AfriForum – Bladsy 3

Leierskapsvakuum onder Afrikaners

Willie Spies se onopgewasse TV-vertoning gisteraand (weereens!) het my laat besef hoe akuut die politieke vakuum in Afrikanergeledere is. Terwyl hy oënskynlik argumenteer vanuit die hoek van ‘n demokratiese regstaat gefundeer in ‘n gerespekteerde grondwet waaraan alle landsburgers hulself vrywillig onderwerp en waar petisies en redelike vertoë gewig dra word ons inderwaarheid deur rewolusionêre kleptomane oorheers wat toenemend in ‘n staat van onverklaarde oorlog teenoor Afrikaners en blankes verkeer.

Ons word nie gereken as politieke opponente nie, maar as die vyand wat verdien om vermoor, verdruk en verjaag te word. Die onlangse oorhandiging van ‘n naamlys van vermoorde Boere aan die barbare by Luthuli-huis was onbeholpe en onrespekvol teenoor die slagoffers en strategies uiters naief. Afrikaners is verneder terwyl ons die geleentheid daartoe geskep het – het Hofmeyr en Afriforum enigsins vooraf gekoukus hoe die jeugliga sou reageer op hul eie turf….dalk soos betaamlike en beskaafde here?

In dieselfde trant het die onlangse aandete van verskeie Afrikaners met ‘n toenemende mank en lam Zuma ook geensins hul reputasies bevorder nie. Hoe kan hul enigsins redeneer om by so ‘n assosiasie te baat terwyl die ANC se hofnar Afrikaners openlik tart, Boerebloed onverpoos bly vloei en die politieke kwik in die land bly styg – die wetteloosheid en gevoel van anargisme is inderdaad tasbaar.

Ten spyte van moontlik ‘n meerderheid Afrikaners se ondersteuning vir selfbeskikking, laat die politieke leierskap van die VF+ hul steeds koud. Pieter Mulder se volgehoue betrokkenheid by die kabinet is besig om te boemerang en laat sy party oop vir verdagmakery en toenemende Afrikaner-argwaan.

Die veld lê braak vir ‘n nuwe inklusiewe en dinamiese Afrikaner politieke beweging. Indien ons nie sonder meer polities organiseer en mobiliseer nie gaan moontlike voortydige en ondeurdagte onbesonnenheid uiters droewige uitkomste lewer. Afrikaners is rusteloos… ons het nie die nuwe militante spelreëls geskep nie, maar sal nou noodgedwonge tot die stryd moet toetree… in die belang van ons eie oorlewing en die van ons kinders.

‘Regses misbruik die howe’ – ANC

“Regse elemente” misbruik die ANC se sensitiwiteit vir die land se diversiteit, het die Gautengse sekretaris van die ANC, David Makhura gister gesê.

“Ons (die ANC) is geweldig sensitief vir die diversiteit van ons mense… ons dink hierdie sensitiwiteit word tans deur die ander kant misbruik,” het hy in Johannesburg gesê.

“Daar word met ons sensitiwiteit woer-woer gespeel

“Ons praat van diegene wat teen transformasie in Suid-Afrika gekant is.”

Makhuru het dié uitlatings tydens ‘n mediakonferensie met joernaliste en die drieledige alliansievennote – die ANC, Cosatu en die Suid-Afrikaanse Kommunisteparty – in Gauteng gemaak.

Hy het na naamsveranderings, hofgedinge teen die gebruik van vryheidsliedjies en hofaansoeke teen regstellende aksie as voorbeelde van dié tipe opposisie verwys.

“Regse” optrede op dié gebiede het getoon dat hulle “selfvertroue toeneem dat hulle die progressiewe en revolusionêre magte oor ‘n verskeidenheid aangeleenthede kan uitdaag”.

“Hulle gaan sover dat hulle die howe gebruik om die beleid van dié land uit te daag,” het hy gesê.

Die Vryheidsfront Plus en AfriForum het klagtes by die regsowerheid aanhanging gemaak oor die president van die ANC-jeugliga, Julius Malema, se gesingery van ‘n vryheidsliedjie met die woorde “Dubula ibhunu (skiet die boer)”.

In Februarie het die vakbond Solidariteit ‘n saak oor regstellende aksie gewen waarin kaptein Renate Barnard deur die Suid-Afrikaanse polisie bevorder behoort te word nadat dié pos weens haar ras aan haar geweier is.

“Wie sê dat die regses nie daar in ons howe is nie?

“Ons word gekwel deur die selfvertroue van die die regse elemente.”

Cosatu se provinsiale sekretaris Dumisane Dakile het gesê politieke vooruitgang wat deur demokrasie bereik is word deur dié groep in die land se howe teengestaan en het ook bevraagteken of die howe self al getransformeer is.

“Dit is die herverskyning van die vyand van die NDR (nasionale demokratiese revolusie).”

Hy het gehoop dat die “regses wat ‘n bedreiging raak” deur die ANC se nasionale algemene raad in September bespreek kan word.

Die alliansie in Gauteng het besluit dat die naamsverandering van Pretoria na Tshwane ondersteun moet word – iets wat sterk deur die Vryheidsfront Plus, Afriforum, PRAAG en ander Afrikanerorganisasies teengestaan word.

Makhura het gesê dat die ANC-bewind se benadering tot naamsveranderings “baie sensitief” is.

Hy het bygevoeg dat die regering nie apartheidsmonumente na demokrasie vernietig het nie.

“Indien ons hierdie monumente sou verwyder, sou ons kinders nie weet dat daar ‘n vryheidstryd was nie.

“As ons ons soos veroweraars gedra, sou daar nie eens ‘n grondslag vir onderhandeling wees nie,” het hy gesê.

Die alliansie wil “ondubbelsinniglik” die “geskiedenis en erfenis” van die vryheidstryd verdedig.

“Dit sluit die ryk kultuur van vryheidsliedere, gedigte en dans in wat ons mense geïnspireer het om die militêre mag van die apartheidsbewind tydens die donkerste dae van staatsvergrype en verdrukking teen te gaan.”

“Die alliansie doen nie ‘n “beroep op oorlog” nie, maar wil met diegene wat gekant is teen transformasie deur demokratiese middele in gesprek tree.

“Dit gaan nie oor blankes in Suid-Afrika nie, maar oor ‘n politieke beweging.

“Hierdie dinge word in die naam van Afrikaners gedoen, in die naam van boere… ons word nie om die bos gelei nie… dis ‘n politieke beweging.”

Die regse agenda word deur verskillende politieke magte gevolg, het hy gesê.

“Ons gaan ons beheer oor die staat en instellings gebruik om die verandering wat ons nodig het na te jaag.”

no deposit bet Лобановский

‘Skiet die boer’-aansoek vandag aangehoor

Die volgende in ‘n reeks uitdagings vir die lirieke “skiet die boer” sal vandag in die Hooggeregshof in Pretoria afspeel as AfriForum ‘n interdik teen die ANC-Jeugliga president, Julius Malema, aanvra om hom te keer om die liedjie te sing.

Malema, wat Zimbabwe ten tyde van die hofverrigtinge gaan besoek om nasionalisering te bestudeer, is Dinsdag aangehaal waar hy gesê het dat hy eerder tronk toe sou gaan as om die “bevrydingsliedjie” op te hou sing.

AfriForum en die landbou-unie TLU SA sal voortgaan met die aansoek, want hulle het gesê ‘n vonnis wat Malema

verbied om die lirieke te sing, onvoldoende is om hom te keer.

