Internasionale nuus – Bladsy 29

Was Guantanamo opleiding vir militante?

In die eerste ses maande van 2016 het nog twee militante, wat deur Amerika van die vlootbasis by Guantanamo-baai, Kuba bevry is, na die slagveld teruggekeer, het die Amerikaanse regering Woensdag bekend gemaak.

Washington het bevestig dat altesaam nege van die mense wat tot dusver uit Guantanamo vrygelaat is, weer by militante groepe aangesluit het, sedert pres. Barack Obama in 2009 aan bewind gekom het. Dit blyk uit ’n verslag van die kantoor van die direkteur van Nasionale Intelligensie (ODNI).

Amerika het die gevangenis by Guantanamo in 2002 geopen, die jaar ná die terreuraanvalle op New York en Washington op 11 September 2001, om diegene wat as vermeende buitelandse terroriste beskou word, aan te hou.

Die meeste is vir meer as tien jaar sonder ’n verhoor aangehou.

Dit het skerp internasionale veroordeling uitgelok.

Obama het gehoop om die gevangenis in die eerste jaar van sy ampstermyn te sluit. In Februarie vanjaar het hy met ’n plan vorendag te kom om dit te sluit, maar dit word deur Republikeine en lede van sy eie party teengestaan.

Volgens statistiek deur die ODNI het Obama se voorganger, pres. George W. Bush, se administrasie aansienlik meer mense uit Guantanamo vrygelaat as wat onder die Obama-administrasie die geval was.

Volgens die verslag het 113 van die 532 aangehoudenes wat deur Bush vrygelaat is na die gevegsfront teruggekeer teenoor die nege wat sedert 2009 deur Obama onset is.

In totaal het die Obama administrasie 161 mense sedert 2009 vrygelaat.

Oorgrens-aanvalle deur Boko Haram eis sewe

Sewe soldate van Niger is vermoor en agt ander gewond in twee afsonderlike aanvalle die afgelope week deur Boko Haram Islamiete, het ’n weermagwoordvoerder in Niamey gesê.

Die twee aanvalle het in die suidoostelike Diffa-streek ná aan die grens met Nigerië plaasgevind.

Vyf soldate is in ’n lokval Maandagoggend dood en ses is beseer. In ’n vroeëre aanval is twee soldate dood en nog twee gewond toe hul patrollievoertuig oor ’n selfvervaardigde ploftoestel gery het, lui ’n verklaring van die weermag.

Boko Haram se sewe jaar lange insurgensie het reeds die lewens van meer as 20 000 mense in Nigerië en grensgebiede in naburige Niger, Tsjad en Kameroen geëis en meer as 2,6 miljoen mense haweloos gelaat.

Ebola-grense weer oopgestel

Die Ivoorkus het sy westelike grens met Liberië en Guinee heropen twee jaar nadat dit in Augustus 2014 gesluit is om die verspreiding van die Ebola-virus te verkom.

Die virus het die lewens van duisende mense in Wes-Afrika geëis.

Ongeveer 29 000 mense het die hemorragiese koors in die eerstes twee jaar van die uitbreking, die ergste nog op rekord, opgedoen. Meer as 11 000 mense is dood voordat dit finaal in Junie vanjaar beëindig is. Die meeste sterftes was in Guinee, Liberië en Sierra Leone.

“Ons moes hierdie maatreëls tref om ons land te beskerm. Die feit dat ons nie ’n enkele geval gehad het nie, kan as werklike welslae beskou word,” het ’n regeringswoordvoerder, Bruno Kone, gesê met verwysing na die grenssluiting.

Trump trek voor Clinton in Ohio en Florida, twee sleutelstate

Met slegs agt weke oor voor die Amerikaanse presidentsverkiesing, trek Donald Trump voor Hillary Clinton in meningsopnames in beide Ohio en Florida, twee van die sleutelstate wat gewoonlik die wenner in die wedstryd om Withuis toe te gaan, bepaal.

‘n Meningsopname deur CNN/ORC in die twee state toon dat waarskynlike stemmers in Ohio met 46% vir Trum sal stem, teenoor 41% vir Clinton, terwyl 8% die Libertariese Party van Gary Johnson en 2% die Groen Party van mev. Jill Stein sal ondersteun. In Florida skaar 47% van waarskynlike stemmers hulle agter Trump, met 44% agter Clinton, teenoor 6% vir Johnson en 1% vir Stein.

