Suider-Afrika – Bladsy 29

ANC se posisie verbeter stadig maar seker

Die ANC se posisie is besig om stadig maar seker te verbeter. Alhoewel die stemresultate stadiger inkom het dit vroeg Vrydagoggend, teen 3 vm, verder in die guns van die regerende party geswaai.

Die ANC staan nou op 67, 04% met 8,264,909 van die12,328,424 stemme reeds getel. Die DA is besig om stoom te verloor van die 16% hoogtepunt wat die party Donderdag bereik het en staan nou op 15.82% met 1,950,025 kruisies.

Cope is in die derde plek met 7.65%, oftewel 943,232 stemme.

Die ander partye het onbenullige persentasies behaal. Die tellery het Vrydagoggend merkbaar verstadig en slegs 165,205 stemme is tussen 12.55 en 3vm getel. In die Oos-Kaap is die tellery afgehandel en het die ANC met 69.50% gewen. Dit verteenwoordig 1,499,363 uit die 2,157,366 stemme.

Volgens die OVK het 77.31% van geregistreerde kiesers Woensdag hulle stemme uitgebring.

ANC neem die voortou

Met die sluiting van alle stemlokale vroeg Donderdagoggend, wys die eerste uitslae dat die ANC 'n duidelike voorloper is. Die OVK sê met 1, 3% van die stemme getel, het die ANC 160 031 stemme, byna dubbel soveel as die DA met 83 287.

Die DA loop egter voor teen Cope wat op 21 608 stemme gestaan het teen 3 uur vanmore. Patricia de Lille se ID was in die vierde plek met 8 815 kruisies. Die VF Plus het 6 539 stemme en die IVP het 5 620.

Die tellery het kort na 9 uur Woensdagaand afgeskop, nadat stemlokale amptelik regoor die land gesluit het. Daar was egter 6 000 stasies wat hulle deure oopgehou het om kiesers wat ure lank tougestaan het tegemoet te kom om hulle stemme uit te bring.

Teen 3 uur Donderdagoggend het die OVK bevestig dat die laaste stemlokale hulle deure gesluit het in KwaZoeloe-Natal.

Die DA-leier, Helen Zille, loop voor in die provinsiale stryd in die Wes-Kaap waar sy hoop om premier te word. Zille was hoogs ontsteld oor die vertragings by sommige stembusse en het gesê sy is gereed om die "patetiese" OVK hof toe te sleep omdat stembriewe by 24 stasies in die Wes-Kaap en Gauteng opgeraak het.

Sy het gesê dat verlengde stemmery die ANC kan bevoordeel. Nadat nog tyd gegun is aan kiesers om hulle kruisies te gaan trek, het die ANC in plakkersgebiede buite Kaapstad diegene wat nie langer wou toustaan nie, teruggeroep.

Zille het Zuma tydens haar veldtog as 'm "gevaar vir demokrasie" beskryf.

Ontleders het die opkoms as "oorweldigend" beskryf, maar die OVK meen dat die grootste rede vir hulle logistiese probleme eerder die konsessie was wat op die laaste nippertjie geneem is om mense by enige stemlokaal van hulle keuse te laat stem in stede van waar hulle geregistreer is.

Brigalia Bam, voorsitter van die OVK, sê die beste nuus is dat daat geen stemintimidasie was nie. Cope het egter beswaar gemaak omdat 'n senior partylid by sy huis in Motherwell in die Oos-Kaap geskiet is.

Фильчаков Харьков

SA wynverkope daal skerp

Met Suid-Afrikaners wat die effekte van stygende belasting en die resessie voel, het die verkope van wyn gedaal, het die Wyn-van-die-Maand klub Dinsdag in Kaapstad gesê.

Besturende direkteur van die land se grootste direkte wynbemarker, Tai Collard, het gesê dat die verkope in die VK ook tot ‘n skielike stilstand gekom het.

“Die Suid-Afrikaanse markaanvraag vir natuurlike wyn het essensieel ‘n nul persent groeikoers getoon vir die 12 maande periode wat in Augustus 2008 geëindig het,” het Collard gesê.

“…Die VK, wil dit voorkom, staar ook moeilike tye in die gesig. Alhoewel wynverkope in Brittanje met 6% toegeneem het tot 5,6 miljard Euro in die jaar wat geëindig het in Maart 2008, het die groei nou tot stilstand gekom.”

Die statistiek, het Collard gesê, sal ‘n slag wees vir die VK wynhandelaars wat sterk groei geniet het in die laaste paar jaar met verbruikers wat beweeg het van bier na wyn.

“Dit gaan steeds ‘n wynoorvloed beteken, daar is te veel wyn beskikbaar daar buite.”

free 5 pound no deposit

ANC gaan tweederdemeerderheid behou

Die ANC gaan sy tweederdemeerderheid behou, volgens ‘n Ipsos-Markinor ondersoek wat Dinsdag in die Beeld gepubliseer is.

