Internasionale nuus – Bladsy 37

Turkye se ‘staatsgreep’ lyk na Islamitiese suiweringsveldtog

Nagenoeg drieduisend vermeende militêre samesweerders is in Turkye in hegtenis geneem, ná ‘n mislukte staatsgreep Vrydagnag.

Duisende regters, staatsaanklaers, militêre leiers en soldate is gevange geneem en lasbriewe vir die ander se inhegtenisname is uitgereik.

Verskeie regsgeleerdes, onder wie tien regters en twee lede van die die grondwethof word ook aangehou in wat deur ontleders bestempel word as ‘n Islamitiese oorname van ‘n sekulêre staat wat deur die president self gelei word.

Rusland het Turkye vroeër daarvan beskuldig dat hulle ISIS steun deur die internasionale terreurgroep se gesteelde olie te herverkoop.

Die Turkse president, Tayyip Erdogan het intussen gewaarsku dat daar streng opgetree sal word teen diegene wat die staatsgreeppoging aangehits het.

Vrese dat Erdogan met mening gaan toeslaan op sy sekulêre teenstanders, het intussen opgevlam.

Minstens 265 mense is dood toe rebellesoldate Vrydagaand tenks, helikopters en vegvliegtuie ingespan het in ‘n powere poging om Erdogan se regering omver te werp.

Min van die vereistes vir ‘n suksesvolle staatgreep is egter nagekom en die vermeende poetsjiste het glo selfs gesorg dat die president nie tuis is nie. Hulle het ook geen ander leier in sy plek voorgestel nie.

Volgens die jongste syfers is 265 mense dood, wat 104 samesweerders insluit.

Die Amerikaanse president, Barack Obama het intussen sy land se steun aan die Turkse regering herbevestig.

Die president van die Turks-Suid-Afrikaanse Vriendskapsinisiatief, Abubekir Salim, het die mislukte staatsgreep veroordeel.

Salim sê hulle sal voortgaan om enige “demokratiese metodes” te ondersteun om die situasie te stabiliseer. Hy het Turkse burgers by die ambassade in Pretoria toegespreek.

Salim het ook gesê hulle sal “enige verkose regering” in Turkye steun.

Chaos het ten minste agt uur lank in Istanboel en Ankara geheers terwyl rebelle brûe, die parlementegebou en ander sleutelgeboue probeer beset het.

Van die soldate wat gevang is, het gesê hulle was onder die indruk dat hulle aan ‘n militêre oefening deelneem.

Die Turkse president het beroep op Amerika gedoen om Fethullah Gulen, sy eertydse bondgenoot, uit te lewer omrede Gulen glo die staatsgreep “georkestreer” het.

Gulen het die aantygings met minagting verwerp.

Erdogan het by sy vakansiebestemming geskuil toe hy op sosiale media ‘n beroep op die publiek gedoen om hom te steun. Duisende Turke het hierop die strate ingevaar om die rebellesoldate te konfronteer.

Die rol wat moskees regoor die land gespeel het in die mobilisering van Erdogan se ondersteuners soos die staatsgreep ontvou het, was deurslaggewend, maar ook ‘n teken van die ondergang van sekulêre Turkye.

Honderde Erdogan-ondersteuners het Saterdagaand op pleine, die lughawe in Istanboel en buite sy paleis bymekaargekom om hul steun te wys.

Turkye, ‘n lid van NAVO met graag deel van die Europese Unie (EU) wil word, is die deurgang vir die miljoene migrante wat jaarliks na die EU stroom.

Tans pers die president die EU af vir hulpgeld om die migrantestroom onder beheer te hou, maar met die jongste gebeure wat lyk na ‘n gereëlde toneelopvoering om van sekulêres ontslae te raak, kan die immigranteprobleem in Europa verder vererger.

Onstabiliteit in Turkye, wat as buffer tussen Europa en Sirië dien, kan met die voortslepende vlugtelingkrisis enorme gevolge vir Europa inhou.

Die Turkse Grondwet is intussen verander om net verwysings na Allah alleen te bevat.

Gulen het die staatsgreep veroordeel en bygevoeg dat dit aan Erdogan ‘n verskoning bied om met mening op enigeen toe te slaan wat van hom verskil in wat hy as ‘n suiweringsveldtog bestempel eerder as ‘n staatsgreep.

John Kerry, die Amerikaanse minister van buitelandse sake, het gesê Washington sal met die Turkse owerheid saamwerk, maar dat Gulen nie uitgelewer sal word sonder bewyse dat hy betrokke was nie.

Kerry het ook verbaas gereageer op hoe onbeholpe die vermeende staatsgreep uitgevoer is.

Honderde soldate word in Ankara aangehou, onder wie die bevelvoerder wat spesifiek in beheer is van die beveiliging van Turkye se grens met Sirië, Irak en Iran.

Erdogan se Islamitiese ideologie is in stryd met die weermag, wat al meermale staatsgrepe gebruik het om moderne Turkye se sekulêre grondslag te beskerm.