Verlede Vrydag het die Hooggeregshof in Johannesburg bevind dat die gebruik van die woorde ongrondwetlik en onwettig is.

Dit was nadat ‘n hofaansoek gebring is deur die Delmas-sakeman Willem Harmse om te verhoed dat sy kollega Mahomed Vawda die woorde op baniere gebruik en sing tydens ‘n beplande optog teen misdaad.

AfriForum en TLU SA het gesê dat daardie beslissing slegs op die geskil tussen die twee individue betrekking het.

“Malema gaan met sy uitdaging van die regstelsel voort. In ‘n onderhoud met die Sowetan wat Dinsdag verskyn het, het Malema gesê hy sal voortgaan om die liedjie “Dubul ‘ibhunu” (Skiet die boer) te sing.

Die aansoekers beoog om te aan te voer dat die woord “boer”, in hierdie konteks, ‘n neerhalende woord is wat verwys na boere, blankes en Afrikaners in die besonder.

Hulle sê dit kan ‘n gevaarlike aanhitsing tot geweld verteenwoordig.

Die hofgeding volg op Malema se weiering om teen verlede Vrydag verskoning te vra vir die lirieke, wat hy tydens ‘n onlangse byeenkoms aan die Universiteit van Johannesburg gesing het en daar op video opgeneem is. Sedertdien het hy die woorde al verskeie kere gesing.

Die ANC wil appèl aanteken teen verlede Vrydag se beslissing en wil ook duidelikheid oor ander bevrydingsliedjies hê.

Die party sal ook ‘n aansoek by die Gelykheidshof bring om te toets of die openbare “vervolg Malema”-veldtog deur die Vryheidsfront ware haatspraak is of nie.

online slots free money no deposit

Malema: dis nie ons geveg nie

Die ongelooflikste ding is besig om in Suid-Afrika te gebeur: op die vooraand van die Sokkerwêreldbeker is die land besig om te polariseer soos ons nog nie vantevore – nie eens tydens die gewraakte apartheidtyd – gesien het nie. Vandeesweek is Ernst Roets van Afriforum-jeug gedreig dat hy en sy makkers deur die ANC-jeugliga doodgeskiet sal word soos die IVP-ondersteuners destyds vanuit Shell-huis byna 16 jaar gelede deur ANC-kaders afgemaai is. Negentien IVP-betogers is in daardie voorval dood en niemand is nog ooit daarvoor vervolg nie.

Ná die dreigement het Kallie Kriel Afriforum se lys plaasmoordslagoffers oor die koppe van die polisie by die ingang van Luthuli-huis gegooi, waarna dit terstond opgeskeur en vertrap is. ‘n Asvaal Steve Hofmeyr het verslae toegekyk hoe die stel papiere deur verteenwoordigers van die ANC-jeugliga op die grond vertrap en rondgeskop word.

Ek is bevrees ons Afrikaners is besig om deur die media se anti-Malemaveldtog meegesleur te word. Terwyl die Engelse media (met Naspers agterna) sa, sa! skree, loop ons die gevaar om vir kanonvoer teen die opvlieënde Malema en sy duisende ondersteuners onder jong swartes gebruik te word.

Malema is bloot die simptoom van ‘n probleem, nie die probleem self nie. Hierdie hele bestel is van A tot Z korrup! Onlangs het die vermaarde en deeglike akademikus, Anthea Jeffrey, in haar boek People’s War beskryf hoe die 1994-verkiesing gekook is om die ANC aan bewind te stel. Die beweging se vernaamste swart opponente soos die IVP en ondersteuners van tuislandleiers is voor die voet doodgemaak. De Klerk het ná 2 Februarie 1990 sienderoë toegelaat dat 13 000 gewapende ANC-kaders oor ons grense stroom sodat hulle deur intimidasie en geweld die ANC as enigste swart politieke party kon vestig.

Weens die eenpartystelsel wat sodoende in Suid-Afrika gevestig is, praat Jeffrey van ons “uitgeholde demokrasie”. Ek sou egter verder gaan: Suid-Afrika is ‘n pseudo- of valse demokrasie. Ons is net nog ‘n Afrikadiktatuur soos Zimbabwe of Angola wat af en toe om die Weste te paai aan die ritueel van ‘n verkiesing deelneem, ‘n verkiesing waarvan die uitslag ewe voorspelbaar is as môreoggend se sonsopkoms.

In die lig van sy gewelddadige, magbeluste geskiedenis, is die ANC geen katjie om sonder handskoene aan te pak nie. Diegene wat glo dat ons in ‘n liberale demokrasie soos in Wes-Europa of Noord-Amerika woon, leef in ‘n droomwêreld.

Terwyl ons by PRAAG reeds vyf, ses jaar lank een argument na die ander hieroor stel, wil dit tog voorkom asof die skille een vir een besig is om van mense se oë af te val. Só waarsku prof. Amanda Gouws, ‘n linkse politieke wetenskaplike van Stellenbosch, ook vandeesweek in Die Burger teen volksmoord. In Haatspraak is die lont vir volksmoord tref sy ‘n vergelyking tussen Suid-Afrika en Rwanda waar die Toetsi’s as minderheidsvolk insgelyks uitgemoor is en kom dan tot die gevolgtrekking:

“Hoewel ek geensins sê die ANC-regering beplan volksmoord nie, meen ek dat hoe langer Malema met sy haatpraatjies wegkom, hoe meer mense word daardeur beïnvloed – en dit skep ’n teelaarde vir volksmoord.”

As ons na die Verenigde Nasies se definisie van volksmoord gaan kyk, dan is vele mense in Suid-Afrika reeds aan volksmoord teen blankes en Afrikaners skuldig:

“In die huidige Konvensie, beteken volksmoord enige van die volgende dade wat gepleeg word met die bedoeling om ‘n nasionale, etniese, rasse- of godsdiensgroep, hetsy gedeeltelik, hetsy in sy geheel, as sodanig te vernietig, deur:

(a) lede van die groep dood te maak;

(b) lede van die groep ernstige liggaamlike of geestelike leed aan te doen;

(c) opsetlik lewensomstandighede teen die groep aan te bring wat daarop bereken is om sy fisieke uitwissing, hetsy gedeeltelik, hetsy in die geheel te veroorsaak;

(d) maatreëls te tref wat bedoel is om geboortes binne die groep te voorkom;

(e) kinders van die groep onder dwang na ‘n ander groep te verplaas.”

Ook die hoofstroommedia in hierdie land voer reeds jare lank ‘n sielkundige oorlog teen die Afrikaner en sy leiers met figure soos Max du Preez, Jan-Jan Joubert, Christi van der Westhuizen, Jakes Gerwel, Leopold Scholtz, Janet Smith van The Star en andere wat ons belaster en verguis. ‘n Week of twee gelede het Max du Preez op KykNET blykbaar op die stel met Rian van Heerden weer teen my uitgevaar as “basterbrak” en ‘n “swaap”.

Terwyl Afrikaners verdruk, verengels, verkrag en vermoor word, gaan hierdie sogenaamde “liberale” joernaliste, wat eintlik niks meer as propagandiste is nie, lustig voort om ons van rassisme, volksmoord en allerlei wandade te beskuldig.

