Internasionale nuus – Bladsy 17

Red Bull bevat glo koka?ene

Ses deelstate in Duitsland het handelaars opdrag gegee om alle verkope van Red Bull Cola-energiedrankies te staak nadat ’n toets glo bevind het dit bevat spore van kokaïen.

Die verbod geld sedert Vrydag nadat 0,4 mikrogram kokaïen per liter in toetsmonsters in Noordryn-Wesfale bespeur is.

Duitsland se federale instituut vir risiko-evaluering het vandeesweek gesê die vlakke is te laag om ’n gesondheidsgevaar in te hou.

Red Bull in Duitsland het in ’n verklaring gesê die kokablare wat gebruik word om Red Bull te geur, is onder meer deur die Amerikaanse voedsel-en-medisyne-owerheid veilig verklaar.

Red Bull het self toetse aangevra en geen kokaïen is gevind nie. Die Duitse departement van gesondheid gaan nou self ondersoek instel.

Obama voor sy eerste werklike toets

President Obama het voor sy eerste werklike toets te staan gekom teenoor 'n ontluikende kernmag, naamlik Noord-Korea. Die Withuis het gister geskarrel om 'n gekoördineerde internasionale standpunt te stel.

Die Amerikaanse president se voorgangers kon nog nie Noord-Korea se kernopbou stuit nie. Nietemin het Obama gister belowe om "op te tree" teen die "blatante oortreding van internasionale reg".

Kennelik is die Amerikaanse president bedag daarop dat hy 'n strek boodskap moet uitstuur aan Pjongjang, sterker as sy voorganger George W. Bush se reaksie op Noord-Korea se eerste kerntoets in 2006.

Maar die VSA se opsies is beperk, omdat dit deels ook sal afhang van Obama se vermoë om Rusland en China te beweeg om teen 'n ou bondgenoot uit die Koue Oorlog op te tree.

Die Clinton-administrasie se pogings om Noord-Korea te kry om hul wapenprogram te staak deur olie en kernkrag aan te bied in ruil daarvoor asook Bush se pogings om die land te laat ineenstort weens sanksies en die leiers se bates te bevries, het heeltemal misluk.

Die daaropvolgende poging van Bush om teen advies van sy eie mense 'n ooreenkoms met die Noorde aan te gaan om 'n kernreaktor af te bou, was ook nie geslaagd nie.

Alhoewel Noord-Korea verlede jaar volgens die ooreenkoms begin het om die reaktor af te bou, het hulle onlangs weer aangekondig dat hulle weer sal begin om plutonium vir wapens te vervaardig.

Ander kernmoondhede soos Iran is daarbenewens besig om die VSA se skuiwe fyn dop te hou. Terwyl Obama gistermiddag gaan gholf speel het, het sy personeel naarstiglik deur die beskikbare aanduidings van Noord-Korea se kernvermoë gesif.

Die seismiese aktiwiteit wat op 'n kerntoets dui, sal egter eers oor dae en weke toetse oplewer wat radioaktiewe partikels bewys en die grote van die ontploffing toon.

Die Amerikaanse president het 'n beroep op Japan en Suid-Korea gedoen om "konkrete stappe" te neem om Noord-Korea in te perk en het 'n "ondubbelsinnige verbintenis" tot die verdediging van albei lande belowe.

Japannese en Suid-Koreaanse amptenare het egter laat blyk dat hulle nie oor 'n aanval uit die Noorde bekommer nie maar dat die kerntegnologie op die swartmark beskikbaar sal raak.

Reaktor- en missieltegnologie is reeds aan die Midde-Ooste verkoop.

Noord-Korea wil kernprogram hervat

Die Noord-Koreaanse persagentskap het Maandag aangekondig dat Noord-Korea 'n tweede onderaardse kerntoets uitgevoer het. Die toets was geslaag volgens die agentskap. Hulle het vroeër dié maand aangekondig dat hulle hulle kernprogram wil hervat.

Die kommunistiese regime van Kim Jong Il het reeds in Oktober 2006 'n kerntoets uitgevoer. Die tweede toets is gedoen om "selfverdediging" te bevorder, het die agentskap berig.

Noord-Korea het enkele ure later volgens 'n Suid-Koreaanse berig 'n kortafstand missiel afgevuur. Die missiel het glo 'n reikwydte van 130km en is van die basis Moesoedan Ri aus gelanseer.

