munisipaliteite – Bladsy 2

Kubaanse ingenieurs lê rond in luukse akkomodasie

Kubaanse ingenieurs wat sowat ses maande gelede in die Vrystaat aangekom het en na plaaslike munisipaliteite uitgeplaas sou word, het nog nie ‘n steek werk gedoen nie.

Tydens ‘n sitting van die provinsiale wetgewer Donderdag, is verneem dat die ingenieurs nog in luukse akkommodasie, wat deur arm munisipaliteite betaal word, rondlê.

Dié ingenieurs het glo erken dat hulle ‘n gedeelte van hul salaris elke maand aan die Kubaanse regering moet afstaan.

Premier Ace Magashule was hewig ontstig dat die besonderhede van die Kubaanse ingenieurs uitgelek is deur die opposisie en het gesê Suid-Afrika sal altyd die Kubaanse regering as ‘n vriend beskou.

Verslag sê korrupsie in SA buite beheer

Korrupsievlakke in Suid-Afrika is glo heeltemal buite beheer en byna enigiets kan teen ‘n prys verkry word.

Dit is volgens Steven Powell, mede-hoof van forensiese regsfirma ENSafrica wat kommer uitgespreek het dat korrupsie besig is om goed gevestig te raak in munisipaliteite en in die regering.

ENSafrica het sy 2015 anti-omkopery en korrupsie-opname vrygestel wat onder andere Suid-Afrika, Ghana en Nigerië, geïdentifiseer het as korrupsieneste.

Die opname het bevind dat voorvalle van omkopery in Afrika toegeneem het, maar terselftertyd het bewustheid oor anti-omkopery ook toegeneem.

Maar Anthea Jeffery, hoof van beleidsnavorsing by die Suid-Afrikaanse Instituut vir Rasseverhoudinge (SAIRR), sê dit is moeilik om te bepaal of korrupsie werklik buite beheer is, want dit is moeilik om te kwantifiseer.

Eskom hou openbare verhore oor hoër tariewe

Die Nasionale Energiereguleerder van Suid-Afrika (Nersa) sal vandag en môre openbare verhore hou om Eskom se voorgestelde verhoging in die verbruikersprys van elektrisiteit te bespreek.

Die elektrisiteitsverskaffer het Nersa verlede maand genader om die verhoging aan te vra want munisipaliteite verhoog in Julie hul kragtariewe aan verbruikers.

‘n Styging van 12,69% vir vanjaar is reeds vroeër goedgekeur vanaf April vir Eskom-kliënte.

Eskom vra nou ‘n bykomende sowat 12% om glo te betaal vir die ekstra diesel wat verbrand word om die land se ligte aan te hou.

Nersa beplan dus openbare verhore op 23 en 24 Junie in Gauteng oor die hersiene aansoek.

Cosatu-vakbonde het reeds gewaarsku dat hulle gaan betoog teen enige tariefverhogings, en eis ‘n moratorium op die afsny van krag aan munisipaliteite wat Eskom geld skuld.

Suid-Afrika se ferro-chroombedryf sal waarskynlik van sy smelterye moet sluit as gevolg van hoë elektrisiteitspryse wat kan lei tot 200 000 werksverliese.

Die verteenwoordiger van die ferro-allooi vervaardigersvereniging, Jacobus Zaayman, het ‘n voorlegging gemaak by NERSA se openbare sittings oor Eskom se voorgestelde tariefverhogings.

Zaayman sê ‘n styging in tariewe sal produksiekoste verder verhoog en die meeste van die smelterye in Suid-Afrika sal moet sluit.

Eskom het vroeër aangedui dat voorsiening ook gemaak sal moet word vir die twee en ‘n half persent omgewingsheffing in sy aansoek om ‘n bykomende tariefverhoging.

Dit beteken dat die aansoek vir ‘n verhoging op nege en ‘n half persent sal neerkom.

Sonder die omgewingsheffing kom die totale verhoging op meer as 22 persent te staan.

Provinsie gryp in nadat Eskom krag afsny

Die Vrystaatse provinsiale regering moes noodgedwonge ingryp by die Mafube munisipaliteit – wat ondermeer Frankfort, Villiers en Cornelia insluit – nadat dié munisipaliteit se finansiële probleme amper daartoe gelei het dat Eskom sy kragtoevoer afsny.

Olly Mlamleli, die LUR vir samewerkende regering en tradisionele sake, sê haar departement en die provinsiale tesourie het die munisipaliteit gehelp om by die nasionale taakspan, wat saamgestel is om munisipaliteite by te staan, hulp te kry.