Trump geniet meer steun onder mense wat vas van plan is om te stem. As louwarm kiesers in ag geneem word wat moontlik nie op stemdag by die stembus sal opdaag nie, wen Clinton met ‘n skrale 1% in Florida, met 45% teen 44% vir Trump, maar selfs in dié geval verloor sy met 43% teenoor 39% in Ohio, met Johnson wat 12% verkry.

Meerderheid blanke kiesers steun Trump

Iets wat ook uit die jongste meningsopnames blyk, is dat Trump by verre die meerderheid steun onder blanke kiesers geniet. In Ohio geniet Trump 22 persent meer steun onder blankes as onder nie-blankes, terwyl sy voordeel onder blankes in Florida so hoog soos 29 persentasiepunte is. Aan die ander kant steun nie-blankes in beide state oorwegend vir Clinton. Sy geniet 70 persent meer steun as Trump onder nie-blankes in Ohio.

Selfs onder opgevoede blankes wat deur Amerika se links-liberale universiteite gebreinspoel is om die blanke beskawing te haat, geniet Trump tans die meerderheid steun. Hoewel Clinton ook oor taamlik steun onder blankes met universiteitsgrade beskik, daal haar steun onder blankes sonder grade drasties tot minder as 30 persent omdat daardie blankes haar as antiwit beskou. In beide Ohio en Florida het Trump se steun onder blanke graduandi gestyg: in Ohio met 9 persentasiepunte en in Florida met 8 persent.

Teenoor die toestand in middel-Augustus toe die VSA se liberale media gepoog het om Clinton as die aangewese president aan te bied omdat Trump plek-plek besig was om in die die meningsopnames terug te sak, is die geveg nou voluit aan die gang met Trump wat as moontlike wenner uit die stryd mag tree. Oor die algemeen is kiesers meer geesdriftig oor Trump, teenoor Clinton wat as onbetroubaar en oneerlik gesien word.

Meer mense in beide state sien Clinton as iemand wat “gedeelde waardes” beliggaam (47% teenoor 41% vir Trump) en as iemand wat die verantwoordelikheid van opperbevelvoerder van die VSA sal kan hanteer, maar 47% beskou Trump as eerlik en betroubaar teenoor slegs 40% wat Clinton vertrou of as eerlik sien. Twaalf persent van kiesers vertrou nie enigeen van die twee nie.

Die CNN/ORC-meninsopnames is vanaf 7 tot 12 September per telefoon uitgevoer. Die uitslae in Florida is gegrond op ‘n ewekansige steekproef van 1 003 volwassenes wat in die deelstaat woon, waaronder 788 wat waarskynlik in November gaan stem. In Ohio is onderhoude met ‘n ewekansige steekproef van 1 006 volwasse inwoners van die deelstaat gevoer, waaronder 769 waarskynlike stemmers. In beide state is die moontlikheid vir ‘n statistiese fout 3,5 %.

Hillary is nie eerste vroulike Amerikaanse presidentskandidaat nie

Hillary Clinton se aanspraak dat sy die eerste vrouekandidaat vir president sal wees, is nie waar nie.

Amper ‘n eeu en ’n half voordat Clinton die Demokratiese Party se presidentskandidaat geword het, het Victoria Woodhull (foto), ’n aktivis van Ohio, die eerste vrou geword om as presidentskandidaat te staan.

Sy was ook die eerste vrou wat ‘n komitee van die Amerikaanse Kongres toegespreek het.

Sy is in 1872 deur die klein “Equal Rights Party” genomineer om teen die Republikeinse presidentskandidaat, Ulysses S. Grant, te staan.

Dit was nog voordat vroue stemreg in Amerika gehad het.

Woodhull het net drie jaar skoolgegaan. Sy is later getroud met ‘n alkoholis en mediese dokter, maar het hom verlaat weens sy rokjagtery.

Sy en haar suster het uiteindelik as suksesvolle makelaars op Wallstraat gewerk.

Die Victoria Woodhull-gedenkkloktoring in Granville, Ohio is ter ere van haar opgerig.

VSA en Rusland verleng Siriese skietstaking

Amerika en Rusland het ingestem om die skietstaking in Sirië met nóg 48 uur te verleng. ‘n Ooreenkoms tussen die twee lande is bereik sodat samesprekings oor die beëindigiging van die inval in Sirië hervat kan word.

Konvooie met noodvoorraad het vroeër in Aleppo aangekom nadat hulle die Turkse grens oorgesteek het, maar wag vir die versekering dat dit veilig is om verder te ry.

