Etiket: VSA

VSA bewillig miljarde vir nuwe sonkragaanleg in Noord-Kaap

Die Amerikaanse Oorsese Privaat Beleggingskorporasie (OPIC) het vyf miljard rand vir ‘n nuwe sonkragaanleg in Suid-Afrika bewillig.

Twee maatskappye sal saamspan om die projek die lig te laat sien. Dit sal na verwagting sowat honderd megawatt krag tot die netwerk lewer.

Die inisiatief is deel van President Barack Obama se Power Africa-plan, waarvolgens 90 miljard rand op die vasteland bestee sal word.

SolarReserve van Kalifornië en Saoedi-Arabië se ACWA Power sal saamwerk om die 100 megawatt sonkrag-aanleg in die Noord-Kaap te bou en te bedryf.

Die maatskappy het gesê die plan het ten doel om toegang tot elektrisiteit in Suider-Afrika te bevorder.

Die inisiatief beoog om kapasiteit van die vasteland se elektrisiteit te verhoog, met ‘n bykomende fokus op kleinskaal beleggings in hernubare energie.

OPIC het ook gesê Standard Bank het ‘n waarborg van $250m ontvang om kragopwekkings- en infrastruktuurprojekte te finansier in Suider-Afrika.

OPIC is in 1969 opgerig onder Richard Nixon as ‘n Amerikaanse “sagtemag-instrument” in die ontwikkelende wêreld om privaatfondse in infrastruktuurontwikkeling te kanaliseer, het Reuters berig.

Australië voer lugaanvalle uit op Sirië

Die Amerikaanse weermag sê Australiese gevegsvliegtuie het hulle eerste lugaanvalle op vestings van die Islamitiese Staat-groep in Sirië uitgevoer, het RSG berig.

Australië het verlede week aangedui dat hy sy betrokkenheid by die Amerikaans-geleide optrede teen die jihadistegroep gaan uitbrei.

Vroeër het die Britse eerste minister, David Cameron gesê ‘n sterk saak kan uitgemaak word ten gunste van militêre optrede teen die militante in Sirië, maar dat hy konsensus daaroor sou wou bereik in die parlement.

Dié aankondiging volg nadat Australië pas van sy premier Tony Abbott, ontslae geraak het in ‘n interne partystryd.

Abbott het die leierskapstryd met 54 stemme teenoor 44 verloor. Hy word vervang deur die voormalige leier van die Liberale Party en minister van kommunikasie, Malcolm Turnbull.

Turnbull het dié week die uitdaging aan Abbott gerig midde die al swakker vertoning van die twee jaar oue konserwatiewe koalisie regering.

Die verandering in leierskap is deel van ’n buitengewone onstabiele tydperk in Australiese politiek. Turnbull word Australië se vierde eerste minister in net meer as twee jaar.

Noodtoestand in Kalifornië na brande

Talle wonings is in ligte laaie gelaat in die wegholbrande in Seigler Springs, Kalifornië, het AFP berig.

Die goewerneur van Kalifornië het Sondag ’n noodtoestand afgekondig nadat brande in die noordelike dele van die droogtegeteisterde Amerikaanse staat versprei het.

Duisende mense is genoop om voor die vlamme uit te vlug. Die dorp Middletown met ’n bevolking van 1 300 mense is byna heeltemal in puin gelê.

Die plaaslike koerant Santa Rosa Press-Democrat het berig dat die brand binne vyf ure van net 50 hektaar na 10 000 hektaar versprei het.

Amerikaanse senatore dreig SA oor pluimvee-invoere

Amerikaanse senatore Chris Coons en Johnny Isakson het President Jacob Zuma versoek om die Suid-Afrikaanse mark vir Amerikaanse pluimvee “spoedig” oop te maak om te verhoed dat Suid-Afrika winsgewende uitvoervoordele na die VSA verloor.

Coons van Delaware en Isakson van Georgia, verteenwoordig groot pluimveeproduserende state.

Hulle het hul nuutste dringende beroep gedoen terwyl landbou- en handelsamptenare van die VSA en SA in Pretoria vergader om te probeer om die uitgerekte geskil oor Amerikaanse vleisinvoere op te los.

Op die spel is Suid-Afrika se voortgesette handelsvoordele kragtens die African Growth and Opportunity Act (AGOA).

Verlede jaar is Suid-Afrikaanse uitvoere van $1,6 miljard na die Amerikaanse mark sonder tariewe verskeep.

AGOA, wat verval op 30 September, is vroeër vanjaar hernu. Maar Coons en Isakson het daarvoor gesorg dat Suid-Afrika net sal voortgaan om die voordele te geniet as Amerikaanse vleisuitvoere – veral pluimvee – toegelaat word.