Die Franse regering het gewaarsku dat die mislukte staatsgreep nie president Recep Tayyip Erdogan rede gee om van die opposisie ontslae te raak nie.

Die minister van buitelandse sake Jean-Marc Ayrault het aan die Franse media gesê daar moet binne die raamwerk van die wet opgetree word.

Vanoggend het die Turkse nuusagentskap gesê bykomende polisiebeamptes is na Istanbul ontplooi in die lig van Vrydag se mislukte staatsgreep.

Hulle patrolleer die strate en het opdrag gekry om enige helikopter af te skiet wat oor die stad vlieg.

Die Turkse president oorweeg tans om die doodstraf weer in te stel.

Swart aanvaller lei Baton Rouge polisielede in lokval

Die polisie in Baton Rouge in Louisiana het ‘n swarte doodgeskiet wat glo ‘n gewapende lokval vir ses polisiebeamptes gestel het.

Drie van die beamptes is in die aanval dood. Nog vier is gewond. Die polisie het die aanvaller doodgeskiet. Hy is ‘n Afro-Amerikaner wat vyf jaar in die weermag was en medaljes ontvang het vir goeie diens in Irak.

Die aanvaller het ‘n anti-wit Youtube-rekening in die naam van Gavin Eugene Long (foto hierbo) bedryf.

Die burgemeester van Baton Rouge, Kip Holden het gevra vir gebede vir die polisiebeamptes en hul gesinne.

Verlede week het ‘n swartman vyf wit polisiebeamptes in Dallas in Texas in ‘n rasse-aanval vermoor.

Die jongste skietery – wat plaasgevind het net voor 09:00, minder as twee kilometer van die polisie se hoofkwartier – kom te midde van stygende spanning regoor die VSA tussen die swart gemeenskap en die polisie.

Die rasse van die verdagte en die beamptes is daarom nie onmiddellik bekendgemaak nie.

Maar Lang se sosiale mediaprofiel toon dat hy ‘n voormalige lid van Nation of Islam was.

Hy ook uitgevaar teen “crackers” – ‘n Afro-Amerikaanse skelwoord vir wittes – en het verwysings na Alton Sterling, die swarte wat deur die polisie in Baton Rouge op 5 Julie doodgeskiet is, geplaas.

Ander inligting oor Lang toon dat die Kansas City inwoner volgens ‘n CBS-berig eervol ontslaan is uit die Marines in 2010, en ook onder die naam Cosmo Ausar Setepenra bekend was.

Dit is nou die vierde hoëprofiel-dodelike aanval in die Verenigde State van Amerika teen hoofsaaklik wit polisielede die afgelope twee weke.

Die geweld waarin 12 mense dood is, insluitende agt polisiebeamptes, het gelei tot ‘n nasionale gesprek oor ras en polisiëring met Demokratiese leiersfigure wat swart geweld probeer regverdig en “dialoog” met terroriste aanmoedig.

President Barack Obama het ‘n beroep gedoen om kalmte gedoen nadat die polisiebeamptes Sondag doodgeskiet is.

Obama het ook ‘n beroep op Amerikaners gedoen om te verenig.

Sen. Bill Cassidy het egter aan CNN gesê: “Daar is ‘n oorlog verklaar teen die polisie.”

Die polisiebeamptes is vermoedelik doelbewus deur middel van ‘n oproep na 911 na Baton Rouge gelok waar hulle in ‘n hinderlaag gelei is.

Die aanval is by ‘n vulstasie op die Airline-snelweg geloods waar die skieter die polisiebeamptes ingewag het by ‘n fiksheidsentrum langsaan.

Die polisie het gesê hulle het met behulp van ‘n gespesialiseerde robot gekyk vir plofstof naby die liggaam.

Op YouTube onder die skuilnaam Cosmo Setepenra, het die skieter die volgende kwytgeraak:

“Let’s just go with the numbers, let’s go with the history, 100 percent of revolutions of victims fighting their oppressors, from victims fighting their bullies, 100 percent have been successful through fighting back, through bloodshed,” Long said in one video. “Zero have been successful just over simply protesting. It has never worked and it never will, you gotta fight back. That’s the only way a bully knows to quit, he doesn’t know words.”

Long continued, “If y’all want to keep protesting, do that, but for the serious ones the real ones, the alpha ones, we know what it’s going to take, it’s only fighting back or money that’s all they care about. Revenue and blood … nothing else. You’re in a world that’s run by devils.”

Sewe in aanhouding na Nice-aanval

Franse owerhede het nóg twee mense in hegtenis geneem in die ondersoek na die Bastille Dag vragmotoraanval in Nice waarin minstens 84 mense dood is.

Die jongste inhegtenisnemings bring die totale aantal verdagtes op sewe te staan.

