Donald Trump – Bladsy 2

Richard Spencer in die gesig geslaan by Trump se inhuldiging

Richard Spencer is Vrydagmiddag (Washington DC-tyd) uit die bloute deur ‘n betaalde antifa-betoger in die gesig geslaan, terwyl hy besig was om ‘n onderhoud met ‘n groep joernaliste te voer.

Donald Trump is Vrydag, 20 Januarie as die 45ste president van die Verenigde State van Amerika ingesweer. Spencer was in Washington om voetsoolvlakverslaggewing te doen. Hy was besig om ‘n vraag oor sy “Pepe”-lapelwapen te beantwoord toe die blanke skurk in ‘n swart masker hom met die vuis bydam.

Daar is Vrydag wêreldwyd in die alternatiewe media oor gewelddadige optogte en vandalisme verslag gedoen.

Die hutsmerk #RichardSpencer was tydens die skryf van hierdie berig die nommereenhutsmerk op Twitter.

Vele bekende figure soos Keith Olbermann en Patton Oswald het hulle teen gunste van die antifa-man se gedrag uitgespreek. ‘n Bakleiery het op Twitter losgebars toe altregse figure soos “Baked Alaska” en “Paul Joseph Watson” ingespring het om Spencer te verdedig.

‘n Bord met die woorde “white lives matter too much” kan in die agtergrond van hierdie video gesien word waarin die aanval op Spencer vasgelê is.

Ek het die volgende kommentaar op Spencer se splinternuwe www.altright.com gelaat:

The overwhelming support/laughter/joy coming from the left/celebrities after this incident should remind all white people: THEY HATE YOU! THEY WANT YOU DEAD!

Suid Afrikaners is gewoond aan geweld teen diegene wat deur linkses as “ketters en hekse” beskou word. Sekere opinies of politieke standpunte verdien om met ‘n ysterhand deur die uitverkorenes vermink en belaglik gemaak te word.

Blankes is wêreldwyd in groot, groot moeililkheid.

Burgers van alle lande; mense wat dalk voorheen middelmatig was, hunker na ideologieë wat oplossings bied.

#RichardSpencer was een van die min hutsmerke wat Vrydag nommer een op Twitter behaal het. #Inauguration was die ander belangrike een. Dink bietjie daaraan: Spencer en President Trump word nou in dieselfde asem genoem!

Byt vas. Blankes gaan nie langer die internasionale epidemie van geweld — wat deur verskeie polities en rasgedrewe faksies teen hulle gevoer word — duld nie.

—Vicky

Marine Le Pen bring besoek aan Trump Tower

Die Franse presidentskandidaat van die nasionalistiese Front National het gisteraand Suid-Afrikaanse tyd besoek gebring aan die Trump Tower in New York, hoofkwartier van mnr. Donald Trump. Sy is ook afgeneem in die geselskap van drie mans: haar metgesel en visepresident van die party, Louis Aliot, tesame met Guido “George” Lombardi en Le Pen se internasionale raadgewer, Ludovic De Danne.

Lombardi beskik volgens berigte oor bande met Europese patriotiese partye, maar is ook — volgens Politico — ‘n lid van die Trump-span. Hy woon self in die Trump-toring.

Marine Le Pen het haar besoek aan New York as “privaat” beskryf, maar tans gis heelwat media oor die besoek. Self wou sy nie sê of daar enige ontmoetings met Donald Trump sou plaasvind nie, terwyl die Trump-span volgens die BCC gesê het dat “daar geen vergaderings sou plaasvind nie”. ‘n Privaat of informele ontmoeting met Trump is dus nie uitgesluit nie.

Volgens die huidige meningsopnames in Frankryk behoort Madame Le Pen deur te dring tot die tweede en finale rondte van die presidentsverkiesing in dié land wat aan die begin van Mei gehou sal word. Haar grootste teenstanders tans is Manuel Valls van die Sosialistiese Party en François Fillon van die Republikeine. Die onafhanklike kandidaat Emanuel Macron geniet ook beduidende steun en dit is moontlik dat hy beter as Valls tydens die eerste rondte van die verkiesing einde April mag vaar.

Top-Trump raadgewer sê CIA se kierangs gaan braai

‘n Topassistent van verkose pres. Donald Trump het Sondag gesê Amerika het oneweredig opgetree toe hy besluit het om 35 Russiese diplomate uit die VSA te skop.

‘n Vliegtuig met 35 Russiese diplomate en hul families moes Washington Sondag verlaat en terugkeer na Rusland, nadat die Obama-administrasie naarstiglik na redes moes soek om verhoudinge tussen Rusland en die VSA verder te versuur voordat Trump oorneem.

Pres. Barack Obama het dié diplomate uit die land geskop nadat vals nuus versprei is oor Rusland se beweerde inmenging in die Amerikaanse presidentsverkiesing.

Sean Spicer, Trump se nuwe Withuis-woordvoerder, het aan ABC gesê hy gaan moeilike vrae aan Amerikaanse spioene vra.

Obama se stap om die Russiese diplomate uit te skop, volg ná ‘n ondersoek deur die CIA, die Amerikaanse geheime diens. Dit het sedertdien duidelik geword dat die CIA ‘n duidelike politieke agenda nastreef net soos met hul liegstories oor “wapens van massavernietiging” in Irak as verskoning om die Midde-Ooste te gaan destabiliseer.

Trump vergader vandeesweek met die intelligensiedienste.

Hy het die laaste tyd bewerings deur Amerikaanse intelligensieagentskappe dat Rusland die Amerikaanse presidentsverkiesing met kuberkrakery wou beïnvloed, van die tafel gevee.

Spicer sê toe kuberkrakers van China in 2015 op die Amerikaanse regering se rekenaarstelsels toegeslaan en die persoonlike inligting van vier miljoen huidige en voormalige federale werknemers gesteel het, was daar geen openbare optrede nie.

“So ‘n mens kan vra of daar hierdie keer politieke vergelding was eerder as ‘n diplomatieke reaksie,” sê Spicer.

Die diplomate het 72 uur gehad om die land te verlaat.

Intussen het Media24 die CIA se wolhaarstories van CNN gedienstig herhaal:

“Volgens dié koerant [Guardian] het die Russiese owerhede reeds opdrag gegee dat die Anglo-Amerikaanse skool in Moskou gesluit word waar die kinders van Amerikaanse, Britse en Kanadese diplomate skoolgaan. Dit kan verreikende gevolge vir Westerse diplomate in die Russiese hoofstad inhou.”

Dié vals nuus kom van CNN en die Guardian het bloot herhaal wat CNN berig het.

Die inligting oor die sluiting van die Anglo-Amerikaanse skool in Moskou is versprei deur CNN en is heeltemal vals, het die Russiese ministerie van buitelandse sake se woordvoerder, Maria Zakharova, op haar Facebook gesê.

“Amerikaanse amptenare is ‘anoniem ingelig’…Dit is ‘n leuen. Blykbaar het die Withuis heeltemal sy beheer verloor oor sy sintuie en begin nou sanksies teen sy eie kinders uitroep.”

“Die CNN TV-kanaal en ander Westerse media het weer vals inligting versprei met verwysing na die amptelike Amerikaanse bronne,” het Zakharova gesê.

‘n Groter kopseer vir die anti-Trump juigkommando by Naspers, is WikiLeaks. Julian Assange het nog plofbare materiaal belowe en reeds aangedui dat dit 1000 persent seker is dat Rusland nie kuberinbrake gepleeg het wat die Demokrate se onderduimshede ontbloot het nie.

Naspers ignoreer WikiLeaks soos ‘n stopstraat, terwyl Leopold Scholtz op Maroela Media probeer voorgee dat hy nog nooit ‘n Hillary-ondersteuner was nie.

