Grondwethof – Bladsy 2

Sassa na Grondwethof oor uitkerings aan 5 miljoen mense

Die maatskaplike agentskap Sassa wat gemoeid is met die uitkering van staatstoelaes, sê die tenderproses vir die toewysing van uitkerings sal nie oorgedoen kan word nie.

Die Grondwethof het laat verlede jaar bevind dat die tenderproses ongeldig was.

Sassa sal betoë aan die Grondwethof rig om ‘n oplossing te vind sodat die betaling van die toelaes aan sowat vyf miljoen begunstigdes nie in die gedrang kom nie.

Die Hof het vroeër gelas dat ‘n verdere verhoor nodig sal wees om ‘n toepaslike regstelling vir die foutiewe tendersproses te vind.

Die ongeldigheidsbevel is opgeskort om te sorg dat die betaling van toelaes nie geraak word nie.

Sassa het egter aangedui dat dit nooit die bedoeling was dat betalings op ‘n permanente grondslag deur ‘n tweede party gedoen sal word nie

Sassa sal self uiteindelik die betaling van toelaes oorneem.

Popela kry grond na eis slaag

Die Popela-gemeenskap buite Modjadjiskloof in Limpopo gaan uiteindelik hulle grond terugkry, sewe jaar nadat die Grondwethof beslis het dat swart individue die regmatige eienaars is.

Die streek se grondkommissaris, Tele Maphoto het bevestig dat die eis binnekort afgehandel sal wees, nadat ‘n ooreenkoms tussen die huidige eienaars en die Kommissie vir Grondeise bereik is.

Die gemeenskap het die Hof tien jaar gelede genader nadat laer howe beslis het dat hulle nooit op die grond gewoon het en dus nie die regmatige eienaars is nie.

Regter Dikgang Moseneke het toe bevind dat Popela nie bestaan het as ‘n gemeenskap ten tye van die onteiening nie, maar as individuele huurarbeiders en dat hulle as individue oor dieselfde regte as gemeenskappe beskik.

Die uitspraak het ‘n beroering veroorsaak omdat die betrokke gemeenskap as individue die eis teen ‘n boer Augustus Altenroxel, van Limpopo, geloods het.

Altenroxel het volgehou dat hy destyds nooit geweet het van apartheidswette soos die Naturelle Wet oor Grondbesit, die Naturelle Trust en Grondbesitwet, die Bantoe Wysigingswet op en die regeringskennisgewing van 1970 oor swart huurarbeid nie.

Die bestuur van die Wesfalia-plase het sedertdien geweier om ‘n stuk grond vry te stel sodat die gemeenskap toegang tot water kan hê.

Die Popela-gemeenskap het in Julie na Westfaliaplase by Mooketsi opgeruk om hul grond terug te eis van die huidige eienaars ná die Grondwethof se beslissing van agt jaar gelede oor ‘n aantal plase in die Mooketsi-gebied.

Die grondkommissaris het toe gesê dat hulle die onteieningsroete sal volg as die eienaars nie gehoor gee aan die beslissing nie.

Die Popela-gemeenskap se woordvoerder Ally Maake het toe gesê hulle sal die grond met geweld vat indien die huidige eienaars voortgaan om te weier om dit te oorhandig wat ook die toegang tot water insluit.

Konsensuele seks tussen kinders nou wettig

Nege regters van die Grondwethof het eenparig beslis dat artikels 15 en 16 van die Wet op Strafreg (Seksuele Oortredings en Verwante Aangeleenthede) ongrondwetlik is.

Konsensuele seks, soen en vry tussen kinders van 12 tot 16 jaar sal dus nie meer as misdade beskou word nie.

Die hof het bevind die artikels die waardigheid en privaatheid van vroeë adolessente aantas en dat dit ook nie die beste belange van sulke kinders bevorder nie, wat glo teen die Grondwet indruis.

Die artikels het vroeër konsensuele seksuele kontak, liefkosings, soene en vry tussen 12- tot 16-jariges (vroeë adolessente) tot ’n misdaad verklaar. Sedert die wet in werking getree het is verskeie kinders ingevolge daarvan aangekla.

Seksaktiviste het Jeff Radebe, minister van justisie, aangespoor om ’n moratorium op alle ondersoeke, inhegtenisnemings, vervolgings en strafregtelike prosesse in verband met art. 15 en 16 sover dit konsensuele vroeë adolessente betref, te plaas.

