Internasionale nuus – Bladsy 29

Switserse bankgeheime iets van die verlede

In die stille wêreld van Switserse banke het die ondenkbare gebeur: geheime word nou uitgelap.

UBS, die grootste bank in Switserland, het Woensdag ingestem om die name van ryk Amerikaners bekend te maak wat deur owerhede verdink word dat hulle die buitelandse bankrekeninge gebruik om belasting te ontduik.

Die bank het erken dat hulle skuldig is daaraan dat hulle die Internasionale Inkomstediens wou bedrieg en het $780 miljoen betaal in die skikking van 'n wye Amerikaanse regeringsondersoek na hulle aktiwiteite.

Dit is nie duidelik hoeveel van hulle kliënte se name UBS sal bekendmaak nie. Amerikaanse aanklaers het sowat 19 000 rekeninge by die bank ondersoek, maar UBS sal dalk uiteindelik net die identiteit van 'n paar honderd kliënte bekendmaak.

Vir sommige beteken die bekendmaking van enige name die einde van die geheime Switserse bankrekening, waarvan die tradisies so ver as die Middeleeue teruggaan.

"Die Switsers het gesê dit is die einde van Switserse bankwese soos hulle dit ken," het Jack Blum, 'n buitelandse belastingspesialis gesê. "Niemand sal die sekuriteit van 'n Switserse bankrekening meer vertrou nie."

Aanklaers vermoed dat vanaf laat 2002 tot 2007, UBS Amerikaanse kliente gehelp het om op onwettige wyse $20 miljard te verskans, wat hulle in staat gestel het om $300 miljoen per jaar aan belasting te ontduik.

UBS het sommige Amerikaanse kliënte aangemoedig om rekords te vernietig en horlosies, juwele en kunswerke wat hulle gekoop het met geld van buitelandse rekeninge in depositokaste in Switserland te versteek. Die bank het hulle ook aangemoedig om Switserse kredietkaarte te gebruik sodat die IRS nie aankope kon naspeur nie.

Фильчаков прокурор

Franse gebiede kom in opstand

'n Maandlange algemene staking op die Frans-Karibiese eiland Guadeloupe het geëskaleer in wydverspreide oproer, wat vrees laat toeneem dat politieke geweld kan versprei na ander Franse gebiede.

Protesteerders het deur die nag winkels gestroop en voertuie aan die brand gesteek soos wat die staking oor die stygende lewenskoste eskaleer, en een plaaslike senior beampte het gesê die eiland is "op die punt van revolusie."

Bome en rokende motorwrakke het die strate besaai in Guadeloupe se grootste stad, Pointe-a-Pitre, en in ander gebiede, insluitend Sainte-Rose in die noorde, na 'n nag van botsings tussen polisie en protesteerders, maar sover is geen beserings aangemeld nie.

Die Franse regering, wat verlede week 100 onlustepolisiemanne ontplooi het in Guadeloupe, is bekommerd dat die geweld kan versprei na ander Franse kolonies.

In Frankryk het tussen 1 en 2,5 miljoen mense op 29 Januarie deelgeneem aan die grootste algemene staking in 3 jaar. Franse unies eis dat Sarkozy mense se poste en ook die verbruikers beter beskerm gedurende die globale ekonomiese krisis, en daar word reeds 'n nuwe staking beplan vir Maartmaand.

Lewenskoste is hoog op die Franse eilande, wat baie staatmaak op invoere wat hulle in euro betaal. Pryse vir stapelvoedsels is baie hoër as in Frankryk, terwyl salarisse oor die algemeen laag is en werkloosheid ook baie hoog.

Die staking verhoog ook die rasse- en klassespanninge op die eiland, waar 'n grootliks wit elite, waarvan baie afstammelinge is van koloniale setlaars, net 15% van die bevolking uitmaak maar die meeste besighede beheer.

Vrese neem toe by die regering dat soortgelyke onrus kan versprei na ander Franse gebiede, het die koerante Le Monde en La Tribune gesê.

