

Helen Zille het aan Die Burger bevestig dat daar op haar en haar kabinet gespioeneer word. Die netwerk en hoe dit funksioneer is verlede week deur ’n onafhanklike bron aan haar verduidelik. Die doel daarmee is om die DA te probeer diskrediteer.

Sy weet ook wie betrokke is by die spioenasienetwerk wat aan die ANC rapporteer.

Die netwerk het vastrapplek in tien provinsiale departementein die Wes-Kaap. Dit is die enigste provinsie in Suid-Afrika wat nie deur die ANC regeer word nie.

As burgemeester was Zille gewaarsku oor moontlike planne wat teen haar gesmee sou word indien die DA die provinsie in die afgelope verkiesing sou wen. Die spioenasienetwerk bestaan glo al 'n geruime tyd.

“Dit is duidelik beplan. Dit is ’n rapporteringslyn na die ANC. Ek besef wat aangaan. Name is aan my gegee. Ek dra kennis van die struktuur en weet hoe dit lyk. Ek weet wie daarby betrokke is,” het Zille gesê.

“Ek gaan dié ding stap vir stap hanteer. Baie van die goed wat verlede week gebeur het, hou daarmee verband. Ek gaan nie oorreageer nie. Ek is heeltemal kalm.”

Die hele doel is om die nuwe politieke leierskap in die verleentheid te stel, het sy verduidelik.

“Elke dingetjie – al is dit hóé klein – word uitgesoek om ons in die verleentheid te stel.”

Sy wou nie verder uitbrei nie. “Ek is nog besig om die kat uit die boom te kyk. Ek het taamlik baie inligting. Ek weet wie, waar en wat. As jy inligting het, is dit makliker om ’n situasie te hanteer,” het Zille gesê.

Mnr. Garth Strachan, ANC-woordvoerder, het gesê Zille het te veel John le Carré se spioenasieverhale gelees.

Данильченко Харьков

‘Weermag kan help om misdaad te bekamp’

Minister van polisie, Nathi Mthethwa, het in 'n onderhoud Sondag met die Sunday Independent gesê dat die weermag ingeroep kan word om misdaad te bekamp.

"Ons is in 'n oorlog met kriminele gewikkel," het hy gesê. Die weermag kan kontantvervoerwaens begelei en die land se grense patrolleer.

"As 'n mens na ander lande kyk, dan is die vervoer van geld 'n gesamentlike poging deur die veiligheidsdienste. 'n Mens wil die polisie dalk losmaak van geldwaroof en konsentreer waar dit saakmaak. As dit hersien moet word, sal dit hersien word."

Mthethwa het aan die sondagkoerant gesê dat opgeleide soldate wat deel is van die resewemag aangewend kan word in hierdie opsig.

Die effektiwiteit van sigbare polisiëring word ondermyn deur die polisie aan te wend om die grense te patrolleer. "As 'n mens na internasionale tendense kyk, is dit die werk van die weermag om die land te beveilig… 'n Mens het sigbaarheid nodig, daardie eenhied moet versterk word.

Mthethwa het ook gesê dat daar 'n "vaste reël" is om ten minste 10,000 polisielede per jaar aan te stel. Die opskerping van misdaadintelligensie is ook 'n sleutel.

"Ons het tans 'n wetsontwerp voor die parlement oor forensiese navorsing, want toe ons die regstelsel ondersoek en geassesseer het, het ons gevind dat die speurders die swak skakel is. Ons het 'n gespesialiseerde program van stapel gestuur om speurders weer op te lei. As ons misdaad te bowe wil kom, moet ons sterk wees op misdaadintelligensie. Dit is die begin van die skakels van waarde van die regstelsel."

"As kriminele weet jy is swak en jy kan nie misdaadtonele hanteer nie, moedig jy hulle aan om weg te kom met moord," het hy gesê. "Ons wil kwaai wees, maar slim."

Mthethwa het gesê die polisie moet meer aggressief wees om hulleself te verdedig. "Ons wil nie huiwering hê nie want 117 polisiemanne is verlede jaar dood omdat hulle gehuiwer het… om hulleself te verdedig want hulle was bang vir die media en menseregteondersteuners."

"Hierdie jaar is daar reeds nege polisielede in KwaZulu-Natal dood."