Women’s Legal Centre, een van die partye in die geding, het gesê daar is ’n baie hoë persentasie onbeplande tienerswangerskappe, maar dit is nou nie meer “ondergronds” nie.

Dié stelling is vreemd aangesien die staat se maatskaplike uitkerings aan vroeë adolessente wat swanger raak, nog nooit ondergronds was nie.

Prof. Tom Coetzee, strafregkenner van Potchefstroom, het aan Beeld gesê deur die twee artikels “het die wetgewer ’n eeue oue fase waardeur elke kind gaan, naamlik seksuele ontwaking, op ’n absurde en vreemde manier strafbaar gemaak.”

Einde van model-C-skole? Grondwethof plaas staat in beheer

Die onderwysdepartement het die mag om ‘n skool se toelatingsbeleid te bepaal, het die Grondwethof Donderdag bevind.

Dit het gedeeltelik die appèl van die onderwysdepartement gestand gedoen teen die uitspraak van die Appèlhof en bevind dat die onderwysdepartement in Gauteng oor die mag beskik om ‘n leerling tot Rivonia Primary School toe te laat ongeag die skool se toelatingsbeleid.

Die saak het voor die Grondwethof gedien nadat ‘n graadeen-leerling ‘n plek by dié Johannesburgse skool vir die 2011- skooljaar geweier en op ;’n waglys geplaas is.

Die kind se ma het by die owerheid gekla en die hoof van die departement in Gauteng het beveel dat die kind toegelaat word.

Die skool het ‘n aansoek in die Hoë Hof in Johannesburg gebring ten einde ‘n uitspraak te verkry dat die skool oor die magte beskik om toelatingsbeleid te stel en om leerlinge kragtens daardie beleid toe te laat. Die hof het die aansoek van die hand gewys.

Die skool het daarna die Appèlhof genader, wat bevind het dat die departement nie oor die mag beskik om ‘n skool se toelatingsbeleid te bepaal nie. Die saak is daarna na die Grondwethof geneem.

Donderdag het die hof in ‘n meerderheidsbesluit bevind dat die hoof van die onderwysdepartement oor die mag beskik om die leerling toe te laat.

Die Grondwethof het verlof tot appèl toegestaan en het die Appèlhof se bevel tersyde gestel en vervang.

“Dit word verklaar dat die hoof van die onderwysdepartement in die provinsie Gauteng oor die mag beskik om ‘n opdrag aan die hoof van Rivonia Primary School uit te vaardig om ‘n leerling buite die perk van sy toelatingsbeleid toe te laat.”

Die hof het egter bevind dat die departement in die uitoefening van sy mag om ‘n hoof van ‘n openbare skool te beveel om ‘n leerling te aanvaar, van ‘n billike prosedure gebruik moet maak.

“Dit word verklaar dat die hoof van die departement van onderwys in die provinsie Gauteng nie van ‘n billike prosedure gebruik gemaak het toe dit ‘n opdrag aan die hoof van Rivonia Primary School uitgevaardig het om ‘n leerder toe te laat en toe dit die leerder in die skool geplaas het nie.”

In ‘n verduidelikende verklaring ná die uitspraak, het die hof gesê dat ‘n skoolbeheerliggaam se mag om die kapasiteit van die skool as deel van sy toelatingsbeleid te bepaal aan ander bepalings van die Skolewet onderworpe is, waaronder die departement wat “uiteindelike beheer oor die toepassing van toelatingsbesluite behou”.

Verder verskaf provinsiale regulasies die mag aan die hoof van die departement om ‘n skoolhoof se verwerping van ‘n leerling se toelatingsaansoek om te keer. – Sapa

VF behaal historiese oorwinning met stemreg

Die Vryheidsfront Plus verwelkom die aanvaarding van die Wysigingswetsontwerp op die Kieswet ingevolge waarvan alle Suid-Afrikaanse burgers aanstaande jaar in die algemene verkiesings sal kan stem, sê dr. Corné Mulder, die Vryheidsfront Plus se hoofwoordvoerder oor binnelandse sake.

Dr. Mulder het vandag in die parlement gesê dit is ‘n ‘historiese dag en ‘n groot sukses’ wat die VF Plus behaal het vir duisende Suid-Afrikaners in die buiteland wat wil stem in die algemene verkiesing van 2014.