Karel Combrinck: Israel quo vadis?

Die meeste Afrikaners het ‘n sagte plek vir Israel en die Israeli’s. Dit is omdat hulle parallelle sien tussen ons situasie en hulle s’n: Soos ons, het hulle ook ‘n moderne en ontwikkelde land uitgekap uit ‘n halfwoestyn en dít in die aangesig van vyandige menigtes wat hulle omring. En dan kom daar darem seker ‘n tikkie Bybel ook by. Maar dit is sover as wat die ooreenkomste strek, want daar is meer verskille as parallelle: Ons het nie betekenisvolle en invloedryke Afrikanergemeenskappe in bykans elke land ter wêreld nie, ons beskik nie oor ‘n wêreldwye medianetwerk nie, ons word nie gerugsteun deur ‘n magtige internasionale bank- en finansiële stelsel wat in groot mate deur ons beheer word nie en ons het nie die magtigste land op aarde wat ‘n beskermende hand oor ons hou nie. Inteendeel, het daardie land ‘n sleutelrol gespeel om ons ondergang te bewerkstellig. Ons het ook nie die kundigheid, lewenservaring, taalvaardighede en uitgeslapenheid wat kenmerkend van die Israelse bevolking is nie. En dan, die belangrikste verskil van almal: Die Israeli’s het nie halfpad tou opgegooi nie.

Enigeen wat belangstel in wêreldgebeure sal sekerlik bewus wees van die kardinale rol wat die staat Israel daarin speel. In enige toekomstige globale konflik en dit bly maar steeds ‘n potensiële bedreiging, sal Israel direk of indirek ‘n sentrale plek hê. Reeds lê die oorsaak vir die radikalisering van die Arabiese wêreld, met gepaardgaande terrorisme wêreldwyd, by die Verenigde State van Amerika se volgehoue en onvoorwaardelike steun aan die staat Israel. So is Rusland se hulp aan Sirië direk toe te skryf aan ‘n poging om ‘n teenvoeter te skep vir Amerika se Midde-Oosterse vesting in Israel.

Pas is daar in die Veiligheidsraad van die VN die soveelste resolusie aangeneem waarin die vestiging van Joodse nedersettings oos van die Jordaan in die sg. “besette gebiede ” veroordeel word. Veertien van die vyftien VR-lede het ten gunste van die voorstel gestem. Een, naamlik die VSA, het buite stemming gebly. Hierdie is ‘n nuwigheid betreffende Veiligheidsraadresolusies rakende Israel insoverre as wat die VSA tot dusver konsekwent sy veto teen sulke resolusies uitgeoefen het. Die Israelse eerste minister, mnr Netanyahou, het die weerhouding van die Amerikaanse veto as ‘n dolksteek in die rug beskryf.

In die afwesigheid van die Amerikaanse veto beteken dit dus dat die resolusie aangeneem is en dat Israel se kolonisering van die Oosoewer nou “verbied” word. Polities is die VR-resolusie uiteraard ‘n terugslag vir Israel, maar in die praktyk sal dit waarskynlik geen uitwerking hê nie. Ten spyte van die VSA se weerhouding van sy veto, is dit ondenkbaar dat Amerika bv. sal meedoen aan militêre optrede om die VR-besluit op Israel af te dwing of dergelike optrede selfs sal toelaat. Israel het ook reeds by monde van sy eerste minister, mnr Benjamin Netanyahu, bekendgemaak dat hulle nie aan die resolusie gehoor gaan gee nie.

Interessant van die geskiedenis tussen Israel en die VN is dat daar oor die jare dosyne besluite in die VN geneem is wat aspekte van Israel se beleid veroordeel. Almal het tot dusver op dowe ore geval, danksy Amerikaanse steun. So is daar sedert die stigting van die staat Israel in 1947 digby driehonderd besluite in die Algemene Vergadering geneem wat teen Israelse beleidsrigtings en optredes gemik is, asook tweehonderd-en-dertig resolusies in die Veiligheidsraad. Hierbenewens is Israel sedert 2013 ook nog in 45 resolusies van die VN se Raad op Menseregte veroordeel. Voorts het die Algemene Vergadering van die VN ook ‘n aantal resolusies aangeneem met die strekking dat die strategiese verbintenis tussen die VSA en Israel die Israeli’s aanmoedig om ‘n aggressiewe uitbreidingsbeleid te volg. ‘n Beter illustrasie van die onmag van die Volkereg as bostaande, is moeilik te vinde. Dis duidelik dat die Volkereg en sy hoofinstrument die VN, ‘n tandelose tier is en dat mag ten slotte die deurslaggewende faktor in internasionale betrekkinge bly.

Wat is nou die verklaring vir die weerhouding van ‘n Amerikaanse veto in die jongste VR-resolusie rakende Israel? Dit is alombekend dat mnr Obama geen ooghare het vir mnr Netanyahu nie, maar dat dit genoegsame rede is om die VSA van sy vetoreg in hierdie geval te laat afsien, lyk vergesog. Meer waarskynlik is dat Amerika weet dat sonder aktiewe Amerikaanse steun daar in elk geval geen sprake kan wees van dwangmaatreëls teen Israel nie ongeag van wat die VN besluit en dat dit dus eintlik onnodig is dat hy sy vetoreg hoef uit te oefen, veral aangesien die Amerikaanse veto in resolusies rakende Israel vir Amerika baie vyande wêreldwyd maak. As dit nodig word, sal Amerika enige VN-resolusie waarvan hy nie hou nie bloot verontagsaam. Dit sal natuurlik nie die eerste keer wees dat die VSA die prosedures en beginsels van die Volkereg ignoreer nie. Tydens die oorlog in Irak het die VSA hom gewoon afgevee aan die Volkereg sodat die sekretaris-generaal in 2004 oor die inval gesê het: “I have indicated it was not in conformity with the UN Charter. From our point of view, from the Charter point of view, it was illegal.”

Wat van mnr Trump? Ons staan op die vooraand van die intrede van mnr Trump as president met sy eie beleid en aanslag oor die internasionale politiek. Ons weet natuurlik nog nie wat sy beleid jeens Israel presies gaan behels nie, maar voorlopige aanduidings is dat hy ‘n hoogs simpatieke houding teenoor Israel gaan inneem. Hy het reeds aangedui dat hy ten gunste is van die verskuiwing van die setel van die Israelse regering van die huidige hoofstad, Tel Aviv, na Jerusalem, iets waarvoor die Jode reeds dekades agiteer en op ‘n uiterste provokasie teenoor die Arabiese wêreld sal neerkom.

Sover het ons die een en ander gesê oor die politieke, strategiese en regselemente van die “Israelkwessie”. Ons kyk dus nou na enkele van die meer fundamentele aspekte. In ‘n neutedop: Die staat Israel het tot stand gekom met die sg Balfour-deklarasie. Die Balfour-deklarasie was ‘n brief gedateer 2 November 1917 van die Britse minister van buitelandse sake, Lord Arthur James Balfour, gerig aan Baron Walter Rotschild, waarin hy onder meer die volgende sê:

“His Majesty’s government view with favour the establishment in Palestine of a national home for the Jewish people, and will use their best endeavours to facilitate the achievement of this object, it being clearly understood that nothing shall be done which may prejudice the civil and religious rights of existing non-Jewish communities in Palestine or the rights and political status enjoyed by Jews in any other country .”