Die lughawe in Point-a-Pitre is gesluit, volgens American Airways, wat vlugte na die eiland gekanselleer het.

10 poker

Aanval op presidentswoning in Malabo

Gewapende mans in motorbote het Dinsdag die presidensiële paleis in die olieproduserende Ekwatoriaal-Guinee se eilandhoofstad aangeval voordat die aanval afgeweer is deur regeringsmagte, het die regering gesê.

Die regering het gesê dat die aanvallers van die Nigerdelta afkomstig was.

Inwoners van Malabo, die eilandmiddelpunt van die snelgroeiende olie-industrie in Ekwatoriaal-Guinee, Afrika, suid van die Sahara, se 3de grootste ru-olie produsent, het gesê hulle het wakker geword van geweervuur, en dat die regering 'n aanvalshelikopter gebruik het om die aanval af te weer.

Ekwatoriaal-Guinee, 'n voormalige Spaanse kolonie, het dekades van onstabiliteit gehad, en in 2004 is dosyne buitelandse huursoldate, meestal Suid-Afrikaners, gevang wat gepoog het om die president se mag omver te werp.

Regeringsvliegtuie, insluitend ten minste een aanvalshelikopter, was in die lug oor die stad gedurende die aanval, het 'n Westerse inwoner gesê wat anoniem wou bly.

Vorige aanvalle deur gewapende groepe wat in die olieryke Golf van Guinee rondom Nigerië se Nigerdelta, insluitend 'n aanval uit die see op die banke van Bata in Desember 2007, het vlae van teistering ontlok op buitelanders in Ekwatoriaal-Guinee.

Ekwatoriaal-Guinee, met 'n bevolking van skaars 600 000 mense, het groot getalle immigrante van nabye lande getrek in die laaste dekade, omdat die olie-industrie so 'n bloeityd beleef het.

Obama beoog 17 000 ekstra soldate vir Afghanistan

President Barack Obama het Dinsdag gesê hy sal 'n addisionele 17 000 soldate na Afghanistan stuur hierdie lente en somer.

Die bevel sal amper 50% by die 36 000 Amerikaanse soldate voeg wat reeds daar is.

Obama het in 'n geskrewe verklaring gesê die "verhoging is nodig om stabiliteit te bring aan 'n verswakkende situasie in Afghanistan, wat nie die strategiese aandag, rigting en hulpbronne gekry het wat dit dringend nodig het nie."

Obama se besluit gee aan Amerikaanse bevelvoerder in Afghanistan die meeste, maar nie al die soldate wat hulle voor gevra het nie. Die besluit het ook 'n politieke risiko vir die president, wat meer soldate na Afghanistan stuur voordat hy begin het om sy belofte te vervul om soldate vinnig uit Irak te onttrek.

Baie kenners is bekommerd dat Afghanistan 'n groter, meer formidabele uitdaging stel vir Amerika as wat Irak doen, veral met naburige Pakistan wat 'n veilige hawe verskaf aan insurgente van die Taliban en Al Kaïda.

Die administrasie se herbeskouing van Afghanistan beleid is veronderstel om voltooi te wees voor April, wanneer Obama na Europa gaan vir 'n NAVO beraad, waar verwag word dat hy Amerikaanse bondgenote sal vra vir meer soldate en hulp in Afghanistan.

In 'n onderhoud met die Kanadese uitsaai Korporasie, het Obama Dinsdag gesê hy is "absoluut oortuig dat mens nie die probleme van Afghanistan, die Taliban en die verspreiding van ekstremisme kan oplos slegs deur militêre metodes nie."

topcargo

Kernduikbote bots

Twee kernduikbote, een Frans en een Brits, het vroeër die maand in die mid-Atlantiese oseaan gebots, het berigte in die Franse en Britse media gesê. Bronne in die twee ministeries van verdediging word aangehaal.

Beide duikbote is redelik ernstig beskadig, maar het na hulle tuishawens teruggekeer na die botsing op 3 Februarie, word berig.