In Junie vanjaar het die twee kante in Parys ooreengekom op ‘n jaarlikse kwota van 65.000 ton Amerikaanse pluimvee.

Maar Suid-Afrika gaan steeds voort om die pluimvee-invoere te blokkeer, met verwysing na kommer oor ‘n uitbreking van voëlgriep in die VSA.

Pretoria het sy lang verbod op die invoer van Amerikaanse vark en bees ook op gesondheidsgronde ingestel.

Die veeartsenykundiges van beide kante probeer tans om die hindernisse in hul vergadering in Pretoria te oorkom.

Suid-Afrika hou vol dat nie enige pluimvee van die VSA ingevoer sal word tot die hele land vry is van voëlgriep nie.

Gedenkteken vir slagoffers van 9/11

‘n Gedenkteken is buite Shanksville in Pennsilvanië, Amerika geopen ter herinnering aan die 40 passasiers en bemanning van die United Airlines-vlug 93.

Die passasiers het vermoedelik op 9 September 2001 die vliegtuig gedwing om neer te stort om ‘n terreuraanval te fnuik.

Die vliegtuig was waarskynlik bestem om in die Senaat in Washington of teen die Withuis vas te vlieg, maar daar was geen teken van lyke of bagasie op die toneel in Shanksville nie.

Vier passasiersvliegtuie is 14 jaar gelede deur terroriste gekaap en onder meer teen die twee Wêreldhandelsentrumtorings in New York en die Pentagon buite Washington vasgevlieg.

Byna 3000 mense is in die aanvalle dood. Die amptelike getal is 2977.

Die amptelike ondersoek na die aanvalle word egter steeds deur talle spesialiste bevraagteken as ‘n blote toesmeerdery van ‘n voorafbeplande daad deur Neo-Konserwatiewes in die Amerikaanse regering.

Brittanje dood twee Britse burgers met tuig-aanvalle

Die Britse premier, David Cameron, het Maandag aankondig dat twee Britse burgers in ‘n aanval deur Britse onbemande tuie gedood is.

Die twee is dood toe die Britse weermag lede van die Islamitiese Staat (IS) in Sirië geteiken het.

Hy het gesê Augustus se aanval was die eerste keer dat Britse magte ’n aanval in ’n ander land in ’n nie-oorlogsituasie uitvoer.

Die VSA loop reeds onder kwaai kritiek deur weens die onwettige aanvalle wat hulle in ander lande uitvoer sonder dat hulle oorlog teen sulke lande verklaar het. Dit is strydig met die Geneefse Konvensie.

Ook meen kritici dat sulke aanvalle die risiko vir Moslemgeweld teen Westerse teikens aanmoedig.

Volgens Cameron was die aanval egter nodig om Brittanje te verdedig. Die regering se regsadviseurs het die aanval gesteun.

Dit was daarop gemik om spesifieke dreigemente deur terroriste met ’n ystervuis vas te vat, het Cameron gesê.

Die hoofteiken van die aanval was die 21-jarige Reyaad Khan, ’n Britse man wat in talle IS-werwings­videos verskyn.

“Junaid Hussain en Reyaad Khan was Britse burgers wat in Sirië besig was om aktief IS-ondersteuners te werf. Die mans was ook besig om spesifieke en wrede aanvalle teen die Weste te beplan,” het Cameron gesê.

Die derde man wat in die aanval dood is, is nóg ’n Britse burger, Ruhul Amin (26).

Volgens Cameron is Brittanje genoodsaak om betrokke te raak by lugaanvalle teen IS in Sirië, maar het onderneem om eers parlementêre goedkeuring te verkry voordat Brittanje by die Amerikaanse koalisie aansluit wat lugaanvalle in Sirië uitvoer.

VSA waarsku oor terreuraanval in SA

Die waarskuwing deur die Amerikaanse ambassade oor ‘n moontlike terreurbedreiging in Suid-Afrika, “word as ‘n rare veiligheidswaarskuwing in ‘n stabiele demokrasie bestempel”, het RSG berig.

Dit volg nadat die Amerikaanse ambassade in Pretoria*gister ‘n waarskuwing op sy webwerf gerig het aan sy burgers in Suid-Afrika oor ‘n moontlike terreuraanval op Amerikaanse teikens.

Die ambassade sê hy het nie inligting oor spesifieke teikens of tydsberekening nie, maar Amerikaners moet waaksaam wees en voorsorgmaatreëls tref. Sakeondernemings is ook gewaarsku.