Daarom is dit nou ironies dat die histeriese veldtog wat tradisioneel gevoer word teen die Afrikaner of enigeen wat vir ons mense opkom, tans teen Malema ontketen is.

Malema is nog in geen hof aan korrupsie skuldig bevind nie. As “tenderpreneur” verrig hy maar net wat 90% van ANC-politici in hierdie land doen, naamlik om die openbare en private bates wat ons oor geslagte heen opgebou en opgespaar het te plunder. Nog ‘n liberale akademikus, dr. Piet Croucamp van UJ, het onlangs oor RSG gesê dat “dit die manier is waarop die ANC homself befonds en waarop die swart middelklas hul uitspattige lewenstyl finansier”. Die korporatiewe base, banke en aandelemakelaars in Suid-Afrika doen lustig aan die stelsel van geïnstitusionaliseerde korrupsie wat as “swart ekonomiese bemagtiging” bekendstaan, mee. Almal is besig om te skep, die wit HUB’s en direkteure, asook die gekonnekteerde swart politici en hul families. Die slagoffers is die blanke middelklas wat steier onder die belastinglas en ook stelselmatig uit die ekonomie gewerk word.

Waarom dus Julius Malema uitsonder as die man met ‘n drietandvurk en horings? Ek kan aan twee redes dink: ten eerste het hy ‘n skoot oor die boeg van die koloniale mynhuise geskiet met sy nasionaliseringspraatjies en ten tweede waag hy dit om daardie hoogheilige spesie, die joernaliste self, aan te vat.

In vandag se Sondagkoerante verskyn daar verdere histeriese aanvalle op Malema omdat hy en Floyd Shivambu ‘n joernalis van City Press, Dumisane Lubisi, sou “afgepers het”. Shivambu het blykbaar gepoog om persoonlike en finansiële inligting oor Lubisi te publiseer.

In hierdie land is alles blykbaar geoorloof en die media mag maar enigeen wat hulle wil verguis en belaster, foto’s of video’s oor hul sekslewens, finansies en persoonlike sake publiseer, maar wee die dag as een van die joernaliste self onder die vergrootglas kom. Gerugte oor joernaliste wat lustiger as vele popsterre fornikeer of dwelmverslaafdes is, selfs dwelms verkoop, is volop maar ons lees dit nooit in die koerante nie.

Verstaan my mooi: ek is nie besig om Malema te probeer verdedig of te verontskuldig nie; allermins. Maar as die polariseringsproses wat Avusa (uitgewers van die Sunday Times), die Independent-groep en Naspers tans rondom Malema ontketen het tot sy logiese uiteinde gevoer word, gaan u en ek heel moontlik binnekort in die loopgrawe lê. Teenoor ons gaan ‘n horde swart jeugdiges van dieselde tipe wat Jub Jub se hofsaak ontwrig het deur Malema opgevorder word. Heel waarskynlik gaan hulle as lede van die bevrydingsbeweging volle toegang tot die 500 000 outomatiese wapens in weermag- en polisiemagasyne hê terwyl ons mense wat nog nie hul wapens gaan inhandig het nie, sal moet sien kom klaar met handwapens en ‘n wettige 200 rondtes ammunisie wat die meeste van ons nie eens besit nie. Daarvoor moet ons natuurlik vir FW de Klerk in sy versiendheid en toekomsvisie bedank.

PRAAG bepleit reeds geruime tyd dat ons ‘n netwerk van gemeenskapsveiligheidsorganisasies op die been bring, enersyds om misdaad te beveg daar waar die polisie misluk het en andersyds om darem ‘n eerste verdedigingslinie te hê in geval van iets ernstigers soos die Rwanda-tipe volksmoord waarna prof. Amanda Gouws van Stellenbosch verwys.

Op 17 April gaan ons juis vergadering hou in die kerksaal van die NG-kerk Lynnwood in Pretoria om hierdie en ander sake te bespreek en ek hoop verteenwoordigers van alle aktiewe buurtwagte, plaaswagte en gemeenskapsveiligheidsorganisasies sal dit bywoon.

Feit is egter dat die Afrikaner, ná al die verraad, doelbewuste verwarring en ontwapening van die afgelope twee dekades, nie vandag vir ‘n aanslag reg is nie. Reeds tien jaar gelede, in die jaar 2000, het ek ‘n artikel aan Die Burger voorgelê waarin ek die ooreenkomste tussen die De Klerk-skikking van 1994 en die Versailles-vredesverdrag van 1919 uitgespel het. Enige eensydige politieke skikking wat ‘n party in die geding bevoordeel, dra altyd die kiem van konflik in hom saam. Die destydse redakteur van Die Burger, Ebbe Dommisse, hoewel hy ten dele met my saamgestem het, wou dit nie destyds publiseer nie.

Ek is geen profeet nie. Maar ek het in ‘n huis vol boeke, ook geskiedenisboeke, grootgeword en die Here het my met gesonde verstand geseën.

As boorlinge van Afrika het ons te veel kennis en ervaring van Afrikane om hulle soos vele Engelse, veral natuurlik dié in Engeland, as “Westerlinge-in-wording” te sien. Al het Malema ‘n C-simbool vir Engels in matriek ontvang, wat bietjie beter is as sy G vir houtwerk, maak dit nog van hom geen Westerse demokraat wat op grond van negatiewe publisiteit en histeriese rubriekskrywers in die koerante gaan bedank of politieke harakiri gaan pleeg nie.

Waar in Afrika het die media al ooit ‘n politikus gesink? Dit het nie teen Mugabe gewerk nie. Ook nie teen Jacob Zuma nie, wat in weerwil van elke moontlike skandaal in die pers en ‘n horde gillende joernaliste eers leier van die ANC en toe president van die land geword het.

Suid-Afrika se dom joernaliste gaan ook nie vir Julius Malema stuit nie. Hulle mag dalk net voortydig etniese geweldpleging en selfs oorlog in dié land veroorsaak waarvoor ons kwalik voorberei is.

Indien die onvermydelike gebeur, moet ons baie seker wees waarvoor ons bereid is om te veg en te sterf. Onlangs was daar ‘n spotprent hier op die Praagwerf waarin een Amerikaanse soldaat in Afghanistan vir ‘n ander sê: “Ons veg om die reg van mense wat die VSA se vlag wil brand te beskerm.”

Ek is nie bereid om te veg vir die sogenaamde spraakvryheid van joernaliste wat in hul naïwiteit oor die ware aard van ons samelewing en oorbewus van die mag van die pen dit op hulself neem om die land, nogal op die vooraand van die Wêreldsokkerbeker, te polariseer en blindelings in die rigting van ‘n rasseoorlog te stuur nie.

Wel is ek bereid om te veg en dalk die hoogste offer te bring vir my land, my volk en my taal. Maar daar trek ek die streep. Ongeag sy tenders en aggressiewe uitlatings wat op aanhitsing tot volksmoord mag neerkom, beskik die Afrikaner oor veel groter vyande as Julius Malema. Soos Anton Barnard ook in Julius Malema – bevryder van die blanke geskryf het, vervul hy ‘n nuttige rol om baie blankes en Afrikaners van hul liberale waanbeelde te bevry. Laat hy liewer sy sê in die openbaar sê as wat hy dit agteraf onder sy volgelinge propageer en ons dalk op ‘n mooi dag met ‘n onaangename werklikheid gekonfronteer word.