‘n Amptenaar verantwoordelik vir nasionale terreurondersoeke by die aanklaer se kantoor in Parys, wat anoniem wou bly, het gesê ‘n man en ‘n vrou is vanoggend in hegtenis geneem in Nice.

Hy het bygevoeg dat vyf mense wat vroeër aangekeer is in aanhouding bly.

Owerhede probeer vasstel watter hulp die vragmotorbestuurder en inwoner van Nice, Mohamed Lahouaiej Bouhlel, gehad het.

Die internasionale terreurgroep ISIS het verantwoordelikheid aanvaar vir die 31-jarige Tunisiër se massamoord op burgerlikes Donderdagaand.

ISIS het aan die Aamaq-nuusdiens bevestig dat die vragmotorbestuurder ‘n “soldaat van ISIS” is.

Berigte dat die vragmotor wat Bouhlel bestuur het, toegerus was met koeëlvaste ruite, is intussen deur anonieme bronne na aan die ondersoek ontken.

Foto’s wat ná die tyd van die vragmotor se kajuit geneem is, toon duidelik dat verskeie skote deur die glas gedring het.

Die voorruit is nie daardeur nie versplinter nie, wat daarop dui dat dit nie ‘n koeëlvaste ruit was nie.

Die Tunisiër het die vragmotor by Location gehuur, nadat hy vir die grootste voertuig gevra het wat die bekende Franse verhuringsmaatskappy beskikbaar het.

Die maatskappy het die verhuring bevestig maar gesê amptenare van binnelandse sake het hulle nou belet om verder met die media te skakel.

‘n Werknemer het vertel dat die terroris die verhuringmaatskappy twee keer besoek het en alhoewel hulle nie kameras op die perseel het nie, kon hulle die dader presies beskryf.

Die Franse minister van binnelandse sake, Bernard Cazeneuve, het intussen gesê dit is in ‘n nuwe tipe bedreiging sonder die gebruik van outomatiese wapens.

Maar die familie van die Tunisiër wat 84 mense in Nice in Frankryk doodgery het, het onthul dat hy jare lank sielkundige behandeling ontvang het.

Selfs voordat hy Tunisië in 2005 verlaat en in Frankryk gaan woon het, is hy behandel. Dit mag dalk dui op psigiese voorbereiding vir die gru-daad wat hy verlede week uitgevoer het.

Mohamed Bouhlel se suster, Rheb, sê haar broer het sielkundige probleme gehad, en die familie het dokumente aan die Franse polisie gewys wat daarop dui dat hy psigiaters besoek het.

Intussen het besoekers aan die jaarlikse Bastillefees op Franschhoek in die Boland hulde gebring aan die slagoffers van die massaslagting deur ‘n internasionale terreurgroep by ‘n soortgelyke fees die afgelope week in Nice in Frankryk.

Veiligheidsmaatreëls by die plaaslike fees op Franschhoek is verskerp. Van die besoekers het gesê hoewel hulle die fees baie geniet, dink hulle aan wat in Frankryk gebeur het.

RSG het die massaslagting ‘n “vragmotorramp” genoem.

Die Franse anti-terreureenheid het ‘n SMS-boodskap op ‘n selfoon gekry wat aan die terroris behoort het wat lees: “Ek het die toerusting”.

Die nuutste onthulling van Franse ondersoekers dui heel waarskynlik op ‘n geheime ISIS-terreurnetwerk wat die aanvalle waarin 84 mense omgekom het, goed beplan het.

Wapens en handgranate was in die ruim van sy gehuurde vragmotor.

Hy het die Promenade des Anglais in Nice op Dinsdag 12 Julie en Woensdag, 13 Julie gaan verken en kan gesien word op geslotekring-TV waar hy die gebied met fyn belangstelling dophou, het Europ1 berig.

Een van die polisie-agente het aan L’Obs beskryf hoe hulle die terroris doodgeskiet het.

Hulle is per radio ontbied en toe hulle die vragmotor gewaar was dit nie vir die polisiebeamptes dadelik duidelik dat hulle met ‘n terreurdaad te make het nie.

“Ek het nie dadelik verstaan wat ek sien nie,” het hy gesê. Hy was ongeveer 15m van die vragmotor.

Een voetganger het op die vragmotor gespring en die bestuurder het ‘n handwapen uitgeruk.

Die bestuurder het op die beamptes begin skiet en hy is daarna doodgeskiet.

‘n Aantal beamptes het losgetrek op die wit vragmotor, maar is beveel om vuur te staak, nadat die bestuurder in die kop geskiet is en agteroor geval teen die passasiersvenster.

Idris Elba se jongste rolprent, Bastille Day, is aan teaters in Frankryk onttrek na Donderdag se dodelike vragmotoraanval in Nice.

Elba se rolprent, wat handel oor ‘n sameswering om ‘n bom in Parys te laat ontplof is Woensdag in Frankryk bekendgestel.

ISIS juig toe Nice-aanvaller bekend word

ISIS het intussen die terreuraanval in Nice, Frankryk, op Donderdag met blydskap gevier terwyl die Moslemverdagte se naam vrygestel is.