Die vertraging met die aflewering van die voorraad is volgens berigte ‘n teken van die hindernisse van die skietstilstand.

Volgens die VSA moet Siriese regeringstroepe eersdaags uit Aleppo padgee.

Russiese spesiale magte sal nou amptelik die plek van die Siriese weermag langs die strategiese Castillo-hoofweg in die noorde van Aleppo inneem.

Die Siriërs het ingestem om 1km noord van die Castillo-snelweg te onttrek ten einde humanitêre hulp deur te laat.

Benewens Russiese besoekpunte, sal daar twee kontrolepunte langs die Castillo-snelweg opgerig word. Daar is volgens berigte op die Russiese soldate gevuur by een van dié kontrolepunte.

Die Siriese weermag het intussen aangekondig dat twee Israeliese tuie neergeskiet is waaronder ‘n vegvliegtuig asook ‘n Israeliese hommeltuig. Israel het nie die bewerings bevestig nie.

Die Demokratiese Amerikaanse presidensiële kandidaat Hillary Clinton die week ook ingestem om met die Oekraïnse president Petro Poroshenko asook die Egiptiese president Abdel Fattah al-Sisi te ontmoet, het haar veldtogbestuur Woensdag gesê.

Albei lande is sleutellande in die konflik in die Midde-Ooste. Hillary se teenstanders sê dat indien sy verkies word, sal die heersende vyandelikhede aansienlik uitbrei.

Dié ontmoetings wat by die Algemene Vergadering van die Verenigde Nasies sal plaasvind, het kommer laat toeneem oor Clinton se oorlogskoors.

ISIS se topbevelvoerder in Amerikaanse lugaanval dood

‘n Topbevelvoerder van ISIS, Aboe Mohamed al-Adnani is in ‘n Amerikaanse lugaanval dood.

ISIS het sy dood kort na die aanval aangekondig deur sy nuusagentskap Amaq.

Die Amerikaanse State Department het ‘n beloning van $5 miljoen belowe aan enige een wat hom om die lewe bring.

Foto’s van die terroristeleier is ook beskikbaar op die aanlynuitgawe van die Islamitiese Staat-groep (ISIS) se weeklikse tydskrif, Al-Nabaa.

Hy was die destydse woordvoerder van ISIS in Irak en die Levant en die bevelvoerder in Sirië en een van die organisasie se topleiers.

Die Pentagon het Maandag aangekondig dat Al-Adnani verlede maand in Amerikaanse lugaanvalle in die noorde van Sirië omgekom het.

“Die lugaanval naby Al Bab, Sirië het ISIS se hoofpropagandis, werwer en argitek van eksterne operasies van die slagveld verwyder,” het die Pentagon se mediasekretaris, Peter Cook, gesê.

Hy was die hoofargitek van aanvalle teen Westerse teikens.

In ‘n September 2014-toespraak het Adnani Islamiete aangemoedig om Europeërs om die lewe te bring op enige moontlike manier: “Vermorsel sy kop met ‘n klip, of slag hom met ‘n mes, of ry hom met jou motor dood,” het Adnani toe gesê.

Sweedse ekonoom waarsku dat laaggeskoolde instroming ‘tydbom’ is

Ten spyte van die aandrang van linkse Sweedse politici dat nie-blanke immigrante in Swede “hoogs opgeleide mense” is en ‘n “ekonomiese seën” sal word, het ‘n ekonoom Johan Javeus gewaarsku dat die nuwelinge laaggeskooldes is, en ‘n tikkende tydbom in die arbeidsmark.

Die Skandinawiese Individuele Bank (SWV) se ekonoom het gewaarsku dat die gebrek aan los werkies gekombineer met rekord hoë massa-migrasie ‘n tydbom is wat kan ontplof voor die verkiesings in 2018.

Maar die minister van arbeid Ylva Johansson het Javeus se kommentaar afgelag. Sy het die toestroming beskryf as ‘n “uitdaging wat bestuur kan word”.

Die minister het gesê die departement het “baie ver gekom”, maar kon geen besonderhede gee oor hoe die probleem van honderde duisende werklose immigrante in die herfsbegroting geakkomodeer gaan word nie.

Die doel van haar program is om alle nuwe aankomelinge binne twee jaar aan die werk te kry. Tot dusver het slegs ‘n skamele 31 persent van immigrante aan hierdie doelwitte voldoen.