Sowel die Vryheidsfront Plus as Afriforum maak ‘n fout om verder op die pad van konfrontasie met Malema en die ANC-jeugliga te stap. Bepaalde klagte teen hom is gelê; laat die gereg sy gang gaan.

Die veldtog teen Malema is nie ons geveg nie en selfs al sou hy sy openbare amp moet ontruim, gaan dit geen verskil aan ons onmiddellike situasie maak nie.

справка у 86

Zuma-gesprekke dui op swakheid

‘n ope brief aan Dan Roodt

Beste Dan,

Soos jy weet, ondersteun ek jou nog altyd en deurgaans. Daar is wat my betref ook geen ander Afrikanerleier wat toegerus is om die ideologiese leierskap te verskaf soos deur jou bedien nie. Sonder ‘n ideologiese raamwerk het ons geen rasionele rigtingaanwyser nie. Selfs Afriforum, wat waardevolle werk doen, spreek meestal die simptome van die huidige bestel aan. In die ideologiese sfeer oortref PRAAG alle ander Afrikanerbewegings.

Hoewel ek jou argumente rondom verlede week se gesprek met Zuma begryp, is ek soos baie Afrikaners tog besorgd oor hierdie gesprek. Behalwe dat die geheime aard daarvan vir Zuma die geleentheid sou gee om in die toekoms hom van enige verklarings te distansieer, is daar ‘n ander fundamentele probleem met verdere gesprekke in die geheel.

Ek dink nie daar kan meer twyfel bestaan dat die regime en vernaam Zuma juis ‘n strategie het om waardelose gesprekke met almal en nog wie te voer nie. Indien dit nie valse beloftes aan die landbougemeenskap is nie, is dit leuens aan buitelandse beleggers, waardelose gesprekke met Afrikaners, beloftes aan die swart vakbonde en die lys is nog baie langer. Deur nie die uitnodiging te aanvaar om saam met Zuma te gaan eet nie, het Steve Hofmeyer ‘n baie sterk boodskap gestuur, wat grootliks verwater is deurdat die res wel die uitnodiging aanvaar het.

Ek dink nie die analogie tussen die huidige gesprekke met die ANC en dié van voor 1994 is geldig nie en wel om die volgende redes:

In daardie dae het ons die mag van die ganse staat gehad. Daar was dus ‘n daadwerklike rede waarom die ANC ten minste in die korttermyn hul beloftes gestand sou doen. Ek reken dat enige gesprekke nou net ‘n gespreksforum sonder angel is.
Wat ons wel tot nou gesien het, is dat die regime geensins hulle woord hou oor enige saak nie. Ek dink daar bestaan ‘n wanbegrip by Afrikaners oor die aard en doel van samesprekinge in die Afrikakultuur. Terwyl ons as Nederduitse gemeenskap oor eeue heen ‘n regsbegrip rondom ooreenkomste en kontrakte gevorm het, het daardie gesofistikeerde ontwikkeling nooit in die Afrikakultuur plaasgevind nie. Hierdie wanbegrip het ook Piet Retief en sy geselskap se lewens gekos en het aanleiding tot Bloukrans en Bloedrivier gegee. In Afrika geld die ooreenkoms net so lank albei partye oor mag in die brutale vorm beskik. Toe die Retiefgeselskap hul wapens neergelê het, het die ooreenkoms geëindig. Die oomblik as enige van die partye mag verloor of afstaan, verval die ooreenkoms. Dit is die begrip wat Roelf Meyer glad nie verstaan het nie. Uit sy naïewe Westerse raamwerk het Meyer in goeder trou onderhandel. Sedertien betaal ons in bloed en aanduidings is dat ons op ‘n massale bloedbad, veel erger as Bloukrans, mag afstuur.
Dit was juis weens die NP-onderhandelaars se liberale aanname, naamlik dat die Afrikaan dieselfde begrip rondom ooreenkomste as ons huldig, dat die ANC so suksesvol met diplomasie was. Die ANC se sukses was nie omdat hulle kwansuis goeie onderhandelaars was nie, maar eerder omdat ons leiers weens hul Westerse konsep van kontraktereg so naïef was. Om aan te neem dat ons dus, vandag, met gesprekvoering dieselfde sukses as die ANC vóór 1994, sal bereik, is om van voor af weer daardie fout te maak. Weereens huldig dit die mistasting dat die Afrikaan oor dieselfde begrip rondom ooreekomste as ons beskik. Ek betwyfel dus of enige gesprekke op hierdie stadium met die regime (insluitende Zuma) enigsins iets sal oplewer. Ons beskik doodeenvoudig nie oor die tipe mag wat vrees by die Afrikaan inboesem nie.
Die voortgesette gesprekke met Zuma skep die indruk van ons desperaatheid en oënskynlike weerloosheid. Eintlik hoef Zuma ons niks toe te gee nie, want soos uit bostaande geargumenteer is, is daar nog geen werklike afskrikmiddel aan ons kant nie. Deur dus verdere gesprekke te voer, lyk ons eerder soos bedelaars wat kom bakhand staan en dit beklemtoon hulle (die ANC se) mag oor ons. Die gevolg is dat ons swak postureer en dus na ‘n maklik oorwinbare, selfs weerlose, vyand lyk. Hierdie benadering binne die Afrikaverband is juis baie waarskynlik om ‘n geweldsaanval op ons uit te lok. Indien ons Steve Hofmeyer se “hardegat”-houding inneem, begin ons in die Afrikaverband sterker postureer. Gesprekvoering op hierdie stadium doen oneindig meer kwaad as goed.

Ons kan ons ook nie bekommer oor wat die Weste sal sê rakende ons agenda of benadering nie. Ons maak in elk geval ‘n fout as ons dink dat ons oortuigde vriende in die vorm buitelandse regerings het. In die uur van nood gaan nóg Amerika, nóg Europa ons tot hulp snel en sal ons ten volle op onsself aangewese wees. Ons het geen aanspreeklikheid teenoor die buiteland nie. Ons is alleen teenoor onsself en God aanpsreeklik.

Myns insiens moet alle gesprekke wat met Zuma en die regime gevoer word, ook deur die landboufederasies, in die geheel gestaak word. Alle gesprekke dui op ‘n poging om in goeder trou te onderhandel, want dit is presies die onderliggende aard van onderhandelinge. In die afwesigheid van brutale mag, aan ons kant, laat enige poging in goeder trou ons swak vertoon. (Met “brutaal” bedoel ek nie geweld nie, maar wel die vermoë om dit te kan toepas ingeval van ‘n bedreiging.) Dis om hierdie rede dat, ten spyte daarvan dat die landboufedrasies die minister se drumpel deurtrap, plaasmoorde net toeneem. Die Afrikaan sien die een wat om genade of vergunning vra as ‘n swakkeling. Dit is juis die gesprekvoering wat verdere geweld uitlok.

Die enigste nie-gewelddadige bedingingsproses wat ons durf volg met enige arm van die regime is deur die howe. Die adverseriële aard van die hofgeding is die enigste bedingingsvorm wat nie ons postuur afbreek nie.

Verder moet meelopers soos Pieter Mulder geïsoleer word. Die klem moet eerder val op die opbou van ‘n Afrikanerowerheid soos telkemale deur Anton Barnard gepropageer is. Tesame met laasgenoemde, is die oprigting van ‘n paramillitêre beweging ‘n prioriteit. Eers wanneer ons weer mag begin projekteer, durf ons in gesprek met Zuma of enige regimefunksionaris tree.