'n Woordvoerder van Suid-Korea Lee Myung Bak, het bevestig dat die noorde volgens alle aanduidings waarskynlik 'n kerntoets gedoen het. Die Suid-Koreaanse veiligheidsliggaam in die kabinet het intussen dringend 'n sitting belê.

Washington kon nie die nuus bevestig nie en het aangedui dat hulle kontak sal opneem met die aangewese verteenwoordigers. 'n Woordvoerder van die Amerikaanse departement van buitelandse sake wat anoniem wou bly, het gesê dat hulle meer inligting oor die beweerde kerntoets wil insamel.

Geoloë in die VSA, Japan en Korea het seismiese aktiwiteit geregistreer in Noord-Korea. Amerikaanse wetenskaplikes het 'n aardbewing wat 4,7 op die Richterskaal gemeet het, waargeneem in die noorde van die land. Japan se meteorologiese spesialiste probeer tans vasstel wat die oorsaak van die aardbewing kon gewees het.

Suid-Koreaanse seismoloë het 'n aardbewing van 4,5 in Kiljoe in die provinsie Hamjong geregistreer.

Die EU se kommissaris vir buitelandse aangeleenthede, Benita Ferrero-Waldner, wat tans op besoek aan Tailand is, het Maandag haar kommer uitgespreek. Indien dit wel waar is, het sy gesê, is "dit uiters kommerwekkend, en so 'n stap moet veroordeel word".

Na die eerste kerntoets in 2006 het die VSA sanksies teen Noord-Korea ingestel. Stephen Bosworth, die VSA se gesant in Noord-Korea, het die land destyds met "gevolge"gedreig indien hulle weer 'n toets onderneem.

online cluedo game Фильчаков Харьков

Suid-Korea treur oor ontslape leier

Sowat 35 000 Suid-Koreane het Sondag na die dorpie Bongha, 450 km van Seoel af, gestroom om eer te betoon aan die ontslape oudpres. Roh Moo-hyun nadat hy Saterdag selfmoord gepleeg het deur van ’n krans naby sy huis te spring.

In Sentraal-Seoel het treurendes ure tougestaan voor die 16de eeuse Deoksoe-paleis om wit blommekranse by ’n tydelike gedenkteken neer te lê, wierook te brand en voor portrette van die 62-jarige leier te buig.

Roh, wat armoede oorkom het om vanaf 2003 ’n volk van sowat 49 miljoen mense te lei, het ’n nota nagelaat waarin hy sy lyding weens korrupsie-aanklagte beskryf en versoek om veras te word.Hy het sy amp 15 maande gelede verlaat.

Roh en sy gesin is aan kruisverhoor onderwerp oor sowat $6 miljoen wat hulle ontvang het van ’n sakeman van Seoel wat met verskeie omkoopskandale verbind word.

Die staatsbegrafnis sal waarskynlik Vrydag ná sewe dae van rou plaasvind.

site

Strategiese Duits-Russiese kernvennootskap

'n Duits-Russiese strategiese energievennootskap gaan die oprigting van 26 nuwe kernreaktors teen 2030 in Rusland moontlik maak. Die Duitse industriële reus Siemens is betrokke by die ooreenkoms, nadat Rusland en Frankryk se kernsamewerking aan 'n einde gekom het.

Rusland bekou kernkrag deesdae weer as 'n lewensvatbare opsie nadat die land 20 jaar lank onder die gevolge, psigies en ander, van Tsjernobil moes ly. Benewens die 26 nuwe reaktors in beplanning, wil die Russe ook 20 reaktors elders bou.

Russiese kerningenieurs is tans in Indië en Bulgarye waar hulle turbines en reaktordoppe oprig en daar is planne om dieselfde in China, die Midde-Ooste, Suidoos-Asië en Noord-Afrika te doen. Rusland beplan eweneens 'n reeks drywende kragsentrales wat seewater kan ontsout in verafgeleë plekke om die aardbol.

Die Russiese maatskappy Rosatom sal saamwerk met Siemens. Die voorsitter, Sergei Kiriyenko, een van Boris Jeltsin se staatmakers, het $4.6 miljard tot sy beskikking vir die oprigting van nuwe kernkragsentrales. Daar word beplan om ongeveer $47 miljard te investeer en die Russiese regring sal 40% bydrae.