Mafube is een van 13 munisipalteite in die Vrystaat wat se staatstoelae deur nasionale tesourie weerhou is. Die munisipaliteit skuld Eskom ongeveer R40 miljoen en kon vir die afgelope drie maande nie sy amptenare betyds betaal nie.

EFF prys Jansen, waarsku ANC

Die EFF se top ses leiers sal tydens die verkiesingkonferensie wat tans by die Universiteit van die Vrystaat gehou word, aangewys word.

Floyd Shivambu, hoofsweep van die EFF, het universiteit geprys vir sy onpartydigheid omdat hy die EFF geakkommodeer het.

“Dit is ‘n dapper instelling met ‘n sterk leierskap,” het hy met verwysing na Jonathan Jansen gesê.

Die Vaal Universiteit van Tegnologie wou nie verlof gee aan die EFF om sy konferensie daar te hou nie, selfs nadat hulle die saal bespreek en betaal het.

Julius Malema, leier van die party het gesê “die regse partye, soos die DA”, het ‘n plafon bereik en sal nie nog swart stemme lok nie. Hy het bewerings, dat die EFF in die parlement deur die Demokratiese Alliansie gebruik word, verwerp. “Ons werk net saam oor bestaande kwessies.”

Die DA het hulself reeds verbind tot ‘n Trotskistiese ideologie van “struggle”, soortgelyk aan dié van die EFF.

Die EFF is vol vertroue oor sy prestasie in die 2016 plaaslike verkiesing en het Sondag die ANC gewaarsku dat sy oorheersing bedreig word.

“Om die waarheid te sê, ons raai die regerende party in Tshwane, Ekurhuleni en Nelson Mandela Bay aan om hul tassies te begin pak,” het Malema aan afgevaardigdes gesê in Bloemfontein.

Hy het egter voorspel dat geen party al die metropolitaanse munisipaliteite sal wen nie. “Die plaaslikeregeringsverkiesings gaan dissipline van die EFF vereis.

Malema het gesê die toekoms van Suid-Afrika is helder en die party kan die land vorentoe vat. “Ons was op die spits van die berg en het die toekoms gesien,” het hy gesê. “Die toekoms lyk baie helder. Suid-Afrika sal ekonomiese emansipasie bereik danksy die EFF.” Hy meen die EFF is die enigste organisasie wat die land kan bevry.

Hy het egter gemaan dat die land ‘n leierskapkrisis beleef en het verwys na werkloosheid, dienslewering en opvoeding. “Ons is in ŉ krisis omdat die 8 miljoen mense werk soek, en dit nie kan kry nie,” het hy gesê.

Geskoolde personeel sal glo munisipaliteite regruk

Die regering beplan om hoogs geskoolde personeel in gebiede ontplooi waar die bestuursvermoë in sukkelende plaaslike munisipaliteite ontbreek.

President Jacob Zuma het die Presidensiële Koördinerende Komitee vroeër gelei.

Dié komitee het die Uniegebou in Pretoria vergader om senior regeringsamptenare, premiers en die vereniging van plaaslike regerings, of SALGA byeen te bring.

Die minister van Samewerkende Regering en Tradisionele Sake, Pravin Gordhan, het die media na die vergadering ingelig.

Die Ouditeur-Generaal, Kimi Makwetu het reeds in September aangekondig dat ongemagtigde en verkwistende uitgawes in baie munisipaliteite buitensporig is.

Die ontplooiing van geskoolde personeel is daarop gemik om dienslewering te verbeter en ‘n einde aan ongemagtigde uitgawes te bring.

DA wil Eskom-wanbetalers in Vrystaat help

Die DA in die Vrystaat gaan ‘n regsmening inwin om te voorkom dat kragtoevoer na drie munisipailiteite in die provinsie afgesny word.

Dit volg nadat Eskom gewaarsku het dat die krag na die Ngwathe, Dihlabeng en Maluti-a-Phofung munisipaliteite teen 12-uur vanmiddag afgesny word as R736 miljoen in agterstallige skuld nie betaal is nie, het RSG berig.

Dit sluit dorpe soos Parys, Betlehem, Clarens, Harrismith en Heilbron in.

‘n Woordvoerder van Eskom, Anthony Scott sê die munisipaliteite het geen reëlings vir die volgende ses tot 18 maande getref nie en kan ook nie hulle huidige rekeninge betaal nie.