Mthethwa het ook gevra dat CCTV-kameras in lokasies geïnstalleer word. "Ons wil nie net die ding in groot stede hê nie, maar ook in ons gemenskappe war misdaad gebeur… Dis hoekom ons die tesourie gaan nader vir hulp."

"Indien ons nie ons tegnologiese kapasiteit verbeter en verhoog nie, is ons nêrens nie."

Mthethwa het ook gesê die opvolger vir nasionale kommissaris Jackie Selebi sal binnekort aangekondig word. Sy kontrak verstryk in Junie. "Dit is 'n dringender saak, in die hoogste amp, dat dit so gou moontlik gebeur. Ons gaan 'n nuwe kommissaris kry, en ons praat nie van maande nie."

Die hoof van die nuwe direktoraat vir Voorkeur Misdaadondersoek (VMO), wat die Skerpioene vervang, gaan ook aangekondig word. Die nuwe lede word tans deur die Nasionale Intelligensieagentskap gekeur.

"Die keuring vind tans plaas. Die span is byna gereed. Daar gaan 800 lede in die mag wees. Op hede is 300 reeds goedgekeur," het hy gesê.

#ИМЯ? цокольном

Cosatu se aansoek teen Vodacom van die hand gewys

Die Pretoriase Hooggeregshof het in Vodacom se guns beslis en die aansoek wat deur Cosatu en Icasa gebring is om die maatskappy te keer om op die Johannesburgse aandelebeurs te noteer, van die hand gewys.

Woordvoerder Patrick Craven van Cosatu sê regter John Murphey het in Vodacom, Vodafone, Telkom en die regering se guns beslis. Craven het gesê Cosatu sal nietemin voortgaan om die notering teen te staan, hetsy met alle regsmiddele tot hulle beskikking, hetsy met 'n boikot teen die telekommunikasiereus.

Hy het bygevoeg dat die beslissing slegte nuus vir alle Suid-Afrikaners is wat nie soveel geld het soos die maatskappye nie. Craven het gesê dat regter Murphey aanvanklik toegegee het dat Cosatu en Icasa 'n goeie saak het.

Die regter het egter in sy finale beslissing gesê dat die finansiële voordele wat die maatskappy vir Suid-Afrika inhou, groter is as die verlies vir gewone burgers en dat die hof nie Cosatu en Icasa se aansoek kan aanvaar nie.

Craven het gesê dit is baie belangriker dat die eienaarskap in Suid-Afrikaanse hande bly as die ongerief wat dit vir aandeelhouers en die sake-elite beteken.

Vodacom se woordvoerder Nicholas Williams het in 'n eensinverklaring gesê: "Ons verwelkom die beslissing en ons sien uit na die notering more[Maandag]."

Фильчаков Харьков

Premier ontvang afskeidsgeskenk

Die minister van vervoer, S'bu Ndebele, het 'n geskenk van R1,1 miljoen aanvaar van 'n groep kontrakteurs wat kontrakte ter waarde van R400 miljoen met sy departement het, het die Star Sondag berig.

Vukuzakhe kontrakteurs het Saterdag 'n afskeidspartytjie vir Ndebele by die Woodburn Stadion in Pietermaritzburg gehou om die vorige premier van KwaZulu Natal te bedank omdat hy klein kontrakteurs gehelp het om uit te styg.

Onder die geskenke wat Ndebele ontvang het was ook 'n trop beeste. Die ontvangs van die motor is egter deur die DA begroet met oproepe dat hy die voertuig dadelik teruggee omdat die geskenk 'n botsing van belange verteenwoordig.

Maar Ndebele het die gebaar van die kontrakteurs verdedig en gesê dit was lank reeds beplan, nog voordat hy of die kontrakteurs bewus geraak het daarvan dat hy in die portefeulje van vervoer aangestel sou word.

Die department van vervoer het klaarblyklik tussen 1998 en 2008 ongeveer R10 miljard in Vukuzakhe, wat 29 140 geregistreerde kontrakteus in KwaZulu Natal het, se programme belê.
палатка купить

Taiwan terug op die w?reldverhoog

Taiwan is terug op die wêreldverhoog. Ná vier dekades van isolasie omdat die land uit die VN uitgesit is, het Taiwan Vrydag 'n waarnemerspan na die Wêreld Gesondheidsorganisasie gestuur.