Фільчаков прокурор

Pretoria-inwoners ”n klomp rassiste’

Gauteng se premier, Nomvula Mokonyane, sê wit inwoners van Pretoria is “’n klomp rassiste”.

Beeld het haar gevra of sy die siening van Sicelo Shiceka, minister van koöperatiewe regering, dat die hoofstad op plaaslike regeringsvlak swak bestuur word, deel.

Vullisstakings en bewerings van wanbestuur is die afgelope tyd van die probleme waarmee die inwoners te kampe het.

Volgens Mokonyane is wit belastingbetalers in Pretoria ’n bykomende struikelblok vir Tshwane.

Sy het Afriforum en die belastingbetalersunies as die probleem uitgesonder.

Lees verder.

тамбов жидкое лобановский обыск

Ope brief aan Praag

Is dit net ek of is hier ‘n hewige anti-Afriforum/Solidariteit sentiment? Die agbare heer L.I. Bertijn vertel eers hoe groot geskenk Zuma aan die Afrikaners is en dan weer watter selfbehepte skollies die bestuur van Afriforum is!

Mis ek iets? Net omdat Afriforum hul gedistansieer het van die VF+, iets wat ek kort na die Cornelius Janse van Rensburg-storie al gedoen het, moet hul nou uitgewerp word in die buitenste duisternis en as melaats behandel word?

Is ons weer terug by die kwessie van as iemand nie met jou saamstem nie, te hel met hom? Mense ons kort…nee, ek pleit vir ‘n vernuwing in denke! Dr. Roodt moet asb nie dat PRAAG in die selfde geïsoleerde toestand raak as die HNP nie. Dit is n pad na nêrens! Eendrag maak nog steeds mag. Laat ons van mekaar verskil sonder om te etiketeer en sonder om te isoleer! Laat PRAAG van krag tot krag gaan.

Daar sal baie water moet vloei voor ek weer VF+ stem, maar ek wens Mulder en Mulder geen teenspoed toe nie, inteendeel.

As die toekoms leer dat hul al die tyd reg was en ek verkeerd, sal ek meer as gewillig wees om my dwaling te erken en met trots te volg.

slots Данильченео

Die Afrikanerpolitieke hindernisbaan

Die afgelope week is daar baie gesê, bespiegel en geraai oor die bedanking van Willie Spies by die VF+. Daar is genoem dat hy sy speelgoed uit die wieg gesmyt het, omdat hy in die openbaar deur ‘n VF+-spreker as ‘n VF+-leier genoem is. Iets wat na bewering, sy en sy “werkgewer” Afriforum, se vere omgekrap het? As dit waar is, sal mens ernstig moet wonder oor Afriforum en dié se meesters, se politieke aspirasies…

In die proses het bespiegelaars al twee kante van die geroeste munt probeer poleer en laat gesig boontoe land.

Sommige Pro-VF-Plussers noem Spies se bedanking ‘n geval van waar ‘n “leier”, Spies, vir eie voordeel die Afrikaner benadeel, deur nog tweespalt (meerspalt) in Afrikanergeledere te skep.

Ander reken dat sy bedanking bewys dat die VF+ ‘n doodloopstraat geword het vir Afrikanerbelange en slegs daar is om sy eie leierskap se neste te veer.

In die vuilspel genaamd politiek, sal die waarheid natuurlik selde indien ooit die lig sien. Almal op die kantlyn en in die pawiljoene sal voortdurend maar moet raai wat aangaan. Want selfs die “waarheid” geuiter deur beroepspolitici, is bes moontlik ‘n gepoleerde leuen. En die gedienstige ondersteuners sal enige iets glo, solank elkeen se persoonlike voorkeur-“kaptein” van die vuilspel, dit kwytraak.

Wanneer gaan Afrikaners leer om vir hulself te dink?

Wanneer gaan Afrikaners die regte vrae begin stel en aandring op feite as antwoorde?

Dit neem 12 jaar om ‘n Afrikanerkleuter te laat matrikuleer.

Dit neem 16 jaar om ‘n Afrikanerkleuter te laat gradueer.

Bogenoemde is natuurlik waar, selfs al is die kleuter effens lui, doen hy net die nodigste en is hy doodgemiddeld in intellek, motivering, deursettingsvermoë, inisiatief, skeppende denke, selftrots, doelstelling, doelwitbepaling en probleemoplossing.

Hoe lank kan dit reeds opgeleide – in baie gevalle lank reeds gegradueerde – professionele Afrikanerpolitici neem, om dít wat hul na eie bewering vir die Afrikanervolk nastreef, te bereik?

Is hul resultate ‘n aanduider van hul persoonlike plekkies op die intellekglyskaal? Is alle politici ongeag ras en volk dalk dieselfde, minder geseënd met intellek, maar in oormaat belas met sluheid?

Watter bereikbare en meetbare doelwitte het hulle gestel en bereik, op pad na die doel?

Wat het hulle in die afgelope 16 jaar vir die Afrikanervolk bereik?

Wat presies is hul doel?

Glo hulle self in daardie doel?

Is daar ‘n padkaart van bereikbare en meetbare doelwitte oppad na daardie doel?

Is daar ‘n padkaart met gebeurlikheidsbeplanning en regstellende doelwitte vir die oorkom van bestaande en voorsiene hindernisse, op die pad na die doel?

As die bereiking van politieke doelwitte, gelyk staan aan kapitaal en waardegroei van aandele en die verbetering van Afrikaners se vryheid, veiligheid en voorspoed, gelyk staan aan halfjaarlikse dividende-uitbetalings, hoeveel Afrikaners sou selfs een sent in die maatskappy belê het?

Hoe verskil hierdie “maatskappy” van die ANC, rakende waarde vir hul aandeelhouers?

Wie trek voordeel uit hierdie twee “maatskappye”?

Die “raad van direkteure” en bestuur?

Miskien sekere werknemers vanaf sekere senioriteitsvlakke?

Miskien sekere ondersteuners met die regte vlak van kontakte binne die maatskappy… hetsy vriendskaps- of familiebande?

Wat kan watter sogenaamde pro-Afrikaner-“maatskappy” wys en bewys, wat hulle oor die afgelope 16 jaar vir die Afrikaner bereik het?

En dit is spesifiek hier waar die papaja deur die waaier spat!

Sommige gaan beweer:

hulle het SA burgers in die buiteland stemreg gegee,
hulle het ‘n naamsverandering of twee uitgestel in die toekoms in,
hulle het een of twee Afrikaanse skole tydelik gered van verengelsing en dus verswarting,
hulle het diplomatiese uitsprake gelewer rakende die swart regering en sy gesante se anti-blanke uitsprake en optredes,
hulle het diplomatiese uitsprake gelewer rakende swartes se moord en doodslag, verkragting en marteling en roof en vernietiging, onder ons blankes en Afrikaners,
hulle het Afrikaners geregistreer by UNPO,
hulle het UNPO ingelig oor die moorde op boere in Suid Afrika,

Wat nog? Wat presies het hulle bereik?

Basies niks!

Wat is van die grootste bedreigings wat die Afrikaner in die gesig staar?

verlies van eie grondgebied en soewereiniteit
verlies van vryheid,
verlies van veiligheid,
verlies van voorspoed,
verlies van eie kultuur, taal, lewenswyse, eiesoortigheid, ens.

In 16 jaar, wat het watter sogenaamde pro-Afrikaner-“maatskappy” gedoen en bereik, om bogenoemde verliese ongedaan te maak?