Vladimir Poetin het aangekondig dat 25 tot 30% van Rusland se energie deur kernkrag voorsien sal word binne 20 jaar. Siemens en Rosatom glo daar sal 'n aanvraag vir ongeveer 400 reaktors wees teen 2030 wêreldwyd.

Die Russe hoop om deur Siemens die Latyns-Amerikaanse mark, 'n tradisionele Siemensmark, ook te betree. Rusland beskik oor meer as 40% van die wêreld se uraanverrykingskapasiteit.

Ingenieurs is tot dusver beïndruk met die tegnologie wat in die nuwe projekte aangewend sal word en beskryf dit selfs as uitstekend.

для автосервиса

Iran vuur missiel af met enorme trefafstand

Iran het gister ’n missiel met ’n trefafstand van byna 2 000 km gelanseer en pres. Mahmoed Ahmadinedjad het gesê die Islamitiese staat kan enige aanvaller “hel toe stuur”, het die amptelike media berig.

Die trefafstand van die grond-tot-grond-missiel die Sejil is byna dieselfde as ’n ander Iranse missiel, Sjahab 3.

Ontleders sê dié wapen is binne trefafstand van Amerikaanse en Israelse basisse in die Persiese Golf.

Die Iranse staatstelevisiediens het beeldmateriaal uitgesaai van ’n missiel wat in die lug beweeg en ’n rookwolk agterlaat.

Ahmadinedjad het die lansering aangekondig op dieselfde dag as wat ’n invloedryke geestelike outoriteit die begin van ’n veldtog vir aanstaande maand se presidentsverkiesing aangekondig het. Die outoriteit het Ahmadinedjad en drie teenstanders as kandidate goedgekeur.

Die geharde Ahmadinedjad se hoofteenstanders in die verkiesing op 12 Junie is gematigdes wat die gespanne betrekkinge met die Weste wil aanspreek.

Ahmadinedjad het by ’n saamtrek in die provinsie Semnan, waar die lansering glo plaasgevind het, gesê Iran het die vermoë om enige militêre basis van waar ’n “koeël” op dié land gevuur word “hel toe te stuur”.

Hy het Israel uitgesonder. “Die Sioniste-regime bedreig Iran militêr met sy vals dreigemente.”

Die Israelse adjunkminister van buitelandse sake, mnr. Danny Ayalon, sê Iran is in staat om Europa asook sy land te tref.

’n Militêre kenner in Londen het die missiellansering beskryf as Iran se reaksie op die Israelse premier, Benyamin Netanyahu, se huidige besoek aan Washington, Netanyahu het die Joodse staat se bekommernisse oor Iran benadruk. “Elke keer wanneer hulle (Iran) dit doen (’n lansering), is dit in reaksie op ’n bepaalde gebeurtenis,” het mnr. Andrew Brookes van die Internasionale Instituut van Strategiese Studies gesê.

Amerikaanse troepe se psigiese oorlogskade neem toe

Die Amerikaanse RAND Corporation het 'n tydjie gelede 'n studie vrygestel oor die psigiese gevolge van die twee oorloë waarin die VSA tans verkeer, naamlik Irak en Afghanistan.

Uit die verslag blyk dit dat "nie alleen is 'n hoër proporsie van die magte ontplooi nie, maar ontplooiings duur langer en herontplooiing is algemeen, en rustydperke tussen ontplooiings is ongereeld."

Onlangse pogings van die weermag om hierdie kwessies aan te spreek het nie veel opgelewer nie. Die VSA se magte is onder druk en die aanbevelings wat gedoen is was volgens ingeligte waarnemers te min en te laat. Die RAND-studie het bevind dat ongeveer 300 000 mans en vroue wat in Irak en Afghanistan diens gedoen het aan posttraumatiese stres ly of aan ernstige depressie.

Dit beteken dat een uit elke vyf veterane dringend aandag benodig. Geweld, alkoholmisbruik, gebroke gesinne en selfmoord is reeds algemeen onder die groep. Meer tragies nog is dat die Amerikaanse publiek nie in hierdie gevolge van konflik belangstel nie.

Daar is ander navorsing wat RAND se verslag ondersteun. 'n CBS-nuusopname het bevind dat veterane tussen die ouderdom van 20 en 24 vier keer meer geneig is om selfmoord te pleeg as nie-veterane van dieselfde ouderdom.