En daarmee was al die bestanddele vir ‘n politieke tydbom dus byeen. Sy Majesteit se regering besluit om ‘n Joodse staat te vestig op grondgebied wat aan iemand anders behoort en deur ander mense met ‘n ander taal en geloof bewoon word. Uit die staanspoor was die stigting en bestaan van die staat Israel dus volkeregtelik onwettig. Waarom het Sy Majesteit se regering dan nie die Joodse staat gevestig in Wallis, of Northumbria of in Skotland nie, as hulle dan so vrygewig wou wees? Die rede is natuurlik dat die grondgebied wat tans deur Israel beset word in bybelse tye deur Jode bewoon is. Let wel dat Israel selfs in bybelse tye die grond van ander afgevat het. En as ons darem almal moet terugkeer na die situasie wat geheers het in bybelse tye! Amerikaanse konserwatiewes (die sg. “Christen-Sioniste”) gaan sover as om te glo dat die Jode eers na Israel moet terugkeer voor Jesus se tweede koms sal plaasvind…

Wat was egter die sin van die blote voorwaarde dat niks gedoen mog word wat die siviele en godsdienstige regte van die inheemse nie-Joodse bevolking sou benadeel nie? Wat was Sy Majesteit se regering dan nou van plan om te doen as hierdie voorwaarde nie nagekom was nie en die Palestyne se regte vertrap was, soos inderdaad gebeur het? Was die bedoeling dan om die Balfour-deklarasie op te skeur en die Jode weer terug te bring Engeland toe? Die vraag wat ‘n mens noodwendig moet vra en wat selfs baie Jode wêreldwyd vra, is of dit raadsaam was om die staat Israel hoegenaamd tot stand te bring. Kon daar ooit enige twyfel wees dat wanneer die Jode eers op Palestynse grondgebied gevestig is, hulle noodwendig sou groei en uitbrei en dat die regte van die plaaslike bevolking daardeur geraak sou word?

Net om te verstaan hoe dinge werk : In Julie 2015 is ‘n ooreenkoms onderteken deur die VSA, Duitsland, Frankryk, die VK, ‘n verteenwoordiger van die Europese Unie, Rusland, Sjina en Iran ingevolge waarvan Iran ondeneem om sy militêre kernkragprogram te staak met as teenprestasie die opheffing van ekonomiese en tegnologiese sanksies teen Iran. Die ooreenkoms is deur die Veiligheidsraad van die VN onderskryf. Israel was onversetlik teen die ooreenkoms gekant. Die logika van hierdie teenkanting is uiteraard dat Israel beide sanksies teen Iran en die staking van die Iranese kernkragplan wou hê en hierdie begeerte op die VSA wou afdwing. Deel van die ooreenkoms was dat Iran gereelde inspeksies van sy kernkraginstallasies deur die Internasionale Atoomkrag Agentskap (IAA) moes toelaat wat hulle inderdaad uitgevoer het. Vroeër vanjaar het die IAA verslag gedoen dat die Iranese regering die verbod op verdere ontwikkeling van kernwapens stiptelik nakom. In weerwil van hierdie bevinding en in weerwil van die bestaan van die ooreenkoms dus, het die Amerikaanse Kongres enkele dae gelede besluit om die sanksies teen Iran vir nog tien jaar te verleng. Vanselfsprekend het die Iranese regering aangekondig dat hulle dan ook nie van plan is om die bepalings van die ooreenkoms te eerbiedig nie.

Dis duidelik dat die bedoeling is om die Iranese te provokeer om hulle kernkragprogram te hervat wat noodwendig ‘n reaksie van die VSA sal uitlok. Hierdie is ‘n perfekte voorbeeld van die manier waarop Israel daarin slaag om die wêreld, en veral die VSA te manipuleer.

Die verontagsaming van die ooreenkoms met Iran, insluitend die vereiste van inspeksies, die bevindings waarvan dan geïgnoreer word, herinner sterk aan die situasie voor die oorlog in Irak toe die verslag van mnr Hans Blix aangedui het dat na 700 inspeksies geen tekens van wapens van massa vernietiging in Irak gevind kon word nie, waarna die VSA Irak nogtans binnegeval het.

Dis egter so dat Amerikaanse steun aan Israel geleidelik al hoe meer problematies word. Na baie jare van nek uitsteek om Israel ter wille te wees, en in die proses invloed wêreldwyd in te boet, begin die Amerikaners se geduld moontlik nou stadigaan opraak. Mnr Trump mag miskien opnuut Amerika se onvoorwaardelike steun aan Israel toesê. Daarvoor sal ons moet wag om te sien. Feit is, die een of ander tyd sal mnr Trump se geduld ook opraak.

Ten slotte dus: Ten spyte van die politieke terugslag vir Israel met die jongste VR-resolusie, sal sake in Israel voortgaan soos tevore. Israel sal nie die vestiging van nedersetings aan die Oostekant van die Jordaan staak nie en niemand sal of kan iets doen om hulle daartoe te verplig nie. Wat ook sal voortgaan en miskien nog sal vererger, is die vlaag terroriste-aanslae wêreldwyd teen Joodse en Amerikaanse teikens en teen almal wat as bondgenote van bogenoemdes beskou word: meer en meer gruweldade, meer en meer verminkings, meer en meer bloed, meer en meer trane. Want ongelukkig is dit so dat daar vir die situasie in Israel, benewens die verdeling van die land in twee volkome onafhanklike state, haas geen oplossing is nie en vir hierdie oplossing is die Israeli’s nie te vinde nie. His Majesty’s government was van al hierdie komplikasies niks te wagte nie.

Potgooi: Trump gaan ons nie help, maar paraatheid wel

Dan Roodt en Gustav Venter bespreek laasgenoemde se onlangse rubriek waarin Gustav meen dat Afrikaners onrealistiese verwagtinge koester oor die soort hulp wat hulle van pres. Donald Trump kan verwag. Hy sê ons moet eerder fokus op selfbeskerming en almal vuurwapens begin dra.

Amerika verwag rentekoersverhoging vandag met Dow naby 20 000 ondanks/danksy Trump

Nie net het die wêreld se links-liberale hoofstroommedia voorspel dat Donald Trump loshande die Amerikaanse presidentsverkiesing sou verloor nie, maar ook dat daar ‘n finansiële ineenstorting sou plaasvind indien so ‘n hoogs onwaarskynlike gebeurtenis ooit sou plaasvind. Wel, die onwaarskynlike — volgens hulle — het toe op 8 November plaasgevind. Erger: pleks van ‘n ineenstorting op Amerikaanse finansiële markte, het die beurse tot gister vir 17 dae agtereenvolgens nuwe rekords opgestel en het die Dow Jones-indeks van die grootste 30 nywerheidsaandele gisteraand ‘n nuwe rekord net onder die towervlak van 20 000 behaal.

Van gister af vergader die Amerikaanse Federale Reserwebank se FOMC (Federal Open Market Committee) onder voorsitterskap van mev. Janet Yellen egter. Na alle verwagting gaan die FOMC vandag aankondig dat Amerikaanse rentekoerse van hul huidige vlak van 0,5% tot 0,75% verhoog word. Dit verwys na die vlak van lenings tussen banke oftewel die sogenaamde “Fed Funds”-koers, wat weer die ander koerse soos die primakoers bepaal. Dit klink nie na veel nie, maar aangesien sommige ontwikkelde lande soos Switserland en Swede tans met negatiewe rentekoerse en deflasie worstel, asook 0% in die eurogebied, kan dit die Amerikaanse dollar ‘n verdere hupstoot gee.

Die aandelemarkte in die VSA kan selfs verdere rekordhoogtepunte bereik aangesien die markte reeds die rentekoersverhoging verdiskonteer het en daar uitgesien word na verdere ekonomiese groei in die VSA.