Amerika het vroeër bevestig dat hy spesifieke en geloofwaardighede inligting oor die aangeleentheid het. Die Verdedigings- en Sekerheidsontleder, Helmoed Heitman, het vroeër gesê Suid-Afrika is ‘n sagte teiken vir terroriste en hy glo die waarskuwing is geloofwaardig.

Die departement van staatsveiligheid het bevestig dat hulle ondersoek instel na dreigemente dat Amerikaanse regering- en sakebelange in Suid-Afrika bedreig word.

‘n Woordvoerder, Brian Dube sê hulle werk met die wetstoepassingagentskappe en Amerikaanse owerhede saam in die verband.

Die Amerikaanse departement van buitelandse sake het ook die samewerking bevestig.

Die ambassade het vroeër gesê hy het geloofwaardige en spesifieke inligting ontvang dat ekstremiste moontlik Amerikaanse belange in Suid-Afrika teiken.

Spanning tussen Koreas ontlont

Noord- en Suid-Korea het vandeesweek ooreengekom om die onlangse spanning op die Koreaanse skier­eiland te ontlont ná insidente by die grens.

Albei lande se weermagte was op ’n gereedheidsgrondslag geplaas nadat verlede Donderdag se oor-en-weer skietery.

Die krisis het Donderdag breekpunt bereik nadat Noord-Korea vier grofgeskutrondes op Suid-Korea afgevuur het. Die Suide het die grofgeskut met 29 rondes beantwoord.

Propaganda-uitsendings deur Suid-Korea is ná 11 jaar hervat nadat ‘n landmynontploffing in die gedemilitariseerde sone tussen die twee landes Suid-Koreaanse soldate beseer het.

Die uitsendings het enkele dae ná die ontploffings begin. Propaganda en harde popmusiek is oor luidsprekers in die rigting van die Noorde uitgesaai.

Volgens die Suid-Koreaanse nuusagentskap Yonhap kon die Noorde en Suide Maandag ‘n ooreenkoms bereik na onderhandelinge wat sedert Saterdag duur.

Volgens die ooreenkoms sal Noord-Korea om verskoning vra vir die landmynontploffings en Suid-Korea sal die propaganda-uitsendings staak.

Die twee Koreas verkeer tegnies steeds in ’n staat van oorlog sedert die Koreaanse Oorlog in 1953 met ’n wapenstilstand geëindig het.

Die twee lande het nooit ‘n vredesverdrag onderteken nie.

Noord-Korea dreig egter voortdurend met militêre optrede in reaksie op die jaarlikse weermagoefeninge tussen die VSA en Suid-Korea.

Swartman skiet twee wit joernaliste ‘oor kerkslagting’

Die swart man wat ‘n TV-joernalis en kameraman in Virginia doodgeskiet het, Vester Flanagan, is in ‘n hospitaal aan ‘n skietwond oorlede.

Flanagan, geklee is swart, het twee wit joernaliste, Alison Parker en Adam Ward tydens ‘n regstreekse televisie-onderhoud geskiet.

Die moordenaar, ook bekend as Bryce Williams, het ‘n geskiedenis van dreigemente van geweld teen sy mede-werkers, alhoewel hy dan voorgegee het dat hy die slagoffer van “rassisme” was.

Vester Lee Flanagan sê in ‘n selfmoordbrief dat Junie se slagting van swart gemeentelede by ‘n kerk in Suid-Carolina die “kantelpunt” was wat hom gestuur het om twee wit joernaliste Woensdag op televisie te gaan vermoor.

Maar in hofstukke en onderhoude met The Daily Beast, het voormalige kollegas hom beskryf as ‘n problematiese werknemer wat herhaaldelik tereggewys is vir sy harde behandeling van kollegas en sy slordige werk.

Hulle sê sy klagtes oor rassisme was om die werklike evaluering van sy werk te verbloem.

“Hy het net ‘n geskiedenis van die rassekaart speel,” het die voormalige WTWC-anker Dave Leval aan The Daily Beast gesê. “Ek weet hy het dit in Tallahassee ‘n paar keer gedoen….”

Die dag toe Flanagan afgedank is by ‘n TV-stasie in Virginia in 2013, moes sy base die polisie laat kom as gevolg van sy gewelddadige gedrag.

Dié voorval is op kamera vasgelê deur Adam Ward, die man wat Woensdag een van sy slagoffers sou word.

Voordat Ward Woensdag dood is, het hy sy kamera ‘n laaste keer gelig om ‘n duidelike skoot van sy moordenaar te kry.

Die Amerikaanse polisie sê Flanagan het homself gewond na ‘n jaagtog op ‘n snelweg en is onder bewaking in die hospitaal oorlede.