Time het verlede jaar berig dat 'n groeiende aantal Amerikaanse gevegstroepe daagliks anti-depressante moet neem om die senuwees te kalmeer na lang dienstye in Irak en Afghanistan.

мой домик для барби

Britse speaker uit sy pos gedwing

Honderde Britse parlementslede wat daarvan beskuldig word dat hulle die parlement se toelaestelsel gemelk het vir eie gewin, maak die afgelope tyd opslae in Brittanje.

Die grootste slagoffer is waarskynlik Michael Martin, speaker, wat gister die eerste speaker in byna 300 jaar geword het om noodgedwonge uit sy pos te bedank.

Ontevredenheid broei reeds dae lank oor sy hantering van die geld-debakel wat Westminster in 'n slegte lig gestel het.

’n Mosie van wantroue is Maandag teen hom ingestel, nadat hy reeds ’n jare lange regstryd teen die media voer om te keer dat lede se uitgawes op die lappe kom.

Gordon Brown verkeer tans onder geweldige druk om volgende jaar se nasionale verkiesing te vervroeg ná die geldskandaal.

компрессоры цена Данильченко

Duitsland in die visier van Moslems en regses

Duitsland se minister van binnelandse sake, Wolfgang Schaeuble, het Dinsdag gewaarsku dat Moslemekstremisme 'n werklike bedreiging vir Duitsland inhou. 'n Jaarlikse veiligheidsverslag het pas die lig gesien.

"Ons is steeds in die visier van Islamiete wat geweld sal gebruik," het hy gesê. Schaeuble het bygevoeg dat Moslems wat in Duitsland gebore is en dan elders opleiding in terreur ontvang "'n ware bedreiging vir Duitsland se veiligheid inhou".

Duitsland se teenwoordigheid in Afghanistan "is 'n doring in die vlees van Islamiete". Die minister het verduidelik dat dit Duitsland se profiel as 'n teiken verhoog.

Net geluk en die werk van die Duitse intelligensie dienste het nog gekeer dat 'n aanval binnelands uitgevoer word. Hierdie jaar is daar alreeds drie videos op die internet versprei wat Duitsland spesifiek teiken.

Voorts het hy aangedui dat die aantal regse ekstremiste nou meer is as die aantal linkses, en toeneem. In 2008 was daar 9 500 potensieel gewelddadige regses en 6 300 soortgelyke linkses.

Hewige gevegte woed teen Taliban

Pakistan het Dinsdag gesê dat hulle troepe in hewige straatgevegte met die Taliban gewikkel is in die noordweste. Humanitêre organisasies sê daar is swaar verliese onder die burgerlike bevolking.

Militêre woordvoerders sê hulle beweeg nader aan die hoof Talibanvesting Mingora in die Swatvallei. Die verwoede offensief teen die Taliban mag selfs Pakistan se soewereiniteit bedreig, volgens kenners.

Die weermag het Maandag Matta en Kanja oorgeneem, nie ver van Mingora nie. Matta as eens 'n bastion van Maulana Fazlullah wat 'n opstand gelei het om Islamitiese wette te laat geld.

"Ons troepe het 'n klinkende oorwinning [teen die Taliban] behaal,"het 'n anonieme woordvoerder gesê. "Die Taliban probeer vlug, maar ons strategie is om hulle nie te laat wegkom nie."

Kommando's is reeds in Peochar, wat die weermag se volgende doelwit is. Dit is die Taliban se hoofkwartier. Die weermag konsentreer daarop om die Taliban se voorraad af te sny en hulle sodoende te "wurg".

Humanitêre organisasies is ontstig oor die geweld wat op 2 Mei uitgebreek het en wat reeds 1,45 miljoen vlugtelinge tot gevolg het. Volgens die weermag is 15 000 troepe tans teen 4 000 Talibanvegters ingespan. Islamabad het beveel dat die Taliban "geëlimineer" moet word.

Human Rights Watch het albei kante van ongevalle onder burgerlikes beskuldig. Stralers en aanvalshelikopters is vir die sterftes verantwoordelik.
воздушный с

Rusland en VSA in kernsamesprekinge gewikkel

Sergei Lavrof

Die VSA en Rusland het Dinsdag met 'n eerste rondte samesprekinge begin om 'n Koue-Oorlog kernooreenkoms wat in Desember verstryk te vervang. Die samesprekinge oor strategiese wapenbeperking, in Engels bekend as Strategic Arms Reduction Treaty of START, se uitkoms sal verreikende gevolge vir wêreldvrede inhou.

