islam – Bladsy 2 – praag.co.za

Brief: Moslem-aktivis Yusuf Abramjee val De Goede Hoop-koshuis aan

Op dieselfde dag as wat ‘n Moslemterroris meer as 40 mense in Londen probeer afmaai het, het die Suid Afrikaanse Moslem-aktivis Yusuf Abramjee ‘n ongelooflike aggressiewe veldtog teen Afriforum op Twitter geloods. Blykbaar het die papbroekige Afriforum ‘n “Afrikaans-koshuis” langs Tukkies oopgemaak. Die aktivis Abramjee se tydlyn bevat aanval op aanval, asook klagtes by verskeie organisasies waaronder die universiteit self.

Regse figure soos Paul Joseph Watson en Stefan Molyneux praat gereeld oor die Islamisering van linkse politiek in die Weste. Mens kan dit sien in die obsessie wat Abramjee en die intellektuele klas in SA het met frases soos “condemn” en “has no place”. Daar is nie ‘n dag wat verbygaan waartyds ‘n aspek van die Westerse beskawing of blankes nie “ge-condemn” of veroordeel word nie. Ek word briesend as ek die FW de Klerk-video’s van die vroeë negentigs kyk. Wat sou die reaksie van die ou SAW gewees het as hulle geweet het dat die woorde “condemn” en “has no place” elke dag vir amper 30 jaar by blankes se kele afgedruk gaan word?

In Amerika staan “social activists” as “community organisers” bekend. Die term “community organiser” is deur die kommunistiese Jood Saul Alinsky uitgedink. Dit beskryf iemand wat as agitator vir ‘n politieke doel optree. Eers was mense agitators vir die “Civil Rights Movement” in die 1960’s en in vandag se konteks agiteer sulke mense namens globalistiese (meestal anti-blanke) belange. In 2016 was Ambramjee in twee groot “community organising”-gevegte betrokke. Die eerste man wat onder sy skerp tong deurgeloop het, was ‘n skaam Afrikaner genaamd Richard Botha. Botha het beswaar aangeteken teen die konstruksie van ‘n moskee in Valhalla. Die saak gaan een of ander tyd vanjaar voor ‘n hof draai en soos altyd verwag ek dat die blanke man en sy gemeenskapsveldtog sal verloor. In Junie laas jaar het Abramjee ‘n ontsettend kleinlike veldtog teen ‘n gestremde onderwyser van Johannesburg gelei. Sy sonde? ‘n Brief wat verskille tussen die Islamitiese geloof en Christenskap uitwys. Toe die onderwyser, Bob Fuller, weier om terug te staan, het Abramjee die saak laat vaar omdat Suid-Afrika, mislukte staat wat hy is, alreeds na sy volgende rasseherrie — die Andre Slade-sage — aanbeweeg het.

In die verlede het Abramjee al telke male die “Islamofobie”-kaart gespeel, maar hy spreek homself ook gereeld uit teen die regime van dr Assad. Persoonlik ondersteun ek dr Assad se regime, Iran se anti-Sionistiese-en-rasbewuste staat en Hezbollah. Maak dit my ‘n “Islamofoob” of ‘n “terroriste-ondersteuner”? Ek was al met Soenni-Moslems in argumente waar ek in dieselfde asem as ‘n “Islamofoob” en “terroriste-ondersteuner” uitgekryt is. Blankes besef nie hoe groot die Soenni/Sjia-skeiding tans in die Midde-Ooste is nie. President Poetin ondersteun duidelik die Sjia-faksie; ek stem saam met hierdie standpunt.

Ek neem aan dat Afriforum se koshuis geskep is om blanke studente te beskerm teen die chaos wat tans op SA kampusse heers. Dr Dan se goeie vriend Jared Taylor skryf al dekades oor die konsep van “white flight”. Hierdie konsep is onlangs as ‘n akademiese term aanvaar. In sekere aspekte was die Voortrekkers van destyds ook deel van ‘n soort “white flight”. Die probleem is dat ons ras al te lank weghardloop van rassekonflik en die probleme wat deur multikulturalisme geskep is. Daar word nou summier vir ons voorgeskryf dat enige vorm van “selfbeskikking” — of dit nou in SA of in Wes-Europa of in Amerika is — glad nie geduld sal word nie en dat blankes gedwing sal word om as verpesde minderhede onder vyandige, bloeddorstige regimes te verkeer. Ek sê nee! Die altregs sê nee!