Die oorgrote meerderheid van die nuwe aankomelinge in 2015 het baie min onderrig ontvang in die lande waaruit hulle kom, het Javeus aan Svenska Dagbladet gesê. Hy meen die gaping sal voortgaan om al groter te word.

Met die hoogtepunt van die migrasiekrisis in Europa verlede jaar, het premier Stefan Löfven Swede verseker dat immigrante wat die land oorstroom “hoogs opgeleides is wat die ekonomie sal bevoordeel”.

Daar is egter geen ekonomiese rede waarom Swede met die vooruitgang in tegnologie wat hul krimpende bevolking tot voordeel kan strek, hierdie massas nie-blankes hoef in te voer nie.

Gaboen se opposisie soek steeds bloed

Ontevredenes in Afrika sowel as Europa het op ‘n internasionale ondersoek na beweerde “massamoorde” deur soldate en lede van die polisiemag aangedring in Gaboen.

Hulle beweer dat gebeure gedurende die land se presidentsverkiesing wat naelskraap deur die dienende staatshoof, Ali Bongo gewen is, ondersoek moet word.

Aktiviste van “Tournons La Page” (Slaan ‘n nuwe blaadjie om), het in ’n verklaring gesê “baie slagoffers” is dood toe die weermag die “populistiese opstand ná die verkiesingoorname” onderdruk het.

Die swart Chinese opposisieleier, Jean Ping (foto), het verlede week die verkiesing by die land se hoogste hof uitgedaag, met Bongo wat hom daarvan beskuldig dat hy die opstand aangemoedig het.

Dit volg ná die bekendmaking van die verkiesingsuitslae wat met ’n skrale 6 000 stemme gewen is.

“Baie families soek nog na hul lede wat sedert 31 Augustus verdwyn het,” het Tournons La Page in ’n verklaring gesê.

Bongo en sy familie swat edert 1967 aan bewind is, ontken enige aandeel in die geweldpleging en gee vir Ping die skuld.

Ping se ondersteuners sê minstens 17 mense het slegs by die party se hoofkantoor omgekom, maar die minister van binnelandse sake ontken dit en sê net drie mense het in die geweldpleging gesterf.

Israeli president opgeneem na beroerte

Die voormalige Israelse eerste minister en president, Shimon Peres, is in die hospitaal opgneem ná ‘n ernstige beroerte.

Volgens berigte is hy aan ‘n asemhalingstoestel gekoppel.

Die 93-jarige langsdienende politieke figuur het vroeër vanjaar ‘n operasie ondergaan om ‘n pasaangeër te kry ná ‘n ligte hartaanval.

Peres het in die 1990’s ‘n sleutelrol gespeel in vredesonderhandelings in die Midde-Ooste en was in 1993 een van die argitekte van die Oslo-akkoord.

Hy het in 1994 as president van Israel die Nobelprys vir Vrede saam met sy destydse eerste minister, Yitzhak Rabin, en die Palestynse leier, Yasser Arafat, ontvang vir hul vredespogings.

Dié pogings het egter niks opgelewer nie.

Peres is in Pole gebore en was een van die stigterslede van die Arbeiders se Sioniste Jeugbeweging.

Libiërs neem olieterminale van VN-magte oor

Magte in die ooste het Maandag die Libiese olie-uitvoerhawe Zuwaytina van die Verenigde Nasies se eenheidsregering herower, ‘n swaar slag vir die VN-magshebbers.

“Ons magte het daarin geslaag om volle beheer oor Zuwaytina te verkry,” het Mohammad al-Azoemi gesê. Twee ander oliehawens, Al-Sidra en Ras Lanoef, is Sondag oorgeneem.

Al drie hawens aan die Middellandse see is in Libië se olieryke gebied geleë, wat as lewensnoodsaaklike bron van inkomste vir die regering in Tripoli beskou word.

‘n Woordvoerder vir die Ooste se owerheid, het aan AFP gesê die aanval was daarop gemik om volle beheer “terug te wen van die oliehalfmaan”.

Ras Lanuf en Al-Sidra saam hanteer 700,000 vate olie per dag, maar was vir maande gesluit na jihadistiese aanvalle.

ISIS het die stad van Sirte in Junie verlede jaar oorrompel ten spyte van die VN se teenwoordigheid, en vrese vir terreuraanvalle in Europa verhoog.

Sedert 2014 veg die oostelike magte teen die jihadiste in die tweede grootste stad Benghazi in die noordooste van die olieryke gebied.

Die VN se Libië-gesant, Martin Köbler het op Twitter gesê hy is “bekommerd” oor die gevegte. VN-lojaliste dreig tans met geweld.