Die gas met wie die onderhoud gevoer is, is in die rug geskiet en na die hospitaal gehaas.

Noord- en Suid-Korea grom weer vir mekaar

Suid-Korea het dié naweek dosyne mortiere op Noord-Korea afgevuur nadat Noord-Korea ’n enkele vuurpyl op ’n Suid-Koreaanse dorp naby die wêreld se swaarste bewapende grens afgevuur het, het AP berig.

Die Suid-Koreaanse ministerie van verdediging sê die mortiere het naby die plek geland van waar die Noord-Koreane hul vuurpyl afgevuur het. Dit wil voorkom asof Noord-Korea nie gereageer het op Suid-Korea se reaksie nie.

Noord-Korea het in die verlede gedreig om Suid-Koreaanse luidsprekers aan te val, wat vir die eerste keer in elf jaar begin het om anti-Pjongjang propaganda-boodskappe oor die gedeelde grens uit te saai.

Nagenoeg 80 inwoners van die Suid-Koreaanse dorp waar die vuurpyl geval het, is vir veiligheid na ondergrondse bunkers geneem.

Die oorgrens propaganda-oorlog volg nadat Seoel Pjongjang daarvan beskuldig het dat dit landmyne aan die Suid-Koreaanse kant van die gedemilitariseerde sone geplant het wat vroeër die maand twee Suid-Koreaanse soldate vermink het.

Die outoritêre Noord-Korea is uiters sensitief vir enige kritiek teen die regering van Kim Jong Un, wie se familie aan bewind is sedert die land in 1948 tot stand gekom het.

Swak rand beperk petrolprysdaling

Alhoewel motoriste minder vir brandstof sal betaal, kan ‘n swakker rand nog ‘n invloed uitoefen.

‘n Brandstofprys daling word in September verwag met petrolpryse wat kan afneem tussen 55c en 64c per liter.

Die Automobiel-Assosiasie (AA), het Maandag gesê die skerp depresiasie van die rand teenoor die Amerikaanse dollar word deur die voortgesette daling in internasionale oliepryse veroorsaak.

Die rand het aansienlik teenoor die Amerikaanse dollar sedert die laaste week van Julie verswak.

Internasionale oliepryse neig afwaarts wat beteken dat daar nog ‘n redelike vooruitsig van ‘n daling in die brandstofprys aan die einde van die maand verwag word.

Brentru-olie vir Oktober was Maandag onveranderd op $49,10 per vat.

“Die kombinasie van verhoogde olievoorraad in die VSA en die verhoging van OPUL se produksie, trae groei in die vraag, en ‘n sterker VSA (dollar) sal voortgaan om oliepryse te beïnvloed” het ‘n markontleder aan AFP gesê.

Die AA het gesê sonder die impak van die swak rand, sou die daling in die petrolprys tussen 75c tot 83c per liter gewees het.

Jeb Bush kla dat Hillary nie oorlogsugtig genoeg is nie

Die voormalige goewerneur van Florida, Jeb Bush, sê “hernude Amerikaanse leierskap” is in die Midde-Ooste nodig om die militante Islamitiese Staat-groep (ISIS) en ’n ideologie wat die “fokus van boosheid in die moderne wêreld is”, te verslaan.

“Die bedreiging van ’n globale jihad en ISIS in die besonder, vereis al die krag, eenheid en selfvertroue wat net Amerikaanse leierskap kan bied,” het Bush gesê. Hy het in Simi Valley, Kalifornië, opgetree.

“ISIS het gegroei terwyl Amerika belangstelling in die Midde-Ooste verloor het en die bedreiging geïgnoreer het. Waar was die minister van buitelandse sake, Clinton, toe dit gebeur het?” het Bush gevra.

Hy sê Clinton het “rondgestaan” toe die harde oorwinning deur Amerikaners en hul bondgenote “weggegooi” is. “In al haar rekordaantal buitelandse reise het sy presies een keer in Irak gestop.”

Amerikaanse troepe het Irak in Desember 2011 verlaat ingevolge ’n 2008 veiligheidsooreenkoms met oudpresident George W. Bush. Albei kante wou graag sien dat etlike duisende Amerikaanse troepe ná die sperdatum in Irak moes aanbly om ’n demper op spanning onder Islamitiese sektes te plaas.

Die Irakse regering het egter geweier dat Amerikaanse magte in die land aanbly nadat pres. Barack Obama se administrasie op “geregtelike immuniteit” aangedring het om die magte te beskerm.

Obama, wie se veldtog om die president­skap grootliks gevoer is op die beëindiging van die oorlog in Irak, het die geleentheid aangegryp om Amerikaanse magte aan Irak te onttrek.