Die internasionale terreurgroep sê dit was weerwraak vir die dood van ‘n sogenaamde “minister van oorlog” wat vroeër vanjaar deur koalisiemagte vermoor is in gevegte in Irak.

‘n Moslem in ‘n wit vragmotor het deur ‘n groot skare witmense tydens die viering van Bastilledag, ‘n Franse vakansie ter herdenking van die bestorming van die beroemde Parysvesting in 1789, geploeg.

Bastilledag is ‘n belangrike mylpaal in die Franse Revolusie. Die bestuurder van die vragmotor is na bewering deur die Franse owerhede doodgeskiet. Hulle het sy identiteitskaart in die vragmotor gevind.

“O Frankryk, jy en die hele Europa sal nooit veilig wees totdat ons elke duim van die land as die Kalifaat laat herleef nie,” skryf een ISIS-ondersteuner wie se Twitterrekening sedertdien opgeskort is.

Die naam van die aanvaller is kort gelede deur in Franse media vrygestel as Mohamed Lahouaiej Bouhlel, ‘n 31-jarige gewoontemisdadiger wat in Tunisië gebore is.

Sy naam is deur die plaaslike nuuswebwerf Nice-Matin vrygestel.

‘n Getuie Eric Ciotti het aan Europe 1 se radiostasie vertel van die verskriklike oomblikke toe mense gevlug het na veiligheid.

‘n Paar het in die see in gehardloop in ‘n desperate poging om te ontkom aan die jongste massamoord in Frankryk.

Hy het bygevoeg: “‘n Persoon het op die vragmotor gespring om te probeer om dit te stop.

“Dit is op daardie oomblik dat die polisie in staat was om hierdie terroris te neutraliseer. Ek sal die gesig van daardie polisievrou wat die moordenaar gekeer het, nooit vergeet nie.”

Hier is die lys van ISIS-aanvalle vir 2016.

Vyftig kinders, waarvan talle om hul lewens veg in Nice-kinderhospitaal

‘n Frans-Tunisië krimineel wat goed bekend was aan die polisie vir gewapende aanvalle het met ‘n gehuurde vragmotor in ten minste 84 mense ingeploeg in ‘n terroriste-aanval tydens Bastilledag vieringe in Nice.

Die man was nie op die Franse intelligensiedienste se lys van terreurverdagtes nie, maar was bekend aan die polisie in verband met misdade soos diefstal en geweld.

Baie kinders is onder die dooies in die Rivierastad na ‘n lafhartige en barbaarse gruweldaad deur ‘n 30-jarige Moslemaanvaller.

Franse gesinne oral in Frankryk neem graag hul kinders om na die gebruiklike vuurwerkvertoning op Bastilledag te kyk. L’Express het in ‘n roerende reaksie vanoggend na die grudaad gevra: “Hoe praat ons ons kinders moed in?”

Nice se kinderhospitaal het bevestig dat ten minste 50 kinders en tieners opgeneem is. Twee kinders is voor en na noodoperasies oorlede aan ernstige beserings.

Honderde ander mense is in die hospitale opgeneem in die gebied, insluitend 18 volwassenes wat veg vir hulle lewens in die waakeenheid.

Anti-terreur aanklaers het ‘n ondersoekdossier na “massamoord” geopen en ondersoekbeamptes deursoek die huis van die bestuurder in die Abattoirs-gebied van Nice.

Die geharde krimineel het, nadat hy tussen die skare ingejaag het, ook op mense losgebrand voordat hy deur die polisie doodgeskiet is.

Nadat hy gestop is deur gewapende polisie, wat koeëls afgevuur in voorruit die vragmotor, het die tot dusver onbekende man steeds op beamptes met ‘n 7.65-pistool gevuur voordat hy doodgeskiet is.

Ammunisie en handgranate is in die vragmotor gevind. Owerhede het dit as ‘n afgryslike daad en onbeskryflik wreed bestempel.

Oorlewendes het oor die liggame van die dooies in die straat van die toneel gevlug. Die meeste verkeer steeds in skok na die aanval wat op die grootste vakansiedag in Frankryk plaasgevind het.

‘n Aantal konserte wat vandag in Nice in Frankryk sou plaasvind, is gekanselleer na se gru-aanval op onskuldige mense. Niemand het nog aanspreeklikheid vir die aanval aanvaar nie.

Die Amerikaanse sangeres Rihanna en ‘n internasionale jazz-fees het hulle konserte in die stad gekanselleer.

Intussen het die President van Frankryk, Francois Hollande, die aanval in Nice as ‘n terreurdaad bestempel.

Die hoof van die Franse weermag het vroeër gesê die land het inligting oor ‘n beplande terreur-aanval op sy span by die Olimpiese Spele in Rio de Janeiro.