Scott sê die afsny van die kragtoevoer is die laaste uitweg, nadat dit reeds tot 31 Augustus en daarna tot 30 September uitgestel is.

Verskeie samesprekings is ook met die provinsiale regering gevoer.

R500m: Muvhango se tenderpreneur-families is eg!

In Suid-Afrika is die werklikheid altyd vreemder as fiksie. In die swart SAUK-sepie Muvhango baklei familielede oor frontmaatskappye en tenders wat hulle vir mekaar gaan toeken.

Nou blyk die “fiksie” eg te wees, want so pas het die ouditeur-generaal bekendgemaak dat meer as R500 miljoen se munisipale tenders aan maatskappye toegeken is waarin munisipale werknemers en raadslede oor aandele beskik. Dit is onwettig vir maatskappye waarin raadslede of werknemers ‘n belang besit om tenders te bekom.

Kimi Makwetu, die ouditeur-generaal, het verder bekendgemaak dat meer as R100 miljoen se tenders aan die naaste familie (eggenote, kinders en ouers) van raadslede en munisipale werknemers toegeken is. In so ‘n geval is dit nie onwettig vir “familie” om tenders te bekom nie, maar hul verwantskap aan die tendertoekenners moet volgens tersaaklike wetgewing verklaar word.

“Die toekenning van tenders aan werknemers en raadslede kwel ons omdat dit verhoed kon word as basiese beheermeganismes van krag was en sulke mense hul belange verklaar het,” het Makwetu gesê.

“By 19 munisipaliteite het werknemers nie hul belange verklaar nie, met R70 miljoen se tenders, terwyl verskaffers by 27 munisipaliteite dit ook nie gedoen het nie.”

Dié aankondiging volg kort op die hakke van die R1,4 miljard-skandaal waarby Brian Hlongwa, hoofsweep van die ANC in Gauteng, betrokke is. Twee maatskappye wat vir kontrakte by die Gesondheidsdepartement getender het, het onder meer ‘n huis van R7,2 miljoen vir Hlongwa in Bryanston, Johannesburg, gekoop.

Wat die Gauteng-provinsie betref, het die ouditeur-generaal nie spesifieke bedrae verwys nie, maar wel genoem dat daar onder die R466 miljoen se onreëlmatige uitgawes tenders was wat aan maatskappye toegeken is waarin raadslede, werknemers en verwante amptenare oor ‘n aandeelhouersbelang beskik.

Onbillike regstellende aksie is gelyk aan rassediskriminasie, bevind hof

Kader-ontplooiing in Suid-Afrika is wydverspreid en het gelei tot “die aanstelling van ‘n groot aantal onbekwame mense waarvoor hulle nóg die ervaring nóg die kwalifikasies beskik’.

Dit het tot baie ernstige probleme gelei, veral op die vlak van plaaslike regering, waar dienslewering gebrekkig is, met gepaardgaande politieke betogings en onrus waarvan sommige gewelddadig geraak het.

In ‘n ontleding van onlangse regspraak in die Natalse koerant The Mercury, erken die grondwetlike regskenner professor George Devenish dat die vul van ‘n beperkte aantal staatsdiensposte deur die regerende party – soos in ander demokrasieë gebeur – geregverdig is. Devenish bring dit egter onder die aandag dat die Hooggeregshof in die saak Vuyo Mlokoti v Amathole District Municipality bevind het dat kaderontplooiing inderdaad onwettig is.

Die hof het bevind dat die aanstelling van kaders “‘n ongemagtigde en ongeregverdigde ingryping in die sake van die distriksraad verteenwoordig. Dit is duidelik dat die raadslede van die ANC hul verantwoordelikheid om die pos van munisipale bestuurder met die beste en mees geskikte kandidaat te vul, gruwelik versaak het.”

Devenish skryf dat, in weerwil van artikels 9 (2), 195 en 217 van die Grondwet wat regstreeks vir regstellende aksie voorsiening maak, dit nie op so wyse toegepas moet word dat dit op onbillike diskriminasie neerkom nie. “Boonop moet irrasionele en onbillike regstellende aksie noodwendig tot ondoeltreffendheid lei en bydra tot negatiewe houdings teenoor lede van benadeelde groepe. Regstellende aksie behoort op ‘n sensitiewe en konstruktiewe wyse toegepas te word en nie neer te kom op blatante, verdoeselde rassediskriminasie nie.”