Opposisiepartye het nie die geleentheid gebruik om besluitelose kiesers te swaai nie, het navorsers bevind in die ondersoek wat gehou is vir Media 24.

Ipsos-Markinor se analis, Anneke Greyling, het gesê die resultate is gebaseer op onderhoude met 3500 stemgeregtigde mense, en het getoon dat die ANC wel effens steun verloor het, maar steeds ‘n tweederdemeerderheid sal behou.

Daar word voorspel dat die ANC 67% van die stemme sal kry in teenstelling met die 69% in die algemene verkiesings in 2004.

Die voorspellings vir die ander partye is: Demokratiese alliansie (13% , teenoor 12% in 2004), Die KVP (11%), Inkhata Vryheidsparty (3,5%, af van 7% in 2004), United Democratic Movement ( 1%, af van 2% in 2004), African Christian Democratic Party (1%, af van 2% in 2004) en die Vryheidsfront Plus (1%, dieselfde as in 2004).

Verkiesing gaan nie vry en regverdig wees in Natal, s? Buthelezi

Die IVP-leier, dr. Mangosuthu Buthelezi, het Sondag weer sy stelling herhaal dat Woensdag se verkiesing nie vry en regverdig gaan wees nie.

Tydens die IVP se finale saamtrek by die Prins Mangosuthu Stadion in Nseleni in noordelike KwaZulu-Natal, het Buthelezi gesê sy vorige klagte aan die onafhanklike verkiesingskommissie omtrent ongerymdhede gedurende vorige verkiesings is geïgnoreer.

“Dokumente wat ongerymdhede en korrupsie dokumenteer gedurende verkiesings is na die OVK voorsitter, dr. Brigalia Bam gestuur, wat nog nie daarop gereageer het nie. Sy het belowe sy sal, maar het dit nie gedoen nie.”

Die IVP is ‘n slagoffer van verkiesingsbedrog sedert 1994, het Buthelezi gesê in die teenwoordigheid van internasionale verkiesingswaarnemers.

Die IVP het tydens hulle finale saamtrek in Nseleni gesê dat die party steeds groot steun geniet en dat die party gereed is om beheer van KZN oor te neem van die ANC, het die party gesê.

Met die klem op die wen van die verkiesing, het Buthelezi gesê die verkiesing gaan ‘n twee-party saak wees tussen die IVP en die ANC in die provinsie.

“Al die aanduidings is dat dit ‘n baie naby saak gaan wees regdeur die land. Daar is werklik net twee moontlike wenners in die provinsie, die IVP en die ANC.”

Buthelezi het gesê hy is trots dat Zanele Magwasa-Msibi die party se premierskandidaat is in KwaZulu-Natal, en het gesê haar diensleweringsrekord is goed bekend in Zoeloeland, waar sy ‘n burgemeester was.

Hy het gesê die ANC-regering het nie daarin geslaag om diens te lewer in KZN nie.

“Die amptelike werkloosheidsyfer is meer as 30%, daar is ‘n agterstand van meer as 300 000 huise, meer as 6000 staatsamptenare word ondersoek vir behuisingsbedrog en die agterstand op klaskamers is amper 10 000.”сайт детских товаров

DA glo steeds in baasskap, s? De Lille

Die DA het steeds ‘n “baasskap” mentaliteit, het die Onafhanklike Demokrate (ID) se leier, Patricia de Lille gesê by haar party se laaste verkiesingsaamtrek Sondag.

Die ID is ‘n waarskynlike koalisievennoot vir die DA in die Wes-Kaap na 22 April, en is tans die tweede grootste party in die DA-geleide koalisie wat Kaapstad beheer.

“Die DA se probleem is dat hulle steeds daardie baasskap mentaliteit het”, het De Lille aan joernaliste by die saamtrek gesê wat gehou is by Delft op die Kaapse Vlakte.

“As mens net opstaan volgens jou regte en die konstitusie, opstaan vir die mense wat jy verteenwoordig, dan neem hulle dit as ‘n belediging.”

Sy het gesê die DA moet leer dat partye verskillende kiesafdelings verteenwoordig.

“Indien die DA dus opstaan vir ons kiesafdelings, behoort dit nie die koalisie te affekteer nie.”

De Lille het gesê daar sal definitief ‘n koalisie in die provinsie wees na 22 April, maar dat haar party nog nie die saak met enige ander party bespreek het nie.прессы

Blomme vir brandslagoffers van Paarl

Blomme gaan Maandag gelê word by Paarldrukkery na 9 van hulle werkers dood is in ‘n brand wat Vrydag uitgebreek het, het die maatskappy Sondag gesê.