Christoph Gomart het aan ‘n parlementêre kommissie gesê ‘n agentskap het hulle oor die sameswering deur ‘n militante groep van Brasilië ingelig.

Gomart het die opmerkings gemaak by ‘n kommissieverhoor oor verlede jaar se aanvalle in Parys.

Die transkripsie van die verhoor is pas bekendgemaak. Brasilië se veiligheidskabinet het egter gesê hy het geen inligting oor die bedreiging van die Franse owerheid ontvang nie.

Hollande het aangekondig dat die noodtoestand wat ná die terreuraanval in Parys in November afgekondig is, vir nog drie maande verleng sal word. Die noodtoestand sou aan die einde van Julie geëindig het.

Intussen is die Tour de France se sekuriteitsmaatreëls opgeskerp vir Vrydag se 13de skof na aanleiding van die aanval in Nice.

Meer as 2 miljoen stroom Duitsland binne

Die jaar 2015 het die die hoogste vlak van immigrasie in Duitsland se geskiedenis gelewer.

Verlede jaar, was daar ‘n migrasie-oorskot van 1 139000 mense, het die Duitse Federale Buro vir Statistiek verklaar.

Statistici skryf dit toe aan die vlugtelingkrisis, maar ook die styging in immigrasie uit die nuwe EU-lidlande wat steeds voortgaan.

Verlede jaar het 2137000 mense na Duitsland gekom. Dit verteenwoordig ‘n toename van 672,000 of 46 persent in vergelyking met 2014.

Dit beteken ook dat meer as 2 miljoen mense, waarvan die meerderheid nie wit is nie, na Duitsland is, terwyl byna een miljoen hoofsaaklik wit Duitsers padgegee het.

Sowat 998,000 inwoners het besluit om Duitsland te verlaat, dus 83000 of nege persent meer as die vorige jaar.

Vandaar die oorskot bereken as net minder as 1 140000 instromelinge, maar die oorwig nie-blankes is heelwat groter.

Verrassend is slegs sowat 15 persent afkomstig uit lande wat geraak word deur hoë werkloosheid soos Griekeland, Italië, Portugal en Spanje.

Met die uitsondering van Italië, het immigrasie uit hierdie lande, wat onder skuld en finansiële krisis gebuk gaan, onlangs weer verlangsaam.

Immigrante verkies dikwels deelstate met goeie werksgeleenthede, maar trek graag na waar hulle etniese groep teenwoordig is. Immigrante uit Noord-Afrika verkies byvoorbeeld om dié rede NRW en Pakistani’s trek na Hesse.

Die getal emigrante het ook gestyg tot ‘n rekordvlak: 998000 mense het hul rug op Duitsland gekeer, nege persent meer as die vorige jaar.

Die Duitse owerhede hoop dat die jong manlike instromelinge die stagnerende arbeidsmark kan red en dat gryssorg deur hierdie immigrante behartig sal word.

Blykbaar het niemand in Duitsland nog verder as hierdie twee oppervlakkige kwessies gedink nie.

Terreuraanval in Nice: dodetal kruip na 84

Die dodetal in gisteraand se terreuraanval in Nice, Frankryk, het intussen gestyg tot 84 mense, met ‘n verdere 18 wat in ‘n “uiters ernstige toestand verkeer”, volgens die jongste inligting van die Franse ministerie van binnelandse sake wat ook vir veiligheid verantwoordelik is. Die vorige syfer wat vrygestel is, was ten minste 80 mense dood, waaronder ook kinders. Daar bestaan ook 50 “lig beseerdes” en 120 ander mense wat “geraak” is, wat in ‘n skoktoestand verkeer en deur die nooddienste behandel word, het ‘n woordvoerder van die ministerie, Pierre-Henry Brandet, gesê.

Tydens die aanval deur ‘n Franse Tunisiër omstreeks elfuur gisteraand tydens die Bastille-dagvieringe in die kusstad Nice, het hy ‘n groot wit vragmotor in ‘n skare in die strandgebied ingery, asook op hulle losgebrand met ‘n outomatiese wapen. Die aanvaller is kort daarna deur die polisie doodgeskiet. Frankryk verkeer steeds in ‘n noodtoestand ná die terreuraanval verlede jaar op 13 November toe 89 mense in die Bataclan-teater in Parys deur Moslem-terroriste gedood is. In ‘n TV-uitsending in die vroeë oggendure het Frankryk se ongewilde Sosialistiese President, François Hollande, bevestig dat die Nice-voorval as ‘n “terreurdaad” beskou word, asook aangekondig dat die noodtoestand in die land met ‘n verdere drie maande verleng word.

In die VSA het Donald Trump in sy reaksie op die gebeure in Frankryk vir Barack Obama daarvan beskuldig dat hy nie wil erken dat “radikale Islamitiese terreur” vandag ‘n groot probleem is nie.