Die Franse vaartuig, Le Triomfant, het ernstige skade opgedoen aan die sonarkoepel, wat toerusting bevat wat belangrik is vir navigasie en die volg van ander vaartuie. Die Britse duikboot, HMS Vanguard, is teruggesleep na die tuishawe Faslane in Skotland, met "baie sigbare duike en skrape," het die BBC berig.

Die twee duikbote is in sentrale elemente hul onderskeie lande se kernarsenaal, met elkeen wat 'n battery interkontinentale ballistiese missiele gedra het toegerus met veelvoudige plofkoppe.

Die feit dat die Le Triomfant drie dae geneem het om terug te sukkel na haar tuishawe na die botsing, 'n stukkie inligting wat bekend gemaak is deur Franse amptenare, het beteken dat die twee vaartuie baie ver in die see uit was.

Franse amptenare wat aangehaal is in die Daily Telegraph het die insident afgemaak. as gering Die Britse verdedigingsministerie het geweier om kommentaar te lewer oor die botsing, behalwe dat hulle verklaring bevestig het dat daar 'n botsing was ter see.

Verdedigingskenners het gesê een moontlike verduideliking vir die botsing was dat die twee duikbote betrokke was in 'n oefening waarin hulle mekaar moet opspoor en op nabye afstand moet volg. Dié tipe oefening is deel van oorlogsoefeninge in die Atlantiese oseaan al vir dekades lank tussen Westerse en Russiese duikbote, veral in die noordelike Atlantiese oseaan tussen Skotland en Ysland.

jewelry bridal Фільчаков прокурор

VSA wil kwik vasvat

Die Obama-administrasie het jare se Amerikaanse beleid omgekeer deur te vra vir 'n ooreenkoms om kwikbesoedeling, wat volgens hulle die wêreld se grootste chemiese probleem is, te verminder.

Sowat 6,000 ton kwik word in die omgewing vrygestel elke jaar, waarvan omtrent 'n derde deur kragstasies en steenkoolvure veroorsaak word. Baie kwik land in die oseane, waar dit in die voedselketting beland en gekonsentreerd is in roofvis soos tuna.

Kinders en fetusse is veral kwesbaar vir die giftige metaal, wat geboortedefekte kan veroorsaak, asook breinskade en vel wat afskilfer.

Die verklaring verteenwoordig 'n "180-grade ommeswaai" van beleid van die Bush administrasie, het Michael Bender, koordineerder van die Zero Murcury Working Group, 'n globale koalisie van 75 omgewingsorganisasies wat werk om kwikblootstelling te verminder, gesê.

Kwik is ook wydverspreid in chemiese vervaardiging en kleinskaalmynbedrywighede. Die gif kan duisende myle deur die lug en water beweeg.

Kaliforniese owerhede is gewikkel in 'n 5-jaar stryd om tunamaatskappye te dwing om waarskuwingsetikette op hulle produkte te sit wat waarsku teen potensieel gevaarlike kwikvlakke.

Daar is selfs minder bewustheid in ontwikkelende lande, waar kleinskaalmyners kwik gebruik om goud te ontgin en vissermanne besmette vis eet of dit verkoop aan modieuse soesjie-restaurante.

Terwyl daar plaasvervangers is vir byna alle industriële prosesse wat kwik vereis, is meer as 50% van kwik afkomstig van steenkoolaangedrewekragstasies, wat die pogings om dit te reguleer moeiliker maak in lande wat staatmaak op steenkool vir krag.

Wilders dink die Britte is gek en lafhartig

Geert Wilders

Die omstrede Nederlandse filmmaker, Geert Wilders, het Brittanje se weiering om hom toe te laat tot die land as "gek en lafhartig" bestempel.

Wilders, 'n Nederlandse politikus, wat die veel gekritiseerde film oor Islam, "Fitna", verlede jaar gemaak het, het na Londen gevlieg om die film te vertoon, ten spyte daarvan dat hy 'n dag tevore gesê is dat hy nie toegang tot Brittanje sal kry nie.

"Ek het steeds geglo en gehoop dat hulle van plan sal verander," het hy aan CNN per telefoon uit die aanhoudingsentrum by Heathrow-lughawe gesê.