Die wetswysigings vandag was ‘n opdrag van die Grondwethof aan die Parlement. Dit het gevolg nadat die VF Plus die kwessie dat Suid-Afrikaanse burgers in die buiteland nie mag stem nie, suksesvol na die Grondwethof geneem het. Die Grondwethof het beslis dat die stemreg om praktiese redes net op nasionale vlak en nie op provinsiale vlak kan wees nie.

Die Demokratiese Alliansie het teen die wet gestem. Dr. Mulder het gesê hy is ‘verstom’ oor die DA se optrede aangesien dit mense in die buiteland aanstaande jaar hul stemreg kan ontneem. As die wet nie nou aanvaar word nie as gevolg van die DA se optrede of deur hofsake vertraag word, verval hierdie opsie vir alle Suid-Afrikaners in die buiteland

Wysigings wat nou aan die Kieswet aangebring gaan word, sal Suid-Afrikaners in die buiteland toelaat om nuut as kiesers te registreer in die land waar hulle tans is. Dit was voorheen nie die geval nie.

Oor die DA se optrede het dr. Mulder gesê dié party besef al te goed dat mense in die buiteland nie stemreg op provinsiale vlak sal kry nie as gevolg van die grondwethof se uitspraak en praktiese oorwegings.

“Julle weet dit. Dit is opportunisties. Die DA speel hier om stemme te werf deur die indruk by die publiek te probeer skep dat hy vir hulle veg.

“Wees net een keer eerlik en erken die poging gaan nie slaag nie. Ek kan net hoop dat die DA hieroor tot sy sinne gaan kom,” het dr. Mulder gesê.

Reuse vagina by Grondwethof tentoongestel

Johannesburgers het nou die geleentheid om deur ‘n groot vagina te loop, dit alles te danke aan ‘n kunsinstallasie wat opgerig is by die Grondwethof, op Konstitusieheuwel in Johannesburg. Die Grondwethof is die setel van die “wigte en teenwigte” van die nuwe regime.

Konstitusieheuwel huisves onder meer die ou Vrouetronk wat in ‘n besienswaardigeid omskep is om wit skuld onder besoekers se aandag te bring.

“Deur die skep van die vagina waarin jy loop, bevat dit wat jou as die kyker, maar ook gille en lag, amper soos ‘n strydkreet wat in opstand kom teen die tronk,” het die kunstenaar Reshma Chhiba het aan die Sunday Times gesê.

Die loopvlak – geïnstalleer in afdeling twee van die tronk – is 12 meter lank en bestaan uit rooi fluweel en katoen. ‘n Klankbaan van die lag en skree is te hore.

“Nie baie mense nie – mans of vroue – is gepla om deur middel van hierdie vaginale kanaal te loop nie,” sê Chhiba.

Sy het gesê dat ten spyte van die feit dat die werk gekoppel is aan die Hindoegodin Kali, wou sy nie gesien word as iemand wat net met die maak van Indiese kuns besig is nie. “Dit is ‘n globale vagina,” sê Chhiba.

Die installasie is deel van ‘n groter projek – ‘Die Twee Pratende Yonis‘. Yoni is Sanskrit vir vulva. Foto’s en skilderye sal uitgestal word by twee ander plekke.

“Dit is skrikwekkend om mense te kry met patriargale waardes opgevoed is,” het sy aan die Sunday Times gesê.

Grondwethof gooi DA se wantroue mosie uit

Die Grondwethof het ‘n appèl deur die Demokratiese Alliansie, oor sy debat oor ‘n mosie van wantroue in president Jacob Zuma, met koste van die hand gewys.

Die DA het die mosie ingedien slegs enkele weke voor die ANC se verkiesingskonferensie in Desember verlede jaar.

Die mosie kon egter nie gedebatteer word nie, omdat die forum vir hoofswepe en die komitee belas met die parlement se program nie ‘n ooreenkoms kon bereik oor wanneer dit moet plaasvind nie.

Die adjunk-hoofregter, Dikgang Moseneke, sê die meerderheid regters het bevind dat die mosie op sigself onder verdenking is. – RSG

Crawford-Brown se aansoek verwerp

Die Seriti kommissie van ondersoek na wapenaankope het ‘n aansoek van een van die latere getuies voor die kommissie, Terry Crawford-Brown, verwerp dat die wapenaankooptransaksies in die negentigerjare onwettig verklaar word.