My standpunt oor die Afrikaner se situasie bly onveranderd. Daar is géén toekoms vir die blanke in Afrika nie. Afrikaans sal waarskynlik teen 2050 ‘n uitgestorwe taal wees en die landbousektor sal teen 2030 soos Zimbabwe s’n ineengestort het. Laasweek het die voormalige hoof van die BNP, Nick Griffin, aangekondig dat hy permanent sy tuiste in Brittanje gaan verlaat om na Hongarye te verhuis. Hy beplan om in landelike gebiede opleiding aan apolitiese, rasbewuste, nasionalistiese bewegings te verskaf. Hy voorspel dat alle vryheidslustige blankes binne die volgende 20 jaar na Oos-Europa sal verhuis. In die verlede het ek baie van Griffin verskil, maar ek dink hy is reg. Kallie, ek weet jy lees Praag skelmpies terwyl jou vrou slaap. Luister nou mooi na my, as jy slim wil wees, open jy die De Goede Hoop-koshuis in Estland of Abkhasië, want in Suid-Afrika is jou volk en ras duidelik lankal nie meer welkom nie.

— Vicky

Terreuraanval in Antwerpen afgeweer

Die polisie in Antwerpen in België het ‘n Moslem in hegtenis geneem wat probeer het om met sy voertuig in inkopiegangers in te jaag, minder as 24 uur ná die aanval in Londen.

Mense kon gelukkig betyds uit die straat padgee om nie doodgery te word nie. Dit is nog onduidelik of daar enige beserings was. Die man is vermoedelik van ‘n Afrika-land afkomstig.

Die polisie het beslag gelê op onder andere messe en ‘n vuurwapen in sy motor. Die aanval volg ‘n dag ná ‘n soorgelyke aanval in Londen waartydens drie mense dood en 40 beseer is.

Die voertuig van die Antwerpse aanvaller was na bewering vol vloeibare gas, messe en gewere.

Vreesbevange voetgangers moes uit die pad spring toe die motor in die De Meir winkelstraat in Antwerpen teen ‘n hoë spoed Donderdagoggend op hulle afgepeil gekom het.

Die vermeende bestuurder, wat was geklee in kamoefleerdrag, en is later in hegtenis geneem deur die polisie, het plaaslike media berig.

Die voorval word ondersoek as ‘n moontlike terroriste-aanval. ‘n Federale aanklaer het gesê die verdagte is ‘n Franse burger wat in Frankryk woon.

Plaaslike media het gesê hy is ‘n 39-jarige Moslem by name Mohamed R.

Die polisie in die Belgiese hawestad het gesê die voertuig wat in Frankryk geregistreer is, is opgemerk toe dit die besige Schelde-rivier genader het.

Ooggetuies het gesê hulle moes koes toe bestuurder die snelheid van die motor verhoog het.

Verlede Januarie het die land se grootste polisiemag in Antwerpen begin met ‘n loodsprogram om Moslembeamptes plaaslik te werf, veral met immigrasie-agtergronde.

Die moeilike federale toelatingseksamen is egter die probleem dat die aansoekers van kleur nie toegelaat word nie.

Byna die helfte van Antwerpen se inwoners het ‘n immigrante agtergrond, maar net 7 persent van die 2600-sterk polisie is nie wit nie.

Indien die loodsprogram suksesvol is, het owerhede gesê hulle gaan die program landwyd implementeer om die polisiemag te verswart omdat hulle hoop om so terreur die hoof te kan bied.

Die Britse polisie het intussen meer inligting bekend gemaak oor die drie slagoffers van die Londense terreuraanval. Hulle sê die polisieman wat doodgesteek is, was die 48-jarige Keith Palmer, wat ‘n lid was van die Parlement se beskermingsdiens.

Hy was ongewapen en is aangeval by die Parlement se ingangshekke. Hy was 15 jaar in die polisie. Die tweede slagoffer was ‘n 43-jarige vrou. Sy was ‘n Britse burger, van Spaanse afkoms, en het in Londen klas in Spaans gegee.

Die derde slagoffer was ‘n man in sy middel-vyftigerjare, vermoedelik ‘n Amerikaner.

Die aanvaller is deur die polisie doodgeskiet. Hy was blykbaar ook onder ander name bekend.

Die polisie het Donderdagaand die aanvaller se identiteit bekendgemaak as Khalid Masood, maar dit het aan die lig gekom dat hy in 1964 as Adrian Elms in Kent gebore is.

Agt mense is steeds in aanhouding in verband met die aanval. Drie burgerlikes en ‘n polisielid is dood, en die aanvaller is deur die polisie doodgeskiet.

Le Pen weier kopdoek vir ontmoeting met Groot Moeftie

Marine Le Pen het geweier om ‘n kopdoek dra vir ‘n vergadering met die Groot Moeftie in Beiroet. Op sosiale media het Christene en vroue haar geprys vir haar moed.

Die voorgestelde vergadering met die Groot Moeftie, die mees prominente Sunni Moslem-geestelike in die land, moes op die laaste minuut gekanselleer word.