Hy het gesê hy is deur doeanebeamptes ontmoet die oomblik toe hy uit die vliegtuig geklim het.

"Hulle het my na die aanhoudingsentrum geneem," het Wilders gesê, en daar is ek vir "45 sekondes" ondervra voor hulle my paspoort afgeneem het en uitgegaan het.

Wilders is deur die Britse Hoërhuis genooi om sy film "Fitna" Donderdagaand te kom vertoon.

Die Britse ambassadeur in Nederland het Woensdag aan hom gesê dat hy nie toegelaat sal word om die land binne te gaan nie, omdat die menings in die film openbare veiligheid sal bedreig.

Brittanje se departement van binnelandse sake het gesê die verbod op Wilders is toelaatbaar onder Europese-Uniewette, wat state toelaat om toegang te verbied op grond van openbare beleid, openbare veiligheid of openbare gesondheid.

"Die regering is gekant teen ekstremisme in alle vorme," het 'n woordvoerder van die departement van binnelandse sake gesê. Die beampte kon nie geïdentifiseer word nie vanweë beleid in dié geval. "Dit sal die mense wat boodskappe van ekstremisme, haat en geweld wil kom versprei in ons gemeenskappe verhoed om ons land binne te kom."

детски иг топкарго

VK se Brown meen Zimbabwe, Iran moet verbeter

Brittanje sal nie beter verhoudinge met Zimbabwe of Iran kan bou totdat beide lande nie wys dat hulle internasionale kommer oor hulle interne sake gaan aanspreek nie, het eerste minister Gordon Brown Donderdag aan wetgewers gesê.

Brown het aan die Brtse Laerhuis gesê dat hy ernstige bedenkinge het oor Robert Mugabe se rol in Zimbabwe, ten spyte van Morgan Tsvangirai se aanstelling as eerste minister.

In sy toespraak aan 'n komitee van 30 senior regeringslui, het Brown ook gesê dat die Iranse president Mahmoud Agmadinejad behoort te reageer op president Barack Obama se aanbod van nuwe dialoog deur sy soeke na kernwapens te laat vaar.

Mugabe het Tsvangirai Woensdag as eerste minister ingesweer, na hy na amper drie dekades sy houvas op mag in Zimbabwe verloor het.

Brown het gesê hy het Dinsdag met Tsvangirai gepraat omtrent die land se cholera-epidemie, maar het hom gewaarsku dat Brittanje steeds een van Zimbabwe se ergste kritici sal bly tot toestande daar heelwat verbeter.

справку 086у

Kongolese maak hul eie wapens

Die wapens wat vertoon word is alles tuisgemaak. Dit sluit jagmesse, lanse wat gemaak word van stokke met metaal punte tot langloophaelgewere in.

Vir dekades lank het mense in die Kongolese dorp gewere gemaak. Maar die industrie het 'n winsgewende besigheid geword omdat mense in die afgeleë noordoostelike gebied hulleself begin bewapen het teen die rebellemag van die Lord's Resistance Army (LRA).

In die dorp wat deur vlugtelinge oorstroom word na aanvalle op nabygeleë dorpies, maak meesterwapensmid Jules Zunga gewere vir reeds amper 50 jaar.

In die skaduwee van 'n mangoboom waarvan groen vrugte afval gebruik hy 'n panga, saag en mes om die kolf van 'n geweer te maak van 'n stuk hout. Soos wat dit 'n bekende vorm aanneem kerf hy 'n gleuf om die pyp in te pas wat die loop van die wapen sal word.

Die hout kom uit die omringende woud, die metaalpype kom van 'n projek om water uit die rivier te kanaliseer. Die projek is nooit voltooi nie.

Zunga se gewere verkoop vir $30 tot $40 stuk. 'n Tweedehandse geweer, soos die ou Browning wat oor die skouer van 'n boer, Benoit Kumbongwa, hang, kos omtrent $100.

Die moeilikste deel, volgens Zunga , is om die snellermeganisme te smee.