Uitwerking op Suid-Afrika

Oor die algemeen is ‘n styging in Amerikaanse rentekoerse en ‘n sterk dollar nie goed vir Suid-Afrika nie. Die rand mag dalk van hier af aan teen die dollar verswak wat ingevoerde goedere waarvan die pryse meesal in dollar bepaal word — soos ru-olie — duurder sal maak. Dit mag ook ‘n negatiewe uitwerking op plaaslike kapitaalmarkte hê soos wat internasionale beleggers hul fondse eerder in die VSA belê en uit Suid-Afrika onttrek. ‘n Groot aantrekkingskrag tot dusver vir buitelandse beleggers was die relatief hoë opbrengste wat Suid-Afrikaanse staatseffekte betaal, teenoor hul Amerikaanse en Europese eweknieë.

Die sterker dollar sal Suid-Afrika tref op dieselfde tydstip as wat die land reeds sukkel met ‘n dreigende verlaging van sy skuldgradering deur Moody en Standard & Poor. Dit kan die land verder in ‘n toestand van “stagflasie” laat, met min vraag in die ekonomie, maar stygende pryse weens ‘n swak geldeenheid.

Ontleders sal egter mev. Yellen se perskonferensie na afloop van die vergadering fyn dophou vir enige wenke oor die verdere verloop van Amerika se siklus van rentekoersverhogings wat hiermee aanbreek. Afhangend van haar kommentaar, kan beurse verder styg of skielik afwaarts korrigeer, en kan die dollar sy lopie teen die euro, Britse pond, jen en ander geldeenhede voortsit, aldan nie.

Tot dusver het mnr. Donald Trump se verkiesing ‘n positiewe uitwerking op die markte gehad, in weerwil van al die swartgallige praatjies deur die media. Sommige sê dat die markte styg, danksy Trump want hy het immers meer poste en die beskerming van Amerika se handelsbelange belowe. Mev. Yellen is egter ‘n vyand van mnr. Trump en ‘n Clinton-ondersteuner en mag dalk haar mag by die Federale Reserwe begin gebruik om sy kaarte deurmekaar te krap.

Gustav Venter: Laat ons net nie hopeloos wees nie

Daar is ŉ nuwe Grootman in Twitteranië, sy naam is Donald Trump, en ons mense wil iets van hom hê. “Meneer Trump,” soos ŉ verteenwoordigende twiet dit uitdruk, “wat gaan u oor die blanke uitwissing in Suid-Afrika doen?”

Ek wil my nou nie aanmatig om namens die verkose president van die VSA te praat nie, maar ek kan met groot sekerheid sê wat hy daaromtrent gaan doen: Nie veel nie. Sy eerste, allesoorheersende prioriteit is om Amerika te beveilig en reg te ruk. Dis ŉ groot land met baie wat reggeruk moet word en ons wens hom sterkte toe daarmee. Suid-Afrika is ŉ dowwe inskrywing baie laag op daardie prioriteitslys.

Selfs al sou hy aangegryp wees deur die pleidooie uit Suid-Afrika, wat staan hom te doen? Gaan hy die ANC-regering skerp betig? En dan wat? Gaan hulle lipbewend om verskoning vra? En dan wat? Gaan die rampokkers en monsters in hierdie land tot inkeer kom en ophou plase aanval? As jy dit glo, stuur asseblief vir Haas Das en Loeloeraai groete as jy hulle weer sien. Dit sal binnekort wees.

So, indien nie die hoofman van Trump Tower nie, wie moet omsien dat daar minder blankes vermoor word? Wel, die enigste mense wat iets daaromtrent kán doen: ek en jy. Hoe?

Kom ons begin by die mees elementêre, primitiefste, mees voor-die-hand-liggende stap: Selfbeskerming. Kry vir jou ŉ persoonlike vuurwapen, oefen om dit te gebruik en dra dit aan jou. Meneer, as jy nie ten minste ŉ 9-millimeter pistool of ŉ .357 Magnum-rewolwer pal in jou onmiddellike omgewing het nie, is jou vrou met ŉ dwaas getroud.

Ek dra ŉ knoorse pistool aan my. Soms kom mense dit agter en is snedig daaroor. Nou maar goed dan. Ek kan snedigheid verwerk; sal dit nie kan doen as my lamsakkigheid of fyngevoeligheid enige skade aan my vrou veroorsaak het nie.

As jy en ek en dan almal van ons bewapen is, kan ons stelselmatig werk aan ŉ vuurwapenkultuur. Ons moet begin om die wapenloses onder ons in die openbaar te betig. Wys hulle en verguis hulle. Glo my, as die rampokkers van hierdie land eers verstaan dat ŉ aanslag op ŉ blanke persoon ŉ kortpad na ŉ ontmoeting met ŉ koeël is, sal hulle nie meer so entoesiasties oor hulle afgryslike bedryf wees nie.

Dit help ook nie dat net die man van die huis ŉ yster het nie. ŉ Vuurwapen vir vroutjie is belangriker as ŉ skottelgoedwasser. Te duur? ŉ Skaflike pistool is goedkoper as die gemiddelde televisiestel — en minder skadelik. Kry vir jou vrou ŉ kortroer en leer haar om te skiet. Sy sal jou hoogag daarvoor. (Vrouens leer boonop vinniger om te skiet as mans.)

Jou verantwoordelikheid eindig nie daar nie. Daar is buurtwagte om by aan te sluit, plaaspatrollies om te ry, netwerke om op te rig, sosiale mediaveldtogte om te bedryf, verhore van aangekeerde aanvallers om by te betoog, selfoonnoodknoppies om te aktiveer, huisbeveiligingsplanne om uit te werk…

Jy het nie die reg om te tjank vir internasionale ingryping as jy nie hierdie dinge doen nie. Hoekom moet iemand anders vir jou verrig wat jy self kan vermag maar weier om te doen?

Ek verfoei die geneul van Afrikaners op internasionale forums. Ek gee jou my woord, hulle sal eerder bereid wees om te help as hulle sien ons is bereid om self ons probleme op te los.

Al die haat van Jacob, Julius, hulle geesgenote en al die naywer en aggressie van die plaasaanvallerskorps laat my nie vir ŉ sekonde twyfel aan die toekoms van ons volk nie. Wat my egter onrustig stem, is wanneer ons mense lamsakkig word.

Hulpeloosheid is nie ons krisis nie. Hopeloosheid is.

Trump nooi Hongarye se anti-immigrasieleier na Washington

Die gewilde leier van Hongarye wat deur die hoofstroommedia in Engeland en Europa as “verregs” uitgekryt word, is deur Donald Trump na Washington genooi. Viktor Orbán word veral buite sy land gehoon omdat hy ‘n heining opgerig het om migrante uit Hongarye te hou.

Volgens ‘n onderhoud met Orbán wat aanlyn deur die Hongaarse sakekoerant Világgazdaság gepubliseer is, het Trump dit aan hom duidelik gemaak dat hy “‘n hoë dunk van Hongarye het”.

Orbán, wat ‘n referendum uitgeroep het om Hongarye te verhoed om in Oktober ‘n EU-kwota vlugtelinge te aanvaar, het in Julie gesê dat Trump se anti-immigrasiebeleid beter vir Europa en Hongarye sou wees.

Die regse leier het verlede jaar ‘n heining op Hongarye se suidelike grens laat bou om die instroming van migrante na Wes-Europa te stuit.

In die somer van 2015 het Hongarye die 4m-hoë heining langs sy grens van 175 km met die naburige Serwië opgerig om duisende onwettige immigrante te verhoed om die Europese Unie te bereik.

Met die Hongaars-Serwiese grens gesluit, het migrante gepoog om deur Kroasië in te dring, maar toe Kroasië die migrante na die Hongaarse grens lei, het Hongarye op 18 September 2015 met die oprigting van ‘n tweede heining op sy grens met Kroasië begin.

Orbán het Trump se oorwinning geloof, en is aangehaal dat hy meen dat Hongarye se posisie “grootliks sou verbeter” sodra Trump in die Withuis is.