Paarl Media Groep se woordvoerder Nelia Burger het gesê bestuur en personeel gaan om 8 uur ontmoet by die fabriek om blomme te lê en om verdere advies aan personeel te gee oor waar om te gaan aanklop vir mediese hulp of berading by die nuutopgerigte traumasentrum.

“Al die mense wat nog in die hospitaal is, is in 'n stabiele toestand, sommige is nog in die intensiewe sorgeenheid, maar stabiel en hulle is besoek deur ander personeel,” het Burger gesê.

Dit is nog nie bekend wat die brand veroorsaak het wat van die werkers beseer en ander gedood het nie.

Die polisie ondersoek steeds die saak.

Zim renosters in gevaar

Bewaringsbewustes het alarm gemaak vir Zimbabwe se skaars renosters na ‘n skerp toename in wildstropery as gevolg van die ineenstorting van wetstoepassing in die land wat geteister word deur probleme.

Georganiseerde misdaadbendes maak renosters dood om die waardevolle horings te verkoop. Dit word gebruik as tradisionele medisyne in Asië en gekerf vir die handvatsels van seremoniële dolke in die Midde-ooste, het Raoul du Toit, hoof van suidelike Zimbabwe se Lowveld Rhino Trust Donderdag gesê in ‘n telefoonkonferensieoproep met joernaliste.

Zimbabwe se renosterbevolking het afgeneem van omtrent 830 in 2007 tot 740 in 2008, ten spyte van ‘n uitstekende geboortesyfer in gemoniteerde troppe, het Save the Rhino se uitvoerende direkteur Cathy Dean gedurende die konferensieoproep uit Londen gesê.

Save the Rhino meen ten minste 90 renosters is doodgemaak in 2008, twee keer die totaal van die vorige jaar, en bewaringsgroepe het 18 getel wat doodgemaak is sover in 2009. Die groep het ‘n beroep gedoen om verskerpte aksie deur die Zimbabwiese regering en internasionale agentskappe.

Du Toit het gesê die renosterstropers is “mense met karre, selfone en duur prokureurs” en nie desperate mense is dorpies wat nie kos het nie.

Wildstropery “het toegeneem as gevolg van ons onvermoë om ondersoek te kan instel, hoër markpryse en die groeiende Asiese voetspoor in suidelike Afrika,” het hy gesê.

blood suckers slot

Oupa val van Tafelberg

‘n 72-Jarige man het Woensdag na sy dood geval in die Indiëkloof op Tafelberg, het die SAUK-nuus berig.

Die man van Port Elizabeth was op ‘n staptog met sy 11-jarige kleinseun toe die insident gebeur het.

Die Wildernis-soek- en reddingswoordvoerder, Kevin Tromp, het aan die uitsaaier gesê dat die oupa ongelukkig ‘n verkeerde voetpaadjie geneem het en in die Indiëkloof beland het. Daar is ‘n waterval in die kloof en hulle het begin opklim teen die waterval.”

“Die oupa het van die boonste vlakke van die waterval afgeval, en het waarskynlik omtrent 20 meter geval tot by die voet van die waterval,” het Tromp gesê.

UDM-raadslid en vrou geskiet

‘n UDM-raadslid en sy vrou is geskiet en gewond by Mount Ayliff in die Oos-Kaap, het SAUK-nuus Vrydag berig. Mandlahla Nekela, wat op die UDM se provinsiale kandidaatslys is, is ernstig gewond gedurende die aanval by sy huis.

Drie leë 9mm doppies is op die toneel gevind.

Die man en vrou is na verskillende hospitale geneem.

UDM-leier Bantu Holomisa het gesê hy vermoed die aanval was polities gemotiveer.

Vier mense gewond in Kagiso-onrus

Vier mense is gewond toe polisielede begin vuur het op betogers van die Tudor Road-plakkerskamp op die Wesrand.

Woordvoerder vir die polisie Appel Ernst sê 'n skare het betoog oor dienslewering en hetdie pad versper en geëis dat die burgemeester en plaaslike verteenwoordigers hulle te woord staan.

Ná 'n belofte dat die ampsdraers hulle Donderdag sal besoek, het hulle vreedsaam verdaag. Maar Donderdag is die pad weer versper en het hulle buitebande aan die brand gesteek, begin toi-toi en die raadslede en polisie onder die klippe gesteek, volgens Ernst.

Die SAPD het daarna van rubberkoeëls gebruik gemaak om die oproeriges uiteen te jaag. Vier mense is in die voorval gewond.

Die gespanne situasie in Kagiso is volgens Ernst tans onder beheer en die versperrings en brandende bande is verwyder.

you play

Dlamini-Zuma na Tripoli

Suid-Afrika se minister van buitelandse sake, Nkosazana Dlamini-Zuma, het Woensdag in die hoofstad van Libië, Tripoli aangekom waar sy ‘n groep senior regeringslui sal lei by ‘n vergadering van die AU se buitengewone uitvoerende raad van ministers van buitelandse sake.