Vuyo Mlokoti v Amathole District Municipality and another (1428/2008)

Samwu eis dat Noordwes-munisipaliteite ontbind

Die munisipale werkersunie, Samwu, in die provinsie het ‘n beroep op die Noordwes-regering gedoen om die Grondwet toe te pas en sukkelende munisipaliteite te ontbind.

Druk neem toe om verskeie munisipaliteite in Noordwes te ontbind voor die verkiesing op 7 Mei.

Die vakbond sê slegs sewe van die 23 munisipaliteite is solvent en ‘n plaaslike regeringsberaad moet dringend belê moet word om oor die nodige stappe te besluit.

‘n Woordvoerder van Samwu sê 90 persent van die munisipaliteite in die provinsie maak op die Nasionale Tesourie staat vir inkomste en toelaes.

Hy sê die meeste munisipaliteite het in die laaste oudit nie skoon oudits gekry nie.

Samwu het ook vroeër gevra dat die Cosatu-leierskap moet bedank of hulle moet ‘n spesiale nasionale kongres voor of op die einde van April 2014 belê, Luidens die unie se sekretaris Lekoba Modimoeng.

Hy het gesê die unie sal sy lede mobiliseer al Cosatu se aktiwiteite te boikot en alle verbintenisse te beëindig.

Die provinsiale Samwu eis dat Cosatu se leiers bedank omdat hulle lidmaatskap daarvan misluk het.

Modimoeng het gesê Cosatu is nie meer so sterk na die skorsing van sekretaris-generaal Zwelinzima Vavi nie.

Samwu het ook gekla dat Cosatu geld mors op regskoste teen Vavi en die geld kon beter aangewend gewees het om werkers teen werkgewers te beskerm, sê die unie.

Advies vir munisipale geldsake

Die uwe het self jare gelede Ekonomie op Kovsies geneem, maar, so lyk dit my, is dit uitgediende kennis.

Want met daardie kennis maak die R15 miljoen wat ‘n bankrot munisipaliteit vir sokkerkaartjies uitgegee het met geld wat hy nog uit die inwoners moet wurg, op geen manier sin nie. Skynbaar het die raadslede wat so lekker gesing het: “ We are (very rich) communists” nog nie van die gans wat die goue eiers lê gehoor nie. Of liewer, van die gans weet hulle, maar wat gebeur as hulle die gans slag weet hulle niks.

“Hoes of betaal, is die wet vat nie faal,” is die taal wat die spulletjie se besluite bepaal. Dis nou ander wat moet betaal, want by laaste kennisname voor dit ‘n staatsgeheim geword het was ‘n taamlike rits Vrystaatse raadslede self lekker in die rooi met hul munisipale rekenings. Soos die minister onlangs nog was.

Maar die aankoop van die sokkerkaartjies het my laat dink. Hoekom koop die munisipaliteit nie vir die Curriebekerreeks met elke tuiswedstryd twee miljoen rand se kaartjies nie? Buiten met die Fifa-toernooi, behoort die stadion immers aan die munisipaliteit. Dan is die stadion mooi vol, en die munisipaliteit betaal die geld aan homself. Na tsjôtsjô afgetrek is, sal die munisipale kas steeds heelwat stadiger leegloop.

Elkeen wat ‘n gratis kaartjie kry, moet een slaggat opvul (of alternatiewelik ‘n boom daarin plant) en so sal die stad darem binne die volgende 10 jaar die slaggate in Langenhovenpark opgevul kry, en kan ‘n volgende woonbuurt getakel word.

Die borge spandeer meer en die Rugby-unie glimlag breed en kan dan ‘n groter tjekboek aanskaf.

Trouens, die mense op die pawiljoen spandeer ook ‘n gesonde klomp geld. Soos dié keer toe ek gedink het ons het genoeg geld saamgeneem, en ek net na rustyd ‘n halwe Coke by die klein Oortjies moes konfiskeer om iets oor te hê om vir die arme karwag te kan gee. Daai dag het ek agtergekom: As pa meer aandag aan die rugby skenk as aan sy kleingoed se spandeervermoë is selfs ‘n miljoen rand (sou dit in die eerste plek beskikbaar gewees het) iewers na rustyd al geblaas.

Met die verversingstaks vir die rugby-unie is dit kliphard lag al die pad bank toe.

Dan kan die Cheetahs afrigters bekostig en keer dat sy beste spelers gekoop word.

air flow чистка

‘n Oproep tot aksie

Ek wil almal oproep tot aksie.