"Daardie jong manne dink dat enige iemand dit kan doen. Maar as mens dit verkeerd kry, kan die loop ontplof as mens probeer om te skiet, en ons het heel paar sulke ongelukke gehad," het hy gesê.

Baie meer ongelukke gebeur wanneer mense koeëls maak. 'n Lid van die dorp se verdedigingsmag, wat twee keer rebelleaanvalle afgeweer het, hou 'n hand in die lug wat wys dat die helfte van sy tweede vinger afgeskiet is.

Joseph Anidauwe, 'n gesondheidswerker, sê dit het gebeur toe hy swael van 'n vuurhoutjiekop na die brons punt van 'n koeël oorgedra het.

Mense gebruik leë doppies om koeëls te maak. Hulle versamel die metaal van gebruikte batterye en kap dit in stukkies op. Die stukkies word in die doppies ingedruk, wat dan met droeë gras opgevul word, waarna 'n slagdoppie opgesit word. Swael word gebruik om die ontploffing aan te help wanneer die koeël die loop van die geweer verlaat.

Anidauwe het gesê die dorp se inwoners het sulke spesialiste geword in die kuns, "dat ons 'n ammunisiefabriek van ons eie kan opsit."

Satelliete bots in die ruimte

Vir dekades het ruimtekenners gewaarsku dat wentelbane om die planeet so vol raak dat twee satelliete eendag met mekaar kan bots en swerms gevaarlike skrot kan agterlaat.

Dinsdag het dit uiteindelik gebeur. En die tuimelende wrakstukke kan 'n gevaar inhou vir die internasionale ruimtestasie wat in 'n wentelbaan 346 kilomater bo die aarde is met sy drie ruimtevaarders aan boord, hoewel die risiko nou klein is.

"Dit is ongelukkig 'n eerste keer," het Nicolas Johnson, hoofwetenskaplike vir wentelbaanwrakstukke by die nasionale lugvaart en ruimte-administrasie van die botsing gesê.

Dit het gebeur sowat 788 kilometer bokant noordelike Siberië. Twee kommunikasie satelliete – een Russies en een Amerikaans – het in stille vernietiging opgebreek. In die nadraai het militêre radars op die grond die groot hoeveelheid wrakstukke gevolg terwyl dit in hoër en laer wentelbane in beweeg het.

"Niks op die skaal" het ooit voorheen gebeur nie, het Johnson gesê.

"Ons het drie ander toevallige botsings gehad tussen wat ons noem katalogus voorwerpe, maar hulle was almal baie kleiner as dié."

Die kommunikasie satelliete, het hy bygevoeg "is twee relatief groot voorwerpe."

Die Amerikaanse satelliet was 'n Iridium, wat omtrent 545 kilogram geweeg het.

Johnson het gesê die Russiese satelliet was waarskynlik nie aktief nie. Amptenare by die Russiese ambassade in Washington was nie beskikbaar vir kommentaar nie.

круиз по морю цены topcargo развод

Anglikaanse kerk verbied lidmaatskap van regse party

Die Anglikaanse kerk het met oorweldigende syfers gestem om mense in kerklike beroepe te keer om lede van sommige "rassistiese" politieke partye, spesifiek die BNP, te word.

Sommige sprekers het gewaarsku dat dié partye die reëls kan systap deur hulle name te verander, of kan beweer dat die lede ondersteuners eerder as amptelike lede is.

Hoe dit ook al sy, die stemming het deurgegaan met 322 stemme teenoor 13, en 20 wat buite stemming gebly het, te midde van bewerings dat die BNP probeer om hom as Christelike groep voor te hou,en vrese dat daar rassistiese ondertone in die kerk is wat etniese minderhede "skandaliglik onderverteenwoordig" in die kerklike beroepe laat.

Dit het gekom nadat 'n lys van 12 000 name en adresse van beweerde BNP lede op die internet gepos is, insluitend 'n afgetrede Anglikaanse priester, asook vyf eerwaardes van verskillende geloofsoortuigings.