Orbán het gesê: “Hy het my Washington toe genooi, ek het vir hom gesê dat ek baie lank laas daar was aangesien ek soos ‘n swartskaap behandel is, waarop hy laggend geantwoord het: ‘Ek ook.'”

“Ek dink Amerika beskik nou oor ‘n president wat nie ideologies beperk is nie,” het Orban bygevoeg. “Hy is ‘n oop persoon wat meer in sukses, doeltreffendheid en resultate belangstel as in politieke teorieë.”

Orbán het Trump se oorwinning as “uitstekende nuus” verwelkom wat die Westerse beskawing sou toelaat om tot “ware demokrasie en reguit, eerlike gesprek” terug te keer, bevry van die “verlammende beperking van politieke korrektheid”.

Die Londense Telegraph het berig dat Orbán se seun hom om 5 vm. op die dag van die Amerikaanse verkiesing gebel het om hom die nuus te vertel dat Clinton beslis verloor het. “Ek het gesê, ‘jy speel!'” herinner Orbán hom, “Ek het gedink ‘Wat ‘n dag!'”

Hillary en Jill Stein span saam om verkiesing te steel

Ondersteuners van die nuutverkose Republikeinse president, Donald Trump, is bekommerd dat die Groen Party en Hillary Clinton gaan saamspan om die Amerikaanse verkiesing te steel.

Geen bewys van enige ongerymdhede is gevind nie, maar die Stein-veldtog argumenteer hulle bekommer oor ongerymdhede.

“Dit is nie gedoen om ‘n kandidaat te bevoordeel ten koste van die ander nie,” het Stein aan PBS gesê. Maar Stein wil net die deelstate oortel waar Trump gewen het.

Hillary het New Hampshire, Minnesota en Nevada met minder stemme as Trump gewen in Pennsylvania, maar daar sal geen oortel in een van die drie state wees nie.

As dit wel ‘n regverdige en onpartydige poging was, sou ten minste een van die oortel-pogings in ‘n deelstaat gewees het waar Hillary gewen het, maar dit is nie die geval nie.

Stein se pogings het begin nadat rekenaarwetenskaplikes beweer het daar is onreëlmatighede tussen die elektroniese resultate en die papierstembriewe, met die Clinton-veldtog wat beweer dat die stemmery gekraak is. Maar in die geval van Michigan, is daar nie elektronies gestem nie.

Chris Thomas, die jarelange direkteur van Michigan se Buro vir Verkiesings, het aan die Detroit Free Press gesê. “Niks is verbind met die Internet nie.” Die stemmery kon dus nie gewees het gekraak gewees het soos Stein beweer nie.

Trump het Stein se poging ‘n “bedrogspul deur die Groen Party vir ‘n verkiesing wat reeds toegegee”.

Vrae oor hoe Stein daarin geslaag het om so ‘n groot bedrag geld in te samel om die oortellery af te dwing, het begin gons. Sy het nou meer as $4,7 miljoen dollar in so ‘n kort tydjie ontvang, terwyl sy slegs sowat $3 miljoen dollar vir haar hele veldtog kon insamel.

Vermoedens oor die wettigheid en tydsberekening van die skenkings het tot bewerings gelei van George Soros se hulp.

Trump kry media voor stok

Verskeie netwerkbase en ander grootkoppe van die korporatiewe media het ‘n vernederende sessie deurgemaak nadat Donald Trump ‘n vergadering Maandag gereël het van die rekord af.

Die verwaande groep het by Trump Tower aangekom denkende dat hulle Trump gaan vertel watter dele van sy administrasie hulle gaan dek, maar is gou ontnugter.

In plaas daarvan dat hulle hartlik ontvang is, is hulle genadeloos skerp gekritiseer deur Trump, volgens die New York Post.

Die vergadering is gehou by Trump Tower en bygewoon deur 30 tot 40 mense, “insluitend die groot nuusankers van al die netwerke.” Deelnemers is nie veronderstel om uit te praat oor die besonderhede van die vergadering nie, maar volgens die Post het sommige bronne dit nogtans gedoen.

“Dit was ‘n f***en vuurpeloton,” is hoe een van daardie bronne dit beskryf het. Die bron het verduidelik dat “Trump begin het met [CNN hoof] Jeff Zucker (foto) en gesê het:” Ek haat jou netwerk, almal op CNN is ‘n leuenaar en jy behoort jou te skaam.”

Die vergadering by Trump Tower was nie ‘n roetine een nie. Trump het korte mette gemaak van hul gewaande belangrikheid.

“Die TV-base en ankers het gedink hulle sal die toegang tot die Trump administrasie bespreek, maar in plaas daarvan het hulle ‘n Trump-styl uitk*k gekry,” het die bron gesê. Nog ‘n bron het gesê dat Trump herhaal het hoe die media ‘n “bedrieglike, oneerlike spul leuenaars,” is en bevestig dat hy gesê het “almal by CNN is ‘n leuenaar en CNN is ‘n netwerk van leuenaars.”

“Uitstekende vergaderings met die top-bestuurders van die groot netwerke,” is hoe Trump se woordvoerder Kellyanne Conway die byeenkoms beskryf het.

Die groepie het gelyk of hulle bomskok het toe hulle uitloop.

Gustav Venter: Trump en die dood van ŉ dinosourus

Donald Trump gaan ŉ muur bou, en dit is ŉ goeie ding, maar sy werklike nalatenskap gaan nie wees wat hy gebou het nie, maar wat hy gebreek het. Hy het die Republikeinse Party geknak, die Demokratiese Party uitgewis, die loopbane van Jeb Bush, Mario Rubio en Ted Cruz óf erg belemmer, óf beëindig, en die Clintons… wel, húlle het hy sommer gekrok. Verreikender nog, meer ingrypend en skokkend, is die dinge wat ander mense gebreek het om hom aan bewind te kry: Die sogenaamde hoofstroommedia.

Vir ŉ anderhalfeeu het die media in die VSA – eers koerante, toe koerante en radio, toe koerante en radio en televisie – as’t ware oor alles geheers wat hulle oë gesien het, veral op politieke gebied. Hulle het presidente geskep en presidente soos Nixon vernietig. Hulle het regeringsbeleid in só ŉ mate bepaal dat die twee hoofpartye in Amerika, die Demokrate en die Republikeine, naderhand eintlik ononderskeibaar was.

Die media het die inligtingstroom na die algemene bevolking ontwerp, geskep en gereguleer. Húlle het besluit wat die gewone Amerikaanse japie mag lees, hoor en sien. Die enigste inligting wat die bevolking bereik het, is verpak en aangebied deur die hoofstroommedia. Hulle het dit bloot onwaar gemaak dat elke storie twee kante het. In Amerika het elke storie naderhand net een kant gehad – en die media het besluit wat dit is.

Met die aanbreek van die verkiesingskringloop verlede jaar was die media heel vervelig en amper verveeld seker van hulle vermoë om die presidentsaanwysing te dirigeer. Hulle het steeds die geld, die prestige, die reputasie, die maatskaplike gewig en die kanale gehad… soos altyd. Hulle sou as’t ware van bowe neerdaal in ink en luggolf en pieksel en vir die begenadigde gepeupel die waarheid aanbied. En wat is die waarheid? Die waarheid is wat die media besluit ons mag weet.

En toe loop die arrogante, selfaangeprese media hulle rieme styf. Ewe skielik, sien, het hulle nie meer al die versendingsroetes beheer nie. Die ontwikkeling van die persoonlike rekenaar het vir ons die internet gegee; meer in besonder wat al die Internet v.2 genoem is – sosiale media. Facebook, Youtube en veral Twitter. ŉ Los, bestuursvrye federasie van privaatnuusversamelaars het ŉ hele skadumediabedryf geskep. Internetbedrewe, skeppend, dinamies, nuuskierig, pittig… En aggressief.