Le Pen moes Sjeg Abdellatif Deriane, die Groot Moeftie van Libanon, in sy kantoor in die hoofstad ontmoet. Die grootkop se mediakantoor het gesê dat Le Pen vooraf in kennis gestel is van hul vereiste dat sy verskyn met haar kop bedek, berig Reuters.

By haar aankoms, is Le Pen weer gevra om ‘n kopdoek te dra. Volgens AFP, is Le Pen die sluier gegee om oor haar hoof te trek.

Maar sy het geweier, want sy is nie ‘n Moslem nie. “Jy kan my opregte groete aan die Groot Moeftie oordra, maar ek sal myself nie bedek nie,” het Le Pen gereageer. Sy het toe die ontmoeting gekanselleer.

Sy het verduidelik dat tydens ‘n vergadering met Egipte se Ahmed El-Tayeb, die Groot Imam van Al-Azhar, ‘n gesogte Sunni-titel, in 2015, was dit nie nodig om ‘n kopdoek te dra nie. “Ek het die Groot Moeftie van Al-Azhar ontmoet,” het sy aan verslaggewers gesê. “Die hoogste Sunni gesag het toe nie hierdie vereiste gehad nie.”

Sy het lof vir haar besluit op sosiale media ontvang: “Mooi so! Jy moet nie politiek en godsdiens meng nie,” het een persoon geskryf op Twitter. Kopdoeke en ander opvallende godsdienstige simbole word verbied in Franse skole sedert 2004.

‘n Ander een het getwiet: “Daar is diegene wat oor vroueregte praat en daar is diegene wat dit eintlik verdedig. Marine Le Pen.”

Die FN leier is uitgesproke in haar teenkanting teen die Moslemkopdoek en het gesê dat sy godsdienstige simbole sal verbied in openbare plekke.

Die Moeftie se helper was woedend: “Die Edik Huis is spyt oor sulke onvanpaste gedrag op so ‘n vergadering.”

Die Moeftie is eintlik dikbek omdat Le Pen die Siriese president Assad verdedig.

Vroeër, ná gesprekke met Libanese premier Saad Hariri, het Le Pen teen die Sosialistiese Franse beleid in Sirië uitgevaar en aan verslaggewers gesê dat president Assad die enigste keuse as leier van die land is.

Tydens haar uiters suksesvolle besoek aan die Midde-Ooste het Franse polisie haar party se hoofkwartier gaan omkrap as deel van ‘n “ondersoek na vervalste poste” wat eintlik maar ‘n politieke heksejag is.

Die Franse owerhede het twee werkers van die presidensiële kandidaat ondervra. Sy word daarvan beskuldig dat sy EU-fondse wat sy as lid van die Europese parlement ontvang het, “misbruik” het.

Le Pen se senior helper, Catherine Griset, en haar veiligheidswag is ondervra. Die polisie wil glo vasstel of die EU hulle moes betaal vir werk wat hulle nie gedoen het nie.

Die EU beskuldig Le Pen daarvan dat sy die twee as parlementêre assistente voorgestel het, hoewel daar geen bewyse daarvoor was nie.

Sy ontken dat sy iets verkeerd gedoen het en sê die kamtige ondersoek word gedoen om die fokus van haar gewildheid as hoofnuus te probeer afhaal.

Islam se greep op AU verstewig na Marokko se hertoelating

President Jacob Zuma het die Afrika-Unie se besluit om Marokko weer toe te laat tot die organisasie gelate aanvaar.

Die AU het Dinsdag by sy beraad in Ethiopië Marokko weer as AU-lid bekragtig nadat die land druk uitgeoefen het om weer deel te wees van die AU.

Marokko was die enigste land in Afrika wat nie ‘n lid van die AU was nie. Die mosie is met 39 teenoor tien stemme aanvaar.

Volgens bronne aangehaal deur die Associated Press was die nege stemme wat Marokko wou uithou, almal “lande in Suider-Afrika, behalwe Swaziland”. Die SAOG is die enigste gebied op die vasteland wat nie onder Moslembeheer is nie. Afrikanersendelinge het waarskynlik daarvoor gesorg dat Islam nie in Suider-Afrika vastrapplek kry nie.

Vermoedelik word Swaziland se “mening” gekoop deur dieselfde belange wat Duitse wapenverkope deur die land stuur.

Marokko het die organisasie in 1984 verlaat, nadat die AU die onafhanklikheid van Wes Sahara aanvaar het, wat Marokko beskou as deel van sy gebied.

Die minister van buitelandse sake van Tsjad is Maandag verkies as die nuwe voorsitter van die AU Kommissie, met die belofte van ‘n meer vaartbelynde burokrasie en ‘n fokus op Islamitiese ekstremiste.