Die ooreenkoms was destyds 'n poging om 'n kern-Armageddon te vermy. Suksesvolle onderhandelinge sal Obama se aansien as vredemaker verhoog en verhoudinge tussen Rusland en die VSA verbeter. Obama het reeds die hoop uitgespreek dat die toekoms tegemoet gegaan moet word sonder kernwapens.

Die samesprekinge beteken vir Rusland ook verhoogde aansien, aangesien dié land as 'n gelyke gesien sal word met die VSA. Die onderhandelinge vind tans agter geslote deure plaas.

Rusland se minister van buitelandse sake, Sergei Lavrof, het na sy ontmoeting met sy eweknie Hillary Clinton, gesê daar is 'n goeie kans dat die twee lande se posisies nader aanmekaar kan beweeg en om ooreenkomste te bereik.

Onder die vorige Amrikaanse administrasie was daar talle struikelblokke. Moskou wil 'n breë ooreenkoms sien wat die aantal kernkoppe sowel as die aflewering daarvan insluit, terwyl Washington net op "operasioneel ontplooide" kernkoppe wil fokus.

Die Amerikaanse plan om 'n afweerskild in Oos-Europa op te rig kan 'n ooreenkoms tussen die twee lande egter in die wiele ry.

Rose Gottemoeller, wat onlangs die bestaan van Israel se kernarsenaal erken het, sal die Amerikaanse span lei, terwyl Anatoly Antonov die Russe sal verteenwoordig.

START wat in 1991 onderteken is, bepaal dat die VSA se strategiese kernarsenaal van 9 986 kernkoppe tot 8 556 verminder word en Rusland s'n van 10 237 tot 6 449.

Die ooreenkoms wat gesien word as 'n hoeksteen van strategiese wapenbeheer, se uitkoms is ook belangrik vir opkomende magte soos Indië en China. China het 'n uiters gesofistikeerde kernarsenaal.

Indië, die streeksleier in Suid-Asië, het tot dusver geen leierskap in kernaangeleenthede getoon nie en die opbouende spanning tussen Indië en Pakistan, nog 'n kernmoondheid, is rede tot kommer.

для пескоструйного

Massa eksodus uit Brittanje

Brittanje beleef tans die grootste eksodus van sy eie mense in sy onlangse geskiedenis. Nuwe data toon boonop dat immigrasie ongehoorde hoogtes bereik het.

In 2007, het 207 000 Britse burgers die land verlaat. Dit is gelykstaande aan een persoon elke drie minute. 'n Maatskappy wat gemoeid is met buitelandse valuta, naamlik Foreign Currency Direct, het openbaar dat een uit elke vier werkende Britte tans beoog om groener weivelde op te soek in warmer lande met beter werksgeleenthede.

'n Verhoging in belasting wat die hoër inkomstegroepe teiken en 'n styging in werkloosheid in Brittanje is deels verantwoordelik vir die massa eksodus.

Die aantal werklose Britte in Birmingham is die hoogste van enige groot Britse stad, en daarom is die aantal mense wat beplan om te verhuis om oorsee te gaan werk soek daar 17% in vergelyking met 13% elders in die land.

Die meeste Britte wil na 'n warmer plek gaan en verkies ook lande waar Engels gepraat word. Australië is die gunsteling, daarna die VSA en Nieu-Seeland. Ten spyte van die weer is Kanada ook 'n bestemming wat oorweeg word.

Лобановский

‘n Waarheids- en versoeningskommissie vir die VSA?

President Barack Obama word tans heftig gekritiseer omdat hy weier om nuwe foto's uit die Abu Ghraib-gevangenis vry te stel.

Sy heel eerste stap was egter om, nadat hy die presidentsverkiesing gewen het, dadelik die sluiting van die gevangenis in Guantanamo aan te kondig. Die beskuldigdes sou ook nie militêr verhoor word nie.

Maar die probleme wat sy laasgenoemde besluit meegebring het, het die president Donderdag laat besluit om weer die weermag se regstelsel in te span, hierdie keer met aanpassings om die "regverdigheid" te verbeter.