Die hoofstroommedia het hierdie kwetterkoor eers geïgnoreer, toe probeer wegpraat, toe ontken en uiteindelik vergeefs probeer meeding. Ek het ŉ helder gedagtebeeld van ŉ witkruisarend in die lug bo die plaas, waar hy geteister en soort van gebombardeer is deur ŉ halfdosyn rooivlerkspreeus. Hoe die groot, manjifieke roofvoël ook al gekrul en in vlug gewriemel en geswiep het, hy was magteloos teen die dartelende, duikende terggeeste, en uiteindelik het hy maar bedremmeld weggefladder. Dit is ŉ prentjie van die oneweredige stryd tussen die hoofstroommedia en die “nuwe media” soos wat die Twitter-Facebook-Youtube-rampokkerbende gedoop is.

Die hoofstroommedia met, aan die spits, die New York Times en Washington Post en Wall Street Journal en met ABC, NBC en CBS in die voorhoede, selfs met hulle eie Nuwe Media soos Politico en Huffington Post in hulle falankse, was net te lomp, te beperk, te beteuel, te voorspelbaar en het vinnig uitgesak teen Breitbart, ŉ groterige, groeiende, konserwatiewe nuusdaarsteller, maar ook teen Paul Joseph Watson, Mike Cernovich, Paul Kersey, Stefan Molyneux en Ricky Vaughn, almal privaatenkelinge wat weet hoe werk ŉ skootrekenaar, ŉ videokamera en ŉ selfoon.

Hierdie mense het vanuit hulle studeerkamers die meganuuskorporasies voor hulle tuisskare geklop deur nuus vinniger en meer akkuraat te rapporteer. Kort Youtube-beriggies is blitsvinnig na enige gebeurtenis verfilm, geredigeer en versprei. Elke Trump-gebaar is toegejubel en elke Hillary-uitspraak uitgekryt. Video’s, potgooie, twiets en Facebook-plasings is as’t ware hand-tot-hand aangegee van selfoon na tablet na rekenaar na selfoon… Duisende, honderdeduisende, miljoene hertwiets, Facebook-aangeë en Youtube-delings het mense in die kleinste skeurtjie of gleufie van die Amerikaanse samelewing bereik en ŉ deurslaggewende aantal van hulle oorgeswaai na die kamp van die man met die oranje kuif.

Die ou, afgestompte media het lomp reageer. Eers het hulle oudergewoonte net grepies van die waarheid vrygestel, toe die waarheid probeer ignoreer en uiteindelik het hulle prontuit gelieg. Nog nooit in die vrye Weste het die media so pens en pootjies in die bed gespring met ŉ presidentskandidaat nie. Chris Cuomo van CNN – Clinton News Network soos die alt-regse media hulle gedoop het – het in ŉ onbewaakte oomblik erken dat die media hulle dekselse uiterste bes vir Hillary doen. ŉ Skrywer het sy verbystering in die New York Times uitgespreek dat hulle onbeskroomde kantkiesery nie hond haaraf maak nie.

Want dit het nie. Die alt-regse “nuwe media” het die ou dinosourusmedia gereeld voorgespring met stories en, veel belangriker, hulle was merendeels reg wanneer die ou media eenvoudig verkeerd was. Die nuwe media het nuus blitsvinnig verwerk en in verteerbare klankgrepe en meme omskep. Toe Clinton helfte van Trump se volgelinge as in “ŉ mandjie van afstootlikes” beskryf het, het die nuwe media gesorg dat sy dit onmiddellik, onophoudelik en eindeloos berou. Intussen het hulle vir Trump opgehemel in oordrewe, meestal komiese tuisgemaakte video’s en foto’s waarin hy gevier is as superheld of Koning Leonidas van Sparta.

Die ou media het selfvoldaan en selfskouerkloppend die hand gestrek na hulle gunsteling- diagnostiese implement – meningspeilings – en reg voor die verkiesing nog voorspel dat Clinton “ŉ 98% kans” (in die Huffington Post se woorde) het om die verkiesing te wen.

Ter plaatse het Naspers se koerante en selfs die parmantige Daily Maverick en omtrent al die ander koerante dié versekerde sommetjie herhaal. Clinton sou wen en dit is dit. In Amerika het een tydskrif sover gegaan om 150,000 voorblaaie te druk wat Hillary aandui as “Madam President,” so seker was hulle dat sy sou wen.

Sy het nie en die hoofstroommedia was verslae, verbyster, verpletter en verward. Dit kon nie gebeur het nie! Niemand kon dit sien kom nie! Strooi! Vir dié wat die nuwe media, die alt-regse inligtingstroom, gevolg het, was Trump se oorwinning nie net nie ŉ skok nie, maar heeltemal te verwagte.

Hierdie afgelope week het die een koerant na die ander met die eienaardigste oënskynlike kloekmoedigheid openbare bestekopname gedoen oor hoe hulle die tekens verkeerd gelees het. Natuurlik het Netwerk 24 se redakteurtjies dit nagepraat. Net die liberale media kan ŉ prestasie uit ŉ mislukking skep.

Die nuwe media, die alt-regse vleuel, het hierdie oorlog gewen. Die hoofstroommedia se rug is geknak. Hulle word deur massas mense wantrou. 63% van Amerika se bevolking gebruik Facebook as hulle hoofbron van inligting en Facebook word deur die alt-regses oorheers. Minder as 25% lees nog koerante.

Ons, in ons uithoekie van die alt-regse rewolusie, wonder tans onder mekaar hoe ons hierdie metodes en aanslag hier kan aanwend. Omstandighede is nie dieselfde nie. Die alt-regses het duidelike vyande en teikens gehad: Die Obama-regering en die Clintons. Hier het ons nie die luukse van so ŉ vyand nie. Almal verag die ANC en hulle president; in elk geval almal met wie ons wil praat.

Maar ons het wel een vyand wat ons kan en moet aanval, genadeloos en onophoudelik, en hierdie vyand is… ons eie nasionale hoofstroommedia.

Daar is ŉ tyd vir alles. Dit is nou die tyd van ons verskroeide aarde waarmee ons net die bouvalle van ons uitgediende outydse media agterlaat.

Soos bo, so ook onder

As ons kyk na die nasleep van die verkiesingsoorwinning van Donald Trump, sien ons hoe diep verdeel die Verenigde State geword het. Dit is egter nie soseer ‘n verdeling tussen ryk en arm nie, of tussen wit en swart nie, maar eerder tussen wys en dwaas.

Baie internetkwetteraars en hoofstroompraatjiesmakers reageer geskok en ontsteld oor die onverwagte opmars van hierdie New Yorkse sakeman en hulle hamer voortdurend op sy onvermoë om die Verenigde State te regeer. Omdat hulle blykbaar vervreem is van hul eie volksgenote, word die oorwinning as ‘n patologiese reaksie omskryf en kom allerlei amateuragtige Freudiaanse teorieë aan bod om dié skielike oorwinning te verklaar.

Terwyl CNN se blankehater politieke kommentator Fareed Zakaria Trump as ‘n kanker omskryf en allerlei skynstatistieke te voorskyn haal om die indruk te wek dat dit slegs laag-opgeleide wittes is wat op hom stem, sit hy nou met ‘n mond vol tande. Sy laaste skrywe was op 3 November gewees en hy het gedurende die hele verkiesing niks meer van homself laat hoor nie.