Crafford-Brown maak in sy aansoek ook beswaar maak dat die kommissie sekere dokumente geklassifiseer het.

Crawford-Brown se aansoek by die Grondwethof oor beweerde bedrog van sowat R70 miljard by die wapentransaksie, het tot die aanstelling van die kommissie gelei.

Die kommissie sê hy kan nie aanbevelings maak voordat getuienis nie van mense aangehoor is om duidelikheid te verkry nie.

Intussen het die getuies voor die kommissie se openbare sitting begin getuig.

Hulle is senior offisiere van die Suid-Afrikaanse vloot, wat sal verduidelik waarom nuwe wapens nodig was tydens die transaksies en watter aankope aanbeveel is. – RSG

Grondwethof verwerp Marikana-aansoek om staatsbefondsing

Die Grondwethof het die appèlaansoek van regsverteenwoordigers van mynwerkers by die Marikana Kommissie van Ondersoek verwerp.

Die regters in die hof het in ‘n eenparige uitspraak die aansoek verwerp om ‘n tussentydse bevel van die Noord Gautengse Hooggeregshof ter syde te stel. Dié hof het gelas dat die staat nie ‘n verpligting het om die mynwerkers se regsverteenwoordigers te betaal terwyl hulle op ‘n hersienig van die befondsingskwessie wag nie.

Die Grondwethof sê hy hoor nie appèlaansoeke oor tussentydse bevele aan nie.

Die president van die Hof het die uitspraak gelewer.

Die uitspraak oor die Marikana Kommissie van Ondersoek se befondsinggeskil sou aanvanklik Vrydag – die eerste herdenking van die slagting – gelewer word.

Die hof het egter later ‘n kennisgewing uitgereik dat uitspraak Maandag gegee sal word.

Die geskil oor betaling het die Kommissie se werksaamhede lamgelê. Die regsverteenwoordigers van die mynwerkers, en die families van die 34 afgestorwe mynwerkers, het hulle aan die Kommissie se werksaamhede onttrek nadat hulle aansoek dat die staat hulle regskoste betaal, in die Hooggeregshof van die hand gewys is.

Daarna het hulle ‘n dringende appèlaansoek by die Grondwethof ingedien. Uitspraak is gelewer sonder dat betoë aangehoor is.

Intussen sal die Kommissie van Ondersoek sy werksaamhede hervat. – RSG

Cachalia kritiseer ‘syferspeletjie’

Appèlhofregter Azhar Cachalia het die Geregtelike Dienstekommissie het gister gesê hy is gekant teen die “syferspeletjie” as dit daarby kom om swart of wit regters aan te stel.

“As ek of my gesin of iemand wat voor ‘n regter verskyn, wil ek nie ‘n regter hê wat soos ek lyk nie, ek wil ‘n regter hê wat regverdig is,” het hy tydens sy onderhoud van een van die vier posisies op die Grondwethof gesê.

Hy het gereageer op ‘n vraag van die Onafhanklike Demokrate se leier, Patricia de Lille, oor of Indiërs en kleurlinge in die definisie van “swartes” ingesluit moet word.

Hy het gesê dat alhoewel breëbasis ekonomiese bemagtigingswetgewing swart as swart, kleurlinge en Indiërs definieer, dit iets was waarin mense “vasgevang” word.

Die fokus moet eerder daarop wees om iemand aan te stel wat ‘n nie-rassistiese, nie-seksistiese regsamptenaar sal wees.

Hy het gesê dat gedurende die apartheidseraregering van die Nasionale Party, wie se beleid daarop gebaseer was om swartes en blankes te skei, hulle uit ‘n poel blanke regters gekies is, en dat daar ‘n sterk gevoel was dat hulle kwotas vir Jode ingestel het.

“Daar kon nie meer as een of twee in die appèlhof wees nie. Hulle het al die ander uitgesluit en binne die wit troep het hulle die syferspeletjie gespeel en ek vol baie sterk daaromtrent en ons kan nie weer die syferspeletjie speel nie.”

Die IVP se Koos van der Merwe sê hy was daardie tyd in die Nasionale Party en het nooit van so iets gehoor nie, waarna Cachalia teruggekrabbel het en gesê het “dit is hoe dit in regskringe geïnterpreteer is.”