Menseregtegroepe is woedend oor die twee besluite en beskuldig Obama daarvan dat hy terugkeer na sy voorganger, Bush, se onmenswaardige beleid.

Aanvanklik het die Withuis gesê hulle sal 2 000 nuwe foto's van marteling en mishandeling vrystel, maar nadat militêre raadgewers gewaarsku het dat dit die VSA se magte in Irak en Afghanistan aan groter risiko kan blootstel, het die Oabama-administrasie van die plan afgesien.

"Die bekendmaking van hierdie foto's sal nie enige bykomende waarde toevoeg aan ons begrip van wat 'n klein aantal individue gedoen het nie," het Oabam Donderdag gesê. "Om die waarheid te sê, sal die direkte gevolg van die vrystelling daarvan, glo ek, anti-Amerikaanse sentiment verder aanblaas en ons troepe in groter gevaar stel."

In Europa is Obama se besluit met skok ontvang. In Duitsland het die Tageszeitung berig dat die mensregtemisdade wat tydens Bush se termyn gepleeg is nou nie gestraf sal word nie. Hulle het Obama van 'n toesmeerdery beskuldig.

Die Financial Times Deutschland bekla eweneens die feit dat Obama nie sy beloftes van deursigtigheid en etiese gedrag gestand doen nie, maar meen dat dit om veiligheidsredes verstaanbaar is.

Die Süddeutsche Zeitung tref die vergelyking met Suid-Afrika. Die koerant skryf dat Obama 'n pynlike besluit sal moet neem. "Die VSA sal die kwessie van marteling en mishandeling wat hulle gebruik moet konfronteer, op dieselfde wyse as wat ander lande hulle verledes hanteer het. Dit sou 'n korrekte stap wees om 'n liggaam op te rig soos die Waarheids- en versoeningskommissie in Suid-Afrika. Anders sal die skandvlek van sy voorganger op Obama reflekteer."

Фільчаков прокурор

Tamil Tiere se brul is uit

Die Tamil Tiere het gister erken hulle het ’n nederlaag gely in die 25 jaar lange oorlog met die regering van Sri Lanka en aangebied om hul wapens neer te lê namate regeringsmagte hul laaste vesting in die noordooste oorrompel het.

Die regering het die aanbod van ’n skietstaking verwerp en gesê die duisende burgerlikes wat in die oorlogsone vasgekeer was, is almal in veiligheid gebring en daar was geen rede meer om die stryd te staak nie.

Met die oorlog wat einde se kant toe staan, het inwoners van Sri Lanka die strate ingevaar en spontaan feesgevier. Pres. Mahinda Rajapaksa het ’n nuuskonferensie vir môre in die parlement belê wat reg oor die land gebeeldsend sal word.

Die lot van die Tamil Tiere se top-bevelvoerders blyk steeds onbeslis te wees, en dis onduidelik waar die kluisenaaragtige rebelleleier, mnr. Velupillai Prabhakaran, hom bevind. ’n Senior militêre amptenaar het gesê troepe het die lyke van verskeie rebelle-soldate gevind wat gister selfmoord gepleeg het toe hulle deur dié troepe omsingel is.

Dié lyke was vermoedelik dié van Prabhakaran en sy adjudante, maar die weermag probeer steeds hul identiteit vasstel, het ’n amptenaar gesê wat anoniem wou bly.

Gister het Tamil Tier-selfmoordbomaanvallers troepe geteiken en dié troepe het minstens 70 rebelle doodgemaak wat probeer vlug het, het die weermag gesê.

“Hierdie stryd het sy bittereinde bereik,” het die rebelle-amtenaar mnr. Selvarasa Pathmanathan luidens ’n verklaring gesê. “Dis ons mense wat nou sterf weens bomme, granate, siekte en honger. Ons kan nie meer toelaat dat hulle verder skade ly nie. Ons het besluit om ons gewere te laat sak.”

Hy het gesê die lyke van duisende burgerlikes en talle wat gewond is, lê op die slagveld. Die minister van media, mnr. Anura Yapa, het sy woorde verwerp en gesê regeringsmagte het alle burgerlikes gered. Aangesien die meeste joernaliste en hulpwerkers uit die oorlogsone verban is, was dit nie moontlik om die onderskeie weergawes te staaf of te weerlê nie.

подвесной светильник