Watter pro-Afrikaner-“maatskappy” is selfs bereid om die verwerwing van bogenoemde, in die openbaar as doel uit te bulder?

Nee, ons het “leiers” en sommige van hul gunsjagters, wat diegene wat verby die mooi woorde en kamoeflering kyk, as onminsaaiers en volksverdelers uitkryt.

Waar’s die doel, bereikbare en meetbare doelwitte, planne om dit uit te voer, resultate en aanspreeklikheid?

As jy jouself as die leierskap van die Afrikervolk wil ag, bestuur die Afrikanermaatskappy na kapitaalgroei, winste en leefbare dividende. Hoe lank dink jy kan die Afrikanermaatskappy bankrot bly, voor jy die kollektiewe middelvinger kry?

топкарго

Peetpa Buys lem die Vryheidsfront

Vandeesweek het dit vir jou behoorlik gegons rondom Willie Spies se skielike bedanking by die VF Minus. Tot die orakels van Mediapark het twee dae laat die lamppale in J.G. Strijdomlaan (dit heet nou een of ander onuitspreekbare naam) in Johannesburg met plakkate versier wat lui:

VF PLUS SE

WILLIE VAL

OP SY EIE SPIES

Met die e-posse wat vlieg en die riemtelegramme wat gons, lyk dit toe al minder na ‘n politieke selfmoord. Eerder ‘n geval van ‘n bevel van Bo. En hier raak ek nou nie godslasterlik nie, maar volgens binne-inligting het Willie Assegaai op aandrang van Kallie Kriel van Afriforum bedank. Soos ene Vorster hier op die PRAAG-werf geskryf het: “In elk geval, ek dink Willie sal verseker in die geskiedenis kan afgaan as die eerste en waarskynlik laaste en enigste leier wat uit ‘n politieke party bedank het oor dit in die openbaar genoem is dat hy verbonde aan die party is!”

Selfs dr. Pieter Mulder, leier van die VF Positief, het – immer positief – per mediaverklaring laat weet dat daar nie sprake is van mededinging tussen die VF en Afriforum/Solidariteit nie. Luidens Mulder: “Enigeen wat spanning tussen Afrikanerorganisasies skep, is onverantwoordelik en verloor die groter saak uit die oog.”

Mmmm, op hierdie sondige onderaardse van ons is daar maar bitter min harmonie, veral tussen Afrikanerorganisasies. Daar bestaan mos ‘n ou spreuk in die Afrikanerpolitiek: “Die vyand is nie dóér voor jou nie, maar hier langs jou.”

Terwyl daar nou so oor Willie se spies geskinder word, kom die rol van Peetpa Flip (“the Godfather”) Buys toe ook ter sprake. Iemand sweer hoog en laag dat die bevel om Willie uit die Vryheidsfront te verwyder van Heel Bo in Solidariteit moes gekom het. In Willie Assegaai se bedankingsboodskap wat wyd gesirkuleer is, praat hy dan hoeka van ‘n “koue oorlog” tussen die uitvoerende dagbestuur van die VF+ en Solidariteit/Afriforum : “Terwyl hierdie koue oorlog onder die oppervlak gevoer word, skroom die party nie om na buite deurlopend en ten onregte by AfriForum en Solidariteit aan te klamp nie.”

Vir diegene wat nie met die term “aanklamp” bekend is nie, dit beteken iets soos “om met iemand anders se kallers te ploeg”. Dit klink nogal baie asof dit van Peetpa Flip af kan kom, want vir iemand wat self agter die deur staan, is hy besonder sensitief vir iemand wat dalk kan lyk asof hy met ‘n Buys-vers mog ploeg. En al sy teksversies kom glo uit sulke Amerikaanse boeke oor bestuur… van die soort met titels soos: “Wie het my kaas geskuif?” en dergelike.

Gerugte dat Solidariteit/Afriforum ‘n politieke party wil begin en dus die Vryheidsfront Plus as ‘n lastige oorblyfsel uit die Afrikanerverlede sien, word ook gereeld ontken. Nog ‘n skinderstorie is dat Peetpa Buys op ‘n keer gesê het: “Man, ek het veel groter ambisies as om ‘n politieke party te begin.” Nou wonder Bertijn, wat kan sulke “groter ambisies” wees: Voorsitter van Anglo American? President van die Afrika-unie? Die man in sy gebruiklike mosterd-en-bruin monderings prikkel jou nuuskierigheid genadeloos!

Enigiemand wat dink dat Bertijn vir Buys onbillik as “Peetpa” bestempel, het nie die taamlik uitgebreide (outo?)biografiese ode aan hom tydens vandeesweek se “scenario”-konferensie op Garsfontein onder oë gehad nie. Moedswilliges sal seker sê: Eers is die Afrikaner bestook met “wigte en teenwigte” in Kemptonpark en nou word ons bewierook met scenario’s in Garsfontein. Bertijn het nogal ‘n voëltjie hoor fluit dat Dirk Hermann van Solidariteit/Afriforum en FW de Klerk (voorheen van die Broederbond en Nasionale Party) deesdae erg hand om die blaas is. Dirk vlieg glo gereeld af Llandudno toe om FW se partytjies by te woon.

Bertijn kyk nie so baie TV nie, maar die SAUK, daardie nare ANC-beheerde orgaan, is amper so dolverlief op die Solidariteitstyl as Naspers. As dit nie mosterd-en-bruin Buys is nie, is dit Dirkie die Kondensmelkseun met sy groen das en swart leerbaadjie. Bertijn dag Solidariteit/Afriforum se kleure is groen en oranje?

Hoe dit ook al sy, soos Buys deur homself of deur een of ander mbongi van Solidariteit beskryf word:

“Flip is tans Uitvoerende Hoof van Solidariteit.

Flip demonstreer sy leierskap in sy diens aan die gemeenskap in verskeie direksies en rade, waaronder:

dien as ‘n direkteur van die Mynpensioenfonds; die Rand Mutual Versekeringsmaatskappy; die Dagbreek Trust; die Erfenisstigting;
raadslid en lid van die uitvoerende komitee van die Noordwes-universiteit;
direkteur en lid van die UK van die Rapport Onderwysfonds (ROF) en ‘n lid van die Suid-Afrikaanse Akademie.
Hy is voorsitter van Solidariteit se Sakebeen, die vakbond se burgerregte-inisiatief Afriforum en nou ook voorsitter van die ABN.”

Dis rof, selfs sonder ‘n onderwysfonds! En as u nou gewonder het wat die ABN is… Eers was daar ‘n AB, oftewel Afrikanerbond en nou ‘n ABN, alias die Afrikaner Burgerlike Netwerk. Soos ‘n bitterbek dit gister teenoor Bertijn stel: “Daar ís ‘n nuwe Broederbond!”

Bertijn voel sommer nou gerus: ons is bepaald, soos hulle sê, in goeie hande. Die AB en FW het vir ons dié pragtige bestel ontwerp en Peetpa Buys se scenario’s sal sorg dat, soos die ABN se dokument dit onder andere stel: “waarde toegevoeg word in terme van risiko-beoordeling en -bestuur”. As jy iemand met ‘n AK 47 in jou inrypad gewaar, reik na die ABN se handleiding waar wenke vir elke situasie gevind kan word!