Moussa Faki Mahamat het sy “kommer” uitgespreek oor die voortdurende voorvalle van Moslemterreur. Dit sluit lande soos Somalië, Mali, Suid-Soedan en Libië in. Maar waarnemers sê die sogenaamde kommer is ‘n rookskerm.

Die voorsitter van die AU-kommissie oor veiligheid, Smail Chergui sê hulle sal voortgaan om terrorisme op die vasteland te bekamp.

Hy sê hulle maak gereed om gebiede in Somalië terug te neem wat deur die militante groep, Al-Shabaab beheer word.

Somalië se presidensiële verkiesing sal eersdaags gehou word.

Marokkaanse TV gee grimeerwenke om gesinsgeweld verberg

Die Marokkaanse staatstelevisienetwerk het opslae gemaak nadat hulle raad aangebied het oor hoe vroue beserings kan toesmeer om tekens van huishoudelike geweld weg te steek.

In die segment, uitgesaai op kanaal 2M se oggendprogram Sabahiyat, het die grimeerkunstenaar Lilia Mouline verduidelik hoe grimering gebruik kan word om “spore van geweld te kamoefleer”.

Verskeie “skoonheidswenke” is gegee aan ‘n vrou met ‘n gesig vol kneusplekke om haar oë.

“Ons hoop dat hierdie skoonheidswenke help om met jou normale lewe voort te gaan,” het Mouline tydens die segment gesê.

Die raad is uitgesaai twee dae voor die Internasionale Dag van die Verenigde Nasies se 23 November datum vir die Uitwissing van Geweld teen Vroue.

Mouline het oor die beste produkte gesels om die tekens van ‘n pimpel-en-pers gade te verdoesel.

“Maak seker dat jy los poeier gebruik om die grimering af te rond, so as jy moet werk gedurende die dag, dat die kneusplekke nie wys nie,” het sy gesê. “Gebruik ‘n basis met geel daarin, want as jy die wit een gebruik, sal jou rooi merke waar jy geslaan is, altyd wys.”

Die Marokkaanse TV het erken dat die insetsel “heeltemal onvanpas” was. Honderde vroue het ‘n petisie wat hul verontwaardiging wys, onderteken.

Maar ‘n verskoning gepos aan Facebook, is met nog honderde klagtes oord die segment begroet, wat dit as “veragtelik”, “onprofessioneel” en “skandelik” beskryf het.

Die video is intussen van die stasie se webwerf en sosiale media verwyder. Marokko se nasionale televisiediens 2M het Sondag verklaar dat die uitsending “heeltemal teenstrydig met die redaksionele lyn van die kanaal” is.

Marokko sukkel met gesinsgeweld. In 2009 is bevind deur ‘n nasionale studie dat byna 63 persent van vroue fisiese, seksuele, sielkundige of ekonomiese geweld ervaar, maar baie weier om gesinsgeweld te rapporteer, en kla dat die kwessie nie ernstig deur die polisie opgeneem word nie.

Media24 se Trump-kenner maak lawaai

Liesl Louw-Vaudran, ’n konsultant by die Instituut vir Sekerheidstudies, het geen idee wat Donald Trump se verkiesing tot die Withuis vir Afrika beteken nie, want, beweer sy, “Trump weet self nie”. Haar stuk is egter ‘n poging om Obama se nalatenskap van onafgebroke buitelandse mislukkings, en waaronder wêreldwye terreur en konflik seker die grootste is, toe te smeer.

Net soos die ander “kenner” wat Naspers inspan om gemeenplase uit die gediskrediteerde liberale hoofstroommedia na te aap, Leopold Scholtz, is die konsultant nie sku vir emosiebelaaide oordele nie en skiet haar stuk te kort aan ontleding.

Scholtz is boonop betrap dat hy foutiewe inligting oor die Amerikaanse verkiesing spoeg-en-plak.

Nie een van die twee is klaarblyklik nog bewus van hoe besonder sleg hul geloofwaardigheid ten aanskoue van lesers is nie. Het die voorbarige Scholtz nie leedvermakerig herhaaldelik vir ons vertel hoe ver gaan Hillary Clinton wen nie?

Louw-Vaudran ly aan dieselfde kwaal. Sy is voorheen aangehaal in ‘n meningsstuk wat die “gevaar” van WikiLeaks vir Afrika belig, asof niemand weet hoe swart maagpolitiek op die vasteland nou eintlik werk nie. Van al haar “gevare” het natuurlik dadels gekom want Afrika is die beste voorbeeld van hoe ‘n tjekboekbeleid uitgevoer word. Sy het, na ons wete, nooit dié nat klapper van ‘n mening reggestel nie.

“Kenners” sê sy, meen Trump het “geen raadgewers op die gebied van buitelandse sake in sy verkiesingspan nie” maar lesers moet tevrede wees om nie meer te wete te kom van hierdie sogenaamde “kenners” nie.

