Etiket: aanleg

Jang Kieng, die algemene bestuurder van Chana Internasionale Korporasie, het aan Business Report gesê dat die belegging, wat 1 000 werksgeleenthede gaan skep, in drie fases opgerig gaan word.

Die vestiging van 'n monteringsaanleg sal die finale fase wees, as Chana 'n vierpersentmarkaandeel van die plaaslike mark bereik het, het hy gesê.

Tony Twine, 'n motornywerheidsontleder en direkteur van Econometrix, het gesê dit sal die eerste belegging in 'n nuwe motormonteringsaanleg in Suid-Afrika oor die afgelope 40 jaar wees.

Ander fases van Chang se belegging sluit die oprigting van 'n maatskappy om Chana-verkope in Suid-Afrika aan te moedig in, asook 'n motorfinansieringsmaatskappy met strategiese vennote in die vorm van China Construction Bank, Absa en Wesbank.

Volgens Business Report, betree Chana die Suid-Afrikaanse mark in 2006 via Abrina, 'n plaaslike invoer- en verpreidingsmaatskappy.

"Tot op hede is ongeveer 7 000 Chana-voertuie in die plaaslike mark verkoop," het die verslag gesê.

Chang is China se vierde grootste voertuigvervaardiger.

Die maatskappy het nog nie die ligging van die monteeraanleg bepaal nie, word berig.

Iqbal Sharma, die adjunkdirekteurgeneraal by die departement van handel en nywerheid, is aangehaal waar hy sê dat die belegging deur Chana 'n mylpaal in die verhouding tussen Suid-Afrika en China verteenwoordig.