Die rede vir Trump se oorwinning het niks met charisma te make nie, maar met praktiese en saaklike oorwegings. Trump se uitstaande kenmerk is dat hy anti-globalisties is. Blykbaar ontgaan dit baie mense dat die Amerikaanse middelklas tans in ‘n diep krisis verkeer. ‘n Groot persentasie opgeleide jongmense tussen 25 en 35 jaar is tot aan hul ore toe onder studieskulde en daar is geen werk vir hulle nie. Hulle moet nog by hul ouers woon, en leef van elke klein werkie wat hulle kan opraap. Vanweë globale verdrae soos TTP en die toestroom van onwettige geluksoekers word hulle kans op werk slegs kleiner, en dreig daar ‘n nuwe verlore generasie te ontstaan. Laat staan nog dat die onaflosbare studieskulde ‘n tweede groot resessie kan veroorsaak. Veral sedert Bill Clinton se presidentskap, het die middelklas in ‘n neerwaartse spiraal begin verkeer.

‘n Ander groot gevaar is dat onwettige werkers die werke van wettige burgers gaan afneem, en laasgenoemde moet dan tevrede wees met staatstoelae of werke wat nie naastenby hul rekeninge kan betaal nie. Onwettige werkers word aan die einde van elke week uit die kasregister betaal en betaal ook geen belasting nie. Hulle kan ook nêrens heengaan as hulle ‘n dispuut het nie omdat daar geen rekord is van hul indiensname nie. Die goeie mense word met ander woorde aan die kant gesit en die onwettige werkers verkeer in ‘n staat van moderne slawerny. Só wen die rykes weer.

Die middelklas is immers die motor van die ekonomie, en om aan hul griewe geen gehoor te gee nie kan ‘n vernietigende uitwerking op die beskawing as geheel vorm. Net soos Freud se persoonlikheidsteorie bestaan uit ‘n id, ego en superego, bestaan moderne samelewings uit ‘n soortgelyke indeling, met die id in die onderklas, die ego in die middelklas en die superego in die hoogste klas. En hier raak dit interessant…

Die linkses onder Hillary wil juis die middelklas vernietig. Hulle is die hamer en aambeeld wat die morele meerderheid tussenin wil verpletter. Die konsep “superego” is egter in hierdie formulering misplaas, want dit sou die gewete van die samelewing wees,en Hillary se kliek is totaal gewetenloos.

Dit is egter juis hierdie gewetenloosheid wat die onderklas stimuleer om op soortgelyke wyse hul gesonde gewete en moraal opsy te sit en om blind en dom amok te saai.

Donald Trump – sy lomp uitsprake ten spyt – kom nie naastenby in dieselfde dampkring as die vasgeroeste demokrate en hul skadumeesters nie.

Terwyl Hillary se skandale ‘n hele loopbaan strek, van histeriese woede-uitbarstings tot seksuele intimidasie van vroue, dwelmhandel, wapenhandel en oneerlikheid, word sy en haar binnekring as die “redders” van die ondergang voorgehou.

Wie Hillary se vriende nader sou betrag, kry vinnig ‘n hele ander indruk. Kom ons kyk na haar kampanjebestuurder John Podesta. Hierdie vent en sy broer Tony Podesta is bevriend met die satanis en kunstenaar Marina Abramovic. Slegs ‘n oppervlakkige internetsoektog na haar kunswerke sê al genoeg oor die onderwerpe wat haar fassineer, en dan verstaan ons waarom sy bekendstaan as die Aleister Crowley van ons tyd. Naas die pentagram wat sy met ‘n skeermes op haar maag gekerf het, bak sy gereeld koeke in haar of ander se beeltenis waar sy naak en dood op ‘n outopsietafel lê. Die spons van die koek is ook rooi van kleur en as hierdie koek dan gesny en uitgedeel word, lyk dit gruwelik en kannibalisties.

As sy sulke lugubere partytjies hou vir die publiek, wonder ‘n mens wat agter geslote deure plaasvind.

John Podesta 'fishing for teen'. — John Podesta ‘fishing for teen’.

Die Podestas word ook in verband gebring met die verdwyning van die Engelse peuter Madeleine McCann in Portugal. Naby die plek waar McCann vir die laaste keer gesien was, is ‘n luukse kuuroord vir die wêreld se rykstes, en het ‘n berugte reputasie as uitvalbasis vir illuminatipedofiele, waaronder Clement Freud, kleinseun van die beroemde kopdokter.

Andersins het Hillary Clinton in 2010 ‘n huldeblyk getoon aan haar “vriend en mentor”, die ontslape senator Robert C Byrd. Naas die feit dat Byrd ‘n vooraanstaande figuur in die KKK was, was hy volgens Cathy O’Brien ook betrokke in daardie duistere wêreld en was ‘n baie sadistiese man gewees wat haar by tye bruut verkrag het. Byrd was onder andere bevriend gewees met dr. Michael Aquino, wat ‘n kolonel in die Amerikaanse weermag was en ‘n uitgesproke satanis is. Albei hierdie menere het O’Brien gemartel en getraumatiseer om haar in ‘n dissosiatiewe trans te hou, maar volgens haar was Byrd by verre die ergste.

En waar sulke afskuwelike figure in die hoë torings sonder vrees vir gevolge hul ellende kan voortsit, sien ons dieselfde gebeur met hul aanhangers in die onderklas.

Die anti-Trump proteste in die strate van die VS begin ekstreme proporsies aan te neem. Beelde word uitgesaai van ‘n tuislose swart vrou wat deur Hillary-ondersteuners gemolesteer en uitgeskel word terwyl sy hulpeloos op die grond lê. Anders sien ons hoe ‘n maatskaplike geregtigheidstryder haar behoefte op ‘n Trump plakkaat doen, en haar ontlasting oor die plakkaat smeer. Die feit dat swart youtubers hul walging en verontwaardiging uitspreek oor die optrede van ‘n wit vrou, spreek boekdele oor die tipe mense wat Hillary in haar agterban het.

Soos met die Bolsjewiste en Jakobyne van oudsher, is die maatskaplike geregtigheidstryders onder Hillary die nuutste inkarnasie daarvan. Hulle is die nuwe geslag nuttige idiote en jeugdiges sonder moraal. Waarskynlik omdat Hillary en haar skurke weet dat die middelklas besig is om te verdamp, begin hulle dieselfde kommunistiese taktieke in die VS toe te laat. Veral noudat George Soros ‘n spreekwoordelike bloedneus oorgehou het aan haar verkiesingsnederlaag, gaan hy sy skape onderaan ekstra hard inspan om Trump se presidentskap so onaangenaam moontlik te maak.

Die gesondste skakel in enige moderne samelewing is die middelklas. Hulle het die selfdissipline, die geestelike krag, die ervaring en die integriteit om te sorg dat die ekonomiese motor kan bly draai. Juis as gevolg daarvan is hulle ook die grootste vyand vir die ander twee klasse, die rykes en die armes, wat net belangstel in meer mag en geen moraal het nie.

Hierdie verkiesing demonstreer weereens die geheime alliansie tussen baie ryk en arm. Hulle is uiterstes, maar ook eenders, daardie perfekte sintese wat kommunisme moontlik maak.

In daardie opsig is Trump se presidentskap, om sy eie woorde te leen, die laaste redding vir die beskawing.

Brief: Trump-oorwinning soos dié van DF Malan

Hierdie is die eerste artikel in ‘n reeks wat ek gedurende die loop van die volgende paar weke oor die Trump-fenomeen gaan skryf.

Ons het eergister ‘n nuwe wêreld om ons sien ontvou. Ek sê om ons, want in Suid-Afrika was die gemoedere vergelykbaar met die gedrag van die Bolsjewiste – toe hulle talle films in Rusland het na WO2 verbied het. Hoekom? Want die USSR wou nie hê hul burgers moet sien dat die gewone Amerikaner ‘n motorkar kon bekostig nie.

Party webtuistes het hulle kommentaarafdelings (wat al jare gesluit is) vir ‘n kort rukkie heropen, net om hulle vining weer te verwyder. Miskien omdat mense begin kla het oor die manier wat Trump gedurende die afgelope 18 maande deur die Suid-Afrikaanse media behandel is.