“Dit was ’n geval van dodelike haas om te onttrek en om die tragiese gevolge iemand anders se probleem te maak,” het Bush gesê. “Om weg te vlug van gevaar is net so onwys as om in gevaar in te storm. Die koste is ewe groot,” het hy bygevoeg.

Trump meer steun as volgende twee kandidate saam

Net dae voor die eerste Republikeinse presidensiële debat in Cleveland, Ohio, is kandidate en hul adviseurs raadop met Donald Trump. Die slimste strategie het nog nie gewerk om hul mededinger vas te vat nie.

Trump se verrassende uithouvermoë het selfs die mees gehardes in Washington sonder antwoorde gelaat.

Die grootste nuus is die toename in menings wat Trump in ‘n goeie lig beskou, met 52% wat gunstig reageer en slegs 35% wat ongunstig reageer.

Trump is gewild onder mans en vroue, jonk en oud, konserwatiewe Republikeine en liberale Republikeine, Tea Party Republikeine asook nie-Tea Party Republikeine.

Sy teenstanders in die media en in sy eie party het vroeër voortdurend sy hoë aantal ongunstige stemme uitgewys as ‘n teken dat sy potensiaal van ondersteuning te laag is vir hom om die Republikeinse nominasie wen.

Nadat hy egter die oorlogrekord van John McCain, die oorlogsugtige Arizonasenator wat meer as vyf jaar ‘n gevangene in Viëtnam was, verkleineer het, het sy veldtog spoed gekry.

Die miljardêr tel daagliks momentum op en nege ander Amerikaanse Republikeine wat hoop op die presidentskap, se kanse is besig om te taan.

Tien kandidate sal deelneem aan die Republikeine se eerste ­televisiedebat in Cleveland eerskomende Donderdag op Fox News. Die tien Republikeine het die hoogste persentasie steun in die vyf laaste peilings uit 16 kandidate behaal.

Trump sal na verwagting die debat van 90 minute oorheers met kaalkopwaarhede.

Volgens die jongste peilings bly Trump die voorloper met 26% van die steun onder Republikeinse kiesers, teenoor Scott Walker se 12% en Jeb Bush se 11%.

Walker en Bush saam het nie eens soveel steun soos Trump nie. Trump se steun het sedert Julie verdubbel, terwyl Bush se steun afgeneem het.

Gifkomplot teen Zuma oopgevlek

Een van pres. Jacob Zuma se vroue, Nompumelelo Zuma, het glo erken dat sy bewus was van ‘n komplot om die president te vergiftig.

Die diagnose van vergiftiging is deur Russiese dokters bevestig.

Luidens City Press beweer bronne dat Zuma se vervreemde vrou, ook bekend as MaNtuli, eersdaags aangekla sal word van sameswering om moord te pleeg.

Haar beweerde medepligtiges sluit glo ‘n sakeman van KwaZulu-Natal in. Drie van die vier bronne bevestig ook dat ander plaaslike en oorsese individue dopgehou word.

Die Sunday Times het in Februarie berig dat MaNtuli uit die presidensiële huis in Nkandla geskop is omdat Zuma agterdogtig begin raak het oor haar betrokkenheid by ’n komplot om hom te vergiftig.

Wetstoepasser-bronne sê MaNtuli het ook ’n verklaring vir die ondersoekers afgelê waarin “ ’n paar baie interessante name” genoem word.

Hoewel twee onafhanklike bronne sê die NVG-base is ten volle bewus van die saak, wou Luvuyo Mfaku, NVG-woordvoerder nie kommentaar lewer nie.

Vermoedens oor ’n moontlike vergiftigingskomplot het in Junie verlede jaar begin toe Zuma ernstig siek geword het. MaNtuli is weens haar buite-egtelike verhouding met een van Zuma se lyfwagte, Phinda Thomo, verdink.

Hoewel die motief vir die komplot nog onbekend is, sê die bronne hulle glo MaNtuli is daarby ingetrek toe sy verlede jaar op ’n sakebesoek aan die VSA was.

Terwyl sy daar was, is sy deur die samesweerders baie geld belowe om haar man te vergiftig.

“Hulle het haar oorreed omdat sy direkte toegang tot die president gehad het. Geld het hande verwissel. Baie daarvan. Die ooreenkoms was om die president te vermoor,” het een bron aan City Press verklaar.

Die familie het meer agterdogtig geraak toe MaNtuli ‘n duur huis in die Pietermaritzburg-gebied gekoop het en haar vriende drie weke lank in ’n vyfsterhotel in Durban onthaal het.

MaNtuli vermy glo tans vliegtuie en word steeds deur BBP-beskerming opgepas.