Minister Dlamini-Zuma het in Tripoli aangekom van Geneva af, waar sy saam met ander Suid-Afrikaanse kiesers haar stem oorsee uitgebring het by die Permanente Suid-Afrikaanse Sending in Geneva.

Minister Dlamini-Zuma, wat ondersteun word deur die direkteurgeneraal van buitelandse sake, dr. Ayanda Ntsaluba, woon die vergadering by binne die konteks van Suid-Afrika se verbintenis om strukture binne die AU op te rig as deel van die konsolidering van die Afrika-agenda.

Suid-Afrikaners stem in die buiteland

Suid-Afrikaners wat oorsee bly het die geleentheid gehad om hulle stemme te kan maak op Woensdag, met kiesers wat opgedaag het in groot getalle in groot stede.

Teen laat Woensdagaand was personeel by die Suid-Afrikaanse ambassade in Londen steeds besig om ‘n konstante stroom kiesers te hanteer wat ingekom het om te stem, het ambassadewoordvoerder Niall Wilkins gesê.

“Daar was ‘n konstante stroom kiesers heeldag lank,” het hy gesê.

“Dit het baie goed verloop, hulle almal weet hulle is deel van ‘n spesiale demokratiese proses.”

Wilkins het gesê Suid-Afrikaners in die stad het begin toustaan omtrent 4 uur die oggend. Die stad het die grootste kieserstasie in die verkiesing, met ‘n totaal van 7427 kiesers wat geregistreer is om daar te kan stem.

In New York was daar egter probleme.

Verskeie mense wat by die konsulaat was om hul paspoorte te kry was teleurgestel omdat hulle nie geweet het hulle kon stem nie.

Sowat 16,240 kiesers het beoog om te stem by die 124 Suid-Afrikaanse sendings in die buiteland.

Die tweede grootste oorsese kieserstasie was in Canberra, Australië, met 1235 geregistreerde kiesers, dan Dubai in die Verenigde Aramiese Emirate met 900 kiesers en Wellington in Nieu-Seeland met 410.

Die kleinste kieserstasies was Asmara (Eritrea), Suva (Fiji), Ramallah (Palestina), Bujumbura (Boeroendi) en Trinidad en Tobago – wat elkeen net een geregistreerde kieser gehad het.

пневмоинструмент в

Zuma stel lastereis in teen Guardian

ANC-leier Jacob Zuma dagvaar die Gaurdian vir naamskending oor ‘n artikel wat verlede maand gepubliseer is wat sy leierskapstyl as “moreel besmet” beskryf het.

Hy eis ‘n verskoning en skadevergoeding van die gerespekteerde Britse dagblad, het sy regsverteenwoordigers in Londen, Shillings Prokureurs Maandag in ‘n verklaring gesê.

Dit het nie die bedrag gespesifiseer wat Zuma eis vir die artikel deur Simon Jenkins nie. Die artikel is gepubliseer onder die opskrif “Get used to a corrupt and chaotic South Africa. But don’t write it off.”

Die regsfirma het gesê “Mnr. Zuma glo die gepubliseerde stuk bevat erge vals beweringe wat nie verdedig kan word nie, waarvan die ergste is dat hy ‘n verkragter is.”

Zuma sê oor die berig dat “die media akkuraat en eerlik verslag behoort te gee. Dit is nie regverdig dat hulle leuens moet druk, of sake uit verband uit trek net vir sensasionalisme en verhoogde inkomste nie.”

“Hoe kan hulle toegelaat word om ‘n persoon se reputasie op dié manier te skaad? Die wêreld het ‘n media nodig waarop mense kan staatmaak, selfs in Brittanje. In die saak is ek verplig om op te tree waar daar verkeerd opgetree word teenoor my.”

Shillings Prokureurs het gesê die artikel is verwyder van die webwerf van die Guardian.

Daarin is mense wat met Suid-Afrika te doen het gewaarsku "dat hulle gewoond moet raak aan Zuma se styl van regering – moreel besmet, administratief chaoties en korrup,” en is ‘n naamlose vriend van die joernalis aangehaal wat Zuma beskryf as “ ‘n krimineel en ‘n verkragter”.

Zuma, wat na verwagting die president sal word na die verkiesing volgende week dagvaar ook die plaaslike spotprentkunstenaar, Jonathan Shapiro, die Sunday Times en sy aandeelhouermaatskappye vir 7 miljoen rand, oor ‘n strokiesprent wat hom uitbeeld waar hy die “reg” in die vorm van 'n vrou, Justitia, verkrag.

игри для девушек