Trump ignoreer uitnodiging van NAACP

Die swart Amerikaanse aktivistegroep, die NAACP sê die Republikeinse presidensiële kandidaat Donald Trump het ‘n uitnodiging om aan ‘n opkomende byeenkoms van die groep deel te neem, geïgnoreer.

Dus is die gevestigde presedent van deelname deur ‘n kandidaat in die Amerikaanse resies om president te word, nie gevolg nie.

Daarmee het Trump besluit om nie enige belang aan ‘n groep swart rassiste te verleen met sy teenwoordigheid nie.

Dit beklemtoon ook opnuut die intuïsie van die GOP-vaandeldraer om eerder op wit kiesers te fokus en ooglopende swart raslokvalle te vermy.

Die NAACP-president Cornell William Brooks het Dinsdag aan CNN gesê dat Trump die uitnodiging om op te tree by hulle Cincinnati-byeenkoms, geskeduleer om vanaf Saterdag tot Woensdag te duur, van die hand gewys het.

Die Demokratiese genomineerde aanspraakmaker Hillary Clinton sal na verwagting volgende Maandag daar optree, omdat sy afhanklik is van swart stemme.

Die Republikeinse Nasionale Konvensie sal op dieselfde dag regoor die staat van Cleveland open.

Die Trump-veldtog het ook nie Dinsdagaand reageer op ‘n Associated Press-versoek om kommentaar te lewer nie.

Brooks het gesê hoewel lede van die Trump-veldtog ‘n skeduleringskonflik aangedui het, omdat Trump formeel op dieselfde dag die nominasie van die party sal aanvaar, moes Trump voor hulle opgetree het.

Brooks het uitgevaar teen Trump en gesê hy moes tyd ingeruim het te midde van die “rassistiese” moorde van swart mans deur polisiebeamptes in Louisiana en Minnesota, gevolg deur die moord op vyf wit Dallas polisiebeamptes deur ‘n swart sluipskutter.

Die jongste QUINNIPIAC-peiling toon dat Trump en Hillary in Ohio kop-aan-kop is en dat hy in Pennsylvania en Florida ‘n voorsprong het.

Die wedloop is straf, maar Paul Manafort, Trump se nuwe veldtogbestuurder se onbetwisbare leierskap is reeds sigbaar.

Trump het onlangs homself beperk tot slegs ‘n paar groot toesprake om sy retoriek beter te omskryf, onnodige strydpunte te vermy en het Hillary intussen aan haarself oorgelaat om haar eie foute te belig.

Vrese dat konflik in Suid-Soedan kan hervat

‘n Swaar bewapende Ugandese militêre konvooi het Donderdag die grens na Suid-Soedan oorgesteek om die land se burgers wat in Jaba vasgekeer is, na veiligheid te neem, het AFP berig.

Dit kom midde vrees dat die intensiewe gevegte van verlede naweek enige oomblik weer kan uitbreek, ondanks die skietstilstand-ooreenkoms wat steeds van krag is.

Die Verenigde Nasies het gewaarsku oor die gespanne toestand in die land en die moontlikheid van nuwe geweldpleging.

Die Ugandese konvooi van ongeveer 50 vragmotors, wat vergesel word van gepantserde voertuie wat met masjiengewere bewapen is, het die grens by Nimule oorgesteek om ‘n veilige korridor vir vlugtende burgerlikes op die 200 kilometer lange pad tussen Juba en Nimule te open.

“Ons beplan om na Juba te gaan en ongeveer 3 000 Ugandese wat daar gestrand is en die land wil verlaat, na veiligheid te neem,” het Uganda se weermaghoof, brigadier Leopold Kyanda, gesê.

Kyanda sê die sending sal tussen twee en drie dae duur.

Die Ugandese weermag het aan die kant van pres. Salva Kiir geveg nadat die burgeroorlog in Desember 2013 uitgebreek het tussen magte lojaal aan hom en magte wat deur die visepresident Riek Machar gelei is.

Van buite Juba is berigte van geweldpleging in die dorpe Leer in die Eenheidstaat en Wau in die westelike Bahr el Ghazal-staat ontvang. Die weermag en rebellemagte het ook in die omgewing van Malakal in die Bo-Nyl-streek gemobiliseer.

Handelsvlugte is gister uit Juba hervat. Vliegtuie wat aangekom het was leeg en het stampvol vertrek met mense wat desperaat was om die stad te verlaat. Spesiale huurvlugte neem buitelanders sedert Woensdag uit die land.

‘Groter as Churchill se taak’

Koningin Elizabeth II het die nuwe leier van die Konserwatiewe Party, Theresa May, ingeroep om ‘n nuwe regering saam te stel, het AFP berig.

Europese leiers het reeds gevra dat Brittanje vinnig moet optree om die skeiding van die EU te formaliseer. May het egter aangedui dat sy nie aangejaag sal word nie.

Die 59-jarige dogter van ’n dominee, is Brittanje se tweede vroulike premier met die oorspronklike “ystervrou”, Margaret Thatcher, wat die weg gebaan het.