Dit is reeds algemene kennis dat genl. Michael T. Flynn (foto) hom gaan bemoei met Amerikaanse binnelandse veiligheid, dus is sekere afleidings vir die VSA se buitelandse beleid nie vergesog nie.

Dat Trump gekant is teen korporatistiese handelsooreenkomste, vermorsing van hulp aan arm lande en onlangse Amerikaanse militêre avonture soos in Irak, is sieninge wat genl. Flynn kennelik deel.

Asiatiese leiers wat die ongewilde vryehandelsooreenkoms, die TTP onderhandel het met die VSA, verstaan byvoorbeeld dat die Kongres nie gou dit sal goedkeur nie. Die Withuis het erken dat die transaksie dood en begrawe is nadat voorsitter Mitch McConnell ‘n stemmery daaroor in die Senaat, voordat Trump oorneem, buite die kwessie verklaar het.

Dit is in elk geval welbekend dat Afrika nie hoog op die VSA se agenda is nie. Nie een van die twee kandidate in die pasafgelope verkiesing het enige melding gemaak van die donker kontinent in hul groot toesprake nie, maar dit is geen verrassing nie, sê J. Peter Pham, direkteur van die Afrika Sentrum van die Atlantic Council, ‘n dinkskrum in Washington.

Pham het bygevoeg dat “buitelandse beleid in die algemeen” nie vooropgestel word nie en daarop gewys dat die Amerikaanse beleid teenoor Afrika “geneig is om albei partye se steun te geniet”.

Die VSA het tot dusver op lande soos Nigerië en Kenia gekonsentreer en natuurlik vir ideologiese redes op die kontinent se reus Suid-Afrika. Dit sal egter ‘n besonder aangename wending wees, as die VSA afsien van al hul polities korrekte programme hier en nugter begin raak oor die vooruitsigte van ‘n kognitiewe leemte.

Tennessee Senator Bob Corker, die voorsitter van die senaat se Buitelandse Betrekkinge Komitee, het aan CNBC op 16 November gesê dat hy op die lys is om as minister van buitelandse sake aangewys te word. Net uit die kortlys kan al heelwat afgelei word.

Corker is die sleutelfiguur wat die kernooreenkoms met Iran hanteer. Corker het aan CNN gesê dat Trump ten minste nie sommer dadelik aan die ooreenkoms sal torring nie. Net daardie feit maak hom alreeds ‘n gunsteling. Vir Suid-Afrika kan dit voordelig wees wat brandstofinvoere betref.

En laat ons die bepopelde Louw-Vaudran tog gerusstel: Wat Trump ook al besluit oor klimaatsverandering, sal Afrika nie raak nie. Dit sal ‘n spul oorbetaalde Soros-handlangers in Johannesburg wees wat hul geweeklaag oor die onderwerp sal afwissel met Marxistiese onsin wat hulle sal oprakel om EFFer Julius Malema se geloofwaardigheid te bou.

Dit raak al hoe ingewikkelder vir klimaatsaktiviste om mensgemaakte aardverwarming onteenseglik te bewys. Om kiesers daarvan te oortuig, gaan ook ‘n uitdaging word.

Louw-Vaudran se liberale “analise” is ook nie sonder sy oomblikke van onbedoelde humor nie: Hoe haar uitspraak van “Trump is ook glad nie ’n voorstander van gayregte nie,” ‘n buitelandse beleid vir Afrika kan impliseer is nie duidelik nie, maar al daardie nie-regeringsorganisasies wat geld bedel om Afrikane se anti-gay vooroordele reg te stel, kon onder Obama ook nie veel uitrig nie.

Miskien sal ‘n referendum oor gays in Suid-Afrika haar van haar illusies verlos.

Louw-Vaudran betreur die gebrek aan “weldeurdagte beleidsdokumente” by die Trump-span, net enkele dae nadat hy verkies is asof die onmoontlike verwag moet word, maar hopelik sal Trump die Amerikaanse hulporganisasie USAid se $22,7 miljard vir onder meer die “demokratisering in Afrika” beter kan aanwend teen betoger-gespuis wat betaal word om onluste te pleeg tuis.

En van humor gepraat. Daar is selfs onoortreflike oomblikke, soos dié: “Trump se radikale standpunte oor terreur een van die grootste bedreigings vir veiligheid in Afrika. Navorsing het bewys dat jong radikales by Islamitiese terreurorganisasies aansluit juis wanneer hulle voel dat hulle weens hul geloof onregverdig geteiken word.”

Louw-Vaudran gaan van die stomme veronderstelling uit dat Trump se beleidsrigting hierdie werwing in die toekoms sal ondersteun, terwyl Obama en Hillary reeds dit vermag het. Die twee was direk gemoeid om wapens aan terroriste te smokkel, soos met die Benghazi-skandaal onthul is.