In terme van die Nasionale Omgewingswet is ‘n oortreding van die wet ‘n krimenele oortreding.

Sodoende kan ‘n gewone burger van SA dan na die polisiestasie gaan en ‘n klag teen iemand wat die wet verbreek lê.

Die wet maak ook voorsiening dat nie net die instansie, of munisipaliteit kan aangekla word nie, maar ook die persoon wat verantwoordelik is vir die verbreking van die wet.

Ek stel voor dat ons munisipaliteite, en die munisipale bestuurders aankla in terme van artikel 28 van die WET OP NASIONALE OMGEWINGSBESTUUR 107 van 1998 wat bepaal dat enige persoon wat omgewingskade veroorsaak of as hy nie verhoed dat dit gebeur nie, nie sy verantwoordelikheid ten opsigte van die omgewing nakom nie.

Met ander woorde kom ons laat hulle wette teen hulleself werk. Ons spandeer nie geld op prokureurs nie, want dit is die polisie se plig om die saak te ondersoek.

Kom ons kry bewyse van besoedeling, traak-my-nie-agtige optrede, en bewyse van onverantwoordelike optrede, handig dit in by jou polisiestasie en volg dit op.

Sodoende beveg ons slap hande in owerhede, en ons beskerm ‘n bietjie wat oor is.

Ek stel voor ons maak dit ‘n massa-aksie op die 3 Mei 2010 om soveel as moontlike munisipaliteiete, staatsdepartemente, korupte amptenare in verband hiermee aan te kla.

игри для детеи

Die arme Henry Jeffreys

Ten spyte daarvan dat hy bevoordeel is ver bo sy vermoë met die redakteurspos by Die Burger – kan die arme man net nie uitstyg bo sy rassistiese haat jeens die blanke wat min of meer kop uitsteek in elke artikel of skrywe van hom nie.

Nou het hy dit weer teen die blankes wat orde in die vernielde munisipaliteite probeer herstel.

Plaas dat Jeffreys liewers iets positiefs vanuit sy posisie as redakteur vir sy medekleurlingvolksgenote doen wat tot hulle voordeel en voorspoed kan strek en dankbaar is vir die blankes wat die munisipaliteite begin verbeter wat deur sy ANC-party in die rioolsloot in bestuur is, weens korrupsie en wanbestuur.

Dit is juis van jou soort, Henry Jeffreys, wat ons wil wegkom – die soort wat ten spyte van onlogiese bevoordeling net nie oor die innerlike krag beskik om verby die “ek-kry-myself-tog-so-jammer”-sindroom te kom nie.

diamond dogs video

Carin Visser antwoord minister Shiceka

Die munisipale aktivis van Sannieshof, wat landwye bekendheid verwerf het toe sy noodgedwonge begin het om self munisipale dienste in dié dorp te verskaf, het gereageer op minister Sicelo Shiceka se uitlatings dat daar “oorlog” teen blankes gaan kom as hulle nie erfbelasting aan ANC-munisipaliteite betaal nie. In ‘n ope brief aan die media skryf sy:

Ek kan net in antwoord hierop sê dat ek bitter terleursgesteld is in Shiceka wat in die posisie waarin hy aangestel is, sulke onverantwoordelike dinge kan sê en daarmee eintlik aggressie en rassisme stimuleer. Hy het ‘n uiters onverantwoordelike verklaring gemaak en, glo my, hierdie verklaring gaan in die townships nog meer oproer veroorsaak want daardie mense se klagtes word nou al vir meer as 5 jaar totaal geïgnoreer. En as Minister Shiceka dink hy kan elke keer die SAPD instuur met rubberkoeëls en traanrook om die situasie te ontlont, is hy so verkeerd. Hierdie metode om mense wat gefrustreerd is en ly as gevolg van regeringspraktyke word deur hierdie aksie net meer tot aggressie en verwoesting gestimuleer.

Sover dit myself aangaan – Shiceka het nog nooit op enige van my skrywes gereageer of ontvangserkenning gegee nie. Hy het kort ná sy aanstelling in 2008 ‘n status quo-verslag van my gevra deur Stef Coetzee van die AHI – nooit daarna iets terug laat weet nie.