Danksy verbeterde verhoudinge tussen China en Taiwan het die WGO ingestem om die land toe te laat om deel te neem. Die WGO sal dus die eerste VN-organisasie wees wat weer toelaat dat Taiwan deelneem sedert hulle lidmaatskap in 1971 teruggetrek is.

Taiwan sal deelneem onder die naam Chinese-Taipei, omdat China die land as 'n provinsie beskou.

Gesondheidsminister Yeh Chin-chuan sal die 15-lid afvaardiging lei en het reeds aangekondig dat Taiwan 5 miljoen dollar sal skenk aan die WGO vir bystand aan derde wêreldlande. Taiwan het aangedui dat hulle die 193 lande wil toespreek oor die stryd teen siektes en epidemies.

паркетный пол

Madagaskar se uitgesette leier wil terug

Madagaskar, meer bekend vir sy uitsonderlike natuurlewe danksy 'n Disneyfliek as politiek, bly in die nuus. Die uitgesette president Marc Ravalomanana, plaas sy hoop op SAOG-lande om hom in sy posisie as president te herstel.

Hy het Donderdag op 'n nuuskonferensie in Johannesburg gesê Afrika beleef te veel magsomverwerpings en dat demokrasie gerespekteer behoort te word. Ravalomanana bevind homself sedert Maart in Suid-Afrika nadat 'n voormalige platejoggie, Andry Rajoelina, hom met geweld ontsetel het.

Ravalomanana erken dat sy versuim om die weermag gelukkig te hou, hom sy posisie gekos het. Die coup is moontlik gemaak deur die deelname junior weermagoffisiere.

SAOG en die AU het Madagaskar se lidmaatskap opgehef en die VSA het alle nie-humanitêre hulp afgesny.

Alhoewel Frankryk namens Rajoelina verklaar het dat hy nie self in mag belangstel nie, wil die voormalige platejoggie nie hê Ravalomanana moet deelneem aan 'n nuwe verkiesing nie.

Madagaskar se grondwet bepaal ook dat 'n kandidaat ten minste 40 jaar oud moet wees om te staan vir president, terwyl Rajoelina maar 34 is.

прожектор 50w лобановский класс

Ou Suurknol

Doer in die 60s het AM van Schoor, redakteur van Die Vaderland, soms na die destydse linkse dagblad, die Rand Daily Mail, verwys as "ou Sure van Mainstraat" (die straat waarin die RDM se kantore geleë was). Die werklike oorsprong van die bynaam het my ontgaan, maar ek vermoed dit was oor die RDM se suurgeit met die een NP-oorwinning na die ander by die stembus en die koerant en sy ander anti-Afrikaner kollegas se onvermoë om enige indruk op die kiesers te maak – selfs op die Engelse van daardie tyd wat toenemend vir Verwoerd gaan stem het.

Die bynaam het my weer te binne geskiet toe ek Beeld se reaksie die afgelope dae op die aanstelling van Pieter Mulder in die Zuma-kabinet so gade slaan. Suur! Sulke soort van suurgeit het ek seker laas by die ou RDM gesien!

Die spul van Keeromstraat (lank nie meer Naspers se hoofadres nie, maar so sal hulle onthou word) is suur – en siedend boos – omdat Zuma uit 'n veelheid van kandidate wat hulle aan hom sou opgedra het as hy hulle tog net gevra het, die "regse", waarskynlik uitgediende leier van 'n kwynende party gaan staan en kies om as die enigste werklike buitestaander in sy kabinet te dien – en dit nogal by 'n sleutelpos soos Landbou.

Suur omdat Beeld (en sy stalmaats) kwalik 'n week gelede verkondig het dat Mulder se dae getel is en dat die VF+ warskynlik nie sal oorleef na die volgende verkiesing nie.

Suur omdat Zille en haar DA wat hulle goed weet eintlik anti-Afrikaner is, maar wat hulle sterk in die verkiesing gesteun het, so 'n lekker klap deur die bek gekry het met die aanstelling.