“Trump weet nie veel van die kompleksiteite van terreurgroepe en netwerke nie,” kla sy voorts, maar Flynn is ‘n lid van ACT en sit op die raad van hul adviseurs. Dis word beskryf as die “grootste voetsoolvlak anti-Moslemgroep in Amerika” met 280 000 lede regoor die land. Vermoedelik is Flynn goed ingelig oor juis hierdie groepe en netwerke aangesien hy, as Demokratiese kieser nogal, geweldig gekant was teen die oorlog in Irak. Dit beteken dat presies die teendeel van wat Louw-Vaudran beweer waarskynlik eerder waar is.

ACT For America is gestig deur die skrywer Brigitte Gabriel, wat beskryf word as “een van die voorste nasionale veiligheidsdeskundiges in die wêreld” wat inligting en ontleding oor die opkoms van Islamitiese terrorisme verskaf.

Gabriel word gereeld deur die Verenigde Nasies, die Australiese owerhede, lede van die Britse Parlement, lede van die Amerikaanse Kongres, die Pentagon, die VSA se Spesmagte, die FBI, en vele ander genader en word beskou as een van die 50 belangrikste meningsvormers in die land.

“Radikale optrede, soos om terreurbasisse met hommeltuie te bombardeer,” dig Louw-Vaudran by voorbaat sommer aan Trump toe, terwyl Obama dit gereeld onderneem het, maar omdat hy swart is ook daarmee weggekom het om oorlogsmisdade te laat pleeg.

Eintlik is haar hele powere stuk vol sulke projeksies wat duidelik op die mislukte swart president van toepassing is, en nou skielik, onverklaarbaar Trump se verantwoordelikheid geraak het.

Ten minste verskaf die konsultant darem ‘n rede vir haar beteuterde stelletjie vooroordele: “’n Trump-presidentskap ’n groot slag vir demokrasie en menseregte in Afrika wees,” want “USAid finansier ’n magdom burgerlike organisasies in Afrika wat verkiesingsopleiding doen, vrye-media-instansies ondersteun of menseregtevergrype ondersoek”.

Dit klink eerder soos ‘n yslike geleentheid om van hierdie ideologiese onsin en al die nuttelose parasiete wat dit aankleef, ontslae te raak.

Soos alle liberales loop sy oor van selfvoldaanheid oor haar insigte – sonder uitsondering tweehands – wat algar in die skadu stel en “hoop Trump kry baie vinnig ’n wêreldkaart”.

En ons hoop ewe seer die konsultant kry ‘n paar kliënte wat haar liberale hubris van waarde sal vind.

Kenia se verkiesingskommissie bedank

Die kommissarisse van Kenia se verkiesingskommissie het Woensdag bedank as deel van ’n ooreenkoms met opposisiepartye, wat vroeër vanjaar gewelddadige betogings in die land teen die kiesstelstelsel gelei het.

Die aankondiging dat al tien lede van die onafhanklike verkiesings- en afbakeningskommissie bedank het, is in ’n verklaring deur die Keniaanse regering aangekondig.

Ondertussen berig AFP dat ses mense in die noordooste van Kenia gisteroggend deur vermeende al-Sjabaab militante vermoor is.

Die aanval het in die dorp Mandera plaasgevind en ’n omheinde residensiële gebou geteiken waar hoofsaaklik nie-etniese Somali’s en nie-Moslems tuisgaan.

Broer en suster terreurverdagtes voor

Twee terreurverdagtes, broer en suster Ebrahim en Fatima Patel (foto, regs in gewaad sonder haar broer), sal na verwagting vandag in die Kagiso-landdroshof verskyn.

Hulle staan tereg op aanklagte ingevolge die Wet op Plofstowwe en Vuurwapenbeheer na ‘n skokgranaat en 21 koeëls na bewering in hul huis gevind is.

Hulle is in hegtenis geneem tydens klopjagte in Azaadville, aan die Wes-Rand, op 9 Julie.

Hulle is aanvanklik borgtog geweier. Na hul prokureur, Yousha Tayob, ‘n dringende aansoek voor die hooggeregshof in Johannesburg vir hul vrylating geloods het, is hulle op borgtog van R5000 elk vrygelaat.

Hulle het bande met die Islamitiese terreurgroep (ISIS) en het na bewering beplan om bomme by die Amerikaanse ambassade en Joodse instellings in Suid-Afrika te plant.

‘n Tweeling, Sallahoeddin (Brandon-Lee) en Jakeen (Tony-Lee) Thulsie is in hegtenis geneem tydens dieselfde klopjag.

Hulle is in hegtenis geneem op drie aanklagte van die oortreding van die Beskerming van Konstitusionele Demokrasie en Terroriste-en verwante Aktiwiteite.