In dié artikel maak Adriaan Basson ‘n absurde voorstel: As Jacob Zuma soos Trump was, het hy ‘n muur rondom OR Tambo (ek noem die lughawe OR Tambo want ek het geen respek vir Jan Smuts nie) gebou om Moslems uit Suid-Afrika te hou.

Hy sê verder:

“I take pride in our Constitution and hard-won human rights, but we should never, ever take these for granted.”

Ek het die volgende kommentaar in reaksie daar probeer plaas:

“What rights? Freedom of speech? Limited beyond absurdity. Gun ownership? Doesn’t appear in the Constitution. Property rights? Listen to Malema.”

Die kommentaar is nie geplaas nie. Volgende keer sal ek net ‘n aanstootlike Pepe the Frog plaas. ‘n “Rare Pepe” soos ons in Altregse kringe sê.

Selfs ‘n paar Engelse joernaliste het laatmiddag begin erken dat Trump onmoontlik slegter as Zuma kan wees.

Die “plaasmoord-ontkenner” Nechama Brodie (wat gereeld met Steve Hofmeyr en sy lojale trolle op Twitter baklei) het ‘n beroep op veral die Suid-Afrikaanse Joodse gemeenskap gedoen om hulle waarneming van Altregse kommentaar op sosiale media te verskerp; seker sodat strafregtelike klagtes op ‘n daaglikse grondslag teen “haatpriesters” gelê kan word.

Vele nie-blanke Twitter-glanspersoonlikhede het aangehou om oor wit rassisme, wit rassisme, wit rassisme te kerm. Die klagtes van seksisme is oor die afgelope paar weke gebriek, miskien omdat die lesers van hierdie mense self vanaf patriargale kulture afkomstig is.

Op die berugte #BlackTwitter is die aandag verskuif vanaf die weereens trotse Amerikaners na ons blanke minderheid. Blankes moet mooi verstaan dat hulle in SA onder ‘n progressiewe gelykheidstelsel bly en dat ons politieke partye, stigtings, howe ens. nie sulke Trump-gedrag sal duld nie. Vele Black Lives Matter-aktiviste in Amerika het gesê dat hulle na Suid Afrika wil verhuis, omdat Julius Malema en Mmusi Maimane meer met hulle eie anti-blanke rassisme in gemeen het as die “KKK-President”.

Piet Croucamp het vir George Orwell op sy Facebook aangehaal. Iemand het hom oor Hillary se korrupsie uitgevra. Hy het die epos-storie as onbelangrik probeer afmaak. Van ons Praaglesers het daar ingevaar, maar hulle kommentare is nie beantwoord nie.

‘n Vriend van my het ‘n paar jaar terug ‘n gesprek in ‘n Britse kafee afgeluister waar twee Britte oor die DF Malan-verkiesing van 1948 gepraat het. Alle aandag in Suid-Afrika word op Hendrik Verwoerd geplaas, maar die Malan-verkiesing was die een wat in ‘n Boerekonteks met Trump vergelyk kan word.

Blanke Suid-Afrikaners het ná die Mandela-orkaan en die depressiewe Bush/Blair-tydperk kontak met ons pioniersvriende in die Weste verloor. Dis nóú – terwyl daar groot Altregse winde wêreldwyd waai – tyd om dit reg te stel.

– Vicky

Dan Roodt: Beeld vloek steeds oor Trump

Verlede jaar het Beeld en al sy slimjanmeningsprekers soos Leopold-skuim-om-die-mond Scholtz ons verseker dat Donald Trump nie eens een persent kans had om die Republikeinse kandidatuur te verower nie, wat nog te sê Amerikaanse president te word. Vir ‘n (anglisisties) Afrikaanse koerant het die Hillary-koors hoog geloop by Beeld; ‘n mens sou sweer almal daar droom daarvan om New York toe te emigreer waar hulle onder burgemeester Bill de Blasio politieke korrektheid in sy volle geweld kan smaak.

Gister maak ek dus met groot moeite Netwerk24 se webblad oop – daar is mos deesdae ‘n betaalmuur, asof enigiemand vir ANC- en EFF-propaganda sal betaal – om te kyk wat sê al die politieke fortuinvertellers toe. Iemand van Media24 het glo voorspel dat Hillary eergister die grootste verkiesingsoorwinning “in die geskiedenis” sou behaal.

Iewers in die gepoog satiriese rubriek in Beeld, sê Lood toe oor Trump se oorwinning:

“(O)ntleders, kommentators, akademici en les bes joernaliste vee nou nog die eier van hul gesig af…”

Selfs vir Beeld met sy cliché-gelade kort sinne soos laerskoolkinders wat nog leer om opstel te skryf, is dit ‘n afstootlike anglisisme (“wiping egg off one’s face”). Dis dalk die enigste waarheid wat ‘n mens ooit in Beeld gaan lees, want Lood het gelyk dat min mense deesdae joernaliste en akademici ernstig opneem.

Trouens, die meerderheid Amerikaners wat Trump ingestem het, het hulle nie gesteur aan die dikwels histeriese aanvalle en swartsmeerdery waaraan “objektiewe verslaggewers” hulle feitlik wêreldwyd teen hul kandidaat skuldig gemaak het nie.

Toe ek in Mei in die VSA was, het iemand by ‘n konferensie gesê: “Die media praat uit een mond.” Hoe waar is dit nie! Joernaliste en meningsvormers praat mekaar klakkeloos na en huldig almal byna identiese links-liberale (en anti-blanke?) standpunte. Slegs op sosiale media en woernale kom ‘n mens ‘n diversiteit van denke en menings teë.

Trump het nie net teen die korrupte mev. Clinton gewen wat invloed in die VS-regering aan die hoogste bieër verkoop nie, maar ook teen die hoofstroommedia. Eintlik is dit merkwaardiger as wat mense besef.

Indien joernaliste hier en oorsee hoegenaamd enige geloofwaardigheid wil herwin, sal hulle ernstig die hand in eie boesem moet steek. U weet en ek weet egter dat dit nie gaan gebeur nie.

Vandag bereik Beeld ‘n nuwe smerige laagtepunt in sy kommentaar oor Trump in ‘n vuilbekrubriek deur Rian van Heerden waarin hy Donald Trump met Kim Jong-oen en Osama bin Laden vergelyk:

Die ongelukkige gevolg hiervan is dat daar nou meer geleenthede is vir ’n d**l om tot bo te dryf.

So het die Husseins, Al-Assads, Bin Ladens en Kims tot reg bo gevorder. En nou ook Donald Trump.

Beeld is preuts genoeg om die woordjie “drol” met sterretjies te bedek, maar die aaklige, onredelike onnoselheid wat so ‘n uitspraak onderlê, word helaas nie verdoesel nie.

Trump is my held omdat hy die hoofstroommedia met die minagting behandel het wat hulle verdien. Hy behoort Media24 vir laster te dagvaar omdat hulle hom met Bin Laden en ontlasting vergelyk.

Die swart studente wat riool op kampusse strooi, het “akademiese debat” tot ‘n nuwe verskynsel omvorm, want blykbaar doen sekere aapspesies sulke goed. Maar voordat iemand my en Penny Sparrow vir tien jaar tronk toe wil stuur, gee ek toe – soos die sêding uit toeka se parlement lui – dat “die helfte van Beeld se redaksie nie bobbejane is nie”.

Ten minste strooi hulle nog net verbale ontlasting. Daarvoor moet ons hulle seker dankbaar wees, want binnekort vorder hulle dalk – soos hul geliefde “studente-aktiviste” – tot die letterlike daad.

Etiket: Donald Trump