Dwelmpaneel vra vir LSD afgradering na Ecstacy mislukking

Dwelmkenners in Brittanje sal nou hulle aandag daarop vestig om die psigedeliese dwelm LSD te probeer afgradeer na hulle gister 'n vernederende mislukking gelei het oor die versagting van die dwelm ecstacy.

Ministers het 'n aanbeveling van die Advisory Council on the Misuse of Drugs (ACMD) verwerp wat aanbeveel het dat ecstacy se gradering van 'n klas A na klas B dwelm verlaag word.

'n Tweede voorstel dat toetsstelle uitgegee word aan gebruikers om die tablette voor gebruik te toets vir suiwerheid en sterkte is ook deur die ministers uitgegooi is.

Regerings-dwelmadviseurs vra dat LSD afgegradeer moet word nadat voorstelle wat vra dat ecstacy as minder ernstig beskou word, uitgegooi is.

Maar die ACMD, wat gelei word deur professor Dawid Nutt, het gesê hulle is nie afgesit deur die verwerping nie, wat gevolg het na 'n vroeëre aansoek van die komitee dat dagga se gradering na klas C verander moet word.

Die paneel sal nou 'n in-diepte ondersoek loods of LSD afgegradeer moet word na klas B.

Mary Brett, van Europa Teen Dwelms het gesê "LSD is 'n baie onvoorspelbare dwelm en baie gevaarlik."

"Dit is asof die ACMD 'n speletjie speel, maar dit is te ernstig daarvoor. Ons praat van kinders se lewens en toekoms."

Die departement het dit duidelik gemaak dat dit gekant is teen die afgradering van LSD, wat die minister van binnelandse sake, Jacqui Smith, in konflik plaas met professor Nutt.

'n Woordvoerder het gesê: "Die regering het geen planne om LSD te herklassifiseer nie. LSD het baie wisselende en soms baie skrikwekkende effekte."

Die skuif kom na syfers getoon het dat die aantal 10 tot 16 jariges wat gevonnis word vir dwelmoortredings met 149% toegeneem het sedert die Arbeidersparty aan bewind gekom het.

In 2007 is 3019 kinders gevonnis weens dwelmoortredings, wat 'n merkbare verhoging is van die 1212 in 1998.

Dominic Grieve, die sekretaris van die skadu-justisie het gesê: "Dit is 'n direkte gevolg van die ministers se gemengde boodskappe oor gevaarlike dwelms, wat 'n hele geslag verraai."

Die ACMD se verslag oor ecstacy, waaraan omtrent 17 mense per jaar sterf is gister gepubliseer, maar die bevindinge is onmiddellik verwerp deur mej Smith, wat professor Nutt vroeër die week berispe het vir sy stelling dat om dwelms te neem niks gevaarliker is as om perd te ry nie.

Taliban selfmoordbomplanters val Afghaanse hoofstad aan

Taliban-vegters gister in Kaboel

Talibanmilitante het gister drie regeringsgeboue in die Afghaanse hoofstad met geweervuur en selfmoordbomme aangeval en ten minste 19 mense doodgemaak, terwyl hulle deur die stad terreur gesaai het.

'n Verdedigingswoordvoerder het gesê die weermag is ontplooi, terwyl ambulanse gehoor is wat mense na hospitale toe gejaag het en owerhede geskarrel het om een van die mees ambisieuse aanvalle nog op Kaboel af te weer.

'n Talibanwoordvoerder, Zabihullah Mujahid, het gesê 16 selfmoordaanvallers het die stad ingegaan om 'n vlaag aanvalle uit te voer.

"Die inligting wat ons sover gekry het van hospitale dui daarop dat 54 mense gewond is en 19 martelare gemaak is (dood is) in die aanvalle op Kaboel vandag," het die verdedigingsministerie se woordvoerder Abdullah Fahim gesê.

Afghaanse amptenare het gesê ten minste 7 militante is ook dood nadat hulle amper gelyktydige aanvalle op die direktoraatsgebou van die tronke en ministeries van justisie en onderwys geloods het.