Suur omdat Zuma 'n hele rits Engelse EN Afrikaner liberales geïgnoreer het om hierdie "boerseun" te kies. Want ek sal enigeen wed dat hierdie klomp sures eerder sou wou sien dat iemand soos Willie Esterhuyse, Stellenbosse prof en skrywer van "Einde van Apartheid", in 'n Zuma kabinet aangestel word. Hy is mos juis saam met Ton Vosloo en 'n paar ander "oud-verligtes" uit die Wes-Kaap besig met 'n projek in die Vrystaat om swartes as kommersiële boere op te lei (of het dit dalk ook doodgeloop soos vele ander derglike pogings?). Ja, ek weet ou Willie is amper so lank in die tand soos ek, maar hy is darem nog 'n voorman onder die ANC-gedienstiges (mooi woord vir g-kruipers).

Suur omdat Mulder en die VF+ feitlik oornag aansien en status kry, terwyl Zille 'n ernstige verleentheid vir haar party en haar ondersteuners word. Verstommend hoe kort 'n week in die politiek kan wees.

Vir diegene wat Beeld nie gereeld te sien kry nie: Mulder is onmiddellik bestempel as 'n kommunikasie professor wat van boerdery niks weet nie, as iemand wat sy party uitverkoop het aan die ANC vir 'n lekker pos en 'n groter pensioen, die oningeligte teenstand van die VF+ se eie "Malema" is aangebied as sterk en beduidend (totdat 'n verklaring van die volle dagbestuur gekom het dat die voortvarende jeugleier vasgevat word vir sy onverantwoordelikheid). In Donderdag se Beeld word Mulder se pa, dr Connie Mulder, destydse kroonprins van die NP totdat John Vorster glo meer van Pik Botha gehou (dis 'n storie daardie wat nog vertel moet word) bygesleep as 'n aartsverkrampte en verloorder teen die wonderlike PW. En so gaan dit aan.

Die steun wat daar uit eie geledere, maar selfs van andere soos enkele lede van die HNP en veral landbou-organisasies, vir Mulder gekom het, word kwalik genoem, maar hulle kon nie anders nie as om 'n brief of twee te plaas wat al hulle suurgeit oor Mulder net daar tot niet maak. En dit word toe oorgelaat aan 'n Engelse blad om uit te wys dat Mulder 'n paar akker in Orania besit waarop hy met neute boer – weliswaar 'n "afstandboer" maar nogtans boer, maar veral Boerseun!

Maar seker die ergste blyke van suurgeit het gekom toe Beeld in hoofartikelkommentaar aangevoer het dat Mulder nie moet dink dat hy die Afrikaner verteenwoordig nie – en dit van 'n koerant en sy redakteur wat nou anderdag nog baie goed laat blyk het dat hulle die begrip van "Afrikaanssprekende Suid-Afrikaners" verkies en nie hou van die term "Afrikaner". Darem lekker vermetel om nou te wil bepaal wie die Afrikaner verteenwoordig en wie nie! Eintlik lekker suur!

Ek moet erken dat ek my gate uit geniet het om hierdie suurgeit te sien. Ek het behoorlik gekraai van die lag. Maar ek het ook gewonder wat die drommel in Tim gevaar het om so heftig nie net teen Mulder nie, maar ook teen Zuma te velde te trek – en dit terwyl Zuma vir minstens die volgende paar jaar president van die land gaan wees. Hulle kan niks meer daaraan doen nie behalwe om sy gramskap teen hulle op die hals te haal. Swak oordeel, swak insig, swak taktiek en powere politiek, ou Tim. Gaan dink weer. En hou op om so suur te wees.

(Nota: Connie Mulder was geen stuk 'n aartsverkrampte nie. Hy het 'n hele paar verligte denkers soos Nic Rhoodie en andere wat sterk geloop het met die idee van "radikale partisie" en 'n federasie van state as adviseurs gehad. Dit is steeds my mening dat as hy nie deur liederlike liegstories deur PW en Pik en met die direkte medewerking van Naspers in 78 se premiersverkiesing verslaan is nie, ons nie in die gemors sou gewees het waarin ons vandag is nie. Maar dis ook 'n ander storie.)

Die NSA verdrink in sy eie riool

Onder De Klerk se vele beloftes tydens sy kruiperige oorgawe aan die ANC, was daar mos eie skole en die behoud van Afrikaans. Vir baie mense is dit te abstrak, maar die gesig van rou riool wat in ons spruite en riviere instroom en ook ondergrondse water besoedel, is 'n newe-effek van die Nuwe Suid-Afrika wat hulle binnekort aan eie bas gaan voel.