“Olie behoort aan alle Libiërs,” het hy gesê. “Konflik kan slegs opgelos word deur middel van dialoog, nie geweld nie.”

Mattia Toaldo, ‘n deskundige van die Council on Foreign Relations, het ook gedreig en gesê die beslaglegging van die terminale kan ‘n “dodelike slag vir die oliesektor Libië beteken”.

“Tensy daar baie vinnige mediasie is, kan dit lei tot konflik en ‘n finale slag vir Libië se olie-industrie,” het Toaldo gewaarsku.

Olie is Libië se hoofinkomste met reserwes beraam op 48 miljard vate, die grootste in Afrika.

Amerikaanse bomwerpers oor Suid-Korea in magsvertoon

Twee groot Amerikaanse strategiese bomwerpers (foto) het Maandag oor Suid-Korea gevlieg as magsvertoon teen Noord-Korea wat onlangs die vyfde en grootste kerntoets ooit uitgevoer het.

Die supersoniese B-1B Lancers het die lugruim oor die VSA se Osan-lugbasis by Pyeongtaek, 64km suid van Seoel, omstreeks 10:00 (01:00 GMT) bereik.

Elke vliegtuig, van die VSA se Pacific Command by Andersen-lugmagbasis het opgestyg uit Guam, en is begelei deur Amerikaanse en Suid-Koreaanse vegvliegtuie.

“Vandag bied net een voorbeeld van die volle omvang van die militêre vermoëns en die aansienlike hulpbronne van hierdie sterk alliansie wat ‘n uitgebreide verdedigingstelsel bied en versterk”, het generaal Vincent Brooks, bevelvoerder van die Amerikaanse en Suid-Koreaanse gesamentlike magte gesê.

“Die kerntoets deur Noord-Korea is ‘n gevaarlike eskalasie en hou ‘n onaanvaarbare bedreiging in,” het hy bygevoeg en gesê die VSA het ‘n “onwrikbare verbintenis” om bondgenote te verdedig in die streek.

Die Amerikaners “sal die nodige stappe neem, insluitend die Hoëhoogtelugafweerstelsel oftewel Terminal High Altitude Air Defence (THAAD) na die Koreaanse skiereiland ontplooi”, het Brooks gesê.

Suid-Korea het in Julie planne om THAAD te ontlpooi aangekondig, ‘n gesofistikeerde Amerikaanse lugafweerstelsel om groeiende kern en missielbedreigings uit die Noorde teen te werk.

Maar China glo dit kan ook gebruik word om sy eie verdediging in gevaar te stel, en het ten sterkste beswaar gemaak.

Die plan het ook weerstand van inwoners van die suidelike provinsie van Seongju uitgelok, die beplande oprigtingsgebied.

Suid-Koreaanse opposisiepartye is teen THAAD gekant en sê dit kan eskaleer na ‘n wapenwedloop in die streek en bande met China benadeel.

Suid-Korea is die tuiste van sowat 28 500 Amerikaanse troepe en talle basisse.

Noord-Korea is intussen besig om te mobiliseer om die nagevolge van rampspoedige vloede, wat meer as 130 lewens geëis het, tienduisende huise verwoes en die infrastruktuur beskadig het, in die mees noordelike provinsie te bestuur.

Brigades soldate van oral in die land is opgeroep om slagoffers van die vloede wat op 29 Augustus begin het en deur die tifoon, Lionrock veroorsaak is, by te staan.

Volgens Noord-Koreaanse media is dit die ergste neerslae en sterk winde wat die land sedert 1945 getref het.

Skokkende beelde van Clinton wat ineenstort

Terwyl dit beslis waar is dat gesonde mense soms flou word, sal dit ook dom wees om bloot te aanvaar dat ‘n persoon wat flou word op ‘n matige warm dag, blakend gesond is.

Dit sal nog dommer wees as juis daardie persoon wat voorheen flou geword het – aan harsingskudding en ‘n bloedklont – dan beweer dat ‘n Amerikaanse federale wetstoepassingagentskap haar beserings as ernstig genoeg beskou om belangrike leemtes in haar geheue te verskoon.

Ten slotte, is dit die absolute hoogtepunt van onsin om Hillary se woord te aanvaar oor haar eie “goeie” gesondheid.

Die skokkende toneel wys hoe Clinton inmekaarsak en die laaste meter tot in haar voertuig letterlik gesleep moet word deur haar veiligheidspersoneel, met haar bene wat onder haar ingee. Sy verloor ook ‘n skoen in die proses.