кабины депутат лобановский

Ermelo: gaan Grondwethof Afrikaans die doodskoot gee?

Die taalsaak rondom Hoërskool Ermelo wat tans voor die Grondwethof dien, hou verreikende implikasies vir die voortbestaan van Afrikaans as skooltaal in. Die ANC-bewind, asook die Britse kerke en regering wat die organisasie dekades lank ondersteun en uiteindelik aan bewind gebring het, was nog nooit gediend met 'n ander taal wat die hegemonie van Engels in die land versteur nie.

Te oordeel aan al die Afrikaansvyandige maatreëls wat sedert 1994 deur die ANC getref is, ly dit geen twyfel dat sy einddoel die totale vernietiging van Afrikaans as kultuur- en onderwystaal is nie.

Nadat die Appèlhof in Bloemfontein Ermelo-hoërskool gelyk gegee het dat die skool en sy beheerraad die reg het om sy taalbeleid te bepaal, het die staat na die Grondwethof geappelleer. Sedert sy ontstaan kort na die inwerkinstelling van die nuwe grondwet, is die Grondwethof hoofsaaklik 'n politieke hof wat deur linkse, ANC-gesinde regters oorheers word.

Die teenstrydigheid tussen Afrikaanse taalregte en die sogenaamde "toegangsreg" van die Suid-Afrikaanse rassemeerderheid wat Engelse verkies, is die spil waarom die saak draai. Dit sou uiters verbasend, selfs verrassend wees, indien die Grondwethof met sy linkse, Engelssprekende regters hoegenaamd dieselfde argument as die Appèlhof eerbiedig. Daarvoor weeg die geskiedenis van die ANC en sy meelopers in regskringe te swaar. Van die vyandige vrae wat reeds deur regters Kate O'Regan en Dikgang Moseneke aan die skool se regspan gevra is, het reeds 'n aanduiding gegee van hoe die wind waai.

Waarskynlik gaan die skool en Afrikaans op een of ander manier deur die Grondwethof gestraf word. Indien beheerrade se reg om 'n skool se taalbeleid vas te stel, afgewys word, sal dit die deur open vir die onderwysdepartement om feitlik alle oorblywende Afrikaanse skole binne enkele jare tot oorgawe te dwing en Engels in te stel.

So 'n radikale uitspraak deur die hof mag egter die spreekwoordelike vonk in die kruitvat wees wat 'n apatiese Afrikanervolk in beroering bring. Getrou aan die agterbaksheid van sowel die ANC as die Britise koloniale bewind in Suid-Afrika, gaan die hof egter heel waarskynlik 'n dubbelsinnig uitspraak lewer wat op die duur Afrikaans-negatief gaan wees, maar wat in polities korrekte terme geklee gaan wees.

'n Ander alternatief is dat die skool op tegniese gronde gestraf mag word en verengels mag word, maar dat die beginsel van "meertaligheid" of "moedertaalonderwys" in naam bevestig mag word. Dit sou die deur vir die onderwysdepartement oophou om Afrikaanse skole een na die ander aan te val en te verengels, alles in die naam van meertaligheid en menseregte.

Een ding staan egter vas: die Grondwethof se uitspraak kan heelwat doen om die vernietiging van Afrikaans te verhaas, maar gaan nie die taal se haglike toestand verbeter nie. Selfs 'n neutrale uitspraak of handhawing van die Appèlhofsiening sal blote oëverblindery wees om die naïewelinge daar buite te oortuig dat ons waarlik in 'n demokrasie woon waarin taalregte erken en geag word.

Paradoksaal genoeg, kan 'n uitspraak téén Afrikaanse skole deur die Grondwethof, hoewel skadelik vir Ermelo, vir Afrikaans dalk positief wees omdat dit finaal die skille van ons mense se oë sal laat afval en tot een of ander vorm van daadkragtige optrede mag lei. Hoewel Ermelo 'n verbete stryd in die howe geveg het om die onredelike afdwing van Engels deur die staat teen te staan, moet ons besef dat honderde ander Afrikaanse skole reeds sonder slag of stoot gesneuwel het en vandag eentalig-Engels is.

Die proses van taalmoord gaan dus nie deur 'n selfs gunstige hofuitspraak gestuit word nie. Daarvoor is daadwerklike en doeltreffende verset teen die anglosentriese ANC-regime nodig.