Die Tulsies sal in aanhouding bly totdat hul borgaansoeke op 11 Oktober aangehoor word.

Drie terreuraanslae in die VSA

‘n Gesamentlike Amerikaanse terreurtaakmag ondersoek die ontploffing te ondersoek die ontploffing in New York waarin 29 mense beseer is

Die burgemeester van New York, Bill de Blasio sê New Yorkers sal hulle nie deur Saterdagaand se ontploffing laat intimideer nie.

‘n Ploftoestel het in ‘n besige straat in Chelsea in Manhattan ontplof en vyf toestele is naby ‘n treinstasie opgespoor.

Die FBI het vier van die ploftoestelle reeds onskadelik gestel met behulp van robotte.

Die bom wat ontplof het, het bestaan uit ‘n drukkoker waaraan ‘n selfoon vasgemaak is. Volgens die polisie is dit soortgelyk aan die bomme wat drie jaar gelede tydens die Boston Marathon ontplof het.

De Blasio sê voorlopige aanduidings is dat die ontploffing ‘n terreuraanslag was.

‘n Soortgelyke toestel het vroeër in New Jersey ontplof. Altesaam is 38 mense gewond in die voorvalle wat ook ‘n mesaanval insluit in St. Cloud, Minnesota.

Intussen sê ‘n nuusagenskap wat bande met die internasionale terreurgroep ISIS het, Amaq, dat die mesaanval by die winkelsentrum in die staat Minnesota in die VSA deur een van sy ondersteuners uitgevoer is.

Die polisie het die man later doodgeskiet.

Die man was geklee as ‘n veiligheidswag en het agt mense in die St. Cloud-winkelsentrum met ‘n mes gesteek en beseer.

Hy het glo minstens een persoon gevra of hy ‘n Moslem was voordat hy die man aangerand het.

Drie van die beseerdes word in die hospitaal behandel. Geen van die beserings was noodlottig nie.

Die FBI ondersoek die gebruik van tanneriet in albei toestelle. Hulle wou nie bevestig dat vyf mense in hegtenis geneem is nie.

Oorgrens-aanvalle deur Boko Haram eis sewe

Sewe soldate van Niger is vermoor en agt ander gewond in twee afsonderlike aanvalle die afgelope week deur Boko Haram Islamiete, het ’n weermagwoordvoerder in Niamey gesê.

Die twee aanvalle het in die suidoostelike Diffa-streek ná aan die grens met Nigerië plaasgevind.

Vyf soldate is in ’n lokval Maandagoggend dood en ses is beseer. In ’n vroeëre aanval is twee soldate dood en nog twee gewond toe hul patrollievoertuig oor ’n selfvervaardigde ploftoestel gery het, lui ’n verklaring van die weermag.

Boko Haram se sewe jaar lange insurgensie het reeds die lewens van meer as 20 000 mense in Nigerië en grensgebiede in naburige Niger, Tsjad en Kameroen geëis en meer as 2,6 miljoen mense haweloos gelaat.

ISIS se topbevelvoerder in Amerikaanse lugaanval dood

‘n Topbevelvoerder van ISIS, Aboe Mohamed al-Adnani is in ‘n Amerikaanse lugaanval dood.

ISIS het sy dood kort na die aanval aangekondig deur sy nuusagentskap Amaq.

Die Amerikaanse State Department het ‘n beloning van $5 miljoen belowe aan enige een wat hom om die lewe bring.

Foto’s van die terroristeleier is ook beskikbaar op die aanlynuitgawe van die Islamitiese Staat-groep (ISIS) se weeklikse tydskrif, Al-Nabaa.

Hy was die destydse woordvoerder van ISIS in Irak en die Levant en die bevelvoerder in Sirië en een van die organisasie se topleiers.

Die Pentagon het Maandag aangekondig dat Al-Adnani verlede maand in Amerikaanse lugaanvalle in die noorde van Sirië omgekom het.

“Die lugaanval naby Al Bab, Sirië het ISIS se hoofpropagandis, werwer en argitek van eksterne operasies van die slagveld verwyder,” het die Pentagon se mediasekretaris, Peter Cook, gesê.

Hy was die hoofargitek van aanvalle teen Westerse teikens.

In ‘n September 2014-toespraak het Adnani Islamiete aangemoedig om Europeërs om die lewe te bring op enige moontlike manier: “Vermorsel sy kop met ‘n klip, of slag hom met ‘n mes, of ry hom met jou motor dood,” het Adnani toe gesê.

Al-Sjabaab slaan weer in Kenia toe

Al-Sjabaab het weer in Kenia toegeslaan. Drie vroue in boerkas het ‘n polisiekantoor in Mombasa in Kenia al kletsend binnegdring, waar hulle een polisieman met ‘n mes aangeval het voordat hulle die gebou met behulp van ‘n petrolbom aan die brand gesteek het.