May staar groot uitdagings in die gesig en sal alles in haar vermoë moet doen om ernstige verdeeldheid in die geledere van die Konserwatiewe Party te oorbrug en die potensiële ekonomiese afname ná uittrede uit die EU, te behartig.

Nog ’n groot uitdaging is om pro-EU Skotland te verhinder om weer ‘n veldtog vir onafhanklikheid te voer ten einde in die EU te bly. Sy sal ook nuwe globale handelsbande en diplomatieke alliansies in die ná-Brexit-era moet smee.

The Guardian het Woensdag berig: “Sy kom aan bewind in ’n tyd wat Churchill sou uitgedaag het.”

May het saam met Cameron die siening gesteun dat Brittanje in die EU moet bly, en sy sal nou Euro-skeptici in haar eie party en die land moet oortuig dat sy nie van plan is om die implementering van uittrede uit die EU te systap nie.

“Brexit beteken Brexit en ons gaan ’n sukses daarvan maak,” het sy gesê.

Sy is gewild in en om Maidenhead, die welaf dorp wes van Londen, wat sy sedert 1997 in die Britse parlement verteenwoordig.

May het pas vir Boris Johnson as die minister van Buitelandse Sake aangestel.

Sy is ongelukkig eerder bekend vir haar skoenliefde, veral luiperdvel-laarse, wat gereeld in die Britse pers opgemerk word.

Sy is selfs afgeneem waar haar skoenhak net voor 10 Downingstraat in die sypaadjie vashaak.

Frankryk vier ‘n triestige 14 Julie

Frankryk vier vandag ‘n triestige 14 Julie in ‘n gees van waaksaamheid onder ‘n noodtoestand.

Die tradisionele militêre parade sal plaasvind, maar onder streng toesig.

Die 3239 soldate wat in die Champs Elysees sal afmarsjeer, sal deur meer as 3000 polisie en gendarmes beskerm word, het die Paryse polisiehoofkwartier Woensdag gesê.

Die mees ongewilde President van die Republiek, Francois Hollande sal om 10:10 onder die Arc de Triomphe die saluut ontvang.

Die verhoog sal by Place de la Concorde opgestel wees, met die teenwoordigheid van lede van die regering wat na die parade sal kyk. Dit sal ook goed bewaak wees.

Later in die aand is daar ‘n konsert gevolg deur die gebruiklike vuurwerke, maar 2500 lede van die veiligheidsmagte het reeds voorfiltrering maatreëls en toegangsbeheer geïmplementeer.

Die publiek word genooi om deel te neem, maar die gebruiklike konsert sal nie aan die voet van die Eiffeltoring plaasvind nie, maar in die Joseph Bouvard-laan, het die woordvoerder van die polisieprefektuur van Parys gesê.

Die ikoniese toeriste-aantreklikheid is gesluit nadat vandale daarop toegesak het.

Meer as 10,000 lede van die veiligheidsmagte is gemobiliseer om verdere openbare geweld te voorkom soos met die onlangse stakings en Euro 2016 sokkertoernooi.

Eiffeltoring gesluit vir toeriste na openbare geweld

Die Franse owerhede het Maandag besluit om die toegang tot die Eiffeltoring te sluit ná ernstige onrus in die omgewing.

Die 0-1 nederlaag van die Franse sokkerspan teen Portugal in die finaal van die Euro2016-toernooi het tot die oproer by die toring gelei. Voertuie is ook aan die brand gesteek.

‘n Woordvoerder van die maatskappy wat die Eiffeltoring bestuur (SETE, in Frans), het gesê die sluiting is te danke aan veiligheidsmaatreëls en die skade wat veroorsaak is deur duisende ondersteuners wat die Champ de Mars verniel het.

Die Franse sokkerspan en hul ondersteuners is oorwegend swart.

Met die opening om 16:00 tot 19:00 plaaslike tyd Sondag, was daar nagenoeg 90.000 mense in die gebied.

Daar was byna 1500 soldate ontplooi om beskerming te verleen. Hulle moes uiteindelik waterkanonne gebruik en traangas inspan om die daaropvolgende openbare geweld ná die nederlaag te probeer verhoed.

Die woordvoerder van die SETE het gesê dat die Franse nederlaag daartoe gelei het dat baie van die aanwesiges op die terrein die hindernisse begin afbreek het en ‘n belangrike deel van die infrastruktuur in die plek langs die die monument vernietig het.

Die soldate het egter gekeer dat die oproermakers verder binnedring. Die molesmakers was gelukkig nie in staat om toegang die installasie self te verkry nie.

As gevolg van botsings met die polisie in die Franse hoofstad is honderde in hegtenis geneem wat nou moontlike eise vir koste vir die skade wat hulle veroorsaak het, in die gesig staar.

Verlede maand is die plein ook ontsier deur geweld toe honderde gemaskerde betogers met polisie in Parys slaags geraak het tydens ‘n betoging teen omstrede veranderinge aan Frankryk se arbeidswette.