Die aanvalle het plaasgevind kort voor 'n besoek van Richard Holstein, president Obama se nuut aangestelde gesant aan Pakistan en Afghanistan. Die aanvalle toon die uitdagings wat Amerikaanse en NAVO-soldate in die gesig staar om die Talibaninsurgente te stuit wat so blatant is om aanvalle in die hartjie van die stad uit te voer.

Getuies wat die aanval op die ministerie van justisie gesien het, wat naby die presidensiële paleis is, het gesê verskeie gewapende mans het by die gebou ingebars en op die veiligheidswagte begin skiet. Sommige van die mans het daarin geslaag om verskeie vloere op te gaan in die gebou en het sover as wat hulle gegaan het, geskiet.

Werknemers het hulleself toegesluit in kantore en ernstige skietgevegte het vir 'n paar ure lank voortgeduur terwyl veiligheidsmagte gesoek het na aanvallers wat verskuil was.

Vier selfmoordaanvallers is in die gebou doodgemaak, het die ministerie gesê. Ten minste een het plofstof om sy lyf gedra, het 'n getuie gesê.

"Ek het verskeie van hulle in die ministerie sien inhardloop ná 'n skietgeveg moet die polisiewagte by die ingang, reg langs die kombuis," het 'n kok, Juma Khan, gesê. "Een van hulle is deur die veiligheidswagte doodgeskiet. Drie van my kollegas is martelare gemaak. Ek het hulle liggame gesien," het hy gesê.

Terwyl die dramatiese aanval ontvou het, het twee selfmoordaanvallers die direktoraatsgebou vir tronke in die noorde van die stad getref.

"Ek het eers skote gehoor," het Mia Agha, 'n inwoner van 'n nabye huis, gesê. "Ek het gesien hoe 'n man van 18 of 20 jaar oud agter 'n voertuig geskuil het terwyl die polisie op hom geskiet het. Hy het 'n pistool gehad en het teruggeskiet."

"Op een stadium het hy 'n draad uit sy mou getrek en toe was daar 'n ontploffing met vuur en dik rook. Ná so 'n paar minute het nog 'n ontploffing by die ingang van die gebou plaasgevind."

Mnr. Agha het gesê hy het baie lyke en gewonde mense gesien. Die ministerie van binnelandse sake se mediakantoor het gesê vier of vyf burgerlikes, asook 'n polisieman is dood.

Nog 'n selfmoordaanvaller is doodgeskiet voor die gebou van die onderwysministerie, het 'n amptenaar van die ministerie van binnelandse sake gesê. "Sy plofstof het afgegaan, maar geen beserings veroorsaak nie."

Die Talibanwoordvoerder Mujahid het gesê sommige van die selfmoordaanvallers wat na die stad gestuur is, wag nog op bevele.

WHO waarsku teen komende politieke onrus

Die globale ekonomiese krisis kan politieke onrus laat ontstaan soortgelyk aan dít wat gedurende die 1930s gesien is, het die hoof van die Wêreldhandelsorganisasie (WHO) Saterdag in 'n Duitse koerant gesê.

"Die krisis versprei vandag vinniger as wat dit in die groot depressie gedoen het en raak meer lande tegelyk," het Pascal Lamy aan Die Welt-koerant gesê.

Gevra oor politieke onstabiliteit, het Lamy – wat in September sy termyn as direkteurgeneraal van die WHO afsluit – gesê dat dit die "grootste gevaar" was.

"Die krisis plaas baie druk op politiek en bedreig die vrede," het hy gesê.

"Sommige demokrasieë is oud en stabiel genoeg om sulke probleme te oorkom, maar ander gaan gekonfronteer word met intergeloof- en inter-etniese konflikte."

Hy het voorts gewaarsku teen proteksionisme en gesê dit is "te maklik" vir nasies om handelskanse op te sit in reaksie teen die ekonomiese en finansiële afplatting.

Die WHO wat in Januarie 1995 gestig is, en nou 153 lidlande het, se mandaat is om internasionale handel te liberaliseer.

games online