Die drie is op die toneel doodgeskiet.

Die polisie het ook ‘n selfmoordgordel gevind wat nie ontplof het nie, het ‘n polisiewoordvoerder gesê.

Die stad Mombasa aan Kenia se kus het ‘n groot Moslembevolking en het die afgelope jare gereeld onder aanvalle deur Islamitiese militante deurgeloop.

Die vroue het onder die voorwendsel dat hulle ’n gesteelde telefoon wou aanmeld, Saterdagoggend by die polisiekantoor ingestap. ’n Petrolbom en ’n mes was in hul boerkas, ook bekend as boei-boei, versteek.

Twee polisiebeamptes is in die hospitaal opgeneem en word vir hul beserings behandel.

‘n Vrou by wie die drie vroue die nag vantevore tuis gegaan het, word aangehou. Drie ander mense is by die huis van een van die aanvallers aangekeer.

Die polisie het nie gesê aan watter militante groep die vroue verbind word nie, maar ’n ooggetuie op die toneel het gesê die vroue het gesê hulle is lojaal aan Al-Sjabaab.

Hulle het ook Arabiese slagspreuke soos “Alla uAkbar” tydens die aanval geskree.

Die Somaliese groep Al-Sjabaab, wat bande met Al-Kaïda het, het aanspreeklikheid vir die aanval in Mombasa aanvaar en sê die aanval is ter vergelding vir die troepe wat Kenia na Somalië gestuur het.

SA uitgedaag om Moslemveelwywery te erken

Die Vroueregsentrum gaan die Suid-Afrikaanse regering in die Wes-Kaapse Hooggeregshof uitdaag om Moslemveelwywery te erken.

Moslemvroue is glo ongelukkig oor die versuim om Moslemhuwelike amptelik te aanvaar.

Verskeie regeringsdepartemente insluitende Binnelandse Sake staan die aansoek teen.

‘n Prokureur, Hoodah Abrahams-Fayker, sê wanneer burgerlike of gewoontereghuwelike misluk, tree die reg in om regverdigheid tussen die eggenote te verseker en kinders te beskerm.

Abrahams-Fayker sê dit is nie die geval met Moslemhuwelike nie.

Sy sê hulle dien die aansoek in in die openbare belang omdat die gebrek aan erkenning vroue en kinders raak.

Iran verbied by hajj in Saoedi-Arabië

Arabiese Golfstate het Iran daarvan beskuldig dat hulle probeer om die hajj te “verpolitiseer”, nadat die land se opperleier die Saoedi-owerhede oor die bestuur van die jaarlikse pelgrimstog gekritiseer het.

Ten minste 2426 mense, insluitend 464 Iraniërs, is dood in die stormloop by verlede jaar se pelgrimstog in Saoedi-Arabië (foto). Volgens Saoedi-owerhede, is net 769 dood.

Die Ayatollah Ali Khameini het die Saoediërs van moord beskuldig: “Die hartelose en moorddadige Saoediërs het die beseerdes saam met die dooies in houers opgesluit.

“In plaas daarvan om aan hulle mediese behandeling te gee, hulle te help of ten minste hul dors te les, is die oorlewendes almal vermoor.”

Die hoof van die sesnasie Golf Samewerkingsraad sê die Ajatolla se opmerkings waarin hy Rijad van die moord op Iranse pelgrims by verlede jaar se hajj beskuldig, is “onvanpas en aanstootlik.”

Abdoellatif al-Zajani sê die opmerkings is ’n “duidelike aanhitsing en ’n desperate poging om die hajj te verpolitiseer”.

Vanjaar is die eerste keer in byna drie dekades dat Iraniërs nie deel van die jaarlikse pelgrimstog na Moslem heilige plekke in Saoedi-Arabië sal wees nie, nadat gesprekke oor logistiek en veiligheid in Mei ’n dooie punt bereik het.

Die woordewisseling tussen die twee lande wat nie diplomatieke betrekkinge het nie, kom op die vooraand van die pelgrimstog wat Saterdag begin.

Saoedi-Arabië het Iran daarvan beskuldig dat hulle nie ware Moslems is nie, maar Zoroastrane, ‘n antieke pre-Islamitiese geloof. Sjeikh Abdul-Aziz Al-as-Sheikh het Woensdag gesê: “Ons moet verstaan dat hulle nie Moslems is nie.”

Saoedi-Arabië se bevolking is byna 90 persent Soenni en is lank reeds in stryd met die 95 persent Sjia Iran – twee denominasies wat sedert die 7de eeu in konflik verkeer, maar meer onlangs word Saoedi-Arabië daarvan beskuldig dat hulle Islamitiese fanatisme en terreur aanmoedig met ondersteuning aan ISIS.