Die geskiedenis, soos Buys se sêgoed wat uit sulke slapband- Amerikaanse boeke kom, herhaal homself, nie waar nie? Veral Peetpa se konneksies met Potchefstroom is nogal, om ‘n bertijnse adjektief te gebruik, frappant. Het FW en Ouboet Wimpie nie ook sulke hegte bande met die rustige Dopperkampus gehad nie? Daar is amper net soveel Doppers in die onlangse, roemryke – of rampspoedige, afhangand van u “scenario” – Afrikanergeskiedenis as wat daar Jode by die Rivoniaverhoor of Indiërs in die wapenskandaal was.

Dat Nasionale Pers doer vanuit die Wes-Kaap vir Peetpa Buys as “Onse Leier” – om die gepaste Kaapse vorm te gebruik – gesalf het, spreek ook die spreekwoordelike boekdele. Tim du Plessis skryf juis verlede week in hul noordelike spreekbuis, Beeld, oor die (hoor u die Wagner-musiek in die agtergrond?) “seldsame Flip Buys”: “Sy brein werk in toekomsprentjies, baie strategies. Hy’s heeltyd besig om scenario’s te sien en plannetjies te maak.”

Eers was daar by Kemptonpark en Kodesa, in Z.B. du Toit se gevleuelde woorde, “Boere sonder planne”. Nou het ons “Afrikaanses met plannetjies”.

As u dus ooit oor u toekoms in dié land getwyfel het, ontspan en handig sommer u handwapen by die naaste polisiestasie in! Daar word namens ons “plannetjies gemaak”. U en ek word nie na sulke belangrike plannetjiepartytjies uitgenooi nie, maar teen die einde van Augustus 2010 kan ons uitsien na ‘n verslag wat deur prof. André Duvenhage van die NWU (Pochefstroom-kampus) opgestel sal word en deur “onderskeie organisasies en instansies vir strategiese besluitneming… gebruik” sal word.

Miskien lyk die fameuse scenario’s so:

Volkselfmoord.
Emigrasie.
Pas aan, verengels en assimileer.
Trek na ‘n blanke plakkerskamp en ontvang kospakkies van Solidariteit se Helpende Handfonds.

Soos wat die scenario’s met fanfare bekendgestel word, sal Bertijn u op hoogte van u toekoms hou.

все для скважин

Vryheidsfront Plus skop Pretoriase veldtog af

Die Vryheidsfront Plus het sy verkiesingsveldtog vir die 2011-munisipale verkiesing in die Tshwane-metroraadsgebied afgeskop en het gesê dat die verkiesing ‘n baie belangrike rigtingwyser sal wees van hoe die Afrikanergemeenskap hulle toekoms in Suid-Afrika sien.

Die party het, met die VF Plus se leier in Pretoria , mnr. Willie Spies aan die stuur, “skadu-raadslede” in alle wyke in die Tshwane-metroraadsgebied, waar daar ‘n beduidende teenwoordigheid van die Afrikanergemeenskap is, aangewys.

Volgens dr. Conrad Beyers, VF Plus-raadslid in die Tshwane metroraad en ‘n woordvoerder van die party se Groter Pretoria-streek, is die Afrikaner besig om sy spiere te bult in die Suid-Afrikaanse samelewing.

“Veral op die terrein van die burgerlike samelewing, in die vorm van AfriForum, PRAAG en ander organisasies, is Afrikaners besig om te hergroepeer. Dit is egter noodsaaklik dat hierdie proses politieke vergestalting moet kry ten einde die momentum te behou. Die VF Plus is die party wat perfek geposisioneer is om daardie rol te vervul,” het Beyers gesê.

Die veldtog in Pretoria gaan fokus op dienslewering, die naamkwessie asook die daarstel van ‘n realistiese politieke alternatief waarvolgens Afrikaners en ander minderhede volle beskerming in terme van groepsregte kan geniet.

Die VF Plus het verder gesê dat slegs ‘n stem vir dié party ‘n wyse kan wees waarop kiesers werklike protes teen die status quo kan aandui. Al wat ‘n stem vir ander partye sal beteken is “meer van dieselfde” en berusting by die huidige orde.

play slot

Zim-boere kan vir verliese vergoed word

Beeld berig dat meer as 70 wit kommersiële boere wat slagoffers is van Zimbabwe se grondonteiening, ’n geskiedkundige hofbevel in Suid-Afrika bekom het.

Die hooggeregshof in Pretoria het verklaar dat ’n tribunaal van die Suider-Afrikaanse Ontwikkelingsgemeenskap (SAOG) se uitsprake teen pres. Robert Mugabe se grondonteiening in Suid-Afrika geregistreer en erken word en afdwingbaar is.

Die SAOG-tribunaal het in 2008 en verlede jaar in Windhoek beslis Mugabe se grondhervormingsprogram is onwettig en rassisties en dat boere wat van hul plase verdryf is, daarheen moet kan terugkeer.

Boere het die bevel verkry om hulle te help om vergoeding vir hul verliese te bekom, soos die beslaglegging van vaste Zimbabwiese staatsbates (wat diplomatieke bates uitsluit) in Suid-Afrika.

Lees die berig hier.

cluedo free

Fatsoenlikheid

Gewoonlik is ek, Blik Oor, maar swygsaam nadat die Cheetahs se sterte geknoop is. Maar iets moet darem nou die aandag van rugby en krieket (eina!) aftrek.

Die ongelukkigheid oor Afriforum en Solidariteit wat in sekere kringe meer geduld word as ander organisasies wat pro-Afrikaans is, se antwoord is eintlik baie eenvoudig – die mate waarin Afrikaners via daardie organisasies as fatsoenlik beskou word. Van die vroegste opgetekende geskiedenis word na fatsoenlikheid as van die Afrikaner se grootste deugde beskryf, soos ‘n nasaat op die internet na sy voorouer, Paul Kruger as “stoere, edele, patriotiese en fatsoenlike Oom Paul Kruger” verwys.

Fatsoenlik is ook die woord wat dikwels rondom oud-pres. M.T Steyn en die Tweede Afrikaanse Taalbeweging gebruik word.

Nie alle Afrikaners was seker ewe fatsoenlik nie, maar die persepsie eerder as die realiteit tel immers gereeld.

En dit is ‘n persepsie wat Afriforum en Solidariteit probeer handhaaf.

Volgens MWeb se eertydse blogmeester is blogs per definisie die plek waar mense (onder skuilname) hul monde sonder diskresie uitspoel, en omdat hulle agter “die reg op privaatheid” kan skuil, taamlik verregaande kan raak en wegkom met ‘n vry sê oor ander. Daarom dat ek, Blik Oor, nooit van ‘n skuilnaam gebruik sal maak nie.

Wêreldwyd is regerings maar omtrent net so ongelukkig met joernaliste wat volgens die regering “onfatsoenlik” optree as met mense wat die internet vir “onfatsoenlikhede” inspan. Op die oomblik is daar 200 joernaliste in aanhouding, teenoor 120 “kuberdissidente.”

Nou voordat Jors Troelie bietjie lat inlê, laat dit nooit gesê word dat ou Blik nie groot genoeg om jammer te sê nie.