Ons kan net hoop dat, hetsy positief, hetsy negatief, die uitspraak wel iewers 'n snaar kan roer om Afrikanerwoede teen die onreg wat daar tans teen Afrikaans gepleeg word, te laat opvlam.

Grondwetregter trek te velde teen Afrikaanse skool

Leerlinge aan die Ho?rskool Ermelo betoog teen die verengelsings van hul skool deur die onderwysdepartement van Mpumalanga

Regter Kate"O'Regan van die Grondwethof het gister gesê "die houding van Hoërskool Ermelo pla my… dis nie 'n houding wat ons grondwet in die vooruitsig stel nie". Hiermee het O'Regan na die 100%-slaagsyfer van Ermelo, 'n Afrikaansmediumhoërskool verwys, en by implikasie gesê dat die skool met sy slaagsyfer spog terwyl omliggende Engelstelalige skole swakker vaar.

Die adjunkhoofregter, Dikgang Moseneke, het hom insgelyks negatief oor Afrikaanse taalregte uitgelaat. Moseneke het die "toelaatbaarheid van 'n reg" bevraagteken indien dit ander se regte om by 'n bepaalde skool toegelaat te word ondermyn.

"As jy een reg het wat bo 'n ander gestel word… is dit gewoonlik 'n rooi verkeerslig. Om daarop geregtig te wees om enkelmedium in te stel… dis 'n reg maar dit word bokant 'n ander reg gestel om akkomoderend te wees en ander tale te erken," het Moseneke gesê.

Die staat en die onderwysdepartement voer aan dat Ermelo se taalbeleid, wat reeds 93 jaar oud is, nie "die regte van kinders voorop stel nie".

Die staat se senior advokaat, Bantubonke Tokota, het gesê: "Die Afrikaanse taalbeleid by die skool wat ten alle koste gehandhaaf word, demonstreer dat die beheerliggaam die bedoeling het om die skool eksklusief vir Afrikaners te behou.

"Dit kom by implikasie regstreeks of onregstreeks neer op diskriminasie op grond van taal en dienooreenkomstig bring dit 'n grondwetlike geskil na vore."

Tokota het ook aangevoer dat die onderwysdepartement oor die mag beskik om die beheerliggaam van 'n skool op te skort en self oor die taalbeleid van 'n skool te besluit deur dubbelmedium af te dwing.

In sy teenargument, het senior advokaat Wim Trengove namens die skool en sy beheerliggaam aangevoer dat Mpumalanga se onderwysdepartement geen reg had om die skool se taalbeleid te verontagsaam en dubbelmedium in te stel nie.

"Die magte om die skool se taalbeleid te bepaal, berus uitsluitlik by die beheerliggaam… Die beheerliggaam was andersins verplig om die skool se taalbeleid vas te stel in die beste belang van die skool en die leerders se opvoeding. Dis wat die skool gedoen het," het hy gesê.

Trengove het insgelyks aangevoer dat die geskil oor die toelating van nie-Afrikaanssprekende leerlinge by die skool vermy kon gewees het indien die departement die kwessie van oorbevolking in die Engelsmediumskole aangespreek het, wat daartoe gelei het dat die leerders hulle na Hoërskool Ermelo vir toelating gewend het.

Op hierdie punt het regter Kate O'Regan, een van die linkse Engelstalige regters van die Grondwethof, die "houding van die skool" gekritiseer.

'n Ander senior advokaat, Johan du Toit, het namens die Federasie van skoolbeheerliggame vir Suid-Afrikaanse skole (FEDSAS) opgetree.

Du Toit het gesê dat beheerliggame grondwetlik gemagtig is om die taalbeleid van skole wat hulle dien, vas te stel.

"Artikel 6(2) van die SA skolewet verleen aan skole se beheerliggame die mag om 'n skool se taalbeleid te bepaal. Die liggaam behoort toegelaat te word om dit te doen sonder onregmatige belemmering of verhindering.

"Siende dat die beheerliggaam deur wetgewing tot stand kom, behoort geen ander liggaam daardie funksie te vervul nie, bowenal nie 'n liggaam van onverkose buitestanders soos die tussentydse komitee wat (by Hoërskool Ermelo) oorgeneem het nie," het Du Toit gesê.

Hoofregter Pius Langa het uitspraak in die saak voorbehou.

камины в стиле лофт Фільчаков прокурор