Hy het ‘n afspraak met my gemaak vir ‘n span van die DPLG wat afgevaardigdes van verskeie NBU-takke in Noordwes sou kom sien op 17 Maart 2009. ‘n Uur en ‘n half voor die vergadering moes begin het, hulle laat weet hulle kom nie meer nie – ons het ‘n lokaal gehuur, verversings voorberei en mense het hulle werk gelos om van oral te kom. Die rede was dat daar opstande in Ventersdorp was – dit was onwaar. Alles was rustig op Ventersdorp. My kontak in die provinsiale wetgewer het my ingelig dat hulle ‘n groot verkiesingspartytjie vir Zuma in Mmabatho gehou het daardie dag en die groep besluit het om die partytjie by te woon. In sy verklaring stel mnr Shiceka dat hy die NBU in April ontmoet vir ‘n vergadering – op hierdie stadium bestaan daar nie so ‘n afspraak wat hy met die NBU gemaak het nie.

In Oktober 2009 het hy my een aand om 9:30 geskakel en gevra of hy my kan sien om te “talk”. Ek het gesê dit is reg, maar hy moet my asb gedurende kantoorure skakel sodat ons ‘n afspraak kan maak. Ek het nooit weer iets van hom of sy kantoor gehoor nie. Nog minder op al die briewe wat ek aan hom gerig het daarna.

Dus… sy verklaring dat ons met die regering moet praat as ons ontevrede is, beteken niks, omdat Shiceka self ‘n ongeloofwaardige en onbetroubare onderhandelaar is – en wat oorlogsdreigemente uitslinger aan die burgers van SA. Sulke gedrag getuig van uiters swak leierskap.

Die feit dat hy sg “wit mense” blameer vir die toestand van munisipaliteite is lagwekkend absurd, want toe die munisipaliteite die gelde alles twee jaar gelede nog ontvang het, het hulle niks gedoen nie. Toe al het hulle ouditeursgeneraalverslae aangetoon dat munisipaliteite wanbestuur word en dat korrupsie en bedrog hoogty vier. Niemand het iets daaraan gedoen nie. Inteendeel, die inwoners van verskeie dorpe se afkeurings van hul munisipale begrotings wat na die regering deurgestuur is, is totaal geïgnoreer.

Sy bewering dat oorlog teen wanbetalers gemaak gaan word, werp in die eerste instansie ‘n refleksie op die duisende in townships wat weier om vir enige dienste te betaal, omdat tydens stemmewerwing vir verkiesings swartmense belowe is dat hulle nooit weer vir iets hoef te betaal nie, die witmense sal daarvoor betaal. Hiervan het ek ‘n beëdigde verklaring.

Om die witmense nou te beskuldig van wanbetalings, nadat hulle die enigstes was wat bereid was om te betaal om in ‘n ontwikkelde gemeenskap te woon, is onregverdig … omdat hierdie witmense vir baie jare die regering bewus gemaak het van die totale afwesigheid van dienslewering en die regering nie bereid was om met die inwoners en burgers van SA hieroor te kommunikeer nie. Nie een van die sg “wit” inwoners het destruktief begin geboue afbrand en afbreek om hulle ontevredenheid te wys nie. Hierdie inwoners het eers deur hulle samewerking en hulp aan hulle munisipaliteite probeer om ‘n verskil in hulle dorpe te maak. As gemeenskapsgebasseerde organisasies is ons hulp geïgnoreer. Ná vele waarksuwings aan die munisipalteite, het die inwoners wettige dispute verklaar en begin om pro-aktief op te tree om die werk van hul afwesige munisipalteite namens die munisipaliteite te doen. Daar is nooit enige skade aan ‘n dorp aangerig nie en die aksie het al die mense van die gemeenskap bevoordeel, ongeag ras, kleur of geslag.

Minister Shiceka moet een ding baie goed hoor – hy en sy regering met al hulle departemente het hul plig teenoor al SA se burgers versuim. Trouens, die regering is direk verantwoordelik vir die totale ineenstorting van alle aspekte van “goeie regering”, asook die ernstige skending van grondwetlike menseregte en ons natuurlike hulpbronne. Hierdie ANC-regering is verantwoordelik vir die sterftes van duisende mense agv van onverantwoordelike optrede en versuim van hul verantwoordelikheid ten opsigte van ons veiligheid en sekuriteit, met daarby die chaos in die departement van gesondheid wat die vigs- en teringpandemies veroorsaak. Ons ervaar tans die ernstigste besoedeling ooit van ons land se water wat alle aspekte van die samelewing raak en onskuldige mense gaan laat doodgaan.

Ek maak dus ten sterkste beswaar teen minister Shiceka se persverklaring en het beslis meer van ‘n persoon in so ‘n hoedanigheid verwag.

игрушки my little pony topcargo развод