Haar span het daarna verslaggewers “heeltemal in die donker gehou vir 90 minute,” en na bewering enige een verbied om haar motor te volg.

Gegewe haar geskiedenis van aanhoudende, volgehoue, oorkoepelende, deurlopende en meedoënlose oneerlikheid oor feitlik elke aspek van haar persoonlike en openbare lewe, is dit regtig so ongeloofwaardig dat sy oor haar gesondheid ook sal lieg?

Al wat geloofwaardig sal wees, is ‘n onafhanklike mediese opinie oor Clinton se toestand. Deursigtigheid is nou dringend nodig en Clinton skuld die Amerikaanse kieser ‘n antwoord.

Hillary se gesondheidstoestand is ‘n probleem, maar haar span steek iets weg. Vrydag, tydens ‘n opvolgevaluering rakende haar langdurige hoes, is sy glo gediagnoseer met “allergië” en “longontsteking”, volgens haar dokter Lisa Bardack.

Die medikus het in ‘n verklaring gesê Clinton is op antibiotika, sy moet rus en haar skedule is aangepas.

Maar longontstekening het Clinton nie verhoed om roekeloos ‘n kind op straat te omhels in New York Sondag nie, ten spyte van die feit dat die siekte aansteeklik is. Sy is glo twee dae tevore gediagnoseer met longonstekening en het dus geweet sy kon die dogtertjie aansteek.

Clinton het met dié geleentheid aan die media vertel sy voel “wonderlik, net wonderlik”.

Andrea Mitchell het vroeër aan CNN gesê dat Hillary is “blakend gesond”, en enige kommer is deel van ‘n “Donald Trump-samesweringsteorie”.

VSA, Japan veroordeel Noord-Korea se grootste kerntoets

Washington en Tokio dring daarop aan die “sterkste moontlike” maatreëls teen Noord-Korea ingestel word nadat dié land Vrydag sy grootste en kragtigste kerntoets ooit uitgevoer het, het ‘n top Amerikaanse gesant oor die naweek gesê.

Meteorologiese agentskappe het vroeg Vrydagoggend ’n seismiese skudding naby Noord-Korea se kerntoetsterrein waargeneem.

Volgens Amerikaanse, Europese en Chinese agentskappe het dit volgens die Amerikaanse geologiese opname 5,3 geregistreer.

Noord-Korea se optrede is uit verskeie oorde skerp veroordeel. Die VN-veiligheidsraad het sedert 2006 ’n aantal belangrike resolusies aanvaar wat sanksies teen Noord-Korea instel en verskerp omdat die land voortgaan om sy kernwapenprogram te ontwikkel.

Sung Kim, die Amerikaanse departement van buitelandse sake se spesiale gesant vir Noord-Koreaanse beleid, het ook laat blyk dat die VSA moontlik sy eie sanksies gaan instel in reaksie op Noord-Korea se “uitdagende en onaanvaarbare” optrede.

“Ons sal ten nouste binne die VN-veiligheidsraad en daarbuite saamwerk om met die sterkste moontlike maatreëls teen Noord-Kore se jongste optrede vorendag te kom,” het hy aan joernaliste in Tokio gesê ná afloop van ‘n vergadering met sy Japannese ampsgenoot, Kenji Kanasugi.

“Bykomend tot sanksies deur die VN-veiligheidsraad, sal beide die VSA en Japan in samewerking met Suid-Korea ook kyk na eensydige sanksies,” het Kim gesê sonder om verdere besonderhede daaroor te verstrek.

Noord-Korea hou ondanks vyf verskillende stelle sanksies sedert 2006 deur die VN-veiligheidsraad vol dat hy met kerntoetse sal voortgaan.

Die internasionale gemeenskap het die naweek langs allerlei diplomatieke kanale probeer om China sover te kry om Pyongyang te oorreed om die VN-sanksies te gehoorsaam.

China het gesê hy “verwerp die toetse ten sterkste”, maar ontleders meen Beijing probeer die val van Noord-Korea voorkom ten einde te verhoed dat die magsbalans in die Koreaanse skiereiland na die VSA oorhel.

Volgens Kim sal Washington egter volhou met die gesprekvoering met China oor die jongste krisis. “Ons sal voortgaan om China te probeer oorreed om die bestaande sanksies te implementeer en met ons saam te werk ten einde te verseker dat Noord-Korea se gedrag en optrede verander,” het hy gesê.