Die botsings het uitgebreek terwyl die internasionale kollig op Frankryk was as die gasheer van Euro 2016, wat ook gekenmerk is deur geweld tussen mededingende sokkerondersteuners, veral Britte.

Stakings het ook tot die sluiting van die Eiffeltoring gelei en vervoer ontwrig.

Amerikaanse soldate na Suid-Soedan

Sowat 40 Amerikaanse spesialemaglede is inderhaas na die VSA se ambassade in Juba, Suid-Soedan, terwyl die land op die rand van nog ‘n burgeroorlog verkeer.

Die troepe sal sekuriteit by die ambassade versterk en help om nie-noodpersoneel te ontruim, sê Samantha Reho, ‘n woordvoerder van VS-Afrika-bevel.

“Verskeie voertuie uitsluitlik vir gebruik in die beskerming van die ambassade sal gestuur word,” het Reho gesê.

Sy wou nie enige ander inligting verskaf oor die betrokke eenheid nie met verwysing na operasionele veiligheid.

Die stilte het intussen Dinsdag die hoofstad neergedaal nadat ’n skietstilstand-verklaring minstens tydelik ’n einde aan vier dae se deurlopende skietgevegte in die stad gemaak het.

Dit is te vroeg om te sê of die skietstilstand gehandhaaf sou word waarvoor pres. Salva Kiir én sy opponent, visepres. Riek Machar, gevra het.

Die kalmte het burgerlikes ten minste die geleentheid gegee om hul huise te verlaat.

Geen gewapende helikopters was in die lug nie en geen tenks in die strate nie. Die geluide van artillerie-vuur was stil en soldate het in hul barakke gebly, het AFP berig.

Die kalmte is deur Juba se inwoners verwelkom wat hulself die afgelope dae binnenshuis skuilgehou het.

Meer as 300 soldate is Vrydag dood toe gevegte die aand in alle erns uitgebreek het. Saterdag, met die herdenking van onafhanklikwording, het die gevegte bedaar, maar Sondag weer opgevlam.

Ondanks die verposing in vyandelikhede, bly die situasie in Juba gespanne.

Theresa May knoei haar pad na premierspos oop

Die skielike onttrekking van Andrea Leadsom (foto hierbo) as kandidaat vir die leierskap van die Konserwatiewe Party in Brittanje, is deur die media moontlik gemaak wat haar opmerkings oor ma-wees in ‘n kwade lig gestel het.

Haar enigste teenstander, Theresa May, was daarna die enigste kandidaat.

As Leadsom nie onttrek het nie, kon die opvolgkwessie tot September geduur het en dit sou die Konserwatiewes meer tyd gegun het om ‘n beter kandidaat as May te stel.

Leadsom was nie opgewasse teen die onverwagse vyandige media-veldtog nadat sy gesê het moederskap gee haar ‘n voorsprong bo die kinderlose May nie.

Andrea Leadsom het aan die Telegraph gesê sy is “siedend kwaad” oor die media-manipulasie en bygevoeg dat Brittanje “regte” ‘n Brexit-kandidaat verdien, iets wat ‘n lang skadu oor May se opregtheid kaats.

In haar uittredetoespraak het Leadsom egter die cliché herhaal dat sy dit in die belang van die land doen, want sakelui het sekerheid nodig ná die Brexit-referendum.

Cameron het Dinsdag as premier in die Britse Laerhuis uitgetree toe hy sy bedanking by die paleis ingedien het. Ná die Brexit-referendum was die plan dat hy in Oktober sou uittree.

Maandag is May (59) as leier van die Konserwatiewe Partye aangewys nadat sy vroeër glo ook van Boris Johnson ontslae geraak het.

Skindertonge beweer Boris Johnson is op aandrang van May se ondersteuners deur Michael Gove, sy kollega in die Brexit-veldtog, uit die wedloop gedwing.

Gove, wat eers voorgegee het dat hy Johnson steun, het skielik sy eie kandidatuur aangekondig, en gesê hy glo nie Johnson “het die nodige leierskapsvaardighede” om die land te lei nie.

Dit was ‘n deursigtige manier om May se kanse om as premier aangewys te word, te bewerkstellig, aangesien Gove allermins self oor leierseienskappe beskik.

Gove se kanse op bevordering lyk egter nou rooskleurig met May aan die stuur.

“Die land het gestem om die Europese Unie te verlaat en as eerste minister sal ek seker maak dat ons die Europese Unie verlaat,” het May Dinsdag verklaar, maar haar toewyding aan Brexit bly ‘n ope vraag.

Dit is bekend dat May se ondersteuners in die Konserwatiewe Party gekant was teen Brexit en haar kennelik wil inspan om dit in hulle guns te bestuur.

Die druk het Maandag reeds begin opbou dat May ‘n vroeë verkiesing uitroep, maar sy het haar party belowe sy sal dit nie oorweeg nie.