Verlede Vrydag het ek bietjie "riooltoerisme" saam met mnr Jaap Kelder van die Nasionale Belastingbetalersunie bedryf en die rioolplase en watersuiweringsaanlegte van die volgende Vrystaatse dorpe besoek:

Kroonstad, Heilbron, Frankfort en Villiers.

PRAAG beskik oor twee ure se videomateriaal, asook stilfoto's daaroor, maar indien enigeen nog so optimisties is om te dink dat hy of sy die "nuwe Suid-Afrika gaan maak werk", hoef hy net enigeen van die 260 dorpe wat intussen by die NBU aangesluit het se rioolaanlegte te gaan besoek.

Veral Kroonstad, die naasgrootste stad in die Vrystaat, se rioolplaas verkeer in 'n haglike toestand en riool beland in spruite, vleie en in die Valsrivier (van waar die drinkwater gepomp word!). Die voormalige stadsingenieur wat in 1996 as blanke sy pos verloor het toe transformasie begin het, het aan ons die werkinge van die hele aanleg verduidelik. Dit het soos 'n argeologiese toer van 'n verlore beskawing gevoel, met die pompstasie wat lankal nie meer werk nie en deur onkruid oorgroei is. Die een besinkingsdam is verstop deur 'n kors ontlasting wat agtien meter dik is. Bo-op die sandfilters wat geen water meer sien nie, groei 'n paar fris bome.

By die pompstasie wat drinkwater uit die rioolbesoedelde Valsrivier na die reservoirs moet pomp, het slegs een uit ses pompe gewerk. Op pad uit kom ons 'n vername swartman teë wat vir ons vra wat ons daar maak. Hy was uitgevat in duur ontwerpersklere, baie modieus en buite het sy blinknuwe, pikswart Mercedes-Benz-viertrekvoertuig gestaan. Na ietwat vae verduidelikings oor ons riooltoerisme, vra ons hom wat hý daar maak.

Nee, antwoord die verhewe heer, ons moet sulke vrae aan die munisipaliteit rig wat ons sal antwoord. Hy is nie by magte om te sê wie hy is of wat hy daar maak nie.

Die absurditeit is natuurlik dat, wetlik gesproke, ons seker oortree het deur as blanke Afrikaners installasies te besoek wat deur ons mense ontwerp, opgerig en betaal is. Binne hierdie stelsel van absurde "demokrasie" is dit die swart munisipaliteit se reg om ons drinkwater en die omgewing te besoedel en die toerusting na goeddunke te laat verval, ons kinders aan e.coli, cholera en ander bakterieë bloot te stel, en ons mag niks konkreets daaraan doen nie. Behalwe om te kla.

Jaap Kelder en sy NBU het egter getoon dat daar 'n grys gebied in die reg bestaan wat dit vir vrywilligers moontlik maak om, indien nodig, by jou plaaslike rioolplaas te gaan inbreek om te probeer red wat daar te redde is. Daar bestaan reeds 21 munisipaliteite waar belastingbetalersverenigings hul eiendomsbelastings terughou en soos op Sannieshof dit aan die herstel van riolering en watersuiwering bestee.

Intussen het die munisipaliteit van Tswaing, wat oor Sannieshof regeer, aangekondig dat hy 'n hofsaak teen die plaaslike inwoners gaan maak wat hul rioolplaas sonder sy toestemming herstel het en wat ook weier om vir dienste te betaal wat Tswaing nie kan of wil lewer nie. Terwyl die dorpenaars hul sente omdraai om pompe vir die rioolplaas aan te koop, het die burgemeesteres van Tswaing vir haar nog 'n swart Mercedes CLK van 1,2 miljoen rand aangeskaf, blykbaar op munisipale onkoste. Ons lag vir Idi Amin en Robert Mugabe, maar is Suid-Afrika se "burgemeesters" beter?

Lande word uit rioolbesoedelde damme en riviere besproei en diere drink daaruit; so beland afvalstowwe in ons voedselketting. Binnekort gaan die EU geen Suid-Afrikaanse landbouprodukte meer in Europa toelaat nie, vanweë ons vuil water. Indien Kroonstad se rioolwater op 'n enkele perske iewers in die EU tydens 'n laboratoriumtoets verskyn, gaan die hele sagtevrugtebedryf op hul swartlys geplaas word. Die skade aan ons landbou gaan binnekort miljarde rande beloop, om van die menslike gesondheidsrisiko's nie eens te praat nie.