Jammer ou Riempies, dat ek die hoë Doppers so gelys het wat anderkant die draad gaan kuier het. Die bedoeling was beslis nie om ‘n kerk by te sleep nie. Sien, ou Blik sal in die reël nie draak steek met iets wat nie ook sy eie is nie, en vir ‘n oomBlik het dit my ontgaan dat ek nie meer ‘n Dopper is nie nadat tot baie onlangs self ‘n dekadeslange Dopper was. Dis nou van die faksie wat Cloete-omdigtings sing, wat Nagmaal in die banke gebruik, waar vrouediakens ‘n algemene gebruik is, wat die sinode se standpunt oor Deïstiese evolusie steun en lippie trek omdat vroue-ouderlinge nie goedgekeur is nie. Eerder as om dolerend te word is die Blikke toe na ‘n ander susterkerk toe.

En ja, destyds het ek ook die kwessie oor die hoës se sekskapades formeel met die kerk opgeneem en selfs ‘n brief van die ouderling gekry. Ek kan dus bevestig, hoë Doppers wat so anderkant die draad wei, dra nie die kerk se goedkeuring weg nie.

En as ‘n mens mooi dink, die vier hoës wat gelys was, maak maar ‘n druppel aan die emmer uit as die hele kerkverband in Brandy & Cokepark (ou Ellispark) sou saamtrek.

Ek sal dus voortaan ons voorsate, presidente Kruger en Steyn, probeer nadoen met fatsoenlikheid.

Maar gaan kyk met ‘n oop gemoed na sommige van die skuilnaam-insetsels op internetartikels. Baie van hierdie insetsels is hoogs intellektuele werk, maar word ontdaan deur net ‘n bietjie te onfatsoenlik in onverdraagsaamheid te wees. Om nou sommer Riempies se klagte oor die Dopperkerk te gebruik om die susterkerke as “preAdamisties” en vertakkings van die Rooms-Katolieke Kerk af te maak, byvoorbeeld. Na Jors Troelie se wete is dit omtrent net die Armeense Kerk en kerke uit die Koptiese tradisie wat nie iewers terug na die Roomse Kerk herlei kan word nie.

En nee, ek gebruik ook nie Adam en Eva se kinders om verwantskappe te bepaal nie – nie terwyl daar iets soos DNA-toetse hiervoor beskikbaar is nie.

Olie oupa-grootjie, wat saam met sy vrou Bittereinders was, was met die rebellie glad nie lekker met sommige van die rebelle nie. In die oorlog, toe daar geveg moes word, het van hulle hul maar skaars gemaak. Toe die koeël deur die kerk is, toe is hulle bakleilustig.

Wat die internetgebruikers, ook op Naspers se webblaaie, betref glo ek die Afrikaners het “voldoende konsensus” dat FW drooggemaak het. Ek is self die BlikOorsem in. Kom dit by die pad vorentoe, dan is konsensus min of meer afwesig. Heel duidelik is daar ‘n groot deel van die deelnemers wat meen van die ander gaan darem heel te wyd met fatsoenlikheid om.

Natuurlik verdien Zuma en Malema en ander ook slae, maar dan darem ‘n fatsoenlike drag slae.

best online casinos

Afriforum en die stryd

Mag ek toegelaat word om aan Willem Reitzma ‘n antwoord te gee. Solidariteit en Afriforum werk vir die Boere en die Afrikaner wat onder die haak van die vervloekte ANC uit wil kom. Hulle het darem vir Crawford von Abo se regte opgestaan en vir Pretoria se naam en teen Nestlé, ens. As ons as witmense wil oorleef, moet ons liefs nie briewe of rubrieke soos jy skryf nie want dan sien Malema en sy soort dit raak.Ons staan op die drumpel van ‘n rewolusie, as jy dit nog nie weet nie.

Ek stem saam dat die vervloekte CIA en MI6 soos in die 1980’s ons weereens vanuit die Amerikaanse en Britse ambassades uit, die stryd aansê, soos ons wat op die grens was, wel van weet. Maar ons sal maar weereens daardie stryd moet opneem, ouderdom of nie. Of hoe my maat?

игри для дивчат

Mag ons leiers mekaar vind

Te danke aan Beeld se volkstaatmeningspeiling het hierdie gesprek weer momentum gekry. Die volkstaat is en moet ons belangrikste oogmerk bly en daarom is hierdie nuwe lewe wat die debat ontvang het van kardinale belang.

Hoewel Beeld se meningspeiling nie wetenskaplik is nie, dui dit tog dat daar geweldige steun onder Afrikaners (en miskien veral noordelike Afrikaners) vir ‘n eie staat is. Vir seker moet Afrikanerleiers ag hierop slaan en selfs organisasies wat tradisioneel nie van ‘n volkstaat gepraat het nie, bv die FAK en Afriforum, sal ten minste moet kennis neem hiervan.

Dit is verblydend dat hierdie gesprek juis nou nuwe lewe gekry het, reg voor die PRAAG-OB-FAK-Afriforum-beraad vanaand by die Diamantvalleilandgoed. Ek hoop van harte dat die volkstaatideaal hoog op hul agenda mog wees.

Wat na vore kom in vele insette van die baie deelnemers op verskeie internetforums en opiniewerwe is die gevoel dat die tyd vir die Afrikaner vinnig aan die opraak is. Die feit dat meer as ‘n derde van Afrikaners (meestal die room van ons gemeenskap) reeds sedert 1994 ge-emigreer het, bevestig hierdie krisis. Ook die regime se doelbewuste vernietiging van ons volk se ekonomiese toegang sowel as die aftakeling van ons taal en kultuur, bevestig dat ons op ‘n vinnige afdraande pad is en dit raak nou geheel realisties om die einde van die Afrikanervolk voorsien.

Die vyande wat ons in ons huidige magtelose situasie ondergrawe is velerlei. Vanaf die swart regime tot hul lakeie tussen ons eie mense, soos Naspers, sien met groot afwagting uit na die dag wanneer ons nie meer daar is nie. Die tyd vir aksie het voorwaar gekom. As ons nie nou optree nie, sal die geskiedenis ons beskryf as ‘n volk wat ondergegaan het omdat hulle nie om oorlewing wou veg nie.

Dit is nou in hierdie gevorderde uur van kardinale belang dat Afrikanerleiers van die onderskeie splinterbeweings mekaar moet vind. Ons kan nie meer teen mekaar werk nie. Die ongeregtigheid van ons verdeeldheid is net so ‘n groot misdaad teen ons volk as wat die vyand teen ons pleeg. As ons sg leiers nie mekaar vinnig gaan begin vind nie, sal die vernietiging van ons volk ook voor hulle deur gelê moet word.

Ek wil ‘n beroep doen op alle Afrikanerleiers, wat besef dat ons in ‘n krisis verkeer, om van hier af aan emosionele intelligensie aan die dag te lê. Laasgenoemede blyk vir my altyd ‘n eienskap te wees waarmee ons ou volkie baie swak bedeeld is. Eeue se stryd om oorlewing op hierdie ongenaakbare kontinent sowel as die onbuigsaamheid wat dikwels deur enge Calvinistiese waardes van geslag tot geslag oorgedra word, het gemaak dat ons dikwels nie vir mekaar wil toegee nie.

Indien ons onsself wil red uit die krisis waarin ons verkeer, sal ons móét saamstaan. Om mekaar te vind, sal ons moet bereid wees om aan mekaar toe te gee. Geen eenheid sal bereik word sonder kompromievorming nie. Om iets te kry, moet jy iets afstaan. Sonder opoffering is daar geen wins nie. Mag ons leiers hierdie wysheid verwerf voordat dit heeltmal te laat is.

games play new