Die korttermynoplossing is 'n goeie waterfilter aan jou kraan en om op jou plaaslike dorpbelastings in 'n trust in te betaal soos die NBU se belastingbetalersverenigings maak. Die langtermynoplossing is 'n volkstaat voordat ons soos Zimbabwe volkome verafrikaniseer.

10 pound free casino Фильчаков прокурор

Premier se seun ondervra vir motordiefstal

Die nuwe Gautengse premier, Nomvula Mokonyane, se seun is gisteraand deur die polisie weens vermeende motordiefstal ondervra.

Volgens Beeld is Africa Mokonyane, 22, gistermiddag by die premier se woning in Krugersdorp in hegtenis geneem nadat hy na bewering probeer het om ’n student se bakkie te steel.

Die koerant het ook betroubaar verneem dat konsternasie in polisiekringe heers omdat “een van die premier se kinders in die polisieselle is”.

Mokonyane se seun is nog nie aangekla nie. Simon Zwane, van die premier se kantoor, het gisteraand aan Beeld bevestig dat mnr. Mokonyane deur die polisie “ingeneem is vir ondervraging”, maar sê dit berus op 'n misverstand.

play demo roulette Лобановский

Omkoopgeld toe net ‘n ‘bewys van dank’

Die klag teen 'n Durbanse sakeman is laat vaar nadat hy daarvan beskuldig is dat hy amptenare by Zuma se inhuldiging wou omkoop vir 'n beter sitplek.

Volgens die Star-koerant het die perdewedrenmagnaat en veiligheidsmaatskappyeienaar Roy Moodley slegs geld oorhandig as "'n bewys van sy dankbaarheid vanweë die goeie diens gelewer".

Tlali Tlali, woordvoerder van die Nasionale Vervolgingsgesag, het bevestig dat die klag teen Moodley Vrydag teruggetrek is, nadat dit aan die lig gekom het "dat daar miskien 'n misverstand" was.

Moodley is Woensdag in hegtenis geneem nadat hy na bewering 'n vrou probeer omkoop het met 'n honderd rand by die akkreditasietent om 'n "beter uitsig" van Zuma te hê.

Die Nasionale Intelligensieagentskap is ontbied nadat die omkoopgeld betaal is.

Moodley het onlangs 'n uitspattige verjaarsdagpartytjie vir Zuma gehou en 'n oorwinningsviering vir die ANC in Umhlanga, Durban.

1200 onderwysers nie betaal nie

Barbara Creecy

Omtrent 1200 onderwysers en ondersteuningspersoneel moes sonder hul salarisse aan die einde van April klaarkom, het die Gautengse onderwysdepartement in Sentraal-Transvaal Woensdag gesê.

Die pas aangestelde LUR vir onderwys, Barbara Creecy, het in 'n verklaring die betrokke personeel verseker dat sy haar "persoonlike aandag" aan die saak sou skenk totdat alle personeel betaal is.

Die departement het die fout toegeskryf aan skole wat in gebreke gebly het om kontrakte vir tydelike personeel te verleng. Nuut aagestelde personeel is ook nie op die sentrale salarisdatabasis aangebring nie, wat daartoe gelei het dat hulle nie betaal is nie.

Personeel wat nie salarisse ontvang het nie, is op tydelike kontrakte of is nuut aangestel.

Die salarisse van 1060 personeellede sal Maandagnag verwerk word, met die geld wat na verwagting op Maandag 18 Mei in hul bankrekeninge sal wees.

"Namens die departement wil ek om verskoning vra aan elke personeellid wat hierdeur geraak is," het Creecy gesê.

"Daar rus 'n verpligting op ons as 'n departement om te sorg dat basiese administratiewe prosedures, soos dat personeel betyds betaal behoort te word, nagekom word."

'n Verdere 140 personeellede se besonderhede is foutief op die departementele stelsel en word tans een na die ander gekorrigeer.

"Op die oomblik is 150 skakelbeamptes besig om elke skool in die provinsie te bel om seker te maak dat niemand deur die stelsel geglip het nie."

Creecy het die departement aangesê om die dokumentasie te hersien wat van skole na hoofkantoor oorgedra word ten einde seker te maak dat inligting betyds ontvang en akkuraat verwerk word.